رواية عاشق السهر – الفصل الثاني
٢… راح على أوضة سهر وفتح الباب بسرعه ودخل وقفل الباب وسهر كانت طالعه من الحمام ولابسه كاش ميوه خفيف
وشعرها مبلول وشافت رضا قصادها شهقة بخضه
ورضابصلها باعجاب وقال… الف سلامه على القمر
سهر قالت …انت بتعمل ايه هنا انت عايز تجبلى مصيبه واخدت الروب ولبسته
رضا قال …اناجيت اتطمن عليكى وعلى جمال رجليكى اه قصدى عنيكى
سهر بصتله بغيظ و قالت…اتلم يارضا واناكويسه انت اتخانقت مع أمك
رضا قال …هى زعلانه شويه بس هترضى يعنى دى طيبه قوى والله بس هى
بس سهر قاطعته وقالت …هى مستحيل تحب ماما ابدا أنا عارفه واتعلقت فى رقبت رضا وقالت…انا لو انا فهمها انا لو متجوزاك وجات واحده بصتلك بس هقتلها رضاشدها ليه وقرب منها فى لحظه جميله بس بعده عن بعض بخضه لما الباب خبط وكانت
تحيه وقالت ….افتحى ياسهر عيزاكى سهر بقت تلطم
ورضا قال …انا هتخبى ورى الستاره دى فى البلكونه اهدى وراح اتخبى وسهر فتحت الباب وامها دخلت
وقالت…حسن ابن خالك هياجى يتقدملك النهارده متكشريش فى وشو ده هيبقى خطيبك ماشى ياسهر سهر لسه هترد
أمها قالت …وبعدين مش كل شويه الى هنعيدو هنزيدو تقابليه كويس ومايشتكيش منك ماشى متزعلنيش منك بقى وسهر هزت دماغها بأيوه وأمها طلعت
وسهر قفلت الباب وراها بسرعه
ورضا قال بغضب …حسن ياجى هنا بتاع ايه وايه خطيبك الى قالتها دى ها انتى هتتخطبى لده سهر قعدت على السرير بضيق
وقالت ….استنى دلوقتى يارضا مش وقتك خالص انا هعمل ايه فى البلوه دى طلما أمى هتجيب حسن يتقدملى يبقى أمك هتخطبلك مى بنت خالتك علشان تغيظها وانا بطيق العمى ومطيقش مى دى لمابشوفها قريبه منك بيركبنى ستين عفريت
رضا قال…مى انا بعرف أوقفها كويس ومش هروح أخطبها اساسا خلينا فى زفت حسن ده علشان مقتلهوش وأخلص هتتخطبيلو هتتجوزيه يعنى
سهر اتعلقت فى رقبته وقالت…مستحيل اتجوز غيرك انا بس هسايرها شويه وهطفشه زيو زى غيرو يعنى هوا ده أول واحد اطفشه
رضا قال …بس ده غير مش زى البقايه ده عاجب امك قوى
سهر قالت …عاجب أمى مش انا انا لو كان مين مش هيعجبنى ولايحرك فيا شعره
انا بعدك مشفتش رجاله
رضا قال …طب طالما كده اتجوزينى ونحطهم قدام الأمر الواقع ويتطرو يقبلو سهر قالت …مش حل امك ممكن تقتلك وأمى تقتلنى انا هسايرها بس وفى الاخر مش هتجوز غيرك
رضابعدهاو قال …ماانا عارفك يا سهر تسايريها و تتخطبيلو وتقولى بسكتها وهب الاقيكى فى سريرو وانت برضه بتسايريها
سهر ضحكت وقالت ..لا مش لدرجة سريرو يعنى متقلقش مش هتجوز غيرك ابدابس يلا بقى اطلع قبل أمك ماتروح تقولك على مى استنى وفتحت الباب وبصت شمال ويمين وشاورتله ورضا طلع جرى على أوضته وسهر شاورتلو بس شافت علا نزلت ايدها بسرعه
وقالت …مساء الخير ياخالتى بس
علاقالت…مفيش خير بياجى طلما انتى وامك هنا وأنا مش خالتك ودخلت عند رضا
ورضا قال …ليه كده ياما ليه تكسفيها البنت كده بس
علاقالت …مش وقت مناهده انا مانسيتش انى لسه قفشاك معاها من شويه انا جيت أقولك ان
رضا قال …جايا تقولى ان أنا المفروض اروح اتقدم لمى انا علشان خاطرك مش هتجوز سهر بس كمان مش هتجوز غيرها ياما
علا قالت…اناعايزه أعرف فيها ايه زياده عن مى
رضا قال …لا يااماسهر فيها كتير قوى انا بحبها يااما أفهمينى مره واحده بس الى اسمه حسن ده جاى
بس علا قاطعته وقالت ..امم مفيش فايده بدل ماتسعدنى نخلى أبوك يطلقها عايز تقعدهم فى رقبتى طول العمر غبى وطلعت بغضب
رضااتنهد بضيق و فضل يفكر فى سهر لحد ماراح فى النوم
فى صباح يوم جديد كانت سهر واقفه بتجهز الفطار ورضا وقف وراها
وقال…. يا صباح التوت على العيون الى فيها بموت
سهر قالت …..صباح الخير ياقلب التوت انت أسكت مش انا شوفتك امبارح فى الحلم
رضا قال…اوهووه شوفتى أيه بقى
سهر قالت …شوفتنى لابسه فستان أبيض وانت لابس البدله وكان شكلك قمر وكنا فرحنين قوى يارضا رضا رفع حاجبه بمشاكسه
و قال…بس وأيه شوفتى تانى
سهر قالت بسرعه …شوفتك وانت بترقص معايا رومانسى وبس قاطعت جملته وبصتله بغيظ وضربته فى كتفه بخفه
وقالت…انت قصدك ايه
رضا قال …عادى انتى مكسوفه منى ليه طب ماالحال من بعضه انا كمان حلمت بيكى
سهر قالت بفضول ….جد ياولا بتشوفنى ولابتسرح بيا
رضاقال…لاشوفتك بجد شوفتك لابسه قميص نوم أبيض انما ايه يحل من على حبل المشنقه
سهر بصتله بغيظ وقالت….اتلم يارضا
رضا قال…ايه مش انتى حلمتى بالفستان انا أحلم بالى تحته وانتى تحلمى بالفرح انا احلم بالى بعده ده فرق طموحات ياماما
سهر قالت بغيظ…. اطلع يارضا أطلع ياحبيبى ربنا يهديك
رضا ضحك وقال ..طب هاتى تصبيره على بال ماالفرح يجهز بس قطع جملته لما سمع صوت تحيه بتحمحم
الفصل التالي اضغط هنا
يتبع.. (رواية عاشق السهر) اضغط على اسم الرواية لتجد الفهرس كاملاً بجميع الفصول.