رواية تجبر أبناء العم – الفصل الحادي عشر
////////////////////////////////////////////////
رحيق…….
تقربلي سجاد بأبشع الطرق عبالك
ديغتصبني حاولت وحاولت
اخلص روحي من عنده بس ماكو
مفاد عبالك ادفع بحايط مو بشر
لفلفت روحي بل الحاف اشهك من
البجي وهوة ولا همه كام لبس بجامته
وراح للحمام الفوگ ضليت بمكاني اشهگ
احتاجيت امي أو عمتي نبراس أو حته
وحده من البنات
لفلفت روحي بل لحاف وگمت فتحت
باب الحمام ذبيت الحاف وفتحت الدوش
تخالطت دموعي ويه المي حسيت
بغلطي تذكرت كلام اخواني كلام امي
ابوي بچيت وبچيت لحد متعبت
لفيت روحي بل برنص وطلعت من الحمام
لگيت سجاد ديبدل بفراش الچربايه رحت
واني بل گوة مسيطره عله شهگتي اخذت
ملابس ورحت للحمام بدلت وطلعت
لگيته مدد عل چربايه باوعلي وگال
سجاد:: تعالي
رحيق : ماريد اني أنام بل گاع
سجاد : اني ويامن جاي حجيييي
خفت منه رحت يم الچربايه ونمت عله
الحافه جرني عليه نومني بحضنه ردت
اوخررر ماقبللل حيل يجر بيه عليه تقربت
عليه صار راسي بصدرة حضني حيل يمسح عله شعري تقرب وباسني من راسي واردف
‘ حمامتي الحلوة’
//////////////////////////////////////////
“” إيلين””
فات كامل وكال هيج كلهاا رگضت البرا
گامت تدگ عله راسههاا عمتي شكريه
شكريه : ربي منين اتگاهه ربييي لا اعتراض
عله حكمتك بس مكتوبلي يوميه انفجع
بواحد شلونن بيهه يوميه راگضين
للمستشفى بواحد يما كلبي
رگضنه الهه وجه صارر اصفررر
وشفايفهه بيض
وهاله الي گعدت بس صافنه وجه شاحب
لا حس ولا نفس
رگضت الهه سارة تهدي بيهه وهيه ماكو
ولا عله بالك دنحجي وياهه رشينه عليهه
مي يلا شهگت
ضلت صافنه تباوع
باوعتلي وهمست
هاله : ليث شنو صار بي
اوففف ياكلبييي اوففف
سارة: لج والله اني اكلج مابي شي العار
ميموت
نور: سارةةةةةة
سارة: اوووو كلما حجت سارة سكتوههه
لو لان احجي كلمه الحق حيل بي ويستاهل
هل نذل هاي حوبتهه الهاله الحوبه تبطي بس ماتخطي حيلللل كون انشا الله هاذه
الي دعمه يطب للجنه بغير حساب الهم امين
نور؛ لجججج سارةةةةةة
سكتت سارة معاجبهه وعمتي تلوب من
صفحه وهاله من صفحه
مرت تقريبا ساعتين وهنه عله نفس
المنوال محد هدت بيههن
لحد ماتصلت بحاتم وگال طلعناه هسه
احنه بطريق
انتضرناهم يجون لحد ماجوو كلنه طلعنه
نستقبلهم
فات ليث وجه اصفر شعره مكفوش
رجله مكسورة ويدهه گال بيهه رضوض
وجه مشخط وحالته حاله بس شفت ايده
گبل تذكرت ايدي لي لهسه مچبسيهه
وتوجعني برطمت شفايفي بزعل …….
/////////////////////////////////////
“”” هاله “”
كلبي وكف واني اشوف هاي حالته
دعيت ربي من كل كلبي كون مابي
شي اجه واحس روحي ردت بشوفته
اي اعترف اني حبيته ليث شسوي
كلبي اختار بس هوة ميحبني مايريدني
گبل الولد اخذو صعدو فوگ رحت وراهم
خلو عله الچربايه اجت عمتي اطمئنت عليه
وتسئله عن حاله بس هوة اكتفه بهزة راس
لا اكثر ولا اقل
طلعو كلهم علمود يرتاح طلعت وياهم
رحت گبل للمطبخ سويتله اكل وعصرتله
عصير رتبتله صينيه ورحت صعدتهه اله
بس فتحت الباب لگيته يبجي اي يبجي
صدرة يهتز بس شافني فتت مسح عيونه
ودار وجه انطاني ضهره رحت يمه
هاله : گوم اكل ليث
ليث : ماريد روحي عوفيني وحدي
هاله : يعز عليه اشوفك تبجي شوف ليث
خل احجيلك قصتي لان يكولون الي يشوف
مصيبه غيره تهون عليه مصيبته
اني هاله عمري 17 بطلوني اهلي من
الثالث متوسط عشت طول عمري
بين عائله يفضلون الولد عن البنت
ماحسيت باهتمام ابد ولا بحب ولا
بروابط العائله الي ماتتفكك ابد فجئه
وبدون سابق انذار زوجوني من واحد
لا اعرفه ولا يعرفني ولا شايفته ولا شايفني
بسرعه بسرعه لگيت نفسي متزوجه ولحلا من هيج زوجي يحب وحده ويموت عليها واشوفه يوميه يراسلها ويخابرها ويغازل بيه واني لازم اسكت ماشفت يوم حلو ولا عشت يوم حلو كل ايامي ضيم بضيم ماعشت مثل البنات ولا عندي أهل مثل البنات ولا صارلي عرس مثل البنات هههههههه تدري ولا حته كملت دراسه مثل بعض البنات هاي اني هاله ليث مايهون عليه اشوفك تبجي علمود وحده يمكن ماحبتك طول عمرها يمكن انت جنت بنسبه الهه مجرد تقضيه وقت هسه اكيد راح دكول داتحجين هيج لان ترديني اعوفهاا واحبج بس لا مو هيج اني داحجي هيج حسب الي شفته والي عرفته الله يبرد كلبك
ونصيحه مني لا تخلي ياهو مكان يكسرك ويكسر كلبك لو منو مكان يكون انت رجال تتحمل لازم ودنيه متوگف عله أحد ولا دامت الاحد وقبل ماروح حبيت اگولك
الدنيا خلتني انكسر مرتين
” مره من اهلي ومره منگ ”
////////////////////////////////////////
“” ساره “”
بعد ماجه ليث واطمئنو عليه وصعدو
الغرفته رحت گبل للغرفه انتضرر استاذ
قسور يجي ليوم اني اعلمههه
بس فات گلت
ساره: ليش عود ماگلت الي عن ليوث
يحب وحدههه شنو اني رجل كرسي
غير تخليني بصورة
قسور: وحگ علي اذا انت صاحيه اطلع
كلشي مافتهم شبيج بابا دورين حرشه انت ؟؟
سارة: شوف لا تضيع السالفه ليش
مگتلييي عن ليثثث يحب وحدههه
اني اليوم يلا عرفت منه وهم لو
ماگايل چا ماعرفتتت
قسور: وانت شعليج واذا يحب شنو
يأخذ رئيج
سارة: ولككك انت صاحي الي مزوجهه
اخوك تصير بنت عمي بمقام اختييي
يل عاقللل
قسور: سارهه ترااا فورتي دمي روحي
منااا كافي
سارة: مو بكيفككك اروح لوو لا غرفتي
وبحيرتي طبعاً عيني طبعا اذا جدكم
محمد العلي ابو نسوانننن شتطلعوننن انتوووو
/////////////////////////////////////////
“” منار””
گاعدين يم الشيخ ويسئل بينه حسيت
بطني فراشات اي اي انهزمنه عبد الإله
لام اغراضه وجايبلي اغراض وراح نعقد
ونسافر التركيا خايفه عله فرحانه من گد
ماشبعت قهر وذل من ابوي ومرته
ماحسيت اي خوف تجاهم
سئلني الشيخ وجاوبت بنعم وسئل الشيخ
عبد وهم جاوب بنعم وچان الشاهد عله
زواجنه حسين وبعد ولد ماعرفه كلبي
حسيته طاير طاير بل هوة فرحانه كلش
كلش واخيرا صرت من نصيب عبد واخيرا
فاز حبنه
واخيراا انجمعنه سبحان مغير
الاحوال الحمدلله على كل شيء
أخذني عبد للفندق وگال الصبح نسافر
التركيا محضر الأمور ومجهز كلشي حته
جوازج ومستمساكتج بكتهن
فتحت عيوني عله وسعها شنووو بايگهن
گعد يحجيلي شلون خله صديقه الي
جان شاهد يطفر ويبوگهن خفت بس
تلاشى خوفي من شفت ابتسامته
وفرحه وصلنه للفندق ونزلنه طلع
حته حاجز غرفه صعدنه وجاب عشه
اكلنه وجانت من احلا ليالي الي تمر
عليه حرفيا جان احلا يوم بحياتي كلهااا
حمدت ربي وشكرته الف مره جانت ليله
صدگ من العمر وگعدنه الصبح وتريگنه
ورحنه بطريقنا للمطار وتوجهنه تركيا ….
بس مجنت اعرف انو راح تكون نهايتنه
بهاي الروحه ولو ادري چان مخليته
يجي ولا نشرد ولا نروح لممكان …
//////////////////////////////////////////
“” ساره””
ومر شهر عله هاي الحادثه هاله ابد معافت
ليث اهتمت بابسط تفاصيله اكله وشربه
ملابسه علاجه ابد ماتذمرت كلما يريد
شي ليث يصيح عله هاله واذا راح له
واحد من الولد يگلهم ماريدكم جيبولي
هاله وهاله ترگض اله معنو اني اگله
عوفي خيولي بشر مايحبني مايريدني
ليش أذل نفسي باجر بيوم القيامة النفس
هم تحاسب بس هيه ولا عله بالك
اذا احاچي الحياطين ترد وهاله مترد
ايلين مابقه شي ويشيلون الچبس مال
يدها واربعه وعشرين ساعه لازمه يدها
وتعوي معنو حاتم ينطيه مسكنات
وابر بس هيه عيارة
ونور صارت احسن من قبل اخذتلهه
فتره صافنه وبس تبچي تكسر خاطري
من تنسه هيه طرحت وتخلي يدها عله
بطنها وبعدها تذكر وتوخر أيدها قتام
ابد ماعافهه دائماً يواسيه ويگله كلام
حلو
وبنسبه الموضوع رحيق محد رجع فتحه
ولا واحد يحجي ويا حاولت اكثر من مره
احاچي قسور بس چان رافض رفض
قطي ومعند وبس اكول رحيق يعيط
بيه ويگولي سدي الموضوع شتاقيت
اله اهواي بس الأمور خرجت عن مسارها
الصحيح وراحت بدر عكر وكله مطبات
سدو سالفه رحيق ودائماً يكولون
اختنه ماتت ….
مرة چنه كاعدين كلنه العصر بل حديقه
چاي وگهوة وكليچه نجمعنه كلنه وجان
الجو يخبلل اقترحت علينه بيبي انو نروح
للمزرعه مالتهم كلهه وافقت ورحبت بل
فكره اله نور ماقبلت وگالت روحو انتو
اني ماروح بس كلهه أصرت عليهه وبعد
جر وعر يلا وافقت نور انو ترروح اتفقنه
الصبح نروح ونضل اهناگ اربع ايام او
اسبوع
طبعا اهناك عدهم بيت يكعدون بي
من يرحون للمزرعه صار الصبح ولمينه
اغراضنه بس قبل مانطلع …..
سماح: يما قتام اخذو شاهندا وياكم
سارة: اي عادي ناخذ البنات وشاهندا
حچيت هيج
وغمزتله
سماح : لا اخذو بس شاهندا البنات يردون
يرحون البيت جدهم
ساره : لا حبيبتي عدنا وزن زايد ماناخذههه
قتام: عمه مانكدر ناخذهه ماعدنا مكان يكفي
شاهندا: هاي شبيك قتوم اخذوني وياكم
تحجي وتعوج بحلگهه
نور: اخذهااا وياكك قتوم
گالت هيج وراحت للسيارة لحگه قتام
وكلهم راحو
درت وجهي عليهه وگلت اله
سارة: سماح الاشياء اللي جاي تخطر
بالج نصيحه شيليهه لان نجوم السماء
اقرب الج وهاي بنتج روحي شوفيلهه
واحد مثل صنفه يأخذها لا تضلين كلساع
شامرتها عله واحد
سماح: بسيطه يا سارة اني اعلمج اذا
ماخليتج مثل المخبله اطلع كلشي مافتهم
هستوني اريد ارد ودگلي هورن قسور رحت
ويا صعدت وتوجهنه للمزرعه ولو ادري
شنو راح يصير وياي چا مارحت من الاساس ….
//////////////////////////////////////
“” منار “”
احلا ايام حياتي عشتها بهل شهر چانت
ايام فعلا من العمر نسيت اهلي همومي
كلشي عفت كلشي وراي واتبعت گلبي
عبد الإله عاف شغله وكلشي علمودي طبعا
بس أمه وحسين وصاحبه يعرفون
بهل شي والبقيه لا بهل فتره عرفنه
انو اهلنه گلبو
العراق علينه وماچذب عليكم گلبي
مخليته بشيشه كلما يدک عليه حسين
اموت من القهرر
اضل الوب لحد مايسد الموبايل ويگلي
عله اخر الاخبارر وبيوم من الايام شكيت
بنفسي حامل گلت العبد وراح يجيبلي
جهاز فحص حمل جابلي ياه وهوة متردد
وفرحان أخذته منه ورحت استعملته
وفعلا طلعت حامل حسيت الدنيا
كلها وگفت أهنأ بهل ثواني
لا ماريد اصير حامل
طلعت العبد ابجي استغرب من وضعي
وعباله مو حامل بس لمن شاف الجهاز
طارررر من الفرحح
عكسي تماماً الي احس نسدت الدنيه بوجهي
عبد الإله: هاي شبيج مبوزه افرحي
راح نصير ام واب
منار: ماريد عبد ماريد احنه لحد هسه
مامئمنين عله حياتنه انوب يجي طفل
عبد الإله: يجي الطفل ويجي الخير والبركه
والأمان ويا هاي اراده رب العالمين سبحانه وتعالى احنه لازم نتقبل هل شي بكل
رحابه صدر
منار: بس مو بهاي الضروف
عبد الإله: بهاي ولا بغيرها هاي حكمه ربج
احمدي ربج واشكري اكو ناس تتمنى
يصير عدها طفل
فعلا جان كلامه كله صحيح بس اني ما مرتاحه احس راح يصير شي عمره احساسي ماغشني گلبي مامرتاح يمكن احنه الي سوينا خطأ بس ماجان عدنه غير حل عله گولت عبد يمكن چان نصيبنه وقدرنه وارده الله أن نشرد ونزوج واطلع حامل ويمكن چان نصيب هل طفل الي راح يجي يربه بدون…..
///////////////////////////////////////
“” رحيق “”
بعد ماعرفت ليث مسوي حادث كلبي
نقبض رحت اركض عله سجاد
رحيق : سجاد عفيه أخذني اشوفه
فدوة سجاد
سجاد : كافي رحيق ماكدر اخذج اخوانج
بعدهم زعلانين منج
رحيق : فدوة اترجاك أخذني اشوفه
سجاد: اني رحت وشفته والله مابي
شي مجرد رضوض وخدوش
رحيق: فدوة والله كلبي مايبرد أخذني
اشوفه فدوة سجاد ماكدر ماكدر كلبي
أحسه نار نار ومشعوله بي الله يخليك
سجاد: رحيق افتهمي اذا رحتي هسه
راح ياذوج اخوانج ويكسرون
كلبج وخاطرج
رحيق : عادي عادي مايهمني المهم
اشوفه بخير
هز رأسه بياس واجه وكال
سجاد : يلا تهيري
هزيت براسي ورحت اركض لبست
شال وعبايه ورحتله بس شافني
تقرب مني جان اكو شويه من
شعري طالع تقرب وطببه جوة
الشال ولبسني العبايه عدل
لزم يدي وگال
سجاد::: امشي يلا
بيتنه كلش قريب عله بيت سجاد رحناله
نتمشه بدون شعور لزمت ايد سجاد
حيل خايفه راح يستقبلوني لو يطردوني
طول الطريق افكر بهل موضوع بس
وصلنه للبيت فتحولنه الحراس الباب
قبل مادخل لزمني سجاد وگال
سجاد : لو مهما يصير وياج مهما يحجون
وياج حاولي تضلين قويه انت حرمتي
ميصير اي كلمه تكسرج تمام حمامه ؟؟
رحيق : تمام
فتحولنه الحراس الباب ودخلنه رجعت
ذاكرتي بيه لمن طلعت من هذه الباب
واني مكسورة خاطر وكلب تنفست
حيلل احس كلبي وكع بطني
لزمت يد سجاد بثنين اديه احتمي بي
من اهلي !!!! ملاحضين ليا مرحله
وصلت
دخلت ولسوء الحض لگيناهم كلهم
مجموعين بصاله اريد امشي بعد ماكدر
رجليه مايحملني گامو لتفتو كلهم علينه
اباوع الهم عبالك شافو عزرائيل مو اني
گام ابوي عيونه بگصتةةة وگال
جعفر: هاييي شسوين اهنااااا
هاشم : امشي طلعييي براااا والله عندج
عين گويه فوگ شينج گوات عينج
قتام : انت شسوين اهنااا ؟شجابج
احنه شنو گلنه الج
سماح : والله جيل هل وكت
فوگ ماخلت راسنه بل گاع جايه
بكل عين صلفه
دورت عيوني عله قسور لي من شافني
خله وطلع امي فاتت الغرفتهه ابوي
باوعلي بنضره عبالك بنت ليل گدامه
خله وراح
عكس البنات الي اجو حضنوني كلهم
يبوسن بيه ويحضنن بيه اشتاقيت
الهم اهوايه باوعتلي ايلين
مبرطمه شفايفهه
ايلين : شوفي شوفي رحيق ايدي نكسرت
وتوجع
رحيق : حبيبتي بيه ولا بيج
سارة : اشتاقيت الج اهوايي
حضنتهه حيل تقربلي كلهن حضنني مرة
وحده حسيت روحي ردتت سئلت هاله
عله ليث وگالت نايم ومابي شي اريد
اروح اصعدله بس رفض سجاد لتفت
عله صوت قتام وهوةيگول
قتام : طلعييي براااا
عفت البنات ورحت اريد ابوس ايده
رجله بس خلي يسامحني بس دار وجه
عني وگال بصوتت اعله
قتام : گتلجج طلعييييي برااااا چنه
كاعدين مجموعين عائله بوحدنه بس
انت اجيتي كلهاااا طلعت هسه ارتاحيتيييي
براااا گتلججج براااااا
سجاد : قتاممم
قتام : سجاددد اخذهاااا جاي اكلك
هزيت راسي وطلعت من بيت اهلي الي
جان رايح يلمني من تطشرني الدنيا
چنت اكول من أتزوج وزوجي ياذيني
أو يزعلني مالي غير بيت اهلي بس
هسه طلعت من البيت الي تربيت
بي مكسورة خاطر عيوني يحركني
من البجي والقهررر ……
//////////////////////////////////
“” ساره “”
وصلنه للمزرعه ونصدمت صدمه
عمري من شفت ………..
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.