رواية تجبر أبناء العم – الفصل السادس والعشرون
/////////////////////////////////////////////
“” ايلين “”
اخذت السجينه سارة وتقربت يم بيبي
نوريه واردفت
سارة: شسوين جايههه أهنأ ؟؟؟
نوريه : بل بدايه نزلي هل سجينه
وبطلي عرامه اني اضل جدتج
سارة: هههههههه شنووو جدتي
خااببب دطيريييي وحك داحي باب
خيبر نعا*** ماخليج بعددد كل الي
صارررر والسويتي بينهههه تريديني
اتقبلججج واستقبلججج بل احضانن
لا حبيبتي هاي احلام العصرر بطليهااا
نوريه : سارةةةةةة والله العضيم اخلي
ابوج يدوس راسج بل قن****
فززني صوت قسور العالي
قسور: خلي يجرببب خليي يجرببب
واحدد منكمم بس يمد يدوو عليها
وحك سبع الكنطره ادفنوو وهو عايش
شكريه. : هدوو يما اروحلكم فدوة
سارة حبيبتي هاي امج وبيبيتج
سلمي عليهممم
سارة: والله لو تصيرون ملائكه
ماتشرف اسلم عليكم كلكمم
راحت صعدت فوگ تركض باوع قسور
عله نور وأشر الهه عله سارة هزت راسها
نور خله وطلع
نبراس : تفضلوو يا كل الهلا نورتو والله
سجى: منورة الدار باهلهاا
اجت عمتي دموع (ام نور )
عله نور تقربت تبوسهاا رجعت
نور ليورة …
دموع : شمالج يمه ليش هيج داتسوين
وياي يا بعد عيني
نور: روحي منا ماريد حته اشوفج هيج
تكسريني يمه هيج تطيني بروح مطمئنه
وبدم بارد لناس حته ماعرفهم
دموع : يمه مو بيدي بيش احلفلج
وصدگين مو بيدي يبعد عمري
دنگت راسهاا نور تبجي تقربت عليه
امهاا وضلت تبوس بيه وتحضن بيهاا
بادلتهاا نور الحضن وثنينهن گامن
يبجن بصوت عالي
باوعت عله امي الي جانت لهسه واكفه
تباوعلي ماكدرت روحي مفرفحه عليها
رحت الهه اركض ابوس بديهاا وراسهه
حضنتهااا حيلل احس بشوفتهاا ردتلي
روحي محد بدينه ميحب أمة كلنا
منگدر بدون امهاتنا شعور يقهرر انو
تعوفين امج ومشوفيهااا لمده 9 اشهر
روحي ميته عله شوفتهاا
ام ايلين : يا يمه يا حبيبتي والله روحي
راحت بغيابج كلبي طك عليج يا بعد عمري
ايلين : ماما لا تروحين بعد ابقي يمي
فدوة ابوس رجلج اني احبج ماريدج
تروحين وتعوفيني ماما والله دائماً
انسه من اريد شي اكول ماما وبعدين
اتذكررر انت مو يمي
حجيت هيج وانفجرت بل بجي ..
////////////////////////////////////
“” هاله””
كاعدين بصاله كلنه ماعدا سارة ايلين
يم امهاا ونور هم وبيبي هاشميه ونوريه
كاعدات يسولفن
ورحيق هم موجوده فززني سوال امي …
ام هاله : يمه حبيبتي شلونج ويه رجلج
هاله : لا الحمدلله زينين
ام هاله : تممتوو زواجكم
هاله : اي
ام هاله: ماصار عندج شي
هاله : لا
ام هاله : يا حبيبتي راجعي دكتور لعد
ضلين هيج
هاله : ان شاء الله حبيبتي احجي
ويه ليث عود
رجعت باوعت عليها وكلت
هاله : ليش ماتصلتي عليه ليش ولا
وحده بيجن سئلت علينه
ام هاله : ولج يمه ليش ابوج وعمامج
وبيبيتج مايخلونه والله طول هل فترة
روحنه ميته عليجن …
زهرة: يمه فدوة روحن صيحلي سارة
اريد اشوفهاا والله كلبي فرفح عليها
وين بنيتي وحيدتي
نور: عمه انت تعرفين سارة كلش زين
هيه هيج شويه شويه يحن كلبهاا
وتنزل تشوفج
زهرة: والله شكله مو هيج يمه بنيتي
متغيرة يروح امج وينج حبيبتي تعالي
حضنيني مثل قبل ولج يمه دومج تجين
تنامين بحضني من رحتي برد حضني
يمه يا بعد حيلي سارة بنيتي وينج
حطت شالهه عله حلگهاا وكامت
تبجي وتنعي
زهرة: والله عزيزه البنيه يكولون
چا عفتو بنتكم شلون
يحنان مو انتو تعرفون
والله مريضه كون تبطون
گامت تبجي أو بل أصح مو بس هيه
عمتي زهرة أهنأ كلنه بچتنه عله صوت
بچيهاا نزلت سارة تبجي راحت الامهااا
تركض حضننن بعض وثنينهن يبجن
موقف مانساه ابد ….
بعد البجي والقهررر من شفنه امهاتنه
حرفياً كلنه مشتاقين الهم وهمه أو
بل أحرى بس امهاتنا يبادلونه هاذة
الشعور لان من اجو لحد هسه ماشفت
نضرة حزن أو حب حنان بعيون بيبي
نوريه ماعرف شنو سببب هل كرهه
احنه كلنه من جنه صغار ابد جنه
هادئين ماعدا سارة طبعاً بس سارة
ماتتعارك عله عبث هاذة الكره جان
مرافقنه من جنه صغار ولهسه بعده
موجود
شنو سبببه ماعرف واتمنا اعرف علمود
الگه سبب يكرهاا الببيبي الي بعد كل
الي سوته لهسه احبهاا واحن الهه مرات
اسئل نفسي واكول ليش تحبيهاا اذا جانت
هيه اصلا مطايقتنه وماتريدنه ليش اني
احبهااا ليش ما اقبل عليها ليش قبل
من تتمرض اضل ليل كله ابجي بس
مالگه جواب ولا اعرف هاذة الكرهه
الي عدهاا تجاهنه شنو موضوع
ومنين نابت بس الايام كفيله انو
تخليني اعرف …
طلعني من تفكيري صوت حسين اخو
سارة وهوة يكول
حسين : سلام عليكم
هاله : وعليكم السلام هلا حسين شلونك
حسين : هلا خويه الحمد لله انتن شلونجن شخبارجن
هاله: لا الحمد لله
حسين : وين سارة؟؟
هاله : جوة تحب اصيحهاا
حسين: اي والله يابعد خوج
هزيت براسي ورحت أصيح سارة
هاله : اءء سارة تعالي
سارة: شكوو
هاله : هسه غير تجي
زهرة: كومي حبيبتي شوفي شكو وتعالي
اجت سارة تباوعلي تريد تعرف شكو
سارة: هاي شبيج
سكتت ماكملت كلامهاا من شافت
حسين
دارت وجهاا تريد ترجع لزمهاا
حسين : هاي وين رايحه مامشتاقه الخوج
سارة: لااااا مامشتاقه ليش انت
مشتاققق هسه جايني ودكلي هيج
بعديشش هااا كوللل وللكك اني اختك
الوحيدة هيج ماسوة شي يمكك ولكك
بجذب دگ عليه تعالي كول اختي
اريد اشوفهااا
تحجي وتبجي وتاشر بحرگه
حسين : والله العضيم مو بيدي والله
مايخلوني اجي محد يقبللل ابوي متابع
تليفوني اهواي كلت الهم نجيكم علمود
نشوفكم بس رفضوو والله دائماً مشاكلي
وياهم عله مودج
سارة: احتاجيتك يخوي اهواي والله
احتاجيتك ليش هيج مو اني اتباهه
بيك ولك والله ردتك سند
تقرب يريد يحضنهاا دفعتهه وگالتله
سارة: ولي لا اني اختك ولا حته اعرفك
سكت حسين يباوعلهاا
خلت وراحت
هاله : خلص عوفهاا هم بل بدايه سوت
ويه عمتي زهرة هيج وبعدين تصالحن
هسه تهدأ وتجيك هيه تصالحك
والله سارة حنينه
حسين : ادري بيها ومالومهااا حقهاا
اني قصرت
هاله : زين حسين عبد الإله جاي
حسين : لا هوة بس
هاله : شنو ؟
حسين : خلص بعدين تعرفين
طلع وعافني شعرف بعدين يعني
////////////////////////////////////////
“”رحيق””
صبينه غده وبعد كميه المشاعر
والاحساس الي شفته عيوني من
وحدهاا تدمع واني جاي أصب
دخلت سارة شافتني وگالت …
سارة: شبيج
رحيق : ماكو شي بس من شفتكم تأثرت
سارة: هجم بيتج اي والله تأثرت هيه
بس بشنو تاثرتي عيني ؟
رحيق : اخخ يا أختاه تأثرت كثيراً
عندما تقدمتي وصافحتي امكي
سارة: اممم عبير 2
رحيق : دنجبي لج الجايفه
سارة: مثل امج
رحيق : ايااا طايحه الحض
سارة: عزااا والله نسيت امج حبابه
امم بس هوة كال ابو المثل
رحيق : شكال ؟؟
سارة: الورده تخلف شوكه
رحيق : تفوو عليج هوة اني شترجه منج
سارة: شوفي لج تسكتين الا اجي
اعرف شلون اسكتج الوصخه
رحيق : لاااا انت صايرة كلش اضنوو
جلدج يحكجج
سارة: ولججج شايفتنييي وصخه
مثلج هاي انت يجوز تحكين من الوصخ
وجايه تكليلي هيج عبالج كل الناس
مثلج وصخه
رحيق : حبيبتي اصلا النضافه يمي وبس
سارة: ههههه كلش الخايسه
رحيق : الجايفه
سارة: ام الوصخ
رحيق : ام الگلگ
سارة: عابت لهل وجه
رحيق : مثل وجهج
سارة: عيعععع
رحيق : عيعاات
سارة: شنو عيعات ولج
رحيق : مادري بس يمكن جمع كلمه عيع
سارة: ياااا
رحيق : وجعاااا
غمتني وراحت صحت وراهاا
رحيق : اني اعلمج اذا ما اخلي قسور يطلگج
أم الوصخ
////////////////////////////////////
“” نور””
صبو غده البنات ولتمينه كلنه ناكل
عل سفرة بس إلزلم اكلو بل مضيف
واحنه بصاله بلا سماح وبلا ريماس
كاعدين نأكل بهدوء
بس اكيد اكو سوالف وضحك وكل
عاده رحيق وسارة محليات الكعده
ساعه يتعاركن ساعه يتمضحكن انوب
يحشن بناس دائماً سوالفهن تضحكيني
وتغير المود
خلصنه اكل وشربنه جاي وبعدهاا دخلو
عمامي وأبوي سلمنه عليهم سلام بارد جدا
جدا باردددد متغيرين وكبرانين وشيب تارس لحيتهم لتموو كلهم بل استقبال كعدوو وهم اصوات ضجه شي تضحك وشي تسولف
وخلصناهاا هيج لحد العصر تقريبا هم
جابو طباخ لان همه عازمين كرايبهم
وطبخ وراحو الولد كلهم ويه سيوفي
علمود يطهروو والبيت هوسه
نركض كلنه وماملحكين اجو الولد وسيوفي
خطيه صح مخليله بنج بس يبجي وجهه
احمرر تلگته ايه وحايره بي هيه وكامل
يسكتون بي
كملوو العشه وتعشينه هم وبعدهااا اجو
أهل التزيين وزينو الصاله بلون الزرق
وخلو الافته باسم ” ختان سيف ”
ورحنه كلنه بدلنه بغرفه وحده كل وحده
جابت فستانهااا واكيد نجمعن بغرفتي
لبسنه وسوينه شعرنه ومكياج خفيف
وبعد ماخلصنه لتمينه كلنه عل مرايه
اني والبنات ورحيق وحضنه بعض
فعلاً طلعنه عبالك اميرات ..
رحيق : اوو ماشاء الله بناتتت
راح يطگونه عين
سارة: أكرهه اكولهاا بس اني أتفق ويه
رحيق صدك رحيق شنو راح تسمين
طفلج اذا جان ولد
رحيق : زين العابدين
سارة: واذا بنيه
رحيق : فضه
سارة: تف عليج ماسمينهه سارة
رحيق : شنو اسميهاا سارة علمود
تطلع مثلج مشمشرة وخبله الله يعينه
اخوي عله مابلاهه
سارة: امم الوصخه
رحيق : الجايفه
نور: كافي وحمس شبيجننن مخابيللللل
يلااا امشن يلا
هستوهن يردن يطلعن عطت بيهم
نور: ويننننن شالاتجننن
سارة: شوفن ومن اكول نور حوزه ماترضنن
طلعنه وحده ورة الثانيه وجانوو كلهم
بصاله بس طلعنه صاحت رحيق
خلتهم كلهم يلتفتون
رحيق : احممم نعم يا ساده يا كرام
هذولييي حفيدات نوريه الي
سحلووو اخوانيبيي
///////////////////////////////////////
“” هاله””
نور بهمس : ولجج صخيمهه صمي الحلكج
رحيق : اووي شبيكم
سارة: عابت لهل حلك العوج مثل صاحبته
شكريه: تعالن يما حبيباتي
رحنه كعدنه يمهم دورت عيوني عليهم
ليث يباوعلي ويغمز درت عيوني عله
قسور لكيته يباوع لسارة مزغر عيونه
وهيه تباوعله بطرف عينها معاجبهاا
نور مدنگه راسهاا وقتام مدري شيحجي
وياها وايلين شويه بعد وتطب بحضن
حاتم اباوعلهم واني بداخلي احمد ربي
واشكره عله المتنه هاي وكلامنه وفرحنه
بس ماكو سعاده تدوم طلعت شاهندا
من غرفتها تلعلع بصوتهاااا وكالت
شاهندا: كاعدينننن ومنجمعينن وفرحانين الجماعههه ولكمممم وامييي طردتوهاااا
وعبالكم راح ترتاحونننن
غازي : شاهندااااااا ترحين الغرفتججح
احسلجج
شاهندا: ولكمممم امييي هاااي اميييي
تردون اسكتتت وانتنممم طاردينهااا
قسور: وحگ سبع الكنطره اذا متولينننن
مناااا الحگج بااامججج
لتفتنه عله صوت سماح الي صدمنه
كلنه سماح من حجت مادخلت من باب
الشارع لااا نزلت من فوك شجابهه فوك شصعدهااا ؟؟؟؟؟
سماح : ميحتاج تلحگهه بيهه هاي
انييي جيتههه
هاشم : انتتت شسوينننن فوككك
سماح : هههههههه ليش حضرة جنابك لسه ماعرفتتت منو اني
قتاممم : سئلج سؤال جاوبييي
سماح : اممممم تكدرون تسئلون امكم
كلهااا التفتت عله بيبي هاشميه الي
وجها صار اصفررر
جعفر: شتخرط هاي يمااا انت شعليج بيهه
قسور: جده احجي
هستوهه تريد تفتح حلگهه وتحجي بس
دخللل سجاد يركض ويكول
سجاد : الحگ يعمييييي عشيرة آل***
دگو بيت حجي صالح وشيخ ازهر
صاح عمي بصوت عالي
غازي : ركضووو يعمييي
درت عيوني عل ولد الي كلهممم
ركضووو فوكك ماكو دقائق ونزلوو
أسلحتهم بيدهممم ولابسين هاي مال
الطلق وطلعووو يركضون مانسمع
بس صوت شخط السيارات
عاطت عمتي شكريه
شكريه: يماااااا راحوووو ولدييييي بعد مايردوليييي
نبراس : يمه حاتممم وحيدي وين رحتتتت
زهرة: كولو يا الله يا جماعه شبيكم
سارة: شكوووو احددد يفهمنيييي
وينن راحوووو
رحيق : عشيرة آل*** عدهااا عداوة
ويانههه وراحو يدكون بيت حجي صالح
وشيخ ازهر الي همه بيت عم ابوي
هاله: زين ليش راحوو شعليهم همه
رحيق : شلونن وهمه بكل عركه تصيررر
يفزعون النه
سكتت كلبي ناررر والبنات حالهم اخس
من حالي كلنه خايفين يصيررر شي كلهم
راحووو بقوة بس حسين اخو سارة
وميثم اخو نور وعمي جعفرر
/////////////////تشويشه بارت بأجر///////////////////
بعد طلعت الولد ضلينه ننتضر
تقريبا 3 ساعات وكل املنااا
يجون ومايتاخرون الصبح راح
يطلع وهمه بعدهم كاعده بغرفتي
وصافنه ومنتضرتهم يجونن ……
فززني صرخه البنات رحت اركض
بعدني بدايه الدرج وثارت صوت ثلاث
طلقات…………
غمضت عيوني وگعت عله اركبي
واني اشوف اخوي حسين واكع بل
كاع وسابح بدمه وبصفه عمي جعفر……
يتبععععععع…………
////////////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.