رواية دائرة الضغط – الفصل الثاني
حضنتني وحاولت تمسح الدم اللي بيجري من أنفي.. ياريت يا مِسك تمسحي الدم اللي نازل من قلبي دا أصعب بكتير وأغزر “
_ طيب بتفكري في ايـه؟
= أخونه.
_ إحنا هنهزر يابتول؟!.
= المرة دي بتكلم بجد.
_ ايـه اللي انتي بتقوليه دا!!
= هخونه.. ايه مش أي ست مكاني كانت هتعمل ده.. على فكرة يامِسك أنا وانتِ عارفين كويس جدًا إن الخيانة، مش بس جسدية.. إني أحن لشخص أو أفكر في شخص تاني دي خيانة.
إني لما أشوف أزواج صاحباتي ومعاملتهم ليهم وأتمني إن حد فيهم يكون هو أمير دي خيانة.
_ بتول.. انتِ بتقولي كلام كبير وصعب.
= بتول يأست.. بتول كدا شبه أنفصلت عن حبيبها وأبو ابنها خلاص مش معاها.
_ نعمل خطة إمبارح.. كان إسمها ايـه “دايرة الضغط”
= هضغط عليه؟!.. هروح لـ والدك والداتك .. ولا عند أهلي وأخليهم يشيلوا منه وكل واحد من أخواتي الولاد يتخانق معاه وأربي عداوة بينهم..
كل اللي شرحتهولك إمبارح ده غلط في غلط مينفعش ننفذ منه كلمة.
_ اكيد هيسمع كلام بابا.. أحكي لبابا.
” بصيت ليها بيأس، ودموعي أعلنت الهزيمة “
_بالله عليكي متبكيش.. أنا أول مره أشوفك بتبكي بالشكل ده.. دا أحنا بنقول عليكي الإسترونج بتاعتنا..هعملك عصير تعوضي اللي نزفتيه دا وكمان يهدي أعصابك.
” حسيت إن حياتي بقيت صعبة، ومتعبة.. مسحت دموعي وقمت بصيت على كل ركن في الشقة.. كل ذكرى فيها كل مكان ضحكنا في سوا أكلنا، زعلنا، تعبنا وحتى المكان اللي كان بيحضن خناقاتنا ورجعت بصيت لأبننا مسحت دموعي وأخدت نفس عميق..دخلت المطبخ لـ مِسك “
_ أحلى عصير لأحلى بتوله.. اتحركتي ليه يابنتي، أنا كنت هجبهولك لحد هناك.
= محتاجة أحضر الغدا.
_ انتِ عندك إنفصام أكيد والله.. غداء ايـه اللي بتفكري فيه هو دا وقته.
= هو ده بالذات وقته.
_ مش فاهمة.
= هو انتِ مش عرضتي عليا قبل كدا أشاركك في الحضانة؟
_ أيوة بس أمير وانتِ موافقتوش.
= انا موافقة.
_ بتول علشان خاطري متخليش المشاكل اللي بينكم تكبر وتبقى أنا السبب.
= متقلقيش.. أمير كان شايف إني مقدرش أشتغل وعندي بيبي واهتم بيه وبالبيت وبنفسي.. ودا هيبقى تقيل عليا.
_ وبعدين؟
= خلاص انا مش ههتم بيه ، كدا في خانة فِضيت.
_ أمير حبيب عمرك بقى خانة ؟
= تخيلي.. يلا ما علينا انا كدا فعلًا هخونه.
_ تاني!
= لا هخونه مع نفسي .
_شكلها خطة جامد إسمها ايـه دي.
= معرفش سميها زي ماتسميها.
_ دايرة ضغط، انا عاجبني الإسم ده.
= من بكره هنزل معاكي الحضانة، وبالمره أحولك الفلوس.
_ من غير ما تقولي لـ أمير؟.
= أحنا بنتكلم؟ وبعدين أنا مروحتش في حته غريبة.. المكان جنب بيتكم، وشريكتي أخته.
_ ماشي.. يابتول همشي أنا.
” حضرت أكل وشغلت عبد الحليم ..وكأن شيئًا لم يكن وأكلت وعيشت اليوم وكأن أنا وهو سمن على العسل زي مابيقولوا قبل ميعاد وصوله بنص ساعه .. جريت من مكاني أخدت شاور ولبست وحطيت ميك اب خفيف ، جهزت تسالي وشغلت فيلم رومانسي “
= مساء الخير يابتول.
_ مساء النور.
” بص لي بصدمة ..طبعًا ما انت إتعودت استقبلك وانت راجع “
= ايه الأكل فين؟
_ أنا محضراه في المطبخ، هو جاهز.
= احم..احم أنا شوفته بس مستغرب إنك مستقبلتنيش مش هناكل ولا ايه.
_ سبقتك يا أبو مارو كنت جعانة أوي
=هو انتِ زعلانة مني في حاجة؟
_ لا.. ممكن تسيبني أكمل الفيلم.
= ممكن اه.
| بعد ساعة |
= بتول، حضري لي طقم أنا نازل مع أصحابي.
_ سلامة الشوف ياحبيبي الطقم متعلق على الشماعة وجاهز.. والشراب أهو.
= ايـه دا من غير خناق! أنزل عادي؟
_ اه عادي..أنا اقتنعت بكلامك.. انت صح.
صح دا المكان اللي بتتنفس فيه ومينفعش أكبتك.. ممكن أكمل الفيلم الحتة دي مهمة.
= اووف.. من إمتى وانتِ بتنسجمي بالأفلام كدا.. طب انا بقي مش حابب الطقم ده.
” بصيت له وابتسمت، حاضر دا انا هعلمك الادب ياابن عم صلاح “
_ سهلة ياحبيبي شايف الباب دا.
= اه شايف.
_ خلف الباب دا شماعة محضرالك فيها طقم تاني مختلف.. هتقولي طب والشراب دا مش هيليق.
= اه.. صح الشراب دا مش هيليق.
” طلعت شراب من تحت المخده جنبي ورميته له “
_ دا هيليق بقى.
= دا انتِ جاهزة بقى.
_ عيب عليك.. ممكن من فضلك أكمل الفيلم.
= انتِ مستفزة كدا ليه وباردة..مفيش فيلم.
” فصل الشاشة ووقف قدامها وهو عصبي جدًا “
_ في ايـه يا حبيبي.
= انتِ مش معبراني من وقت ماجيت.
_ ياشيخ بطل إفترى.. السفرة متحضرة، وحمامك جاهز، الطقم اللي نازل بيه مع اصحابك بدال الواحد إتنين متحضرين ، دا حتى الشراب.. الشراب يا أمير محضراه وتقول مش معبراني.
= بس طريقتك.. طريقتك غريبة.
_ ياأمير ايـه العصبية دي.. بتغير من شاشة يا حبيـ.. يا أبو مارو..
= انا نازل.
| صباح يوم جديد |
” صحيت الساعة خمسة الفجر، صليت وأبديت أحضر الفطار .. وأنظم البيت كويس..دخلت لبست أشيك لبس عندي وحطيت ميك اب بسيط خالص، كان المنبه الخاص بيه رن “
= صباح الخير يابتو…ايه دا.. مارو حصله حاجة..لابسه ليه؟! هتكشفي.!
_ تؤ تؤ متتخضش كدا ..هفهمك بعد ما تاخد الشاور.
“طلعت من الغرفة وأنا إحساس الإنتصار دا مغرقني، يااه على المتعة “
= في حد من أهلك تعبان؟
_ لا يابابا بعد الشر.. أنا نازلة شغل.
= نعم!!
_ شغل يا بابا فاكر لما مِسك عرضت علينا أبقى شريكتها في الحضانة.
= أه فاكر، وفاكر برضو إنك رفضتي.
_ سبحـــــانــــــه، سبحانه مغير الأحوال ومُقلب القلوب
= وبعدين يا ام عبده.. يوه يا أستاذة بتول.
_ أستاذة بتول وافقت.
= بتـول؟!
_ بتول أتأخرت على شغلها.
= بتول لو خرجتي من البيت.
” ابتسمت وإتكلمت بِضحك”
_ هتطلقني يعني؟.. مش هتقدر انا حاضنة لـطفل يا أستاذ هتطلع انت ومن حقي الشقة.. باي باي يا أبو مارو.
” جرى ناحيتي..بسرعة شديدة “
_ انت غـ ــبي!! انت بتعمل ايـه؟
الفصل التالي اضغط هنا
يتبع.. (رواية دائرة الضغط) اضغط على اسم الرواية لتجد الفهرس كاملاً بجميع الفصول.