رواية المشاغبة والظابط الفصل السادس والعشرون 26 – بقلم سلوى عوض

ماشاء الله عليها ده احنا حتي بكره معزومين مع اكبر استاذ دكتور ف القانون ف البلد كلها، بحب ربنا يكتب لكم الخير، المفروض البت ورده ديه تبوس يدي ورجلي

ورده: ليه إنشاءالله

ياسمين: ماهو لولا خطتي كان زمانك متجوزه عواد وشغالة خدامه عنده هو وأمه، وانتي طبعا عارفه الست كرامه صلاه النبي عليها لو جعدت علي عجل تجوم بيه كله يعني كانو هيجوعوكي، لكن انتي دلوك حرم الاستاذ ياسين المحامي علي سن ورمح

ياسين: تعرفي أن ديه احلي حاجه عملتيها ف حياتك، بس تعالي هنا صح انا جاتلي منك شكاوي كتير مش هتعقلي بجا

ياسمين: مين اللي اشتكالك، اوعا يكون سيف اخلي عيشته سوده

ياسين: هيا وصلت لسيف كمان؟ احكيلي بسرعه ايه اللي حصل

ياسمين: امال مين اللي اشتكالك مني، هيا تلاجيح جتت وخلاص

ياسين: ام فردوس

ياسمين: طاب والله لاءوريها الوليه الفتانه ديه، شايفه امك ياست فردوس متزعليش بجا من اللي هعمله معاها

ياسين: اخلصي

ياسمين: لتقص عليه كل ما حدث

ياسين: نهارك مش فايت

وهنا يتصل ياسين بي سيف

ياسين: اسمع يا صاحبي لو عاوز تطلج ياسمين وتفض الجوازه ومتعرفنيش تاني يحجلك

ياسمين: هو مين اللي يطلج مين؟ طاب والله ميلاجي ضوفري

ياسين: اخرسي بجا

سيف: ليه بتقول كده، انا عمري مهسيب ياسمين ده انا ما صدقت لقيتها، ديه حلم عمري

ياسين: بعصبيه والله انته مجنون زيها، خلاص يبجا مترجعش تشتكي

سيف: بقولك ديه حلم عمري

ياسمين: سمعت جالك اني حلم عمره، مالك مولع مني ليه

ياسين: ورده انا داخل ارتاح شويه، اقفل يا سيف، انا اللي غلطان اني بتصل بيك

سيف: مجنونتي الجميله عامله ايه

ياسمين: بخير الحمدلله، بس مافيش ف#سلوي_عوض

بارت 26

وفي الصعيد كانت عزيزه تجلس مع اختها سنيه

عزيزه: مش عارفه ليه جلبي واكلني وخايفه من عمايل ياسمين

سنيه: له يا اختي اكيد عجلت احمدي ربنا أنها وافجت أن كتابها ينكتب علي سيف الله اكبر ظابط جد الدنيا ربنا يهدي سرهم

شحته: وهنا يدخل عليهم شحته ومعه اسماعيل

شحته: ايه جهزتو الغدا

عزيزه: اه يا اخوي هجومي احضر عشان نتغدو

شحته: ليسمعو صوت طرق علي الباب

شحته: يا تري مين اللي حماته بتحبه

عزيزه: افتح وشوف مين

شحته: الله ده مرسي

شحته: تعالي يا ابوشوجي خش يا راجل هو انته غريب

مرسي: اخواتي انا جاي اعتذرلكم عن أي حاجه حصلت

مرسي: وبترجاكم تحضرو جوازه نجلاء بتي علي عواد

مرسي: عشان زي ما انتو عارفين من وجت اللي حصل محدش من أهل البلد بيعبرنا ولا بيبص ف خلجتنت

عزيزه: المسامح كريم

عزيزه: والضوفر ميطلعش من اللحم

عزيزه: ميته كتب الكتاب

مرسي: كتب الكتاب والدخله بكره انشاء الله

سنيه: الف مبروك يا اخوي ربنا يتم لها بخير

شحته: احنا هناجو نوجفو معاك ونكبرو ببعض

مرسي: كمان شوجي ولدي شاف بت محروس الطيب وعاوز يخطبها

اسماعيل: خلاص بكره جبل جواز أخته نروحو معاك نخطبوهاله

مرسي: الله يباركلي فيكم

عزيزه: واحنا كمان بتنا ياسمين اتكتب كتابها علي ظابط كبير صاحب ولدي ياسين

مرسي: الف بركه ربنا يستر عرض الولايا كلهم

مرسي: طاب اروح انا عاوزين مني حاجه

عزيزه: عيب عليك لما تكون ف بيت اختك

عزيزه: واحنا هنحطو الغدا ومتاكلش لجمه معانا

مرسي: كتر خيرك يا اختي

شحته: اجعد بس يا راجل

مرسي: حاضر

عزيزه: تعالي معايا يا سنيه

سنيه: جايه يا اختي

عزيزه: تعالي نطلعو فوج

سنيه: مش هنحطو الوكل

عزيزه: تعالي بس الاول

عزيزه: لتدخل غرفتها وتفتح دولارها

عزيزه: وتخرج منه صندوق

عزيزه: وتفتحه وتطلع قطع ذهبيه

سنيه: مش دهب المرحومه امي ده

عزيزه: اه

عزيزه: هنشيلو نصيب ورده وياسمين

عزيزه: وندو الباجي لنجلاء بت اخوكي زي ما المرحومه امي وصت بالظبط

سنيه: الله يرحمك يا اما

عزيزه: تعيشي يا اختي

عزيزه: اهو كده كل بت خمس غوايش وحلج وسلسله وخاتمين

سنيه: بجولك ايه

سنيه: متاجي نلمو النجوط من بعضينا وندوه لمرسي بالمره

عزيزه: له

عزيزه: خليه يبجا جدام الناس عشان يعرفوا أننا حلوين مع بعض

سنيه: الله يجبر بخاطرك يا ام ياسين

عزيزه: ربنا بجبرنا كلنا يا اختي

عزيزه: خد يا مرسي

عزيزه: ده جزء من الدهب بتاع المرحومه امنا

عزيزه: كانت موصياني اني اجمع علي البنات

عزيزه: وانا جدام اختك جسمت بالعدل

مرسي: بكسوف

مرسي: الله يستركم يا اخواتي

مرسي: ويفرحكم بعوض عيالكم

سنيه: وإنشاء الله من الفجر هتلجانا عنديكم عشان نطبخو طبيخ الفرح

مرسي: والله معارف اودي وشي منكم فين

عزيزه: لتقرب منه

سنيه: وتقرب تحضنه

عزيزه: احنا ولاد حلال يا اخوي

عزيزه: ومصارين البطن بتتعارك

شحته: وه جلبتوها دراما

شحته: خلصو عاوزين ناكلو لجمه

عزيزه: حاضر من عيوني

ياسمين: اما ياسمين فكانت قد وصلت الي منزل أخيها

ياسمين: بت يا فردوس انا جسمي واجعني جوي

فردوس: من الفرهده اللي فرهدتيها لنفسك طول اليوم

ياسمين: يعني يجلو ادبهم علي واسيبهم

فردوس: معلش ابقي اتعاملي بالعقل

ياسمين: عجل مين

ياسمين: دول ناس مبياجوش غير بالدج علي نافوخهم

ياسمين: المهم بكره هنعملو ايه

فردوس: هنعمل ايه ف ايه

ياسمين: ف عمت زوجي العزيز وبنتها

فردوس: انتي ناويه علي ايه

ياسمين: كل خير

فردوس: اه طيب

ياسمين: ايه ده ده صوت ورده

تعالي نشوفوها اهلا بحضره المحاميه يا تري رفعتي راسنا

ياسين: ديه عبقريه

ماشاء الله عليها ده انا حتي بكره معزومين مع اكبر استاذ دكتور ف القانون ف البلد كلها، بحب ربنا يكتب لكم الخير، المفروض البت ورده ديه تبوس يدي ورجلي

ورده: ليه إنشاءالله

ياسمين: ماهو لولا خطتي كان زمانك متجوزه عواد وشغالة خدامه عنده هو وأمه، وانتي طبعا عارفه الست كرامه صلاه النبي عليها لو جعدت علي عجل تجوم بيه كله يعني كانو هيجوعوكي، لكن انتي دلوك حرم الاستاذ ياسين المحامي علي سن ورمح

ياسين: تعرفي أن ديه احلي حاجه عملتيها ف حياتك، بس تعالي هنا صح انا جاتلي منك شكاوي كتير مش هتعقلي بجا

ياسمين: مين اللي اشتكالك، اوعا يكون سيف اخلي عيشته سوده

ياسين: هيا وصلت لسيف كمان؟ احكيلي بسرعه ايه اللي حصل

ياسمين: امال مين اللي اشتكالك مني، هيا تلاجيح جتت وخلاص

ياسين: ام فردوس

ياسمين: طاب والله لاءوريها الوليه الفتانه ديه، شايفه امك ياست فردوس متزعليش بجا من اللي هعمله معاها

ياسين: اخلصي

ياسمين: لتقص عليه كل ما حدث

ياسين: نهارك مش فايت

ياسين: اسمع يا صاحبي لو عاوز تطلج ياسمين وتفض الجوازه ومتعرفنيش تاني يحجلك

سيف: هو مين اللي يطلج مين؟ طاب والله ميلاجي ضوفري

ياسين: اخرسي بجا

سيف: ليه بتقول كده، انا عمري مهسيب ياسمين ده انا ما صدقت لقيتها، ديه حلم عمري

ياسين: بعصبيه والله انته مجنون زيها، خلاص يبجا منرجعش تشتكي

سيف: بقولك ديه حلم عمري

ياسمين: سمعت جالك اني حلم عمره، مالك مولع مني ليه

ياسين: ورده انا داخل ارتاح شويه، اقفل يا سيف، انا اللي غلطان اني بتصل بيك

ويتصل سيف علي ياسمين

سيف: مجنونتي الجميله عامله ايه

ياسمين: بخير الحمدلله، بس مافيش ف حياتي حاجه اكشن كده ومغامرات

سيف: اه طبعا مافيش، المهم عملتي ايه ف السنتر

ياسمين: اسكت، واحنا جاعدين مع الوليه الخرفانه صاحبه الكوافير، ابوك اتصل علي امك وجالها تعالي فيه ضيوف جايين، وهيا ما صدجت وطارت وسابتني انا وفردوس جاعدين لحالنا، الصراحه الحكايه مكشوفه جوي، ابوك وامك دول مراهقين جوي مفكرين نفسهم لسه صغيرين

سيف: الله يخربيتك ايه اللي بتقوليه ده، فعلا عندنا ضيوف جم فجاءه، ناس قرابينا

ياسمين: وجرايبكم دول عنديهم بنات

سيف: اه عندهم بنت من سنك وشاب من سني

ياسمين: يا حلاوه، والبت ديه مخطوبه

سيف: لاء مش مخطوبه

ياسمين: وانته فين

سيف: انا ف اوضتي لسه كنت هنام

ياسمين: تاخد بعضك وتنزل حالا، ومترجعش البيت الا لما البت ديه تمشي، فهمت

سيف: لاء طبعا مش خارج، انا مصدقت وصلت البيت

ياسمين: طاب يمين كبير يا سيف، لو معملت اللي جولتلك عليه هيكون ده اخر ما بيني وبينك

سيف: انتي بتحلفي عليّا؟ لا يا حبيبتي، أنا راجل أوي.

ياسمين: طاب يا راجل، شوف مين هيعبرك بعد كده.

وتغلق ياسمين الهاتف في وجهه، ثم تغلق تليفونها بعصبية.

ياسمين: طيب يا واد ابتسام، إن ما ورّيتك مبقاش أنا ياسمين، أنا هخلّيك تعرف شغلك.

فردوس: انتي بتكلمي نفسك؟

ياسمين: بقولك إيه، انتي كمان مش ناقصاكي.

فردوس: مالك بس؟ في إيه؟

وتقص ياسمين عليها ما حدث بينها وبين سيف.

فردوس: طيب وليه الغيرة دي كلها وتنكدي على نفسك ليه؟

ياسمين: خلاص، أنا هنام، وانتي روحي نامي، عندنا شغل، بلا سيف بلا خنجر.

تضحك فردوس.

فردوس: حلوة دي.

يمرّ الليل على الجميع، ويأتي الصباح.

في الصعيد نجد عزيزة وسنية وقد ذهبوا إلى منزل أخيهم رجاء.

رجاء: يا مرحب بيكم يا غاليين، وإيه الحاجات دي كلها؟ تعبتوا نفسكم ليه؟

سنية: مفيش تعب ولا حاجة، نجلاء بتنا زي ما هي بتك.

رجاء: أنا آسفة على اللي حصل مني ومن بتي.

عزيزة: خلاص بجى، المسامح كريم.

تخرج عليهم نجلاء.

نجلاء: عماتي حبايبي، ربنا يخليكم لي.

عزيزة: مبروك يا بتي.

سنية: مبروك مرتين.

رجاء: طيب مبروك على الجواز، عرفناها التانية ليه؟

سنية: بعد خمس دقايق بالظبط هتعرفوا.

يخرج عليهم شوقي.

شوقي: الله يرضيكم يا عماتي زي ما رضّيتونا.

سنية: غمّضي عيونك يا نجلاء.

نجلاء: ليه؟ خير؟

سنية: غمّضي بس.

نجلاء: حاضر.

يدخل إسماعيل ومعه أبناء نجلاء.

رجاء: أحفادي حبايبي.

تفتح نجلاء عينيها.

نجلاء: ولادي حبايبي، وحشتوني جوي جوي، بس جبتهم إزاي يا جوز عمتي؟

إسماعيل: البركة في ربنا، ثم ياسين واد عمتك، خلّيناه يكلم طليقك ويقوله: انت اتجوزت وأمك ميتة، ونجلاء هتتجوز وأمها عايشة، يعني أقدر أرفع عليك قضية وأطالب بحضانة الأطفال لجدتهم أم أمهم، وهكسبها من أول جلسة. جام خاف وجال: وعلى إيه المحاكم؟ خدوا العيال من غير وجع قلب، بس كل أسبوع أشوفهم.

ياسين: قاله تمام.

نجلاء: ربنا يخليكم لينا ويسترها معاكم ويفرحكم.

رجاء: الحمد لله يا بتي، عيالك رجعوا لنا تاني، وأنا هخدمهم برموش عيني، وربنا يخلينا عماتك وعيالهم طول عمرهم مشرفينا جدّام الدنيا كلها ورافعين راسنا.

أما ياسمين فكانت قد ذهبت إلى السنتر ومعها فردوس، لتجد البنات واقفين في انتظارهم.

ياسمين: شكلهم هيكمّلوا معانا، جيبتي الصبغة بتاعة الغندورة وبنتها؟

فردوس: آه.

ياسمين: طيب خدي افتحي إنتي.

فردوس: حاضر، ولو إن شكلك مش مريحني ومش عارفة إنتي عاملة في نفسك كده ليه، ده حتى وإحنا خارجين من العمارة محدش عرفك.

ياسمين: بطّلي رغي.

وبعد ما فتحوا السنتر، اقتربت وفاء العاملة.

وفاء: أمال فين الدكتورة؟

ياسمين: عندها برد، وأنا هشتغل معاكم لحد ما تخف. الصراحة أحسن إنها تقعد في البيت، مش عارفة كده هتستحملوها إزاي.

وفاء: لو سمحتي متتكلميش عليها كده، دي طيبة جدًا ومتواضعة ودمها خفيف.

ولاء: من فضلك يا تقولّي كلمة كويسة يا إما تسكتي يا آنسة فردوس، إحنا هنمشي لحد ما الدكتورة ياسمين تخف وترجع، ابقي اتصلي بينا.

تضحك ياسمين.

ياسمين: أنا هي ياسمين، بس كنت عاملة فيكم مجلب، طلعتوا جدعان وولاد ناس.

وفاء: حضرتك اللي سبقتي بالخير.

ياسمين: طيب اسمعوا، عمة سيف جوزي… هو لسه مش جوزي، إحنا كاتبين الكتاب… هتيجي هي وبنتها، وأنا عاوزة أطلعهم من هنا شبه العفاريت.

وفاء: هما زباين المكان هنا.

ياسمين: آه، باكينام الدمنهوري وبنتها سوزي شريف.

وفاء: بالظبط.

ولاء: بصراحة ومن غير زعل، دول ناس أعوذ بالله متكبرين، ومعاملتهم وحشة، وبيعاملونا كأننا عبيد. الست صاحبة السنتر كانت بتقولنا نستحمل عشان بيدفعوا كويس.

ياسمين: عملوا فيكِ إيه؟

ولاء: الست باكينام كنت بكوي لها شعرها، وهي بتتكلم في التليفون، فحرّكت دماغها، فغصب عني المكواة لسعتها. قعدت تزعق وتشتم، وخلّت صاحبة السنتر تخصملي عشر أيام. وأنا ابني كان تعبان وكنا محتاجين الفلوس أوي، أصل جوزي متوفي وأنا اللي بصرف على عيالي.

وفاء: ولا سوزي بنتها، لما كنت بغسل لها شعرها الشامبو جه في عينيها بعد ما غسلت وشها، ضربتني بالقلم على وشي وكسرت نفسي.

ياسمين: وأنا هخليكم تاخدوا حقكم منهم وتعلّموا عليهم كمان.

وفاء: بس إحنا نخاف يأذونا.

ياسمين: ولا يقدروا يعملوا حاجة.

وفاء: ربنا يخليكي لينا.

ياسمين: ويخليكم، تعالوا بقى عشان نعجن الصبغة، قال لون أحمر ناري، قال… صبركم عليّا.

هما جايين إمتى؟

تنظر فردوس في ساعتها: فاضل ساعة ويوصلوا.

ياسمين: طيب تمام.

وفاء: بس دول ممكن يعملوا فضيحة للمكان هنا.

ياسمين: لا متخافيش، إحنا هنصبغلهم ونسشوار ونكوي كمان، وشعرهم هيفضل تمام، وإحنا هنصورهم وننزلهم على صفحة السنتر، ولما يغسلوا شعرهم هتحصل الكارثة، بس إحنا هنكون مأمنين نفسنا، ده غير اللي هيحصل في وشوشهم.

فردوس: بلاش، مش عاوزين مشاكل، إحنا لسه بنقول يا هادي.

ياسمين: قولي يارب.

فردوس: استرها علينا يا رب.

لتمر الساعة، وها هي باكينام قد حضرت إلى السنتر، لتدخل بكل غرور.

وفاء: أهلا بحضرتك، نورتينا.

باكينام بغرور: طيب طيب، مين اللي هيصبغلي شعري والماسك لوشي؟

ياسمين: أنا تحت أمر حضرتك.

وفاء: ديه خبيرة التجميل اللي كانت مسافرة باريس ولسه راجعة، الأستاذة نانو.

باكينام: طيب تمام، يبقى انتي هتشتغلي معايا، وبنتي بره بتركّن العربية، يعني تخلصي معايا وتبدئي معاها.

ياسمين: تحت أمر حضرتك.

لتبدأ ياسمين في وضع الصبغة على شعر باكينام.

باكينام: باين عليكي متمرسة أوي في شغلك.

ياسمين: ميرسي لحضرتك.

وهنا تدخل سوزي.

وفاء: تحبي حضرتك أبدأ معاكي؟

باكينام بغرور: انتي كبيرك تعمليلنا باديكير ومانيكير، تعالي يا سوزي، الأستاذة نانو هتخلص معايا وتبدأ معاكي.

سوزي: أوك.

أما في الصعيد، فكان كتب الكتاب قد تم.

عواد: أنا هاخد مراتي واروح.

شحته: خلي بالك منها.

إسماعيل: عارف، لو زعلتها أنا اللي هوجفلك.

رجاء: أنا شيعت العشا بتاعكم على بيتكم يا عواد، وشيعت كمان صينية لأمك.

عواد: تعيشي يا حماتي.

نجلاء: خلي بالك على العيال يا أمي.

رجاء: في عيوني يا بتي، متخافيش.

عواد: ياله بقى أنا جعان.

نجلاء: ياله.

ليذهب العروسان إلى منزل عواد.

الحجة كرامة أم عواد: يا مرحب يا عروسة.

نجلاء: مرحبا بيكي يا خالة.

عواد: اطلعي على الشقة وأنا هقعد مع أمي شوية.

نجلاء: حاضر.

لتصعد نجلاء إلى شقتها، وهي تتضور جوعًا.

أما عواد فكان جالسًا مع والدته كرامة.

كرامة: بقولك إيه، نسايبك جابوا صنيتين أكل وأنا خليتهم عندي.

عواد: جدعة يا أمه، أحسن أنا جعان جوي.

كرامة: أخس عليهم، هما موكلوكش في كتب الكتاب؟

عواد: لا، كلت بعد ما انتي مشيتي، يادوبك دكرين بط على فروجتين.

كرامة: ليه؟ هما المضاريب مكانوش عاملين لحم ولا إيه؟

عواد: مش عارف، ما سألتش.

كرامة: هات محمولك.

عواد: ليه؟

كرامة: عشان أهزّج اللي اسمها رجاء ديه، مش كفاية واخدين بتها عذبة؟

كرامة: اقعد يا واد، إنت هتاكل هنا معايا وتنام هنا كمان، وخليها فوق.

عواد: أيوه، عندِك حق، كلميها.

كرامة: ما أنا هكلمها، هو حد قالك إني خايفة؟

لتتصل كرامة على رجاء.

رجاء: أزيك يا أم العريس؟

كرامة: بخير يا أختي.

رجاء: خير، في حاجة ولا إيه؟ بتي كويسة؟

كرامة: آه كويسة، بس أنا اللي مش كويسة.

رجاء: خير، اسم الله عليكي.

كرامة: بجا يا ناس يا عايبين، يا اللي متعرفوش الأصول! مش كفاية ولدي لسه واد فِتّي وخد بتكم العذبة وهي أول بخته؟ أسأله أكلوكوا إيه، يجولي بط وفروج! ده عريس ولازم يتجوت، أقل حاجة خمسة كيلو لحم في عين العدو تتحط جدامه.

رجاء: معلش يا أم عواد، ما خدناش بالنا. على العموم أنا شيّعت عشا العرسان، وعملت حسابك إنتِ كمان. أمانة عليكي خلي نجلاء تاكل، دي ما كلتش طول النهار.

كرامة: عشا إيه اللي بتتكلمي عليه؟ ياك إنتِ أول مرة تجوزي حد من عيالك؟ اسمعي، بجولك إيه: يصبح الصبح تيجي وتجيبي معاكي شوالين دقيق، وخروف مدبوح ومتربع، وكام جفص فاكهة، والخضار كمان. ويكون في علمك، بتك وجوزها وأنا جبل منهم، هيجي الأكل من عندكم لمدة شهر.

رجاء: حاضر، اللي تؤمري بيه.

كرامة: ومتنسوش الطير، هاتي جفصين تلاتة، جبر يلم العفش.