رواية تجبر أبناء العم – الفصل السابع عشر
//////////////////////////////////
“”” ساره “””
“سماح بنت هاشمية.”
طفيت الموبايل…عيني على الكتاب
مفتوحه عيوني بكل وسعهااا
آني سارة… بس هسه، لازم أصير غير سارة
فتحت الكتاب…
أول ورقة: مكتوب بخط غريب
بس واضح…
> سماح بنت هاشمية – مولودة من
رحم الظلمة، مقيدة بالعهد.
ضليت اباوع الاسم… “سماح؟!”
سماح؟ مرت هاشم؟ معقوله ؟
چنت أحس الدنيا داتضيق بيه الحروف
بلشت تتحرك بعيوني…
قلبت الصفحة الثانية، لگيتها كلها أسامي
مو بس سماح…
> نور بنت دموع
هالة بنت سعاد
إيلين بنت مياده
وسارة بنت زهرة… – بختم أحمر عليه طلاسم
بلعت ريگي بخوف
شنو هذااااا؟؟؟
منو اللي كاتب هاي القصة علينا؟؟؟
ليش أسمائنا موجودة بكتاب سحر؟؟
ماعرف شنو ؟؟
جنت أرجف، الكتاب وقع من إيدي، وياه
وقع ظرف أسود صغير…
فتحته، طلع بيه صورة الجد…
محمد العلي…
بس مو وحده…
يمه صورتين… بيبيتين… وراهن مكتوب:
“اللعنة تبدأ من أول عهد…
وتنتهي إذا انقلب الدم على الدم.”
هنا حسيت روحي دا تختنق…
شنو السالفة؟
منو بيبيات الجد؟
وشلون سماح إلها علاقة بهيج لعنة؟
وليش أسماءنه هناااااااا ؟
لميت الصورة بيدي، وعيوني ما فارگت
وجه جدي…
صورة قديمة، باين بيها التعب بعيونه
چنه يدري إنو بعد موته راح ينعاد الخراب…
بس هذني البيبيات؟ ليش ثنينهم يمه
مو عساس هنه مايعرفن بعض ؟ وشنو
“ينقلب الدم عالدم”؟؟
كلمات تخوف… بس المعنى بعده غاممض
رجعت الكتاب المكانه ويديه ترجف من
الخوف، طلعت من الغرفة بخفة، وسديت
الباب الأسود بهدوء، وحطيت المفتاح بيدي
ونزلت جوة بهدوء دخلت الغرفه بيبي واني
ميته خوف احس اكو شي بداخلي مامرتاح
كلشي الي شفته غامض ومدافتهم شي
شنو دخل سماح بالسحر؟
وشلون اسمائنا كلها اهنا
وإذا الموضوع فعلاً سحر…
فوالله، يا سماح، إذا لج علاقة، أني اول
وحده راح اگلب حياتها
گعدت على الجربايه، ضميت رجلي
بصدري، وضليت اباوع البردة اللي تهتز
من الهوا…
الدنيا ساكتة، بس رأسي مو ساكت
رأسي يعج… مليان ضجيج.
همس داخلي:
شنو هذا الكتاب؟
وشلون أسمائي وأسماء البنات بيه؟
وشلون سماح؟
سماح، هاي المرأة اللي من أول يوم ما
حبيتها، من نظرة عيونها وهي تطالعني
بسم، چنت أحس بيها شي مو طبيعي
مو بشري.
همست بنفسي:
جدي محمد العلي… شمسوي؟
وشلون هاي الصور يمه؟ منو اليش بيبي
نوريه وهاشميه يمه مو عساس ماشايفات
بعض ؟
وشنو اللعنة اللي تنتهي بانقلاب الدم؟
دم منو ينقلب على منو
كمت ن مكاني، مشيت ببطء لللمرايه وباوعت
عله روحي.
– أني سارة… سارة بنت زهرة…
بس شنو أني فعلاً؟
ضحية؟ لو مفتاح؟
ولو مفتاح… مفتاح لأي باب؟
نفسي چان حار، حسيت إني مو وحدي
حتى لو ماكو أحد…
كأنو شي يتنفس ورايه…
بس ما التفت، لأن خوفي صار صديقي
والمواجهة رفيقه دربي
گلت بصوت ناصي:
راح أكشفچ يا سماح…
حتى لو كل بيتچ ظلمة…
أنا راح أولع بيه النار.
/////////////////////////////////////////////
“” هاله””
ومرت الايام وجانت كلش سريعه
بعد ماعرفنه سالفه السحر سارة
وضعههااا ابد مو طبيعي تصفن
اهواي اربعه وعشرين ساعه تباوع
عله بيبي وسماح عينه مطيح منهم
قسور مابقاله شي ويرجع يومين بس
ودائماً اشوف سارة تتصل عليه بس
هوة لو ميرد لو يرفضه وسارة ابد
ماتحجي ساكته
احس قسور تغيرت معاملته ويه سارة
حيل تغيرت وسارة هم بهل فتره تغيرت
نفسيته أحسه تعبت ماتحجي اهواي
اغلب وقته ساكته
أحسه باله شي واحس هدوئه مثل الهدوء
ماقبل العاصفه ….
مرة جنت كاعده بغرفتي ودخل ليث بس
شفته اجيت اطلع گبل لزم يدي
هاله : وخر مني ليث
ليث : هاله اسمعيني شبيج ترة انت
مو صغيرة
هاله : تمام يلا داسمع احجي
جتفت يدي الصدري
ليث : شوفي اني غلطت صح وياج
بس ريهام داتعاني من زوجهااا تخيلي
زوجها جاي يعنف بيهه يعني حته لو
انتهت علاقتنه تضل بيناتنه عشرة
عمر وبعدين هيه نختني واحنه مو
من عوايدنه نرد دخيل
هاله : عجيب والله عجيب ليش هيه
يمته تزوجت وكام يعنف بيه ليث انت
دافتهم داتحس والله العضيم عقلي يگلي
داتلعب عليك والله داتضحك عليك مبينه
تريد تخرب حياتنه
ليث : لا لا مو هيج هاله
هاله : خلص ليث خلص اني تعبت منك
تعبت من كلشي يخصك تريد تروح
روحلهااا تريدهاااا روح يمهااا لا تحجي
وياي ولا دخلني باي شي عوفني بحالي
كلشي ماريد منك
ليث : انت صاحيه جاي تخربين بل علاقه
الي توهة بدت
هاله : بدت بس ماتهنينه
قبل لا يحجي خليت وطلعت اني مليت
خلص بعد كلبي مايتحمل لا زعل ولا
تضحيه كرهت ليث وكرهت حته نفسي
////////////////////////////////////
“” رحيق””
تقريباً بديت ارجع الحياتي الطبيعيه
بديت اتاقلم ويه الوضع سجاد حاول
وحاول يطلعني من الاكتئاب النفسي
الي جنت بي وفعلا نجح سجاد طلع
فعلا يحبني حب حقيقي ماعافني ولا
لحضه صارلي اب واخ وصديق عوضني
عن حنان اهلي الي افتقدته حسسني انو
الدنيه متوگف عله أحد وهسه فعلا
صدگت بعبارة
﴿ رب العالمين يأخذ شي وينطي شي ﴾
بس نفسي ماداتتقبله هل فترة روحي
تلعب اكلي صار قليل روحي تلوب الهه
والوحدهه نفسي تلعب اي عطر اشمه
احس روحي تطلع
شكيت اي شكيت بنفسي حامل بس
ماهتميت وگلت ماراح اكول احس
حامل لان هم اخاف اطلع مو حامل
واتامل عل خالي بلاش ماريد بعد
أنصدم لو تصير ضيگه بكلبي لو
انجرح البيبه الحد لان مكفيني …..
رحيق : عمه عادي اكعد يمج
ام سجاد : تعالي حبيبتي
دخلت يمها لان مليت اربعه وعشرين
ساعه مگابله الحياطين
ام سجاد: ها يما شخيرج ليش مضايگ
خلكج احس
رحيق : اشتاقيت الإخواني والامي وأبوي
كلته ودنكت راسي ابجي من ضيمي وقهري
ام سجاد: دحگي يما مرات الإنسان يمر
بتجارب تخلي يييئس بس بعدين رب
العالمين يفرجها عليه يما بهل دنيه لازم
بل بدايه تعلعل وبعدين ربج يفرجها عله
هاي الوادم كلشي جاي تمرين بي هوة
اختبار من رب العالمين سبحانه وتعالى
جاي يختبر صبرج قوتج يامنج بي كلشي
اله حل ورب العرش العظيم فرجه بساعات
رحيق : ونعم بالله
ام سجاد: حبيبه الله كريم
هزيت براسي بس اني شيصبرني كلبي
يلوب اريد اشوف امي كلبي طاك عليه
بس الحمدلله على كل شيء سكتت واني
مادري انو الجاي والايام الجايه شلون
راح تخليني اترحم عله هاي ايامي …
///////////////////////////////////////////////
“” ساره””
افتر بل غرفه اتصل عله قسور الي
تليفونه فجئه نغلق وعقلي يجيب
ويودي افكار اروح وارجع بس فجئه
دگ تليفوني وطلع الرقم
‘عبير’
سارة: الو هلا عبير
عبير: هلا سارة اريدج بموضوع
سارة : شنو شصاير
عبير: هاذه هاشم لازك
سارة: شنووووو لازك ؟؟؟ عبير
مدافتهم عليج
عبير: لج راسلته ورد عليه وضليت
احجي ويااا هاي الفتره كلهااا لج هسه
جايني يكلي اني بديت احبج يا بنت الجواد
سارة : اني كلشي توقعت بس حب بهل
سرعه لا هاي واكفه
عبير: لججج اي لزگلي انوب
سارة: هوة هاذه المطلوب
عبير: اكلج شو اني متردده احس
سارة: دير بالج عبير انت حتزوجين هاشم
لو أعرف اگلب البيت عله رأسهم راح
تزوجي ضلي جرجري بي وحبببي
بيج اكثر تمام ؟
عبير؛ تمام سارة تتوقعين يتجرأ
ويتقدملي ؟؟
سارة: كلشي نتوقع من اولاد محمد لعلي
ولو اني شاكه بهل موضوع
عبير: يا موضوع ؟
سارة: انسي خلص كملي الي بدينه بي
يلا مع السلامه
سديته منههه واحس مي بارد نزل عله كلبي
سارة: من اول يوم فتت بي لهل بيت
وگلت الكم يا بيت محمد العلي اذا
ماهجمته عله راسكم وكشفت اسراركم
واسحاركم وخليتكم واحد يلطش بثاني
ماطلع بنت امي مو اني الي انكسر ولا اني
الي اعوف ثأري انتضرو وشوفو بعينكم
عيشو بهل نعم وكثرو جايتكم بنتقامي
اخلي صغيركم يلطش بچبيركم ..
نزلت جوة وشفت بيبي تسبح كلت بكلبي
سارة: والله اني شاكه بيج وبسبحتج
يجوز تطلعين انكس من نوريه نشوف
البنات بل مطبخ يساعدوو العاملات
وايه توكل بسيف ابنهاا
ايه اي ايه هيه صارله 10 سنين متزوجه
كامل اكيد تعرف شي عن هل موضوع
ويمكن بهل فتره بس ايه اكدر اثق بيهه
وبنسبه للبنات ماكدر اكول الهم أو اعرض
وحده منهم للخطر رحت يمها
سارة : ايه عادي نحجي
ايه : اكيد يروحي بامرج اني
سارة : طال عمرج حبيبتي كومي بغرفتي
ايه : بس خل اغسل السيوفي واجي
سارة : تمام حصعد قبلج
صعدت الغرفتي انتضرها عله نارر مرت
تقريبا 5 دقائق ودگت الباب
سارة : دخلي
دخلت وجه يضحك
سارة : اتفضلي
گعدت كبالي عله الجربايه باوعتلي عاگده
حواجبه باستغراب من وضعي وگالت
ايه : شبيج سارة
سارة: ايه اني ماحب الف وادور اني دخلت
لغرفه الباب الاسود
سكتت مطگگه عيونهاا من الصدمه
گالت بتلعثم
ايه : اءءء ي ي يا باب ماعرفه اني
سارة: ايه احلفي بداعت جهالج دكولين
الحقيقه
ايه : سارة لا تسوين هيج ماكدر
سارة: ترا شفت الكتاب الاسود احجي
لو تردين اعرف بطريقتي
سكتت تدور وجه عني
سارة: ايه !!!!؟؟؟
ايه : بس توعديني مادكولين الاحد
سارة : وعد
ايه: اني هم من دخلت الهاذه البيت أو
بل أحرى القصر هم جنت فضوليه
مثلج وادور وفتت الغرفه الفوك وشفت
اللي شفتي ومرة سمعت سماح وبيبيتج
هاشميه يحجون شوفي سماح فعلا بنت
هاشميه
سارة : شنوووو وهاشم
ايه : هاشم مو ابن محمد العلي هاشم
ابن اخت هاشميه وهيه ربته وكبرته
وزوجته بتهاا سماح
سارة : مو معقول زين سماح لمن دكول
اروح لاهلي وين تروح و العشيرة واهل
البيت يدورن بهل شي
ايه : لا محد يدري وسماح وين تروح
بس الله اليعلم العشيرة واهل البيت
والمنطقة وكل العالم الي يعرفونه مايعرفون
سماح بنت هاشميه عبالهم سماح جنه مثل
عمتي شكريه ونبراس بس بل حقيقه
سماح بنت هاشميه بس مو بنت محمد العلي
سارة : شنوووووو ثواني خل استوعب
سماح مو بنت محمد العلي !!!!!؟؟؟؟
ايه : اي هاشميه قبل لا تزوج محمد العلي
جانت متزوجه قبله وجايبه سماح
سارة: يعني عله هذه كلامج سماح اكبر.
من عمو غازي حته ؟؟؟؟
ايه : اي بس مصغرة نفسهااا بعمليات
التجميل وماتسمن علمود تبين صغيرة
ولا هيه چبيرة
سارة : زين هذه كتاب السحر وبي حته
اسمائنا شيسوي بل غرفه
ايه : سارة انت تدرين انو بيبيتج
هاشميه وجدج محمد العلي جانو من
أكبر السحراء همه سحاريين !!!!!
////////////////////////////////////////////
رفعت ( صديق قسور)
گاعدين كلنه مجموعين بل مكتب وكاعد
يشرحون أنه الخطه الان مابقه شي
عل مهمه السريه راح نروح اني وقسور
واحد من الضباط والجنود
الواء حمزه : ها افتهمتو الخطه هسه
الكل : نعم سيدي
الواء حمزه: عفيه عليكم ابطال وهسه
انطلقو الله ومحمد وعلي وياكم
الله ينصركم
هزينه بروسنه وضربنه التحيه وطلعنه
من المكتب متجهين الغرفه التبديل
نغير الملابس وننطلق
رفعت : قسور جاهز مو
قسور: اي وانت
رفعت : ابريني الذمه اخوي مهمتنه صعبه
قسور: وانت هم ضلعي
اجه الملازم أول علاء ضرب النه تحيه
وگال
علاء: سيدي تروحون وترجعون بسلامه
قسور: حبيبي المسنع
طلعنه متوجهين المهمتنه والي جان بيه
مصيرنه مجهول ياما نموت أو نعيش
وصلنا للمكان الي نريده طبو كدامنه
جنود واحنه وراهم متحضرين
اشر قسور اللبقيه يتقدمون
اتقدمو واحنه وراهم لازمين
اسلحتنه متحضرين باوعت عله
قسور بادلني النضرات صوفر
قسور اللبقيه
وصار الطلق ماله والي احنه نضرب
وهمه يضربون واهنا عرفنه اكو
جاسوس تابع الهم ويانه
وللاسف حاصرونه من كل الاتجاهات
نص الجنود ماتو واحنه ماستسلمنه و
لا همه ضلو مستمرين بإطلاق النار علينه
واحنه كذالك
بس الي جنت خايف منه للاسف صار
واكف جاي ارمي وقسور گبالي هستوني
اريد انبطح وارمي
ماحس الي صاح قسور بعلووو
صوته باسمي
قسور :: رفعتتتتت
اجتني دفعه قويه من قبل قسور درت
وجهي عليه ويه ديرت وجهي رمو ثلاث
طلقات واحس اكو شي حار دخل يدي
ضليت اتطوطح من شده الالم وگعت
عله ركبي عيوني غوشن نعدمت عندي
الرؤيا غمضت عيوني وگعت واخير
شي شفته ولهسه منضر ميروح من بالي
قسور مددد بل كاع وسابح بدمه ……
يتبعععععع…….
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.