رواية حريم الباشا الفصل الثالث والعشرون 23 – بقلم اسماعيل موسى
٢٣
موصتلش ازاى يا فرغلى ؟ وازاى المدة الطويله دى كلها ومفيش إى شخص يدينى خبر ؟
رد الحارس، انا بلغت رزان يا فارس باشا وبعدين انا من اول ما اشتغلت فى القصر هنا ومتنبه عليه متدخلش فى حاجه بره شغلى.
شكر فارس الحارس، انه ينسى القوانين إلى وضعها بنفسه امر مش جيد آبدآ
لكن ليه رزان مبلغتهوش بحاجه زى كده ؟
وهو داخل القصر لقى رزان فى وشه
رزان ؟
نعم يا فارس باشا
ملكيه توقفت عن الحضور لاستلام الشهريه من ستين يوم
ليه مجانيش خبر ؟
همست رزان انت منبه يا باشا محدش يجيبلك سيرة مليكه لا بخير ولا بشر
تنهد فارس بضيق طيب ابعتيلى فخرى… ولا اقلك انا هكلمه بنفسى
رد فخرى مع اول رنه، انت فين يا فخرى؟
براعى الاعمال يا باشا ،حضرتك بتسهر طول الليل والنهار كله نايم لازم شخص ياخد باله من الشركات والمصالح
تلقى فارس تقريع فخرى ولومه بهدوء ،سيب إلى فى ايدك واطلع علب بيت سيد اعرفلى ليه توقف عن اخد الفلوس من فضلك.
وصل فخرى شقة سيد ،فتحت ليه البابا فريده بنته، ماشاء الله بقيت عروسه
فين والدك يا فريده ؟
فريده بحزن والدى توفى بقاله اكتر من شهرين
الله يرحمه همس فخرى بلا مبلاه، يعرف ان سيد كان شخص قذر ومؤكد سينال عقابه
طيب فين والدتك؟
والدتى فى غرفتها اتفضل ادخل هديها خبر
وسط الكلام وصله تليفون من فارس يستفهم عن السبب
همس فخرى بعد ما احد جنب سيد مات يا باشا
ومليكه مراته بتقول ان معدش فيه سبب يجبره يدفعلهم
فلوس.. وانها شغاله خدامه عند ناس كويسين وبتاخد مبلغ يكفيها هى وبنتها.
طيب ممكن تخلينى اكلمها يا فخرى ؟
الباشا عايز يكلمك يا هانم
ارجعت مليكه الهاتف ،دفعته بعيد عنها ،قله كتر خيرك يا باشا مستوره الحمد لله
فخرى المتردد ميقدرش يقول لفارس كده
همس الراجل عايز يعزيكى ميصحش كده يا هانم ؟
اول ما مليكه ما مسكت التليفون وصلها صوت فارس
البقيه فى حياتك يا مليكه، لمى حجاتك انتى وبنتك وتعالو على القصر انا هوفرلكم كل حاجه
كتر خيرك يا باشا احنا مرتاحين هنا ،صفعه رد مليكه
بصى يا مليكه، اما تييجى بمزاجك وإما هاجى عندك واخدك بالعافيه انتى والبنت المسكينه إلى عندك
مش كل حاجه أوامر يا فارس بيه، انا ست حره واقدر اقلك دلوقتى لا بالفم المليان، احنا مستغنين عن عطفك وفلوسك
سلام عليكم.
أغلق فارس الهاتف، يعلم داخل نفسه انه أراد خير
لكن ما فعله بمليكه لا يمكن نسيانه بسهوله.
ماما انتى مش رايحه الشغل النهرده كمان ؟ سألت مليكه والدتها بعد رجوعها من الجامعه
مش رايحه يا فريده تعبانه شويه، كام يوم كده وارجع الشغل
لكن بقاء والدتها فى البيت طول، كل يوم والدتها تعبانه ومش بتروح الشغل
فريده قررت تساعد والدتها ،كانت عارفه عنوان البيت إلى بتشتغل فيه والدتها ، عملت نفسها رايحه الجامعه ونزلت على على عنوان البيت ،طرقت الباب ،فتحت ليها ست مرفهه
انتى مين يا شاطره؟
انا بنت مليكه والدتى تعبانه شويه وبعتتنى اشتغل مكانها
همست المرأه كنت فاكره انها سابت الشغل ؟
لا يا هانم هى تعبانه وانا مكانها
فى كلامهم طلع جوزها من جوه غرفته ،بص لفريده بنت شابه فى نفس جمال والدتها الخلاب
قال لمراته متسبيها تدخل ؟ هتفضل واقفه على الباب؟
فتحت المرأه الباب ودخلت فريده
المطبخ هناك شاورت الست على الأطباق المتكومه فى الحوض،اغسليها وبعدها اطبخى اما داخلة انام مش عايزه دوشه.
دخلت الست غرفتها لكن جوزها فضل قاعد فى الصاله يبص على فريده ويدخن سجاير
انتى بقا بتدرسى فين يا فريده ؟
بدرس فى كلية الإعلام يا بيه فى سنه تانيه
كلية الاعلام دى حاجه ممتازه، الظاهر انك بنت مجتهده
انا ممكن اساعدك؟
تساعدنى ازاى يا بية؟
اخليكى تتدربى فى جورنال ،انا لى معارف كتيره مهمين فى البلد، التدريب دا هينفعك كتير ويفتح قدامك أبواب العمل
عشان تقدرى تساعدى والدتك بدل ما هى عماله تشتغل فى البيوت.
إبتسمت فريده، كل أبناء الذوات بيتدربو فى صحف ومجلات وشركات ،ودى فرصه ممتازه ليها
ايه رأيك بقا يا فريده؟
موافقه طبعا يا باشا موافقه
طيب خلاص بكره بعد الجامعه تكلمينى نروح الجورنال ونقابل رئيس التحرير أصله صاحبى من ايام زمان
الفصل التالي اضغط هنا
يتبع.. (رواية حريم الباشا) اضغط على اسم الرواية لتجد الفهرس كاملاً بجميع الفصول.