رواية كل هذا الحب الفصل الثاني والثلاثون 32 – بقلم ديدي فتحي

الحلقة 32

قرأه ممتعة

أسر ضحك بشر وغضب… حلاوتك يا بسوم يا حبيبي بقا انت اخدتها لنفسك و مخبيها هنا مش كفايه اخدتها مني قبل كدا

وبشر و كره… بس اوعدك اني مش هسيبك المره دى لان لينا حساب قديم ولازم يتصفي وهاخدها منك المره دي مهما كلفني الأمر و مهما حصل

وانا يا قاتل يا مقتول مش حته دكتور ابن امبارح اللي ياخد قطه أسر المسيري و مشي هو و موني والانتقام مالي قلبه وعقله

اسر بعد ماروح و بجديه… في التليفون لواحد من رجالته

انا عايز حوالي عشر رجاله معاك كمان و تحضروا نفسكم عشان بعد مانخلص العمليه… نروح لعمليه اهم منها… ونجيب حاجه ملك اسر المسيري… والحاجه دي لازم نجيبها باي شكل وباي تمن

الشخص بجديه وشر… تمام ياباشا… كل حاجه هتحصل زي ماانت عايز… وبتوتر… بس لو الوحش المقنع ظهرت… هيبقا احنا كلنا ضعنا والعمليه ضاعت علينا

اسر بعنف وغضب… مش اسر الميسري ورجالته اللي يخافوا من الوحش المقنع… وبعنف اكتر… وياريت تيجي عشان اطلع عليها القديم والجديد

الشخص بتوتر اكتر… والله ياباشا انا خايف لاهي اللي طلع علينا القديم والجديد وهنلقيها هنا في وشنا لانها تبقا موجوده في اي مكان وفي اي وقت

اسر بعنف وغضب اكتر… عارف ياحيوان لو سمعتك بتقول الكلام ده تاني حتي لو بينك وبين نفسك هعمل فيك ايه… مش عايز اقولك اني انا اللي هصفيك بايده ويلا غور من وشي وقفل التليفون في وشه

وبشر وغضب… اخلص بس ياباسم الزفت من الوحش المقنع واجيلك انتقم منك اشر الانتقام

******************************عند باسم👇👇

باسم اخد امه وحنين… وروحهم واول مادخلوا الفيلا

باسم اتكلم بعنف وتهديد.. اقسم بالله يا حنين لو خرجتي من باب الفيلا دي تاني لاكون حابسك فيها علي طول وعمرك ما هتطلعي منها أبدا

حنين بعنف وغضب… وده كله ليه ممكن تفهمني انا عملت ايه غلط عشان كل ده انا كل الحكايه اني خرجت اغير جو بدل الحابسه اللي انا فيها دي؟

باسم بعنف وغضب… ايوه ده كله عشان خرجتي وأنا مأكد عليكي انك متخرجيش وانتي كسرتي كلامي و خرجتي

حنين بعنف اكتر… بس انا مكنتش لوحدي و مامتك كانت معايا ولو خرجت لوحدي فيها ايه يعني ولا خايف من حاجة عشان كدا مانعني اخرج

باسم ثار زي الثور الهايج و مسكها من ايديها و بعنف وغضب…. قسما بالله لو ما سكتي وحطيتي لسانك جوه بقك مش هتعرفي انا هعمل فيكي ايه

حنين بعنف و غضب اكتر منه… انا مش هسكت أبدا لان انا من حقي اعرف انت حابسني هنا ليه وأنا مين واهلي فين أكيد انا ليه اهل وانت خطفتني منهم وعشان انا مش فاكره حاجه عن حياتي انا مش قادره ارجعلهم

باسم بغضب… وليه متقوليش هما اللي رموكي وانا اخدتك وحافظت عليكي

حنين بغضب… يعني انا ليا اهل وانت اللي خدتني منهم وخبتني هنا عشان محدش يوصلي مش كدا

باسم بغضب اكتر… قولتلك هما اللي رموكي

وبجديه واستفزاز… ولو شافوكي تاني صدقيني هيرموكي تاني من عمايلك السودا و من نزواتك ومغامراتك

حنين شدت دراعها منه وبغضب… طالما انا كدا اتجوزتني ليه وصابر عليه هااااا قولي مفيش اي حاجه تجبرك انك تستحمل انسانه وحشه كدا

أمه قربت وبجديه…. خلاص بقا يا ولاد والله ده شيطان و دخل بينكم اهدوا كدا و صلوا على النبي* عليه أفضل الصلاة والسلام* واطلعوا اوضتكم ارتاحوا شويه

حنين بغضب….انا مش هطلع في اي مكان غير لما يقولي اهلي فين وهما مين يا اما هخرج ادور عليهم بنفسي ولسه هتخرج

باسم قرب منها بعنف و غضب… انتي ايه ؟

وليه بتعملي معايا كدا

وفي لحظه كان شايلها و طلع بيها فوق

وحنين بتقاومه وبتضربه علي صدره وهو كان وصل لاوضتهم دخلها وقفل الباب

وبيفتح قميصه بعنف و غضب… انتي عايزه تتعلمي الادب وانا هعلمهولك وانتي بين ايديا دلوقتي لان لو كنت دوست علي قلبي المره اللي فات وعملت اللي انا عيزاه فيكي مكنتش عملتي معايه كدا دلوقتي

و قلع قميصه وبيقرب منها وحنين بترجع لورا و بغضب… ابعد عني احسنلك وبعدين انا مش عارفه ازاي كنت مغشوشه فيك السنين دي كلها

باسم بعنف… وانا مش عارف ازاي تبقي قدامي الانسانه اللي بحبها وهموت عشان اقرب منها واسيبها كل السنين دي

حنين بتزقه وبغضب اكتر… انت استحاله تكون بتحبني اللي بيحب حد بيتمني له السعاده حتي لو كانت مع غيره

باسم قرب منها ومسكها من دراعتها الاتنين… ولو غيره ده ميستهلهاش اسيبها ليه واوجع قلبي انا عليها

حنين بجديه… عشان الحب تضحيات مش انانيه

باسم وهو مازال ماسك دراعها و بغضب… وانا مضحتش عشانك هاااا؟؟؟

انتي متعرفيش انا عملت ايه عشانك… انا سبت الدنيا كلها عشانك وهربت بيكي عشان اخبيكي منهم وعملت المستحيل عشان تفضلي عايشه ومتموتيش

حنين بغضب ودموع… انت خبتني لنفسك مش منهم

وبدموع اكتر… ارجوك قولي انا مين واهلي فين ارجوك انا حاسه بضياع قولي انا مين

باسم مسك وشها بحب وخوف… لو قولتلك هتسبيني والله هتسبيني وانا هموت من غيرك انا فضلت سته سنين حارم نفسي منك عشان مزعلكيش ولا اغصب عليكي حاجه انتي مش عيزاها

حنين بصتله بحزن ووجع…بمعني ليه كنت عايز تعمل اللي انت كنت هتعمله قبل كدا او دلوقتي وكمان وبعدتيني عن اهلي واخدتني منهم لنفسك

وهو فهم… والله غصب عني… انا بحبك وبعشقك و متحملتش انك ترفضيني كدا وخصوصا اني بعدت عنك طول السنين دي علي أساس إن هيجي يوم وتحسي بيا وتبادليني نفس شعوري بس انتي فضلتي زي ما انتي

وبرجاء وحزن… ارجوكي ارحميني وبلاش نظره الكره اللي انا شايفها في عيونك دي عشان بتجنني وبتخرجني عن ارادتي

حنين بدموع… ارجوك انت قولي انا مين

باسم بصلها بحزن و دموع…هتبعدي عني وانا هموت من غيرك والله هموت من غيرك وقعد في الارض

حنين قعدت علي ركبتها قدامه… قولي انا مين واهلي فين و سيبلي الاختيار مش جايز اختارك انت

باسم بصلها بحزن وقهر… ولو اختارتي غيري تكملي معاه حياتك… وبدموع اكتر… انا هعيش ازاي من غيرك

وبصلها بحزن و دموع…. قولي ليه قابلتك وليه حبيتك… كل الحب ده… وليه انتي محبتنيش ليه ورمي نفسه في حضنها وهو مهما كان جوزها حتي لو هي مش بتحبه ولا حاسه بيه بس هو جوزهاو دموعه دي وجعتها اوي

وبصدق وحزن… هشش خلاص متزعلش حقك عليا خلاص بلاش تقول انا مين ولا اهلي فين مش عايزه اعرف حاجه المهم اني مشفش دموعك دي تاني

انت مهما كان طول السنين اللي فاتت عاملتني بحب و احترام وتقدير وحقك عليا اني اقدر اللي انت عملته ده خلاص انا هفضل معاك… بس ارجوك بلاش العنف خلي الحاجه دي تيجي لوحدها وانا اوعدك اني هح

باسم خرج نفسه من حضنها ومسك وشها بحب وعشق و دموع وَمقاطعه… انتي ايه ملاك ولا انسان ولا ايه بالظبط انتي ليه بتضحي بسعادتك كدا عشان خاطر الكل ليه حساسه اوي كدا بالي قدامك ليه دايما تدوسي علي سعادتك وتضحي بحياتك عشان غيرك

حنين مدت ايديها مسحت له دموعه وبصدق و هدوء… عشان انا حاسه انى قلبي موجوع اوي…يمكن اكتر من وجعك ده… صحيح مش عارفه من ايه ولا عشان ايه بس حاسه بوجع وعشان كدا مش عايزه اللي قدامي يتوجع زيي بس اوعدك اني..

باسم حط ايده علي بقها منعها انها تكمل كلام وبجديه وحب و صدق وعشق… متوعديش بحاجه انتي مش هتقدري تعمليها

حنين بجديه وصدق… صدقني هحاول لانك تستاهلها

باسم بحزن وجديه… مظنش بعد ما تعرفي انتي عشقك الاول والاخير كان لمين… ولما تعرفي اللي انا عملته فيكي اكيد مش هستاهل وعدك ليه

حنين بس أنا..

باسم بمقاطعه وحب وعشق ومسك وشها … انتي متقوليش حاجة ابدا ياحنين قلبي… لاني انا اللي هقولك واحكيلك علي كل حاجه وهعرفك انتي مين واهلك فين وجيتي هنا ازاي

**************************كل هذا الحب… عشق حنين… بقلمي… ملكه القلوب… دي دي فتحي… صفحتي الشخصية… باسم… اللهم أسألك الفردوس لوالدى

$$عند إبراهيم $$👇👇

ابراهيم سافر لأهل حنين عشان يطمن عليهم ويخليهم يسامحوه يمكن يقدر هو يسامح نفسه… يمكن يقدر ينام و يرتاح من عذاب الضمير اللي هو فيه… برغم حزنه ووجعه علي حبيبته و روح قلبه حنين… بس لازم يرتاح علي الاقل من ناحيه اهلها

وبعد وقت ليس بكثير راح بيت حنين وخبط ولحظات وابوها فتح… وبيبص اوي علي اللي واقف قدام الباب وبحزن و وجع… جاي ليه تاني بعد ما ضيعت ولادي مني ومراتي جاي ليه مبقاش في حاجه تاني عندي عشان تضيعها وسابه ودخل

وابراهيم دخل وراه وقعد تحت رجليه… وبحزن و دموع… انا جاي عشان تسامحني وتنسي اللي راح وتعتبرني زي ابنك ارجوك يا عمي سامحني ارجوك والله انت ما تعرف ايه اللي حصلي خلاني أعمل كدا في حنين… ولا انا مريت بي ايه  من لما حنين سابتني و راحت… ارجوك يا عمي سامحني ارجوك ارحمني من عذاب الضمير اللي انا عايش فيه

ابوها بحزن و دموع…انا ممكن اسامحك بس بشرط

ابراهيم بدموع وسرعه… قول يا عمي وانا مستعد اعملك كل اللي انت عايزه بس تسامحني

ابوها بوجع و دموع… انا مش عايز حاجه منك… عايزك بس ترجعلي حنين

ابراهيم بدموع و وجع…ياريت اقدر أرجعها ياريتها لسه موجوده كنت رجعتهالك وانا اختفي من حياتكم لابد…. ارجوك سامحني و خليني اشوف مامتها واطلب منها السماح هي كمان

ابوها بجديه وحزن… هي فين امها دي من ساعه اللي حصل وهي مبتتحركش و مبتتكلمش… غير من وقت قريب بدات تتحرك وكل لما تلاقي نفسها قادره تبقا عايزه تنزل تدور علي حنين وانا امنعها بالعافيه… وده كله بسببك انت حتي ابني اختفي و معرفش عنه حاجه ابدا

ابراهيم باصرار ورجاء … ارجوك اسمحلي ادخلها ارجوك

ابوها قام وراح ناحيه اوضه مراته… وابراهيم دخل وأول ما دخل شافها نايمه في السرير وباين عليها انها كبرت ميت سنه… جري عليها و حضنها وهي نايمة و نام علي صدرها

وبدموع و انين و شهقات ووجع… ارجوكي يا امي سامحيني والله بموت كل يوم علي اللي انا عملته في حنين…انتي متعرفيش ايه اللي حصلي عشان اعمل كدا في كل بنت اقابلها

وخصوصا حنين والله كنت بحبها و بعشقها بس اللي حصلي كان اقوي مني وبدموع وقهر… انا أسف أسف يا أمي ارجوكي سامحيني

وبدموع وشهقات… يارتني كنت انا اللي موتت وحنين هي إللي فضلت عايشه يارتني انا اللي كنت موت

وببكاء مرير… والله انتي متعرفيش قلبي في وجع قد ايه… كل ده وهو مازال علي صدرها و حاضها جامد وهي نايمة ودموعها نازله مغرقه وشها من كلامه وانينه

وبعياط هستيري…يارب اموت واروح لامي و ابويا واروح لحنين يارب اموت بقا😔 انا مش عارف ربنا مبيرحمنيش ليه وياخدني عنده… والله حاولت كذا مره اني اموت نفسي بس كنت برجع في آخر لحظه واقول أنا لازم أعيش اكتر عشان اتعذب اكتر واكتر

بس دلوقتي بعد ما شوفتك كدا بطلب من ربنا اني اموت بقا واستريح… انا تعبت اوي والحزن كسر قلبي علي اللي انا بحبهم

وبشهقات تكاد مسموعه للقلوب… والله تعبت والله تعبت ومش قادر استحمل الوجع و التعب و العذاب اكتر من كدا ارجوكي سامحيني وانا اوعدك انك مش هتشوفي وشي تاني بس سامحيني… عارفه انتي دعيتي عليه دعوه مع انها كانت في حلم بس حاستها حقيقه… عشان من ساعه مادعيت عليه وقولتلي ربنا يوجع قلبك زي ماوجعت قلبي علي بنتي… وانا قلبي موجوع اوي

وبدموع وكسره…بالله عليكي ياامي تسامحيني بقا بالله عليكي تسامحني بقا

ده كله👆 وام حنين  دموعهامغرقه وشها

وابراهيم لما ملقاش استجابه من امها قال في نفسه انه مهما يعمل عمرهم مايسامحوه ابدا…ولسه هيقوم من حضنها

لاقاها بتلف ايديها حواليه وهو مكنش مصدق أبدا وزاد عياطه و آنينه… وبوجع وصدق… والله كنت بحبها اوي وبعشقها اوي… يارب اروحلها بقا يارب اروحلها

امها زادت من ضمتها ليه… ودموعها مازالت نزله علي بنتها وعلي كلام ابراهيم

ولحظات و ابراهيم قام من حضنها ومسح دموعها وبحب وصدق… ارجوكي سامحيني واقبلي إني اكون ابنك وان شاء الله اعمل اللي أقدر عليه عشان أكون ليكي ابن يعوضك عن حنين

امها دموعها نزله مش بتقف وهو مسحلها… ارجوكي سامحيني آسف آسف وهي بصت له بحزن و هزت دماغها بمعني خلاص وهو باس راسها

و بإبتسامه وحزن عشان يخفف عنها… عارفه ياامي وانا مسافر قابلت بنت غلبانه و مسكينه في الشارع كان عندها ٥ سنين ودلوقتي بقت ١٠ سنين اخدتها معايا و و كبرتها و سميتها

همس لانها مكنتش عارفه اسمها ان شاء الله هجيبها معايا المرة الجاية تشوفها وانا متاكد انها هتخفف عنك كتير

والله هي بتهون عليا حاجات كتيره اوي… لانها مشاكسه و رغايه زي الساحره الشريره وان شاء الله اجيبها المره الجايه تشوفوها

امها بصت له بحزن وهو باس راسها… حقك عليا يا أمي حقك عليا وان شاء الله اقدر اعوضك عن اللي انتي شوفتيه بسبيي

ولسه بيقوم امها مسكت ايده وهو بص لها وابتسم… ان شاء الله هاجي ومش هتأخر عنكم أبدا

وقام وبص لأبو حنين… اسمحلي يا عمي ابقا اجيب همس واجي هنا تاني

ابوها بحزن… ماشي علي الاقل وبيبص لمراته اللي عيونها علي ابراهيم… يمكن تتحسن عن كدا وتبقا كويسه

ابراهيم بجديه و أمل… ان شاء الله يا عمي تخف وترجع أحسن زي الأول وسابه ومشي… وأمل اترسم جواه صحيح حنين مرجعتش… بس كون ان هو هيخفف عن اهلها اللي هما فيه دي حاجه رسمت أمل جواه وحسسته بالسعاده

ولنفسه ليه مقولتلهمش انها بنت حنين… ليه خبيت عنهم ليه… هما من حقهم يعرفوا انها بنت حنين

ولا انت خايف ياخدوها منك ويحرموك منها… ولنفسه بسرعه… لا مش خايف… ومحدش هيقدر ياخدها مني لاني انا ابوها وانا اللي ربتها ومش هسمح لحد ياخدها مني هما كان التمن… حتي لو كان التمن حياتي

ولنفسه… وليه كل الخوف ده هما اكيد مش هيعرفوها هما مشفوهاش من زمان من لما مروان اخدها وسافر وهي كانت صغيره… انا هجيبهالهم يشوفوها وتهون عليهم وخصوصا ام حنين… واجي ازورهم واشوف طلباتهم

طب ليه كل ده هما سامحوك وخلاص ابعد عنهم بدل مايعرفوا ان همس دي تبقا بنت حنين ويحرقوا قلبك عليها

لا هما مش هيعرفوها لان بقالهم حوالي ٨ سنين ماشافوهاش واخر مره شايفينها وهي كان عندها سنين

طب خلاص انا هاوديهالهم يشوفوها ولو حسيت انهم هيعرفوها مش هاخدها معايه تاني… لو معرفهوهاش يبقا انا اروح انا وهي علي طول علي الاقل تخفف عنهم اللي هما فيه((حوار دار بينه وبين نفسه وهو راجع لبلده))

*****************************كل هذا الحب… عشق حنين.. بقلمي… دي دي فتحي… صفحتي الشخصية… باسم… اللهم أسألك الفردوس لوالدى

ابراهيم سافر تاني لهمسته اللي بشقوتها وحبها غيرت كل حياته وهونت عليه مراره الايام وبعد وقت ليس بقليل وصل بيت زينب وخبط

و زينب رايحه تفتح… همس جريت بسرعه… لا لا يا عمتو دا هيما وأنا اللي هفتحله… واقوله انه هو وحشني اوي اوي

وفتحت الباب و أول ما شافته كانت عايزه تحضنه وتقوله وحشتني بس اتراجعت في قرارها

وهو كان مستني منها إنها تجري عليه وتحضنه لانها فعلا وحشته حتي لو كان معداش وقت كبير علي غيابه

بس هي وقفت و بزعل مصطنع… حمد لله على السلامة لسه فاكر تيجي وسابته ودخلت… وهو دخل وراها

و زينب قربت منه وحضنته… حمد لله على السلامة يا حبيبي وبجديه و سؤال… عملت ايه طمني

ابراهيم بابتسامه… كل خير يا حبيبتي متقلقيش ان شاء الله خير

وقرب من همس وقعد جنبها وبحب ومشاكسه… هيما ميقدرش علي زعل هموسته وهو متاخرش عشان ميقدرش يتاخر علي هموسته

و بهمس وحب وصدق…انا مقدرش علي الزعل ده كله لانك وحشتيني اوي اوي وهيما نفسه يحضن هموسته اووي هااا همسه هتحضن هيما ولا يقوم وهو زعلان

همس بصتله بزعل… بجد همس وحشت هيما؟؟؟

ابراهيم بحب وعشق… والله وحشتيني اوي اوي ومقدرش ابعد عنك أبدا… لانك قلب وعقل هيما واحلي حاجه في حياته… وبحب وعشق… هااا هتحضنيني ولا ايه

خلاص انا زعلا و مكملش و همس رمت نفسها في حضنه وحضنته جامد وبخوف وتملك و حزن ودموع… ارجوك يا بابا متبعدش عني تاني ارجوك

ابراهيم بحب وصدق وصمها اكتر لحضنه… حاضر يا قلب بابا مش هبعد عنك تاني

وبجديه واهتمام… ايه رأيك تيجي معايا بكره المشوار اللي كنت فيه النهارده

همس بستغراب… مشوار ايه يا بابا ؟؟؟

ابراهيم بجديه… هتعرفي كل حاجه لما تروحي بكره يا همستي ماشي

همس بمشاكسه… ماشي مع اني مش فاهمه حاجه

عمرو كان واقف واتدخل باستفزاز لها… وايه الجديد طول عمرك مبتفهميش حاجه

همس بغيظ… بقولك ايه

ابراهيم اتكلم قبل همس ما تكمل وبضحك😂 لا بقولكوا ايه انتوا الاتنين انا جاي تعبان وعايز أكل وانام ممكن اكل الاول وانام وبعد كدا انتوا اتخانقوا براحتكم

ولسه هيقوم زينب مسكته من ايده وبجديه وسؤال… عملت ايه و هتاخد همس وتروح بيها فين

ابراهيم بجديه و اهتمام… هحكيلك علي كل حاجه بس تعالي جوه بلاش هنا عشان الولاد وقاموا ودخلوا جوه

وهمس قربت من عمرو وبجديه… عارف بابا اللي حاشني عنك النهارده  بس بعد كدا مش هسمحلك تتكلم معايا كدا تاني

عمرو وفي لحظه كان ماسك ايديها ولفها حوالين ظهرها وبعنف وغضب..انا اخر مره هحظرك تتكلمي معايا كدا فاهمه ولا افهمك

همس فكت نفسها منه وبعنف وغضب… لا مش فاهمه عشان انا اللي هفهمك بطريقتي أنا وسابته ودخلت جوه… وهو هيولع منها من الغيظ

وابراهيم حكي لزينب عن كل اللي حصل وهي دموعها نزلت من تللي حكاهولها وهو مسحلها دموعها

وبحب… كفايه دموع بقا يا حبيبتي وان شاء الله خير

زينب بجديه وخوف… طب إنت هتاخد همس معاك بكره ليه

ابراهيم بجديه… عشان همس هتخفف عنهم كتير وتغير اللي هما فيه

زينب بجديه وخوف اكتر… بس انا خايفه يعرفوا انها بنت حنين وياخدوها منك وعي هتخفف عنهم ازاي دي مهما كانت طفله ولسه صغيره

ابراهيم بجديه و توهان… زي ما خففت عني كتير وان شاء الله لما اخدها بكره و نسافرلهم هيحبوها زي ما انا حبيتها علي الاقل اعوضهم عن اللي انا عملته في حنين بنتهم

زينب بحب و أمل… ان شاء الله يا حبيبي ان شاء الله

*******************************

تاني يوم 👇👇

ابراهيم صحي من النوم و صحي همس اللي كانت نايمه في حضنه وبحب وحنان… يلا يا هموستي عشان نصلي و نفطر و نلحق مشوارنا يلا

همس بتوهان… سبني انام كمان شويه يا هيما مش عايزه اروح دلوقتي

ابراهيم بمشاكسه ومكر… خلاص يا حبيبتي نامي كمان شويه

همس بحب وهي مازالت نايمه..شكرا يا هيما يا حبيبي شكرا

ابراهيم بمكر اكتر وضحك😂… لا شكر علي واجب يا قلب هيما ومره واحده كان كابب عليها كوباية مايه متلجه

وهي قامت صرخت بصوتها كله… وصحت كل اللي في البيت ودخلوا عليها يجروا

وأول ما دخلوا عليهم الاوضه وبسؤال و خوف… في ايه وايه إللي حصل ؟؟

ابراهيم قام يجري من جنب همس لما لاقا الشر في عيونها وبضحك😂… لا أبدا مفيش حاجه دا انا كنت بصحي همس وهي مرضيتش تصحي فقومت كابب عليها كوبايه مايه متلجه و طلع يجري

عمرو بضحك😂… والله تستاهلي انتي فعلا انسانه مستفزه وتستاهلي يتعمل فيكي اكتر من كدا… وهي لسه هتجري ورا ابراهيم

بصت لعمرو وباستفزاز ليه… والله ما في حد مستفز ادك وسابته وطلعت تجري ورا ابراهيم

وزينب مسخسخه عليها من الضحك😂

واحمد جوزها بضحك😂… والله البت دي بمليون راجل

عمرو بغيظ… والله انا ساكت عشان خالو بس غير كدا كنت ولعت فيها وعلمتها الادب

احمد بضحك😂 وخبث… طفي النار إللي في قلبك الاول يا أخويا جتك وكسه توكسك اكتر ماانت موكوس… وسابه وهو و زينب وخرجوا

وعمرو كان عايز يولع فيها فعلا بس علي قول ابوه يطفي النار اللي اول ما بيشوفها بتولع في قلبه الأول و خرج

لاقا ابراهيم بيجري وهمس بتجري عشان تطوله بأي شكل

وابراهيم بضحك😂😂😂… خلاص بقا يا سوكا يا عبيطه مبقتش قادر اجري

همس بغيظ… انا سوكه العبيطه انا ؟؟؟

زينب بضحك😂… خلاص بقا يا حبيبتي ميبقاش قلبك اسود زي سوكه كدا

همس بجديه وغيظ… عمتو خليكي بره الموضوع عشان في فيه رقاب هتطير دلوقتي فخليكي بره احسن

زينب بضحك😂… حاضر هخليني بره الموضوع وادخل اعمل الفطار عشان تلحقوا تروحوا مشواركوا ودخلت وسابتهم

واحمد و عمرو مازالوا بيتفرجوا علي القط و الفأر اللي قدامهم

ابراهيم بتعب وبينهج… خلاص يا همستي سماح المره دي خلاص

همس بغيظ… هسامحك بس بشرط

ابراهيم وهو مازال بينهج من الجري… قولي ياسوكه ياعبيطه قولي… وبضحك😂 قصدي قولي ياهمستي قولي

همسه بمكر…شرطي عشان اسامحك انك تشيلني علي ظهرك في الشارع وتروح بيا السوبر ماركت واشتري كل اللي انا عايزاه

ابراهيم افتكر صوره حنين وهي علي ظهر اخوها ومطلعه لسانها وبتضحك

الضحكه غابت عن وشه وهمس قربت منه وبجديه وحب… خلاص يا بابا بلاش تشيلني علي ظهرك بس بلاش الزعل اللي علي وشك ده… لاني بزعل اكتر منك وقلبي بيوجعني اوي لما بلاقيك زعلان

ابراهيم شدها لحضنه وضمها جامد وبحب وعشق… بعد الشر عليكي يا قلب بابا من الوجع والزعل ان شاء الله انا بدالك وانتي لا ياهمستي… دا انا هشيلك في قلبي وعقلي و في كل كياني مش علي ظهري بس… يلا ياقلب هيما… نصلي ونفطر عشان نلبس ونمشى

وبعد وقت ليس بكثير… صلوا وفطروا ولبسوا وودعوا زينب وهي دعتله ان ربنا ييسر له الامور وخرجوا

واول ماخرجوا… ابراهيم شال همسه علي ظهره زي ما قالها… هو مش عايز يحرمها أبدا من حاجه مهما كانت… ووداها السوبر ماركت وهو شايلها علي ضهره وكانت مبسوطه اوي و باسته من خده

وهو زاد سعاده فوق سعادته واشتروا كل اللي همس عايزاه من شيكولاتات وحاجات تانيه كتير وسافروا لأهل حنين اللي هما اصلا جد و جدت حنين الصغيره اللي هي همس

وبعد وقت ليس بقليل وصلوا وابراهيم خبط علي الباب ومش عارف… ليه قلبه مقبوض وخايف علي همس وبصلها وضمها بايديه…ولحظات و الباب اتفتح وكانت الشغاله وابراهيم عرفها بنفسه و طلب منها انه يدخل

الشغاله بجديه… اتفضل يا بيه هما منتظرينك جوه في اوضه الهانم الكبيره

ابراهيم دخل بخطوات مميته و مكنش عايز يدخل الاوضه… لانه حاسس ان قلبه مقبوض… حاسس ان حد هياخد منه حاجه غاليه عليه اوي ويحرمه منها

خبط علي باب الاوضه… وبعد السماح ليه بالدخول دخل هو و همسته

وأول ما دخلوا ام حنين وابوها بصوا بصدمه ودهشه و عنيهم علي همس بتركيز شديد

والاتنين اتصدموا والصدمه لجمتهم

ولحظات من صدمتهم وبصوت واحد ((حنين))