رواية بنات المنشاوي الجزء الثالث – الفصل الخامس
بارت ٥
بقلم خلود وائل 🌻
فارس بغضب : لاة يعني لاه شاور علي اي واحدة خلقها ربنا وأني اچوزهالك انما دي لاه
ريان بحزن وعدم فهم :ليه يبوي ليه فهمني بالله عليك أنتو بعمركم مشفتوها ولا تعرفو عنيها حاچه عاوزين تكسرو بخاطري ليه مش كنتو بتتمنو تچوزوني
دعاء برجاء:أحب علي يدك ياولدي قفل علي الحديت دة عاد
ريان بفؤاد منفطر :مش قبل مااعرف مداريين ايه عليا يما
فارس بلهجه حادة : هندارو ايه يامخبل انت قتلنا قتيل ولا إيه .. نهايته البت دي تنساها ومن اول السبوع الچاي هتيچي معاي والچذمه فوق رقبتك ونروح نخطب فضه بت جابر اللاوندي فاهم
ريان بجنون حاول كبته :لاه يبوي مش فاهم ولأول مرة بحياتي بعارضك انت وأمي ويعز عليا أردلكم طلب بس قلبي مش هدوس عليه وأعيش العمر كله موچوع عن إذنكم
القي كلماته الاخيرة وهم بمغادرة المكتب وسط استياء دعاء وحزن فارس ليصتدم بأخيه زين الذي يهرول ناحيه المكتب وخلفه نغم
زين : وة مالك يخوي واخد في وشك ورايح علي فين اكدة
لم يهتم ريان لحديثه وغادر سريعا تاركا القصر بأكمله اما بداخل المكتب فجلست دعاء علي اقرب مقعد تبكي بقهرة بينما تتملك الصدمه من فارس الذي جلس علي الكرسي الجانبي الخاص بمكتبه مطأطي رأسه ومستندا علي ساعديه ليدلف زين ونغم للغرفه بحيرة وعدم فهم
زين وهو يقترب من والدته بقلق:مالك يما عتبكي ليه اكدة
نغم بخوف: مالكم كلكم اكدة خبر ايه عاد !
نظرت دعاء بعيناها الحمراوتين لأبنها : شوف اخوك يازين ومتهملهوش لحاله
زين بقلق :حاضر يما
نهض من جوارها وتبع اثر اخيه بينما جلست نغم بجوار والدتها بقلق بالغ
نغم :حوصل ايه يما
دعاء ببكاء:محصلش حاجه قومي روحي شوفي حالك
تركتها نغم واتجهت نحو فارس :خبر ايه يبوي امي عتبكي ليه وريان همل القصر وحاله ميطمنشي بالله عليك تچولي ايه ال حوصل
ازاح فارس يديه ورفع راسه بوهن وهتف :روحي اقعدي مع ستك وهملينا دلوك يا نغم
نغم : ممشياش يبوي غير لما افهم صابكم ايه
فارس بحزم :اعملي ال جولتلك عليه
نغم :حاضر يبوي
غادرت نغم المكتب بينما وقف فارس واتجه نحو دعاء متثاقلا وجلس علي مقربه منها
فارس:بكفايه بكا يادعاء
دعاء بشهقات منقطعه: شفت حال ريان يافارس
فارس: يعني دونا عن بنات البلد بحالها رايح يحب بت سعد حكمتك يارب !
دعاء: نادي ريان وطيب خاطرة الله يخليك
فارس بجديه: اعقلي الكلام قبل ماتتحددتي يادعاء
دعاء بحرقه : يعني ايه !
فارس:يعني تفهمي ولدك انه ينسي البت دى ويچهز حاله السبوع الچاي علي خطوبته من فضه فاهمه
نظرت له دعاء بتعجب وهتفت: عتحرمه من ال اختارها قلبه يافارس وعشان ايه عاد دة ماضي وراح لحاله وأشحال مكنت انت بنفسك مچرب الحب وعمايله ولا بودك توچع قلب الواد
فارس :اتچنيتي اياك ولا ايه أني أوچع قلب ولدي ولا أنتي ال الموضوع چاي علي هواكي
جحظت عيني دعاء ورمقته بجمود ونهضت سريعا متجهة نحو جناحها صافعه الباب خلفها ليسمعه فارس بالأسفل وهو يلوم نفسه علي حماقته
_________________________
علي الهاتف ….
هايا :وانتي كمان وحشتيني يا رورو والله
ريم : طب ايه بقي متيجي نخرج نغير جو دي الاجازة ياطولها
هايا : يامفتريه داأحنا مخلصين امتحنات مبقالناش شهر
ريم : طب كلمي البنات بس وتعالو البيت عندي اقنعو عمكو ابراهيم يخليني اخرج معاكو الله يخليكي ياهايا انا مخنوقه اوي من قعدة البيت
هايا :طب خلاص ياستي متزعليش هكلم ريتاچ و داليا ونجيلك جهزي نفسك انتي
ريم :حبيبتي يا هيوش والله
بعد فترة فعلت الفتيات كما اخبرتهم ريم وبالفعل وافق والدها علي الخروج برفقه أصدقائها وبعد فترة من التسوق جلسو جميعا في أحدي المطاعم
ريتاچ :الاكل هنا حلو اوي يابنات
داليا : البرجر خطير
هايا : لا الميكس دة وهم بصراحه
ريم : كل الاكل جميل بس الاسعار غاليه اوي انتي جيبانا هنا ليه بس ياهايا دى اماكن نخرج فيها حرام عليكي مصروف الشهر طار
هايا بتعجب :يابنتي حد طلب منك تدفعي انا عزماكم ياستي
ريم :لا لا لايمكن كل مرة بتعزمينا وبتدفعي مبلغ وقدرة المرة دى بالذات لا الفاتورة هتتقسم علينا ذي ايام الدراسه
ريتاچ :ياريم متعمليش فرق ياحبيبتي هايا تعزمنا مرة وانتي مرة وكل واحدة فينا مرة شغل ايام الدراسه دة بنكون مفحوتين التزامات اما الوقتي بنتفسح ثم اكملت بمرح ..وبعدين ياستي منا لسه عزماكم علي مدلعه واحنا في المول متحمقتيش اوي ليه كدة علي الحساب ولا الناس مقامات ياستي
ريم :ايوة طبعا هايا دي حبيبتي تؤامي وانتو عارفين كدة كويس
داليا :امممم دي تفرقه عنصريه يافندم وانا لا اققبل بها
ريم : يختي اتلهي وشوفي هتتجوزي امتي خلينا نفرح فيكي بقي ونرتاح منك
داليا :بقي كدة طب اياكي المحك في الفرح
ريتاچ: هتمرجحك ياريم وهتبقي مسخرة وانتي بتتمرجحي بالفستان
قهقهت الفتيات جميعا بينما قاطعهم الويتر وهو يحمل الطبق الموجود به فاتورة الغذاء لتمسك به هايا وتخرج النقود من حقيبتها وتدفع بينما تصنعت ريم الحزن
هايا :يابت انتي وقعتي علي نفوخك وانتي صغيرة ولا شكلك هو ال كدة ولا نظامك ايه ؟
ريم : بردو دفعتي
ريتاج : متكبريش الموضوع يا ريم عادي يابنتي
ريم بأذعان :لا طبعا انا مش هقبل غرامتها بالشكل دة واصلا لولا صرفت كل الفلوس ال معايا كنت دفعت انا
نظرت الفتيات لبعضهم بحيرة من موقف ريم المتشدد بينما اخرجت من حقيبتها كراسه وقلم وأخذت تدون بعض الجمل وسط دهشه الفتيات مما تفعل
داليا :بتعملي ايه يامجنونه انتي
ريم :اسكتي الوقتي
انهت كتابتها ووضعت القلم بيد هايا ووضعت الكراسه امامها قائله: امضي ياهايا
نظرت هايا بتعجب للورقه وقرات مادنته ريم بصوت مرتفع : اتعهد انا ريم ابراهيم البدوي بسداد مبلغ وقيمته ٣٠٠ جنيه لصديقتي وحبيبتي هايا سيف الحديدي وذلك مقابل الغداء الذي تناولها سويا برفقه ريتاچ وداليا في يوم …… وأخر موعد للسداد يوم …..
داليا :دة جنان رسمي
ريم :مالكوش دعوة امضي ياهايا تحت خالص في اخر الصفحه
هايا بعدم فهم :ايه الهبل ده ياريم تعهد ايه وبتاع ايه بلاش جنان
ريم باصرار عجيب : امضي ياهايا والا قسما بالله مهعرفك تاني
هايا :انتي هبله يابت انتي والله ماواخدة منك جنيه احنا اخوات ياعبيطه انتي
ريتاچ : بلاش شغل عيال ياريم عادي يابنتي احنا اصحاب بقالنا سنين طويله متعمليش حذاذيه مابينا
ريم بتجاهل لحديثهم : امضي ياهايا
هايا بملل : طيب ياستي ادي امضتي لو دى ال هتريحك
ريم : اسمك رباعي لو سمحتي
قهقهت هايا قائله : مش عوزاني ابصم بالمرة
ريم وهي تخرج علبه البصم من حقيبتها : ايون طبعا هتبصمي وانا هبصم كمان هاتي صباعك كدة
امسكت ريم بأصبع هايا و ارغمتها علي وضع بصمتها
هايا : ايه ياشيخه ايه يا شيخه دة انا لو بتجوز مش هيعملو فيا كدة دة انتي لاسعه خالص
داليا : البت هبت منها خالص ماشيه بالبصمه كمان
ريتاچ : ربنا يسترها علي ال هيجوزها هتقسم السرير هي يوم علي الطرف وهو يوم
قهقه الجميع بينما هتفت ريم : اتريقو براحتكو انا كدة ارتاحت
داليا : هبله وربنا
_________________________________
انهت فيروز ارتداء ملابسها المكونه من چيب بالسيه بلون بينك وبلوزة منفوشه الاكمام بلون ابيض وحذاء وحقيبه متماثلين وحجاب بلون الچيب وغادرت منزلها بعدما استأذنت والدتها واخذت تاكسي و ابتاعت باقه من الورود و تورته تحمل صورة عز ومنال كانت قد اوصت بها مسبقا واتجهت نحو منزلهم ثم طرقت الباب ⚡⚡ واستقبلها عز بحفاوة
عز : اهلا وسهلا دكتورة فيروز بذات نفسها عندنا ياألف خطوة عزيزة
فيروز : اذيك ياعز عامل ايه
عز : انا بخير والله نحمد الله على كل حال أذي بباكي ومامتك
فيروز : بيسلمو عليكم كتير
عز : مجوش معاكي ليه
فيروز : لا انا ال سقت الرخامه وجيت ابارك ليكم قبل مااسافر بكرة
عز : لا ولا رخامه ولا حاجه انتي تنورينا في اي وقت طبعا دة بيت اخواتك يعني بيتك
فيروز : تسلم ياعز … امال فين منال
عز : جوة ثواني هناديلها
دلف عز لداخل الغرفه بينما نظرت له منال وهي تكتم الضحكات ليتجه هو نحوها بغيظ قائلا : بتضحكي انتي علي ايه الوقتي
منال : انت اكبر بكاش في الكوكب
عز : انا !
منال : ايوة انت مش من شويه كنت بتشتم ال بيرن جرس الباب وفجاه بقت فيروز خطوتها عزيزة
عز : طب اعمل ايه ياربي كل ما اجي اققعد معاكي حد يرن الباب مكنا مرتاحين واحنا مسافرين مش كفايه ابوكي ال مصحيني يوم صباحيتي من النجمه وعمايله فيا وانا خاطبك حرام عليكو ياناس حسو بيا بقي دة انا عريس جديد
منال بأبتسامه : معلش يا زوز بقي استحمل حبه
عز : لا انا جتلي فكرة احنا نعزل من الشقه دى من غير ماحد يعرف
منال وهي تضع ذراعيها في خصرها: ياسلام
عز: احلي سلامات بسمعها منك تعالي كدة انا اققولك كلمه سر
بالخارج ارتفعت طرقات الباب ⚡⚡ مرة واخري سريعا لتتجه فيروز وتفتح الباب وما كان الطارق سوي يونس يحمل بين يديه باقه ورد وعلبه شيكولاته فاخرة
فيروز بأدب : نعم
يونس : مش دي شقه الاستاذ عز فريد
فيروز : ايوة هي مين حضرتك ؟
يونس : طب ادخل طيب ولا هفضل متزنب كدة علي الباب
فيروز بأحراج : اتفضل
دلفو سويا وجلست برفقته في الصالون وانضم لهم عز مرحبا بيونس
عز : يادي النور والله يا ونوس دى الشقه نورت فولتين زيادة
يونس : يلا يابكاش .. امال فين منال
فيروز بمرح : شكلك كدة مخبيها ياعز ومش عايز حد يشوفها
عز : ان جيتي للحق ايوة بالظبط كدة
يونس : يعني كدة بنتطرد بالذوق
عز وهو يرفع يديه بمرح : لا ياعم مش قصدي والله انا اققصد ان منال دى حته من قلبي لو اطول اخبيها من الدنيا كلها هعمل كدة
فيروز : ربنا يخليكو لبعض
يونس وعز : آمين
عز : انا هجبها واجي البيت بيتكو ثواني وجي علي طول
يونس : هي تايهه وهتجيبها ولا ايه دي منال يابني
عز : ياعم اديني فرصتي اعيش جو العريس الجديد ال بيقابل الضيوف ويجهز الجاتوة في المطبخ مع العروسه
يونس بضحكه رجوليه : الله يسعدكو ياسيدي
غاب عز لبرهه بينما فيروز تفرك اصابعها خجلا مما لفت انتباه يونس ليحمحم قائلا
يونس : احم .. هو انا شفت حضرتك قبل كدة ؟
فيروز بتوتر : انا بردو حاسه أني شفتك قبل كدة
يونس : انتي قريبه عز ولا منال
فيروز وهي توزع نظرها في المكان متجنبه النظر لعينيه : انا بنت عمه منال
يونس : وانا ابن خالتها …. ممكن شفنا بعض في الفرح !
فيروز وهي تهز اكتافها بحيرة : ممكن
عم الصمت لبرهه بينما أخذت تعد الارقام بترتيبها الابجدي في سرها بينما ألتفت يونس لها هاتفا بفضول : حضرتك بتقولي حاجه!
فيروز بتوتر : ها.. لا لا
هز يونس رأسه بتفهم بينما تملك منها التوتر الشديد وأخذت تفرك اصابعها بعنف وتتنفس بأنتظام وأصوات تنفسها شبه مسموعه
يونس بقلق : انتي كويسه ياآنسه فيروز ؟
فيروز بتلعثم : ااا .. ايوة كويسه كويسه
يونس : متأكدة
فيروز : ايوة ايوة متأكدة متأكدة
يونس : مصدقك والله أنتي مش متضرة تكرري الكلام علشان اتأكد
فيروز بأختناق : ماشي ماشي
نظر لها يونس بتعجب بينما اصبحت شبه مختنقه فحملت حقيبتها وهمت بالانصراف ليستوقفها يونس بكلماته : رايحه فين
فيروز بأعين تلمع بالدموع : مروحه وسلملي علي منال
دلفت منال برفقه عز للريسبشن وهم يحملون سويا اطباق الجاتوة والمرطبات ليهتف عز : فيروز استني
التفتت فيروز وجسدها يرتعش لتتنتبه لها منال وتضع الصينيه جانبا هاتفه.: اذيك يايونس
يونس : بخير يانونا الف مبروك
منال وهي تتجه نحو فيروز : الله يبارك فيك ياحبيبي عقبالك
توقفت منال بالقرب من فيروز وامسكت بكلتا يديها بحنان وهمست : تعالي معايا يافيروز
نظرت لها فيروز بتوتر شديد بينما حاوطتها منال وهي تربت علي ظهرها وجلست بجوارها بينما يتابعها يونس بتعجب شديد من حالها
عز : تاعبين نفسكو والله يجماعه وجايبين ورد انتو الاتنين
منال : انن هتنهب ولا ايه والشيكولاته والكيك القمر دة نسيته
عز : يابنتي سبيني اشكر الناس واحدة واحدة
يونس : تشكرنا علي ايه احنا اهل وبتهيقلي أني طولت عليكو وانتو لسه راجعين من السفر هسيبكو ترتاحو بقي واستأذن انا
منال : تستأذن ايه ياعم انت اققعد نتغدي سوا
يونس وهو ينهض من مجلسه : لا معلش خليها وقت تاني انا بجد مش فاضي النهاردة يومي مزحوم جامد
عز : يابني راجع نفسك هنتغدي ورقه لحمه النهاردة
ابتسم يونس : معلش الجيات كتير انشاء الله
فيروز بتوتر يتملك كيانها : انا هستأذن انا كمان يامنال
منال : ايه يابنتي محدش هيقعد معانا ولا ايه
عز بمرح : يابنتي سبيها علي راحتها ولا خايفه تقعدي معايا لوحدك
يونس : شكلك كدة مش مريحني ياعزوز
عز : بنت خالتك جايه عليا بشكل يايونس
منال وهي تعقد حاجبيها: بتقول حاجه ياحبيبي !
عز : بقول انك مهنياني ياروح قلبي متتكل انت يلا يايونس وخد فيروز وصلها في سكتك بالمرة
فيروز : لا لا انا هاخد تاكسي
منال : تاكسي ايه انتي شكلك تعبانه خالص يونس هيوصلك
فيروز بوهن : لا معلش يامنال علشان خاطري
عز : يابنتي مفيهاش حاجه اسمعي الكلام الله يهديكي
فيروز : لا مهو ___
يونس مقاطعا برزانه : علي فكرة انا اعرف اونكل زياد كويس ومتخافيش مني انا مش بعض انا مسالم
فيروز بخجل : ربنا يخليك بس مش هينفع اصلا معلش
عز : اسمعي الكلام يافيروز انتي شكلك مرهقه بجد
فيروز بتأتأه : يجماعه انا .. انا…انا ككك.كويسه ووو والله
تعجب يونس لحالها كثيرا وذاد استغرابه لرؤيته اعتياديه عز ومنال في التعامل مع تلك الفيروز بحالها الذي بدي غريبا بالنسبه له وفي النهايه كانت تجلس بجوارة في سيارته بعد اصرار شديد من ثلاثتهم
يونس بعد فترة من الصمت قرر كسرها : احم .. حضرتك كويسه دلوقتي
فيروز : ها .. اه كووو يسه
رمقها بنظرة جانبيه تحمل الفضول لتبدل حالها ثم اكمل : لو حاسه انك تعبانه ممكن نعدي علي اي مستشفي مفيش مشكله
فيروز بهدوء ومحاوله استعادة توازنها : لو سمحت روحني وبس وشكرا لعطفك بس انا كويسه جدا
نظر لها بغيظ لفظاظتها ثم أكمل طريقه بصمت تام قطعه مرة أخري وهو يتسأل عن عنوانها
يونس بحنق : حضرتك ساكنه فين
فيروز بأقتضاب : *****
بعد دقائق توقف بسيارته أمام منزلها بينما هبطت منها سريعا وصفعت الباب خلفها ثم هرولت للداخل بلمح البصر بينما تبع هو أثرها بمقلتيه ويتملكه حاله من الاندهاش الشديد ليهتف بغيظ : مجنونه دي ولا ايه !
ثم ادار مقود سيارته وانطلق لوجهته وحالتها المتوترة وهيئتها الخجوله المرهقه لا تفارق زاكرته
__________________________
علي مفترق الأراضي الزراعية وسط النباتات الخضراء والسماء الصافيه وعلي مقربه من ترعه صغيرة كان يجلس ريان وهو يحمل بداخل صدرة جليل الحزن والهم بينما تسلل أخيه زين بهدوء وجلس بجواره
زين : ال واخد عقلك يتهني بيه ياخوي
ريان بحزن : ال واخداه بعمرها مهتكون ليه
زين : وة وة ريان ولد فارس المنشاوي باينه عاشق ولا ايه
ريان بأسي : ايوة عشق أديله كام سنه وبيدعي لربه كل صلاه تكون من نصيبه
زين : وايه المانع يحبيب اخوك
ريان وقد استفاق من حاله الحزن التي تخيم عليه : وة عتصاحبني ولا ايه چوم فز من اهنيه
زين : مالك ياريان داخل فيا شمال كيف الوبور الجاز اكدة مكنت منيح دلوك
نهض ريان من مكانه وامسك بطرف عبائته : سيبهالك وماشي اققعد براسك متهني
نهض زين سريعا وامسك بمعصم اخيه يمنعه الرحيل قائلا : طول بالك عاد الكلام اخد وعطا مش اكدة بچي أني چاي وراك چري من القصر لحد اهنيه وانت تهملني وتمشي جرا ايه يخوي مالك اكدة انت وابوك وامك حالكم متشندل ليه
ريان بأختناق : هملني لحالي وحيات الغوالي عليك أني ضايقه بيا الدنيا كلياتها
زين بحنو : ولما أني اهملك مين يبكي علي حالك ويعتل همك هونها علي نفسك يخوي وأشكيلي حالك
رمقه ريان قليلا بحيرة ثم جلس مرة أخري وتبعه اخيه ثم اتجه كلاهما بناظريهم نحو المياه الچاريه بينما تنهد ريان بتعب واردف : اديلي اربع سنين عاشجها ومستمني اليوم ال اشوفها فيه وممضيعش فرصه الا ولازمن افرح قلبي بشوفتها و اسمه صوتها
زين بأهتمام : مين دى يخوي
ريان: ابرار
حك زين مؤخرة راسه قليلا ثم هتف : ابرار ال في بالي ولا حد تاني!
ريان : هي ال ببالك
زين وقد ارتسمت الفرحه علي تقاسيم وجهه : ياالف نهار ابيض الشهادة لله ابرار زينه البنات أدب وأخلاق وشطارة مفيش بعد اكدة
ريان : روح چول لأبوك وامك اكدة
زين بتعجب : وة وهما ابوك وامك مالهم بالحديت دة انت چولتلهم أنك رايدها ؟
ريان وهو يتذكر ملامح وجه ابيه عندما اخبرة : وياريتني ما چولت ولا طلعت الحديت من قلبي
زين : ولا تزعل حالك اني هكلم ابوي وافهمه ان ابرار دي متتسابش واصل هو هيلاقي مين احسن مني يسأله عنيها ! دي زميلتي من الثانويه
ريان : متتعبش حالك ابوك وامك وراهم سر واعر داسينه عني ولازمن اعرفه وياأتچوز ابرار حب عمري يا أعيش العمر كله مكوي بنارها
_______________
هااااي ياحلوين 🙈💙 عارفه ان لحد دلوقتي مفيش احداث وشد اعصاب واللذي منه بس واحدة واحدة بنرسم الخيوط ال هتتبني عليها الاحداث الجايه 😻 ♥️ ومن اول البارت الجاي هناخد تحركات حلوة ويارب يارب الجزء دة يكون عاجبكم 🥰💘 وللناس ال بعتالي وزعلانه أني بعمل دراما بتوجع قلبكم حقيقي بعتذر والله 😭💓 بس مبحبش اكون تقليديه لازم تشويق علي اكشن كدة يعني حبه البهارات ال بتحلي الروايه وإنشاء الله هيكون بارت قمر ومش هزعل حد من عنيا حاضر 🎉🔥 يلا الڤوت القمر ⭐⭐ والكومنت بالتوقعات .. فيروز مالها و حمزة هيعمل ايه والبت ريم دى سلكان ولا ايه الدنيا 🤷🏻♀️🌑💙💙💙💙💙💙💙💙
الفصل التالي: اضغط هنا
يتبع.. (رواية بنات المنشاوي الجزء الثالث) اضغط على اسم الرواية لتجد الفهرس كاملاً بجميع الفصول.