رواية عشق الحياه الفصل الخامس 5 – بقلم جيجي

رواية عشق الحياه – الفصل الخامس

البارت الخامس

وقال… انت عمر

قال.. اه يا شبح يلزم خدمه عاصم بصله ونزل فيه ضرب جامد لحد ما نزف من بقه وعاصم اخد حياه وراح على البيت

حياه قالت.. ما كانش ينفع يضربه انت ما تعرفش دا ابن مين

عاصم قال.. يعني هيكون ابن مين يعني حتى لو كان مين ما فيش حاجه اسمها ابن مين كلكم في المدرسه واحد كلكم بتدفعو فلوس كلكم قد بعض هو مش بيدفع فلوس واحنا بندفع ورق كوتشينه انا هدور على مدرسه تانيه

حياه قالت.. احنا مش وش المدارس الغاليه دى خلاص اخر سنه

عاصم قال… ابوكى الله يرحمه سيبلك فلوس وكان عايز يعلمك صح انتى لسه ما فكتيش الوديعه بس الحمد لله الحاله مستوره وهفضل اجبلك الغالى كله طول ما ربنا مقدرنى بس الباب خبط عاصم راح فتح وكان ضابط

وقال… اتفضل معايا مكتب المامور عايزك

عاصم قال… بخصوص

قال.. هتعرف هناك اتفضل معانا عاصم لسه هيروح بس حياه قالت… يالللللهوى يا لهوي هيخدوك منى

عاصم قال… بس يا بنت اخرسي اتصلى على زياد وخليه يحصلنى وراح القسم

المديره كانت هناك وقالت… لو سمحت خلاص بلاش مشاكل علشان المدرسه لو سمحت

الضابط قال.. انتو تتنزلوا عن المحضر انتم الاثنين

كان فى راجل فى الخمسين قال… انا مش هتنازل عن حقي ابني ايه الهمجيه دي ازاي يضرب ابني بالمنظر ده دا ابن ناس

عاصم قال… وبنتنا عادي شرفها رخيص عندكم لاكن بالنسبالى اغلى بكتير من رقبت ابنك اللي اتكسرت يا افندي وعلى فكره بقى انا جبت طلاب من اللي كانوا معاها في المدرسه وهيشهدوا معانا فعلا انهم شافوا ابن حضرتك وهو بيتحرش بحياه ايه رايك بقى ان انا هرفع قضيه هنا ومش هتنازل عنها وهرفعها على السوشيال ميديا ومواقع التواصل الاجتماعي وهتبقى فضيحه بجلاجل ورقصه بحناجل دلوقتي حالا

الراجل قال… انت ايه اللي مقوي قلبك كده انت مش بتشتغل في ورشه وسنتر

عاصم قال… اه بشتغل فى سنتر الصبح وورشه باليل واللى مقوى قلبى الشرف اللي ما حلتناش غيره

الراجل قال لابنه… انت فعلا عملت كده انت قلتلي انو ضربك من غير سبب

الولد قال… دادي انا

ابوه قال… اخرس انا مش ناقص مشاكل احنا اسفين جدا احنا هنتنازل على المحضر بعد اذنك وانت يا استاذ عاصم كفايه شوشره خلاص

عاصم قال.. تمام انا حقى خدته بايدى وطلعو لقى حياه بتبكى بره جريت عليه بقلم جيجى

وضمته وقالت… كدا تخوفنى عليك يا عاصم عايزهم يحبسوك منى وانا ما حلتيش غيرك

عاصم قال.. خلاص بقى بطلي عياط

حياه قالت.. ما تسيبنيش اعيش من غيرك انا بحبك قوي يا عاصم

عاصم قال… اهدي انا معاكي خلاص انا حتى تنازلت عن المحضر عشان ما ياخدوكيش يقولولك ايه اللي حصل وايه اللي ما حصلش وياخدوكى من محكمه لمحكمه وتتبهدلي علمتلك عليه عشان يبقى عبره لمن يعتبر واللي ما يعتبرش كمان رقبته بقت متلزقه ووشو فى الارض
لما ضربته في قلب المدرسه وقدام الناس اللى شافت الموضوع يلا وروحو نامو فى صباح يوم جديد كانت حياه بتزاكر على السطح

وجيه عاصم وقال… صباحو سماح قالت ان احنا هنروح نجيب الفستان النهارده

حياه قالت بدموع… فستان هو انت خلاص هتتجوز على طول كدا هى ما صدقت دا فى نفس الاسبوع هتلحق تجهز طيب اجل شويه

عاصم ضحك وقال… انتى عارفه ان البنت ابوها ميت وما عندهاش غير امها وهي قاعده مع مامتها لوحدها هناجل ليه ما انا قولتلك يا بنتى انتى نسيتى

حياه قالت… لا ما نسيتش بس كده طيب من غير خطوبه مش تتعرفوا على بعض طيب حتى انت مستعجل كده ليه

عاصم قال… لا مش هعمل خطوبات انا وتكلمني تليفون وكلمها واتس وهاتلي في الفالنتاين ورد ونسيت الفالنتاين ونسيت ما اعرفش ايه وتعالى نروح سينما مش فاضى انا انا راجل عايز اتجوز وافتح بيت يبقى اتجوز والمرقعه دي خليها لاصحابها وبعدين دى بنت خالتى اتعرف ايه

حياه سابت الكتاب وقعدت قصاده وقالت…. يا ابني فتره الخطوبه دى احلى فتره في الدنيا ليه تضيعها باستعجالك

عاصم قال… لا انا مش عايز اخطب انا بحب اتجوز على طول بالنسبه لمستعجل ليه فدا موضوع تاني وعمزلها وقال.. انتى لسه صغيره عليه

حياه قالت… يا لهوي

عاصم قال… انت كمان تعالى معانا هجيبلك فستان حلو تلبسيه في فرحي عايزك تطلعي في فرحي برنسيس اخت العريس بقى

حياه قالت بغضب.. انا مش اختك

عاصم قال… فى ايه هو انا كل ما اقولك اختي تهبى فيا كدا زي انبوبه البوتاجاز

حياه قالت… ما تقولش اختك دي لو سمحت

عاصم قال… خلاص بنت عمي حلو كدا يلا بقى وبعد وقت كانو واقفين فى مكان لبيع الفساتين بيجيبو الفستان وسماح كانت لابسه الفستان الابيض

وقالت.. طالعه حلوه يا عاصم

عاصم قرب شويه وقال بمشاكسه… يا لهوي قمرين 3 بدر في تمامه

سماح قالت بدلع… بس بقى ما تكسفنيش

حياه مسكت ايد عاصم وقالت… انا كمان يا عاصم عايزه اجيب فستان بس عاصم كان بيبص لسماح

حياه قالت تانى… انا كمان عايز اجيب فستان عاصم

عاصم قال… ها ايه عايزه حاجه

حياه قالت.. انا عايزه اجيب فستان

سماح قالت… طيب انا هروح اغير الفستان ده بقولك ايه الفستان فيه رباط

عاصم قال.. اجى افكهولك

سماح قالت بدلع…. لا مش دلوقتي يوم الخميس لما تبقى عريس

حياه قال بهمس… يا رب تولعي وانتى واقفه يا بعيده يلا بقى يا عاصم

بس سماح زعقت فيها وقالت… ايه يا بنت دا اجيب فستان اجيب فستان هى اغنيه انت كنت جبتها معانا ليه دى حياه نزلت دموعها وجريت على العربيه

عاصم قال… ايه دا يا سماح بتزعقيلها ليه فرجتى عليها المحل

سماح قالت… انت مش شايف عايزه فستان عايزه فستان ايه ده مش عارفين نقول كلمتين على بعض جايب بنت اختك معاك ايه ده

عاصم قال…

الفصل التالي اضغط هنا

يتبع.. (رواية عشق الحياه) اضغط على اسم الرواية لتجد الفهرس كاملاً بجميع الفصول.