رواية تجبر أبناء العم – الفصل الثاني
////////////////////////////////////
ساره …….
احس الدم جمد بعروقي عقلي تبنج
اريد امشي اتحرك ماكو ماسمعت شنو
حجو وشنو ردو عليه
بس من شدهتي رحت اركض للبنات
وكتلهم كلشي سمعته
هاله ::: مستحيللللل انتي شدا تحجيننن
اكيد بابا مراح يوافق اكيد لا لا
نور صفنت وايلين تصيح بصوت ناصي
إيلين ::::واذا نطونه الهم انت مشفتيهم
كل واحد شكبرهه اني اموت روحي ولا
اقبلللل مستحيلللل
كعدت عيوني غوشن من الدموع بس
اني ماريد اتزوج اريد ابقه حتلو ميحبونه
اني احبهم واريد ابقه يمهم ادري ها
سنه الحياه بس مو هيج احنه مو سلعه
علمود يبيعونه
///////////////////////////////////////
“”” ايلين “”””
ضلينه كل وحده صافنه بجه ومتئملين
اهلنه وبيبي راح يرفضون
بس كلشي عبس كلشي تغير من التمو بيبي وعمامي
كعدنه ننتضر مصيرنه
المجهول الي صار بيد عمامي وبيبي
////////////////////////////////////////////
“”””ساره””””
بعد ماستئذنو وراحو اني والبنات
ابد مارحنه ولا شفناهم بس هيه ودت
علينه بس محد قبلت تروح فء علمود
لا يشكون احنا سامعين شي رحت اني
وكلبي يفور وبلگوة لازمه دموعي
طلعت جان تشوفني وتبتسم اجت
وباستني من گصتي وكالت
” تلوگيله ويلوگلج حبوبه ”
ضليت صافنه بوجهه واذا واحد كلي بز
ابجي خلو وراحو
وبيبي تفوررر وتغليي من العصبيه
اخذت ولدهه ورجعت لاستقبال رحت
اركض وكلت النور حضنتني تهددي بيه …….
مره تقريبا ساعتين وطلعو عمامي
وبيبي وجوهم مگلبه عكس بيبي الي
الدنيا مسايعتهه من الفرح رحنه نسوي
عشه نحمي بل اكل مال ضهر
والغريب بل موضوع عمامي وبيبي
كاعدين يحجون عن الشغل ولا عبالك
متعاركين والي اجو
اجت مامه وكالت العمتي دموع
زهره : عيني ام ميثم روحي شوفي
ابو ميثم شنو حجو تره كلبي يلعب
حاجين ابو حسين يكلي لا تدخلين
بلكت ابو ميثم يكلج شي
دموع : اي داده اني احجي وياه بس
مشوفين لازم يم أمه
دخلت عمه مياده ودكول
مياده : اوففف يا نوريه راح تروحنه
من هاي سوالفهه
ذبت حسره امي وسكتت دنكت راسي
واشتغل كلبي يوجعني احس راح يصير
شي وكلت امري لله والإمام علي
/////////////////////////////////////////////////////
“”” نور”””
طول عمري اهلي يعيروني لان لحد هسه
مامزوجه اي اي لا تستغربون اكيد دكولون
عمرج 20 بعدج بس عد اهلي لا البنيه بلغت
لازم تتزوج خصوصا عمتي رشا دائما تعيرني بخصوص هذه الموضوع لان بناتها من عمر 15 زوجتهن بس اني نضرتي غير اني اريد ابقه حتلو مخلونه نكمل دراسه وبطلونه بس اني اريد بعد اكبر واصير واعيه أكثر عقلي ينضج أكثر اريد ابقه يم اهلي ماريد اتزوج بس من اجو علينه هذول الناس تغيرررر كلشي خصوصا من سمعت ساره كالت يردون يزوجونه صح بعدنه مامتاكدين بس كل بنيه تحلم تحب ويله تزوج وبموافقته وتعيش شعور بشوفه الشرعيه و بل خطوبه وبل حنه والعرس البدله كلشي مبني على احساس اني ما اريد اتزوج غصب تخيلي رجال لا يعرفج ولا تعرفي يصير زوجج وين الفتره مال الخطوبه وين الحب وين المشاعر كل بنيه تحب تعيشه طول عمري احلم بزواج عن حب وعن رجال يحبني ويحتويني اذا هوة من نسل محمد العلي اكيد راح يكون مثلهم مثل طغيانهم مثل تجبرهم وتصلطهم وعدهم احترامهم النسوانهم وبناتهم رفضت الفكره بكلبي وبعقلي بكل بساطه لان ماريد اعيش حياه امي ولا اريد اعيش بنتي المستقبليه مثل حياتي ……
/////////////////////////////////////////////
“”ساره””
مر يوم ويومين وسبوع لحد ممر
شهر كامل عل موضوع وبيبي
وعمامي ساكتين وأبد مايفتحون
هاذه الموضوع الي صار واني والبنات
گاضين كلوبنه بيدنه
مره من المرات جنه كاعدين
بغرفتنه ونحجي ……
نور : تتوقعن بيبي ولدهه راح يوافقون
ايلين: بنسبه الي اكيد لا شنو هل
مضرطه ماضن راح يوافقون شنو
هوة لعب غير زواج
هاله : بصراحه اني مامرتاحه كلش
الهاي سكته مالتهم
نور : عبالك هدوء ماقبل العاصفه
هاله : بنات اني ادري بابا وعمامي
الباقين حتلو كرهوونه مستحيل يفرطون
بينه بهل بساطه
نور : بس احنه لازم نحسب لكل الاحتمالات يجوز يوافقون ويجوز لا لازم نكون محضرين نفسنه الكلشي
ايلين : واني هم هيج اكول بس اذا
وافقو وانطونه شنسوي برئيجن
ساره : نشرد !!!!!!!!
/////////////////////////////////////////////
“”” هاله”””
كاعدين كلنه دنسولف وفجاه
سئلت ايلين سوالهه واجانه الرد
الصادم من ساره
ساره : نشرد !!!!
اباوعلهه كاعده وصافنه وجهه خالي
من اي مشاعر عيونه جواهن سواد من
التفكير مو بس هيه حته احنه كلنه
وجوههنه مگلبه كالت نور بدهشه
نور : شنووووو مسمعت عيدي
كامتلهه وراحت كضتهه من يديه
تعت بيهه حيل وتحجيي
نور : ولججج انت تخبلتي مابيج
عقللل نشرردد شنوووو مخبلههه
ساره :: ايييي تخبلتتت لعد تعوفينهه
نتزوج بكيفهممم
نور :: لا لا انت متخبلههه رسمي
ايلين :: هاذه مو حل سرو حبيبتي
ساره :: لا حل نوررر انت بعضمت لسانج
كلتي لازم نحضر نفسنه الكلشي يصيررر
مووو اني ابدد مو مستعده حته اكون
زوجه لواحد من نسل محمد العلي
فهمتنننن
كلنا سكتنه نباوع الها بعدنه بصدمتنه
وطبت شاه زنان
شاه زنان:: بنات بيبي تريدكم كلكم
صفنه كلنه وحده بوجه الثانيه وجنه
نعرف بشنو راح تحجي ويانه
نور :: اي حبيتي روحي حنجي
هزت راسها شاه زنان وراحت
نور :: امشن يللا
هزينه روسنه وطلعنه نمشي وحده وره
الثانيه احس رجليه ماتحملني عبالك
مرايحين البيبي لا مودينه لحبل اعدام………
طبينه الاستقبال كالت بيبي
نوريه :: طلعو عوفوني ويه البنات بس
ولدي يبقون
طلعو ولد عمي وانسوان عمامي
وامي هم بقو بس عمامي وبيبي
نوريه :: كعدن
كعدنه كلنه وجوهنه صفرر نبلع بريگنه
كالت بيبي
نوريه :: اني من تزوجت جدجن جنت
بعمر ال 15 رباني وكبرني وعاني
جدجن محمد العلي الله يرحمه
عمامي كلهم : الله يرحمه
نوريه : شوفن اني ماحب لا ادور
ولا الف اجت هاشميه وطالبت
بحصتهه من الورث واني ماعدي
صرفتهم نصهم عله هاذه البيت
لمن رممنا ونصهم عله جدجن المن
تمرض وبقيه انطيتهم الابهاتجن
يشتغلون بيهم ومن كتلهه هيج
كالت لعد اريد ازوج حفيداتج الاحفادي!!!!
هاله : اباوع للبنات كلهه وجوههه
صفرت وشحبت وشفايفهن بيض
من الخرعه كمت حته ارجف
نوريه :: سىئلت ابهاتجن وافقو
واني نطيتجن يبنات ولدي !!!!!!!
يتبعععععع……….
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.