رواية جنه في قاع الجحيم الفصل الخامس والاخير 5 – بقلم جيجي

الاخير.. جنه رجعت لورا بخوف اول ما شافتو وكان طه… ولسه هتجرى.. مسكها وقال للولاد…

خشو كلو وشربو جو يلا

جنه… طه بعد يدك عنى يمين عظيم اخبطك اجيب اجلك

طه… براحه يا عم ايه ده بس ليه كده ده احنا حبايب..

جنه… انا ولا ولدى..

طه.. انتى وولدنا

جنه.. ولما هو ولدنا هتديه لحد غيرنا ليه

طه… عمرى ما اعمل كده بالدليل انى قولتلك وجهزت المكان ده عشان نقعدو سوا بس انتى هربتى لحالك… ينفع كده

جنه… هملنى ايه اللزقه دى ولما انت كنت عاوز نهرب ما قلتليش ليه..

طه..  كنت هقولك بس الكلام اللى انتى قولتيهولى اقولو لامى عجبنى وقولت اقولها يمكن قلبها يحن ويلين.. قولت اجرب بس انتى غدرتى بيا وهربتى قبل ما اجبلك الرد

جنه.. الرد انا عرفاه زين امك واختك مش هيتراجعو غير لما يقف قدامهم.. راااجل… ها واخد بالك انت راااجل… ويقولهم لأ انا مش هدى ولدى لحد تانى نقطه انتهى.. ما فيش فيها اى نقاش..

طه… راجل ماشى مقبوله منك يا ست الناس عشان انا عارف غلطى… لما قولتلك انى ماشى بشورت امى  ما جاتش كده انا ابوى مات وانا عيل امى خدت مكانو وماتجوزتش ولا جابتلنا جوز ام وصبرت عشانا

جنه… ههها انا ام وجوزى مات ولو كان عندى بيت كنت استحاله تجوزت تانى وربيت ولادى دى تضحية الام لعيالها ما قدرش بعد ما يكبرو اطلب منهم يدفعو التمن لانو غباء دين الام ما حدش يقدر يسدو عشان كده ما فيش ام تطلب ان عيالها يسدو لان الام الحقيقيه بتدى بدون مقابل وان اردت ان تطاع ائمر بما هو مستطاع.. عالم جهله

طه.. لمى لسانك يابت ايه ده ساكتيلنك من الصبح احنا اهدى علينا ها اهدى

جنه… ايه اللى هيتم يعنى

طه… هنقعد هنا وتولدى هنا معايا رقم دكتوره هجبهالك هنه وامى سيبها اما تتصرف نبقى نرجع قبلتنا تمام ما قبلتناش هنشوفلنا حتى بقى نقعد فيها

جنه بحزن… هتسيب الكل عشانا جد ولا بتضحك عليا اوعى بعد ما اولد تاخدوه منى.. والله اموت فيها

طه.. لا بالله عليكى انا استحمل اى حاجه الا انك تخافى منى ما قدرش عليها… انا امانك وسندك عمرى ما خون انا لو كنت عايز اعمل كده قولتلك ليه من الاول… ما تهونيش عليا..  انا زعلت عليكى قوى لما عرفت حكايتك وما كنتش عايزك تحملى بس حملتى وما كنتش عاوزك تقولى لامى وقولتى.. اضطريت اعمل كده.. انا مشيت وراكى ولما لقيتك جايه كده كده فى طريقى سبتك تاجى.. تعالى معايا.. وحاولى تسامحينى..

جنه.. مسمحاك.. طالما ما هتاخدش منى ولدى..

طه.. ما حدش يقدر يا خد ولدك منك..

وضمها لعندو ودخل بيها جوه وتانى يوم كانت هى بتولد هناك.. ومروه قاعده فى المستشفى مش عارفه تعمل ايه وجو معاها جوزها وسلايفها وحماتها قالت..

ها يبت انتى ميتى دورك..

مروه..  ها دلوك

مديحه بهمس لمروه.. ما فيش غير انو نقول مات وانتى بتولديه…

مروه..  كده هيقولو انو اتخنق منى وهيجوزوه

مديحه.. ما فيش حل تانى…

 بعد شويه كانت ادتلهم ولد متوفى وقالت انو اتوفى وهى بتولدو… وجنه كانت ولدت وحاضنه ولدها وحوليها طه وال٣ اولاد..

حسين..  اما عيونو حلوين تاجى نغزقهم

طه..  تغزق ايه بس يا حوس قلبك ابيض..

حسين.. هتبوسيه.

جنه.. لا اكيد لا ده وحش شوف بيعمل حمام على روحو انا هبوسكم انتو عشان انتو كبرتو وحلوين وما بتبكوش..

.. شكلنا داخلين على ايام سوده..

طه.. لا ما فيش اى ايام سوده تانى انتى حبى انا وربنا يقدرنى واعوضك عن كل الاسود اللى شوفتيه من هنه ورايح ما فيش غير كل خير ان شاء الله…

بعد شهر عدى عليهم فى مكانهم رجعو البيت وحط الولد فى ايد امو وقال… شوفى ولدى يا اما

مديحه.. بعد ما سألتيش فينا جاى ليه يا طه

طه.. جاى لامى

مديحه… امك ما سبتها عشان السنيوره..

طه… انتى ترضى تدينى لاختك يا اما

مديحه… انت كنت راضى..

طه.. مكانش دب فى بطنها كانت حاجه مجهوله دلوك ما قدرتش اسيبو حسيت انو ولدى بالله عليكى ما تخسرينى.

مديحه.. اختك جوزها هيتجوز بسبب انانيتك..

طه..  يا اما ده ولدى.. ادولها واحد من ملجأ

مديحه.. هو عاوز واحد من صلبو.. كان هيفكر ده ولدو.. ما كان هيقعد عند اختك.

طه لما يئس منها… اللى حصل دلوك ادخل ولا ارجع من مطرح ما جيت

مديحه.. ادخل بس انت وبس هى ترجع من مطرح ما جات بعيالها.. انت وولدك تعال

طه… لا يا اما يا ادخل بمرتى وولدنا واخواتو يا اطلعه معاهم

مديحه اتضايقت بس ما كنتش عاوزه تخسرو قالت.. اتنيل..

طه بفرحه..  حبيبتى يا ست الكل.. انا اصلا اشتريت بيت جمب منك لينا لو عوزتى اى حاجه رنى بس واخدهم ومشى..

جنه..  ليه بيت تانى

طه.. مش هترتاحى معاهم ما حدش بالعك هنه غيرى  مع الوقت هتتصلح كل حاجه.. سا محينى ربنا يقدرنى واعيشك اسعد واحده فى الدنيا وانسيكى كل اللى اذيتك فيه يا جنه..