رواية أسرار أمي – الفصل السابع
زينب رفعت راسها وقالت مش انت ياصالح اللي اتجي واتحاسبني انت ماتعرفش الطفوله لي اني عشتها وماتعرفش حياتي كيف كانت وماتعرفش الشي لي خلاني نقعد هكي
رد صالح وقال مهما كانت الاسباب يا امي علاش اتحطي روحك واتحطيني في مواقف هكي سمعتنا قعدت تحت الاراضي توا عاجبك لي صايرلي مانقدرش نمشي لي حد ولا حد يجيني
علاش هكي رضيتي فينا علاش يا امي وبوي علاش ساكت وهوا عارف ردت زينب وقالت حتى انت بتسكت ياصالح وڪانك ماعرفت شي وتقدر تعتبره تهديد
صالح قال اني مستحيل نتحمل الشي هذا ونبي انقولك يا امي توبي واني ندعمك وانسكت العالم توبي لي ربي ماتضيعيش روحك يا امي بالله عليك واني معاك وندعمك
ردت زينب وقالت مانقدرش يا صالح وياريت الموضوع هدا ماتدخلش فيه قاللها صالح كيف يا امي راهو هدا يغضب ربي قدامك وقت اتوبي ان الله غفور رحيم يا امي
شافت زينب وقالت اني بديت الطريق هدا وحانكمله اني نبي نشفي غليلي انت ماتعرفش شن لي صار معايا لو كنت تعرف اللي صار فيا راهو ماقلتش هكي
قاللها احكيلي شن صار واني انساعدك اني ولدك سندك وداعمك يا امي علاش تشيلي في قلبك واتخبي عليا مستحيل انضرك قالت زينب خليها لوقتها يا صالح واعرف ان لي صار كان لمصلحتك
رد عليها صالح وقال اني مستحيل نرضى بالشي هدا واختاري يا امي يا انا يا الطريق لي انتي ماشيه فيه قالت زينب مش حانختار لانك حاترضى غصبا عنك زيك زي بوك رد قاللها نبي نسالك شن هوا السر لي جمال قالي سامحني لما تعرفه وانتي تعرفيه وشن لي درتيه لي بوي بيش قعد ساكت ومتحمل؟….
الفصل التالي اضغط هنا
يتبع.. (رواية أسرار أمي) اضغط على اسم الرواية لتجد الفهرس كاملاً بجميع الفصول.