رواية المشاغبة والظابط الفصل الخامس والعشرون – بقلم سلوى عوض
بارت 25
ياسمين: نعم؟ تعرف مين مجامة يا مخلع؟ انته عجايب يا أولاد، أول مرة أشوف راجل بلبانة وجِصّة. طاب ده اللي زيك يداري عاره عن الناس.
نادر: وانتي إيه فهمك يا متخلفة؟
ياسمين: أنا متخلفة؟ طلبتها ونولتها.
فردوس: كفاية بقى يا ياسمين.
(نادر يضحك بسخرية)
نادر: ديه اسمها ياسمين؟ ديه حتى محصلتش عود جرجير.
فردوس: يعني أنا بهديها وانته بتولعها؟ انته حر.
ياسمين: أنا عود جرجير يا فار الغيطان؟ يا برص الحيطان؟
أما أم فردوس فكانت تجلس مع ابنها حامد داخل غرفتهم.
أم فردوس: إيه الصوت ده؟ صوت حد بيخبط في الأسانسير؟
حامد: آه والله يا أما.
أم فردوس: طيب روح شوف في إيه.
يخرج حامد وينظر إلى الأسانسير.
حامد: يا أما، حد فصل الكهربا عن الأسانسير وفي حد محبوس جوه.
أم فردوس: طيب شغل الكهربا كده يا ابني، مين بس اللي عمل كده؟
حامد: وأنا أعرف منين؟
يشغل حامد الأسانسير، لتخرج أم سيد ومعها ولدها سيد.
أم سيد: هي فين؟
حامد: هي مين؟
سيد: البت الصعيدية أخت المحامي. قسماً بربي لأربيها.
أم سيد: والله لأرنها علقة تحلف بيها طول عمرها.
تصل شيرين زوجة نادر.
شيرين: في إيه يا نادر؟ بتتخانق مع البت ديه ليه؟
ياسمين: بته تبت مصارينك، مش ناقص كمان غير العرسة ديه!
فردوس: خلاص يا مدام شيرين، إحنا آسفين.
شيرين: إيه البت ديه؟
نادر: ديه بت محدش رباها، وأنا هربيها.
ياسمين: تربي مين انته يا برص؟
تقترب منه وتضربه روصية.
نادر: آه آه، دماغي! دماغي بتجيب دم!
شيرين: أنا هتصل بالقسم فورًا.
تقترب أم سيد مع ابنها.
أم سيد: أهيه البت يا أما.
أم سيد: والله لأقطعلك إيدك ديه.
ياسمين: تجطعي إيد مين انتي يا وليه يا خرفانة؟
فردوس: خلاص بقى يا جماعة، حقكم عليا.
ياسمين: حق مين؟ كسر حجوجهم!
شيرين: سيبها يا طنط، أنا اتصلت بالقسم.
ياسمين: قسم؟ خوفتيني الحجّي!
ركبي بتخبط على الجيران في أول الشارع.
وهنا تصل عربية البوكس.
الظابط: في إيه؟ وإيه اللمة ديه؟
نادر: البت ديه ضربتني يا باشا.
أم سيد: وحبستني أنا وابني في الأسانسير وقفلت علينا الكهربا وكنا هنموت.
الظابط: اركبوا البوكس كلكم، هنروح على القسم ونفتح محضر.
ياسمين: بجولك إيه، خدهم هما، أنا مش فاضية.
الظابط: نعم؟ يا روح أمك؟
ياسمين: انته بتجوللي أنا كده؟
الظابط: اتكلمي كويس أحسنلك.
ياسمين: وحياة أمك انته متجدر.
الظابط: أنا هوريكي هقدر ولا لأ.
تفك ياسمين دبابيس طرحتها، تشعث شعرها، تضرب نفسها أقلام، تضع لون طعام على شعرها، تدعك عيونها حتى تحمر، تضع مياه تحت عيونها وتمثل البكاء.
يقتربون من القسم.
شيرين: كل اللي عملتيه في نفسك ولا هينفعك.
نادر: شتمت الظابط كمان؟ يعني هيروقوها جوه.
أم سيد: دول هيخلوها زي الفار المبلول.
سيد: والله لأشهد مع الظابط وأحبسها.
فردوس: خلاص يا جماعة، المسامح كريم.
ياسمين: خلصتوا كلامكم؟ أنا بقى مش هتنازل عن حقي.
العسكري: انزلوا يلا.
الظابط: هاتهم على المكتب، حضرت الرائد يعملنا المحضر، أنا خصم.
العسكري: أوامرك يا باشا.
الظابط (للرائد): في بت برا خاربة الدنيا، شتمتني أنا شخصيًا، وناس عايزة تعمل فيها محضر.
الرائد: خليهم يدخلوا.
يدخل العسكري ممسكًا ياسمين من كتفها.
ياسمين: وسع كده، أوعى إيدك بدل ما أقطعها.
يرفع الرائد رأسه.
سيف: ياسمين؟ إيه اللي جابك هنا؟ ومين اللي عمل فيكي كده؟
سيد: ديه بت حرام يا باشا.
الظابط: لازم تتحبس وتتربى.
سيف: بس اخرسوا. اقعدي يا ياسمين.
أم سيد: تقعد فين؟
تدفعها لتقع على الأرض (تمثيل).
ياسمين: آه! حرام عليكي، أنا مش جدك!
سيف: انتي يا وليه، انتي مش عارفة ديه مين.
نادر: حتة بت ناقصة تربية.
سيف: اخرس، ديه مراتي.
الجميع في صدمة.
الظابط: مراتك؟ انته متجوز المتشردة ديه؟
ياسمين: أنا عاوزة أعملهم محضر، نادر وسيد اتحرشوا بيا، والظابط ده قاللي كلام عيب قوي، والستات ضربوني وقطعولي شعري وقلعولي طرحتي.
سيف: فين طرحتك؟
ياسمين (ببكاء): في الشنطة.
سيف: طلعيها والبسيها. مين ضايقك؟
ياسمين: الاتنين الرجالة اتحرشوا بيا، والستات ضربوني.
سيف: تمام.
يصفع سيد ثم نادر.
سيف: خدي حقك من الستات دول.
ياسمين: المسامح كريم.
سيف: قولت خدي حقك.
تصفعهم واحدة واحدة.
سيف: وانت يا حضرة الظابط، تحب نفتح محضر؟ وسوابقك في معاكسات البنات معروفة.
الظابط: خلاص، أنا متنازل.
سيف: اعتذرلها.
الظابط: أنا آسف.
سيف: تقول أنا آسف يا دكتورة ياسمين.
يعتذر.
فردوس: يلا بقى، أديكي خدتي حقك تالت ومتلت.
سيف: قبل ما تخرجوا، اعتذرولها، واللي يقرب منها تاني نعمله محضر.
الجميع: لا يا باشا، إحنا آسفين يا دكتورة ياسمين.
سيف: يلا كلكم مع السلامة، وانتي يا ياسمين اقعدي هنا، خليكي معاها يا فردوس.
ليخرجوا من مكتب سيف.
سيف: تشربوا إيه؟
ياسمين: ولا حاجة، عشان اتأخرنا على صاحبة السنتر.
سيف: ياسمين، أرجوكي بلاش تعملي أي مشاكل تاني، المرة دي أنا موجود، مين عارف المرة الجاية ممكن ما أبقاش موجود.
ياسمين: هو أنا عملت حاجة؟
سيف: عليّا أنا يا ست الحجة.
ياسمين (بسخرية): آه يا مظلومة، يا غلبانة، يا اللي الكل جاي عليكي يا ياسمين، عشان انتي طيبة بيعملوا فيكي كده.
سيف: خلاص، اقفلي حلقة الشحاتة دي.
ياسمين: طيب عن إذنك، إحنا يلا يا دوسة.
سيف: اصبري، أوصلكم.
ياسمين: لا، إحنا هناخد تاكسي.
سيف: وأنا قلت هوصلكم.
فردوس: خلاص خليه يوصلنا.
ليخرجوا الثلاثة من القسم.
سيف: اركبي جنبي يا ياسمين.
ياسمين: طيب، اركبي يا فردوس.
سيف: انتي إيه يا بنتي؟ صغيرة على العمايل دي. طيب على الأقل خافي على مركزي.
ياسمين: يا سلام! أسيبهم يضربوني ويتحرشوا بيا وأقف ساكتة عشان خاطر حضرتك؟
ينتبه لهاتفها.
ياسمين: استني، موبايلي بيرن… إيه ده؟ ديه أمك.
ياسمين: أيوه يا بوسي.
ابتسام (في الهاتف): أنا وصلت عند السنتر، انتي فين؟
ياسمين: جاية اهو، ابنك جاي معانا.
ابتسام: إيه اللي لم الشامي على المغربي؟
ياسمين: لما أجي هحكيلك، اقفلي بقى كفاية عليا ابنك.
سيف: صبرني يا رب على اللي أنا فيه.
ياسمين: ليه يا أخويا؟ انت كنت تحلم بيا، ده أنا دكتورة جد الدنيا.
سيف: فعلاً دكتورة بهايم، وبتتصرفي زيهم من غير عقل.
ياسمين: وقف العربية… وقف!
سيف: استهدي بالله.
ياسمين: هتوقف ولا أصرخ وأقول إنك خاطفني؟
سيف: يا بنت المجانين.
ياسمين: اخلص وقف.
وبالفعل يقف سيف بالسيارة.
ياسمين: انزلي يا فردوس.
فردوس: حاضر.
بعد ما ينزلوا من العربية.
فردوس: إيه بس اللي عملتيه ده؟
ياسمين: سيبك منه.
ياسمين: باجي كتير على السنتر ده.
فردوس: الشارع اللي جاي؟
ياسمين: ماشي.
بعد عشر دقائق يصلوا إلى السنتر.
فردوس: هو ده، ادخلي.
تدخل ياسمين لتجد ابتسام جالسة بجوار صاحبة السنتر.
ياسمين: السلام عليكم.
ابتسام: ياسو حبيبتي، أمال فين سيف؟
ياسمين: بعدين.
ابتسام: إزيك يا فردوس، معلش مخدتش بالي.
فردوس: الحمد لله.
ابتسام: أنا خلصت كل حاجة ودفعت الفلوس، يعني نقدر نشتغل من بكرة.
صاحبة الكوافير: مبروك عليكم يا جماعة، بس أرجوكم حافظوا على كل حاجة هنا.
ياسمين: متخافيش.
صاحبة الكوافير: الزباين هنا كلهم ناس واصلة قوي، وياريت المعاملة كمان تكون لطيفة.
فردوس: من عنينا، حاضر.
صاحبة الكوافير: ربنا يجعله فاتحة خير عليكم، خلو بالكم كل حاجة هنا أورجينال وغالية جداً عشان سمعة المكان، وياريت تستخدموا نفس الخامات.
ياسمين: خلاص يا ست الحجة عرفنا، هو احنا مأجرين قصر البارون؟
تضحك ابتسام.
ابتسام: متاخديش عليها. ياسمين مرات ابني.
صاحبة الكوافير: ابنك الظابط؟ إزاي؟ دي لسانها طويل قوي.
ياسمين: مين دي اللي لسانها طويل يا ولية يا خرفانة؟ احترمي نفسك بدل ما أعملها معاكي.
فردوس: بس بقى، احنا لسه خارجين من القسم.
ياسمين: آه صح، نسيت.
صاحبة الكوافيري: مدام ابتسام، أنا معرفش حد غيرك، يعني التعامل هيكون مع حضرتك.
ياسمين: أحسن برضه، مش أجرتيلنا المكان ورينا عرض كتافك واتمشي أفرنجي.
ابتسام: وبعدين معاكي يا ياسمين
صاحبه الكوافير: ربنا يعينك عليها يا مدام ابتسام، عن إذنك
الراوي: لتنصرف صاحبه الكوافير
ابتسام: يا بنتي انتي مبتعمريش ف مكان
ياسمين: اسكتي بجا، ابنك زعلني
ابتسام: زعلك ازاي
الراوي: لتقص عليها ياسمين كل ما حدث
ابتسام: 
سبحان الله، احمدي ربنا إنه محبسكيش
سبحان الله، احمدي ربنا إنه محبسكيشالراوي: لتضع ياسمين يدها في وسطها
ياسمين: نعم يا اختي، يحبس مين ده؟ ده انا كنت عضيته عضه تطلع باللحم
فردوس: خلاص بقا، خلينا نشوف شغلنا
ابتسام: بس السنتر فاضي
ياسمين: كلمي الوليه اللي لسه ماشيه ديه، خليها تبعت بنتين من اللي كانو شغالين هنا، عشان الزبائن لما ياجو مياخدوش بالهم إن الطقم اتغير، كأن الكوافير زي ماهو لسه بتاعها
ابتسام: برافو عليكي، شطوره يا ياسو
الراوي: وبالفعل تتصل ابتسام علي صاحبه السنتر
صاحبه السنتر (في الهاتف): حاضر من عيوني، هكلمهم واخليهم يبدؤ معاكي من بكره
ابتسام: شكرا ليكي يا حبيبتي
الراوي: اما ياسين وورده فكانت ورده جالسه علي مكتبها تذاكر قضيه صعبه
ياسين: ايه يا وردتي، بتعملي ايه
ورده: براجع القضيه ديه، وطلعت منها ثغرات كتيره
الراوي: وهنا يدخل عليهم المحامي الكبير نعمان
ياسين: نعمان بيه بنفسه، منورنا، اهلا بحضرتك
نعمان: اهلا بيك، هاه ايه الاخبار
ياسين: الاول اعرف حضرتك علي زوجتي، الاستاذه ورده
نعمان: اهلا بيكي يا بنتي
ورده: اهلا بحضرتك
نعمان: وياتري شاطره كده زي ياسين
ياسين: لا، اشطر بكتير
نعمان: اشوف بعيني
ورده: اتفضل حضرتك، القضيه ديه كانت متلعبكه جوي بس الحمدلله حليتها كلها
نعمان: طاب ممكن اشوف ورق القضيه
ورده: اتفضل حضرتك
نعمان: وبعد أن قرء نعمان الاوراق ليصفق نعمان بيديه برافو عليكي يا استاذه فعلا ثغرات لو اي محامي مخضرم مكانش هيعرف يطلعهم
ورده: شكرا لحضرتك
نعمان: طيب انا هعرض عليكم عرض
ياسين: عرض ايه
نعمان: ايه رءيكم لو نضم مكاتبنا علي بعض
ياسين: معجوله ده عرض مغري جدا جدا
نعمان: طاب وأمته نرد عليا فكر براحتك
ياسين: هو انا مجنون عشان ارفض عرض زي ده موافج طبعا
نعمان: خلاص هبعتلك كام قضيه من عندي بس اهم قضيه فيهم قضيه الراجل اللي اتقتل والمباحث ملاقوش اي دليل علي كل الناس المحيطين بيه
ورده: طاب حضرتك مين اللي انتدب حضرتك كمحامي للجضيه
نعمان: اخت المتوفي وقالت ف أقوالها أنه كان في بينه وبين طليقته مشاكل علي الاولاد والنفقه وبما أنه مليادير بس كان بخيل جدا وللاءسف طليقته كانت ف الوقت ده بره البلد ولما النيابه استدعتها أثبتت أنها كانت برا البلد وان بقالها شهرين مسافره
ورده: طاب حضرتك هو عنده ولاد جد ايه
نعمان: عنده بنتين
ورده: وعايشين مع مين
نعمان: عايشين مع عمتهم
ورده: تمام هو امته النظر ف الجضيه
نعمان: بعد تلت ايام
ورده: تمام
نعمان: لو اجتهدتي ف القضيه انا مستعد اخليكي انتي اللي تترافعي
ياسين: بفرحه بجد
نعمان: وهو الكلام ده فيه هزار
نعمان: ياله شدو حيلكم وبالنسبه للاءتعاب
ياسين: أتعاب ايه بس يا استاذ ده كفايه بس أن حضرتك شاركتنا
نعمان: لاء الحق حق الأتعاب هتبقا بالنص مابينا
ياسين: بفرحه ربنا يبارك ف حضرتك
نعمان: ده حقكم قصاد مجهودكم
ورده: طاب ايه رءي حضرتك نكتب اسم حضرتك جنب اسم ياسين علي اليافطه
نعمان: بكل سرور
ورده: وبعد اذن ياسين القضايا اللي هتيجلنا هتبقا مناصفه بينا وبين حضرتك
نعمان: تمام انا موافق
يبقا بالمناسبه ديه انا عازمكم علي الغدا بكره في أي مكان تختاروه
ياسين: متشكرين لحضرتك
نعمان: انا مش بعزمك عشان تقوللي متشكرين بكره بعد العصر نتقابل في فندق اكوا بلازا علي كورنيش المعادي
ياسين: إنشاءالله هنكون موجودين ف الميعاد
اما ياسمين فكانت تجلس مع ابتسام وفردوس ليسمعو رنين تليفون السنتر
ياسمين: ردي كده يا فردوس شوفي مين
فردوس: الو
باكينام: هاي بقولك ايه انا جايه بكره انا وبنتي عاوزاكي تجهزي صبغه لونها احمر ناري واعملي حسابك اننا هنعمل كل حاجه
فردوس: تنورو الدنيا كلها بس اتشرف باءسم حضرتك
باكينام: ايه ده انتي جديده ولا ايه
فردوس: اه يا افندم
باكينام: احجزي باءسم باكينام الدمنهوري وسوزي شريف
فردوس: حاضر يا افندم اتشرفت بحضرتك
لتغلق فردوس الهاتف مع باكينام وتبلغ ابتسام وياسمين
ابتسام: ديه تبقا عمت سيف وبنتها
ياسمين: بجد طيب تمام
لتجد ابتسام فتاتان تدخلان المكان
علياء: السلام عليكم حضراتكم احنا اللي كنا شغالين مع المدام حضرتها كلمتنا وقالت إن حضراتكم عاوزينا نشتغل معاكم هنا
ابتسام: تمام انا ابتسام وديه ياسمين شريكتي وديه فردوس شريكه معانا برده
علياء: اهلا بحضراتكم انا علياء
وفاء: وديه اختي وفاء
لتضحك ياسمين
ياسمين: ماااء
ابتسام: متاخدوش عليها هيا بتحب الضحك والهزار
ياسمين: اسمعي يا علياء
علياء: افندم حضرتك اؤمريني
ياسمين: انا اسمي ياسمين يعني لا حضرتك ولا سيادتك وديه بوسي وديه دوسه احنا هنا كلنا اخوات
وفاء: ربنا يبارك لحضرتك
ياسمين: يا بنتي جولنا مافيش حضرتك
ابتسام: الحمدلله انا طلبت اكل زياده عشان يبقا عيش وملح بينا
ويرن هاتف ابتسام
ابتسام: شيكو حبيبي انا هنا ف السنتر مع ياسو
شاكر: طاب هاتيها
ابتسام: انا كده بقا اغير
شاكر: هاتيها اكلمها وتعالي علي البيت عشان في ضيوف جايين
ابتسام: ضيوف مقولتش يعني
شاكر: والله يا حبيبتي جات مفاجاءه وهما اللي عزمو نفسهم اقولهم لاء يعني
ابتسام: ميصحش طبعا خلاص انا هتحرك حالا
ابتسام: ياسو خدي كلمي شيكو عاوز يطمن عليكي
ياسمين: شيكو حبيبي
شاكر: ياسو بنوتي الشقيه اخبارك ايه ياتري عملتي كام مصيبه
لتضحك ياسمين
ياسمين: ابجا اساءل ولدك وهو يجولك
شاكر: ابني اوعي تكونو اتخانقتو
ياسمين: حاجه زي كده
ابتسام: هاتي الموبايل وابقي كلميه من عندك
ياسمين: بجولك ايه ابتسام جايه لك خليها تحكيلك عشان عندي شغل
ليضحك شاكر
شاكر: طيب اوك سلام
الفصل التالي اضغط هنا
يتبع.. (رواية المشاغبة والظابط) اضغط على اسم الرواية لتجد الفهرس كاملاً بجميع الفصول.