رواية صرخة في الظلام – الفصل السابع عشر
يمّه گلبچ چان حضن واليوم بردان
أصيح باسمچ، بس الصدى ما بيه حنان
عاتبچ مو لأنچ رحتي، العتب عالعمر
من راح وياچ وصار الدمع عنوان
~~~~~~~~~~~~~~~
إيهاب:چنا اني وريناد طالعين
ومن رجعنه، أول ما وصلنه راس
الفرع شفت الجيران متجمعين
عالبابزلم ونسوان والله كلبي
تغزني حسيت صاير شي كلهم
بالباب واكفين ويباوعون
كلبي عصرني ما أدري ليش
دست بانزين. بسرعه فتحت
باب السيارةنزلت أركض مثل
المجنون
أول ما وصلت للباب سمعت
صوت أم علي تبچي وتنوح،
لكتني عل عتبت الباب من شافتني
بجت بصوت رايح وردفت…
:سوده عليه يمه ايهاب اليوم تيتمت
انته وريناد بعد ما ضل الكم
أحد يوليدي راحت أمك… راحت.
ايهاب:حسيت حجاياته مثل
الخناجر بنص كلبي لالا امي ماتعوفني
رجليه ماتن من سمعت صوت
بجي النسوان حيلي راح كوه
صعدت أركض للطابق الثاني
مامصدكامي عافتني قبل ساعه
جنه اني وياه شلون هيج لا
جذب مابيه شي هسه لكيه
متخربطه اخذه الدكتور اي اي
مابيه شي
اقنع بروحي مابيه شي لحد
ماوصلت الباب البيت دخلت
لكيت النسوان محاوطاته مغطيين
وجهها بعبايتها ويبجن يم راسه
ركضت عليها شلتالعباية
من وجهه ايدي ترجف حلكي يبس
كوه نطقت ي.. يمه سمعيني يمه
ردي عليه اني ايهاب يمااا
ابجي واهز بجتفه مامصدك عافتني
لا لا يمه كومي فدوه لا تعوفيني
اعرف تحبيني ماتعاقبيني بموتج
يمهااااااا كومييي مو جاي احجي
وياججج كومييي اعرف ماميته
جذبوالله انتي ماتعوفيني اعرف
ماينطيج كلبج تعوفين ابنج
مكسرو ضهره وراج يماااا
حبابه كومي لا تعوفيني مكسور
شوفي حالتي تقبلين اضل يتيم
لا تكسرين ضهري بموتج كومييي
فدوه لا تروحين والله شتريدين
أسويلج بس لا تروحين وانتي
زعلانهمني يمهاا كومي شوفي
شنو جبتلججبّت لج المعجنات
اللي تحبينهن يمه فتحي عيونچ،
يمه ولججج كوميي
شلون ينطيج كلبج تروحين يم
أبويه وتخليني حبابه لا تروحين…
والله اضيععع ياعالم والله اضيعع
بدونه انه ماعندي بدنيه غيره شلون
بيه يربي دخيلك لا تاخذه مني وهيه
زعلانه لا يربي لا تعاقبني بموته
ريناد:ضليت واكفه بمكاني ودموعي
تصب أشوف ايهاب حاضن أمه
ويبچي مثل الطفل
والنسوان كلهن يبجن عل حاله
وهوه تخبل حاير شيسوي ساعه
يهز بيه حتا تكوم وساعه يحجي وياه
قربت عليه بخطوات ثگيلة وكل
جسمي يرجف كعدت يمه مامنتبه
اليه دافن راسه بحضنها ويبجي
خليت ايدي ع جتافه وكلشي
ماشوف كدامي من الدموع ردفت
بصوت مبحوح..
: صدگ بيبي عافتنه يعني بعد ما
أشوفه ليش هيچ حتا هيه
عافتني وراحت
بيبي… كومي والله اني احبج
باعي ايهاب خطيه يبجي وحيله
مهدود عليج والله موكت روحتج
احنا بحاجتج بيبي كعدي ليش هيج
تعاقبينه ايهاب مايكدر بدونج وحتا
اني بعدني صغيره وبحاجتج
لزمت ايدها بستها وكعدت يمها
و أكول لنفسي هسه تكعد ما تعوفني
بيبي والله ما تعوني
كومي بيبي والله أصير عاقلة
أشتغل أي شي بس فتحي
عيونچ، فدوة لعيونچ، بيبييي كومي!
صرت اهز بيها وانهاريت
بالبجي ملخت شعري وخرمشت
وجهي دك عل وجهي بقهر مامصدكه
عبالك اني بحلام والله مامصدكه
يربي دخيلك حرمتني من اهلي اني
راضيه بس لا تحرمني من بيبي والله
اضيع بدونه يربيييي ليششش اخذته
ويتمتني ليشش ليشش شنو مسويه
بحياتي وهيج تعاقبني ليشش والله احبه
ايهاب: انتي ليش تبچي؟
مو گلت ما ابجي شوفني
أني ما جاي ابچي، لأن هسه
راح تكعد أني أعرف امي
هيه كلبه طيب و تحبني حتى
لو تزعل مني بس ما تخليني
مستحيل تعوفني…
ريناد: راحت بيبي راحت
وهيه مكسور خاطره مني
اني شلون ارضيه بعد ليش
هيج راحت وخلتني ولجج
بيبييي المن خليتيني لمن
منووو اليه هاا منوووو
گعدت أقنع روحي ودموعي
تنزل شلال الان اعرف راحت
وما ترجع بعد
ما حسيت إلا هو حاضني،
يبچي ويشهگ مثل الطفل
هسه فعلاا صرنه يتامه ماضل
النه غير بعض بهاي الدنيا كلها
حضنته وبچينه سوى لان ماضل
احد النه بقينه يتامه تايهين بدنيه
غريبه لا احد ولا ماحود
ايهاب: هسه صرت غريب من صدك
وماضلي احد راحت سند ضهري
سوده بوجهيي يايمه عفتج زعلانه
وطلعت سوده بوجهي اي والله
أخ ريناد ما ضل النه أحد
تيتمنا أني وياج بقينه وحدنا
يمه سوده بوجهي، ليش عفتيني؟
بعدني توه أريد أوفي بوعدي
يمه أني وعدتج أشتريلج بيت،
والله اشتريت بيت بنص بغداد
إلچ ليش رحتي قبل ما تفرحين بيه؟
ريناد:إجوا الزلم حاولوا يشيلونه،
بس إيهاب ماقبل تخبل شك قميصه
وصار يلطم متربع يمها يلطم مثل النسوان
حالته تبجي الكافر صوته راح من
كثر البجي والنوح الله يساعده
فقدان الأهل شي جبير ماينحمل
اسمعه كوه تطلع الكلامه من حلكه
رفع راسه باوع عليه وعيونه عباره
عن كتله من الدم و ردف…
ايهاب: ريناد بداعت اعزاز كلبج
كوليلهم خلي يدفنوني وياه
ماريد اضل وحدي دفنوني وياه
كضت عمره عايشين اني وياه
لا تحرموني منه ادفنوني
معرف شجاوبه بقيت ساكته
وابجي بدون صوت جان يطب
رجال جبير بالعمر اسمه ابو حسن
لزم ايهاب وكومه حضنه وردف
:عمي مو هيج عيب بويه إنته
رجال كوم شد حيلك كلنه عل
هاذا الدرب امر الله لا عتراض
أمك راحت لمكان احسن
من هاي الدنيا وانته رجال
ما تحتاج أحد انته أصيل
وابن أصول كافي هيج تعذبه خطيه
يلا وليدي كول يالله كوم خلي ناخذه
نصلي عليها بجامع حرام تبقه مرميه
عالأرض ما يصير بويه وليدي انته
ايهاب:ولك عمي هاي أمي هاي
روحي من الدنيا منو إلي بعده
والله ضهري انكسر فراگها
صعب والله صعب
: بويه لعد قبل هينه بس
كلنه عل هالدرب شد حيلك
وكوم ادي الواجب خلي الناس
تكول:هذا ابنها الربته ونعم
منه ومن تربيته يلا وليدي نتوكل.
ريناد:ماحجه شي بس مسح
دموعه بردان القميص و شالو
بيبي المغيسل ومناك للجامع
حتى يصلّون عليها…
ريناد:طلعنه كلنه اخذوه غسلوه
وجفنوه وصلّو عليها والجامع جان
مليان ناس ناس تعرفها وناس بس
إجت ترحم كلهم يباوعون عل
إيهاب هوه ساكت، ما يحچي
ولا حرف
بس عيونه تصب بل دمع
وساكت مايحجي شي ابد
فجئه كلنه التفتنه عل صوت صرخه
باب الجامع التفتت شفته علي
دخل يركض عل ايهاب حضنه
وصار يبجي
علي: راحت شمعة البيت راحت
الحنينه بعد منو يسئل عليه من
أتاخر بل دوام والله احن من
امي عليه جانت
اخخ يل حنينه كسرتي ضهري
ليش هيج والله ايهاب مايتساهل
هيج تحرمينه منج
ريناد: علي يحجي ويبجي
وايهاب ماكو فاصل عن الدنيا
بس عيونه تصب بل دمع ابد
ماكدرت اتقرب منه لان ما
اكدر اشوفه هيج حالته
سنده علي يريد يوكفه
حتا يصلون عليه وياخذونه
المقبره شويه وصلو عليه
شالو التابوت وإيهاب وياهم
هم كوم يمشي روحه رايحه
مستند عل علي وعلي خطيه
حالته مو احسن منه
إيهاب: بصوت مبحوح
يمه… رحتي وما چنت مستعد
الروحتج رحتي واني بعدني
محتاجج ينور عيوني انتي
ريناد: وصلنا المقبرة جانو
محضرين القبر شالوه نزلوه
بالكبر حتا يدفنونه تكابلو عليه
ايهاب و علي دخلوه بلحد جان
يصيح ايهاب
ايهاب: علي بروح امك دفني
وياها بداعت صداقتنه دفني
وياها ولكممم ادفنونيي وياه
والله تخاف من الضلام وهاي
اول اليلة وحشه عليه خلوني
يمه ماريد اعوفه هنااا
علي: ايهاب انطيني ايدك طلع
لا هيج تسوي حرام تعذبه بكبره
انطيني ايدك خويه
ايهاب: ولك علي هاي امي
امي تعرف شنو امي ولك
اني اذا ارجع من الشغل
ومالكيه باليت اختنك شلون تريد
اعوفه هنا
منوو يتلكاني بعد ولك اني منوو
ينتضرني بعد ولك توفه ابويه ماشلت
هم بكد ماهسه شايل هم ولك علي
راحت امي صويحبك تيتم اخخ
كسرتي ضهري يايمهه
علي: كافي ياخويه انطيني
ايدك خالتي راحت يم ربه
لا هيج تسوي حرام عليك
يلاا انطيني ايدي الخطره
هيه وبكبره لا تعذبه ياخويه
ايهاب: ماكدري والله ماكدر
شيصبرني جانت هيه مصبرتني
ع ضيم كلبي ولك ماعندي احد
ينشد بي الضهر والله ماعندي
علي: انه انه وداعتك يصوحبي
اصيرلك كل شي ماعوفك انته
اغلاه من روحي ليش هيج تسوي
ارحم بحالك مو كلبك راح يوكف
ريناد: كوه علي قنعه وطلع
من الكبر كله تراب وشكله
تعبان حاني ضهره عبالك عمره
خمسين سنه يبجي حتا الكفر
كعد يم راسه صار يشيل
التراب ويذبه ع راسه
وينعي الصوت رايح
ايهاب:يمه وينج أريد أشم
ريحتچ أريد أطمن و أضمچ
لو دقيقة أريد أغمض وأنسى الحزن.
دفنوها، والكِل يقرأ فاتحه،
بس هو ظل واكف ما قرا ماحچى
بس يباوع التراب وهو ينردم فوقها
ريناد: رجليه مايحملني وكعت
ع الكاع ابجي روحي رايحه
الدنيه ضاكت بيه وحتا النفس
چنت وراه كاعده تعبت احس نفسي
ضاك بل كوه اجر النفس حسيت
ع ايدي نخلت فوك كتفي رفعت
راسيشفته علي حجيت من
بين شهكاتي
علي بيبي راحت هيه وزعلانه مني
مالحكت ارضيه راحت زعلانهما
عقبتني مثل كل مره بس ماتحجي
وياي لا هل مره راحت بعيد عني
علي: اشش ريناد سكتي لا
تبجين كافي خطيه شوفي حالت
ايهاب مكسور ع موت امه صيري
قويه اوكفي وياه هوه يعزج ومن
يشوفج هيج مكسوره خطيه ينقهر
ريناد: خلي يبجي ولك علي
هاي بيبي مو ايي مره هاي
نضر العين تستاهل الدمع وشكت الثوب
بعد منو يتلكانه من نرجع من الدوام
راحت جوه التراب الحنينه
علي: صح فراكه صعب مو سهل
بس هاي بعد حكمت رب العالمين
استهدي برحمان بويه ادعيله
برحمه وصلي اله اليوم تحتاج
الدعاء اكثر من ايي يوم
ريناد: مسح ع راسي و راح
يم ايهاب مثل ماكال كعدت
أدعيله من كلبي ترحمه برحمته
الواسعه واسكنه فسيح جناتك
يارب العالمين تنور قبره وتوسعه
فقدت عن الدنيا بقيت صافنه
بالفراغ ماعرف شوكت كملو الدفن
وبدأوا الناس تطلع من المقبره
باوعت عليه يمه علي هز رايسه
بمعنى تعالي رحت يم إيهاب
هوه عافنه طلع اجا انتصال ايهاب
ظل واكف بمكانه ما يتحرك
واني خفت يوقع خفت ينهار
قربت منه الزمت ايده حاره مثل النار
باوع عليه بعيون كله دمع وردف
ايهاب: انتهى كلشي ريناد
هذا البيت اللي چنت اريد افرحها
بيه مالحكت تفرح بي راح يبقه فارغ
ما راح أسمع صوتها لاتصيحلي
لا تعاتب لان اتاخرت ويضل باله
عليه ولا تعصب ولا حتى تصيح
حبيبي إيهاب وين چنت ضل بالي
عليك يمه وليد
ريناد: نزل دموعي حاولت
أحضنه بس هو ظل واكف
مثل الصخر مابدر منه اي رد
بس دموعه تصب مسح دموعه
وردف بكسره..
إيهاب:أوعدج يمه راح أحافظ
ع ريناد وراح أظل رافع راسج
بس والله الوجع ما ينوصف
وفراكج مو هين عليه يبعد عيني
بس الله كريم هوه ان شاءلله
مكانج بجنه بحق محمد وآل محمد
ريناد: كعد يم رجلينه صفه
راسه من البجي راد يكوم
فجأ داخ وكع ركضت ردت
اسنده ماقبل ضحك بقهر وردف
ايهاب: ههه اخخ يا يمه شوفي
راح الحيل وياج يبعد حيلي
مودعه بالله يروحي انتي
مودعه بالله ان شاءلله مكانج بجنه
ريناد: لا هيج تسوي حرام عليك
ماتستاهل تعذبه بكبره دعيله
برحمه والله يصبرنه ع فراكه
ايهاب: ولج ريناد محد يكدر يصبرنه
ع فراكه ومحد يسد مكانه فراكه
صعب ويكسر الضهر
ريناد: عفته ورحت كعدت
يم راسه ابجي واتوسل بلكي
تسمعني وتكعد بس ماكو فايده
سمعت صوته ورايه وهوه يكول..
ايهاب: كومي بويه ماكو فايده
من البجي والنوح بينه خير
ونشبع بجي بس البجي مايرجع
الراحو جوه التراب كومي
ريناد: اهز براسي ماراضيه
اصدك انو توفت تقدم عليه
سحبني من ايدي وصح بعصبيه
ايهاب: كافييي تبجين اني محروك
ابو ابوبه ارحميني انتي عاد تعبت
والله تعبت ارحميني وشوفي حالي
مكسور ضهري مابيه حيل بعد افقد
ماضلي غيرج لا تشلعين كلبيي
ريناد: اباوع عليه يحجي ويبجي
مسحت دموعي كمت وياه حضني
وردف…
ايهاب: لاتبجين بويه اني
دموعج يهدن الحيل واني حيل مابيه
خلص حيلي وداعت اعيونج
ريناد:هزيت راسي رحنه السياره
شغله ورجعنه البيت الكينه علي
والشباب ينصبون بالبيت بنص
الشارع وكف السياره ايهاب يم
الباب نزلت كبل البيت وايهاب راح
عليهم يساعدهم بي صعدت البيت
فتحت الباب دخلت تمشيت رحت
الغرفته فتحت الباب فراشه نفسه
وكلشي ع حطت ايده بس هيه ماكو
فتحت الكنتور اريد اطلع ملابسه
اشم ريحته سحبت شيلته وكعدت
بزاويل ابجي واذكر شلون جانت
لمن جانت تمشط شعري وتسوالفلي
وتشاقيني صح جانت تعصب عليه
وتحجي بس تبقه هيه الي ربتني
مستحيل
انساه بيوم واكثر شي مزعلني
راحت هيه زعلانه مني هاي راح
اضل غصهطول العمر بكلبي اتمنه
لو باقيه يمه
سمعت طكه بالباب رفعت راسي
شفت ام علي بيده العوجيه و كوه
تمشي من شفته تذكرت بيبي كمت
حضنته وابجي بصوت عليه
ام علي: كافي يبعد رويحتي
خطيه مايصير تبجين عليه
دعيله برحمه والله يصبركم
عل فراكه يبعد عمري
ريناد: خاله راحت بيبي
بعده ماطافيه نار كلبي من
فراكه اهليانوب كملته عليه
بيبي بروحته ليش خلتنه وراحت
معقوله ماترجع بعد
ام علي: يا يمه يا حبيبه بعدج صغيره
شنو هاذا الحجي بنيتي بيبيتج
راحتالمكان احسن من هاذا مكانه
وباجر عكبه احنا هم وراه رايحين
يبنيتي محد ضال
بهاي الدنيا كلنه خطار ونمشي شوفي
عيونج شلون مورمات كافي بجي
اكعدي صلي اليوم اهم يوم
تحتاج بي الصلاة والدعاء
اذا تحبينه صلي اله ودعيله
ريناد: حجيت من بين شهكاتي
والله احبه واموت عليه هيه اعز
من روحي شلون ماحبه اني
ام علي: مادام هيج لعد يلاا كومي
توضي وصلي اله ركعتين
ريناد: هزيت راسي ورحت
الحمام توضيت وطلعت مالكتت
ام علي يمكن نازله جوه كعدت
اصلي و دموعي مو راضيات
يسكتني ابجي وادعي لحد ما
غفيت مدري شكد وحسيت نرفعت
عن الارض فتحت عيوني كوه لان
مورمات من البجي شفت ايهاب
شعره ع وجهه وبعده ملابسه كلهن
تراب اجر بل كلام جر
نعسانه اريد انام وين تريد
بيه خليني نايمه حباب
ايهاب: انتي زمال اكو واحد
ينام عل كاشي وهوه ثلج
-: مادري بنفسي ونمت
تعبانه اريد بيبي عفيه جيبه اليه
حباب هيه زعلانه منيي
بس هل كلامتين سمعتهن منه بعد
رحت بنوم عميق
ايهاب: اخخ شبيدي عليج
يبعد عيوني انتي
ريناد: كعدت ثاني يمه
راسي، مفجور لكيت نفسي
نايمه بغرفتي واسمع صوت
ناس جوه كمت باوعت من
الشباك شفت ناس رايحه
و ناس جايه حتا يعزون
ايهاب رحت الحمام غسلت
وغيرت ملابس طلعت من
الغرفه طلعت نزلت عل
درج طلع بوجهي ايهاب خزرني وردف..
ايهاب: وين وين طالعه كدام العالم
ب تراك رجعي غيري ملابسج
وخلي شي ع راسج بويه
ريناد: ليش شبيهن؟
ايهاب: عيب بنيتي
اكو هواي ناس جوه وعالم
ماريد احد يشوفج هيج
ريناد: تمام هسه اغيرهن
عفته ورجعت الغرفتي طلعت
فستان اسود البسته وخليت
شال ع راسي ورجعت نزلت
لكيت كوم نسوان بالبيت وماعرف
ولا وحده بيهن شفت ام علي
كاعده يمهن اشرتلي بيده رحت عليه
ام علي: روحي يم بنات ام عباس
بل مطبخ خلي ينطنج ريك
من البارحه ما مكله شي
لا تتخربطين بنيتي
ريناد: هزيت راسي بنفي
ماريد نفسي ما تشتهي
عفته ورحت كعدت بعيده
عنهن ابجي واباوع عليهن
شلون يلطمن ويبجن وحده
منهن مره جبيره بل عمر اجتي
كعدت يمي كرصت خدي وردفت..
: انتي مو الربته ام ايهاب
الله يرحمه
ريناد: باوعت عليه بعيون
كله دمع وهزيت راسي
اي اني هيه
: جا خوش اني حتا من
جانت بيبيتج الله يرحمه
عدله شجم مره طلبت ايدج
الزواج وماقبلت شتكولين لو
الله يهديج وره ما تخلص الفاتحه
اجي اطلب ايدج البني تقبلين
مدام انتي بعد ماعندج احد
قبل اضلين بنيه حمره صفره
ويا رجال اعزب بل بيت طبعا
لا لان الناس اضل تحجي كلام
طالع نازل
ريناد: ماتحملت كلامه بسرعه
كمزت من مكاني وصرخت بوجها
كدام النسوان كلهن
شنووو عيني انتي جاي تتشمتين
انو ماضل النه احد لو شنووو
ومنوو كالج اني اريد تزوج ويني
وين الزواج
راحت مره تسوه راسج وراس ابنج
امشيي بره يلاااا
تهسترت صرت اصرخ بكل صوتي
ماحس غير ايهاب دخل الستقبال
مرعوب وعلامات الخوف واضحه
عل وجهه تقدم ايدينه حاوطت
وجهي من شفته صرت ابجي
باوع بعيوني بخوف و ردف..
ايهاب: ليش تبجين بويه
منو هاي الكح.. السترجت
تغثج هااا ليش تبجين
ريناد: هاي تكول بعد محد
ضل الج قبل تبقين يم رجال
اعزب باوع دا تتشمت بموت
بيبي تتشمت لان مابقالي احد
خلاني وره ضهره وصرخ
بصوت رج البيت رج
ايهاب:باعيي لان مره جبيره
واحترامن الج مراح اهينه بس
اذا شفتج مره ثانيه يمه ياويلج
وسواد ليلج طلعي من بيتي
ريناد: طلعت المره هيه وتخوزر
بيه الزم ايدي وسحبني وراه
صعدنه الصابق الثاني تحت
انضار الجميع فتح الباب
دخلني البيت باوع عليه
بنضره معرفت شلون افسره
وردف..
ايهاب: باعي ديربي بالج
المح ضلج جوه تمام تبقين
هنا لحد ما تخلص الفاتحه
والناس تفض تمام ابقي هنا
وكلشي تردينه يوصلج بس
لا تنزلي ابد مفهوم كلامي
واذا شفتج نازله راح يصير
شي مايعجبج تره
ريناد:بس هاي فاتحة
بيبي شلون تريدني ابقه
هنا كاعده وساكته شبيك
من كل عقلك دا تحجي
ايهاب:اي من كل عقلي داحجي
طلعه منا ماكو تبقين كاعده
لحد ما تخلص الفاتحه سمعتي
مو كرن اني حتا كل شويه جايه
مره وتفصل بيج تفصال
ريناد:شبيك تخبلت شنو
بكيفك لو تريد تسجني هنا
ايهاب:سمهي روحي طالعه
ومالي خلك كلش وجاي احجي
وياج بل عيني والغاتي فا سمعي
الكلامه احسن ماشوفج وجهي
الثاني
ريناد: عفته ورحت الغرف
غفلة الباب وكعدت ابجي
اوف شدعي عليك حتا من
فاتحة بيبي حرمتني الله اكبر
وين اولي وين انطي وجهي
بقيت كاعده وحدي وكل عاده
الدمع سولتي قبل شسوي ماحست
غير رايحه بنوم عميق وهيج
خلصت ايام الفاتحه ابد ماخلني
اطلع بختصار بقيت مسجوني
بالبيت و هوه ماشوفه ابد قلت
جياته مرات اكعد نص اليل اروح
الغرفت بيبي لكي نايم بيه ومن
الصبح يطلع خاف احجي ويا
البيت بدون بيبي مايراد
كلش وحشه اله مكانه خالي
وايهاي اوف يا ايهاب خلصت
الفاتحه وكلشي راح وهوه
مدري شبي كلش تغير و مو
مثل قبل يضحك ويشاقه لا
دوم ساكت و مهموم يباوع بس
يباوع عل باب عبابك ينتضره
بس بل واقع مراح ترجع بعد
كلشي تغير بحياتنه و
ما نعرف نهايتها شنو
مرت جم يوم والبيت بعده
خنكه مابي نفس والضوجة
بكل زاويه مو مثل قبل
ايهاب يطلع الصبح ويرجع
بالليل انعزل وحده وساكت
ما يحجي لا ياكل كلش ضعفان
كلشي بيه تغير حتى عيونه
ذبلانه و ناز السواد والدمع
يلالي بعيونه
اسمعه يحجي بصوت
يادون ينسمع وبيده
صورت بيبي
ايهاب: يمه وينج هسه
شلونج جوه التراب قبل
جم يوم چنتي تضحكين وتگولين
لي لا تنسه تجيبلي كيمر من العمارة
اذا رحت لان كيمرهم طيب
وهسه وينج حتا حرمتيني
من صوتج ما گادر اسمعه
يمه حيلي هديتي وداعتج
ريناد: چنت أراقبه من بعيد
وكلما اسئله شبيك ايهاب
يكلي ماكو شي بنيتي لا يضل بالج
بس شلون أرتاح وهوه جاي
بل يوم يموت الف موته
وبيوم من الايام كعدت
بليل اسمع صوت جاي من
الصاله رحت اتمشه ع كيفي
فتحت الباب لكيته منتجي
ع الحايط مشغل غنيه
هاي الغنيه من يوم ماراحت
صارت جزء منه
بقيت واكفه اسمع ويردد ويا الغنيه
: بين عل الكبر ولحيل راح لحيل
وبالغربه ضاع العمر ومساهر
وياليل
حس عليه واكفه يم الباب
ابستم بتعب واشرلي بيده
رحت قربت منه بهدوء
ما حجيت بس گعدت يمه
اباوع عل شكله شلون صاير
ابتسم بقهر وردف..
ايهاب:كلشي صار بلا طعم
حتا هاذا البيت من يوم راحت
بس تعرفين شنو أصعب شي؟
اني مالحكت اودعها ولا رضيته
حتا كتله شكد أحبها
مالحكت اكوله سامحيني يمه
على كل شي
ريناد: جنت مدنكه راسي
ماريد يشوفني ضعيفه بس
دموعي قدرن مكدرت مابجي
حجيت واني امسح بدموعي
لا تحجي هيج بيبي تحبك و
كلبه طيب ماتشيل بكلبه
وماقصرت وياه بشي هيه
تحبك ودوم تكول اني راضيه
عليه دنيا واخره
وإذا تحبه من صدك لا ضل
حابس نفسك لازم تعيش وتبني
حيلتك وتنجح واكيد راح تكون
راضيه عنك هيه ماتحب تشوفك
مكسور وهيج حالته
إيهاب: بس الحجي سهل
والفراك صعب مو هين عليه
افراكه اصعب من الموت
ريناد: هزيت راسي وكمت
عرفت انو ايهاب دخل بصدمه
والزم يطلع من الصدمة هاي
اني راح اخلي يتخطه هاي
المرحله ويرجع يوكف عل حيله
مرت الايام وجا يوم الأربعين مال بيبي
سوينا ثواب قرينه وزعنا عالناس
إيهاب ذبح وزعه ثواب
وگال ما أريد غير الدعاء إلها.”
ومر اليوم كلش ثكيل بس خلص
عل خير الحمدلله
وهيج مرت الايام بسرعه
وبهاليوم صار إلها خمس أشهر
متوفية وايهاب حالته كل يوم
تنقص ماتزود
لا شغل لا طلعة لا ضحكة
وهمزين ماكو دوام حتاأضل
يمه وأدير بالي عليه.
أبد ما عفته وحده دوم أكعد
وياه أحچي، أحاول أونسه،
بس هوه… معتكف
علي هم يجيه مرات يگعد
يمه، يحچي يحاول يواسي
بس إيهاب مو ويانه ماعرف
شبي بس صافن، ساكت كأنه
ما عايش ويانه
حابس نفسه بالغرفةحتا
الأكل مايطلع ياكل اني
اخذه اله الغرفه مايطلع
لحد يوم من الأيام فزيت
عل صوت بغرفة ايهاب
چان كلبي راح يوكف من الخوف
طلعت أركض من غرفتي
فتحت الباب…
وشفت شي خلاني اجمد بمكاني..
~~~~~~~~~~~~~~
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.