رواية في السماء نور – الفصل الأول
رواية 
في السما نور
في السما نور الفصل الأول / بدايتي معك ♧ p 1 ♧
¤ في السماء، أبحثُ عن كلِ الدروبِ التي مشيناها معاً، عن الطرقاتِ التي ظلَ عِطرُكَ معلقاً بها، أبحثُ عن الدقائقِ التي ابتسمتَ فيها، والساعاتِ التي لوحتَ لي بها لكي أراك؛ ما كُنتُ يوماً سوى روحٍ تبحثُ في روحها عنك، وتطيلَ النظرَ في العابرينَ الذينَ يشبهونك، كأنَّهم أنت.!
¤
¤أنا تيا .. في طريقي دلوقتي لبيتي عشان أدرس الحاله ، هي غريبه فعلا زي ما الدكتور وصفها فوبيا البالونات ! هي تافهه طبعآ للبعض بس انا مقدره فكرة إنك تكون مرعوب من حاجه ووشك يصفر ودقات قلبك تسرع والدنيا تسود ف عينيك لما تشوفها ، بس مع ذلك فضولي هيقتلني الشخص دا عايش حياته ازاي طريقته ستايله شكله ..
هاتف تيا يرن
إلتقطت هاتفها وهي تقود سيارتها ثم ردت وقالت : إزيك يا قلبي
نسيمه صديقة تيا : مش قادره أستنى تكلميني عن مقابلتك مع الدكتور
تيا : ولا أنا قادره أصبر أحكيلك ، انا لسه خارجه من عنده وسايقه مروحه البيت هتغدى وأقرأ الفايل اللي استلمته وهستناكي تيجي تباتي معايا عشان في تجهيزات وتحضيرات مهمه
نسيمه : اوووه حالا هلبس
تيا : يا بنتي هتغدى لسه
نسيمه : نتغدى سوا أنا بحب أكل طنط أصلا
تيا : يا تقيله طب مستنياكي ..
أغلقت تيا الهاتف ثم وصلت ألى منزلها وركنت السياره وصعدت
• داخل المنزل •
وضعت تيا حقيبتها والفايل على الطاوله ثم قبلت والدتها ونظرت لها وقالت : انا جيت يا ..
لم تكمل حديثها حيث نظرت إلى وجه والدتها ووجدت كدمه زرقاء بسيطه تحت عيناها ف قالت بهلع : ايه دا يا ماما ! هو مد ايده عليكي تاني !
والدتها : انا اللي عصبته
تيا بغضب : لا انتي معصبتيهوش انا لازم اتكلم معاه انا كش هستحمل يعمل معاكي كدا تاني
والدتها : يا بنتي لا
تيا : ماما خلاص its over
ذهبت تيا وطرقت باب غرفة والدها ثم دخلت وقالت بهدوء : بابا ؟
والدها : قبل ما تعاتبيني انا فعلا مقدرتش أتحكم في نفسي
دخلت تيا بهدوء وهي تبتسم ثم اغلقت الباب وجلست على ركبتيها أمام والدها وقبلت يده وهي تقول : مش احنا أتفقنا إن ماما طبرت ع انها تستحمل ضربك ؟ أنا عارفه إن نسبة الإدرينالين عندك عاليه بس احنا اتفقنا ناخد الأدويه بإنتظام ونطلع إنفعالاتنا في الرياضه
والدها : متكلمنيش بالطب يا بنت مازن ، قوليلي عملتي ايه في مقابلتك ؟
تيا وهي تتنهد : والله يا بابا ماشي الحال يعني إستلمت فايل اول حاله هشرف على علاجها
والدها : ممتاز دي بدايه حلوه ليكي
تيا : حلوه وصعبه في نفس الوقت ، الشخصيه اللي انا هعالجها شخصيه محبوبه واعتقد مشهوره وابن ناس أغنياء وحالهم المادي راقي وغير كدا حاصل على لقب ملك جمال عام ٢٠١٨ يعني مهم بالنسبه للبلد والشباب
والدها : طب وشخص زي دا هيكون محتاج يتعالج من ايه مثلا
تيا : مممم
والدها : مممم ايه ما تنطقي يا بنتي
تيا : هقولك بس متستهيفش
والدها : خير
تيا : عنده رهاب ال ballons بمعنى عنده فوبيا البالونات
والدها : اوعي يا شيخه بلاش هيافه
تيا : يا بابا من وجهة نظر حضرتك هي حاله تافهه لطن صدقني الرهاب دا مش مخليه يعيش حياته بشكل طبيعي يعني الحفلات وأعياد الميلاد والتجمعات العائليه بيعتذر عن كتير منها بسبب البالونات + عنده أخت صغيره إسمها ميلا البنت دي محرومه انها يكون عندها بالونه تلعب بيها بسبب مرض اخوها وخوفه منها وبعدين دا شخصيه عامه يعني بكرا عاملين حفله في قصر والده بيحتفلوا بانه حصل على لقب ملك جمال تخيل الحفله مش هيكون فيها بالونه واحده
والدها : ايوه يا بنتي بس دا هتعالجيه ازاي
تيا : ادعيلي انت بس انا هتغدى مع نسيمه وأسهر على الفايل بتاعه وبكرا هروح الحفله
والدها : نعم ؟
تيا : معلش يا بابا بس دا ضروري عشان يكون اول تعامل ليا معاه
والدها : هو اسمه ايه قولتيلي ؟
تيا وهي تعض شفتيها : هاري
والدها : ربنا يوفقك يا بنتي ..
• بعد الغداء وفي غرفة تيا •
كانت نسيمه تمسك الفايل وهي تنظر به وتقول : ماشاء الله ملامحه جمييييله يستحق فعلا لقب ملك جمال
تيا : خلينا في حالته دلوقتي ، تفتكري دا هيستوعب مراحل العلاج ؟
نسيمه بشغف : بقولك ايه ما تاخديني معاكي بكرة الحفله بليييز
تيا : لا لا نسيمه بقولك ايه انا حقيقي رايحه أشتغل أخدك فين وبعدين مش معايا غير دعوه واحده
نسيمه : هوووف طب هتلبسي ايه ؟
تيا : مش فارقه اي حاجه هو انا رايحه احتفل ولا رايحه اشتغل ؟
نسيمه : من دا على دا متبقيش دبش في حياتك كدا لازم تباني انك كول عشان حتى اهله يثقوا فيكي وبعدين انتي زي القمر يا تيا ومحتاجه لمساتي بس لإظهار جمالك
تيا : لا لا انا هلبس جيب و هيلز وبليرو
نسيمه : اه وماله وبالمره نظاره كعب كوبايه يا دكتوره بقولك ايه قومي معايا عشان اشوف هتلبسي إيه دا انتي رايحه قصر الكاشف
تيا : عرفتي منين انه ابن الكاشف
نسيمه : من الفايل بتاعه يا ناصحه
• صباح اليوم التالي •
كانت تيا تجلس على المرأه وتمشط خصلات شعرها البنيه الثقيله بشرود وهي مرتعده من ذلك اليوم استيقطت نسيمه خلفها وهي تقول : كويس اني صحيت هاسل وشي واجيب كوباية نسكافيه وهاجي اشتغل فيكي
تيا : ايه اشتغل فيكي دي انتي هبله
نسيمه : أقصد ااظبطك للحفله
وضعت تيا المشك الخاص بها وقالت بتوتر : شايفه ملهوش لازمه
نسيمه : مش مهم انتي تشوفي ايه المهم انا شايفه ايه يلا يلاا
• بعد ساعتين ونصف •
تيا : هووف خلااص بقى وبعدين لبستيني من دلوقتي ليه الحفله بالليل
نسيمه : بالليل دا اللي هو بعد تلات ساعات احنا صاحيين متأخر يا هانم دا انتي يادوب تقعدي ع الفايل بتاعه شويه قبل ما تواجهيه
تيا : لا لا مش عايزه روج
نسيمه : مش بمزاجك ع فكرا
دخلت والدة تيا بهدوء للغرفه وقالت : بتعملوا ايه يا قطاقيط
نسيمه : تعالي يا طنط شوفي عملت ايه في بنتك الدكتوره
والدة تيا : واااو تسلم ايديكي يا نسوم جميل أوي
تيا : لا اوفر يا ماما عشان انا رايحه اشتغل
والدتها : ولا اوفر ولا حاجه عيشي سنك يلا ..
• بعد ثلاث ساعات في الليل •
كانت نسيمه تقف أمام سيارة تيا وهي تملي عليها الارشادات
تيا : يووه خلاص بقى يا نسيمه من فضلك
نسيمه : اوك يلا بالتوفيق
ركبت تيا سيارتها واتجهت الى القصر وفي رأسها ألااف الأفكار
حتى وصلت ووجدت لوحه عليها ( مرحبآ بكم في قصر الكاشف )
تيا وهي تدخل بسيارتها : يارب ساعدني يارب ساعدني ياررب ساعدني ..
الفصل التالي اضغط هنا
يتبع.. (رواية في السماء نور) اضغط على اسم الرواية لتجد الفهرس كاملاً بجميع الفصول.