رواية دلال الرعد – الفصل الثالث
٣.. دلال قالت…. ماشي اما نشوف بعد شويه كانو وصلوا مكان كده ونزلو وكان متزين دلال بصت للمكان بستغراب وشافت فيه كل صاحبتها
قالت… ايه ده
رعد قال… انا بعتلهم كلهم كارت دعوه وقلتلهم ما حدش يقولك علشان دي مفاجاه اهلى مش هيحضروا الفرح لان احنا عندنا عادي ما حدش يعمل فرح بس انتى كان نفسك تحضري الفرح اوعك تقولي انك اقل من اي بنت في الدنيا انزلي ونزلوا وكان فرح شعبي جدا وكان فيه كل اصحابها وجيرانها
ورعد قال…. في مصور كمان وهنتصور
دلال قالت بفرحه… تسلملي يا غالى ربنا يخليك ليا وخلصوا الفرح وروحو البيت
رعد قال… ها ايه رايك بقى في الفرح
دلال قالت… جميل عشان انت فيه
رعد قال…. انا مبسوط اوى انك بقيتي معايا انا والله ما صدقت ان امى توافق واتجوزك يلا بقى
دلال قالت… يلا ايه
رعد قال… يلا بقى ولا هنفضل نرغي كتير
دلال قالت… بس بقى يا رعد ما تكسفنيش الله
رعد قال.. اكسفك ايه بس يا بت هو احنا لسه عملنا حاجه ده انتى ايه ده
دلال قالت… ما اعرفش في ايه بس سمعو صوت امه
بتقول… اتفضل يا شيخ امين اتفضل
دلال قالت… دى امك
رعد قال… ايوه
دلال قالت…. مين امين ده
رعد قال… ده عمي
دلال قالت… وده ايه اللى جابه دلوقتي
رعد قال… مش عارف اصلا امى كانت عند خالتي ونزل
وقال.. في ايه يا اما
امه قالت.. ايه ده يا واد انت لسه ببدلتك ليه ده انا سايبك من ٣ ساعات ولسه مل قلعتش البدله يخرب بيتك تعال الشيخ امين عايزك
رعد قال…. ازيك يا عمي
قال… اسمى الشيخ امين يا ولد
رعد قال… ماشي يا شيخ امين خير
امين قال… انده مراتك وتعال
رعد قال…. مراتي مين قصدي يعني مراتي ليه دلوقتي النهارده فرحنا
امه قالت… فرح انت هتصيع علينا ما انت بقالك ٣ ساعات ما قلعتش البدله يا خيبك
امين قال.. روح انده مراتك وتعال
رعد قال…. حاضر يا عمى بس في ايه
امين قال… أما تنزلو رعد طلع عند دلال
وقال…. بصي انا اسف جدا على اللي بيحصل ده بس انا نفسي يعني مش عارف اقولك ايه نشوفهم بس عايزين
دلال قالت… النهارده يا رعد
رعد قال…. انا مش عارف والله اقول ايه بس اللي حصل غير ما توقعت هى ما تعرفش ان انا روحت الفرح وتأخرت
بس دلال قالت بسخريه … اه وهى كمان تاخرت وغيرت فستانها ونزلت
امين قال… تعالي يا بنتي اقعدى احنا جينا نرقي البيت بالقران الكريم ساعه كده احنا خلاص صلينا الفجر وهنبتدي اليوم الجديد باذن الله بتلاوه ربع من القران الكريم وتكوني قاعده انتى وجوزك علشان ربنا يحفظكم ويحفظ المكان وتبتدوا حياه زوجيه سعيده ان شاء الله
دلال قالت… طب حيس كده بقى انا هروح البس حاجه تنفع
امين قال… ايوه وامسحي المكياج اللي في وشك ده يا بنتي علشان تتوضي كمان دلال طلعت
ورعد قال لامه… انتى بتعملي كده ليه 30 الف جنيه دافعهم في الكوافير هيتغسلو دلوقتى
امه قالت…. ايه يا ولد ما انا سايبك بقالي ٣ ساعات
رعد قال…. وهي حبكت النهارده تعالوا بعد بكره
امه قالت…. اش دى عوايدنا من زمان من وقت ما جدك اتجوز وانا لما اتجوزت ابوك والشيخ امين وكل الناس كلنا بنعمل كده بعد صلاه الفجر
رعد قال… اه انتو بتقرو قران يوم الفرح بعد صلاه الفجر ده احنا كنا فاهمين الفرح غلط يا رجاله اروح انا كمان البس جلابيه واجيب السبحه وطلع فوق ولقى دلال بتشيل الميكاب بغيظ
وبتقول…. يا حظك الاسود يا دلال
رعد قال… نبرتى فيها وقلتى هنخربها خربناها اهه يا اختي يلا ونزلو ورعد قال… فين بدر ما جبتهوش معاكم ليه
امه قالت…. عند واحد صاحبه بس انا رنيتلو دلوقت ياجى وجيه بدر
وقال… ايه يا برنس انا يدوب حطيت دماغي لقيتها بتصحينى
رعد قال… ده انا لسه بقولها يلا يا دلال ما لحقتش اكمل يلا يا دلال ولقيتها بتقوله اتفضل يا شيخ امين
بدر قال… امم معلش تتعوض
رعد قال… كام حاجه هتتعوض الفرح اللى مفيش حد من عيلتى حضره ولا الليله اللى اى حد بيتمناها والا ال30 الف جنيه اللى دفعتهم مبكاب وفستان استحمت ولبست سدال الصلاه وطلعت 30 الف جنيه طاروا ما لحقتش اعمل بيهم حاجه
بدر قال… خلاص بقى متزعلش والله هتتحل
رعد قال…. انا بس خايف تزهق وتسيبنى
بدر قال… لا دلال بتحبك يا رعد ومش هتسيبك بعد شويه كانو خلصو الربع بتاعهم ومشيو
رعد قال… يلا يلا اقفل الباب يا بدر ليرجعو
بدر قال… طب امك قعدتلك تحت انا امشي كده وامك قاعده ولا
رعد قال… روح يا غلس وقفل الباب وراح عند دلال
وقال… دلال
دلال قالت بزهق….. ام هتقولى يلا يا دلال اقولك الله بتكسف تقولى بت ومفيش حاجه بتحصل وامك تطب علينا زى اللى واخدنى شقه مفروشه
رعد قال…. ايه يا بنت الدخله دي مكانش ربع قران دا خلاص بقى عشان ربنا يباركلنا في الجوازه يلا بقى يا دلالى
دلال قالت… طب استنى اما افك بقى السدال ده والطرحه والبس حاجه بقى واحط شويه ميكاب وكده
رعد قال… لا لا انتى حلوه كده
دلال قالت… لا لا ما ينفعش دى ليله العمر
رعد قال… ماشي هستناكى ٥ دقايق ما جيتش من ل٥ دقايق هستنى خمسه تانين انا قاعد بره مستنيه ودلال راحت لبست لبس للنوم وحطت ميكاب وفتحت الباب
ورعد قال… يا لهوي قمر يا ناس ايه الجمال ده لسه هيقرب منها بس الباب خبط
رعد قال بضيق… مين
امه قالت…. ده انا يا رعد افتح الباب خالتك وبنات خالتك جايين يصبحوا ويباركوالك على الصباحيه المباركه
الفصل التالي اضغط هنا
يتبع.. (رواية دلال الرعد) اضغط على اسم الرواية لتجد الفهرس كاملاً بجميع الفصول.