رواية كارثه خفيه – الفصل الثالث
وسلمى شافت الست بتاعت التين بتبص من شباك البيت
سلمى…. الحق يا محمد الست بتاعه التين اهي قدام باب بيتنا
محمد نزل من العربيه وفضل يجري وراها
عزه…. ايه يا ماما في ايه ليه بابا جري ورا الست دي
سلمى… لا ما فيش حاجه يا حبيبتي خليكم هنا ما تنزلوش من العربيه
ولسه هتنزل قالت….. لا انا مش هتحرك مش هروح وراها هفضل جمب عيالي.
وحضنت العيال بس نزلت من العربيه لما شافت محمد
قالت….. ادخلو جوه يا عيال….. الاولاد دخلو البيت
محمد….. هربت بنت المتضايقه كان في واحد مستنيها في العربيه ركبت وطفشو ما لحقتهاش
سلمى….. تهرب منك ليه امال انت بتعمل ايه ما هي كانت قدامك
محمد… هى جريت قبل ما انا انزل من العربيه جريت لقيتها راكبة في العربيه ومشيت اعملك ايه يعني بعدين ما تزعقيليش
سلمى… ايه ده دى حطت ورقه تانيه قدام البيت ايه اللعب بالاعصاب ده يا محمد انا خايفه
محمد بضيق…… وريني الورقه دي وريني عشان هي هتطلع تخاريف في الاخر اصلا …… عندك اربع امانات تلاته بتوعك وواحده مش بتاعتك جيه وقت ترجعيها
سلمى بزعر…. مش بقولك على ولادي يا مصيبتي يعني في واحد في العيال دي مش ابننا يعني فيهم واحد مش ابني يا مصبتي يا لهوي لا انا جبتهم كلهم كلهم ولادي دول ولادي وايه جيه الوقت اللي ترجعي فيه الامانه كمان هياخدوه مني كمان هياخدوه مني لا ما حدش هياخد ولادى يا محمد دا انا اموت فيها دى كدابه صح كدابه
محمد… اهدى يا عمرى ما حدش هياخد منك اولادك انا معاكي مش هخلي حد يقربلك والله العظيم ما هسيبهم يا خدو ابننا دول كلهم اولادنا تمام اهدي
سلمى ببكى … يلا بينا نهرب دول ولادى اربعه مش عايزه اعرف حقيقه تانيه غير كدا صح احنا نهرب من هنا يلا نهرب
محمد…. سلمى اهدى شويه وركزى نهرب نروح فين ونسيب بلدنا واهلنا وحياتنا بعدين الاولاد دول لو فيهم واحد مش ابنك يبقى ابنك في حته تانيه
سلمى…. مش عايزاه خليهولهم انا دول اللي جبتهم دول اللي ربتهم عايزه اولادي كلهم مش هديهم منهم حد يا محمد انا بقولك اهو لو اخدو منى ابنى هموت فيها سمعت اقتلها طيب اروح اقتلها
محمد… اهدي بقى العيال بيشوفوكي كده بيخافوا اهدي تقتلى ايه هى فرخه اهدى عشانهم حتى
سلمى…. يا مصيبتي السودا يا مصيبتي انا يا مصبتى يا رب يا رب ما ليش غيرك يا رب
بعد شويه كانوا قاعدين وبيبصو للاولاد الاربعه اللى كانو بيلعبوا
سليم… شوفي بقى يا عزه البنت ما ينفعش تجري في الشارع ما ينفعش تلعبي معانا اصلا انتى كبرتى
عزه…. اشمعنا يعني ما انتم بتروحوا تلعبوا بالكوره مع الولاد فى الشارع
سليم….. عشان البنت ما ينفعش تلعب مع الاولاد عيب ماما مش بتجري في الشارع الا لو فى مصيبه لما يبقى في مصيبه اجري في الشارع ما فيش مصيبه ما ينفعش تجري في الشارع
عمر…. ايه يا عم التخلف ده انت لسه قاعد على الايام دي احنا كبرنا والعقول اتتورت انتى تقدري تجوي وتلعبي في الشاوع وتلعبي وياضه كمان ده متخلف العقليه سيبك منه
ايمن… سيبكم من الاتنين هى لا تطلع الشارع ولا ما تطلعش انا لقيت حل حلو احنا نجوزها ونخلص منها جوزها بقى يجريها في الشارع يحبسها في البيت هو حر
عزه… اه وتجيبولي فستان وطرحه
ايمن…. اه ايه رايك في الفكره
سليم… وحشه… عزه لسه صغيره دى ٤ سنين يا عم
ايمن… مش مهم تكبر معاه مش يا بابا عادي تتجوز
بس محمد مردش عليه
ايمن… يا بابا مش عزه عادي تتجوز دلوقت
محمد.. ها ايه كنت بتقول ايه
ايمن…. عايز اجوز عزه ولا لازم تكبر
محمد… لا لازم تكبر يلا على اوضكم بقى
الاولاد راحو اوضهم
سلمى بدموع…. طب مين مين فيهم طب ازاي…….. ازاي انا ما خدتش بالي طيب ازاى ما حسيتش بحاجه ازاى
محمد….. وحياه ربنا ما تعيطي انا ما اقدرش اشوفك بتعيطي
سلمى ببكى… طب ازاي يعنى ازاى.
محمد…. نروح نبلغ البوليس نشوف ايه اللى يتم
سلمى…. لا طبعا هياخد مني واحد من اولادي
محمد…. طب نروح المستشفى نعمل لهم تحليل دي ان ايه ونشوف النتيجه يمكن بتكدب او مخربطه فى العنوان
سلمى… لا لا يا محمد لا مش هعمل تحاليل لاولادى لا
محمد… ليه ما هو ده الحل الوحيد اللي هيبين مين فيهم اللي مش ابننا يا سلمى ويقطع كل الشكوك اللى فى دماغنا دى
سلمى بانهيار…. ما هو عشان كده يا محمد لو يطلع واحد فيهم مش ابني والله هموت فيها خليهم قالو ان فيهم واحد من بين الاربعه مش ابنى مش هيسيبوهولى وانا اعمل ايه كدا ببساطه اتخلى عنو واقول لهم خدوه انا دول اولادي سمعت…. كلهم اولادي كلهم ما ليش دعوه بحد مش هتنازل عن اى واحد فيهم
محمد…. طيب اهدي احنا لازم نعمل التحليل ونعرف اذا فيهم فعلا واحد مش ابننا مش يمكن يطلعوا كلهم اولادنا وتطلع دي مخربطه في العنوان او مجنونه يا سلمى اهدى عشان نعرف نفكر
سلمى… لا هى مش مخربطه هى عارفه قوي هي بتقول ايه دي جات لنا البيت تقدر تقولى عرفت البيت منين عرفته منين يا محمد دي تعرفنا وتعرفنا كويس قوي وعارفه هي بتقول ايه مش اى كلام هى متأكده
محمد… طيب تمام بس اهدي ماشي انا كدا مش عارف اتصرف ولا عارف اسيبك واروح ادور عليها ماشى يا قلبى
سلمى ببكى… لا مش ماشي لا لا مش هديهم واحد في ولادي انا مش عايزه اعرفه اصلا لو فيهم واحد مش ابنى خليه مجهول كدا انا مش عايزه اعرفو
محمد……. طيب انا هعمل التحليل بس علشان نعرف اذا فعلا فيهم واحد مش ابننا هنقول الدكتور ما يقولناش مين هو من بين الاربعه تمام بس علشان لو ابننا في حته تانيه نعرف نجيبو ما تعيطيش والله العظيم ما اقدر اشوفك بتعيطي كده ها يلا
سلمى بقت تبكى وتقول…. خايفه انا خايفه يا محمد خايفه يطلع فعلا مش ابنى
محمد…. طب اهدي عشان الولاد طيب هتقوليلهم ايه بحالتك دي
سلمى….. مش قادره بس هحاول اهو
بعد وقت كان محمد وسلمى وسعاد فى المعمل
الفصل التالي اضغط هنا
يتبع.. (رواية كارثه خفيه) اضغط على اسم الرواية لتجد الفهرس كاملاً بجميع الفصول.