رواية زهرة وسط أشواك – الفصل الثاني عشر
فتحت زهرة الرسالة اللي اتبعتت ليها وكانت عبارة عن صور خليـ عة وفيدوهات مش كويسة ليها
ومكتوب تحتها
“بكرة تقابليني في شقتي اللي في العنوان ده *******
وصدقيني لو مجيتيش الحاجات الحلوة دي هتوصل ل جوزك”
زهرة حطت ايدها علي بوقها وفضلت تعيط برعب
…
شيماء قاعده علي السرير بتعيط وهي بتحاول تتصل
ب أحمد اللي مش بيرد عليها
امال دخلت… شيما..
اتخضت وقربت عليها بقلق لما لاقيتها بتعيط وهي بتقولها… مالك ياحبيبتي في ايه
شيماء بعياط… احمد سابني ياماما
امال… يعني ايه سابك. وليه.. ايه اللي حصل
كملت بجنون…. والمصيبة اللي في بطنك دي
شيماء مسحت دموعها… انا سقطت. علشان كده سابني وخلع
امال…. انتي بتتكلمي جد
شيماء هزت راسها
امال براحة …. طب الحمدلله. وانتي زعلانه. الحمد لله انو نزل قبل ما بطنك تبان وتتفضحي.. دا ابوكي ميعرفش بعملتك السودة لحد دلوقتي
شيماء… بس دي الحاجة الوحيدة اللي كانت هتخلي احمد يتجوزني.. خلاص راحت
امال … وسي زفت ده عمل معاكي كده ليه.
كملت بجنون… يعني ايه خلع
شيماء…. سابني وقالي انو استحالة يتجوزني.
ثم اكملت بخزي… قالي مش هتجوز واحدة سلمتلي نفسها.. اعمل ايه ياماما. انا ضعت خلاص
وهي بتبكي اوي
امال بغضب وزعيق …. شوفتي. شوفتي اخر مشيك علي اللي حل شعرك وصلنا لأيه.. بس العيب عليا انا.انا اللي دلعتك بزيادة.. انا الغلطانه اللي كنت مدلعاكي وسيبتك مشيتي علي هواكي لحد ما جيبتيلنا العا، اار… ربنا ياخدك. ربنا ياخدك فضحتينا. ولسه هنتفضح بسببك اكتر واكتر… الله يحر. قك. ويحر. ق بطني اللي شالتك
شيماء بعياط… كفايه ياماما انا مش ناقصة. كفاية بقاا
امال… كفايه ايه يابت. دا انتي عاوزة الد. بح…
كملت وهي بتلف حوالين نفسها… اعمل ايه دلوقتي.. اقول لابوكي ايه.. دي اقل حاجة هيقولها. هيقولي تربيتك
دي اختك اللي مشافتش ربع الدلع اللي اتدلعتيه. عمرها ماعملت حاجة غلط برغم قسوتي معاها. لكن انتي. انتي حطيتي راسنا في الطين خلاص
شيماء بندفاع.. اختي دي هي السبب. لولا حبها هي مكانش هيعمل معايا كده.. انا بكرهها. بكرهها.. وبعدين انتي متعرفيش حاجه عن زهرة. زهرة مش زي مانتي فاكرة خالص. زهرة دي زبا. لة. اصلا
امال… متحاوليش تشككيني فيها. هو انا اه مبحبهاش. بس مش هنكر انها متربية.. مش زيك يابنت الكلب ياللي فضحتينا
ونزلت فيها ضر، ب بغباء وهي بتقول… فضحتينا ربنا يا، خدك. ربنا يا، خدك جبتيلنا العا، ر.. اعمل ايه دلوقتي. اقول لابوكي ايييييه
…………………………..
حمزة كان قاعد علي كرسي المكتب وهو مغمض عينه ومرجع ضهره لورا
دخل وائل شريكه وقعد علي الكرسي قدامه وهو بيقول.. مالك ياعريس
حمزة فتح عينه.. وائل. ازيك
وائل.. انا تمام..
ثم اكمل باستغراب.. انت ايه اللي جابك
حازم رفع حاجبه… نعم. مكنتش عاوزني اجي ولا ايه
وائل… مش كده بس علي حد علمي انت واحد لسه متجوز اول امبارح جاي الشركة تعمل ايه مش فاهم.
حمزة بتلقائية ومن غير مايحس قال… وهقعد قي البيت اعمل ايه بردو
وائل رفع حاجبه وابتسم باستهزاء… وانا اللي هقولك تقعد في البيت تعمل ايه.. ياجدع في حد يسيب الطراوة وييجي هنا.
بصله بشك… اوعا يلا متكنش رفعت راسنا
حمزة وهو بيحاول يغير الموضوع قالو… بقولك ايه مختار الحلواني جاي بعد ساعة ابقي خلص انت معاه عشان رايح معرض اسكندرية كمان شوية
وائل… تمام بس ماتتوهش بردو
كمل باستفزاز..انت شكلك بيقول انك مرفعتش راسنا ..
ضرب كف علي كف وهو بيقوة… عليه العوض. انت ياحمزة. طب والله ماكنت اصدق
حمزة … في ايه يااض ماانت عارف اخوك اسد
وائل بسخرية..اه ماهو باين وايه اللي جابك يااسد تالت يوم جواز.. طب اتجوز انا وعليا النعم ماكنت اخرج من البيت غير بعد سنة.. اوعدنا يارب
حمزة .. هيوعدك ياخويا.. بس متبقاش تيجي تقول يوم واحد من ايامك يا عزوبية
وبعدين كمل بتساؤل… امال فين رحيم مش شايفه من وقت ماجيت
وائل… هو ابن عمي انا ولا ابن عمك انت
حمزة… ما انا شايفه اساسا بقالي يومين
وائل… هو تقريبا عندكم في الصعيد حاليا.. مجاش المعرض بقالو كام يوم ومعرفش عنو حاجه
بعدين اتذكر وقال.. اه. رحيم مشغول في موضوع اخوه والناس اللي قتلو.. ه
حمزه …. ناس مين هو مش خلص عليهم كلهم وخد بطا.. ره
وائل… ماهو اللي انت متعرفوش في واحده جاتله الشركه من يومين وسمعته تسجيل بصوت البنت اللي كان متجوزها زمان وهي بتتفق مع عيله الشاذلي على قت. ل يوسف الله يرحمه
حمزه باستغراب… طب والبنت دي عملت كده ليه
وائل… مش عارف. ده رحيم سمع التسجيل من هنا وكان عامل زي المجنون
حمزه…. وهو ناوي يعمل معاها ايه
كمل بقلق… ده ممكن يتهور ويقتل. ها
وائل… هو خلى رجالته راحوا جابوها وحابسها دلوقتي حاليا في المخزن
……….
رحيم وقف بعربيته قدام باب الفيلا ولف الناحية التانية فتح باب العربية وجذب ياسمين من شعرها وجرها لحد اوضة في الجنينه وياسمين بتصرخ في ايده من شدة الالم لكن هو كان غير مبالي بيها
فتح الاوضة وحدفها علي الارض بشدة
ياسمين بعياط… حرام عليك ارحمني.والله ماعملت حاجة اقسم بالله ماعملت حاجة صدقني. .بقولك مظلومة.انت ليه مش عايز تسمعني
بقلم فريدة احمد
رحيم… اسمع ايه ياروح امك
ياسيمن بعياط… والله يارحيم ما اتفقت معاهم علي قت.ل اخوك. صدقني يارحيم
بلعت ريقها وقالت… انا اه ک. كنت عاوزة انتقـ م منك عشان سيبتني وسمعت كلام ابوك وطلقتني وروحت اتجوزت بنت عمك.
كملت بحسرة… سيبتني بعد مااخدت اللي انت عاوزة وبعدها رمتني لا حصلت بنت بنوت ولا حصلت مطلقة.انت دمرتني.كنت عاوزة انتقم منك بعد اللي عملته فيا. بس متوصلش اني اشارك في قتل. استحالة اشارك في قتـ ل حد يارحيم وخصوصا لو طفل مالوش ذنب.. انا اصلا كانت روحي في يوسف. كنت بعتبره اخويا الصغير. صدقني يارحيم. انا معملتش حاجة. بالعكس انا زعلت عليه يمكن اكتر منك
….
ليلي نزلت من فوق بسرعة
واتجهت للاوضة اللي في الجنينة و ده بعد ماشافت رحيم وهي واقفة في البلكونة بيوقف بالعربية ومعاه ياسمين
ليلي كانت هتتجنن وهي بتقول… تاني يارحيم.تاني. لسه ماشي معاها وكمان جايبها لحد هنا. هي حصلت
وخرجت الجنيه وهي هتموت من الغضب بقلم فريدة احمد
مكانتش ليلي تعرف رحيم اخد ياسمين علي فين لانها اول مالمحت رحيم بينزل من العربية وشافت ياسمين راكبه معاه دخلت من البلكونه ونزلت تجري وهي مش شايفة قدامها من الغضب
ليلي فضلت تتلفت عليهم في الجنينه لحد ماشافت الاوضة اللي في الجنينه مفتوحة
قربت علطول لما لاقت رحيم واقف علي باب الاوضة وضهره للباب
: تاااني يارحييم تااني. هي حصلت كمان جايبها لحد هنااااا
كانت بتزعق بغضب وصوت عالي خلي رحيم لف ليها وبصلها نظرة كفيلة تخرسها واتكلم بحدة وقالها وتحذير.. مسمعش صوت امك. وادخلي جوا وعلي فوق. يلااا
ليلي بغضب… مش هطلع يارحيم. لما اشوف جايب السنيورة لحد هنا تعمل بيها ايه
وهي بتزقه من علي الباب وبتدخل تشوف ياسمين بس اول ماشافتها اتصدمت ووقفت مكانها بزهول
كانت قاعدة علي الارضة وهي متبهدله وشها كلو كد، مات وبتعيط وجسمها كلو بيترعش بقلم فريدة احمد
ليلي بلعت ريقها وبصت ل رحيم … ه ه. هو انت عامل ف فيها ل ليه كده..
رحيم بنبرة حادة… اطلعي فوق
ليلي برفض… مش هتحرك من مكاني غير لما افهم.. انت جايب دي هنا ليه. ووعامل فيها ليه كده
رحيم بنبرة مريبة… سمعتي انا قولت ايه. اطلعيي. يلاا
ليلي… لما افهم الاو..
قاطعها بزعيق …. يلا قبل ما اتغابي عليكي. يلاااا
ليلي اتنفضت وبلعت ريقها بخوف بصت علي ياسمين اللي دافنه راسها بين رجليها وبتعيط وخرجت بسرعة من الاوضة من غير ولا كلمه ودخلت الفيلا علطول
……….
زهرة قاعدة في الاوضة عمالة بتعيط وهي مش عارفه تعمل ايه.. مش عارفه اساسا مين اللي بيهددها ده.وليه بيهددها. وعاوز منها ايه. فضلت تعيط وهي خايفة و مرعوبة
وفجأة لاقته بيتصل بيها بقلم فريدة احمد
مسكت الفون واديها بتترعش وردت بسرعة
زهرة… ا انت. مين. وعاوز مني ايه
: عاوزك..وانا مين بقا. انا واحد بيحبك ونفسه فيكي من زمان… اهم حاجه متنسيش معادنا بكرة. ومش عاوز افكرك باللي هيحصل لو مجتيش ياحلوة
زهرة بغضب.. انت مين ياحيوا، ن انت… انت تعرفني منين اصلا
: دا سؤال بردو دا انتي عز المعرفة يا زهرتي.. يااه لو تعرفي وحشاني قد ايه. دا انتي وحشاني بشكل..
كمل بمكر وقال.. يلا هانت ياقلبي.. المهم بكرة متتأخريش.عشان مشتاقلك اووي
زهرة بغضب شديد… وانت فاكر اني هجيلك ياحيوان
: امم. براحتك متجيش. بس استحملي بقا رد فعلي لان صدقيني فيدوهاتك وصورك هتوصل ل حمزة بيه
وقفل في وشها
………
مساءا حمزة رجع البيت وطلع علي اوضته علطول
فتح باب الاوضة بس استغرب لما ملقاش زهرة في الاوضة
خرج يشوفها
حمزة… ديناا
دينا جات بسرعة…. نعم
حمزة… زهرة فين
دينا… مش عارفه..بس كانت مع عمتو صفيه في اوضتها من شويه
حمزة…. طب روحي شوفيها
دينا… حاضر
وراحت تشوفها
في اوضة صفية كانت فعلا زهرة عندها عمالة بتعيط وصفية واخدها في حضنها وهي بتبطب عليها وبتحاول تفهم مالها
بس زهرة كانت بتعيط بس ورافضة تتكلم
بقلم فريدة احمد
صفيه…. لو تقوليلي بس مالك ياقلبي وبتعيطي ليه كده..فهميني يروحي بس ايه اللي حصل.. طيب هو حمزة زعلك.. اكيد هو اللي زعلك. انا عارفة انو عصبي. بس انتي اسمعي كلامه وصدقيني مش هيزعلك.. و بردو انا هتكلم معاه. واخليه ميزعلكيش تاني ابدا
زهرة هزت راسها ب لا… معمليش حاجة ياعمتو
صفيه… طيب في ايه وبتعيطي ليه كده.. مالك بس وايه اللي حصل علشان تبقا حالتك كده.. احكيليي ياحبيتبي. انا عمتو يروحي
كملت وهي بتمشي ايدها علي شعرها بحنية… انتي عارفة طول عمري بعتبرك اكتر من بنتي.. انتي غاليه علي قلبي اوي. قوليلي بس مالك. فيكي ايه يروح قلبي
لكن زهرة كانت رافضة تتكلم وماسكة في حضنها وبتعيط بس
في اللحظة دي دينا خبطت وهي بتقول … عمتي
زهرة اول ماسمعت الباب مسحت دموعها بسرعة
وصفيه قالت.. ادخلي يادينا
دينا فتحت الباب وقالت ل زهرة … كلمي حمزة يازهرة
زهرة بصت لعمتها وهي بتترعش و بتبلع ريقها برعب
بعدين بصت لدينا وقالتلها … ه هو جي
دينا… اه وقالي اشوفك
زهرة كانت مرعوبة حرفيا وهي خايفة يكون عرف حاجة
صفيه ل دينا… طيب ياحبيبتي هي شويه وهتروحلو
دينا باستغراب وهي شايفة منظر زهرة اللي عنيها واضح جدا عليهم اثار البكاء،قالت ل زهرة….. انتي كويسة
زهرة وهي بتحاول تكون طبيعية قالت بهدوء….اه. دماغي مصدعة شوية بس
دينا… طيب خدي مسكن. او استني هاقول لـ حمزة يشوفلك دكتور
زهرة بسرعة… لأ
صفيه… انا اديتها مسكن ياحبيبتي وشوية كده وهتبقي كويسة
خرجت دينا من عند عمتها ونزلت تقول لـ حمزة ان زهرة عند عمتها
وصفية قالت ل زهرة… يلا ياحبيبتي قومي اغسلي وشك كده وروحي شوفي جوزك
زهرة بخوف… لا لا ا. انا هبات معاكي النهاردة ياعمتو
صفيه… وده اسمه كلام. وجوزك.
في اللحظة دي حمزة فتح الباب
صفيه… حمزة. تعالي يابني
زهرة بمجرد ماشافته جسمها اتجمد وهي بتبلع ريقها برعب
حمزة… عاملة ايه ياعمتي بقلم فريدة احمد
صفيه… الحمد لله ياحبيبي
حمزة بص علي زهرة اللي مش قادرة ترفع عينها ليه
وقال… الهانم بقالي ساعة مستنيها. بتعمل ايه هنا
صفيه… مفيش ياحبيبي كانت قاعدة معايا شويه..
وبصت ل زهرة… يلا يازهرة قومي مع جوزك
حمزة لاحظ شكلها ف سألها بقلق… مالك. انتي كويسة
زهرة …اه. ك. كويسة
حمزة… طب قومي يلا
زهرة… ا. انا هنام مع عمتو النهاردة
صفيه… بطلي هبل يازهرة وقومي يلا مع جوزك
بس اتفاجات لما حمزة قال… خلاص ياعمتي..
وبص لزهرة وقال… خليها. وعلطول
وفقط
سابها وخرج
بس مدخلش اوضته نزل وخد عربيته وطلع علي…
بعد وقت قليل وقف بعربيته قدام عمارة في مكان راقي جدا
وطلع وقف قدام شقة معينة و فتح بابها ودخل بهدوء
كان في بنت قاعدة علي الكنبه بتقلب في تليفونها بممل بمجرد ما شافته داخل سابت الفون من ايدها علطول وقامت قربت عليه بلهفة وحضنته وهي بتقول…. وحشتني وحشتني مووت
لكن ثواني بعدت و راحت قالت بزعل… اخيرا افتكرت انك متجوز وجاي تشوف مراتك.. لا وكمان روحت اتجوزت عليا بنت عمك
يتبع….
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.