رواية فتاة القوات الخاصة – الفصل السادس 6
” أدهم راح المكتب و فريده فضلت واقفة لحد ما اتفاجئت بـ كريم قدامها..! ”
– اهلا اهلا انتي رجعتي!
” بصتله بعْل”
– متخافيش مش هعملك حاجه..
= انا الى اخاف؟؟ انا صْرباك بدل المره اتنين
كريم حاول يمسك نفسه: اخلاق بنت المقدم يونس وحشه الحقيقه!
” فريده بصتله بصدمه ”
ابتسم بسخريه: بس شكل دي تربية الظابط ياسمين
” قبضت ايدها ولكمته بكل قوتها”
ادهم قاطعهم: فريده!!
” و قبل ما كريم يلمح وجود ادهم زقها وكان
هيضـ ـربها فا هي تقدمت عشان تلكمه مره تانيه بس المفاجأة ان اللكمه جت من ادهم بقوة في وش كريم لدرجه انوه وقع !! ”
فريده بخصْه: أدهم سيبه !
” بسرعه يوسف اتدخل بينهم و كريم اكتشف ان أدهم ملازم وكش! ”
” المشكلة خلصت في مكتب العميد و أدهم خد فريده وخرجوا ”
– انا عايز اعرف انتي معرفتنيش موضوع إنك متخانقه معاه مرتين قبل كده في الجيش ليه؟
= عادي!
– يعني ايه عادي ؟؟ يعني ايه !
= يعني انا كنت لوحدي ست شهور !! طبيعيي حصل أحداث وحاجات كتير!!
– عموما لو فكر يقرب لك تاني عـ
قاطعته وهي بتبصله وبترد بسرعه: ادهم أنا مش صغيره.. وبعرف ادافع عن نفسي !
= وده لا يعني اي شيء بالنسبالي انا قولتلك انتي تحت مسؤوليتي يافريده
” اتنهدت عشان الموضوع ميكبرش ومشيت الدنيا لكن الى كان غريب هو نظراته ليا طول ما كان بيدربنا وتعمده يخليني دايما اللعب مع البنات مع انه عارف كويس اني اقدر اللعب مع رجالة واكسب! واني قوية! لحد ما فاض بيا في اخر التمرين بقلمي سلسبيل احمد”
– لو سمحت يا سيادة الملازم
= خير
– سيادتك انا بلعب مع ناس اقل من مهاراتي بكتير
اتنهد وبصلي: كده احسن يا فريده
= احنا هنا في تدريبات خاصة ليها قواعد قوانين مش في البيت فا مفروض تعاملني على الأساس ده
– وهو في ظابط تكلم القائد بتاعها كده؟
فريده برسمية: بعتذر سيادتك.. بس انا مش هقدر اللعب مع خصم اقل مني
= وايه رأيك فيا كا خصم بقا؟
– نعم.؟
” راح جاب القلبظات من على الأرض ولبسها وبصلي”
– هتتفرجي عليا؟
” روحت قصاده على ارض الملعب وكان واقف بمرونه وانا اخدت وضع الاستعداد ”
بصلي بأستهتار: ابدأي
” حاولت اتقدم واصْربة ولكنه كان اخف واسرع! واتحرك قبل ما صْربتي توصله.! الحركه عصبتني اوي فا وقتها تقدمت مره تانيه بسرعه فا سدد ليا صْربة وابتسم بثقة ”
“مسحت على وشي بكوعي وانا بتنفس”
– كملي
” بدانا من جديد وحاولت اسدد فيه اي صْربة لكني معرفتش وفضلت اعافر لحد ما كان نفسي هيتقطع وفالاخر مسك ايدي الاتنين بتحكم قوي! ”
– بالشكل ده مستواكي أقل من العادي
رديت بعصبيه: دي مقارنه خسرانه انت اكبر مني وعندك خبره اكتر وانت ملازم وانا لسه ظابط
” فك ايده وسابني ”
= لا.. انتي مهاراتك كويسة بس طريقتك هي الى غلط ومش عارفه تتحكمي في صْربتك وسمحتي لخصمك يعصبك ويخليكي متوتره و متنرفزه وانتي بتلعبي وده بيأثر على قوتك وتركيزك.. طاقة الغضب الى جواكي مينفعش تخرج بالطريقة دي
” بصتله بصمت..”
– انا هاروح اغير عشان نمشي
” ادهم خد نفس و خرجه بهدوء عشان يعرف يبلع طريقتها.. وعنادها معاه او مع نفسها! ”
” اللهم صلِ وسلم وبارك على سيدنا محمد ”
|| في فيلا عزت صقر ||
” وصلوا هما الاتنين لقوا ياسين قاعد تحت و نبيلة جمبه ”
ياسين: مخلاص بقا يا حجه!
– خلاص ايه وريني وشك لسه
” ادهم بصله بصدمه ”
– انت ايه شلفط وشك بالمنظر ده ؟
فريده: حصل ايه يا ياسين
نبيلة اتنهدت: البيه بيتخانق فالشارع زي البلطجيه
ياسين: امك بتموت فتكبير المواضيع
قعد وبصله وهو بيلمس وشه: وايه الى حصل
ياسين: خناقة هبله مع خمس عيال شمامه متسواش كانوا ماسكين في بنت.. عجنتهم اصلا بس الكتره تغلب الشجاعه بقا انت فاهم يحبيب قلبي..
ادهم برفعه حاجب: وبعدين؟
– مسبتهمش غير لما كومتهم كلهم طبعا و البو ليس جه لمهم مش شاغلني دلوقتي غير سيادة اللواء لما يعرف هيطينها على دماغي لأن المحـ ـصْر اتحول عسـ ـكرية طبعا
فريده بدهشه: محضر ؟ انت عملت فيهم ايه بظبط؟
ضحك بسخريه: كسر على فتح دماغ على كدمات مبرحه كده يعني
أدهم: طب ما راجل
نبيلة بصتله بغضب: اخرص
ياسين: عيب يا ماما بتقولي للملازم ادهم يخرص؟
نبيلة: مسمعش صوت حد منكم يابن الجرْ مه انت وهو واتفضل ابقي عالجه انت
” سابتهم وقامت وفريده ضحكت ومسكت الشاش والقطن و حطتهم على الجر ح الى في وش ياسين ”
فريده بفخر: شاطر.. ضربتهم كلهم؟ الخمسه.
ياسين بتمثيل فرد عصْلاتة: مش فاكر خمسه ولا تمانيه بصراحه
” فضلوا يضحكوا وبعدين ادهم سابهم وطلع”
ياسين: عملتي ايه مع سيادة الملازم ده؟
= عجني .. اخوك عجني يا ياسين
– عجنك ده تعبير مجازي؟
= لا هو عجني بجد.. هحكيلك بس الأول قولي..
غمزلته وكملت: هي البنت كانت حلوة اوي كده؟
ياسين ضحك على طريقتها: احمم.. يابنتي هو انا بتاع الكلام ده
– ياسين انجز
= كانت قمر يا بت فيرو.. مش من المنطقه اصلا وكانت تايهه و العيال مسكوا فيها وخدوا شنطتها وكانت مر عوبة..
– طب رقمها بقا اي حاجه؟
= لا يابنتي مش اوي كده انا بعمل الخير وارميه في البحر
” فريده بصتلة بنص عين ”
“ياسين بص للسقف وهي ضحكت”
– ماشي كدا كدا هتيجي تقولي
>>>>>>>>>>>>>>>>>>>>>>>>>>>>>>>>>>
سبحان الله وبحمده سبحان الله العظيم
” طلعت اوضتي وقبل ما ادخل كان باب اوضة أدهم مفتوح.. شوفته وهو ماسك صورته مع بابا.. كنت عايزه ادخل.. واتكلم معاه لكني دخلت اوضتي.. قفلت الباب وطلعت صورتة هو ماما.. ”
>>>>>>>>>>>>>>>>>>>>>>>>>>>>>>>>>>
|| بعد مرور اسبوع | في مقر سـ ـري ||
– خير يا سيادة الملازم؟
= طبعا حضرتك عارف ان اللواء عزت مانع اني اشوف القصْية بتاعت المقدم يونس.. او حتي اطلع على بعض الاوراق
– مظبوط..
= حضرتك انا كنت اقرب واحد لي وحاسس اني ممكن افيد القصْية دي.. وانا بعتذر.. بس فات اكتر من ست شهور.. ومفيش جديد!
– تقصد ايه يا سيادة الملازم
= العفو سيادتك.. مقصدش.. لكن انا عايز اقدم طلب رسمي عشان اطلع الى مُلابسات القصْية
– خليني افكر وارد عليك..
= تمام سيادتك بعد اذنك
|| في فيلا عزت صقر ||
– ها ياعمي قولت ايه؟
= قولت ملهاش لازمه يا فريده تروحي ده مـ ـسرح جرـ يمه
فريده عقدت حواجبها: ده بيتي !
نبيلة: حببتي ده بيتك برضو
ياسين بهدوء: خلي الحرس يطلعوا معانا يا بابا وانا هبقي معاها!
عزت: يعني محدش عاوز ينفذ كلامي
” فريده سكتت بزعل.. وبعد الفطار ياسين قال لعزت مره تانيه و وافق.. ”
– ها جاهزه؟ هنروح
” اول لما قالي كده روحت جري اجيب شنطتي وخرجنا وحمدت ربنا ان ادهم مش موجود في البيت و ركبنا انا وياسين العربية عشان نروح! ”
” وصلنا و اول لما دخلت حسيت بشعور غريب! ذكريات كتير مؤلمه!!! حاجات مكنتش عامله حسابي اني هحس بيها! عيوني دمعت غصب عني وكنت تايهه”
– فريده! انتي كويسة؟
= ءء.. انا كويسة
– طب نروح؟
= لا يا ياسين..
” دخلت اوضة النوم..ومنها على الاوصْه السرية.. الى ماما دخلتني فيها يوم الحد ثه.. طلعت مفتاح من جيبي وفتحت حْزنه في الاوضة محدش يعرف عنها حاجه غيري انا .. كنت متأكده ان محدش هيلاقيها ”
ياسين بصلها بستغراب: هو ايه ده؟
– ده ورق مهم.. مهم اوي
= حد يعرف بوجوده غيرك؟
– لاء ليه؟
= طب يلا نتحرك بسرعه بقا
– ماشي يلا
” وقبل ما نخطي خطوة واحده سمعنا صوت حد بره”
” ياسين خلاه فريده وراه بسرعه وطلع سلا *حه والاتنين كانوا محْضوضين !”
يتبع.. (رواية فتاة القوات الخاصة) اضغط على اسم الرواية لتجد الفهرس كاملاً بجميع الفصول.