رواية زهرة وسط أشواك – الفصل الأول والثلاثون
كف شديد نزل علي وش سهر من حمزة من قوته وقعت علي الارض
حمزة بغضب…. بتستغفليني يابنت الكلب
حطت سهر ايدها علي خدها بدموع وقالت بحرقة وهي لسه علي الارض مكانها…. عملت كده علشان ماتسبنيش.. خوفت تسيبني. انا حبيتك ياحمزة
حمزة…. انتي حبيتي الفلوس.. خوفتي ترجعي للفقر تاني.. كمل بسخرية…. بس ماتخافيش. انا مش هظلمك. اي فلوس هتعوزيها انا تحت امرك. كل اللي تطلبيه هتاخديه. والشقة هسجلها باسمك كمان
قامت سهر وهي بتقول …. لا متسبنيش ياحمزة. انا بحبك. متظلمنيش حرام عليك
حمزة….. انا مضحكتش عليكي. انا من الاول اتفقت معاكي اتفاق. عرضت عليكي عرض وانتي وافقتي بالمقابل. يعني لا لعبت بيكي ولا خدعتك. ولا غصبتك علي حاجة.. كله كان برضاكي
سهر…. بس..
قاطعها بهدوء…. انا بحب زهرة وهعمل المستحيل علشان ترجعلي… انتي طالق ياسهر
وسابها وخرج وهي قعدت مكانها وفضلت تبكي بقهرة
………………………………….
في اوضة ليلي
كانت شاردة وهي بتحرك ايدها بهدوء علي شعر كنز بنتها اللي نايمة في حضنها
امينة دخلت وهي بتقولها… نامت
اتعدلت وقالت … اه
قربت امينة وقعدت قصادها…. قوليلي بقا. مرجعتيش مع جوزك ليه.
ليلي…. زهقتي مني ولا ايه ياماما
امينة…. بطلي هبل.ازهق منك دا ايه. انا بس عاوزة اتطمن عليكي. عاوزاكي ترجعي لعقلك. وترجعي لجوزك قبل مايروحلها تاني
ابتسمت ليلي بسخرية….. طب مايروحلها.
اتنهدت وبصتلها بحزن…. هو كده كده بيحبها ياماما سواء هي جمبه او بعيدة. كده كده في قلبه
امينة …. ماتبقيش خايبة بقا. هو لو عاوزها مكانش رجعها لاهلها وجالك انتي
اتنهدت وقالت… انا عاوزة اعرف لما جالك رفضتي ترجعي ليه. ماهو عملك اللي انتي عاوزاه ورجع المحروسة لاهلها
عاوزة ايه تاني
ليلي…. ميخصنيش يرجعها يسيبها. يفضل معاها. ميخصنيش. انا هتطلق
امينة باندفاع…. تطلقي ده ايه. ااسمعي ياقلب امك انا معنديش بنات تطلق. فاهمة.. عاوزة ستات البلد اللي ميسووش يقولو بنت امينة اتطلقت وجوزها اتجوز عليها.. اسمعي انا مش هسمحلك تخربي بيتك. لاني مش هسمح حد يتكلم نص كلمة عليكي. مش بنتي اللي جوزها يجيب مكانها واحدة
ليلي بملامح جامدة… و انا مش هكمل مع رحيم ياماما. مش هكمل. وميهمنيش كلام حد
بصتلها بسخرية وقالت…. وبعدين خايفة اوي اتطلق. مش قابلة ان بنتك تطلق ولا جوزها يتجوز عليها.. امال ليه كنتي طول الوقت عاوزة حمزة يتجوز علي زهرة. ولما عرفتي انو متجوز غيرها فرحتي وشمتي فيها. ليه طول الوقت بتفكري ازاي تخربي بينهم ويطلقو. لما مش قابلة كده عليا. عاوزة تعملي كده ليه في زهرة وبتفكري بس ازاي توجعيها وتكسريها..
كملت بدموع وهي بتحملها ذنبها …. بس ربنا مش بيسيب حق حد ياماما وزي ماكنتي عاوزة تعملي كده فيها انا اللي اتعمل فيا كده. اتردلك فيا ياماما. ياريت تبقي مرتاحة دلوقتي
امينة بتوتر…. انتي ايه اللي انتي بتقوليه ده. وانا هبقي حابة اخرب علي ابني ليه يعني
ليلي…. لا ياماما عاوزة تخربي عليه.مع انك عارفة ان سعادته معاها وبيحبها.. ايه كنتي فاكراني مش عارفه.. ليه بتعملي معاها كده. انتي عندك بنات. حرام عليكي.. بجد انا مصدومة فيكي
مكانتش امينه عارفة ترد عليها بعد ما ادركت فداحة ما تفعله فمكانش قدامها حل للدفاع عن لنفسها غير الهجوم ف قالت لـ ليلي بغضب… انتي ازاي بتكلميني كده يابت انتي.نسيتي اني امك. وبعدين اللي بتقوليه ده كلو تخاريف
ليلي…. مش تخاريف. انا بقولك الحقيقة. اللي انتي فاكرنا مش عارفينها…راجعي نفسك ياماما وبلاش تخربي علي ابنك
………………………………
تاني يوم
وصل رحيم بيت ياسمين وبمجرد ما مامتها فتحتله
قابلته بجمود … نعم
رحيم…. ياسمين فين
مامتها… في اوضتها… خير.
رحيم من غير مايرد عليها اتجه ل اوضة ياسمين
كانت ياسمين قاعدة في السرير بتبكي
اول ماشافته قامت بلهفة….. رحيم
وحضنته
غمضت عنيها وهي بتقول باشتياق… وحشتني. وحشتني اوي
بعدها عنو بهدوء وطلع شيك من جيبه وهو بيديهولها قال… دا شيك ب 5 مليون
بصتله بدون فهم وبستفهام وهي بتمسح دموعها…. بتاع ايه ده
رحيم.. افتحي بيهم المشروع اللي كنتي عاوزة تعمليه
ولو عاوزة اكتر….. قوليلي.وهديكي اللي انتي عاوزاه
في اللحظة دي ايقنت وفهمت هو جاي ليه
بصتله لثواني وبعدين قالت بحذر… انت جاي ليه يارحيم
رد عليها الرد اللي خلي الدم يهرب منها… البسي هنروح للمأذون دلوقتي
دموعها نزلت تلقائي وقالت….هتطلقني
رحيم….. يلا البسي
مسحت دموعها وبسخرية بصت للشيك….وده تمن طلاقي.ولا علشان متحسش بالذنب… رد عليااا. ده لييييه
رحيم بهدوء….. ده حقك
ياسمين….. وانا مش عاوزاااااه
وبعصبية قطعته 100 حته ورمته في وشه
وقالت بغضب ووجع …. مش عاوزة فلوسك. فلوسك دي مش هتداوي جرحي. ولو قد كده مليون مرة… مش هتخفف الوجع اللي سببتهولي
رحيم وهو شفقان عليها….. عاوزة ايه
ياسمين بدموع…. لسه بتحبني يارحيم. لسه بتحبني
رحيم فضل ساكت
ياسمين وهي بتهز فيه….. رد عليا. لسه بتحبني
مسكت وشه بإديها الاتنين وهي بتحاول تخليه يبص في عنيها وبتقول بدموع ورجاء…. رد عليا ارجوك. لسه بتحبني. بتحبني يارحيم. بتحبني
رحيم….. بحبك. لسه بحبك يا ياسمين.
ابتسمت بفرحة لكن اتلاشت ابتسامتها لما كمل وقال… بس ماينفعش يابنت الناس
ياسمين وهي بتمسح دموعها…. ليه. ليه ماينفعش… انا بحبك وانت بتحبني. لا انا عرفت احب غيرك. ولا انت قدرت تحب مراتك.. احنا لبعض يارحيم. كفاية السنين اللي اتحرمنا فيهم من بعض..
وبصتله وبعشق… بحبك. مش شايفة غيرك. ومش عاوزة اشوف غيرك
قربت حضنته وهي بتقول… بحبك يارحيم.. بعشقك
رحيم… متصعبهاش عليا وعلي نفسك.. احنا حكايتنا انتهت من زمان.. انا منفعكيش.
وهو بيبعدها عنو بهدوء
رحيم …. انتي تستاهلي حد يقدرك… مش انا. لأني مستاهلكيش
ياسمين بدموع…. بس انا عاوزاك انت. مش عاوزة غيرك..
ورجعت حضنته تاني وهي بتقول.. بحبك…بحبك اوي..حاولت كتير اشيل حبك من قلبي معرفتش
بعدت عنو فجأة وصرخت فيه ودموعها بتنزل اكتر بانهيار…. حس بيا بقاااا. مش عارفة اعيش من غيرك.. حراااام عليييك بقاا.. حرام عليييك
وهي بتضربه علي صدره بانهيار وبتقول…. ل تاني مرة عاوز تكسر قلبي وتسيبني ليه. ليييبيه .. لييه حرام علييك
مسك ايديها الاتنين… اهدي. اهدي..
وشدها لحضنه وضمها ليه محاولة لتهدئتها وهو بيمشي ايده علي شعرها.. …. اهدي خلاص. انا مش هسيبك
وفضل حاضنها لحد ماهديت
رفع وشها من حضنه ومسك وشها بين ايديه وهو بيتأملها.عنيها الحمرة اثر الدموع ورموشها المبتلة
ياسمين…. مش هتسيبني
وهو تايهه في ملامحها… تؤ. مش هسيبك. مش هتخلي عنك تاني
وميل عليها بدون وعي وبدأ يبو، سها بشوق. ورغبة. وحب. وعشق. وتملك
رحيم.. عمري…. عمري ماهسيبك تاني
وهو بيرجع شعرها لورا ورجع يبو، سها من تاني بقوة
حاوطت رقبته وهي بتحضنه وبتغمض عنيها باستمتاع من قربه اللي بينسيها الدنيا كلها… بحبك يارحيم. بحبك اووي
وغابو الاتنين في دنيا تانيه
وبعد لحظات كان شالها وبينزلها علي السرير وبعدين….
………….
………………………..
عند زهرة
زهرة خارجة من باب الجامعة اتفاجأت ب حمزة واقف مستنيها
قربت بهدوء وفتحت العربية بتاعتو وركبت فيها.
كان مستغربها لأنها معارضتش زي كل مرة لكن معلقش
وركب هو كمان وقبل مايطلع بصلها وقال… انا سيبت سهر خلاص يازهرة
زهرة من غير ماتبصله… ميخصنيش ياحمزة. تتجوز او تطلق. ميفرقش معايا
حمزة…. امال ايه اللي يفرق معاكي
زهرة…. تطلقني.
بصتله وكملت… انا مش عاوزة غير انك تطلقني بس
مسح علي وشه وهو بيتنهد بغضب وبعدين شغل العربية وطلع من غير مايتكلم
……..
عند رحيم وياسمين
مامت ياسمين قلقت لما غابو جوا قامت تشوفهم،، خبطت علي الباب لكن مفيش رد استغربت وهي بتقول في نفسها.. هو اي اللي حصل. حتي صوتهم اختفي
قلقها زاد فخبطت تاني… ياسمين. افتحي ياحبيبتي
بس بردو مفيش رد قلقت اوي ومكانش قدامها حل غير انها تفتح الباب وبراحة فتحته للتفاجأ بيهم نايمين في حضن بعض ورايحين في النوم كمان بعمق
اتنهدت براحة و راحت قفلت الباب بهدوء تاني وهي بتقول… قطيعه تقطع الحب وسنينه
…………..
عند حمزة وزهرة وهما لسه في الطريق كانو ماشيين في وسط البلد في مكان زحمة
زهرة مره واحده قالت…. بقولك ايه وقف هنا بسرعة
حمزة باستغراب…. ليه
زهرة وهي بتبص من شباك العربية… وقف بس
حمزة وقف…. في ايه
زهرة بصتله…. انزل هاتلي حمص الشام من الراجل ده
وهي بتشاور علي واحد واقف بعربية بيبيع حمص الشام
حمزة وهو بيستوعب …. انتي بتهزري صح.. يعني موقفاني في وسط الزحمة دي علشان عاوزة حمص الشام
زهرة ببساطة…. ايوا. انزل يلا هاتلي
حمزة ابتسم عليها ونزل راح يجيب ليها.
ثواني ورجع فتح العربية وهو بيديها الكوباية
اخدتها منه وابتدت تدوقها .. بس اول ماداقتها قالت….ايه ده.. دي من غير شطة
حمزة…. وبعدين يعني
زهرة…. دي من غير شطة. كنت عاوزة فيها شطة
حمزة…. ايوا يعني. اعملك ايه دلوقتي
زهرة…. انزل وخلي الراجل يحطلي شطة
حمزة بنفاذ صبر نزل
زهرة…. استني خدها اهي
حمزة بصلها ومتكلمش لكن خد الكوباية حدفها بعيد
زهرة…. ليييه. بترميها ليه
حمزة بعصبية…. يعني هاروح اقول للراجل خد والنبي حطلي شطه هنا
وراح جابلها واحدة تانية فيها شطة ورجع اداهالها من الشباك
زهرة اخدتها وهي بتقول … مجبتش لنفسك ليه
حمزة…. مبحبوش
زهرة…. انت حر
وابتدت تاكل وحمزة فضل واقف ساند علي العربية بعد ماولع سيجارة وابتدي يشربها
كان حمزة ساند بظهره علي العربية ومن الناحية التانية كان واقف شاب بموتيسيكل قصاد زهرة اللي قاعدة في العربية
الشاب اول مالمحها بصلها بإعجاب وابتدي يعاكس فيها
زهرة اول مالقيته كده بصت قدامها وتجاهلته
الشاب… هو الجميل مش معبرني ليه بس . طب بصلي طيب مش يمكن اعجبك
حمزة اللي واقف ظهره للعربية مش شايف حاجة ولا الشاب نفسه شايف حمزة
بس حمزة سمع الصوت لف و ميل بص عليها من شباك العربية
زهرة اول ماحست بحمزة انو اخد بالو راحت بصت للشاب وابتسمتله وهي قاصدة تضايق حمزة
حمزة رمي السيجارة علي الارض وهو بيبصلها بغضب وقرب علي الشاب اللي لحد اللحظة دي كان يفكر زهرة لوحدها ومفيش معاها حد
حمزة شدو من علي الموتيسيكل وقال بغضب….. انزلي يارررووووح امككككك..
يتبع…….
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.