رواية عشق الصقر – الفصل الأول
عمار…. هدب….حها ورب الكعبه لدبحها
ابوه…. اهدى يا عمار هتكون راحت فين دلوك ترجع
عمار… هى كل يوم تقرطسنا وتطلع بره البيت والله لو ما رجعت لموتها
فى مكان تانى شاب جميل بطله قويه بيمشى بحصانه قصاد بنت على حصانها مغطيه وشها باين بس عنيها
الشاب… النظره دباحه والقلوب مش مرتاحه بت وقفى شويه هكلمك انا اول مره اشوف مهره راكبه مهره
البنت… فى ايه يا جدع انت ماشى وراى ليه
الشاب… هنتسابق واللى يفوز يطلب طلب من التانى
البنت… هه تخسر يا ولا
الشاب… انى عمرى ماخسرت واصل
البنت… خلاص تبقى اول مره ليك
وشدت لجام الحصان جرى بسرعه الشاب شد حصانو وجرى وراها
وقال… واه خدتينى على خوانه يا سلطانه
البنت… مين سلطانه دى
الشاب… انتى تشبيهى السلطانات قوى هسميكى سلطانه
البنت…. وانت شوفت كام سلطانه عاد على كده
الشاب…. حريم كتير بيض وسمر ومقسمين
بس كيف العيون دى مشفتش العين
البنت…. هههه انى مش من اللى بياجو بكلمت حب
ونظره حتى لو النظره تأثر القلب……..
وشدت الحصان وجريت بيه
الشاب جرى وراها بس اختفت عن الانظار بقى يبص عليها بس ما شفهاش راح لسرايا كبيره
عمار… صقر انت فين هاجج لو فى حريقه ما يلاقوكش
صقر… الحريق كان ناشب فى قلبى دلوك حتت بت اخ يا عمار لو اوصف حلاها هخد ٣ ايام تحل من على حبل المشنقه ما كانش باين غير عنيها بس يكفو ويذيدو قمر ياض قمر
عمار… تعال يا رايق عاوزك اقعد عملت ايه فى موضوع ابوك عرفت هو مين
صقر… لا وصابحه قالتلى ان امى كانت غازيه والله اعلم لو امى نفسها عارفه ابوى دوخت على ما لقيت صابحه وهتوه على ما الاقى امى تعرف اسمها زيزى يلا انى كده ضعت حاسس صبحه دى كدابه بس مين هيناسب واحد ولد حرام ويديه بته
عمار…. لو معاك فلوس كتير اللى يناسب وولد الحرام يبقى البيه الفلوس بتجيب كل حاجه يا صاحبى انت شد معاى فى طلعه هنهربوها لو ضبطت هتاكل الشهد كلو وهتناسب من اعيان البلد كمان والكل هيعملولك حساب وهتبقى من دراعى اليمين لشريكى فى التجاره انت الوحيد اللى تقدر تهرب البضاعه
صقر… اشمعنا انى اللى اهرب ما الناس كتير ابقى ولد حرام ومهرب كمان
عمار… ومالو لو هتجيب فلوس ها قولت ايه
صقر.. على خيرة الله مدام هطلع من اللى انا فيه انى كده كده مخفوس بيا الارض ومباينليش طلعه
عمار…. تمام هتنام معاى فى الاوضه النهارده عشان هنقومو بدرى
صقر… تمام هشوف الشغل مع الغفر وارجع وباليل كان فى الاوضه مع عمار
عمار…. روح من المطبخ تحت املى ده ميه وهات من التلاجه حاجه حلوه
صقر… ابوك لو شافنى هيزعق ويقولى انت غفير ما تتمشاش كده فى السرايا
عمار… قولو عمار بعتنى روح
صقر… طيب ونزل وجاب الحجات وطلع بس الكهربا قطعت دخل الاوضه وفتح الفلاش بتاع الفون بس كان فيها نفس البنت اللى كانت على الحصان بس بلبس البيت
صقر بص لوشها وقال… سلطانه انتى سلطانه صوح عرفتك من عنيكى مهنساهمش واصل
البنت…. انى انى اه انى خدامه لاخت عمار بيه وبنام جارها هنه
صقر… الله اول مره فى حياتى تصدف حاجه زينه تصدقى
البنت… اشمعنا
صقر…. كل حياتى عفشه انتى احلى حاجه فيها……….. ايامى مره بس انتى بتحليها………….. انى ناسى عنوانى بس عنيكى مش ناسيها
البنت ببتسامه … ايه ده انت هتغنيلى ولا ايه
صقر قرب شويه… ومالو لازمتو ايه الشعر والغزل لو متقالش ليكى هو اصلا اتعمل عشانك
البنت بعدته وقالت… لاه حلمك عليا شويه انى ما ليش فى الدلع ده كلو
صقر…. انى هقولو من صباحك لمساكى
بس سمع صوت عمار بيقول… انت يا تور فينك
الكهربا رجعت
صقر… انى التور بيدور عليا معلش على دخلت بوليس الاداب دى بس لما الكهربا قطعت خربطت فى الاوض فكرتها لعمار مهاتقوليليش اسمك ايه صوح
قالت… جميله
صقر… قوى قوى والله اسم على مسمى سلام هشوفك لو كان فى العمر بقيه سلام
جميله… سلام
صقر نزل… ايه جدع في ايه نازل زن زن
عمار… انت فين يا صقر انت بتستهبل بقالي ساعه بعتك تجيب ميه
صقر… لقيتها لقيتها
عمار… هي مين دي اللي لقيتها
صقر… البنت اللي انا حكيتلك عنها ام العيون الدباحه
عمار… فين ان شاء الله طلعتلك في البوتاجاز ولا في التلاجه
صقر…. لا في الاوضه قمر وشها قمر
عمار… اوضه مين اسم الله عليك لسه بدري على الجنان ده
صقر بفرحه… طلعت خدامه عندكم احلى حاجه دى كده هتبقى من توبى ان شاء الله هنخلص الطلعه دي وهاجي اتجوزها ما تعرفش عملت ايه فى قلبى فى المرتين دول
عمار… يلا بقى ننام عشان تجبلك قرشين حلوين بكره عشان تعرف تبنيلك بيت وتاخد فيه حبيبتك المجانين في نعيم
في صباح يوم جديد
كانت جميله واقفه في اسطبل الخيول بتاكل مهره صغيره بس حسيت بحد حضنها من ورا ومسك ايدها وبقى يمدها للمهره التفتت بخضه بس كان صقر
وقال… تعرفى ان احلى حاجه فيكي قلبك الطيب انا اموت في القلوب الطيبه
جميله… امم طب بعد كده ياض لا تتعور ولا حاجه
صقر… لا ما تخافيش انا واخد على الخيل ما يعورنيش ابدا
جميله…. لاه ما اني اللي هعورك مش الخيل
صقر…. ليه بس كده يا جميل ده احنا جايين في خير
جميله… الخير تاجي فيه من بعيد ولا لازم تاخد بالباط
صقر… ماشي بعدت اها بقولك ايه انا عايز اشوفك بعيد من هنا حد يشوفك يزعقلك تخسري شغلك عايز اشوفك بره
جميله… وتشوفني ليه
صقر… فى كلام كتير قوي عايز اقولك عليه
جميله… طب ما تقولوا اهنا
صقر… خلي عندك فهم بقولك عايزك في كلام بعيد
جميله… ماني فاهمه بس ما بروحش مكانات بعيده مع حد غريب
صقر… اخص عليكى هو انا غريب صقر 28 سنه ما فيش مدرسه ولا اي حاجه خالص عشان اعدها اليد اليمين لعمار صاحب السرايا حتى اهلي ما اعرفهمش عشان اعدهم بس عجباني وهموت واقعد معاكي شويه ندردشو بس ونتعرف
جميله…. انا كمان ما اقدرش اعرفك عليا يعني ما هتستفادش حاجه
صقر… كيف ما هستفادش لما العيون دي تكون قصادي دى اكبر استفاده في الدنيا
جميله… طيب بص استناني على البحر النهارده في غروب الشمس كل يوم بروح هناك بالفرس اشوفك هناك يعنى لو حابب
صقر… حابب الساعه 2:00 الظهر تلاقينى هناك وبغنى غيبى يا شمس غيبى بلكى بلاقى حبيبى
جميله….. لاه لتيجيلك ضربه شمس ولا حاجه
صقر… ما هتجيش حاجه فى سهام عيونك
جميله… كلام يوقع بس انى لا عن اذنك……. ومشيت
الفصل التالي اضغط هنا
يتبع.. (رواية عشق الصقر) اضغط على اسم الرواية لتجد الفهرس كاملاً بجميع الفصول.