رواية دوامة العشق – الفصل السابع
٧ رضوان قال بغضب….. انت اللي عارف مصلحتي مش كده ليه كل ده ها ليه الغل ده عشان واحده رخيصه خانتك ليله فرحك يبقى كلهم رخاص مش كده مش عارف اقولك ايه ولادعي عليك بايه روح ربنا يكسر قلبك يا سليم كيف ما كسرت قلبي بس انت مع الاسف ما عندكش قلب ما عندكش واصل يا ولد ابوي عشان يتكسر
****************
وبص لياسين وقال….. انت كمان كنت عارف وساكت انا عايز اسالك سؤال لو رقيه حد عمل فيها اللى هو عمله في منى كنت هتسكت برضك ولا فى مرجانه بتك ولا عشان هي غلبانه وما لهاش حد ياخد حقها انا هاخد منى وهنطلع على القسم وهنعملو محضر وديني لاحبسك يا سليم وههملكم البلد باللى فيها واطفش ما عاوزكمش تبقو اخواتى ما يشرفنيش واصل حتى لما عرفته انها مرتى ماخلتوش عندكم دم برضو
*******************
ومشى من عنده بس ياسين جرى ورا رضوان وقابلهم حسين على السلم
***************
وقال……. العريس جيه تحت يلا عاد عشان نستقبالوه الناس لحالهم تحت انت لسه هنه روح يا يسين هات رقيه وحصلنى عشان تشوف عريسها
************
وسليم كان واقف مكانه ودموعو بتنزل ياسين راح اوضت رقيه واتنهد ودخل
**************
وقال……كيفك يا رقيه عامله ايه جهزتى ولا لسه
****************
بس رقيه ما ردتش عليه وودت وشها الناحيه التانيه ياسين بص لحسنه
**************
وقال…… يلا انتى يا مرت عمى انزلى مع شيماء اعملى القهوه عشان منى حتى مكان الحاجه مش عرفاه
**********
حسنه قالت…. ماشي رايحه اهه
****************
ونزلت لتحت وياسين قرب من رقيه وقعد قصادها على ركبه وطلع من جيبه الغويشه اللى رقيه كانت ادتها لوصيفه ومسك ايدها ولبسهالها
***************
رقيه قالت……. انت جبتها من فين المره هربت من مكانها كيف جبتها
ياسين قال….. مش مهم انا قولتلك ماحدش يقدر يمسك وانا قاعد هتوحشيني قوي لما تمشي يا رقيه ابقى اتصلى عليا ها ما تنسينيش
رقيه قالت…. انت ما هتوحشنيش واصل ومعوزاش اكلمك ومعوزاش حمايتك كمان غور بيها
ياسين قال…. انتى كدابه يا رقيه عشان ما بتبصيليش في عيني وانتى بتقوليها وما تزعليش منى يلا انزلى عاد عشان هتسلمى على العريس عشان تشوفيه هو جيه تحت
رقيه قالت…. تؤ انا ما عاوزاش اشوفه اصلا
ياسين قال……. لا معلش لازم تشوفيه دى حاجه حللها ربنا لازم تشوفي جوزك اللى هتكملى عمرك معاه وهو يشوفك يلا تعالى عاد
رقيه قالت…. جوزي
****************
ونزلت دموعها ياسين مسحها بكف ايده ******************************
وقال…………. بكره هتعرفى ان ده احسن ليكى وهتسامحينى
رقيه قالت………. اي حاجه احسن منك ياسين لانك ما عندكش قلب ولا دم حتى
****************
وسابته ونزلت لتحت وكان فى شاب في العشرين مشيو سوا وراحو البلكونه
**************
الشاب قال…. احم كيفك يا عروسه انا اسمى عمار بشتغل مهندس معمارى بشتغل فى مصر هناخد شهر بعد الجواز ونسافر وناجى كل فتره تشوفى اهلك على فكره انا شفتك كذا مره وانتى رايحه المدرسه مع ياسين اخوكى حاولت كذا مره انى اكلمك بعد ما يمشى بس انتى ما كنتيش بتردي عليا ولا بتبصى حتى عليا حتى مره حدفت الطوبه عشان تيجي جنبك بس جات فيك فيكى بس جريت عشان ما تتخانقيش معايا هو فى ايه مالك بصراحه حاسك ما مرتاحاش في حاجه
رقيه قالت…. لا واصل ما فيش حاجه هما بس حطولي مكياج كتير وكده عشان عروسه وبتاع ف عينى دمعت منه عن اذنك انا هطلع
عمار قال… واه طب هاتى رقم التليفون حتى انا اكلمك
رقيه قالت… لاه ما عاوزاش اكلمك انا
عمار قال… رقيه قوليلى الصراحه انتى مجبوره عليا في حاجه طيب
رقيه قالت… لا بس اصلي محبتش حكايه الكلام والمرقعه دى انا عن اذنك
*********************
وسابته ومشيت طلع عمار
وقال…… انا عايز كتب الكتاب يبقى الخميس الجاي ولو الفرح كمان يكون معاه اكون شاكر انا مش هحتاج منها حاجه واصل شنطة هدومها بس انا حاجتى كامله من مجميعو
حسين قال…. ده اسبوع يا عمار يا ولدي هتلحق تجهز فيه
عمار قال… انا جاهز يا عمى النهارده كان اخر يوم في الامتحانات يعني الاجازه خلاص بدت
حسين قال….. تمام يا ولدى نشوف الدنيا ونقولك وربنا يلدم اللى فيه الخير احنا على تليفون
****************
فوق حسنه كانت مع رقيه اللى كانت نايمه على السرير وبتبكى
…………………..
وحسنه قالت…. وبعدهالك عاد يا بت
رقيه قالت….. انتى مش عملتى اللي عايزاه ياما خلاص روحي عاد وهملينى الله يباركلك
******************************
فى صباح يوم جديد كانوا كلهم قاعدين وبيختاروا حاجات لرقيه وياسين كان بيبصلها والدموع في عينيه رقيه كانت دموعها كل شويه تنزل وتمسحهم بس سليم كب كوباية الميه على الارض وعلى رجله
******************************
وقال…. منى تعالى امسحى الميه حصلت جزمتي كمان امسحيها يلا بسرعه الجزمه دى غاليه
رضوان قال بغضب……. سليم
سليم قال….. ايه مش دى شغلتها يا رضوان
******************************
منى جابت القماشه ووطت هتمسح
******************************
وقالت…….. ايوه شغلتي
******************************
ولسه هتمسحها بس رضوان اخد منها القماشه وقعد على الارض ومسح هو وسليم بصله بصدمه
******************************
ورضوان بصله وقال…. ايه بقت زينه روحى انتى يا منى
******************************
منى كانت بتبصله بدموع ومشيت راحت اوضتها ولمت كل الهدوم في الشنطه بتعتها في صباح يوم جديد كان رضوان بيدور على منى بس ما كانتش في الاوضه بتاعتها نزل لتحت
******************************
وقال…. ياما حسنه شفتي منى
حسنه قالت………. دى جنت على الاخر قالت… لمغاورى الغفير اللي بره ان هي ماشيه قالتله انها لقت شغل في حته تانيه ومشت من راسها كده من غير ما تشاور
رضوان قال بصدمه….. مشت يعني ايه كيف مشت ومشت مع مين ومين مشاها لحالها كده
حسنه قالت… معرفش انا صحيت الصبح ما لقيتهاش بسال عليها مغاورى قالي انها مشت قالى قالتله لقت شغل في حته تانيه حتى عمك مغاوري حاسبلها التاكسي
رضوان قال…. طب ما قالتلهوش المكان فين الله يسامحك يا منى ليه كده بس يا بتى دى ما فكراش حاجه
حسنه قالت…. لا يلا هملني انا ورايا تحضيرات كتيره قبل الفرح ما تزعلش يمكن ده احسن ربنا يقدرك وتنساها يا ولدي
******************************
ومشيت رضوان بقى يدور عليها بس من غير فايده
بعد اسبوع كانو عاملين فرح كبير ورقيه كانت زي القمر وكان شكلها تحفه ياسين بلع ريقه بارتباك
******************************
وقال….. طالعه جميله قوي يا رقيه مبروك
رقيه قالت……. الله يبارك فيك يا اخويا كان نفسك تسمعها مش كده
ياسين قال….. بلاش الكلام ده على الاقل النهارده سايق عليكى النبي انا مش قادر لوحدي انتى هتوحشيني قوى ابقى كلمينى على طول بالله عليكى ما تنسينى يلا عريسك مستنيكى تحت
رقيه قالت… يلا
*****************************
تحت كانوا بيكتبوا الكتاب العريس مسك ايدها حطها فى ايده ومشي بيها قعدو على سوا وسليم راح لرضوان
******************************
وقال….. رضوان صالحنى عيب كدا ده حتى ياسين اخوى ما بيكلمنيش ولا انت بتكلمنى بقيت لحالى انا اسف طيب والله كله كان عشانك
رضوان قال… اكتم الناس واقفه ما عوزش امد يدى عليك غور من خلقتى
سليم قال… واه هى حصلت لكده
رضوان قال… ايوه حصلت واكتر من كده
ياسين قال…. بس عاد انت وهو غور من هنه وعدو ليلتكم على خير الناس واقفه
سليم قال….. ما رضيش يكلمني
ياسين قال…. اكتم كفاياك عاد وانت يا رضوان اعقلوا بلاش جنان
رضوان قال…..من النهارده لا انت ولا هو اخواتي كله بسببك انت وهو بس اهه جاتكم من ربنا انتوا الاتنين انت بتستاهل الوجع اللي انت حاسه دلوقتي يا ياسين تستاهل ان رقيه تسيبك وتمشي عارف ليه مش عشان انت كبير ولا عندك عيال ولا عشان انت وحش بس انت ما تستاهلهاش ماتستهلش تعيش مبسوط رقيه تستاهل واحد احسن منك وانت كمان يا سليم هتفضل لحالك هتعيش وتموت وانت لحالك دى نهايه اللي زيك انا لميت شنطتى وهسافر بكره الصبح جاني شغل في حته بعيد عنكم مش هقعد معاكم اخواتي ماتوا انا كنت قاعد بس عشان رقيه هوصلها لعريسها ومحدش فيكم هيشوف وشي
******************************
ومشى بعد شويه كان الفرح خلص وكان سليم قاعد عند البحر وبيرمى الحجار في البحر جات شيماء قعدت جنبه
******************************
وقالت……. كنت ناويه اخليك تحبني وامشي واكسر قلبك بس قلت خلاص انت قاعد لوحدك زي الكلب بتستاهل القعده دي فاكر عزه اللي جات وقالتلك انا حامل منك فاكر قلتلها ايه قلتلها انا مش بتاع جواز ومشيتها لما عمي جابلها عريس وخافت من الفضيحه قتلت روحها عشان انت ما سترتش عليها دعيت عليك وقتها انك تعيش وتموت وانت لوحدك انا اصلا كنت جايه هنا عشان اكرهك في عيشتك بس خلاص ما بقتش عيشه
سليم قال… واه انتى تعرفي عزه من فين
شيماء قالت… قربه كده يعنى صحبتى
سليم قال…. انا ما قتلتش اختك ولا ماتت بسببي بنات كتير بقعد معاهم قعدت مع واحده من ضمن وهي كانت عارفه اني مش بتاع جواز ما حدش ضربها على يدها كله كان بكيفها موتت نفسها دي مش قصتي بعدين اكيد مش هتجوز واحده جات كده و اتطمنى قلبى اتكسر من زمان من قبل صحبتك اصلا
شيماء قالت…. من وقت البت اللي قبل يوم الفرح عرفت انها كانت مع واحد تاني غيرك وعرفت انها عامله عمليه هو ده النوع اللي انت كنت عايزه بسبب واحده شوف دمرت حيات كام واحده وفضلت تكره اخوك في مراته لحد ما سابته وطفشت وصحبتى كمان انا مش عايزه اشوف وشك تستاهل احسن يا سليم انا ماشيه خلاص هي ماتت من الدنيا وانت مت بالحياه
******************************
وبعد اسبوع كان ياسين قاعد مع عمه
****************************
وقال… يا عمي الله يخليك ده بقالو اسبوع شغال في الارض كيف اي مزارع ويزرع ويحصد عشان الفلوس ده ما واخدش على الشقى حتى ارضنا ماشغلتهوش فيها
حسين قال…. انت السبب يا ياسين انت اللي بوظته وصلت بيه يقتل منى وصلت بيه يرميها بالعربيه خليه يتربى احسن وانا شويه كده وهرجعو بس لما يعرف قيمت الناس الشقيانه ويعرف انهم مش عرايس بلاستيك
ياسين قال……. بس يا عمي
حسين قال.. ما بسش ده امانه عندي لما يشتغل في الارض ويعرف الناس عايشه بره ازاي بجد ويشقى ويكد كيف الناس حتى هيقدر الناس يلا روح جيب بتك من الحضانه عشان كمان تلحق تباشر شغلك
ياسين قال……… ماشي يا عمى
******************************
عند منى كانت قاعده بتشتغل فى مطعم ومعاها واحد شاب ******************************
وقال…بعدين يا منى ايه اللي حصل
منى قالت…. اتجوزنا في السر عشان ما حدش يعرف
قال….. ايوه وبعدين انتى ما قلتلهوش انك فاكره لحد ما مشيتى عملتى نفسك ناسيه ليه كده مش هو بيحبك
منى قالت…. ايوه قلتله اني ناسيه عشان يقدر يعيش ويكمل حياته عشان ما يسيبش ناسه بسبى اصله قال هيحبس اخوه وهيسيب البيت وانا ما عاوزهوش يخسر اهله وسليم مش هيسيبنا اللى يخليه يقتل مستحيل يسيبنا نتجوز ده رضوان مسح جزمه اخوه عشانى مستنيه ايه تاني منه بكره يلاقي واحده تحبه ويحبها وينسانى
قال…. طب وانتى
منى قالت بحزن……. في ناس كده ربنا ما بيقسملهاش الراحه يمكن يكون شايلهالي في الاخر
قال…. ويمكن مع حد تانى بس انتى كده لسه مراته مش كاتبه كتابك عليك
منى قالت…. دى احلى حاجه حصلت انا اصلا ما هتجوزش بعده عايزه افضل مرت رضوان حتى لو بيني وبين نفسي وهو الشرع حلله اربعه يتجوز على راحته كل املى بس نسمع عنه خبر يفرح
قال…. امم طب يلا يا اختي حبك اللى خرب الدنيا ده قومي ورانا شغل بدل ما صاحبه المطعم تجي تطلع عينينا
منى قالت…. اه يلا بينا
******************************
عند ياسين كان بيذاكر لمرجانه
******************************
وبيقول فهمتى حاجه من الدرس ولا انا بشرح لنفسي
مرجانه قالت…. لا يا ابوي ما فهمتش حاجه لما بتبصلي كده ما بعرفش افهم الكلام
ياسين قال….. وليه بقى يا اختي ان شاء الله
مرجانه قالت…. شكلك حلو قوي وانت بتشرحلي بذات لما بتتعصب هو انا لما اتجوز كيف رقيه هاخد واحد حلو يتجوزني انا عوزاه شبهك يا ابويا
******************************
ياسين افتكر رقيه لما كان بيذاكرلها بس فاق على صوت ******************************
مرجانه بتقول….. حتى المدرسه قالت ابوكى حلو هنجوزوك يا يسو
ياسين قال… واه بس يا لمضه يلا على اوضتك روحي ******************************
عند سليم كان بيحاول يكلم رضوان بس ما كانش بيرد عليه وكان شغال فى ارض بيحفر مع واحد
******************************
وبيقول….. من هنا اخواتي كرهونى ومحدش بيكلمني حتى عمى حسين لما عرف مشاني من البيت بقيت شغال باليوميه فى الارض تخيل
الشاب اللى معاه قال…. طب ما ترفع قضيه عليهم وخد ورث ابوك
سليم قال….. باه انت اتجنيت انت عاوزنى ارفع قضيه على عمي واقف قصاده فى المحاكم لاه طبعا بعدين انا استاهل اللى جرالى عشان كان قلبى عليهم عالم ظلمه
******************************
بس شيماء جات وقفت قدامه وبصتله ******************************
وقالت….. احفر ارضنا زين يا عامل انت بتاخد فلوس على شغلك ده اشتغل كويس ولا يدك البسكوته ما عارفاش تمسك الفاس عدل اضرب جامد يا ولد العمده قصدي يا سليم افندى ولو ما تعرفش نعلموك
سليم قال بصدمه…. شيمو انتى بتعملى ايه هنا
شيماء قالت….. المعلمه شيماء ارض ابوي اللي انت شغال فيها دى هى صغيره على قدنا بنجيب عاملين بس يحفروها انا جبتلكم الوكل اقعدو ريحولكم خمسه وارجع اشتغل تاني واشتغل زين لحد المغرب الاقيها كلها محروته
******************************
ومشيت من قدامه وسابته يبص لطيفها بذهول
******************************
سليم قال… لا لا اكيد لا انا اشتغل عند دى اكيد لا انا مش هشتغل عند دى بذات لا
الولد قال…. بقولك ايه ما يبقاش فقر وعنطزه انا جبتك من على الكوبري ما كنتش لاقي تاكل بالعافيه لقيتلك الشغلانه دى ما تضيعهاش عاد الله يسترك يلا
سليم قال…. لا يا مسعد شوفلي شغل في اي حته تانيه الله يخليك
مسعد قال….. اللي لقيناها عاد يعني الشغل مقطع بعضه يا خى
سليم قال… لا يعنى انا مضطر اشتغل عند دى
مسعد قال….. ايوه هي عندها ارض بنحرتها وعندها البهايم بنرعاها على قدنا كده
******************************
شيماء رفعت حاجبها وقعدت على الكرسي على قباله بتابع الشغل وسليم بصلها بغيظ بس بقى يشتغل
عند رضوان كان شغال بالنهار وكل يوم بالليل يفضل يدور على منى في كل مكان بس من غير فايده ما كانش عارف يلاقيها بس كمان ما كانش عارف ينساها ويفضل يدور فى المحطات واللوكندات وحتى المستشفيات والاقسام
اما رقيه بقى كانت قاعده مع جوزها بتستمع التلفزيون
******************************
عمار قال….. ابوكي بيقول انه هيجيب امك وياسين وهياجوا على العشاء
رقيه قالت بحزن…. شفت العيله بقت صغيره ازاي كانت كبيره وحلوه كانت عزوه كده
عمار قال بحرج…. باين كده وشى وحش قوى عليكم
رقيه قالت….. ما تقولش كده على نفسك انت فقري بس يا عمار
عمار قال بسخريه… شكرا
رقيه قالت… بهزر معاك يا اض انت ما لكش صالح هو سليم اللي عمل كده الله يسامحه انا ما عرفتش استفاد ايه بس اصل اللى اتلسع من الشربه ينفخ الايس كريم حب واحده وهي طلعت ماشيه معاه كده عشان الفلوس ف هو اخد فكره ان اى واحده فقيره بقت طمعانه فى الفلوس هو مش وحش والله بس هو اتصدم قوى اصله كان بيحبها قوى يا كبدى زعلت عليه قوى
عمار قال…. احم ياسين هيجي بالليل معاهم خدتى بالك
رقيه قالت…. ايوه ايه عايز تقوله ما يجيش ولا ايه
عمار قال… لا طبعا يجي براحتك ده بيتك كمان وضيوفك على راسى من فوق
رقيه قالت…. امال ايه خايف ان انا لما اشوفه ارجع افكر فيه
عمار قال…. كمان لا لان انتى لو فكرتى فيه وانتى على ذمتي انا ازعل عليكى ليه ما تغورى بعدين انتى ما تعمليهاش انتى جدعه احنا خلاص اتجوزنا وانا هستناكى ان شاء الله 100 سنه هستناكى برضك لانى متأكد انك هتحبينى انا اتحب يمكن خير ليكى لا اكيد مش يمكن
رقيه قالت…. ياسلام وتنهدت وقالت….. انا اسفه قوي والله بس مش بيدي
******************************
عمار حط ايده ورا ضهرها وضمها ليه وباس دماغها
******************************
وقال……. انا ما زعلانش منك واصل انتى صارحتينى وانا مقدر تمام يلا نجهزو عشا لاهلك
رقيه قالت…. يلا بينا
******************************
وقامو سوا وبالليل كانو وصلو عند رقيه وياسين سلم على رقيه وبصلها شويه
******************************
وقال….. كيفك يا رقيه عامله ايه
رقيه قالت…. الحمد لله زينه قوى يا اخوي
******************************
وسحبت ايدها بسرعه ومشيت وقعده جنب عمار وقعدو وبقو بيتعشوا سوا
******************************
رقيه قالت…. هو رضوان مناويش ياجى اجازه يعني كده خلاص
باسين قال… تؤ ده بنى ادم براس كلبه عامل رحلة البحث على منى لما يلاقي منى ويجيبها حتى هياجى وحشنى قوى والله بس اهه حتى التلفون ما بيردش عليه
رقيه قالت….. ربنا يعتره فيها ويلم شملكم من تانى
عمار قال…. يلا يجماعه كلو
******************************
وقعدو وبقو ياكلو سوا ورجعو كل واحد يكمل حياته بعد ما عاشو احلام سوا فى خيالهم بس القدر كان ليه رأى تانى ومش كل اللى بنتمناه بناخده بس المهم نرضى بالنصيب
******************************
الفصل التالي اضغط هنا
يتبع.. (رواية دوامة العشق) اضغط على اسم الرواية لتجد الفهرس كاملاً بجميع الفصول.