رواية حارة كرياكو الفصل العاشر 10 – بقلم نهله جمال

رواية حارة كرياكو part 10

الذنب دا لا يغتفر ..

صعد كريم بسرعه إلى شقته بينما قالت نورسين للمتجمعين حولهم : مخلااص كل واحد يروح لحاله ! هي سيره !

فتحت المتجر الخاص بها وجلست به وهي مستمتعه

* في شقة كريم *

كانت شعائر تجمع أغراضها في الحقيبه وهي تبكي بينما كريم يقول : شعائر رجعي حاجتك للدولاب ، اقسم بالله هي اللي اتكلمت انا مقولتش حاجه

شعاىر وهي تبكي : كنت كل مره اشوفك واقف معاها اقول معلش هو انتي يعني هتمنعيه يتعامل مع الناس ! كنت بقعد في الاوضه اعيط واقول بكرا نتجوز وكل حاجه تبقى كويسه بس انت كانت دماغك معاها مش معايا انا يا كريم ! طب انا دلوقتي زعلانه هي لو زعلانه هتروح تعيط لأمها بس أنا يتيمه هعيط لمين ! كنت بشتكيلك انت بس انت المره دي اللي واجعني !

أغلق كريم عيناه بألم ثم قال : طب اديني فرصه

قاطعته شعائر وهي تحمل حقيبتها : فرصه لإيه ! انا منظري بقى زي الزفت انت دوست عليا خلاص

سحبت حقيبتها ف قالت والدة كريم : استهدي بالله يا شعائر متسيبيهوش في الظروف دي حسي بيه

شعائر ببكاء : وانا مين يحس بيا وانا حاسه اني ناقصه عمري ما مليت عينه وعمري ما كان ليا حظ

سجبت حقيبتها وركضت على الدرج وبينما هي تنزل وجدت همس تفتح شقتها ف وضعت شعائر حقيبتها وقالت : ما طبعآ نفسيتك مرتاحه انتي وصاحبتك ونازله تهنيها ع الانجاز اللي عملته انكم فضحتو وكسرتو راجل قدام الناس وانكم كسرتوا واحده يتيمه وخربتوا كل حاجه ، حسبنا الله ونعم الوكيل فيكم كسرتو احلامي

وقفت همس وهي تنظر لشعائر تركض على الدرج ف تنفست بعمق ثم نزلت إلى حارة كرياكو ..

ركبت شعائر سيارة أجره وسارت بعيدا بينما دخلت همس متجر نورسين وهي تقول بغضب : ايه الهباب اللي هببتيه دا !

نورسين ببرود : وطي صوتك

همس : ايه البرود اللي انتي فيه دا ! بقولك خطيبة كريم مشيت خلعت الدبله وسافرت وهي بتعيط وخاطرها مكسور

نورسين بنفس البرود : في ستين داهيه روحه بلا رجعه

همس وهي تميل على مكتب نورسين : متفقناش اننا نكسر قلب حد ، طول عمرنا بنهزر بنهدد بنعمل بس المره دي قلشت منك جامد ، البنت دي يتيمه واحنا كسرنا بخاطرها يعني ربنا مش هيسيبنا في حالنا

تركت نورسين السيجار الصغير وهي تنفث دخانه في وجه همس بصدمه

همس : اعتذريله

نورسين : انتي اتهبلتي صح ؟ من امتى انا بعتذر لحد ؟ ما انتي عرفاني ! وبعدين مالك خفيفه اوي كدا ليه ما تنشفي

همس : ما عشان انا اكتر واحده عرفاكي مستغربه يطلع منك كدا ازاي وبعدين المره دي الموضوع ميضحكش ، في اتنين هيفضلوا يعيطوا طول اليوم

نورسين بضحك : حلوه دي ، راجل بيعيط

همس : عشان بني ادم يا نورسين من حقه يعيط ، انا همشي

قامت نورسين وامسكت بذراع همس وهي تقول : خدي هنا في ايه ! هتسيبيني !

همس : انتي مسمعتيهاش ومشوفتيهاش وهي مكسوره وبتقول انها يتيمه وملهاش غيره يعني هتروح تتمرمط في بلدها

سحبت همس ذراعها من يد نورسين وصعدت بسرعه إلى فوق

* في منزل نورسين *

دق باب شقتهم بقوه حتى أن والد نورسين أسقط كوب القهوه من يده وهو يقول : في اييه يا ساتر يارب !

فتحت والدة نورسين لتجد والدة كريم والغضب يخرج من عيناها وهي تقول : هي فيييين !

والدة نورسين : هي مين يا حجه في ايه

والدة كريم : مش عارفه هي مين ؟ المحروسه بنتك الله ينتقم منها

والدة نورسين : اهدي بس انا كنت جيالك هو انتي ام كريم

والدة كريم : شوف الوليه البارده ! بقولك بنتك فين انا على اخري فضحتولي الواد اللهي ربنا يفضحكم دميا واخره وكسرتوا بخاطر بنت اختي الغلبانه اليتيمه وخليتوها تمشي مكسوره انتوا جنس ملتكم ايييه

والدة نورسين : طب ورحمة اختك تقعدي نتفاهم

جلست والدة كريم وهي تخلع حذائها بألم وتقول : نتفاهم ؟ اختي اللي بتخلفيني برحمتها بنتتها مشيت من بيتي مكسوره

والدة نورسين : والله ماعرف البت عملت كدا ليه ، طب يا حجه اللي هتطلبوه هننفذه وحقكم يجيلكم تالت ومتلت

والدة كريم : انا عايزه ارد كرامة ابني قدام الناس ! انتوا فاكرينا ايه دا احنا ناس نسب وحسب

والدة نورسين : ونعم الناس والله

دق باب الشقه ف قامت والدة نورسين لتفتح وجدت كريم يقف أمامها وعيناه حمراوان وينظر لها نظره مريبه ف قالت : تعالى يابني تعالى والدتك جوا

كريم بنبره مبحوحه من البكاء : مش انتي قولتي اللي هنطلبه هتنفذوه ؟

والدة نورسين : اكيد يابني دا حقكم

كريم وهو يرفع رأسه ثم قال : عايز اتجوزها

والدة كريم بصدمه : تتجوز مين

كريم : نورسين ..

.

.