اشواك الورد (رواية عزيز وورد) الفصل الثالث عشر 13 – بقلم ميفو السلطان

#اشواك_الورد

#حكايات_mevo

البارت الرابع عشر..

كانت ورد افكارها المسمومه تنهشها بشده ولسان حالها هتتذلي يا ورد اصحك تعرفيه حاجه واصل.. دا الموت اهون.. جايلك الذل يا بت نعمات بالكوم.. لتنتفض لا اراديا وتصرخ….. لاه لاه ماهيحصولش لاه…

انصعق فجاه من تشنجها وكلماتها احس انها اصابها شئ مسكها…. ورد ورد مالك يا جلبي..

كانت تنظر اليه ببلاهه ورعب.. تري صوره والدتها وحالها . تري ذلها وترك عزيز لها وجوازه من جميله .تري نفسها منبوذه في حجرتها محبوسه وذل لها من الكل..تري ايامها واشتياقها له وهو مع اخري.. كانت  تنتفض وتهز راسها ودموعها تنزل فقد ادركت انها تعشق عزيز لقد نزلت المصيبه علي راسها.. عشقت رجل لا يريدها.. عشقت رجل مغصوب علي تلك الجوازه َكاره لها.. او هكذا تظن.. عشقت رجل يحب اخري ويريدها زوجه.. كانت كلما تتوالي الافكار المسمومه بداخلها تنتفض برعب وتهز راسها.

احس بالرعب عليها فلا يعلم ماذا حصل لها.. كانت بين يديه واحس بمشاعرها لتنتفض هكذا دون سبب.. شدد عليها.. ورد حبيبتي.. مالك يا جلب عزيز بتعملي اكده ليه.. ورد ردي عليها..

انفجرت في البكاء فقد فاض قلبها من الوجع اما كان يكفيها ما عاشته من قهر لياتي عزيز يغرز حبه في قلبها ثم يتركها ويذلها بذلك الحب..

هوي قلبه عليها واحتضنها اكثر.. بالله عليكي فيه ايه جولي مالك جلبي واجعني عليكي.. ظلت فتره   في اللاوعي وافكارها المسمومه تنغرز في قلبها توجعها لتعود الي رشدها.. وتحاول ان تهدأ ابتعدت عنه بهدوء ولم تنظر اليه وتهمس.. ممكن نعاود اني تعبانه..

اقترب منها لتبتعد ….بالله عليك عايزه اعاود الله يخليك..

نظر اليها وهو لا يعلم ماذا حدث لها كيف تبدلت حاله العشق والهيام الي حاله من الحزن والهم.. ماذا جري لها.. همس لنفسه….هيا فيها ايه ماكت كيف النار في يدي.. كنا في وسط نار جايده ايه اللي حوصل بس ماكنا كويسين.. مالك بس يا جلبي اتجلبتي اكده ليه..  كت رايداني انا واعي ليكي بين يدي ايه اللي حوصل بس. دانا حسيت اني دخلت الجنه تنجلبي اكده ليه.

قام مستسلما فحالتها لم تعد تسمح للكلام كانت متشنجه وتغرز اصابعها في يدها كانها اصابه فاجعه …عاود بعد ان هلك من عشقها واصابه الوجع بعد ذلك.. رجعا في صمت مطبق (عين البومه وامها رشقو 🙄🙄) وما ان وصلا حتي هربت بسرعه الي فوق .

ظل هو لا يعلم ماذا حدث.. تحول رهيب من عشق ومشاعر الهبته الي جمود وتشنج صعقه..

قرر ان يصبر ويعرف ماذا بها فهو واعي لرغبتها التي نهشت قلبها اذا لن يترك ما حدث يمر هكذا ليكمل مسيرته يخطف قلبها وهو لا يعي ان قلبها اصبح ملكه وفي يده ولكن هناك تلك الافكار المسمومه التي سيطرت عليها.. فهو قد غرز بها تلك الافكار اول جوازهم وهو لا يعي  انها ستكمل بتلك الطريقه كان يظن انه عندما يلهبها بحبه لن تحس الا بذلك ويسعدا بذلك الحب ولكن كيف وهو لم يغير ما قاله مرارا وتكرار. وهو لم يكف عن تكرار انه سيطوعها وعندما احبها لم يقل ولم يفعل ما يطمنها. تنهد وذهب مهموما ليري اشغاله..

.

صعدت هيا الي الاعلي وهيا تعلم ان ايامها القادمه ما هيا الا عذاب لها فمن ملك قلبها لا يحبها وكل همه ان تكون راغبه لانه عزيز الجبالي الذي لا يقبل باي كان ان لا تقبل به.. مر بعض الوقت والحزن يأكلها احست ببعض الدوار وتصاب بدور من القئ الشديد لتسرع الي الحمام تشعر بالاعياء الشديد.. ماذا حدث لها ايعقل ان تكون.يا مرك يا ورد لتدرك انها من فتره تشعر بتقلبات في جسدها وانها لم تاخذ بالها ان هيا هكذا تكون حامل.. يادي الحزن.. انت ناجصه ذل انت حامل يا ورد ماهو مالهاش معني الا اكده البتاعه ماجاتش من مده يا نهارك اسود ومطين.. شيلي طين يا بنت نعمات انكتب عليكي خلاص الذل.. هتعيشي عمرك كله تحت يد عزيز مرته يعمل فيكي ما بده ياخد اللي عايزه وما هيتعبش انت اللي هتديله حالك وكمان هتجيبي عيل يربطك بيه ماهو ما هيطلجكيش هيبقي مجبور اكتر.. ويروح يتجوز ويعيش ويرميكي تربي العيل يادي الحزن الاسود..

صدح تليفونها لتجد بدور. قالت بقهر.. يلا ماهي كت ناجصه يا ورد الهم بينزل بالكوم.. لتتجلد وتفتح التليفون سمعت بدور.. ايه يا ورد انت سيبتيني ونسيتي مش جولتي يومين هموت يا ورد.. ولد المحروج عايزني اروحله.. عايزني ابسطه الله ينتجم منيه…

همست ورد بتعب ….حاضر يا بدور خليها بكره اني تعبانه دلوك كان صوتها متعب..ميفوميفو

هتفت بدور…. مالك يا ورد اجيلك..

نزلت دموعها …..لاه ماتتعبيش حالك كان القهر يظهر في صوتها..

قالت بدور.. لاه انت بيكي حاجه اني جايه..

هتفت ورد تقول….. طب يا بدور عدي عالدكتوره وهاتي منها اختبار حمل بس بالله عليكي ماتجولي لمخلوج وجوليلها تديكي حاجه لوجع البطن الله يخليكي..

لتستجيب بدور وتذهب بسرعه وتحضر لها ماطلبت .دخلت عليها وجدتها شاحبه. قالت… يا مري مالك اكده انت وشك اصفر ليه اكده..

قالت بتعب……. اسنديني بس ودخليني الحمام وهمليني دجيجه.. دخلت واجرت الاختبار سقطت علي الارض لتعرف انها ذبحت وانتهت حياتها وان عزيز ارتبط بها ليوم دفنها.. فهو لن يترك ولده لاحد .جلست تبكي حالها ولكنها شعرت فجاه باحساس غريب.. يغزوها احساس جميل فجاه بان ذلك الطفل سيكون مصدر سعادتها.. فهي وحيده ليس لها احد ولا يحبها احد.. وضعت يدها علي بطنها وشعرت بحنان افتقدته من الدنيا.. لاه يا ورد ما فيش مرار ولا جهر.. دا ربنا بعته عشان تلاجي حد يحن عليكي ويحبك.. ربنا بعته عشان تعيشي ليه وجهرتك تروح.. حبيتي وما اتحبتيش.. عشجتي وماهيكونش ليكي واصل.. جالك اللي يخف وجعك وينسيك جهرتك بعد حبيبك.. افرحي وجومي واسعدي دا ربك حنين.. هتعيشي عشانه تديله حب ما عارفاش تديه لابوه.. هتديه العشج اللي عزيز مش رايده.. ولدك ده هيكون السند والحبيب.. هيكون النور اللي هينور حياتك عشان ماينكتبش عليكي تعيشي مجهوره.. وهو يروح الله يسهله.. رغم وجعي في بعده يروح ويسيبلي ولدي يبرد جلبي.. مافيش مرار يا ورد احمدي ربك اكده.. عزيز هيهملك في حالك بعد مايعرف.. ما هو هينجهر انك بقيتي ربطاه بعيل.. هيرميكي ويروح يشوف حاله وهيبطل يحرب ماهو كان بيتسلي بكيفه.. انما دلوك خلاص بقيتي شايله عيله.. فاترمي بقه في جنب عشان يكمل حياته.. يا رب انت حنين اني مبسوطه جوي.. ربنا يخليهولي واعيش واربيه واشوفه منور حياتي يبرد جلبي المجهور.. لتتحامل علي نفسها وتخرج .

هتفت بدور…. ايه يا ورد بقيتي منيحه..

لتقول ….الحمد لله يا بدور..

هتفت…. ايه خبريني حامل والا ليه.. لتهز ورد راسها لتسعد بدور وتقول مبروك يا بت عمي فرحتلك وحياه ربنا.. انت طيبه وتستاهلي كل خير لازمن الكل يعرف ونفرح الدنيا كلياتها دا ولد عزيز الجبالي..

هتفت ورد…… لاه مش دلوك.. هجول بس اما احس اني منيحه ماتخبريش حد..اصحَك يا بدور بالله عليكي تجولي لحد..

تنهدت بدور.. حاضر يا ورد.. طب هنروحو امتي لولد المحروج .

قالت ورد….. بكره او بعده اما احس اني جادره…

هتفت بدور…. خلاص نعدي بكره وترتاحي ونروحو بعد بكره …..واتفقو علي ذلك

تركتها بدور وذهبت الي دارها وهيا تتمني الخلاص من ذلك الحقير لتقابل والدتها.. كنت فين يا بت عوجتي ليه اكده مش كنت عند الحكيم مع ياسمين اتاخرتي ليه..

هتفت بدور.. كنت عند ورد يا أماي..

انصعقت جليله.. وبتعملي ايه عند ورد يا حزينه ايه اللي وداكي هناك..

هتفت بدور ….كانت تعبانه رحت اشوفها..

اقتربت منها جليلها…… بتجولي ايه يا بت المحروج.. روحتي عند هبابه البرك يا حزنك يا جليله انت اتجنيتي.

هتفت بدور بعنف.. وما اروحش ليه مش بت عمي اياك..

اقتربت منها جليله تمسكها من شعرها وصرخت بها.. دانت يومك هطينه علي عيشتك وبدات ضرب فيها .

دخل شاكر يبعد امه.. بتضروبيها ليه عاد عملت ايه عشان تموتيها اكده..

صرخت بدور.. عشان روحت ازور ورد.. ماعملتش حاجه.

تحول شاكر يقول بقهر.. مالك بيها ماتروح بت عمنا ونزورها ماتبطلي بقه كرهك ده ورد كانت عملتلك ايه.

خبطت جليله علي صدرها…… انت بتحاميلها كمان يابن جليله.

صرخ شاكر ….وماحميلهاش ليه.. بت عمي الغاليه اللي راحت وجهرتتي جهر.. بت عمي اللي مالهاش زي ولا حد يوصل لربعها..

انصعقت جليله….. انت بتجول ايه انت اتجنيت..

هتف.. ايوه اتجنيت وانجهرت.. بت عمي كانت الصوح تبقي ليا انما غلك وسواد جلبك وجبروتك منعني اني اخدها الله يحرج دي عيله جهرتني وجهرت ورد.. كنت سيبهالي دانا بحبها.. النسمه كيف الجمر بس كنت خايف وضعيف.. واستاهل اللي جرالي عشان اعيش طول عمري محروج.. بس كفايه اكده مالكيش صالح ببدور تروح كيف كيفها وماحدش هيمنعها.. وانا بجولك اهه شاكر خلاص ماعدش العيل اللصغير اللي توديه وتجيبيه.. شاكر انجهر وجلبه مات بسببك وبسبب غلك واصحك تحربي عل بدور مش هسكتلك.

نظرت جليله بقهر علي ولدها وكيف تغير وتحول ووقف اليها كان يتكلم بعنف اخافها وكيف ان ابنتها تبدلت لتقف هيا ايضا امامها.. لتقول …..انتو اتجنيتو ….انتو ازاي تتحددتو معايا اكده.. دانا جليله ماتتلم يابن وهدان..

صرخ شاكر ليخرح جده وعمه وابيه علي صراخه.. ليقول.. ايوه ابن وهدان مش ابن جليله ابن جابر الهلالي مش ابن جليله اللي الغل عماها وممشيه دار بحالها.. دار الهلالي ممشيها مره.. رجاله بشنبات المره بتتحكم فيهم.

اقترب ابيه وصفعه علي وجهه. …..انت اتجنيت اياك.

ليقول.. شاكر …..ايوه اتجنيت …ما تتكلم يا جدي يا كبير سايب البيت لمره تتحكم فيه ليه.. طول عمرها بتكره مرت عمي نعمات وخابرين وساكتين تذلها وتذل بتها وما حد يونطج.. تجولش جادره عالكل.. بدور تتجوز ابن الجبالي.. حاضر… ورد تترمي مكانها لابن الجبالي حاضر.. وماحدش يفتح خاشمه ليه ليه بتعملي في عيله كامله اكده ليه.. كنت رايد بت عمي تبقي ليا بحلال ربنا تحرجي جلبي ليه يا شيخه.. انت ام ازاي ايه الغل ده وابوي مابينطوجش ليه ماعرفش بتذلي فينا ليه عملنالك ايه.. كرهك لنعمات سود عيشتنا كلنا لو فاكرين انكو هتكملو اكده فانا خلاص ماعدتش جادر ان مره تتحكم فينا.. خلاص يا جدي لو انت هتسيب دارك لمره انا ههمل الدار واطفش من اهنه ولا عاد ليا صالح بيكو..

صرخت جليله.. يا مري دا كله ليه عشان المحروجه عايز تهمل دارك..

صرخ…. لاه مش عشان المحروجه.. عشان امي اللي اتجبرت وغلها طاح وفاض انت ايه يا شيخه عايشه تاكلي روحك ليه.. كنت بستخبي من خوفي منك واروح اخبط عالبت اديها وكل واطيب خاطرها.. كنت بتذلي فيها وانا الجهر طابج علي نفسي حبيت ورد وخفت من جبروتك ربيتي الرعب جوايا ماعتش حاسس اني راجل.. ابن الجبالي وجف ليكو وخد البت اللي بتمناها وماحدش فتح خاشمه يا عيله مافيهاش راجل.. فين الرجاله ما واحد باع بته والتاني المره جادره وفارده قلوعها عليه.. حد يجول عشان جلبي محروج منكو لله ضيعتو البت اللي كان نفسي فيها بس خلاص انا ماعتش جادر وههملكو الدار بحالها.. عشان ما ابجاش تربيه المره .

اقتربت جليله من وهدان.. هتهمله اكده انت ساكت ليه..

ليقوم الجد اخيرا بعد ان انغرس كلام شاكر بداخله يعلم ان حفيده علي حق شعر انه ترك البيت وترك حفيدته وزوجه ولده لتلك الجاحده تتحكم فيهم وتذلهم ووهدان ولده ضعيف لا يقدر عليها ذهب اليها وهيا تصرخ في وهدان ورفع يده وهوي بها علي وجهها لتنصعق جليله.. فهي جبروت ماشي طايح في الكل لم يقف لها احد منذ ان دخلت البيت..

هتفت….. انت بتضربني يا عمي بتضرب جليله..

صرخ جابر…. ايوه بضربك يا بت حمدان وايه جليله دي.. مالها جليله ماتنضربش …لاه دا تنضرب وتنطرد برات الدار.

بهتت جليله.. انت بتجولي  اني الحديت ده يا عمي..

صرخ ….دا بجولك وهجول ولسه هجول.. ايه انت ايه ماشبعتيش غل ماشبعتيش يا بت حمدان من يوم ما دخلتي الدار وانت مره سو ماحدش جادر عليها.. جايه مغلوله من داركو عالغلبانه اللي ماعملتش حاحه في دنيتها غير انها اتجوزت صابر.. لتكوني فاكره اني ماخابرش انت بتكرهي زينات وبتها ليه لتبهت جليله بخوف.. هتف ايوه خافي اكده اني خابر وواعي وعارف بس ساكت عشان ماخربش عليكي بس انت نازله خراب عالكل.. خدتي ولدي وطوتيه تحت يدك وماهينطوجش والشوره شورتك وممشيه الدار وانا ساكت وماخبرش ساكت ليه. تخربي وتذلي في نعمات والكل وجف يتفرج.. طفشت نعمات من وشكو تجومي تسكتي عاد لاه تكملي علي بتها وتحبسيها وتذليها واني ساكت..

سكت عشان ماوجعش دماغي راجل ساب مره تتحكم في داره عشان مش عايز يوجع دماغه.. حاجه تحزن.. وتجرف.. اني جرفان من الدار علي بعضيها واني فوجيكم.. كلنا حاجه تجرف.. ماكنش فيها حد عدله الا نعمات وبتها.. وراحت نعمات وبتها وسابولنا الهم والحزن.. راحت نواره الدار ورد عشان انت محروجه.. مره بغل.. بس خلاص عاد ….يمين بالله لو ماتلَميتي لكون راميك برات الدار كيف الكلبه يا بت حمدان.. شاكر راجل ونطج من جهرته… حجك عليا يا ولدي جدك ساب امك تسم في البيت.. اسمعي يا جليله تفتحي خاشمك الله في سماه ماتجعدي فيها دجيجه ماليكي كلمه علي حد وانت يا بدور كلمتك من جدك.. تجعدي اهنه تخدمي اسمع حسك هرميكي بره كيف الكلبه..مالكيش تتحكمي ولا تنطجي انت هنا كيف الخدم مالكيش تجولي مين يجيب ومين يودي..

نادي علي الخدم…… انتو يا بت منك ليها.. تعالو اهنه.. اللي يجعد اهنه مايخافش كلمته مني.. وكلكو مني مافيش حد هينطج ليكو ويودي ويجيب لو هتجيبي كيس ملح تاجي تجوليلي جليله ماعادش ليها تتامر في الدار جليله هتخدم زيكو وتجعد ماتنطجش وانتو مشو الدار علي اكده.. الدار ما عادش ليها ست.. ستها طفشت والتانيه اتجوزت..جعادك اهنه بس عشان عضم التربه انما حركه كمان لهرميكي يا بت حمدان تروحي تبقي خدامه لنسوان اخواتك بعد ما كتي ست في دار الهلاليه كفايه اكده مرار وسواد شبعنا لما جتتنا اتسممت .

ارتعبت جليله من عنف عمها لتذهب لوهدان وتشده.. ليهتف بشده اعنف.. ايه بتشديه ليه.. عايزاه يجفلي وينطج.. عايزه ولدي يجف لابوه.. عايزه واهدان يجف لجابر الهلالي.. طب يا جليله وانا بجولك اهوه جدامه لو هو كمان فتح خاشمه يغور من اهنه اني جرفت منيكو كلياتكو.. هيكمل دلدول المره يغور بيكي في داهيه تشحتو في اي مصيبه تاخدكو.. اسمعو عاد وانت معاهم يا خيبه السنين يا كبيري ياللي طفشت مرتك .ان مااتعدلتوش لاكون راميكو بره وكاتب كل حجي لعيالكو وهما ماشاء الله هيرموكو كيف الكلاب ماهو ماخدوش منكو حب.. انتو زرعتو غل وهتجابلو كل الغل.. اجعد يا شاكر في دارك وكبرها يا ولدي وما تغلطش غلطتي وتسيب حالك وتخلي النسوان تتحكم واللي تفتح خاشمها علي طول دراعك وارميها بره الدار انا اللي بجول اهه..

ذهب لجليله…. بصيلي كويس يا جليله من هنا وعاد.. تخدمي كيف الخدم مااسمعش نفسك.. هتعيشي جاطمه ساكته هتكمليها ذل يا بت حمدان ولو لجيتك يا وهدان في سكتي هرميك معاها..جرب بس تعترض.. او هيا توذك كيف الشطان.. إلحج روحك الا خلاص المره ركبت عليك ودلدلت وشكلك عفش . راجل ممشيه مره والتاني طفش مرته حزنك في خلفتك يا جابر.. من هنا وعاد الله في سماه لاكون معرفك مجامك يا جليله وانت يا بدور بت عمك تروحيلها براحتك وتبقي تتنفس امك.. جبر يلمك يا بعيده مررتي عيشتنا سنين ربنا ياخدك ويريحنا..

رحل الجد وصابر وبقي وهدان لفتره ينظر بقهر لسوء منظره الذي فعلته به زوجته ليتركها ويرحل وهو يشعر بالخزي وهنا ذهب شاكر اليها.. يا رب تكون مرتاحه اكده عيشي بقه والكل مش طايج عيشتك وتركها ورحل لتنظر اليها بدور بقهر فكانت تتمني ان تكون لها ام حنونه ترتمي في احضانها وتشكو همها..

جلست جليله مذهوله انها اصبحت خادمه للهلاليه بعد ان كانت ست البيت.. كان القهر ينهش قلبها ان جبروتها اندعك في الارض وانها لم يعد لها كلمه حتي علي الخدم.. لتنقهر اكتر وينهشها الغل اكتر وتظل كائن سوداوي ياكل نفسه لا يتعظ الي ان ياتيه ضربه يستحق منها ان تخلع قلبها لتنال عقاب الله في الارض.. سياتي يوما يا جليله سياتي ..

نعود لورد التي كانت تنام وهيا شاحبه مغمضه العينين بعد ان شافت ايامها القادمه وبعد ان وعت ماذا سيكون عليه حالها مع زوج لا يريدها ويريد اخري كان قلبها مشقوق عن اخره ولكن ما جعلها تصمد تلك النطفه بداخلها التي قررت ان تعيش لها ليحن عليها ويحبها احد في يوما ما..

دخل عزيز وعيناه تبحث عنها بلهفه وجدها نائمه مغمضه العينين شاحبه مستكينه تنهد وذهب يغير ملابسه ثم يعود يقترب منها كانت قد حست به ولكنها لم تتحرك نظر اليها علم انها ليست نائمه اندس بجوارها يقول.. مالك يا ورد شكلك عامل اكده ليه.. لم تنطق خافت ان تخبره بحملها قررت ان تنتظر حتي تستعيد صحتها فهيا متهالكه.. اقترب منها وقبل راسها يحتضنها .

حاولت ان تبتعد فلم تعد قادره علي ما تمر به همس.. اهدي يا ورد بالله عليكي انا ما هتكلمش واصل ولا هعمل حاجه انا بس هاخدك في حضني اهدي بالله عليكي شكلك صعب وما جادرش اسيبك اكده.. لتستكين اخيرا فقد تعبت بشده وما بداخلها قد زاد وفاض علي جسدها لتصبح متهالكه لتنام علي الفور متعبه.. ضمها عزيز بشده.. مالك يا جلب عزيز بس ايه االي فيكي.. بتعملي ليه اكده كت زينه ايه اللي جلب حالك اكده.. يا رب  صبرني اعرف بيها ايه جلبي واجعني عليها…(ماتقولها يا واد دانت خزان احزان 😔😔)