رواية عشق الحياه – الفصل السادس
الاخير يا حلوين
عاصم قال… ايه دا يا سماح بتزعقيلها ليه فرجتى عليها المحل
سماح قالت… انت مش شايف عايزه فستان عايزه فستان ايه ده مش عارفين نقول كلمتين على بعض جايب بنت اختك معاك ايه ده
عاصم قال… اخر مره ترفعى صوتك فى وشها عشان ما ازعلكش يلا غورى هاتى الفستان عشان احاسب عليه
سماح قالت… انت بتزعقلى عشانها
عاصم قال… واسيبك عشانها كمان فلمى نفسك وطلع راح عند حياه
وقال… حيو تعالى يا بت ناخد الفستان يلا انزلى
حياه قالت بدموع… لا خلاص روحنى وما تخدنيش مع دي تاني مشوار
عاصم قال… ازاى بس دى هتيجي تسكن معانا في البيت وهتشوفيها كل يوم يلا بقى
حياه قالت… لا مش عايزه اروح خلاص مزاجى انضرب ومش هحضر الفرح اصلا
عاصم قال…. طب والله لو ما حضرتى ما احضر
حياه قالت… بجد يا عاصم يعني انا لو ما جتش الفرح بتاعك انت مش هتروح
عاصم قال… ايوه طبعا فرح ايه ده اللي احنا نعمله من غيرك
حياه قالت…. طب انا مش جايه بقلم جيجى
عاصم قال… ايه يا بنت الهزار البايخ ده يلا بقى
حياه قالت… بس انا بتكلم بجد انا مش هحضر الفرح عشان انت ما تروحش وتتجوز دي
عاصم قال… ايه اللي حصل بس اه فهمت انتى غيرانه منها عشان هتاخدني منك صح
حياه قالت بتوتر… ايه انا اغير
عاصم قال…. ايوه ايوه دى غيره انا عارفها دي انا اصلا ماما الله يرحمها لو كانت عايشه كانت هتعمل زيك كده انتى واخده دور امي ودور اختي كمان بلاش لعب عيال قلتلك ما حدش يقدر ياخدني منك يلا بقى تعالي ناخد الفستان بعدين نتفاهم
حياه قالت بغيظ… امك واختك عمرك ما هتفهم ما تموت يا عاصم روح بس لخطيبتك وحاسب على الفستان عاصم اتنهد بضيق ومشى حاسب على فستان سماح وشاف فستان متعلق
قال… الفستان ده انا عايزه
اتفضل
قال… تمام وطلعوا رجعوا على البيت باليل كانت حياه قاعده في اوضتها ماسكه صوره ليه وبتبصلها بحزن خبط على الباب خبت الصوره تحت المرتبه
وقالت… ادخل
عاصم دخل وقال…. مسا مسا على العيون الناعسه
حياه قالت… ايه
عاصم قال… ايه الرد الناشف ده بنمسى شوفي بقى الفستان اللي انتى ما اخترتيهوش يا رب بس ذوقى يعجبك
حياه قالت… عاصم انت متاكد انك عايز تتجوز دى مبسوط في الاختيار ده لا ورايح تتجوز على طول كده في خلال اسبوع وهي عامله زي الواقعه اول ما قلتلها هنتجوز قالتلك اه يلا وجريت يعني مش حاسس ان في تسرع في الموضوع شويه
عاصم قعد جمبها وقال… شوفي انا من زمان بشوفها تمام انا عايز اتجوز
حياه قالت… بتحبها
عاصم قال… انا ما حبتش بصراحه قبل كده فما اعرفش شعور الحب فانا ما اعرفش ان اللى انا بحسه دا ايه اساسا شعور حب او لا
حياه قالت… انا اقولك الحب الحب لما تحس ان الشخص دا محور حياتك يعني يومك مش بيكمل غير لما تشوفه كل همك عايز تشوفه عايز تكلمه وعايز تسمع صوته تقلق عليه لما يغيب تفضل تدور عليه زي المجنون وما تلاقيش راحتك خالص غير لما يجي ويبقى صورته فى عينيك محفوره ولما يغيب شويه يوحشك تبقى عايز تعملله كل اللي هو عايزه حتى لو ده هيجي على سعادتك او على تعبك بس انت بتعمله علشانه لانك عايزه هو يكون مبسوط لانك تفرح لما تشوفه مبسوط تفرح من قلبك تعيش وياه الحلم اللي انت بتحلمه تبقى سعيد ومرتاح في قربو يشارك كل حياتك فرحك وحزنك وزعلك وسرك يبقى اجمل الاشياء في حياتك
بس عاصم قال… ايه حيلك حيلك اللى يسمع الكلام ده يحس انك عاشقه من 19 سنه وبعدين انا مش بحس حاجه من اللى قولتيها دا معاها بحسها معاكى انتى
حياه قالت بفرحه… ايه جد
عاصم قال… اه انا عايز اتجوز والبنت مزه في اشطه
حياه قالت… الشكل مش هيربي عيالك
عاصم قال… هما كدا كدا مش هيتربو هيطلعولى
حياه قالت… عاصم انا خايفه قوي النهارده وقلقانه حاسه كده زي ما يكون قلبي مش متطمن ومش مرتاح كان نفسي اشوف ماما وابكى في حضنها ممكن تبات جنبي النهارده بس
عاصم قال… مين انا
حياه قالت.. اه سماح هتبات مع مامتها النهارده هتوريلها الفستان بس لو هعملك مشاكل مع خطيبتك تمام
عاصم قال… احم طب لو سبتك لوحدك هتعيطي لوحدك في الليل
حياه قالت… مش عارفه يا عاصم بس انا مخنوقه مخنوقه قوي عاصم نام على السرير وشدها لحضنه
وقال.. لا ما فيش داعى لخنقتك يا غاليه وحياه مسكت فيه جامد ونامت واول ما نامت راح على اوضته في صباح يوم جديد حياه اخدت شاور وطلعت بس لقت الفستان بتاع سماح مسكته وبصتله بحزن ولبسته وقفت قدام المرايه وبقت تلف بيه ودموعها على خدها وهي بتتخيل انها لابساه لعاصم بس دخلت سماح
وقالت.. ايه ده الفستان بتاعي
حياه قالت… انا انا انا اسفه انا هقلعو بس
سماح قالت بزعيق… ايه دا وانتى ايه لبسهولك اصلا يا زباله انتى فاكره ان انا مش فاهماكي يا بنت انا من اول ما حطيت رجلي هنا وانا فهماكى انتى عينك منه وغيرانه وعايزه تاخدي عريسى وتاخدي فستاني انتى واحده حيوانه انتى حقوده وغيرانه
حياه قالت ببكى… وطي صوتك وطي صوتك بس انا هفهمك
سماح قالت… انتى حيوانه غلاويه بس جيه عاصم على الصوت وسمر وجوزها
وعاصم قال… يا جماعه مش كده بالراحه بس سكت لما شاف حياه لابسه فستان سماح وسماح ماسكه فيها وحياه كانت بتبكي راح عند سماح
وفال… سيبيها ممكن ايدك كده
سماح قالت… لابسه الفستان بتاعي وحياه راحت اتخبت وراه
عاصم قال… طب اهدي خلاص يمكن بتشوف حاجه اكيد مش هتاكل منه حته
سماح قالت… بتلبس فستاني ليه بقى ان شاء الله وانا بعد ما لبسته هلبسه تانى
عاصم قال بغضب… ايه الكلام ده وما تلبسيهوش ليه فيها جربه واهدي بقى شويه لو سمحتى عيب كده حياه روحى غيرى الفستان بتاعها حياه راحت بسرعه
بس سماح مسكتها
وقالت… اقلعي الفستان ده بقولك هاتي
عاصم قال بغضب… هتاخديه من عليها ولا ايه مش صابره لما تروح تقلعه
سماح قالت… انت بتزعقلي علشانها طب ايه رايك بقى انها هتقلعه هنا على اساس بتتكسف قليله الادب اللى مش متربيه دي اللى يخليها تلبسه من غير اذنى يخليها تقلعه هنا هاتي يا بنت وقطعته من فوق حياه مسكت الفستان وعاصم ضرب سماح بالقلم ومسك ايد حياه
وقال…. روحي على الحمام
سماح قالت… انت بتضربني علشانها
عاصم قال… بضربك اه دى هنا ست البيت والكل في الكل ومش هقبل فيها لو كلمه واحده يلا من هنا بقيناها جواز سماح مشيت وسمر وزياد طلعو وعاصم راح عند حياه
وقال… اطلعي مشيت
حياه قالت.. روح لو سمحت روح من هنا
عاصم قال… يا بنت اطلعي بقى خلاص مكسوفه مني انا اطلعي بقى حياه طلعت وكانت بتعيط عاصم مسح وشها بكفوف ايدو
وقال… حد يعيط في الحمام تعالي هنا قعدها على السرير وقعد قصادها على الارض على ركبه وقال.. ليه عملتى كده رفع وشها بصابعو وقال… بكلمك ليه عملتى كده
حياه قالت… انا اسفه انا كنت عايزه اجرب الفستان
عاصم قال… عايزه واحد زيه
حياه قالت.. لا انا انا اتاسفلها هروح
عاصم قال… لا هى مش لازماني خلاص اهدي بقى
حياه قالت ببكى… انا انا بحبك عشان كده لبسته كنت بشوف هى احلى مني يعني
عاصم قال… حب ازاي ده انا ما افتكرش بتفكري فيا كده يعني
حياه قالت… انا لا بفكر فيك ومش قادره افكر غير فيك
عاصم قال… كنتى بتحبيني كنتى تقصدينى لما شرحتى الحب الكلام اللي قلتيه كنتى تقصديني انا بيه
حياه قالت… انت وما فيش غيرك انت سكنت القلب والعقل مش قادرين يفكرو غير فيك والقلب ما بقاش قادر يدق لغيرك حتى العين شغلتها ما بقتش شايفه غيرك لما قولتلي اساليها كنت هقولك انها مش موافقه عشان تمشي بس قلت ان انت تكون مبسوط حتى لو مع غيرى احسن ما تبقى زعلان ما قدرتش اخليك تحس اللى انا بحسه ان الحب من طرف واحد ما كنتش عارفه اقولك كنت مكسوفه وبقت تبكى
عاصم قال… وانا الحمار اللي ما حسيتش بالحب ده انا هتجوزك انتى يوم الخميس مش هأجل انا هتجوز يعنى هتجوز
حياه قالت… ايه ده انت جاى في اي حاجه بلاها سوسو خد ناديه
عاصم قال… لا مش كده بس رجعت الكلام بتاع الحب اللي قلتيه كلامك لما قلتي اهم حد لما اتحطيتي في الاختيار انتى وهي اخترتك مكنتش حاسس لاني كنت شايف حبك من ناحيه تانيه انك زى اختى بس هتجوزك واشوفه من ناحيه تانيه الناحيه اللي شفتها انا لما دخلت الاوضه لما كنتى لافه الفوطه فاكرها انا متاكد اني هحبك مستحيل حد يكون بيحبني حب زي ده وما بادلهوش الاهتمام خصوصا لو جاى من مزه قمر زيك كده
حياه قالت.. يا ابني انت جاي في اي حاجه
عاصم قال… ما انا قلتلك عايز اتجوز وخلاص وهو اللى تعرفي احسن من اللى ما تعرفوش حياه بصتله بغيظ قال… بهزر معاكى يا بنت ما انا لسه بقولك انتى طلعتى اهم منها انا مش بس اخترتك في الاختيار ما بينك وما بين دي انا هختارك انتى لو الاختيار مع اي بنت من الحياه لو كلهم هختارك انتى عموما ده انا لو خيروني ما بيني وما بينك وفي رصاصه هتتضرب هاخد انا الرصاصه واسيبك عايشه انا ما اقدرش اعيش من غيرك ولو على كلامك ان ده الحب انا كده بقى بحبك وعايز اكمل معاكي حياه ضمته
وقالت… وانا مش عايزه غيرك يا حلمى المستحيل
يتبع.. (رواية عشق الحياه) اضغط على اسم الرواية لتجد الفهرس كاملاً بجميع الفصول.