رواية كارثه خفيه – الفصل الرابع
٤…. بعد وقت كان محمد وسلمى وسعاد فى المعمل
سعاد… اهدي يا بنتي ما تخافيش اهدي ان شاء الله هيطلعوا كلهم اولادك ودي هبله
سلمى…… مش قلنالك خليهم عندك في البيت
سعاد.. انتو اول ما اخدته منهم العينه انا وصلتهم عند سوسن وجيت لازم اكون جنبك قبل ما النتيجه تطلع انتى ربيتيهم كلهم يا بنتي لو ولا واحد ابنك برضه مش هيهمنا تمام مش هنعرفه مين اصلا اهو طلع الدكتور
سلمى جريت عنده وقالت….. ها ايه يا دكتور فيهم واحد مش ابني فعلا
الدكتور… مع مع الاسف ٣ عينات اتطابقو والعينه الرابعه طلعت سلبيه ما تطابقتش يعنى فعلا كدا
سلمى… لا لا كلهم اولادى انا لا
بس وقعت مغمى عليها
محمد…. سلمى سلمى فوقى يا سلمى
بعد شويه كانت فاقت وقالت… الامانه هي عارفه الامانه وقالت انها هترجعها يعني الامانه هتتخطف مش هتستناها ترجع هتاخدها لوحدها يا مصبتى اولادى
محمد… طب اهدى
سلمى… ما حدش يقول لي اهدي في واحد في ولادي هيتاخد مني هدايت ايه اللى عايزينى اهداها اللى عندو حاجه تهدى يعملها ولا ما عندوش يوفر اهدى بتاعته دى عشان بتعصبنى اكتر انتى جيتي ليه كان المفروض تخليكي معاهم هناك
وطلعت تجرى محمد…. معلش يا ماما هي مش قصدها
سعاد… الحقها يا محمد انا اكيد مش هزعل منها في الوقت ده
محمد جرى ورا سلمى وركبو العربيه بس لقو الست بتاعه التين واقفه عند بيت سعاد اللى فيه الاولاد
سلمى… وقف العربيه
محمد…… هنزل انا انتى ما تنزليش
بس سلمى بقت تجري ونجاح اول ما شفتها جريت في الشارع بس سلمى كانت اسرع بكتير وطبعا ده حال الام سلمى مسكتها وقعتها في الارض وبقيت تضرب فيها بغل
وتقول…. ليه عملتى كده انطقي اتكلمي ولا والله العظيم هطلع بروحك وما حدش هنا هيطلعك من ايدى انتى تعرفينا من فين انطقى
محمد بعدها منها واخدها على بيتهم وربطوها في الكرسي
محمد… قبل ما تقولي مين فيهم مش ابني قولى ليه عملتى كده ليه ها ومين زقك تعملى كدا وفين ابنى
نجاح…. مات ابنكم مات من سنه
سلمى… انتى بتكدبي انا مش مصدقاكى
نجاح….. والله العظيم مات انا هقولك اللي حصل كله من اوله لاخره انا ليا اخت واحده ما فيش غيرها اتجوزت واحد عنده فلوس كتير متجوز ٣ مرات وهي الرابعه كل اللي بيتجوزهم ما بيخلفوش غير بنات وهو متجوزها علشان تجيبله الولد لو جابت الولد هتبقى هي الكل في الكل خوالي جوزوهالو علشان احنا يتامى وقاعدين معاهم ……… وهى حبلت وجيه يوم الولاده ولدت معاكي في نفس اليوم جابت بنت…… مرت خالى اتفقت مع البت اللي شغاله هناك هتبدلهالها بولد مع السوء حظك كنتى انتى اخدت ولدك وادتلك بت اختي الولد ده بالصدفه طلع عنده ثقب فى القلب اخد سنه اتنين وفي التالته مات شفت اسمك من المستشفى واسم جوزك سالت عليه لانى كنت ناويه ارجع بت اختي لان انا قلت لهم ان اللي بيحصل ده غلط جوز اختى لما الولد مات طلقها لانها اتفرعنت قوى لما جابته اختى بقت تبكي على الولد لان كل حاجه راحت منها حكمها في البيت والفلوس اللي اخدتها كل حاجه راحت …..ف هي دلوقتي عايزه بنتها ف انا جيت اخدها
سلمى…. سمعت قالت ايه بتقول عزه مش بنتي مش بنتنا وابننا مات.
الفصل التالي اضغط هنا
يتبع.. (رواية كارثه خفيه) اضغط على اسم الرواية لتجد الفهرس كاملاً بجميع الفصول.