رواية راعوث – الفصل التاسع والأربعون
part 49 ”
راعوث :- شنو يعني مشيه
عُقاب :- حركتي الدنيا وماتعرفين شنو مشيه؟
راعوث :- اي اباوع غير
عُقاب :- هاهيه ابقي باوعي ومعليج
راعوث :- زين انته سويتلي من هايه
عُقاب :- سويتلج من كلشي ياهيه عجبتج اكثر
راعوث :- اممم عجبتني من شسمه رحنه لهذا المكان وبصمنه على الورقات بعدين اجيت لزمت ايدي وبستها
– ضحك ورث جكاره ثانيه دار وجها للجامه فرك كصته
عُقاب :- اي بويه خوش حلو
راعوث :- سويتلي مشيه
عُقاب :- لا بويه
راعوث :- شنو لا ليش ماسويتلي مشيه؟
عُقاب :- فراحه كالت ما يحتاج مشيه
راعوث :- هذا الزواج كله غلط كله
عُقاب :- يابويه يعني نمت وياك بالحرام
راعوث :- اي نزلني اخاف
عُقاب :- تخافين احصرج واشوفج الباشا
راعوث :- اسم الله الرجال يشوفنه من حاصرني
عُقاب :- هوه اول واحد يشوف
راعوث :- اسم الله هذا الجني مالتك
عُقاب :- حذفي كلمه الجني وخلي بس اخر كلمه وتعرفي
راعوث :- صفنت افكر اتصل موبايله
عُقاب :- الوو وعليكم السلام حبيبي اي جاي لا والله بعدني حتى مابدلت اوصل ام الفروخ لبيت اهلها اي جاي مع سلامه
راعوث :- تجي اليوم
عُقاب :- ان شاء الله
راعوث :- طبك السياره يم بيتنه ادنيت عليه وحضنته بست خده بحب ..
عُقاب :- اووووووف اموت اموت عليك احبك عروك گلبي فريخي
راعوث :- باوعت بعيونه بست طرف شواربه ، شكد تحبني
عُقاب :- احبك بكد حب العجايز لماعيناتهن يضمنهن ويقفلن الكنتور واذا واحد تقربلهن يكلبن الدنيا
راعوث :- هههههههههه
عُقاب :- انته شكد تحبني
راعوث :- ههههههههههه
عُقاب :- تخبل فريخي
راعوث :- حضنته بقوه همست ، الله يحفظك اليه
عُقاب :- حبيبي شكد تحبني
راعوث :- اريد اروح اتاخرنه
– ابتسم تك خد باوعتله بتوتر فتحت الباب ونزلت دخلت للبيت شفته نضيف الكاع ناشفه مبين هستوها مغسوله وكراسي بره على طول الطارمه دخلت للاستقبال يلمع وكله عطر وبخور دخلت لصاله سمعت صوت عمتي والبنات بالمطبخ رحت دكيت الباب وحمحمت
ابتسام :- هلهلت ، عجبتكم نومة الفندق
فرح :- اي والله خلي اكول لزيد ياخذني لفندق
راعوث :- يا شنيه
ابتسام :- دتعاي ساعدينه
راعوث :- شجاي تسون ، باوعت يمهن ماعين سفري و قطع كيك صغيره مشتري جاهز وقواطي بيبسي وميرندا
راعوث :- اريد كيكه
ابتسام :- ههههه والله اكول شعجب ما كالت اريد هاج وحده وكافي خاف مايكفن فشله
راعوث :- هوه منو راح يجي
ابتسام :- هواي يمه جماعة رائد وكرايبه واهله ماتهيسين اله مركز الشرطه كله جاي هنا
راعوث :- كعدت يمها ، وخاله ام رائد تجي
ابتسام :- والله مادري بس يمكن تجي
راعوث :- وشمس
ابتسام :- لا يمه بعدها عروس وين تطلع
راعوث :- والعباس طيب الكيك
افراح :- صدك يعني طيب خو ما يفشل
راعوث :- والعباس يجنن
– بين ما يكملن كمت طلعت ملابس سبحت وبدلت شسورت شعري رحت للمطبخ لكيت مكملات كلشي بس عمتي بالمطبخ كاعده على الكرسي شابكه اصابع ايدها وصافنه على الشباج
راعوث :- شوكت رجعتو من شمس
ابتسام :- ها
راعوث :- شوكت رجعتو من بيت شمس
ابتسام :- الصبح وكامت تبجي من طلعنه خطيه متعلمه عليجن
راعوث :- خطيه وين علوش وجود شو بس افراح وقمر هنا
ابتسام :- ويا ابوهم وره شويه ويجون
راعوث :- بقينه ننتضر وافراح متوتره خاف شي ناقص وكل ساعه دخلت للاستقبال خاف اكو شي ناقص راحت لغرفة ابوي رحت وراها شفت ابوي لابس قاط ونضاراته والعكازه بيده طالع حيل حلو صح تعبان بس كوه يوكف على رجليه حتى يوكف بمشية افراح بخت اله عطر وجابت حرز صغير شكلته بالجاكيت من الداخل
ناصر :- هههه رجال شكبرني بيني وبين الموت شبر عليمن يحسدوني
افراح :- لا بابا تحفظك النه مو اله عين
راعوث :- طالع تجنن والله عبالك نفسك بالصور واكف يم امي بالعرس ولا عبالك كبرت ما شاء الله
ناصر :- يابعد كلبي بنياتي
راعوث :- ابتسمتله وطلعت ، للعصر واتصل عُقاب على عمتي كللها جاين اجن جم وحده من جيرانه سمعن بمشيه واجن يمنه وره شويه وباب الحوش انفتحت على كبرها وكل سياره افخم من الثانيه نباوع من شباج المطبخ بابا وكف يستقبلهم وزيد وابرار اول ماتشوف واحد تحلف هذا الها تشوف الثاني تغير رائيها
افراح :- ابرار كاافي شنو هاي لواكه ماتستحين عيب حرام
ابرار :- سامحني ياربي جعلته اخي بس بالعباس يجننون هاي هيج البصره ولدها حلوين
افراح :- اخخخ منج
ابرار :- اويييييييلللللي باااع هذاكككك
راعوث :- يا ههههههههه
ابرار :- تعاي شوفي رائد افراح يحضييي
افراح :- شكراً خلي الشوف الج
ابرار :- يا امداني تستحي بس انصحج لا تجين خاف يعجبوج كلهم
افراح :- عبالج اني مثلج ادور شكل اني اريد اخلاقه اهتمامه حبه تصرفاته خوش
ابرار :- اي والله صدك بس ماكدر اريد من اكعد الصبح اصبح بوجه يفتح النفس
افراح :- اذا لكيتي واحد اهتم بيج وحبج ودللج وخلاج تحبي راح تشوفي ملك جمال راح تشوفي احلى واحد لو مهما جان شكله
راعوث :- اباوع على رائد وفرحته ماحس غير لفت نضري عُقاب بطوله وضخامته دخل بكل هيبه لابس قاط اسود والجاكيت على ايده لابس يلك اسود على القميص و محبسين بنفس الايد بالخنصر والبنصر حيل كبار ونضاره شمسيه فخمه وبين اصابعه الجكاره ومرتب شواربه بالزيان والمسدس بخصره حرفياً احس كلبي وكف من شفته
ابرار :- بوووووويه باع الضيييييم عليج الكاظم ماعنده بعد اخو اعزب مطلق ارمل أي شي
راعوث :- خزرتها من فوك لجوه ورحت اخذت موبايلي دزيتله رسايل
– عُقاب تعال
– لا روح
– لا تعال اريد احجي وياك تعال لا تبقه بره عندي موضوع ضروري
راعوث :- ما يجاوبني ملتهي رحت باوعتله اجه علوش يمه عُقاب نزل لمستوائ وايده حاوطت خصر علوش مدري شحجه ركزت بشواربه احس راح اوكع ماكدر اشيل عيوني عنه كام لزم ايده ودخل للاستقبال
– مبتسمه لا ارادي رحت كعدت وبالي كله يمه اريد احضنه بكل قوتي احس شي بداخلي يجذبني اله بقيت انتضر تكمل المشيه ويرحون الناس ونبقه وحدنه اريد احضنه اكول اله شكد احبه
– وره ما كملت المشيه راح الكل بقه بس زيد و عُقاب وابوي فتحت الموبايل بعده ما شايفهن الرسايل اجه علوش حجت ويا افراح
افراح :- شصار سولفلي
علي :- اجو هوايه زلم وحجو ويا عمو ابوكم
افراح :- شحجو سولف
علي :- اممم مادري نسيت انتي راح تتزوجين
فرح :- اي ماما رائد صديق عمو خطبها
علي :- واني شوكت اتزوج
ابتسام :- يا هههههههه اكعد راحه ولك
علي :- والله راح اموت وبعدني ما متزوج
فرح :- ملحك على الزواج انتبه لدراستك لمستقبلك
علي :- ماريد دراسه اريد اتزوج يله راعوث جيبي سيسا
فرح :- فوك الضيم حاجز مره من هسه اذا طلع ولد شيصير بيك
علي :- اكلب الدنيا اتزوجه الولد
فرح :- انجب ولك كووم منا كوم اكول لبابا هاا يقبل بهذا الحجي
علي :- والله معليه اريد اتزوج
فرح :- شتسوي من تتزوج
علي :- انيمها بحضني بس بابا ينيمج بحضنه
فرح :- والعباس كمتلك
راعوث :- فلت علوش وعمتي والبنات ضحكن وفرح استحت كمت من يمهن طلعت للحوش اسمع صوت عُقاب الفخم وبحته الاحبها يحجي بالاستقبال بقيت افتر بالحوش منتضرته يطلع شفت علوش اشرتله بيدي اجه
راعوث :- صيح لـ عُقاب بس لا تكول راعوث تصيحلك
علي :- جا شكول
راعوث :- كول اطلع للحوش وبس
علي :- مايسمعني
راعوث :- لا يسمعك روح صيحله
– راح علوش تأخر ردت اطب طلع عُقاب بقيت واكفه بمكاني واباوع عليه احس راح اوكع مادري شصارلي تقدم مني مسافة شبر بيناتنه رفعت راسي اباوع بعيونه بلعت ريكي كلبي يدك سريع العطر حاوط المكان لبسه وترتيبه اخذن كلبي ركزت بشواربه دنكت راسي نسيت كل الحجي دنك عليه همس ..
عُقاب :- هلا باليسطر سطر وكلش خطر
راعوث :- كزبر بدني غمضت عيوني بعدم مقاومه فتحت ادنيت لوره ادنه عليه
عُقاب :- شتسوي هنا
راعوث :- حجيت بتوتر ومنزله عيوني بالكاع ، امشي
عُقاب :- ادري تمشين جا طيرين
راعوث :- لزم ايدي احس روحي كمزت فتحت عيوني على وسعهن وجسمي يرجف ضحك بصوت عالي ..
عُقاب :- بويه حتى المخطوبه جديد ماترجف هجي
راعوث :- باوعت بعيونه صفنت ثواني عقج حواجبه باستغراب واشرلي براسه بمعنى شبيج حجيت برجفة ..
راعوث :- تجنن
عُقاب :- منو ؟
راعوث :- اخذت نفس زفرته بتوتر ، انته
عُقاب :- عاجبگ اليوم
راعوث :- كل يوم
عُقاب :- اخخخخخ وين تروح من الله حسيم
راعوث :- دنكت مبتسمه صفن عليه رفعت راسي باوعت عليه مضيق عيونه ورايح بعالم ثاني ماحجيت لحد ان ايده حاوطت كتفي ومشه مشيت ويا
راعوث :- وين ماخذني
– ما جاوبني فتح باب الشارع
راعوث :- وين عُقاب وين راح نروح
عُقاب :- بس اهدي بربوگه
راعوث :- سكتت فتحلي باب السياره باوعتله ، وين
عُقاب :- اصعدي بويه مكان يعجبج
راعوث :- اخاف ماريد
عُقاب :- رجلج وحك ربج رجلج اطلعلج الاوراق الجناسي تتأكدين؟
راعوث :- باوعتله بخوف صعدت سد الباب وركب شغل السياره حرك الستيرن وانطلق
راعوث :- عفيه وين للفندق تره والله مالي خلك
عُقاب :- وچ مالج خلك شنو حركتي الدنيا عليه
راعوث :- كول وين عفيه
عُقاب :- نشتري حامض حلوات
راعوث :- وناكل
عُقاب :- شكد تريدين تاكلين
راعوث :- مادري هواي لمن اشبع اشتهيت يله اشتريلي
عُقاب :- بووووووويه الباشااااا
راعوث :- شبي اسم الله
عُقاب :- احترك
راعوث :- خطيه طفي
عُقاب :- تعاي طفي
راعوث :- وينه هوه
عُقاب :- كال اجي وماجاني
راعوث :- باوعتله بضوجه و سكتت ما جاوبته رخيت جسمي على الكشن شبكت ايدي باوعت على الطريق يسوق بـ سرعه قويه سيارات بالطريق قليله فتح الجامه سحب القراصه من شعري اخذ ايدي بايده الدافيه حسيت بأمان باوعت عليه و ابتسمت ..
عُقاب :- ايدچ ترفه خايف عليهة من خشونة ايدي
راعوث :- احب خشونة ايدك تحسسني بالأمان
عُقاب :- وهذاك بيمن يحسسج
راعوث :- يا شنو
عُقاب :- ههههههههههههه
راعوث :- ضحكت و درت وجهي لجامه سحب ايدي باس اصابعي
عُقاب :- ليش اضافرك طوال ها ليش ولك
راعوث :- حلوات
عُقاب :- اي اوففف اجيبلك صبغ اضافر
راعوث :- اي عندي بس بعد جيب حلوات
عُقاب :- واني اصبغلك
راعوث :- اي بس خاف ماتعرف
عُقاب :- لعيون البغدادين اتعلم
راعوث :- تحب بغداد
عُقاب :- بويه بيها ولفي شلون ما احبها
راعوث :- عُقاب
عُقاب :- امه وابو
راعوث :- اشتهيت شسمه اشتهيت لفه خبزه ولحم دجاج كلي وطماطه بارده وخيار وخضره ونكعها بالتشريب وبالعافيه
عُقاب :- هاي شني هاي
راعوث :- والله يربي
عُقاب :- اخذلك غريضات وتطبخ
راعوث :- ماعرف اطبخ
عُقاب :- ندبرها منا ومنا
راعوث :- احنه وين راح نروح
عُقاب :- بيت بي هواي ذكريات واريدك تمحيهن
راعوث :- شلون
عُقاب :- بس طبيله ومعليج
راعوث :- شوكت يتزوجون رائد وافراح
عُقاب :- يردون يعقدون وبعدين ياخذون مده يتعرفون على بعض وراها يتزوجون
راعوث :- واني ليش ماسويتلي هيج
عُقاب :- بووويه شكد يغار
راعوث :- اي ليش ماسويتلي اتعرف عليك وشوفك وبعدين نتزوج
عُقاب :- حتى ابقه ادور بدلات حوامل بالعرس
راعوث :- شني
– طبك السياره باوعلي ابتسم تك خد
عُقاب :- بعدين افهمك شني
راعوث :- ليش وكفت وصلنه
عُقاب :- نازل اشتري غراض
راعوث :- وين شويه محلات ومابيهن غراض نحتاجهن
عُقاب :- تدبر
راعوث :- سكتت نزل من السياره بقيت انتضره اتاخر حيل طلع بيد علاليك راح لمحل ملابس صغير وبره معلك ملابس هم اتأخر وطلع حط العلاليك وره وركب
عُقاب :- نتوكل على الله ونعيش حياه زوجيه صحيحه
راعوث :- والله حلوه نشتري وهاي ونروح لبيتنه نضف ونطبخ
عُقاب :- بويه تسودن عيشت المتزوجين
راعوث :- بقه يسوق طريق شطوله احس تعبت من السياره بدت تغيب الشمس وتصير الدنيا ضلمه طلع من طريق السيارات نزل بطريق مرعب فارغ الكاع تراب وكلها طسات طبك السياره يم بيوت نزل ينزل العلاليك نزلت من السياره شفت رجال جبير وحاله تعبان طلع من بيتهم حط كرسي بالباب شاف عُقاب حجه ويا
– شلونك عمي مشتاقيلك وين هاي الغيبه الطويله
عُقاب :- بعد عيوني حجي الله يطول عمرك هاي بعد الوالد توفه والبيت مو حلو بدونه
– شعجب اليوم مريت مشتاقيلك صاير هيبة اكثر من الوالد الله يحفضك
راعوث :- تغيرن ملامح عُقاب بس يحاول ما يبين ويحجي ويا باسلوب مناسب
عُقاب :- اجيت لبغداد ومايصير ارجع للبصره بدون ما اجيب المره تشوف بيت اهلي القديم
– هلا بيكم هلا
– اخذ العلاليك فتح باب البيت من خشب قديم اول ما دخلت دربونه صغيره مال الباب وعلى ايدي اليمنى باب الحمام دخلنه لجوه طارمه جبيره ماكو صاله اول ما ادخل للطارمه كدامي باب الاستقبال وبصفه غرفه وعلى الطرف الثاني باب المطبخ ودرج لسطح والبيت عالي الحايط يخوف تصميمه حيل قديم باب الاستقبال تصير بابين خشب نوعيتها قديمه وسكف الغرف حيل عالي سمعت طكه ومدري شنو طار
راعوث :- عُقاب خايفه يمااااه شنو هذا
عُقاب :- خفاش الليل يطلعن من بيتهن
راعوث :- يمه كلبي هنا خفاش الليل اكو
عُقاب :- كلشي اكو
راعوث :- رحت حضنت ايده ومشيت ويا فتح باب الغرفه ضلمه وشفت عيون بيض واني طرت لباب الشارع وصرخت ، عُقااااااااب
عُقاب :- بويه شكد كح*** شلون طبيتي هنا
راعوث :- شفت البزونه طلعت ركض من الغرفه ، تعااااااال راح يوكع الطفل
راعوث :- تعاي بويه بزونه شردت
راعوث :- تعاللل وكع
عُقاب :- صلوات فريخي اجه لدنيا
راعوث :- اجه حضني باس راسي يريد يمشي لطشت بمكاني
عُقاب :- ماكو شي بويه تعاي شوفي الذكريات
راعوث :- والعباس ماريد طلعني بس طلعني منا
عُقاب :- هسه اشغل الاضويه يصير يخبل
راعوث :- شغلهن يله كلبي راح يوكف
– مشه مشيت وراه لازمه ملابسه شغل الضوه مايشتغل راح لنقطة الكهرباء الرئيسيه سواها ما اشتغلت
عُقاب :- اكو عطل بالكهرباء يله مو مشكله نشتغل ضلامي
راعوث :- ما اتحرك ما اخاف
– طلع موبايله شغل الفلاش لزم ايدي واخذني للغرفه بيها خشاب عراقي قديم تعبان وفرشه ورديه قديمه حيل بالمرايه صور ورقيه مدخليها بحواف المرايه عيد ميلاد ورجال ومره واطفال وبالحايط صورة الإمام علي عليه السلام حسيت باطمئنان
عُقاب :- شلونها الغرفه
راعوث :- تخوف بس من شفت هذيج الصوره صارت حلوه وعبالك بيها ضوه
عُقاب :- عليه السلام
راعوث :- هاي غرفة منو
عُقاب :- غرفة شيب الخلفوني
راعوث :- اريد اشوف هذنيج الغرف
– لزم ايدي طلعت من الغرفه دخلنه للمطبخ حرفياً حيل قديم مابي ميز مطبخ فقط طاوله صغيره نكعد على الكاع وناكل عليها وچُوله يطبخون عليهة وميز صغير بي بابين بي ماعين وثلاجه صاير لونها اصفر من كد ما قديمه
– طلعنه للاستقبال حيل جبيره والسكف عالي مرعب فارغه من نحجي يطلع صدى بس مرجيحه معلكه بنص الغرفه حرفياً البيت رعب
راعوث :- اسم الله هذا منو عايش هنا والله كلبي راح يوكف من الخوف
عُقاب :- تعال حبيبي
راعوث :- رحت وراه باب الحمام خشب وخفيف بس دفره توكع وبالباب من فوك مربعات اثنين عليهن مشبج ثخين فتحها ضلمه
راعوث :- ماريد حباب ماريد ابوس ايدك خلي نطلع ماريد اكمل حباب تقبل اتخبل بس طلعني من هذا البيت حباب
عُقاب :- اسم الله عليج بويه منين خايفه اني مو يمج
راعوث :- ادري بس اخاف لا تعوفني حباب خايفه احس واحد ورانه
عُقاب :- بسم الله محد بويه ، منووو هنا اطلع لا اشكك شكتين
راعوث :- حباب خايفه
– حضني بكل قوته ضوه على الحمام الحنفيات ناشفات ومزنجرات والدوش مزنجر بي صبه عاليه ينكعد عليها وطشت معدن بالكاع ودولكه ستيل وبيت العنكبوت بكل مكان وصوت صرصر
راعوث :- يله خلي نرجع
عُقاب :- وين نرجع بويه لا تخافين اني يمج
راعوث :- شوكت نرجع
عُقاب :- نبات هنا
راعوث :- لو تنكلب الدنيا والقران ما انام بالغرفه هذيج
– خزرني ولزم ايدي اخذني الدرج صبه صعدنه وكلبي يرجف اخذني لسطح يخوف هدوء ضلمه والكاع وصخه وباب بالسطح مال واحد يريد ينتحر يفتحها ويشمر روحه
عُقاب :- اكعد هنا بين ما اجيب الغراض النحتاجهن
راعوث :- وابو فاضل لو تنكلب الدنيا ما ابقه وحدي
– ضحك بصوت عالي اخذني بحضنه مسح على ضهري أردف بحنيه ، لا تخافين
راعوث :- والله اخاف
عُقاب :- بويه مو زين تبقين تصعدين وتنزلين
راعوث :- ما اني اجيب وياك غراض
عُقاب :- خوش
– شالني نزلت جوه امشي وراه ملزمه بضهره راح للغرفه مد ايده جوه الجربايه طلع حصير نكثه بره وحطه بيدي نزل من فوك الكنتور دواشگ لزمهن هنه والعلاليك صعدنه حطينه الغراض ونزل اخذ الچُوله وغراض يحتاجهن من المطبخ صعدنه لفوك راح فتح الحنفيه بالسطح يغسل المواعين
راعوث :- اسم الله هاي شلون اجت هنا الحنفيه
عُقاب :- اجت برجليها
راعوث :- افرش الفراش
عُقاب :- اي بويه اذا تكدر
راعوث :- رحت اخذت الدواشگ سمعته حجه
عُقاب :- لا حبيبي اول حصير وعليه بطانيه وعليهن دواشگ وفوكاهن هذا اللحاف ونكثيهن عدل
راعوث :- فرشت المكان باوعتله متبهذل بغسل المواعين ضحكت ورحت يمه
راعوث :- انطيني اني اغسلهن
عُقاب :- بعد وكت مو اشتعل جد جدي
راعوث :- ضحكت كام كعدت على الطابوكه غسلت الصينيه وحطيتها يمي رجعت اغسل الغسلهن وسميت عليهن واحط بالصينيه درت وجهي فز جسمي من شفت ضخامة صدره وعضلاته بس بالشورت وضلمه
راعوث :- هاي ليش نزعت
عُقاب :- لا تخافين بعد وكت ، نزعت القاط اريد اخذ راحتي
راعوث :- كمت يمه نضف الچُوله وشغلها حط الكدر فتح العلاليك وطلع الدجاج والبهارات والدهن وخضروات ثرمت البصل والبتيته والدجاجه هوه سواها كعد يطبخ واني يمه اسوي زلاطه مدنكه تلمس وجهي رفع شعري باصابعه باوعتله وابتسمت
عُقاب :- احبچ
راعوث :- احبگ
– نسمات الهواء بارده تلعب بشعري هدوء المكان نضراتنه الحب كلشي حلو ويا اخذت نفس وزفرته براحه ..
– حضرنه العشه صبينه طلعلي من العلاكه دشداشه فوك الركبه بهواي والردن خيوط قماشها فانيله مخططه ابيض واخضر بالعرض وبيها رسمه بنات اثنين لابسات قبعه شمسيه
عُقاب :- كومي لبسي
راعوث :- يا
عُقاب :- كومي بويه
راعوث :- ما البسها هسه بعدنه نريد ناكل استحي
عُقاب :- فدوه لربچ كومي
راعوث :- حباب عُقاب منين جبتها اسم الله
عُقاب :- تكومين لو احضر الجن
راعوث :- اعوذ بالله اعوذ بالله لا اله الا الله اللهم صل على محمد وآل محمد بسم الله الرحمن الرحيم
عُقاب :- كلها شردت صارت ركضه
راعوث :- سمعت طكه بالدرج لو اني تخبلت كمزت بحضنه ضميت راسي بصدره ومغمضه بكل قوتي
راعوث :- عُقاب راح اموت عليك القران اخاف عليك القران بستر امك حاجيني ابوس ايدك
عُقاب :- وچ بويه ماكو شي
راعوث :- خايفه كلبي راح يوكف
عُقاب :- البسك ابني
راعوث :- لاااااا
عُقاب :- كومي لبسي
راعوث :- وين البس اخاف انزل
عُقاب :- وراي ما اباوع
راعوث :- كول والله
عُقاب :- اي
راعوث :- عُقاااب
عُقاب :- وداعتك
راعوث :- كمت من حضنه رحت وراه نزعت دار وجها خليت الملابس على جسمي وعطت ، لااااا عُقاب
– ضحك ودار وجها لبست الدشداشه تجنن بارده وخفيفه بس متوتره شويه رحت يمه باوعلي صفن عليه وسحبني لحضنه كعدت بحضنه دنكت راسي صافن بيه لزم جسمي حسيت انتلت
عُقاب :- تررررفه ترررفه
راعوث :- يله نريد ناكل
عُقاب :- وچ شيبت وچ اشتعلت وچ احتركت
راعوث :- عفيه عُقاب والله استحي والله
عُقاب :- الثوب ابو خمسه وطلع هلكد حلو عليك جا لو غالي شتطلع
راعوث :- دنكت مستحيه ، خلي ناكل
عُقاب :- نعوف العشه
راعوث :- وين نروح
عُقاب :- نروح لعالم ثاني
راعوث :- جوعانه والله شم ريحة التشريب تجنن
عُقاب :- الله يساعد كلبي
راعوث :- حباب خلي نكمل الليله الزوجيه
عُقاب :- نكمل ليش مانكمل بس ختامها مسك وتعرفين بيمن نختمها
راعوث :- عضيت شفتي الجوه تقرب من خدي شواربه طخن بخدي كزبر جسمي غمضت عيوني باس خدي كمت من حضنه كعدت يمه واكلنه
راعوث :- عُقاب هذا مي لو تشريب
عُقاب :- نعمة الله اكلي واسكتي
راعوث :- هههههههههه باهت مابي ملح
عُقاب :- هاي حطيت ملح اكلي
راعوث :- اكلت منه مو عدل مسوي حتى الدجاج زفر عفته ماتحملت اكله هوه هم ذب الي بايده وباوعلي ضحك ضحكت كام غسل كمت وراه شلت الصينيه غسلت راح كعد على الفراش فتح علبة جابها من الكنتور رحت اله باوعلي وحجه
عُقاب :- هلا باليتمايل بخصره هلا بالماخذ كلبي هلا باليسطر هلا بالخطر هلا بالشاغل بالي
راعوث :- ابتسمت كعدت يمه انزل بالدشداشه شفت الصور ، هذني شنو
عُقاب :- صور قديمه
راعوث :- هذا حسام
عُقاب :- اي بويه
راعوث :- اخذت الصوره اباوع بيها على ضوه القمر وفلاش الموبايل كمت اطلع صور واباوع
راعوث :- عُقاب
عُقاب :- ها ابوي
راعوث :- حسام يشبه هذا الشاعر مادري شسمه
عُقاب :- ياهوه حبيبي
راعوث :- اسمه خضير اعتقد
عُقاب :- خضير هادي
راعوث :- ايييي بس حسام ملامحه حاده بس ينطي شبه جبير
– سكت ما جاوبني كلبت بالصور شفت حسام ومره وبنيه صغيره كدامهم وبحضن المره طفله
راعوث :- هذوله منو
عُقاب :- عائلة حسيم
راعوث :- هيه هاي مرت ابوك
– ما جاوب باوعت بالصور شفت صورتهم كلهم وولد واكف وياهم صغير بست الصوره
عُقاب :- هاي المن؟
راعوث :- الك هذا وياهم صغيرون
عُقاب :- هذا مو اني
راعوث :- هههههههههههههه لعد منو
عُقاب :- ابن اختها هاي صبيحه
راعوث :- غير اسمها هيفاء
عُقاب :- اي هيفاء عيني
راعوث :- ضحكت باوعت بالصور ، وين انته
عُقاب :- هذني جم صوره بيهن اني
راعوث :- ليش مو هواي
– شفت صوره بستهن وحده وحده رحت حضنته وبسته
عُقاب :- وچ لا تهيجينه
راعوث :- رجعت الصور بمكانهن ، هذا بيت منو
عُقاب :- حسام
راعوث :- هوه مو من البصره
عُقاب :- من يجي لبغداد يكعد بهذا البيت
راعوث :- زين هاي الباب المن مسويها
عُقاب :- لشيب ابوي
راعوث :- تخوف
عُقاب :- جنت افتحها واكعد اباوع على الشارع و جم مره حاولت اشمر روحي منها جان تفكير مراهق
راعوث :- تقربت منه كعدت بحضنه حضنت ركبته باوعت بعيونه بسته احاول ابعد هاي الذكريات عنه
راعوث :- هسه ابنه ويانه بهاي لحظات الحلوه
– ايده حاوطت خصري باسني وحرك اصابع ايده على ضهري بهدوء همس ..
عُقاب :- اششش وحدنه بس اني وياج خلينه نعيش الليله باكملها
راعوث :- حلوه العيشه وياك
عُقاب :- تذكرين من كلتلج هسه اتأكدتي
راعوث :- اتأكدت احلى عيشه عشتها وياك
– ركز بتفاصيلي مشه اصابع ايده بهدوء على طول ايدي كزبر جسمي تقرب من اذاني همس ..
عُقاب :- غزال وما ينصاد
راعوث :- غمضت عيوني وجسمي يرجف دفعني على الفراش نام فوكاي يباوع بعيوني عين عين نزل عيونه على شفايفي مسافة شبر بين شفايفي وشفايفه شواربه طخت اطراف شفتي طبكن شفايفنه عصرت الفراش بقوه وغمضت ..
راعوث :- نايمه فوكاه هدوء نسمات بارده متغطين سوه اصابع ايده بين شعري سمعت الباب تندك بقوه كمت بسرعه لبست ملابسي الاجيت بيهن البس بخوف كام عُقاب لبس ومشه يريد ينزل كمت وراه واسمع الباب تندك حيل كلبي يدك بقوه من الخوف والتوتر ..
الفصل التالي اضغط هنا
يتبع.. (رواية راعوث) اضغط على اسم الرواية لتجد الفهرس كاملاً بجميع الفصول.