رواية دوامة العشق – الفصل الثامن
٨ والاخير بعد سنه عدت على ابطالنا منى كانت بتقدم القوه
وقالت….. اتفضل القهوه يا افندى
قال… الجسم كرباج عامل فى القلب ازعاج
منى قالت بدهشه …. رضوان انت بتعمل ايه هنه
رضوان قال…. شوفتك امبارح باليل بس خفت ادخل اديكى قلمين ونتخانق رجعت وجيت تانى دلوك بقى يا صرمه تسيبينى وتمشى وفاكره انى مش هلاقيكى حد يعمل كدا لما انتى مش فكرانى خدتى القسيمه معاكى ليه ها ولا فكرانى وبتكدبى عليا انتى فاكره لما تعملى كدا هبعد مش انا قولتلك بعدك قتال ويهد جبال سبت كل الدنيا هناك عشان اجى ادور عليكى
منى قالت…. انا عمرى ما نسيتك بس انا
رضوان قال….. انتى مجنونه بس مش اكتر انا كنت قولت انى مش هقرب منك دلوكتى بس انا عايز حضن كبير قوى دلوكتى اكسر ضلوعك بين يدى كيف ما كسرتى ضلعى فى غيابك يا جاحده
منى ضمته وبقت تبكى جامد
وقالت… انا اسفه سامحنى حقك عليا والله غصب عنى
رضوان شدد من ضمته ليها واخد نفس كأنه بيتنفسها وباس جبينها وبص لعيونها
وقال…. انتى الحياه يا بت ما فيش حياه فى بعادك يلا بينا مش هتخدمى على اى حد تانى يدوب انا بس انا هاخد كل وقتك من صبحك لعشيتك عمى رضى انى اتجوزك لما شاف حالتى فى غيابك يلا نعيش العمر سوا
عند يا سين دخل اوضته وكانت فى بنت فى العشرين لابسه عبايه بيتى ضيقه ورابطه وسطها بمنديل للرقص هى ومرجانه وبترقص وبتغنى مع الاغنيه
وبتقول…. حط ايده ياه على قلبى اه
ياسين قال بغيظ…. جاكى وجع فى قلبك ومعميعك انتى بتهببى ايه يا وليه
شهقت بخضت وقالت…. واه يا سي ياسين مش تخبط
ياسين قال…. ليه داخل اوضت امى انتى مرتى
ومسكها من شعرها
وقال… بتهببى ايه انا اتجوزتك عشان ايه يا بت
سحر قالت… عشان اربى البت عشان اما رقيه مشت مرت عمك مش هتقدر على البيت والبت وانت مش فاضى بعد ما اخواتك سابوك وانا انسب واحده يا سى ياسين
ياسين قال… وانتى بتهببى ايه دلوك
سحر قالت… بعلمها
ياسين قال… ده تعليم
سحر قالت… ايوه عشان اما تتجوز وجوزها يقولها دلعينى تعرف تدلعه بص كده
وعملت بوسطها حركات دأئريه
وقالت….. كيف ما انا برقصلك يا سيد الناس
ياسين قال…. ارحمى امى اللى ماتت وبطلى ترقصيلى رأفتا بعنيا من التلوث البصرى اللى بشوفو معاكى ده
خانقتى الضيفه ليه دى مش اخت عمار جوز رقيه ينفع نزعلوها فى بيتنا
سحر فلتت ايده
وقالت… ايوه عشان ما تربتش قال جايه ليه مع رقيه عشان لو ولدت فى السكه وتقول سبحان الله كيف واحده تتجوز جوز اختها عادى كده وتعيش معاه وتحمل منيه كمان جاتها البلا ما حسيتش بروحى غير وانا سحباها تحتى كيف الحصيره ونازله فيها بشبشبى وليه ما هبوشه انى زعلانه منك قوى عشان انت داخل كيف القطر تزعق من غير ما تعرف قال ايه كيف احمل من اللى كان جوز اختى ليه ما حملش متجوزه راجل انا ولا رجل كنبه
ياسين اتنهد بضيف وقال…. ايوه بس ده ناس البلد كلها هتقوله وانا قلتلك الكلام ده وانتى قلتى انك راضيه
سحر قالت… بس ما قولتش هسكت عليا وماتت الله يرحمها ورقيه اتجوزت الله يعمرها واخر ما غلبت تطلعلى اخت عمار بختى وعرفاه
ياسين قال….. يعنى انتى ضربتى البت فى بيتنا ومرقصه مرجانه وانا اللى غلطان عليكى
سحر قالت…. اه عشان انت زعقتلى وانت عا ف انى ما قدرش على زعلك يا سى يسو
ياسين قال….. احم خلاص انا مزعلانش
سحر اتعلقت فى رقبته وقالت…. انى زعلانه
ياسين قال… هراضيكى
سحر قالت…. طيب ازا هتراضى انا راضيه
ياسين قال… احم البت واقفه بعيدن عاد نزلى يدك
مرجانن قالت… هنكملو رقص ولا ابوى هيزعق
ياسين قال… لا ابوكى هيطبلكم عشان سحر ترتاح
سحر قالت…. الوكل جاهز استحمى وانزل ناكلو سوا يا سيد الناس
ياسين قال… ماشى روحى عاد
سحر لبست عبايتها ونزلت وياسين راح يا خد شور عند سليم بقى كان فى بيت بسيط
وقال… انا بنيت البيت اهه كدا نتجوز
شيماء قالت… لا لما تجمع المهر الاول
سليم قال… انا مش فاهم ليه كده بتعملو معاى انتى بتنتقمى لصبتحك قولتلك كان بمزاجها هى اللى رمت نفسها عليا كانت فاكره انى هتجوزها لما تعمل كدا
شيماء قالت…. لا مش كدا مره واحد اتجوز واحده ابوها قاله بنشترى راجل هات شوال بصل كانو بيعدو البحر طاحت قالها موتى انتى تمنك شوال بصل راحت عند ناسها خدو منه شوال دهب ورجعوها كانو بيعدو البحر
سليم قال… برضه
شيماء قالت…. اه قالها استنى انتى تمنك شوال دهب فهمت
سليم قال…. وهو انا لو معايا شوال دهب هتجوزك انتى يا مقشفه
شيماء قالت…. اه اعرف قيمتى مش انت ما بتحبش الرخيص خد الغالى اهه
سليم قال……. انا بشتغل فى ارض الصبح وارض بعد العصر يدوب الاكل والسجاير والشامبو بطلت الشامبو عايزه ايه تانى
شيماء قالت….. ياكبدى بطلت الشامبو يا نتن طب بطل السجاير اولى
سليم قال… انا ابطلك انتى شخصيا وما ابطلش سجاير
شيماء قالت بغيظ……. طب غور من هنه
سليم قال…… غورت قال ابطل سجاير قال انا جمعت المهر نتجوز عاد
شيماء قالت…. طب يلا نروح لرقيه المستشفى وتولد ونتجوزو الخميس الجاى بس تجيب واحد يغنى فى الفرح
سليم قال… لا هغنى انا ارخص يلا
عند رقيه كانت فى المستشفى ومعاها ياسين وسحر بس رقيه كانت ماسكه فى عمار
وبتقول….انت عشمتنى وخليت بيا
عمار قال…. واه ليه كده انتى لساكى مرتى وانا معاكى اهه
رقيه قالت…. بس هتسيبنى اولد لحالى
عمار قال… جرى ايه يا بت ما تجمدى امال
رقيه قالت… انت هتدخل معاي الاوضه اللى هولد فيها
عمار قال… انتى هتولدى انا ادخل اعمل ايه
رقيه قالت… احزق اعمل اللى يلد عليك انا مالى امال فالح بس
بس عمار حط ايده على بقها
وقال… ايه هو يا ولا بس عاد الله يسترك ايه الفضايح دى الناس واقفه
سحر قالت… هو انتى موجوعه يا ختى
رقيه قالت… لا بس هتوجع اكيد لحظه صعبه الكداب دا ضحك عليا قالى هنتبسطو انا مش مبسوطه انا خايفه
عمار قال… انا معاكى اهه هدخل وياكى تعضى يدى مبسوطه كده
رقيه قالت…. اه كده ايوه
عمار قال… تمام
ياسين قال… بلاش هتتوجع اكتر منها اسمع منى
عمار قال… انت دخلت قبل كده
ياسين قال… لا بس لو انت دخلت اكيد انا يوم ما تولد سحر هدخل ما تفتحش فواتح علينا عاد
عمار قال… تستاهل شيل حبه
بعد وقت كان عمار مع رقيه
وقال… ولد كيف القمر
رقيه قالت… واه ليه
عمار قال… هو ايه اللى ليه
رقيه قالت…. ليه طلع شبهك فكرت هيطلع شبهى
ياسين قال…. احم احم طب نطلعو احنا
بس دخل سليم
وقال…. كيفكم
رقيه قالت…. سليم كيفك يا اض
ياسين قال…. احم انا طالع بره
سليم مسك ايده
وقال….. ماهتسامحنيش برضك يا خوى
رضوان قال…. لا اما رضوان يرجع ويسامحنا يا سليم
بس رضوان جيه
وقال…. منى ما رضيتش تعيش بعيد منكم قالت اللى يسيب اهله عشان حبيبه يسيب الحبيبه عشان عشيقه
سليم قال… لا اللى يسيب الفلوس يبقى اهبل
شيماء زقته بكتفها وقالت…. سليم
سليم قال… قصدى كلامها كله صح لو هتسامحنى
ياسين جرى حضن رضوان
وسليم قال….. ليا مكان وسطكم
رضوان قال…. مكانك قاعد ما انا حمار ما بتعلمش
رقيه قالت… واه وانا رابعتكم كمان يا اخواتى
سليم قال…. لاه ما بقاش ينفع نحضنك كبرتى وتجوزتى
سليم راح عندها
وقال… دى اختنا واللى مش عاجبه يمشى تعالى يا بت وضمها ليه
رضوان قال… مش هيتغير
ياسين قال… تؤ واصل
ياسين بص لمنى وقال…. شكرا
منى قالت…. لا انا ما عملتش حاجه
ياسين قال…. لا انتى اللى لمتيى شملنا تانى
منى قالت… لا انتو موصولين من فوق صح رضوان زعل بس كان دايما يدعى انكم ترجعو تانى صح ما كنتش معاه بس انا عرفاه
بعد اسبوع كانو عاملين فرح لرضوان وسليم سوا
سليم همس لشيماء وقال…. شوفى برضه هتتجوزو واطيه عرفت تضحك عليه مضطر اسكت عشان عمى يرجعنا انا صدقته ما رضى يرجعنى
شيماء قالت…. طب اسكت عاد صدقنا ما اخواتك رجعوك السرايا تانى وسامحوك
ياسين كان واقف فى الزاويه مع سحر
قالت…. شوف الفتلك شعر اسمع كده
الواد ياما حليوه وعينو منى
لامونى الناس وعشقه يا اما عشقه تعبنى
موتو بغيظكم موتو حبيبى جمبى
فى ضهرى يا ما وعمره ما يسيبنى
ياسين قال… ممكن تبطى تاليف جد عشانى انا بقولك كدا مش انتى بتالفى عشانى احب على يدك بطلى شعر ليا
سحر قالت… عنك انى بس عوزاك تحبنى
ياسين قال… والله بحبك على كده اعقلى عاد انا اصلا مش عارف اتجوزتك ليه ولا بحبك على ايه بس انا كده بحبك قوى والله انا بس ما بعرفش اعبر
سحر قالت….. بس بتحس والحب احساس واحساسك واصلنى
بعد يومين
سليم قال…. لا يا عمى انا ما روحش للمقابر انا مش هروح
ابو رقيه قال… هتروحو كلكم وخدو حريمكم يلا
ياسين ورضوان شدو سليم ومشيو وصلو المقابر ولسه
هيقرو الفاتحه
سليم مسك يد منى وقال……. الدبله دى غاليه قوى كيف تجبلها حاجه غاليه كده
رضوان بعد ايدو وقال…… بعد ما تمسكش يد مرتى لا اكسرهالك
سليم قال… ما تفتحش صدرك كده عشان ماتستهواش
يا حبيبى
رضوان قال…. لا يدك انت يا حبيبى
ياسين وقف فى النص وقال…. بس صلو على النبى نعقل حبه مش كده سليم قلنا ايه عشان نرجعو نعيش سوا
سليم قال…. ما ليش صالح بيه
ياسين قال…. جدع
سليم قال بغيظ… تتهنى يا مرت اخوى انشاء الله
منى قالت بخبث…. ربنا يخليلى اخوك هو اللى بيجبلى
سليم قال… شايف
ياسين قال… اسكت عاد اوف استنو برا يا بنات
وقفو التلاته جمب بعض وقرو الفاتحه
وياسين قال…. على وعدنا اهه يا بوى ما يفرقناش غير الموت ومسكو ايدين بعض ومشيو سوا
**********************************************
جمعت وفرقت وجمعت ودى مش دوامة العشق لا دى دوامة الحياه المفروض نختار اللى يسند معانا فى كل دا الوحش والحلو مش الى يخلع من اول موقف وممكن نحب حد وما ناخدوش وربنا يدينا اللى يحبنا
(بسم الله الرحمن الرحيم )
(وعسى انت تكرهو شيآ وهو خيرا لكم)
يتبع.. (رواية دوامة العشق) اضغط على اسم الرواية لتجد الفهرس كاملاً بجميع الفصول.