رواية بنات المنشاوي الجزء الثاني – الفصل الثاني
بنات المنشاوي ج٢ الفصل الثاني
بقلم خلود وائل 🌻
تململت بنعومه صباحا في سريرها لتشعر بعدم وجوده قربها لتفتح زرقاوتيها ببطئ متثاقله هاتفه بأسمه بصوتها الأنثوي الرقيق :سيف.. بيبي
اجابها وهو يهندم من رباط عنقه بحنو:قلبه وعشقه
اعتدلت في جلستها وهي تطالعه بنظرات هائمه:مصحتنيش ليه ياروحي كدة تنزل الصبح من غير ماأشوفك
سيف:مينفعش طبعا ياملاكي بس انا خفت اصحيكي والموضوع يتطور واتأخر علي الشغل وبابا يكدرني قدام الشركه كلها …. يرضيكي حبيبك يتمسك عليه غلطه
آيه وهي تدنو منه وتمسك برباط عنقه مكمله ماكان يفعل:لا طبعا ميرضينيش ياكياني
سيف:ايه بس الطعامه والدلال دة كدة هتأخر علي الشغل بمزاجي
آيه وهي تساعدة في ارتداء جاكيت حلته بعدما انهت ربطه عنقه:انا بين ايديك وتحت امرك ياروحي ❤️ بس خاطر بابا صالح عندي غالي
قبل سيف جبينها براحه ثم هتف:ربنا يديمك نعمه ليا يايويتي
آيه:مقولتليش ايه رأيك في الموضوع ال اتكلمنا فيه امبارح
اقترب منها سيف وحاوطها بزراعيه من خصرها ليستنشق عطرها الذي يسلبه كيانه ثم غمز لها بعينه هاتفا:موضوع ايه بالظبط احنا اتكلمنا في مواضيع كتيرة اوي امبارح
حاوطته ايه من عنقه بكلتا يديها وامعنت النظر بحدقتي عينيه الزرقاوتين مكمله :يعني موضوع اني اشتغل
سيف بهدوء :انتي عارفه ان طلبك عندي أمر بس دي هتكون اول وأخر حاجه ارفضها ليكي
آيه بمحاوله عدم التذمر:ليه بس ياروحي انا عاوزة اشغل نفسي بدل ماانا هبقي قاعدة طول النهار في البيت
سيف:اققعدي مع ليان ساعديها في ترتيبات الفرح او اخرجو سوا اعملو شوبينج جهزي فستانك ال هتلبسيه في الفرح كلمي سالي ومي يجو يقعدو معاكي شويه في مليون حاجه تشغلي نفسك بيها يابنوتي
آيه:طب وبعد ماالفرح يخلص وليان تسافر مع طارق اققعد انا طول النهار لوحدي !
سيف:وانا روحت فين ياملاكي
آيه:انتي في قلبي وكياني بس اققصد يعني انك من الصبح لبليل في الشغل وطول النهار انا ببقي قاعدة في البيت ومفيش ورايا حاجه اعملها
سيف : انشاء الله ربنا يبعتلنا نونو صغنن يملي عليكي الدنيا وتنسي اسمك خالص
آيه:يوووة بقي ياسيف كل ردودك جاهزة كدة
ابتعد عنها سيف بتروي قائلا بهدوء:بصي ياآيه مبداء الشغل دة مرفوض تماما وياريت متطلبيهوش مني تاني مش علي اخر الزمن مرات سيف الحديدي تشتغل ولو عاوزة تسلي نفسك تقدري تباشري شغل ورثك من بباكي الله يرحمه من علي اللاب توب هنا او حتي تخصصي يومين كل شهر تروحي قصر العيله تشوفي الأوراق الخاصه بشغلهم بغض النظر عن أني هبقي رافض الموضوع دة وربنا يبارك في فارس مش مخليكي انتي ولا اخواتك شايلين هم حاجه بس عمتا هو دة الحل ال عندي
آيه:انا مهندسه ياسيف هفهم ايه انا في الزراعه والتجارة والكلام دة كله!
سيف بحنو:يبقي تركزي في جوزك وبيتك ياعشقي وصدقيني انا عاوزك فاضيه علي طول متفكريش في اي حاجه غيري ذي منا طول يومي مبفكرش غير اني اسعدك اذاي
آيه :طب علشان خاطري!
سيف بضيق:اكتر من كدة هتأخر بعد اذنك ياحبيبه قلبي
قبل جبينها سريعا وحمل حقيبته وبعض الأوراق ودلف لخارج الغرفه ثم هبط درجات السلم ليتوقف حيثما تجلس والدته فرح وليان ليلقي عليهم تحيه الصباح ويقبل يد والدته متجهها نحو ليان ليختلي بها في احدي الأركان
سيف:بقولك ايه يالينو
ليان:قول يسطا
سيف:بت خليكي بسكوته كدة ايه يسطا دي
ليان:ماشي ماشي قول عاوز ايه وساحبني وراك ذي الهبله كدة
سيف:صاحبتك متنشنه النهاردة وبتقول زهقانه عوزك متسبيهاش خالص اليومين دول خلينا نطلع منك بفايدة
ليان : ايه المعامله دي وهو مين اصلا كان سبب في جوازك منها ولا انت ذي القطط تاكل وتنكر
سيف:بقولك ايه مش وقته انا اصلا متأخر وابوكي هيعلقني اعملي ال قلتلك عليه عاوز اجي بليل الاقيها قمر منور ذي عادتها اشطا
ليان:اشطااات
سيف:يلا سلام
ليان:س س سلاااام
____________________
في قصر السلانتي…
ام سعد:يابني ياحبيبي نشفت ريقي عاد اديلنا في الموال دة كام سنه حرام عليك شبابك ال عتضيعو اكدة
سعد:قلتلك مليوون مرة تقفلي الحديت الماسخ دة مسمعاش كلامي ليه مخابرش
ام سعد:ياحبه عيني لو عشتلك النهاردة مهعشلكش بكرة وافق الله يخليك
سعد:ياخلق ارحموني قلتلكم لاة يعني لاة ولو حصل ووافقت مستحيل تكون نعمه لاة لا ممكن ابدا
ام سعد:مالها بس نعمه يابن بطني دي مهنا كان بت عمك بردو وعارفينها وتربيه ايدي وفوق دة كله عتحبك وتتمني تنول رضاك ياولدي خد ال عتحبك ومتاخدش ال عتحبها
سعد:نعمه دي ال كانت السبب في موت مرام وانا لايمكن هنسي
ام سعد:حرام عليك يا بني تظلم البنيه دي من ساعه ماابوك مشاها من القصر مخطتش عتبته تاني غير لما مرام ماتت
سعد بألم:لولاها مكانتش مرام غضبت ومشيت من اهنيه ورفضت انها ترچع تاني وحصل ال حصل
ام سعد:دي اعمار يبني حاشا لله
سعد:قلتلك لاة يعني لاة
ام سعد:واقول ايه لأبوك عاد دة كل شويه يسألني كلمتيه ولا لاة
سعد:قوليله سعد معيتچوزش تاني بعد مرام الله يرحمها هي ماتت ومات قلبي معاها بقيت من غير قلب كيف اتچوز من بعدها حسي بيا يما الله يخليكي
ام سعد ببكاء:ياولدي حرام عليك نفسك ال عتعذبها دي ربنا هيحاسبك عليها
سعد:ربنا ياخدني وارتاح بشوفتي لحبيبه قلبي وابني ال مات في بطنها
ام سعد:يامري ياااني يامري حرام عليك ياولدي ..اااه اااه قلبييي اااه
سعد بلهفه:اماااااه
سقطت ام سعد ارضا وهي تصرخ من شدة الألم بينما هرع ناحيتها سعد وحاول افاقتها ولكن دون فائدة ليمسك هاتفه ويجري اتصالا هاتفيا بأحد أطباء البلدة ثم يحمل والدته ويضعها علي السرير ومن ثم تمضي دقائق ثقال عاتب سعد نفسه علي مافعل وتسارعت دموعه في السقوط بينما حضر الطبيب ودلف للغرفه برفقه أهل البيت…. مضت فترة فحص فيها الطبيب والدته سعد ثم دون بعض الأدويه في روشته ثم ناولها لسعد وأشار له بالخروج برفقته وتبعهم والدة هارون
سعد بلهفه:امي مالها يادكتور
الطبيب:الحمد لله ربنا قدر ولطف الحاجه اتعرضت لذبحه صدريه خفيفه وعدت بسلام
سعد وهارون:الحمد لله
الطبيب:الأدويه دي لازم تاخدها حالا وبأنتظام وهبعتلها ممرضه من المستوصف تقعد معاها لحد ماصحتها تتحسن ولازم الراحه النفسيه والجسديه وممنوع منعا باتا الزعل او التوتر او اي شكل من اشكال الضغط النفسي ونقول الحمد لله انها جت علي قد كدة
سعد بحزن: نحمد ربنا ونشكر فضله
الطبيب:بعد اذنكم
هارون:انست وشرفت يادكتور
دلف الطبيب للخارج اما عن سعد فحسم أمرة بألم ومرار خوفا من فقدان والدته هي الأخري مثلما فقد مرام من قبلها ليفيق من شرودة علي صوت والدة
هارون:ايه ال حوصل ياولدي!!؟
سعد:كنا بنتحددت ووقت من طولها مرة واحدة
هارون:كنتو بتتحدتو في ايه عاد ال عمل فيها كدة
سعد:مفيش يبوي انا داخل اطمن علي امي
دلف سعد لوالدته وجلس بجوارها علي الفراش يقبل يداها ودموعه تتساقط علي خديه بينما أمر هارون الجميع بالخروج من الغرفه وتركهم بمفردهم
سعد ببكاء:حقك عليا يما بالله عليكي متزعلي مني الله يخليكي
ام سعد:انا زينه ياولدي اطمن
سعد بألم:انا موافق يما والله موافق وهتچوز نعمه بس اوعاكي تسبيني عاد كيف مرام
ام سعد بحزن:انساها ياولدي انساها علشان تعيش مرتاح
سعد بحرقه:راحت الراحه من بعدها يما وانكتب عليا الوجع والهم
ام سعد:حقك عليا ياضنايا
سعد:ربنا يخليكي ليا يما احب علي يدك خليكي چاري متسبينيش انا مليش غيرك
ارتمي سعد في احضان والدته باكيا وهي تربت علي ظهرة مواسيا أياه ……
____________________
في منزل عاصم مساءا كانت تجلس ورد برفقه ام عاصم وهناء كعادتهم في انتظار عودته من الخارج ويتجاذبون الأحاديث العامه…
ام عاصم:سمعتو ال حصل يابنات
هناء:اديني القاضيه في الحته الفاضيه
ورد:ايه ال حصل يماما
ام عاصم:البت تغريد اتطلقت
هناء:احسن تستاهل
ورد:ياستار يارب
ام عاصم:ومرات اخوها طردتها من البيت وحكمت محمد يختار مين فيهم والواد قليل الأصل اختار مراته وابنه ورمي اخته الله يرحمها امه لو كانت عايشه كانت وقفتله
هناء:سبحانك يادايم دة حق ناس بتخلصه ناس شفتي ياورد ربنا جابلك حقك منها اذاي!
ورد:اللهم لا شماته …. طب وهي قاعدة عند مين الوقتي يماما
ام عاصم:قاعدة عند اعمامها في بيت العيله مع ستها ام ابوها وسمعت انها بتدور علي شغل …. سبحان الله يابنتي ربنا مبيسبش حق حد ودي عينه من ال اسببت فيه ليكي انتي واخواتك
ورد:لا اله الا الله ربنا يهديلنا انفسنا ويكفينا شر تقلب الأحوال
كلتاهما:يارب
ارتفع صوت سيارة عاصم معلنا عن وصوله لتهرع ورد بسرعه كطفله تنتظر عودة ابيها من الخارج تنظر اليه من بلكونه المنزل وهو يهبط من سيارته ويحمل بين يديه أكياس عديدة بعدما صف السيارة ولكن سرعان ماتلاشت ابتسامتها عندما رأت تلك المدعوة هايدي تتجه نحوة وكأنها كانت واقفه بأنتظارة متعمدة أن تبدو مصادفه … أقبلت نحوة مرتديه بنطالا چينز مقطع يكشف عن ساقيها وتوب بلون برتقالي ضيق يبرز مفاتنها وأطلقت العنان لخصلات شعرها الغجري
هايدي:مساء الفل … ايه الصدف الحلوة دى
عاصم بحرج:اهلا ياآنسه هايدي
هايدي:آنسه ايه ياعاصم بس قول هايدي علي طول او خليها دودو أحلي وأخف
اسبل عاصم نظرة أرضا خجلا مما ترتديه محمحما:احم طب استأذنك ياآنسه هايدي
هايدي: بردو آنسه يابني احنا جيران فك كدة وبعدين خليني اساعدك واشيل معاك
عاصم:كتر خيرك بس مش هينفع
هايدي بمياعه:مش عاوز تعزمني علي حاجه اشربها في بيتكو ولا ايه …حتي يبقي عيش وملح
عاصم بحزم:مش هينفع ياآنسه هايدي وبعدين ياريت الصدفه السعيدة دي متتكررش تاني علشان ميصحش وانا راجل متجوز وعيب وقفتنا كدة في وسط الشارع
هايدي:ايه ياعاصم تشل أوت مش كدة خليك أوبن مايند شويه
نظر لها عاصم بأحتقار وحمل أغراضه واتجه نحو منزله بينما أحترقت ورد غيظا من تلك اللعينه التي تطارد زوجها كلما رأته وبداخل عقلها تدور الآف الروايات لتنفضها سريعا وتتجه نحو زوجها وتقابله بأبتسامتها المعتادة
هايدي لنفسها:اتقل براحتك ياعم الروش بس وديني مهحلك خلاص حطيتك في نفوخي وهجيبك بطريقتي
اما بالداخل …
عاصم:بطل العالم وحش الكون ساكنه في قلبي ياأجمل وردة
ورد بأبتسامه:قلب ورد والله اتأخرت ليه كدة
عاصم:معلش ياقلبي عما جبت كل الطلبات ال كتبتيها وبصراحه كدة وانا ماشي لمحت محل فيه شويه حجات من اياهم تهبل قلت لازم انزل اختار للقمر بتاعي خلينا نعوض السنه ال مقضينها أخوات من يوم ماالست منوله نورت حياتنا
ورد بكثوف:عيب ياصومي بقي
عاصم:حلاوته ياناس وهو مكثوف ياخلاثي عليه
هناء من خلفهم:انتو بتتودودو في ايه؟!
عاصم:لما تكبري هبقي اققولك
هناء:حجات كبار صح 😂
عاصم:بت
هناء:احم جبتليش شوكلاتااايه حلوة ذيك كدة ياصاصا منا بردو اختك من زمان
عاصم:بس بس هتشحتي ايه دة جبتلك شوكولاته وشيبسي بالملح والخل ال بتحبيه مش عارف بتكليه اذاي والله عيله ناشفه
هناء بفرحه:اسيبك انت مع الطريه يحبيبي هييييه شيبسي
بدأت هناء في افراغ محتويات الأكياس لتقع بيديها علي الحقيبه البلاستيكيه الخاص بورد
هناء:أيه الكيس ال مليان علب دة ياصوما
اتجهه نحوها عاصم سريعا وانتزع الحقيبه البلاستيكيه من يديها هاتفا:هاتي دة كدة
هناء:ايه دة !
ورد:متقولها ايه دة ياصوما
عاصم:وانتي مالك يارخمه دي حجات جايبها ليا
ورد : اممممم 😂😂😂😂
هناء :بقي كدة في شغل في الخوبايه علي العموم ال ياكل لوحدة يزور
عاصم:انبري انتي فيها وهتبقي فله
هناء’بقولك يا عصوم
عاصم:لا
هناء:والنبي والنبي علشان خاطري
عاصم: قلت لا يعني لا متكتريش معايا في الكلام
ام عاصم:مش اما تسمع يابني هي عاوزة ايه الأول
عاصم:عاوزة تروح عند شيماء صاحبتها
ام عاصم:متسيبها تروح ياحبيبي ماطول عمرها بتروحلها من ايام مكانت في بيت ابوها قبل ماتتجوز ايه الجديد
عاصم بضيق:الجديد ان بيت جوز شيماء جمب بيت الغتت ال اسمه زياد وانا مش عاوزة يشوف هناء ولا اي حد مننا
ام عاصم:يابني وهو الجدع كان عملك ايه مزعلك منه كدة
قهقهت ورد ولكنها سحبت ابتسامتها سريعا عندما نظر لها عاصم بحدة لتهتف هناء:علم عليه ياماما وعاصم زعلان من يوميها
عاصم:فشرتي دة انا قطعته وكان هيموت في أيدي
هناء:حصل … يبقي انا دخلي ايه بقي في حوارتكو دي انا عاوزة أشوف صاحبتي والا والله معت هسهرلك ببنتك تاني واسيبكو تتعاملو انتو بقي
عاصم:انتي هتهدديني يعني سبيها ياحلوة ولا يهمني
همست ورد:طب والكيس دة اعمل فيه ايه؟!
عاصم:يووووة بقي انا داخل انام
_____________________
عاد سيف للفيلا مساءا بعد يوم طويل ملئ بالتعب يتلهف لرؤيتها لتنسيه مامر به طوال يومه خاصه وانها لم تتصل به طوال اليوم مما أثار غضبه ولكنه حاول التغاضي عن عنادها ومحاوله احتوائها واتجهه نحو غرفته بعدما القي التحيه علي اهل بيته ودلف لغرفته يبحث عنها بعينيه الي ان تسمر بزرقاوتيه نحوها ولما ترتدي
خطت نحوة برقه وطوقت رقبته بذراعيها هامسه:وحشتني
سيف :انتي اكتر …ايه الدلال دة
آيه :حسيت اني ذودتها معاك الصبح حقك عليا
سيف:غيري هدومك بسرعه عما اخد دوش
آيه بتعجب:دة مش عاجبك!
سيف:انتي كلك علي بعضك عجباني وملخبطه كياني مبعرفش اشوف حاجه تانيه غيرك
آيه بفرحه داخليه من أثر غزله بها:طب ايه عاوزني اغير ليه؟
سيف: بقالنا كتير اوي مخرجناش سوا محتاج اتمشي معاكي ذي زمان ونتعشي برة علشان بصراحه ميت من الجوع ومراتي حبيبتي مجهزتليش عشا ولازم اعاقبها علي عملتها دي
آيه بدلال:مراتك مجهزالك العشا وعلي ضي الشموع كمان تعالي شوف بنفسك وبعدها قرر هتعاقبني اذاي
امسكت بكف يده ولفت برفقته لداخل الغرفه لتلمع عيناه مما أعدت له فقد جهزت طاوله معدة بأشهي الطعام بجوار التراس وزينتها بالشموع الحمراء كما أعدت له الكنافه بالمانجا وهو صنف الحلويات المفضل بالنسبه له ….. ارتسمت علي وجهه ابتسامته الساحرة التي تتزين بغمازتين في نهايتهما ليحتضن محبوبته من الخلف ويطبع قبله حانيه علي وجنتها ملقيا بأذنها الكلمات العذبه التي تعبر عن سعادته وامتنانه…..♥️♥️♥️
_______________
بالأعلي في غرفه عاصم وورد كانت ورد تحمل صغيرتها تجوب بها الغرفه محاوله اسكاتها
ورد:الله يسامحك كانت نؤة بتاخدها ساعتين عما بنام شويه
عاصم:اعملها ايه يعني مهي ال بت غتته
ورد:اتمني تكون مبسوط الوقتي 🙈
عاصم:اوف بقي دي اكيد عين البت بتاعه المحل ال اشتريت منها اللانچيري منها لله لا وعماله تقولي يابخت مراتك بيك نينينيييي
رفعت ورد حاجبها :نعم!! وايه تاني ياسي عاصم قول وسمعني ياحبيبي
عاصم: والله مافي حاجه اكتر من الكلمتين دول
تذكرت ورد تلك اللعينه واحترقت اعصابها ولكنها فضلت عدم أعطائها اهميه امام زوجها وأثرت السكوت لتنعم بالراحه في بيتهما
ورد:علشان خاطري ياعاصم وافق وخلي نؤة تروح تزور صاحبتها انا تعبت والله ونفسي انام شويه
عاصم:لا يعني لا
ورد:طب حتي عشان اشوف جبتلي ايه حلو ونتفرج سوا
عاصم:متدخلليش من ثغراتي بقي الله يخليكي
ورد:صاصا…. عصوماااا
عاصم:قلت لا ياورد
ورد:يابني هي مالها ومال زياد بس وبعدين انت ايه ال اوحالك انها هتصادف وتشوفه
عاصم:انتي مشوفيش الواد السمج دة كان بيبصلها اذاي يوم فرح دعاء
ورد:ياحبيبي دعاء متجوزة بقالها سنه وشويه حرام عليك ومن يوميها وانت محرم هناء تروح لصاحبتها
عاصم:بردو دي اختي وانا لازم احافظ عليها
ورد:طب خليها تقابلها في اي حته غير بيتها
أعجب عاصم بفكرتها واكمل قائلا: فكرة بردو قولها تخلي شيماء تجيلها هنا او تقابلها في اي كافيه
ورد:حبيبي ياصومي يلا خد نولا ونزلها لنؤة زمانها قاعدة زعلانه انها مش هتسهر معاها النهاردة
حمل عاصم ابنته بين يديه وهم بالخروج من الغرفه قائلا:اوعي تنامي هاا جايلك قوااام
________________
زعلانه جدا من التفاعل 💔😭
الفصل التالي: اضغط هنا
يتبع.. (رواية بنات المنشاوي الجزء الثاني) اضغط على اسم الرواية لتجد الفهرس كاملاً بجميع الفصول.