رواية دلال الرعد – الفصل الرابع
٤… امه قالت…. ده انا يا رعد افتح الباب خالتك وبنات خالتك جايين يصبحوا ويباركوالك على الصباحيه المباركه
بس دلال قالت… لا لا لا في حاجه غلط امك مستقصدانا
رعد قال…. اهدي اهدي بقى مش مستقصدانا ولا حاجه هي جات كده يا اما مشيهم وتعالوا بكره
امه قالت…. يا واد الصباحيه النهارده يلا اخلص هنزل وانتم ورايا ها متتاخروش
رعد قال …. يا ربي دلال انا مش عارف اقولك ايه
دلال قالت… هتقول اسف تاني هتقول ايه يعنى انا قلبي ناغزني اول ما قلتلى امك وافقت على الجوازه قلت في حاجه غلط
رعد قال بمشاكسه…. قلبك ناغزك
دلال قالت بدلع.. ايوه جاتلي نغزه هنا وحطت ايدها على قلبها
رعد قال… سلامه قلبك من النغزات بس امه
قالت… يلا يا رعد
رعد قال… روحي كده قولتلك تعالى على كده لازم تتانقى يعنى
دلال قالت…. ايوه ايوه قولي ان انا غلطانه قولي ان انا غلطانه ان انا بلبس واتشايكلك وهما مش غلطانين باللي بيعملوه ده جاتني نيله في حظى الهباب ده انا دلال فتاة احلام كل شباب الحاره كلهم جاريين ورايا مستنيين بس يطولوا مني بصه اسيبهم واخدك انت وتشحططنى معاك الشحططه دي اخد جايزه في فقر اهلي ده وطلعو اهل رعد كلهم وبقوا يباركوا
١… مبروك يا حبيبتي
دلال قالت… الله يبارك فيكى
٢…. صباحيه مباركه
دلال قالت… الله يبارك فيكى
رعد قال… دلال بقولك ايه شويه واجيلك انا ها
دلال قالت…. روح هقولك خليك ليه وراح عند بدر
وقال… بدر قوم يا اض
بدر قال… ولا انا عايز انام انت ايه قومك النهارده
رعد قال… وهقعد ازاى وبنات خالتك وبنات عمتك وعمتك جاين من وش الصبح يباركولنا على الصباحيه
بدر قال…. ايوه صحيح صباحيه مباركه
رعد قال…. بقى دا منظر عريس فى صبحيه قوم فز
بدر قعد وقال…. فزيت عايز ايه
رعد قال…. لاقيلي صرفه وخد امك وامشي البنت فضحتني قالتلى ما فيش حاجه بتحصل
بدر قال…. يا فضحتنا هو مفيش حاجه بتحصل
رعد قال… وهتحصل ازاي وامك امبارح جايبالنا الشيخ امين ودلوقتي جايبالنا دول
بدر قال…. ايوه صح نسيت انا الموضوع ده بس يعني انت عايز مني ايه دلوقتي
رعد قال… اقولك قولها انك رايح عند خطيبتك توديلها حاجات وخدها معاك هى بتحب تروح هناك
بدر قال… وتلزقلي انا
رعد قال… تتردلك فى يوم خبطتك فى نفوخك دا مستقبل العيله
بدر قال…. اوف ونزل وقال… بقولك يا اما انا هروح اودى شويه حاجات لخطيبتي تعالى معايا
امه قالت… ما تاجى معانا يا بنت يا دلال عند خطيبه الواد بدر اما حته بنت اموره بنحبها اوي تبقى بنت اختى تعالي هنتغدى عندهم النهارده
رعد قال… تروح فين يا اما
امه قالت… ايه هى بس تيجي معانا انت ما بتحبش تروح هناك محدش قالك تيجي تعالى هعرفك عليها
دلال قالت… ارد اقول ايه دلوقتي
رعد قال…. قولي لا
امه قالت… ما تزعلينيش منك بقى
رعد قال… قولي اه
دلال قالت… اه في ايه يا لهوي حاضر يا حماتي بس النهارده يعني صباحيتي يعني عادي ما حدش يقول حاجه علينا
امه قالت…. لا يا حبيبتي صح ما ينفعش تطلعي النهارده احنا بقى نعزمهم ونروح انا وانتى ونعملنا شويه اكل حلوين واهو نشوف اكلك يا عروسه اتصل بيها يا بدر واعزمها دلال مشيت مع حماتها ورعد وبدر بصوا في بعض
ورعد قال….. هتخليها تاخد اليوم كله في المطبخ وهتجيبلنا عزه لنص الليل
بدر قال… افكارك انا ما جبتش حاجه من عندي رعد راح وراها المطبخ وكانت بتحضر هي ومامته
قال… خلاص يا اما روحى انتى انا هحضر معاها
امه قالت… ماشى يا قلب امك ومشيت ورعد قرب من دلال وحضنها من ورا
وقال… انا اسف بجد جات كده
دلال قالت…. لا عادى ولا يهمك انا اعمل اى حاجه عشانك
رعد قال…. تسلميلي يا قلبى انا عمرى ما هنسالك اللى بتعمليه عشانى ده تعالى نجهز سوا يلا وبقو يجهزو سوا ورعد شال دلال وقعدها على رخامة المطبخ
وقال… جميله اوى وانتى فى المطبخ بجد انا من زمان وانا بستنى الاقيكى جيبالى الاكل باديكى الحلوين دول انا حلمت بيكي زمان من اول ما شفتك ومن يومها ما بتفرقيش احلامى ما فيش مره نمت وحلمت حلم الا وشفتك فيه
دلال قالت…. بجد
رعد قال…. ايوه لان انا كنت حاطك من ضمن الاحلام اللي نفسي احققها واخيرا اتحقق صح احنا بنلاقي مشاكل في الاول يعني مش عارف اكون معاكي بس انا مبسوط انك بقيتى ليا
دلال قالت…. طبعا انت بتقولي كده عشان مامتك اللي عامله البلوى لو كانت مامتي انا اللي عاملها ما كناش خلصنا
رعد قال…. لا والله انا مش بالعها حتى وماما اللى عاملاها بس انا عارف ماما والله هي بصى بصراحه ما كانتش موافقه عليكى يعني بعد محيله كبيره مننا حتى وافقت يومين بس انا متاكد ان يومين بس وهتحبك ما فيش حد يشوفكم وما يحبكش غصب عنو وبعدين انتى مش امك ماتت ولا رخامه وخلاص عارفه يا بت انتى فاكره يوم ما قابلتيني ده انتى ما نشلتيش محفظتي وانا كنت بدور عليها عشان ارجعها لا انتى يومها سرقتى قلبي وانا مش عايزه عايز بس حته اعيش بيها بس قولت ما انا واخد قلبك خلاص عيى انتى بقلبي وخلينى انا عايش بقلبك
دلال قالت…. مغرور قوي مين بقى اللي قالك ان انت واخد قلبي انا قلبي عندي
رعد قال… ايه دا بجد عندك طب وريني كده
دلال قالت…. تؤ اتلم لا امك تيجي
رعد قال… طيب بقولك ايه يلا نبتدى علشان نلحق نجهز العشا قبل الليل
دلال قالت…. ماشى يلا نزلني رعد نزلها وبقو بيحضروا الاكل سوا وبعد وقت كانوا خلصوا وراحو رعد ودلال اخدو شاور وبدلو هدومهم ونزلو استقبلوا الضيوف وكانت قعده عائليه جميله
ودلال قالت… هي دي بقى خطيبه بدر
رعد قال… اه هي خطيبتو وهيتجوزو ان شاء الله
دلال قالت…. بس كده دي بنت الشيخ امين
رعد قال… اه
دلال قالت… ايه ازاي مش امك قالت انها بنت خالتك والشيخ امين دا عمك
رعد قال… عادي ما انا خالتي متجوزه عمي
دلال قالت… اه وأمه راحت تجيب حاجه من فوق
وعزه قالت…. هو غريبه انكم عزمتوني النهارده يعنى
بدر قال…. ليه غريبه ما انتى ما تعرفتيش على دلال لما اتجوزت
عزه قالت…. ايوه ماشي ممكن تستنى يعني حتى اسبوع
رعد قال….. هو انتى بتسالي علينا ولا بتطمني ليكي مش فاهم
عزه قالت….. انا مالي خيرا تعمل شرا تلقى
رعد قال…. طيب على العموم هي ماما اللي عزمتك يعني
عزه قالت… اه يعنى انا متطفله دلوقتي
بدر. قال… لا بس خيار اجباري بس امه نزلت
وقالت…. هي امك ما جتش معاكي ليه يا عزه
عزه قالت…. تعبانه شويه يا خالتي
قالت… ايه اللي تاعبها يا بنت
عزه قالت… اتكعبلت امبارح وجات على رجلها بس كويسه
قالت…. ما قالتليش يعني
عزه قالت… ما رضيتش تقول وقالت لو خالتك سالت عليا اقولك انها معاها ضيوف تيجي معايا تشوفيها واحنا مروحين
قالت.. طبعا هاجى ما جيش ازاي مش لازم نشوفها ثانيه بس اروح البس العبايه واجي
عزه قالت… ماشي يا خالتي هستناكى
رعد قال.. يا بنت اللذينه عملتيها ازاي
عزه قالت… عادي ومشيت هى وخالتها وبدر راح يوصلهم
ورعد قرب وقال… ماما هتبات بره
دلال قالت… سمعتها بس سمعوها
بتقول….. انا رجعت يا شباب
الفصل التالي اضغط هنا
يتبع.. (رواية دلال الرعد) اضغط على اسم الرواية لتجد الفهرس كاملاً بجميع الفصول.