رواية تجبر أبناء العم – الفصل الثامن عشر
////////////////////////////////////////////////
“” نور “”
گاعدين بصاله نباوع عله التلفزيون
نزلت سارة وجه اصفر
نور : شبيج يروحي مريضه ليش
وجهج اصفر
سارة : نور مادري بس كلبي احس بي
نار وشاعله
نور: شنو شبيج حبيبتي
سارة: كلبي كلبي نار مامرتاح
احس حيصير شي
هستوني دارد عليهااا ودخل عمي هاشم
هاشم : لججج شكريةةةة لحگي يولوووو
قسور بل مستشفى يگولون مات
درنه وجوههنه علي مصدومين
فاتحين حلوگنه مات معقوله
درت وجهي عله سارة فاتحه عيونها
وساكته مانطقت بحرف واحد
طلعت عمتي شكريه تدگ عله راسههاا
وتزلغ بخدودهه راحتلهاا هاله تلزم بيه
وهيه ماكو مستمرة
درت وجهي عله سارة لي وگعت عله
ركبتهه فاتحه عيونها عبالك فصلت
عن العالم رحتلهااا اركض اغسل
بوجهه ساكته هادئه وعمتي شكريه
تعيط وتلطم حرت اروح العمتي لو
ابقه يم سارة طب سجاد عله صواتهم
راحتله عمتي تركض
شكريه: احلفك بعزيز كلبك شبي ابني
مات يگولون ابني مات
سجاد : عمتي والله ماميت
شكريه : لا لا هاشم كال مات يمااا راح
عزيز كلبي
سجاد : عمه والله ماميت يعني لا سامح
الله لو يميت تلگيني هينه
شكريه : خذني له
سجاد : حاضر وتامرين يلا تهيري انت
وحرمه القسور نور خيي انت وياهم هم
هزيت براسي وگومت سارة الفاصله ولي
حته ماتحجي
راحت هاله جابت صايه الي والسارة
لبست ولبست سارة
باوعتلي وهمست
سارة: مات وهوة زعلان مني
نور: لا لا سارة مامات والله مامات
حبيبتي لا تفاولين عليه
لزمتهه وطلعت وراهم صعدت بسارة
وسارة بصفي شهكت أيدها عله حلگه
تبجي بحرگه سحبته الحضني اهدي بيهه…..
وصلنه للمستشفى نزلت عمتي شكريه
وسارة يرگضن اخذنه سجاد يم الغرفه
مالته ولگيناهه جنود وضباط وجيش
وصايرة لحم بس شافونه گبل الفو
رأسهم وماعرف شهمسوة القتام وراحو
راحت عمتي شكريه وگالت
شكريه: قتام يماا وين اخوك وين
عضيدك يماا
قتام : هدي يما بل عمليه هسه هوة
وانشاء الله مابيه شي
هزت راسها عمتي بس ادري گلبهاا نار
وجهه احمر سارة تروح وترجع تفرك
بديهه حيل كلهم موجودين قتام وحاتم
وليث وسجاد وعمامي كلهم واكو واحد
بيهم لابس ملابس عسكريه سئلت قتام
عليه وگال هاذه خالي ‘ الواء حمزه ‘ خاله
اخو شكريه
ضلينه ننتضر ونتتضر تقريبا مرت 4
ساعات واحنه گلوبنه خلصانه
طلع الدكتور بعد انتضار طويل
الكل : بشر دكتور
دكتور: بصراحه المريض حالته
حرجه ومصاوب طلعتين
وحده بمنطقه الكتف وثانيه بل بطن …
كمل كلامه الدكتور وكال
دكتور : حاليا الحمد لله نجحت العمليه
بس مطرين نخلي بل إنعاش
كلنه نصدمنه بهل خبر طلقتين !!!!!!
شكريه : يمه يمه يمه ابني يبووو
تلطم عله رجلهه حيل وجوهه اخير شي
تخربطت سندهه قتام وحاتم ودوهه
الغرفه من الغرف
طلعووو قسور من الغرفه مال العمليات
عله السديه راحتله سارة تبجي وتباوعله
وتلزم بوجه اخذوة للإنعاش وسارة
تبجي وشفايفه تتحرك بكلمات
مامفهومه
جريته گعدته اسكت بيهه
طلع سجاد ممن غرفه عمتي وگال
العمي جعفر
سجاد : عمي جايك بطلب تردني ؟
جعفر : تامر يبني الك
سجاد : رحيق لازم تعرف بخوهه أهنأ
وتجي تطمن عليه
جعفر : سجاد عوفو الهاذه الطلب
سجاد : عمي گتلي الك وجلمه الشيوخ
ماتنرد ها يعمي
جعفر : وخوانهه اذا درو اجت ماضن
يكضبون روحهم عنه
سجاد : عمي دخل اجيبه هين وأنه موجود
محد يگدر يحجي وياهه
هز رأسه عمي راح سجاد يجيب رحيق
واني مخليه ايدي عله كلبي من اخوانهه
////////////////////////////////////////
“” منار””
مابقه شي وادخل شهر الرابع وبوكته
راح اعرف شنو جنس البيبي فرحانه
عله متحمسه عبد دوم يگلي أنشأ الله
تجينه بنوته واني هم حابه تجينه بنوته
بس الاهم من كلشي الخلقه التامه بنيه
ولد كلشي خير وبركه مايهم
لبست وخلصت ومنتضرة عبد يجي
ياخذني للدكتورة علمود أخذ القاح
شويه ودخل عبد تعبان حيل الشغل
حيل متعبه يشتغل بكوفي واربعه
وعشرين ساعه واكف عله رجليه
منار : الله يساعدك حياتي
عبد : ويساعدج كلبي
منار : عبد خلص مانروح مو مهم انت
تعبان عوفه اليوم الجمعه مو عطلتك
عبد الإله: لا لا شلون مو تعبان كلش
امشي منار لازم تأخذين القاح بابه
منار : لا عبد عوفه يولي انت اهم
عبد الإله: خلص منار امشي
جراني من يدي ورحنه للدكتورة علمود
القاح طلعنه الساعه 3 الضهر ومن وصلنه
لگينه اهواي مراجعين يمها وضلينه ننتضر
لحد ماجه دورنه ماطلعنه لحد 6 المغرب
طلبت من عبد انو نرجع مشي بنفسي
اتمشه واني لازمه يده جان ازدحام
وسيارات واحنه ودنمشي شفت محل
مال دباديب وهيلو كيتي عجبونيي
كلش حلوات
باوعت عله عبد فاتحه عيوني برائه
بادلني النضرات وهز رأسه وكال
عبد : تردين من هذه ؟؟
منار : اي اريد هيلو كيتي ودبدوب
عبد : تامرين
ابتسم بوجه دخلنه للمحل اشترالي انوب
جابلي شعر بنات ودخلنه مطعم تعشينه
وحته جاي شربنه جانت طلعه تخبل تونسنه وغيرنه جو وهم سويت القاح …
///////////////////////////////////////
“” رحيق””
كاعده امشط بشعري الي اليوم مدري
شجاه مايرضه يتمشط
طب سجاد يلهث
رحيق :اسم الله هاي شبيك منو يركض وراك
سجاد :رحيق كومي ركض لبسي وتعالي
رحيق : ياستاررر شكووو
سجاد : قسور مريض بل مستشفى
كمت واني لازمه كلبي وخايفه
رحيق : شنوو يما اخوي شبي
سجاد : رحيق هدي مابيه شي
يلا ترحين لو لا
رحيق : اي بس تانيني
رحت ركض لبست الشال وخليت
العبايه شلون مجان
وطلعنه نركض صعدنه بل سياره والخلاني
اخاف هوه سجاد طول الطريق ينصح
ويهدي بيه بس اني مو يمه افكر بخوي
شبي
وصلنه نزلت من السياره اركض رجعت
ليوره من شفت اخواني واكفين بس
شافوني ماحجو اي شي بس عبالك
مايعرفوني هضموني حزت بخاطري
بلعته وسكتت طبيت الكيت نور وساره
كامت نور بس شافتني حضنتني حيل
وباوستني
راحت عيني عله ساره الي جانت صافنه
عل كاع وجه أحمر
رحيق :ساره ساره اني رحيق
رفعت رأسه تباوعلي بحزن كامت وكفت
حضنتني حيل بادلته الحضن وخرت مني
عيونه تلمع بدموع بس ساره تكابر مستحيل
تبجي كدام احد او يمكن الدنيه ذلته وخلتها تبجي……….
رحيق :نور شبي قسور مريض بشنو
عكدت حواجبه نور استغراب وكالت
نور :قسور مو مريض قسور متصاوب
رحيق وهسه هوه بل انعاش
سكتت كلبي كام يوجعني واني اتخيل
أخوي أخوي مصاوب احس الدنيه كامت
تفتر بيه غمضت عيوني ورخيت وماحسيت
بعد بشي
//////////////////////////////////////
“” نور “”
بس كلت الرحيق هيج كبل وكعت ركض
عليهاا سجاد وقتام وحته ليث كلهم اجو
عليهه يركضون شالهه سجاد يركض بيهه
وهيه ماكو عبالك ميته راح عله الدكتوره
وكالت فوتهه للغرفه يجوز هبط الضغط
خذاهه للغرفه كالت ساره بصوت مبحوح
ساره : روحي نور يم رحيق
نور : وانت حبيبي
ساره : ماعليه شي روحي يمهه تحتاجج
اكثر مني
هزيت براسي ورحت وره سجاد ويه
طبتي كالت الدكتوره
الدكتورة : المريضه لازم نسويلهه كم تحليل
سجاد : خوش
نور : سجاد اسفه حجيت شي غلط
سجاد : لا يخوي عله شنو اصلا بنهايه
رحيق راح تعرف
نور : شنو بيهه شكالت الدكتوره
سجاد: الضغط صاعد بس كالت تريد تسوي
تحاليل
هزيت براسي سوت الدكتوره التحاليل
وانتضرنه ساعه وطلعوا والمفرح المبكي
انو رحيق طلعت حامل بس اللاسف الفرحه
ماكملت لان الطفل مهدد بل اسقاط
كلت القتام وليث وحته حاتم كلهم فرحولهه
وحته ساره بس فرحتنه الجبيره من يطلع
قسور من المستشفى
قتام : نور وساره كومو خل اوصلكم عل بيت
ساره : اني ماتحرك منا اله ويه قسور
نور :واني ويه ساره
قتام : ساره افهمي كعدتج هينه ماله
اي داعي روحي للبيت غسلي واكلي
وبدلي واني يوميه اجيبج وعد مني
ساره : اريد ابقه يم قسور
قتام : ساره بس يصحه وعد تبقين يمه
وبعد معاناه من القناع وافقت ساره
اخذنه قتام عل بيت رحيق من درت
حامل انصدمت بس الدكتوره انطته
مهدئ ومثبتات ومنوم وسجاد اخذهه
للبيت ترتاح
رجعنه للبيت وبعد مرور اسبوع كامل
واخيرا صحه قسور وطلعو من غرفه
الإنعاش كلها فرحت بهل خبر
وساره دكت رجل اله تاخذوني اشوفه
معنو راح يخرجو بس مرضت وماصبرت
تعبت ساره بهل اسبوع يوميه تروح
وترجع واكلهااا قليل جوه عيونها هالات
سوداء اجه عليهاا حاتم واخذههاا
تشوف قسور…..
////////////////////////////////////
“” ساره””
مو سبوع صار لا عبالك سنه كلبي تعب
وخلص من القهر والضيم
رحت ويه حاتم متوجهين للمستشفى
اشوف قسوررر واخيرا رب العالمين
استجاب الدعائي طول الطريق واني
افكر قسور من يشوفني يمكن يحضني
لو يكلي مشتاقلج لو يكلي خفت بعد
ما اشوفج عقلي يائلف سيناريوهات
من كيفه
وصلنه للمستشفى نزلت كلي لهفه وشوك
القسور والشوفته
فتت للغرفه وجان اشوف يمه ريماس
بلعت ريكي كلبي دك بقوه من باوعلي
بس ماهتملي عبالك مو شايفني كدامه
همست بصوت ناصي
ساره : قسور الحمد لله على السلامة
قسور : الله يسلمج
ريماس : حبيبي تريد مي
قسور : اي كلبي
درت وجهي عليه مصدومه كلبه!!!!!!!
هديت نفسي وكلت ميخالف
قسور. : اخخخخ خليلي مخده وره ضهري
تقدمت اخليله المخده طفرت ريماس
قبلي خلتهاا
ساره : هاي شبيج تدرين لو اكو مانع
للواكه اشتريتلج
قسور : ساره رجاءا اني مريض وتعبان
مالي خلك سوالفج ومشاكلج روحي
تعاركي بعيد عني
انصدمت من كال هيج
ساره : قسور اني مامتعاركه بس دا
بعدني ممكمله وحجه
قسور : اش اش كافي صوتج يزعجني
اسكتي ولا حرف اااه
اجيت اروحله خله يده مانع جيتي وكال
قسور : اطلعي ساره برا اطلعي مو
عساس ماترديني مو عساس اسوي الي
يعجبني طلعي من هينه
للحضه اجمعت دموع بعيوني واردفت
ساره : قسور اني بس اجيت اطمئن عليك
والله
قسور : ماهمج اني طلعي
ريماس : سوسو تندلين الباب؟
سكتت شحجي مثلا شرد عليهم لملمت
نفسي وطلعت مكسوره خاطر كلبي
وجعني طول هل فتره انتضره عله نار
هملت نفسي وصحتي بس علموده هيج
اجازه
همست بخيبه
{كسر خاطري الجان دوه الجروحي}
يتبعععععععع……..
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.