رواية بين قبضتهم وقلبه – الفصل الرابع
4
..
حڪيم:: اكو حل واحد يحل كلشي
ويستر علينا كلنا هم .
.بعد مرور فترة من الزمن.
ابوي ومحمد كعدو كعده عشائر وحلووو الموضوع وقررو، نوار يتزوج مسرة حتى تنحل الامور كلها ونسد حلوك الناس عنه
متمدده بصالة واتصفح بالتلفون
اجاني اتصال من حبيبتة لـنوار
ترددت اجاوبها بس، بعدين انكسر خاطري عليها عرفتها شتريد جاوبتها
ياقوتَ:: الو
ـ هلا يقو شلونج
ياقوتَ:: بخير وانت شلونج اخبارج
ـ مو زينه
ياقوتَ:: ليش
سمعتها تبجي وتناشغ
ياقوت::اوووف ياربي مردتي گلبي والله العظيم
ـ ليش ليش هيج اخوج وياي
هوا مو وعدني ميحب غيري بشر،معقوله خلف بوعده
ياقوتَ::حبيبتي صدگيني نوار مجبور
مجبور على كلشي مو بيده ابدا
وترا كلشي قسمة ونصيب هاي شوفينه اني ومحمد رغم هوا جان كلش متمسك
بيه بس الله جعل سـبب للفراگ
سدت الخط بوجهي بدون جواب
كسرت خاطري انوب هوا ذابح نفسه عليها وحابس روحه طول اليوم بالغرفة
ذبيت التلفون ورحت للحديقة الجو يخبل ريحة الورود بالحديقة تفتح النفس
تربعت بالكاع بنص الورد وكعدت اتأمل عطرهن اجه محمد
ويا اشهب
ـ تعاااي
رحتلهم شبيهم ذولي لزمت كلبي خفت منهم
محمد:: انتِ طالگ طالگ طالگ
بالثلاثه وانتَ اشهب شاهد على انو طلگتها
عافني ومشى
بقيت مصدومه افرح ابچي اهوس اكمز من الفرحة لو من كسران الضهر،
ياقوت:: اشهب شعجب اجه على باله يطلگني هسه اشهب:: يولي الثوله گاعدين هسه كعده بالديوان ويا ابوي يريدون حل لـ نوار ومسرة
ياقوت:: عليك الله
اشهب::والله العظيم
ياقوت:: وهسه شتبين شراح يسوون
اشهب:: قررو يزوجون مسرة ونورر حتى يسكتون الفضايح وحجي الاوادم عل بنيه
ياقوتَ:: خطيه مسرة اشافت من عمرها والله متستاهل
اشهب::والله مادري الله كريم ربج يحلها
يلا طبي جوا وسدي الباب الناس هنا تحوص يشوفوج
ياقوت::ماشي خويه اذا صار تطور بموضوعهم عليك الله بلغني
اشهب:: ان شاء الله
سديت الباب وطبيت للبيت
افكر بـ صخام حُـر هاي شسوه بـ أهلي و بالبنيه شدعي عليك حُـر بالثبره كووون
ادردم بداخلي واروح وارد بالصالة
اجت شيلااء شايله تلفوني
شيلاء:: اكو احد يدزلج مسجات مسج ورا مسج اشتعل تلفونج
غمزتلي بتك عين
ياقوت::انجبي لا اطخين تلفوني بعد
ووو وبعدين هذا اكيد محممد يغلط ويفشر شعنده غير هل سوالف
شيلاء:: اممم واضح
كلش تعشگيه هل محمد ذايبه ذايبه
باوعتها وطيرت حواجبي معصبه
ياقوت:: شبيججج شيلاء شبيجج اليسمعج يكول اختج يوميه ويا واحد عيب عليج
شيلاء:: على كيفج على كيفج هديي هدي
جنت اشاقه ام خشم شبيج گبيتي
ياقوت:: اشتعل من جوا من تكليلي واحد تحبي ويحبج ومدري شنو
ماكو حب حقيقي كله جذب بجذب
شيلاء:: ليش ماكو اكو هواي علاقاتهم ناجحة ياقوت::لا لا ماكو وانطيج ابسط مثال
علاقة نوار وحبيبته هل عافها وراح يتزوج
شيلاء::بس هوا جان صادق وياها وماكذب عليها ياقوت:: صح اني وياج بهل شي بسس طلع سبب وفرق بينهم، الحب دائماً مو كامل واذا كامل راح يدمر صاحبه
باوعتلي مصدومه وكالت،
شيلاء::والله انتي خبله شجاج هيه سالفه طلعت من حلكي يا چلمة ردي لـ مكانج .
عافتني ومشت فتحت تلفوني اشوفج منو مراسلني لكيته هوا مراسلني، كاتبلي
حُر::شمعتي اليوم لازم اشوفج
هيج روحي طاگه عليچ .
ياقوت::حُـر وجهك ما اريد اشوفه
حُر:: لكك هلا بالكبد مالي
ياقوت:: لككك شنو ماتحس شنو من بشر انتَ شسويت بأهلي گلبت حياتهم فوگ تحت
حُر:: وليدي لسانك طولان صاير سبع ومتخاف اتصلت عليه فتح الخط وبعد محاجي شي گتله
ياقوت::اشكككك بنص ونبيي لكك المصيبه كلشييي اعررررررف وشمسووووويي انتتتتتت بس شرييييددد اكول شريدددد فهمنييييي
حُر::عفيه لسان
ياقوت:: اووف حُـررررر انتتتت ابرررررددد من الجمررررر، متدري شديصير هناااااا
حُر::يااا شديصير وليدي
جاوبته بعصبية وصحت
ياقوت:: حُـرررررررر
حُر::روحه وگلبه وحتى اهله
ياقوت:: نعلا علا صفحة ابيك الكواد
سمعت بس ضحكته ميت ضحك
حُر::وليدي اليوم اذا ما تجين للبساتين مالت ابوج الكواد اشوفج، اكمز عليج من فوك السياج واطب لغرفتج افترسج بنص اهلج فاهمه .
ياقوت::غير يكعد الاسد ابو الفريسة،
حُر:: وشنو مو بعينج، هاي انت احلى وارق غزال صـدته
ياقوت::حُـر ماكدر
حُر:: شنو متكدرين .
ياقوت::ماكدر اشوفك
حُر::شني بويه بكيفج هيه،
صدك اكلج طلگج الكواد لو بعدج على ذمته
ياقوت:: طلگني
حُر:: اوووفف گلبي هسه ابرد من الثلج
نلتقي بالبستان جميلتي
سديت الخط بوجهه، دزلي مسج
حُر:: اصابعج اليسدن الخط بوجهي الا اكسره
مسحت المسجات بدون ما جاوبته وسديت التلفون وشمرته
صار الليل رحت نمت تقصدت ما اروحله للبستان لان ضوجني بتصرفاته البنيه شعليه
…
اني وشيلااء اشهب اخذنه للسوگ نشتري ملابس لـ عرس نوار ومسرة، ماكو شي عجبني بكل المحلات والمولات،
شيلاء:: ياااقوتتت فضينه عاد ترا تعبت
ياقوت:: ماكو شي يعجبني ولج،
شيلااء::هاي كل مره احلف بعد ماطلع وياج
ياقوت:: ههههههه ومن شوكت ياقوت تطلع للسوك يمه
هيه بالسنه حسنه، لا تخليني اطلع دفاتر وجروح قديمه
المقصد من كلامي اهلي دائماً يطلعوها هيه وخواتي المزوجات الا اني جنت محد يكلي شمحتاجه وشتردين البس اي شي عندي ومرات امي من تطلع اوصي وياها اي شي، يعني مو مهمه حياتي عندهم واني دا امشي بممرات المول لمحت فستان لفت انتباهي، قربت منه،
شيلاء:: ياالله راح تفرج
ياقوت::انجبي شو هذا عجبني
شيلاء:: بس خل يعجبج اي شي خلينا نروح رجليه ماتن
ياقوت::اصبري بشرفج خليني اقيسه
واني المس بقماشته وخامته تجنن لونه اسود وعلى شكل بينصل ومن جوا مثل السمكه وبي فتحات من يم الرجلين
ومن الصدر الدلعه على شكل مربع
ومابي ردن، متت بي بقيت اتأمله، واني اتأمله اجاني مسج ع الخط
حُـر “اكسرج اذا تلبسي”
ما جاوبته سديت التلفون وخليته بالجنطه، التفتت يمين يسار اريد اشوفه وين،رجع دزلي مسج ثاني
حُر:: لا تتلفتين شايفج ترا
رحت الصاحب المحل
ياقوت::بس عفوا غرفة التبديل وين
اشرلي ع مكان
طبيت لبسته انصدمت بروحي شهل جمال ياقوت انوب رايح اثار الضرب من جسمي لان
نوار ملتهي بمصيبته وعايفني الحمد لله ان شاء الله دوم يضل بالمصايب
. نزعته وطلعت گلت لـ صاحب المحل
ياقوت:: خليه الي رايدته
خلاه الي بعلاگه
ياقوت::شكد حسابه
ـ 90 الف بس الج بـ85
ياقوت:: شكراً ماقصرت وهاي 90 الف
ـ لا والله الج بـ85
ياقوت:: لا خويه انت على باب الله
بعدني ما طالعه من المحل
اجاني مسج ثاني من حُر
حُر:: اي اي طبعاً ينطيه الج بـ85 اذا انت لبستي يمه بغرفة التبديل
خل اشوفج الا اصگطج
ياقوت::دِيهم اعقل كافي
حُر:: الله شحلاته اسمي منج
ارجعي ع البيت گبل
ما جاوبته هم طفيت التلفون وخليته بالجنطه
وشيلاء تصيح والدنيا مشتعله، ياربي منين اتلكاها من شيلاء من دِيهم، واحنا نمشي طالعين للسياره اشهب ينتضرنه، شفت هيلز ( حذاء ) يجنن رحت باوعت للرقك مالته طلع قياسي 37
ياقوت:: شوشوو وربي متتت عليه اريدههههه،
شيلاء:: اللهم طولج ياروح عفيه عود بعدين امشي هم اجاني مسج،
فزيت على صوت المسج
خايفه فتحت التلفون لگيته كاتبلي
دِيهم::ياقوتتت ترجعين للبيت لو متعرفين شأسوي بيج هسه
طفيت التلفون
لا لا يمعود مو ناقصني فضايح اني رايحه عيني رايحه، طلعنه ورحنه للسياره اخذنه اشهب للبيت
اليوم العرس
وسوينا الحنه والعرس يوم واحد لأن كلش مستعجلين،خابرني اشهب
ـ انزلن انتضرجن برا بسياره
صعدت لغرفتي حضرت ملابسي
لگيت خواتي كلهن بالغرفة،واني اشد بشعري واريد البس عباتي گتلهن
ياقوت:: تحضرن راح نمشي للصالون يلا نلحك
سلطانة:: ويامن نروح
ياقوت::با ينتظرنه اشهب توه خابرني
انخبصن خبص وحده تكول اروح بوجهي المجولح والثانيه تكول اصبرن خلي احط شي بوجهي والثانيه تكللها لا تخلين كلشي حتى بشرتج تبقى نضيفة
عفتهن وطلعت
ورا 5 دقايق لحگني ورحنه، طبينه للصالون، اجت العامله يمي وكالت
ـ شلون تحبين يكون الميكب مالتج
ياقوت:: فستاني اسود وبي لون فضي بالصدر والهيلز فضي
ـ طلعي الفستان اشوفه
ياقوت:: هذا شوفي بداخل العلاكه شافته، وگالت
ـ ما شاء الله عيونج كبار وجفن عيونج واسع بالرسمه ماراح يتعبني
ياقوت::ياعمري شكراً حلات عيونج
بس اريد شعري مفتوح بس سوي ويفي من الاطراف وارفعي من الجوانب ليفوك،
ـ بعيوني
بلشت تشتغل بيه، وخواتي هم كلمن وحده لزمتها وگامت تلبخ بيها ، كملنه ميكب ورحت لبست الفستان، وكفت كدام المرايه،
لجج ياااقوته صايره تشگين، گالت
شيلاء:: اليوم انت تحسدين روحج، باعي شلون تتأملين جمالج عمت عينج ههههههه
ضحكن خواتي وياها
ياقوت:: انجبن احلى منج والله اليوم كلها تخطبني اساور:: هوا انت منو يتفل بوجهج
عروستنا مسرة
ويانه بنفس الصالون، بس فاصله ورايحه بعالم ثاني، شيلاء:: باعي باعي ياقوت مسرة خايفه اليوم
اي خطيه هههههههه اليوم هيه تعلم اخوي مو هوا يعلمها، هههههههههه
كملنه ميكبنه والعروس كملت خابرت اشهب حتى يجينه طلع منتضرته خطيه ضل يصيح وسدة
ورجعت اتصلت علي
ياقوت:: سيارة الزفه جاهزه .
اشهب:: لا بعد 5 دقايق تكون هنا
ياقوت:: مانطلع الا ناخذ العروس للسيارة
اشهب:: تمام هسه اخابرهم
خابرهم ورجعلي لبست عباتي والشال وطلعنه وصلناها للسياره وكلها تهلهل وتهوس، وسيارات الزفه ما الها حد مابقى احد ما اجه حتى الما نعرفه، صعدن خواتي بالسياره واني اخر وحده صعدت، اول ماصعدت اجاني مسج دِيهم كاتبلي
ـ لابسه عبايه عبالج ماشوفج شلابسه والله الا اكسرج بس توصلين البيت بدلي ملابسج الخزي
ياقوت:: اشهب صدك وينه نوار
اشهب:: يم الحلاق لحد هسه ماخلص
ياقوت:: شني وعروسته تبقى تنتظر
اشهب:: لا هسه يوصل البيت قبلنه
ياقوت:: اي ترا فضيحه الناس شتكول ميريدها جابري عليها
سلطانة:: اي والله
وصلنا البيت نزلت اني اول وحده بخواتي لان اني صايره من يم الباب، وهنه نزلن وراي باوعت للحديقه متروسه ناس ماعرفهم منين ومن يا عشائر، فوك ال350 شخص، طبيت للبيت بسرعه عيب من الناس، خواتي نزلن العروسه، وامي كامت تهلهل وتشمر عليها بالجكليت، انترس البيت هلاهل، وخالاتي وعماتي يهلهلن، واسمعهن يصلن ع رسول ﷺ دخلت للصالة مليانه نسوان
شيلاء:: ولج سلمي عليهن
ياقوت:: لججج وحده ثنتين حتى اسلم عليهن ماتشوفيهن جيش
صعدت للغرفة ذبيت عباتي والشال وگفت كدام المرايه صورت الاوتفت، ونزلته ستوري عل واتساب ونزلت للصاله، لگيت ريماس اخت دِيهم وامه، شهگت من الصدمه ورحت اركضلها وحضنتها،
ريماس:: ياحبيبي شهل جمال اسم الله عليج من عيون الحساد
ياقوت:: يعمري مو بحلاوتج،
رحت لـ امه سلمت عليها
ـ بنيتي اللهم صل على محمد وال محمد عين الباردة عليج
ياقوت:: حبيبتي خالتي
لشرتلهن بأيدي اكعدن اكعدن هسه اجيجن رحت للمطبخ خليت كلاصات ماي بالصينيه وكيك وعصير وجبت طاوله صغيره وخليتها كدامهن وجبت الصينيه مال الماي واجيت كعدت يمهن،
ياقوت:: اكلن امانه لا تستحن البيت مثل بيتجن والله
ابتسمتلي امه وكالت
ـ يابعد عيني يمه ماتقصرون والله
تقربتلي ريماس وهمست بأذني،
ريماس ::لجججج بنات كرايبج مو حلوات مثلج ليش ههههههه
ياقوت::والله مادري
يجوز انتاج امي يختلف هههههههه
رجعت شاورتها وكتلها
ياقوت::باعي هاي شلون تركص فحطتت ههههههه، ماعاد نكدر من الضحك، كرايبي كلهن يباوعن عليه شافن اشكالهن تختلف وغرب مو من عدنه استغربو من حبي الهن وكعدتي يمهن، اجت بنت عمي يمي وقربت حلكها على اذني وهمست بأذني،
ـ ياقوت ذني منو تعرفيهن انت
ياقوت::اي هاي صديقتي من ايام المدرسة وهاي امها
ريماس هاي بنت عمي سارة،
ريماس:: اهلا وسهلا
سارة:: اتشرفنا
نضرات سارة الهن كلها حقد وحسد، لان شافوني كاعده يمهن
ريماس:: واضح ميحبوج ليش
ياقوت:: اي ههههههه اشمئز من كرايبي والله لا يجمعني بيهم هههههه
ريماس:: ولج مثلييييي حتى دِيهم
يكرهم يمه يموتن عليه نسوان كرايبنه بس هو مارف گلبه بس عليج
دنگت راسي من الخجل
وبقينه كاعدين نسولف ونسولف، الحبايب كامن يركصن شبعن ركص، طفينه الديجي وتعشوو المعازيم وتعشينه،وزفينه العرسان وسوينالهم هوسه ودخلو ولد عمامي وخوالي زفووه للغرفه،الهوسة جانت
” اخونا خوش اخو يستاهل الهوسه،واخونا خوش اخو يستاهل الهوسه
يتــبع ….
الفصل التالي: اضغط هنا
يتبع.. (رواية بين قبضتهم وقلبه) اضغط على اسم الرواية لتجد الفهرس كاملاً بجميع الفصول.