رواية تجبر أبناء العم – الفصل الثاني عشر
///////////////////////////////////
سارة……
وصلنه للمزرعه ونصدمت صدمه عمري
من شفت ريماس اهناااا هسه هاي
السحليهه جابهه
باوعت عله قسور لي جان مصدوم
نفسي رحنالهه
قسور: شنو تسوين أهنأ ريماس ؟
ريماس : هاي شبيك قسور اجيت
وياكم اتونس لان مليت من البيت
ساره :: وليش مكلتيلنه جا مرينه اخذناج
ليش متعبه نفسج وجايه وحدج ؟؟
ريماس : اوي فدوة لا حوبي ماريد اتعبكم
قتام : تمام كل الهلا بيج يلا بنات تعالو
دخلو خل نعزل ونرتب البيت علمود نشوي
كلهم راحو اباوعلهه بس شافت قسور راح
راحت تركض وراه اجيت اروحلهه
اجرههه من كفشتهه امطلهه بل كاع
اموتهه تموت واخير شي اجفص
بمصارينه وبعد اجيب سجينه واشرح
جسمههه انوب اجيب بلايس اشلع
سنونهه واضافرهه بس هديت نفسي
وكلت ميصر اخرب برستيجي وشخصيتي
علمود وحده مثل ريماس الوصخه
خليت ورحت وراهم لكيت البنات
دينضفن والولد وياهن يعزلو دورت
بعيوني ماشفت قسور فجئه الفاررر
كام يلعب لعب
رحت ركض لباب لحديقه لگيته يرش
بل زرع والثيل اتنفست براحه ورحت
اساعد البنات طبعا احنا من طلعنه
جان تقريبا الساعه بل 1 ضهر وصلنه
بل 5 العصر وجان نهار شتاء النهار
حيل قصير وبسرعه تضلم رتبنه
البيت وعزلنه
اخذنه كل وحده غرفه
ماعدا ريماس الي مابقالهه
غرفه اقترحت عليهم اني
انو تنام بصاله بس قسور
ابو الغيره كال لا اني انام
بصاله وانتو بل غرفه مستحيل
انام يم هاي الجربوعه
كرصت ايلين وكالت
ايلين : لا عادي ريماس تنام بغرفتنه
واني انام يم سارة
فز حاتم معابجه الوضع وكال
حاتم : عله هاذه حجيكم اني انام يم
قسور بل صاله مو ؟
سارة : اللاسف
هز رأسه ماراضي بس عادي واذامارضه
والله ياالله
طلعو كلهم برا بل حديقه قسور يشوي
وليث كاعد وهاله توكل بي كلما توكل
لكمه اكول بكلبي سم وزهر الحقير
حاتم يرتب بل ورد هوة وايلين وكلهم
مي ورمل
نور تثرم زلاطه وقتام يرتب بل فواكهه
وماعرف شيحجون
باوعت عله ريماس لي طلعت من البيت
لابسه تنورة قصيرة تشيرت صوف
وكعب ودنيا بارده تموت ثلج متلفلفه
بطانيتي وبردانه وهيه بتنورته عرفتهه
تريد تسوي هيج علمود تجذب انتباه
ابو شهاب الهه رحت رك
ض يم قسور
قبل لا تروحله كتله
سارة: اني اريد اشوي وخررر
قسور: متعرفين نعناعه روحي اكعدي
يم النار بارده عليج
سارة: لا أهنأ هم نار المنقله حاره
هسه وخر خل اشوي مو بس انت
قسور: بابه متعرفين نعناعه روحي مني
سارة: والله فلا روححح انطيني المنقط
رفع رأسه للسمه وكال
قسور: ربييي الك بيهه حكمه
سارة: قسور تجيبههه لو متعرف شسوييي
قسور: هاج هاج يلا
انطاني ياهه وكف وراي اني اقلب بيهم
وهوة يباوع ويشارلي منو اطلعهه ومنو لا
سارة: اعرف ميحتاج تعلمني
قسور: اي واضح
سارة: اصلا اني جنت اشتغل بشوي
قسور: حلو وبعدين
سارة: ااءءءء شسمه بطلت من عيون الناس
ياهو الي يشوفني يكلي هم حلوة وهم
تعرفين تشوين وانت تعرف بيه شكد
خجوله وفقيره وحبابه وماعرف ارد
قسور : منو انت مشهودتلج اكيد وين
اكو منج
ساره : اي اني ‘ لبوة القسور’
صفنت عله جفصتي درت وجهي اشوف
رده فعله لكيته صافن يباوعلي درت
وجهي عنه سمعته همس
قسور : فعلا
///////////////////////////////////////
“” هاله “”
كلما اكول خلص بعد مالي شغله بي ولا
اهتم بي بس كلبي اخخخ يا كلبي
مايخليني كلما يصيحلي اروحله
اركض مره سمعت سارة دكول
” دائما الإنسان لازم يمشي وره عقله
بعدين ورة كلبه بدايتن لازم نفكر بل
موضوع بجديه بعقلنه وبعدها نفكر
بي بكلبنه بعواطفنه لان اذا الإنسان
ضل يمشي ورة كلبه وعاف عقله
راح ينخذل اهواي بحياته لازم
ناخذ الاحتمال الاذكى لحياته ”
بس اني وين وكلام سارة وين معنو
صحيح اذا بني ادم يريد يعيش مرتاح
بدون خذلان يمشي وره عقله لان ياما
وياما ناس راحت من ورة الكلب
وعواطفه
بعد ماكلنه بس جان اكل كله خزرات
دورت عيوني عليهم حاتم كالعاده
يوكل بايلين لان يدهه ليمنه المكسورة
متكدر تاكل يوكل بيه ويسويلهه
اجت الطيارة كتمت ضحكتي بلكوة
شفت سارة تباوع الهم بطرف عينه قسور
يهز بيده
قتام مخلي يده عله حلگه ونور فاطسه
ضحك عبالك بنته مو مرته جان الجو
كلش حلو لوما تدخل ريماس الغبيه
ريماس : صدوك نور طفلج شلون سقطتي
دنگت رأسه نور
ريماس : اوي ترا مو زين من اول طفل
وسقطتي
ردت عليه سارة بنفس طريقت كلامها
سارة: اويي وترا مو زين تدخلين
خشمج باشياء ماتعنيلج اويييي
ترااا مو زين تدخلين بين مزوجينن
اويبي ترا مو زين تركضين ورا
شخص مايريدج اويبي ترا مو
زين ترگضين ورانه وين مرحنه
اوييي تراا مو زين نحجي عله
الناس واحنه خياساتنه تشهد
عليها التاريخ
بردت كلبي من ردت عليه سارة بتسمت
بانتصار
باوع قسور عله سارة مزغر عيونه
بادلته النضرات وخلت شعرهاا ورا
ضهرررهه بغرور
كملنه اكل وشلناهه رحت حته اغسل
المواعين اني ونور وايلين وسارة
يعزلن الحديقه ويه الولد هستوني
اريد اروح كالت سارة
ساره : هاله حبيبتي ريماس تغسل
المواعين ميحتاج انت تغسليهم
رفعت حاجبهه سارة وكالت
سارة: مو هيج ريماس ؟
ريماس : اي عادي
راحت تمشي معاجبهه
وبعد تقريبا ساعه خلصنه وكعدنه كلنه
حاولين النار
دورت عيوني عليهم حاتم متغطي
بطانيه وحده هوة وايلين وحاضنه
قسور ينرگل وسارة كاعده بصفه هم
متلفلفه بطانيه
نور وقتام كل واحد بطانيه وقتام لازم
يدين نور ويفرك بيهم حته يدفون
كاعدين بل كاع عله كوشات متربعه
اني واباوع عله السماء شكد منضر
النجوم حلو ماحس اله صار شي عله
رجلي دنگت راسي لكيته
ليث ممطول عله رجليه
/////////////////////////////////////////////
“” منار””
مر تقريبا اسبوعين عله خبر حملي عبد
كلش فرحان بحملي عكسي دائماً هاي
الفكره تخوفني احنه حياتنه مخربطه
كلهه مامستقرين اهلنه اذا شافونه
أو لمحونه نروح بيهه خلاص انوب اني
وحملي بلگوة اخلص يومي عبالي من
حنتزوج راح ارتاح بس طلعت غلطانه
كلش غلطانه ماكو راحه بهل دنيه
كلما يطلع عبد الإله ويطول بطلعته
اكوم الوب احرگ التليفون عليه
من يرجع يله ارتاح صار بيه مثل
لوسواس خايفه من كلشي
من يخلص اليوم احمد ربي الف مره
خلص عله خير ولو ادري خوفي واحساسي
الي جنت احسهم صارو چا ماحبيت
من الاول ولا دخلت عبد بهل مشاكل
ولا شردت ولا سافرت جان تزوجت
من الرجال الي جابته الي زمن واني
احمد ربي واشكره
///////////////////////////////////////////
“” رحيق “”
انكسرت كسرت عمري من بعد الي
سمعته من اخواني وأبوي وكلهم
اهواي كثرو عليه اهواي البشر
مو معصوم عن الخطأ واني خطات
عدنه بعشيرتنه اذا صارت هيج ويه بنيه
رئيسا تنذبح ماتبقى لان حسب كلامه
انو البنيه تنزل رأسهم أو بل أحرى البنيه
عدهم عورة مايلحكون يلگون خطا بسيط
عليه يذبحوهه
اوو يزوجوهه الاي شخص قوانينه
يحتاجلهه شلع من الاساس طول
عمري جنت أگول اهلي مو هيج عندي
اربع شمعات يسندوني بس الي صار
العكس اهلي ذلوني كسروني فوگ
كسرتي
اجيتهم عله امل يلموني من كسر الدنيه
الي وجهته الي سجاد اهواي حاول يخفف
عني بس ماكدر كسر اهلي الي چبير
هسه يلا عرفت كلام سارة وحسيت
بي من گالت شعور كلش محلو من
أهلك يكسروك وينطون بيك كدام الغرب
متندمه متندمه بكد شعر راسي غلطه
كلفتني عمري واهلي اخواتي الي سندوني
نضرات الگرايب كلشي
خلاني اتندم الف مره
///////////////////////////////////////
“” سارة “”
مرن يومين عله سفرتنه للمزرعه
كلش حلوه هاي السفره اهوايي
فادتنه حرفيا احس نور رجعت
الوضعهه
هاله وليث اشوفهم يحجون ومتقربين
من بعض أكثر من قبل
ايلين لازمه يدها وتفتر وحاتم خطيه
وراهه يلاحگ بيه ملاحگ
ريماس تفتررر ورة قسور لازگه بلگوة
مصبره نفسي ماروحلهه واكفشه
خلص اليوم بين ضحكنه وسوالفنه
بليل نايمه واحس نفسي
بغابه چبيرة كلش بلون الاسود القاتم
من وين ماادير وجهي اكو وحش صراخ
بنات صغار وبچي اطفال رضع نوح
فتحت عيوني عله وسعها واني اشوف
3 توابيت كبالي بس الغريب توابيت بل
لون لأسود درت وجهي عله شخص
كاعد يخنگني حيل يده ضاغطه عله
رگبتي نفسي گمت بل گوة اشهگه
وجهه بشع بشع إلى أبعد درجه سنونه
صفر نص وجهه محروگ اصلع ضخم
حسيت عله يد تسحبني من رجليه
وهاذه يخنگني حسيت روحي راح تطلع
صرخت من كلب كلببي
فزيت من الحلم وجهي كله مي فزت ايلين
عله صرختي شغلت الگلوب واجت
تمسح بوجهي وتهدي بيه بس اني
مو بوضعي راسي مصدع اسناني
عبالك تريد تنقلع ندفر الباب ودخل
قسور وحاتم ثواني هيه بس لكيتهم
كلهم فوگ راسي اغمض عيوني اغيب
عن الدنيه وارجع لوعي قسور يذب
مي عليه ويدگدگ عله خدي بس اني
ماكو فاصله احس بيهم يمي واسمعهم
بس ماكدر احجي عبالك مشلوله ……
///////////////////////////////////////
“” هاله””
كلنه فزينه عله صوت صرخت سارة رحت
للغرفتهم اركض لكيتهم كلهم موجودين
باوعت عله سارة وجهه اصفررر تغمض
وتفتح بعيونهه
قسور: شكوووو شبيههه ايلين شصارررر
ايلين : والله مادري هيه هيج صارت
اني. وياههه نمنه سوة وهم فزيت
عله صوتههه
نحاجيهه نريد منهه ماكووو مترد لفههه
قسور بعبايه وشالهه وطلع يركض بيهه
ولولد ورا….
لبست نور صايتهه وراحت وراهم تركض
ضليت اني وايلين وليث وريماس الي
صافنه بل گاع وتفرك بيدهه حيل ضلينه
ننتضر ونتتضر عله امل يرجعون وسارة
مابيه شي …….
//////////////////////////////////
“” نور “”
خذاههه قسور لسارة يركض بيه جوة
للطوارى لان الوقت متاخر طببوهل
جوة وهيه عله نفس وضعهه تغمض
وتفتح بعيونهه
ضليت مخليه ايدي عله كلبي شصاير
الهه مساعه مابيهه شي تحجي
وتضحك وتسولف بس هسه عبالك
جثه باوعت عله قسور الي مخلي
ايده عله رأسه ويهز برجله بعد تقريبا
ربع ساعه طلع الدكتور
قسور: ها دكتور شنو صاير الهه
دكتور: والله ماعرف شكول الكم بس البنيه
مابيه شي الحمدلله فحوصاته سليمه لا
هابط ضغط ولا صاعد سكر كلشي مابيه
نور: شلون يعني ماشفتوهه من جبناهه
عبالك لا سامح الله ميته !
دكتور: ماعرف والله بس ماكو بيه
اي شي
قتام : وهسه شنو دكتور نطلعهه ؟
دكتور: مثل ماگتلك اخي البنيه مابيه
شي اكيد تكدرون طلعوهه
راح الدكتور وعافنه بصدمتنه شلون
يعني مابيه شي وجهه اصفر ليمونه
حته بلگوة تتنفس
طلعناهه وهيه نفس وضعهه مامركزة
ابد ولا تحجي بس تهز براسهه
رجعنه للمزرعه نزلنه من السيارة اجت
هاله وايلين يركضون
هاله : ها شنو صار شبيه
نور : بعدين اكلج روحي هسه عدلي
الفراش خل ترتاح شالهه قسور وفوتهه
للغرفه نومهه وغطاهه وهيه مفتحه
عيونهااا عله وسعها وتباوع للسكف
حته رمش ماترمش ….
/////////////////////////////////////
“”” رحيق””
گاعده گبال الحائط وصافنه عليه
نفسيتي كلش تغيرت صرت وحده ثانيه
ولا عبالك اني رحيق الي جنت دوم
اضحك واحشش واسولف ويه االرايح
والجاي
صرت انسانه باردة ماحب احجي ويه
أحد ولا اشوف احد صرت احس نفسي
منبوذه محد يحبني محد يريدني احس
الدنيه جابتني وشمرتني كرهت كل الناس
وكرهت نفسي واحتقرت نفسي اكلي قليل
نومي قليل ارق دمرني
جسمي اربعه وعشرين ساعه أحسه تعبان
مكسر نهلانه الفلاونزة ماترضه تعوفني
وجهي شاحب اصفرر هالاتي واصله
الرگبتي عيوني عبالك طابات بنگرة
شفايفي بيض
سجاد شكد حاول يطلعني من الي اني
بي بس ماكدر كام يطلعني ويوديني
لحدائق وبليل يجيني محمل حلويات
معجنات شعر بنات ويضحك. ويسولف
ويشاقه وياي گام يخلي أمه يمي عمتدن
علمود تسولف وتخفف عني
يجيب اطفال اخو يمي يلعبون يمي
ومرت اخو همه خطيه حبابه وماعافتني
بس اني خلص احس نفسي طفت من
الدنيه صرت انسانه مجردة من المشاعر والاحساس احس روحي طفت كلبي
خلص من لوعات
عيوني من گد مابجي
عليهن صارت تطلع بيهم نقط
حمررر ويطولن يلا يروحن أخذني
سجاد بل گوة للطبيب حته يعرفون
ليش هيج بعيوني بس گله يصعد عندي
الضغط ومرت الايام واني عله نفس
الحال كليوم أزيد مانقص حته بنومتي
متعلعله خسرت كلشي بل حضه غباء مني ..
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.