رواية زهرة وسط أشواك – الفصل الثاني والثلاثون
شد حمزة الشاب من علي الموتيسيكل بغضب وهو بيقول….. انزلي ياروووح امككك
وفي لحظة كان نزل فيه ضر،، ب بغضب اعمي
فضل يضر، بو لحد مابقي في ايده زي الجـ ثة مش بيتحرك وصحاب الشاب كلهم واقفين يتفرجو بس مفيش حد اتحرك يدافع عنه.. ولانهم عارفين مين هو حمزة مقدرش واحد فيهم يتجرأ يقرب وهما شايفينو جـ ثـة في ايده
لحد ما اخيرا حمزة سابو مرمي علي الارض لكن قبل مايمشي داس برجله علي بطنه وقبل مايتكلم
الشاب بسرعة قال بتعب وهو قاطع النفس… ا. اسف ياباشا و. والله مااعرف انها ت تخص ساعدتك
..
كانت زهرة شايفاه من شباك العربية وهي شايفة المنظر والواد جـ ثة علي الارض كانت مرعوبة وهي بتقول في نفسها… يااانهارر اسود. يامصيبتي. دا هيمـ وته
افتكرت انو شافها لما ابتسمت للشاب بقت مرعوبة اكتر وهي بتتشاهد علي روحها وتقول…. يانهار اسود.. يانهار اسود. دا هيمـ وتني زييو.
وهي بتوبخ نفسها… هو انا ايه اللي هببته ده. دا مش هيرحمني
وهي خايفة ومرعوبة من رد فعله،، فجأة شهقت لما سمعت باب العربية بيتقفل بعد ماحمزة ركب
غمضت عيونها وبقت تتشاهد علي روحها في سرها وهي منتظرة مصيرها بعد ما ايقنت ان دورها جي خلاص .
فتحت عيونها لما حست بهدوء لقته بيبصلها بشر وكانه بيرسم في مخليته كيفية قطع راسها عن جسمها
بلعت ريقها برعب لكن مرة واحدة محبيتش تبين خوفها واصتنعت الثبات واتظاهرت بالقوة وبصتله وقالت بغضب بعد ما ايقنت ان خير وسيلة للدفاع هي الهجوم…. هو ايه اللي انت عملته ده. طول عمرك همجي وايدك سبقاك. مكانش لي لزوم اللي عملته ده وفرجت علينا الناس.
حمزة بهدوء مريب…. كان عاجبك قرطاس اللب ده
زهرة بتوتر … انت بتقول ايه. يعني ايه عاجبني. ماتحترم نفسك
حمزة بنفس هدؤه…. انا بردو. وانتي يامحترمة قاعدة بتبتسميلو. فرحانة بمعاكسته..بس تمام انا هعرف ازاي أادبك علي عملتك دي
زهرة بلعت ريقها بخوف لكن قالت بغضب… انت ب بتقول ايه. انا محترمة غصب عنك.
حمزة…. واضح.
وهو بيتوعدلها بشر… اقسم بالله يازهرة ل اربيكي من جديد. هعرفك ازاي تعملي كده.بس اصبري عليا
زهرة بعصبية… انت ملكش دعوة بيا. فاهم..
بصلها بغضب ف بلعت ريقها بخوف وقالت علطول بتشيل التهمة من عليها … طاب هو انا ذنبي ايه. هو انا قولتلو يعاكسني يعني
حمزة بغضب …. ماهو لو الهانم لابسه حاجة عدلة مكانش عيل معفن زي ده اتجرأ وبصلك
زهرة بصتله جامد …. يعني ايه مش فاهمه . مالو لبسي. ماهو لبسي محترم. ولا مش لاقي حاجة تقولها علي لبسي كمان
حمزة وهو بيبصلها بغضب…. لبسك زفتتت. بصي لنفسك.
وانتي تعرفيي
زهرة بدون فهم بصت علي نفسها. كانت لابسة جاكيت چينيز وتحته توب بس التوب كان ظاهر جزء من صدرها
وهي مكانتش واخدة بالها
اتوترت وهي بترفع التوب لفوق بإحراج
و قالت بتوتر وكسوف…. ا. انا م مخدتش بالي
حمزة وهو لسه بيبصلها بغضب قال بتحذير …. اخر مرة هكلمك في موضوع لبسك ده.. اخر مرة. بعدها متلومنيش
عينه جات علي حجابها كانت لابسه الطرحة اي كلام علي شعرها ويعتبر نصه باين ورقبتها
وهو بيشاور عليها … وده اسمه ايه.. دا مش حجاب
شعررك كلو باين ورقبتك.لابساها ليه. ملهاش لزوم بقا
زهرة بضيق دخلت شعرها وعدلت الطرحة… كده كويس حمزة بتحذير…. لو شوفتك لابسه حاجة ملفتة.هزعلك بجد. انا مش هقولك تاني اقسم بالله
قاطعته زهرة بدموع من قسوته عليها وقالت …. انا لبسي محترم علي فكره.. ومش معني كده واني مكنتش واخدة بالي دلوقتي. انك تحكم عليا اني مش بلبس كويس
لما شاف دموعها حس انها صعبت عليه لكن مبينش ده و قال بنفس طريقته… ابقي خدي بالك بعد كده. علشان اي غلطة هزعلك حتي لو مش مقصودة.. وده اخر تحذير
زهرة بعصبية وصوت عالي…ماتبطل بقاا طريقتك دي. هو انت عاوز مني ايه. بتعمل معايا كده ليه.
حمزة…. صوتك دا ميعلاش ياروح امك . فاهمة
زهرة بنفس عصبيتها…. لا مش فاهمة. انا اقول ال
قاطعها حمزة بغضب…. فاهمممة
زهرة بخوف …. فاهمة. فاهمة
و هو شغل العربية وطلع بيها بغضب
…….
بعد وقت وصلو بعد مافضلو طول الطريق محدش فيهم بص للتاني
نزلت علطول بدون ولا كلمة وحمزة لف بالعربية ورجع تاني
دخلت البيت اتفاجات بجدتها وامال ومحمد وكانو كلهم موجودين
هارون…. تعالي يازهرة
قربت عليهم بهدوء وقالت… مساء الخير
جدتها قامت بلهفة حضنتها…. وحشتيني يازهرة. وحشتيني ياقلب تيتا
زهرة بهدوء…. وحضرتك وحشتيني يا..
وسكتت
جدتها…. انا تيتا. هفضل طول عمري جدتك. مفيش حاجه اتغيرت.. هتفضلي حفيدتي يازهرة.. اوعي يازهرة تبعدي عني
زهرة… مقدرش
وقربت حضنتها
امال قربت ومحمد علشان يسلمو عليها
امال بدموع … وحشتيني يازهرة
ومحمد حضنها… وحشتنيني يابنتي
امال راحت تحضنها لكن زهرة كانت متجمدة ومبدلتهاش الحضن لانها كانت مستغربة
امال بعدت بحرج وقالت…. انا عارفة انك زعلانه مني.. بس ربنا يعلم اني بحبك.. انا نفسي تسامحيني يازهرة علي معاملتي معاكي.. عارفة اني كنت بعاملك ببرود وعمري ماحسستك بحبي وعمري ماحنيت عليكي. ياريت تسامحيني لاني ندمت. ندمت بجد.
كانت امال بتتكلم بندم واضح وصادق وزهرة كانت مستغربة اول مرة تشوف امال كده
امال بدموع … نفسي تسامحيني يازهرة علشان ابقي مرتاحة.. انا عارفة اني كنت ام وحشة. واخر مرة انا كنت مقهورة علي شيماء. علشان كده مش عارفه كنت بقول ايه. اعذريني يابنتي
زهرة بهدوء …. مفيش حاجة. وبعدين عادي يعني. ماهو انتي مش امي. مش مفروض عليكي انك تحبيني اساسا
امال بسرعة…. لأ انا والله بحبك. متعرفيش لما بعدتي انا كنت عاملة ازاي. كنت هموت عليكي.
مدت ايدها تحركها علي وشها بحنين وهي بتقول…. انتي معايا وفي حضني اكتر من 23 سنة. انتي بنتي بجد. صعب عليا اخسرك. اوعي يازهرة تبعدي عننا
محمد.. حاوط زهرة لحضنه وقال… زهرة بنتنا مفيش حاجة هتتغير .
امال…. ياريت.ياريت ترجعي لحضننا تاني. احنا ملناش غيرك دلوقتي
وكملت بدموع…. صعب عليا اخسر بناتي الاتنين. كفاية شيماء
مسكت ايد زهرة بترجي … متبعديش عننا يازهرة. ابقي اسالي علينا. ممكن
زهرة كانت شفقانة عليها مسكت ايدها وقالت…. حاضر
مش هبعد. انتو كده كده اهلي. اكيد مش هنساكو
امال وهي مش مصدقة… بجد
زهرة هزت راسها
ومحمد وامال حضنوها الاتنين بحب وهي بادلتهم الحضن
………
عند رحيم وياسمين
رحيم فتح باب شقته ومعاه ياسمين
ياسمين… هو احنا مش هنرجع الصعيد
رحيم….. خليكي هنا احسن
ياسمين فهمت انو بيعمل كده علشان ليلي بس متكلمتش
رحيم قرب باسها علي راسها وقال… عندي شغل.. لو عوزتي حاجة كلميني
وباسها تاني علي راسها وخرج
…..
تاني يوم
زهرة رايحة جاية في جنينة الفيلا وهي فاتحة كتاب بتذاكر فيه
عمتها نادت عليها من علي باب الفيلا…. زهرة.. تعالي
زهرة…. نعم ياعمتو
صفية… تعالي عاوزاكي
زهرة راحت ليها…. في ايه ياعمتو
صفية…. تعالي. ادخلي بس
زهرة بصت علي عربية حمزة وقالت… لا. حمزة جوا. وانا مش عاوزة اشوفه. لما يخرج هجيلك
صفية…. حمزة نايم فوق.. وبعدين دا جوزك.
زهرة بضيق… متقوليش جوزي
صففية بضحك…. الله. ماهو جوزك.. تعالي بس
واخدتها ودخلو
زهرة راحت جمب ليلي اللي قاعدة علي الكنبة… عاملة ايه يالوله
ليلي ابتسمت بهدوء… كويسة. انتي عاملة ايه
زهرة… الحمدلله
وبصت ل عمتها… ها كنتي عاوزة ايه ياعمتو
اتنهدت صفية وقالت … هتفضلي كده لحد امتا سايبة البيت. ارجعي يازهرة. حمزة بيحبك.. وبعدين هو خلاص طلق مراتو. عاوزة ايه تاني. متعانديش ياحبيبتي وارجعي
ليلي…. حمزة بيحبك يازهرة. فكري كويس. وانتي بتحبيه. متخسروش بعض
اتنهدت زهرة وقالتلهم … انتو مش فاهين حاجة. انا معنديش ثقة فيه اساسا.
كملت بسخرية… دا مش بعيد يطلع متجوز تاني. اسالوني انا
صفية…. انتي عارفة انو بيحبك
زهرة…. وبيحب غيري. وبيشوف غيري.. عمتو انا مش هكمل معاه. وياريت تقنعوه يطلقني
صفية…. يعني مفيش فايدة
زهرة…. لا ياعمتو.. مفيش
وفتحت الكتاب ورجعت تذاكر تاني
عشان يقفلو كلام في الموضوع
صفية اتنهدت بيأس وسكتت
شوية وهما لسه قاعدين حمزة كان صحي ونازل
قرب باس راس عمتو وراس ليلي
وقرب علي زهرة باسها علي خدها
زهرة بضيق…. متبوسنيش تاني. ساامع
حمزة باستفزاز…. براحتي
صفية وليلي ابتسمو
حمزة اخد الطفاية من علي الترابيزة واتحرك ناحية باب البيت ووقف قدام الباب يشرب السيجارة
شوية ونادي علي زهرة وهو بيقول…. اعمليلي قهوة يازهرة
زهرة بصت ل عمتها وقبل ما تتكلم
صفية علطول … فيها ايه. اعمليلو. دا جوزك
بصتلها بغيظ.وقامت وهي بتمتم… انسان بارد ومستفز
وراحت تعملو
دقايق وخرجت بالقهوة،وقربت عليه تديهالو
حمزة اخدها منها ولسه هتمشي لقت ايده بتشدها عليه
زهرة…. فيه ايه.سيبني
حمزة…. بقولك ايه
زهرة وهي بتصطنع الهدوء …. نعم
حاوط كتفها وقال…. ماتروحي تلبسي وتيجي نخرج نتعشي برا النهاردة.. ايه رايك
حمزة كان بيحاول يدخلها سكة
زهرة ببرود…. وانا ايه اللي يخليني اخرج معاك
حمزة…. مراتي وحابب استفرد بيكي .قصدي ابقي انا وانتي لوحدنا.. انتي وحشاني يازهرة… قولتي ايه
شالت ايده من عليها وقالت…. هو انت هتطلقني امتا خليني اخلص
مسح علي وشه بضيق وقال بغضب مكتوم … هو ده وقته.. انا بقولك ايه وانتي بتقولي ايه
زهرة…. ماهو اللي انتي بتعملو ده مش هياكل معايا.
حمزة… ليه يازهرة. انتي عارفة اني بحب..
قاطعته وقالت……. لأني ببساطة معنديش ثقة فيك..
.. انا مش هتنازل عن الطلاق ياحمزة. ياريت تخلص بقا وتطلقني بهدوء.
حمزة ببرود… طب مفيش طلاق يازهرة. انسي لانو مش هيحصل
زهرة بعصبية…. يعني ايه.
كملت بتهديد…. بقولك ايه. انت هتطلقني. وياريت بهدوء.. متضطرنيش اعمل حاجة مش هتعجبك
حمزة باستهزاء…. هتعملي ايه يعني
زهرة بقوة…. هرفع عليك خلع… وبتكلم بجد. مش بقول اي كلام… لو مطلقتنيش ياحمزة بالذوق هخلعك
حمزة بسخرية…. وايه اسبابك بقا.. مبصرفش علي العيال ولا معرفتش ادخل عليكي.. انتي بتتكلمي في حاجة خسرانة.. خلع ايه اللي عاوزة ترفعيه. دا انتي حتي بتدرسي قانون وفاهمة
زهرة… انا ميهمنيش اخسرها او اكسبها.. انا اللي يهمني. اني اقدم الدعوة. وكلو يعرف ان مراتك رافعة عليك خلع
هنا اتعصب ورمي فنجان القهوة علي الارض بغضب ومسك دراعها جامد…. انتي بتهبلي بتقولي ايه
زهرة حررت دراعها منو بقوة…. بقول اللي سمعتو..
صفية وليلي لاحظو صوتهم العالي… دول شكلهم بيتخانقو
وقامو قربو عليهم
صفية… في ايه. ايه اللي حصل بس. مالكو
بصت زهرة لحمزة وبتحدي… … انا هقدم الخلع واهينك. طالما مش عاوز تطلقني بهدوء هرفع القضية. هقل منك قدام الناس واخلي شكلك مايسواش واهينـ…
مكملتش كلامها
لان في لحظة حمزة محسش بنفسه غير وهو نازل علي وشها بالقلم
يتبع…..
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.