رواية عندما يغيب العقل – الفصل الأول
هاي القصه راح تعلمنا الغلط وارد من الناس مهما كان عمرهم
يعني ممكن انسان جبير بلعمر يغلط
مو بس الزغار الي ماعدهم خبره بلحياة يغلطون
ممكن العقل يغيب ونوكف عند الغلط ونحسبه صح
نبدي بلقصه
اني ام حسن اسمي حليمه
بلحقيقه اني ماعندي اطفال
بس الناس الطيبه والجوارين يصيحولي ام حسن
لان اني جبيره مو مال يصيحولي بااسمي
شكد حاولت بموضوع الاطفال بس ماكو فايده
هذا أصعب حلم ما تحقق بحياتي
شكد دعيت ربي وتوسلت بس كلشي ماكووو و
على العموم اني اقتنعت وقبلت بلامر الواقع
لان هاي حكمة رب العالمين واني مابيدي شي
الاشياء الي تجي مقدره من رب العالمين محد يكدر يغيرها
الحمد لله والشكر
اني حاليا عمري ٦٢
مشكلتي الي اريد احجي عنها صارت وياي قبل سنتين
من جان عمري ٦٠ سنه
اي عمري ٦٠ سنه المفروض هذا العمر عمر النضج
الإنسان من يوصل الهذا العمر يصير تفكيره واقعي
ناضج يكون قليل الاخطاء
لان الوصول الهيج عمر مو سهل اكيد الإنسان يكون مر بعدت تجارب
خلته انسان واعي ومدرك للحياة
جمانه السعيدي
الا اني كل عمري امشي صح وماعندي اي أخطاء
محافظه على حياتي بشكل مو طبيعي
بس من وصلت الهذا العمر غلطة غلطت عمري
اني راح احجيلكم قصتي وانتم احكمو عليه
اعرف اني غلطت وهاي الغلط الي تنعد عن ألف غلطه
حبيت احجيلكم تجربتي
اني حليمه مخلصه متوسطه
من بغداد من عائله متوسطة الدخل
عائلتنا تتكون من ست نفرات
حياتنا عاديه وروتينيه
اني مخلصه ثالث متوسط وكعدت بلبيت
قصتي بدت لمن تقدملي صافي
صافي شاب حلو ومرتب موضف بدائرة الضريبه
تقدملي وهو عمره ٢٥ واني بوقتها عمري ١٧ سنه
كنت حلوه رشيقه
عبالك ممثله من العصر القديم
بيضه شعري طويل جسمي رشيق عيوني كبار ملونات
ايقونت جمال حقيقيه
جمال رباني مابي تدخل للبشر
اليوم الي شافني بي صافي كنت طالعه من بيت اهلي
ماخذه اكل الاختي الأكبر مني
حامل وتتنسى على باجه
تستحي تكول كدام عيالها اريد باجه
هذا الطفل الاول اختي كانت تجوع بيت عيالها
بسبب الخجل وهذا حال اغلب البنات اول العرس تفقد شهيتها
من تجينا تاكل الأخضر واليابس
المهم ابوي جاب باجه طبخناها وامي دزتني
اوصل الباجه البيت عيال اختي سميره
من رجعت من بيت اختي صافي شافني بلشارع
بقا يباوع عليه بوقتها شابه وحلوه لابسه نفنون مثل نفانيف سعاد حسني
مخصر على جسمي وقصير جوه الركبه
لابسه شحاطه عاليه وفرحانه لان من امشي اطكطك
امشي بلشارع انتبهت صافي عينه عليه مشيت وهو مشا وراي
الحد ما دخلت بيت اهلي
ثاني يوم دز امه حتى تطلب ايدي
وهو حتى مايعرف اسمي ولا يعرف اهلي
دز امه تخطب على اساس شاف بنيه حلوه دخلت بهذا البيت وهو كلشي مايعرف عنها
جمانه السعيدي
اني عندي اخوان ثنيين مزوجين
واختي سميره الي حجيتلكم عنها
وبعدين اني
اهلي جبروني اترك المدرسه حتى اخدمهم
من صف ثالث متوسط تركت المدرسه
صار شغلي بلبيت خدامه كل الي عنده شغله
وصاح حلومه حليمه تعاي بسرعه
حتى اخواني المزوجين ماكو على السانهم غير حليمه
يكولون انتي خفيفه بسرعه تخلصين الشغل
اني فعلا بسرعه اخلص الشغل سريعه بشغلي
قبل ماكو عدنا تلفزيون ولا اكو نت
بس نتعشى انام كبل نكعد من الفجر للشغل والحركه
المهم خل نرجع للخطبه لان كانت الحدث المهم بحياتي
بوقتها
اجت ام صافي تطلبني للزواج
صافي الابن الأكبر بعائلتهم ويكون بعده ولد ثنيين وبنيه
اجتي ام صافي كعدت طلعت عليها اني قدمت الجاي
المره من شافتني حيل انعجبت بيه
ام صافي…انتي عندج غير هاي البنيه
امي…اي اختها اكبر منها سميره مزوجه
ام صافي…يعني بلبيت ماعدكم غير هاي الحلوه
أمي.. اي هي هاي الزغيره
ام صافي…زين عيوني اني جايه اطلب ايدها الابني صافي
امي… بس احنا ما نعرفكم
ام صافي…اني هسه راح اكولج احنا بيت منو
احنا بيت محمود القماش محلنا صاير بلسوك الكبير بصف محل سيد عدنان
بيتنا بمحلة السراي الفرع الثاني بس تكولين بيت محمود القماش كلها تعرفنا
امي… اهلا وسهلا تشرفنا بمعرفتكم
يجي ابوها واحجي وياااا الرائي الاول والاخير اله
ام صافي قابل تلكون احسن من عدنا ولله اندللها دلال
امي…اي غير ابوها واخوانها يقبلون
ام صافي…زين اني باجر ارجع عليكم
ابني موضف والكل يعرفه بس كولي صافي موضف
بدائرة الضريبه
امي.. انشاء الله خير
حليمه…ابد ما مصدكه اني انخطبت وراح ازوج
بس ماكنت اعرف الي خطبني نفسه الي البارحه بقا يمشي وراي
المهم من اجا ابوي امي قررت تفتح الموضوع وياااا
واني سويت نفسي ثوله كلشي مااعرف
واني اريد بس اسمع موافقة ابوي
كلشي مااعرف عن الزواج المهم عندي البس بدله واخلي حمره ذني اهم سببين اريد ازوج علمودهن
مسؤليه وعيال وشغل ذني مااعرفهن
من كل عقلي الزواج لبس وحمره قبل ماكو بنات تتمكيج لو تحف وجها قبل الزواج
هاي الفعاليات كلها تكون وياا الزواج
واني حابه ازوج حتى اجرب كل هاي الفعاليات
المهم ابوي طلع يعرفهم وحيل فرح بيهم
ناس كلش معرفين غنيين عن التعريف
سمعتهم الطيبه سابقتهم
بالاضافه حالتهم الماديه زينه
حتى بدون مايسئل عنهم بلغ امي اذا رجعت ام صافي
تبلغها موافقين جمانه السعيدي
ثاني يوم اني بدلت وبقيت عين على الباب منتضره ام صافي ترجع
اني عندي ٣ قطع ملابس ماعندي غيرهن
اغسلهن والبسهن
القماش ديولين طبعا كلها الناس تلبس هاي النوعيه
لان قماشتها قويه وتقاوم غسل ولبس
لبست الأحمر وضفرت شعري ومنتظره ام صافي تجي
حتى امي تبلغها موافقتها
بس ام صافي مااجت شكد ضجت
حتى امي كالت ليش مارجعت علينا خاف غيرت رائيها
ابوي بس دخل للبيت سئل امي
ابوي…اجت ام صافي
امي…… مااجت
ابوي….هيا شكالت
امي….كالت باجر ارجع عليكم
ابوي…وليش مارجعت
امي….شمعرفني ايجوز غيرت رئيها
حليمه……مااكدر اوصف شعوري كلش ضجت
يعني مراح البس بدله ومراح اخلي حمره
ليش بطلو مااجووووو
الصبح كعدت كلش ضايجه الساعه ثمانيه ونص الصبح اندكت الباب
طلعت فتحت الباب لكيتها ام صافي
ضحكت وكتلها ااهلا وسهلا بصوت عالي
عبالك ماشايفه
ام صافي.. هله بيج خاله امج هنا
حليمه…اي موجوده تفضلي
جمانه السعيدي
دخلت ام صافي واني رحت اركض الامي
حليمه…يمه الحكي الحكي اجت ام صافي
امي…على كيفج صوتج عالي المره عيب
حليمه…هو اني شكلت
امي…روحي خدري جاي كون مهيل وطيب
حليمه…صار
حليمه…خليت القوري وترسته هيل ورحت مشطت شعري وغيرت ثوبي
وقدمتلهن الجاي
اتفقن على المشيه تكون بعد باجر
امي طلعت وياا ام صافي للباب
واني واكفه ورا امي وأم صافي مانزلت عينها عني
طلعت ام صافي
امي….بلعافيه حلومه ابوج يكول خوش ناس
حليمه…الله يعافيج
من رجع ابوي وعرف ام صافي اجتنا فرح بهذا الخبر
تحدد المهر واجت المشيه اتفقو على كلشي
اما عقد الشيخ راح يكون بيوم زفافنا
بدت امي تحضر كلشي جابت ملابس كم قطعه
وجابت الذهب والمكياج الي جان عباره عن حمره
وكحله وباودر وعطر وصبغ اضافر
من كلشي قطعه وحده
يابه شكد جنت فرحانه بلمكياج والملابس
رغم المكياج من كلشي قطعه وحده
والملابس كلهن لو اربع لو خمس قطع
فرحانه بلملابس والمكياج اكثر من فرحتي بلذهب
رغم امي جابتلي ذهب ثكيل وحلو
بتوت اتلاثه وتراجي كبار وكلاده واصله البطني
وثكيله وحلقه
تحدد العرس بعد اسبوع واني ماشايفه العريس
ولا اعرف شكله
ولا متوقعه ابد هو نفسه الي اجا وراي بذاك اليوم
قبل العريس مايشوف العروسه اله يوم العرس
بس اذا كانت أقاربه وشايفها قبل الشغله تكون مختلفه
بس اني غريبه لا شفته ولاهو شافني
الحد يوم العرس
امي خلت الشعري حنه قبل العرس بيومين حتى يصير لونه حلوووو
قبل العروس لا تصبغ ولا تميش
تخلي حنه حتى شعرها يصير حلو
الفصل التالي اضغط هنا
يتبع.. (رواية عندما يغيب العقل) اضغط على اسم الرواية لتجد الفهرس كاملاً بجميع الفصول.