رواية الضيف المجهول الفصل الثالث 3 – بقلم جيجي

رواية الضيف المجهول – الفصل الثالث

٣…. رباب.. مرت عمي الله يرحمه جايه تسلم افتح ياض..

فتح الباب وقال.. يا مرحب..

هنيه بصتلو بابتسامه.. بدموع..

رباب.. هي اتجوزت واحد بعد عمى الله يرحمو.. بس بتاجي تزورنا ما نسيتناش…

سامى.. اه فيها الخير والله ازيك يا خاله..

هنيه بدموع… كيفك يا ولدى..

سامى… الحمد لله يا خاله نحمده ونشكر فضلو …

وهمس لرباب… في حاجه الوليه دي بتبصلي كده ليه .

رباب… ما اعرفش والله اصل هى كانت مخلفه من عمى سامي عيل ومات وهى بتولدو مشافتوش.. كان هيبقى فى نفس عمرك كده لو عاش..

سامى… اه..

وابتسم لهنيه اللى كانت بتبصلو بشرود..

بعد شويه كانو كلهم بيتغدوا… بس سامى ما كانش معاهم..

هنيه.. فين سامى ولا هو مش هيتغدا معانا..

سميحه بخبث… لا هو مش هيتغدى معانا يا حبيبتي ما بيتغداش معانا… بيتغدى لوحده.. ولا عايزه تطلعيله الاوضه تانى…

رباب.. يا اما هي ما طلعتلوش اوضته كلنا اطلعنا انا وهي علشان تتعرف عليه..

هنيه.. طب هو ليه بياكل في اوضته ما ينزل ياكل معانا احسن..

سعاد.. جرى ايه يا اختى ما خلاص انتى شاغله نفسك بالواد ده ليه كلى وانتى سا كته..

هنيه سكتت.. وبالليل رباب راحت على اوضتها.. وسامى نزل ينام في الصاله زي كل ليله.. بس جات سميحه.. وقالت…

انت مش هتنام هنه عشان هنيه نايمه في الاوضه جوه وحماتي كمان مع رباب… وانت ما ينفعش تنام في الصاله والناس عندنا افرض حبو يروحو الحمام ولا حاجه… يروحو قدامك… نام على السطح..

سامى.. بس الدنيا برد دلوك..

سميحه.. لا معلش يا حبيبي استحمل اصل قعدتك كده مش لاده..

سامى.. حاضر..

وطلع على السطح.. وهنيه طلعت من الاوضه لما لقت رباب وسعاد نامو.. وبقت تبص عليه في الصاله..

سميحه… بتدوري على حاجه يا هنيه..

هنيه.. هو سامي فين..

سميحه… وانتى طالعه في نصاص اليالي تدوري على سامي ليه..

هنيه.. لا كنت هروح الحمام لا مؤاخذه وما لقيتوش فبسال بس..

سميحه.. على السطح..

هنيه .. ايه اللي طالعه السطح في البرد ده..

سميحه… معلش بقى ما ينفعش ينام في الصاله عشان لو حد عايز يروح الحمام ولا حاجه.. وزي ما انتى شايفه البيت كله اوضتين وصاله والمطبخ والحمام.. البنت رباب في الاوضه وانا وجوزي في اوضه.. هينام فين يعنى..

هنيه بضيق.. لو ولد بطنك كنتى هتنوميه فوق..

سميحه.. بس هو مش ولدى.. يلا هروح لجوزى..

ودخلت تنام… وهنيه لا اراديا حست برجليها بتاخدها لفوق.. وسامى كان قاعد وبيقرا قالت…

ايه اللي طلعك في السقعه دي.. انت مش بتنام فى الصاله ليه.. ليه تسمع كلامها .. البيت ده ليه راجل..

سامى.. مش عايز حد يتشاكل بسببى.. وعشان تبقو براحتكم يعنى معاها حق..

هنيه.. حق ايه انا كد امك.. انت بتدرس ايه..

سامى بحرج.. فى كتب رباب ولو فى حاجه ما فهمتهاش بتشرحهالي.. لازم شهادة ميلاد للمدرسه وانا ما عنديش..

هنيه.. ربنا يعتر اهلك فيك..

سامى.. ده لو كان ليا اهل اصلا.. اصلهم بيقولو عليا اسم الله على مقامك ولد حرام

هنيه.. ياما فى الحبس مظاليم.. انت محبوس في كلمه ولد الحرام مع انه شكلك ما بابيقولش انك ولد حرام واصل.. عارف جوزي سامي الله يرحمه مات وانا حبله. ولدى مات وانا بولدو قالولي مات.. انا حتى ما شفتوش… كنت زعلانه قوي على سامي.. انو مش هيشوف ولده.. بس حتى انا ما شفتهوش .. بتهيالي لو كان عايش دلوقتي كان بقى شبهك كده

سامى.. اه ما هى رباب بتقولي انه نفس عمري… يحتسبلك عند ربنا ان شاء الله..

هنيه… ان شاء الله… بس انا اقصد الشبه انت تشبه سامى الله يرحمو…

سامى.. انتى اتجوزتي بعد عم سامي.. خلفتى غير الود اللى مات..

هنيه.. اخواتى جوزونى عشان ما يصرفوش عليا عشان يتيمه.. وما خلفتش اصل جوزى كبير فى السن..

سامى.. طب ليه جوزوكى للكبير.. كان ممكن يتقدم واحد من سنك يعني…

هنيه.. انت عارف فى الصعيد المطلقه والارمله فرصتهم فى الجواز مش كيف البنات الصبايا الصغيرين…

سامى.. لا انتى ما شاء الله ما يبانش عليكى يعني مش كبيره.. قاعده صبيه لسه حلوه ..

هنيه.. دول عينيك الحلوين..

بس سمعو سميحه بتقول لجمال….
شايف الوليه قولتلك تحت وكدبتنى اتفرج.. مش مكسوفه من نفسها جايه لواحد قد عيالها..

هنيه.. انتى بتقولي ايه اقعدى ساكته انتى فهمتى غلط انا بس جيت عشان…

سميحه.. واضحه جيتى ليه.. جوزك راجل كبير وهنج وجايه ترخصى نفسك لواحد قد عيالك…. وعمالين تتوشوش وهاتك يا وشوشه.. وعنيك اللى حلوه.. عنيه بس ..

هنيه.. انتى مريضه ده قد ولدى..

سميحه.. ده مش ولدك…. ده ولد حرام… واحنا جايبينو نتثاوب فيه..
وبصت لسامى وقالت.. وانت هى رخيصه ازاى تعمل كده.. فى بيت الراجل اللى رباك..

بس سامى وقف قصادها وقال بغضب…

وطي صوتك انتى عارفه كويس انو ما فيش داعي للكلام ده.. وان ما حصلش حاجه… انتى بتقولى كل ده عشان امشى من هنه صوح.. بصي بقى..
وحط ايده على رقبته وقال..

وصلت معايا لهنا منك… من يوم ما جيت وانتى مش بلعاني.. مره تقولي انه انا كبرت وبنتك كبرت وما ينفعش نفضل سوا… مع انك عارفه زين اني انا بعتبرها كيف اختي… ومره تقولي ان العرسان مش هتيجي للبنت طالما في راجل غريب قاعد معاها في البيت.. مع ان قعادنا كله تحت عينك.. مره تقولي ما تسيبيش البنت لحالها معايا في البيت.. يعني اكون واحد متربي على يدكم وما تأمنوش ليا.. تمام انا ماشي سايبلك البيت.. لاني عارف انك بتعملي كل ده عشان امشي.. اصلا ما تفاجأتش.. مين هيتحملني يعنى.. اذا كانوا اهلي رموني.. انتو مش هتلموني… بس بلاش تكرهي فيا الراجل اللي سكني عنده ودخلني بيتو وعاملني كيف ولدو كل السنين اللي فاتت دي وانى اغوى ضيفه جايه عنده تمام بلاش تكرهيه فيا

واخد بعضو ومشى.. جمال نزل وراه وبقى يقول..

سامى استنى يا ولدى انت رايح فين خليك.. سيبك منها دى هبله انا هتصرف معاها.. انا مصدقك انت..

سامى.. لا كفايه كده.. هقعد هنا لحد ميتى يعنى كفايه كده شكرا على كل دقيقه قعدتها معاك وعلى كل لقمه اكلتها عندك.. لو ربنا اداني خير هرجع لك كل قرش انت دفعته عليا..

جمال.. ايه الكلام اللي انت بتقوله ده.. طب سلم على رباب حتى..

سامى.. لا سلملى عليها انت.. لو شافتني مش هتخليني امشي..

جمال.. طب طب خد خلقاتك حتى..

سامى.. مش بتوعي جيت بالخلقات اللي عليا.. وهمشى بالخلقات اللي عليا…

عند هنيه قالت… انا جيت لانى حسيتو ولدى قلبى كان بيدقلو.. والله حسيت كيف ما كنت احس وولدى فى بطنى.. سايقه عليكى النبى ترجعيه وانا همشى وما هاجيش هنه تانى واصل..

سميحه.. ده مش ولدك.. سمعتى ولدك مات…

هنيه.. والله حاسه انو ولدى.. انتى عارفه انو ولدى صوح.. عشان كده بتخبيه عشان ما اشوفهوش.. وعشان كده عاوزه تبعديه من البيت.. سامى ولدى صوح…

سميحه.. مش ولدك بلاش جنان.. انا ما عاوزهوش يقعد معانا في البيت لانه ما ينفعش يفضل مع البنت رباب وانا فكرتك يعني مليتي جوزك العجوز ودايره للصبيان اصل ايه اللي هيطلعك وراه السطح غير كده..

هنيه.. حسيتو ولدي..

سميحه.. ايه اللي هيجيب ولدك هنا ولدك مش مات بعدين يا اختي.. جمال شاف جتت ولدك وهى نازله التراب اسأليه لو ممصدقاناش.. انتى بتصدقى جمال اصلا كنتى عينك منو..

هنيه.. لسه بتقولى عينى منو..

ونزلت بيأس وراحت على اوضتها بدموع..

سميحه لسه هتنزل بس مسكتها سعاد ورجعتها وقالت…

الواد يرجع سمعتيني… والا واللي خلق الخلق لا اروح اقولها انه ولدها… وانك اخذتيه منها وديتيها عيل تاني مش عيلها.. وقلتيلها ان ولدها مات.. واقولها انك رميتى الواد ده قدام الجامع.. عشان تخلصى منو..

الفصل التالي اضغط هنا

يتبع.. (رواية الضيف المجهول) اضغط على اسم الرواية لتجد الفهرس كاملاً بجميع الفصول.