رواية حريم الباشا الفصل الرابع والعشرون 24 – بقلم اسماعيل موسى
٢٤
يمكن من زمن طويل اول مره فريده ترجع الشقه مبسوطه
اول ما والدتها مليكه سألتها اتأخرتى ليه ؟
قالت بفخر كنت فى الشغل مكانك
سمعت مليكه كلمة الشغل ماكنك وجسمها ارتعش ،قربت من فريده هو عملك حاجه؟
قرب منك؟
مين يا ماما إلى قرب منى ؟ هو انا كنت فى كبرايه ؟
انا كنت بمسح واكنس واطبخ
ليه مقولتيش ليه ؟، صرخت مليكه بغضب
اياكى تعملى إى حاجه تانى من غير ما اعرف
البيت ده مش هتحطى رجلك فيه مره تانيه فاهمه؟
نزلت دمعه من عيون مليكه غصب عنها
فريده…. ليه يا ماما واضح انهم ناس كويسين دا حتى عرض عليه اتدرب فى جورنال كبير
صرخت مليكه بغضب، مستنتش فريده تقول العرض
قلتلك رجلك مش هتعتب هناك مره تانيه، انتى عايزه تموتينى ناقصه عمر ،الحمد لله انك كويسه
فريده الغير مقتنعه دخلت غرفتها وقعدت تعيط
مش عارفه ليه والدتها رفضت مساعدتها وشايفاها بنت صغيره طفله مش هتعرف تاخد بالها من نفسها.
ليه عايزه تضيع منها فرصة تدريب مجانى فى جورنال مشهور ؟
لكن غضب مليكه لم يتوقف، كلما تذكرت لمسات الرجل وتحرشة غلى جسدها بالغيظ
دخلت على فريده غرفتها وخلتها تحلف انها مش هتروح البيت ده تانى
فريده حلفت انها مش هتروح هناك تانى مهما حصل
بعد خروج والدتها من الغرفه
فريده همست انا حلفت مروحش البيت لكن هروح فى الميعاد لازم اتدرب فى الجورنال مش هضيع الفرصه بسبب خوف والدتى الغير مبرر……
تانى يوم الساعه 11 الصبح فريده نزلت من البيت بعد ما كلمت الراجل واتفقت تتقابل معاه عشان يروحو الجورنال
بعد ربع ساعه فارس وصل
فخرى مكنش معاه كان لوحده، خبط على الباب ولما مليكه فتحت دخل كن غير استأذان
قعد على الكنبه وولع سيجاره ،انتى ليه رفضتى تعيشى فى القصر معايا انتى وبنتك ؟
ظلت مليكه واقفه متجرأتش تقعد ،يا بيه الإحسان إلى كنت بتقدمه لينا سببه انتهى سيد مات
انت مش مجبر تعمل عشانا إى حاجه
لكن انا مكنتش بساعدكم عشان سيد يا مليكه، كنت بساعد عشانك انتى
لسبب ما أنتى دخلتى دماغى، سيد مات الله يرحمه ومفيش اى حاجه تخليكى تضيعى مستقبل البنت بسبب تعنتك
ودا سبب إضافى يخلينى ارفض العرض يا باشا
انا مش للبيع وعمرى ما هكون ست خاطيه حتى لو شحت على بيبان الجوامع.
ابتسم فارس، انتى فاهمه غلط يا مليكه، اعجابى بيكى ملوش علاقه بالغلط
انا عايزك بس تكونى قريبه منى مش اكتر وبعد موت سيد فريده تستحق حياه افضل
يعنى عايزنا نقعد فى قصرك وتصرف علينا من غير مقابل؟
لا يمكن اقبل بكده
متقلقيش يا مليكه انا عندى ليكى خطط كتير ،والقصر محتاج خدم تشتغل فيه ،دا لو اصريتى انك لازم تشتغلى او فى إى شركه من شركاتى، لازم تعملى كده عشان فريده
لكن فين فريدة انا مش شايفها هنا ؟
نزلت قبل وصولك بدقايق، من امبارح رافضه تكلمنى
ايه إلى حصل سألها فارس بفضول ؟
متعرفش مليكه ليه وافقت تحكى لفارس عن إلى حصل معاها فى البيت وعن فريده
ليه انساقت خلف يأسها وفضت كل مخاوفها قدام فارس
ضيق فارس عيونه، ونهض فجأه ،معتقدش فريده نزلت الجامعه
لو كانت بنتك بصحيح وفيها نص عنادك اكيد راحت تقابل الراجل بتاع العرض ده
يا لهوى صرخت مليكه منهاره ،دا راجل مش كويس
ارجوك أنقذها دى بنت غلبانه
هنقذها لكن بشرط يا هانم ارجع الاقيكى مجهزه شنطتك
وهنروح القصر
اخد فارس بعض التفاصيل من بينها تليفون الست إلى كانت مليكه شغاله عندها
وهو سايق العربيه مستغرقش وقت طويل عشان يأثر عليها
ويعرف المكان إلى جوزها هيقابل فيه فريده
وعرف كمان انه لسه نازل حالا
ضغط فارس على دواسة البنزين ،اخترق الشارع المكتط بالماره والسيارات ،بعد اكتر من نص ساعه وصل
فريده كانت واقفه منتظرة على ناصية الشارع ،لابسه جيبه وبلوزه قمحى وشنطه على كتفها ،أوقف فارس السياره ونزل منها ومشى ببطيء
كان عارف فريده من اول مره شافها فيها، لما قرب همس
فريده اتفضلى معايا
اتفضل معاك فين ؟ مين انت؟
ثم تذكرت فارس الناطورى وتعرفت عليه
تيجى معايا العربيه هنرجع البيت والدتك قلقانه عليكى
مش هركب عربيه ومش مضطره اسمع كلامك انا من معايا ميعاد مهم.
فريده همس فارس بنبره صارمه ،اتفضلى اركبى العربيه بالزوق
هتعمل ايه يعنى انت فاكر ان مركزك يسمحملك تملك كل البشر ؟
هعمل كتير همس فارس وقرب من فريده
مسك ايدها بقوة وجرها تجاه العربيه وفريده بتقاوم
الفصل التالي اضغط هنا
يتبع.. (رواية حريم الباشا) اضغط على اسم الرواية لتجد الفهرس كاملاً بجميع الفصول.