رواية تجبر أبناء العم – الفصل الثالث
بارت 3
الروايه تجبر أبناء العم
سوو تصويت لبارت
البارت ::: 3
بقلمي : ضحى اليوسف
/////////////////////////////////////////
“”” نور”””
خوف… رعب… افكار متناقضه ….
مستقبل مجهول… غموض ..
نور : عمري ماحسيت برخص ولذل
ولاهانه بس لمن كالت بيبي هيج
حسيت الدنيا كلها تفتر بيه ليش
احنه مو بنات ولدج احنه مو من
نسلج تفضلين الفلوس عله حفيداتج
!!!!! مهما كانت مرحله الكرهه واصله
بس مو لهل درجه حياتنه مخربطه كلهه
زين ليشش احنه سلعه !!! زين احنه نروح
بدال الفلوس معقوله ههه لو تسوولفوهه
للمخبل هم يكعد يضحك ليش هيج اكثر شي تنقهرين منه انو تحسين ثگيله عله اهلج زين
واحنه مافكرتي شنو حيصير ويانه اهلي
ابويييي يا ناسسسس يفضل الفلوس عله
بنته مو يكولون الاب يصير احن من آلام
عله بنته زين أبويه وعمامي ليش هيج عمره ماحضني عمره ماكلي كلمه حلوة كلمه بابا مايكولهه الي باسمي مرات مايصيحني يكلي
” هيو ” معقوله اكو اب هيج يعامل بنته قطعه
منه
احس اريد اصرخ اريد ابجي بس
ماكدررر تفكيرررر قلقني بهل شهر
وكملتهه بيبي من كالت هيج
نور :: كاعده وحدي بل غرفه واجت
امي
دموع :: يمه بسج صارلج 3 ايام كاعده
وحدج لا اكل لا شرب يمه فدوة
اروحلج كافي
بدون شعور نزلت عله رجليهه
ابوس بيهن واحجي
نور:: يمه فدوة يمه ماريد اتزوج بداعتي يمهه ماريد الله يخيلج مو هيج ماريددد فدوة
ابجي واحجي وأبوس بديهه
ورجليههه بس اريددهه تقنع ابوي
ولو هوة ابد مايقنع بعد كالت وهيه تبجي
دموع :: شبيدي يمهه كليلي شبيدي
والله لو بيدي ماخليج بس ماكدر يمه
بيبتج قررت وبعد ماتتراجع عن قرارههه
لحضه هيه لحضه تركت ايدي
امي ومسحت دموعي وكتلهه
نور :: شوفي هنه حجايتين يااا
تقنعينهممم ماريد اتزوج يا بعد
مااحجي وياججج طول عمريي
انت ام الام الي تضحي علمود اطفالهه
الام هيه الي تسوي كلشي علمود سعاده
اولادهااا انت شنووو سويتي شنووو
قدمتي لحد لان اهم شي بابا وبيبي راضين عليجججج وانيييي طبني مرضضض
/////////////////////////////////////
“”” ساره “””
عله صوت نور اجينه نركض لكينه
ام نور واكفه ونور تعيط وتحجي
ودموعها مبلله خدودهااا وشعرهه
منكوش رحت اركض عليههه اهديهه
وهيه ماكو مكمله تحجي
حضنتهه
احاول أهديها بس معنده بل گوة سكتتت حضنتهه تبجي وتعيط نهارتتت
حضنتهه اهدي بيهه وامسح عله شعرهه
امي اخذت عمتي دموع الي طلعت
منتهيه من البجي …
///////////////////////////////////////////
“”” إيلين”””””
بعد الي صار ويه نور محد حجه
ولا احد گال هل فتره كلهه نهيارات
البيت كئيب ولد عمامي واخواني
ميحجون ابد دائماً ساكتين أو بل
أحرى يخافون من عمامي وبيبي
يأكلون ويطلعون لشغل وابن ابو الي
يكول ماريد اشتغل
كاعده بلحديقه وافكر اجه
حسين ابن عمو وسام اخو ساره
كعد يمي حرفيا هل ولد مثل النسمه
حسين ميشبه أحد يخبلل طالع عله
أمه عيونه ملونه وابيض شعره اشكرر
بس مو كلش خدوده يخبلن ينكرط اني اصلا مكزكزه عليهه
صاحت عليه بيبي
وكالت
نوريه :: وين ذنيج المگمعات
ايلين :: ها
نوريه :: وجعااا ويننن بناتتت
عمجج وحمساااا
ايلين :: ها بيبي فهمت اءءءء بل غرفه
نوريه :: دمشي صيحيهن
قبل لا امشي گضتني من يدي
حيللل وكالت
نوريه :: عود يم الرجال هم هيج تفهي
احس بطني مغصتني عقل
رافض هل فكره ابدد
رحت وصحت البنات
هاله كاعد تمشط
ونور نايمه بحضن ساره
ايلين :: بنات عجوز البين تريدجن
ساره :: تمام كومي نور
////////////////////////////////////////
“”” ساره “””
كومت نور ورحنه نشوف
عجوز السكك شتريد
طبينه كالت نچبحن اكعدن
كعدنه كبالهه وكالت
نوريه ::: شوفن ولجن باجر راح
يجون يعقدون الجن !!
///////////////////////////////////////////
“””” هاله””””
كلبي أحسه صار بطني من الصدمه
صفنت عليهه والبنات حالهن
اخس من حالي كامت
ساره ترجف من العصبيه
ساره :: شنووو عيدي بلااا مسمعتتت
شنووو يا عقدد بيبي يا عقدد تحجينن
صدكك بيبي بهل سرعه تريدين تبيعينه
بهل سرعه مستعجلههه عله كسرانه
راحت كعدت كبالهه يم رجليهه
واردفت
ساره :: بيبي الأهل مو سند زين اليش
انتو كسرتونه
سكتتت كامت ترجف من القهررر وجههه
انطعن احمرر
كالت نور
نور :: بييبي احلفج بعزيز كلبج
لا تكسرينه هل كسره والله اضل
خدامه جواج بيبي فدوة مانريدهم ببيي
كلمه ” ببيبي ” همسته بكسره
كلبي تگطعع احس النفس مايدخل
ريتي كام كامت وكالت
نوريه :: يووووو كافييي عاد كلبتوههه
مناحه شوفن ولجننن هنه حجايتين
راح اكولهن بس بحضور ولديي
نوريه :: باسم عمرر وسام انورر
يمههه وينكم
طبو عمامي كلهم وطبو وراهم ولد
عمي و نسوان عمامي وامي كلهه طبت
نوريه :: يمه بناتكم مايردن يتزوجن
باسم :: شوفن ولجن كلجن قسم
بالله العلي العظيم وحق القران الكريم
الي ماتقبل يعقدون عليه لو ترفض
وتفشلنه كدام اليسوة والميسوة أمهه
متبقه عدنه والي تريد امهه تبقه
بل بيت ومتطلگ توافق ولي متريد
تبقه خدامه أهنأ وامهه برااا !!!!
/////////////////////////////////////////
“””” ساره “”””
مرات من تنضرب أو تنهان من
الغريب تروح الاهلك ويفزعولك
لو تاخذ حقك بيدك وبعد فتره تنسه
الموضوع بس اذا أهلك كسروك لو
ضربوك هضيمه تضل تتذكرهه الآخر
يوم بعمرك
كل عمري اكول بيبي وعمامي
مايحبونه بس متوقعت يوصل
وياهم الكرهه لهل درجه
كعدت بل غرفه وحدي واكيد
طلعت قصيدتي المفضله مال
يازمن وين الاحباب
والله مليت العتاب
يمته نشتم التراب
يمته نشتم التراب
يازمن أحبابنه جرحو كلبهم
وبكبرهم هدمو عليهم قببهم
والله لو تدري شكثر كلبي يحبهم ……
واني مندمجه بل قصيده
دخلت نور كعدت يمي وطفت القصيده
نور :: بهاي السهوله ساره خلص كلشي
انتهى راح نزوج هههه
وهيه ودتحجي دخلت ايلين تبجي
ايلين :: بنات اني ماريد اتزوج والله ماريد
هاله :: مابيدنه شي قروو بعد
ايلين :: داحس نفسي فصليه
هاله :: وبس نروح الانبار يگضونه
ويكتلونه واحنه نروح نسبح من
الشامبو الفواح
ساره::: وبس نجوع ناكل لفه جبن
وكلاص جاي
رجعت حجيت
ساره ::كافي تمضرط باعن مال
نزوج واحد من يمهم هاي خلي
يشيلوهه من بالهم
نور :: وشنو الحل برئيج
ساره :: نشرد حبي
نور :: انت شبيج هيو مخبلههه شنو
شردين لاااا انت مو طبيعيه
وين نروح واحنه بنات
ساره :: يم صديقتي منار
نور ::: هههههههههه يم منو هههههههه
مناررر ساره لا تجلطيني منار كم
يوم تتحملنه يوم يومين شهر
وبعديننن وين نولييي
ساره :: حلو نور حلووو افهم
من كلامج عاجبج الوضع وتردين
تزوجين واحد منهم موووو
//////////////////////////////////////////////
“”” هاله”””
حجت ساره هيج ومااحس
اله اجاهه راجدي من نور من
شده القوة مالتهه شفتهه طگت دم !!!
////////////////////////////////////////////
” الانبار ”
“”””” رحيق””””
ليث :: يماااااا تحجيننن صدككك
شنو بيا عصر كاعديننن احنه
شكريه :: حبيبي عجل ترفضون
قرار ببيتكم همه مو غربه بنات
عمكم حبيبي
ليث :: يمااااااا كتلججججج
مازوججج غيرههه انييي احبهه
ورهام يمهه ورهامم
شكريه :: مو من نصيبك يمااا شبيك
مو من نصيبك
عله صوتهم طبو اخواني البقيه
“قسور وقتام ”
قسور : هاي شكو شبيكككك هيووو
ماخذنه بعياطك جنك حرمه تطلگ
ليث ::: تعال اسمع قرار بيبيتك
الجديددد حبيبي تعالللل احجييي
يماااا احجييي
شكريه :: يمه اخوانك يدرون …
سكت ليث يتصفن بل وجوهه همس
ليث:::بس اني أحب رهام
طبعاً رهام تصير جيرانه ونكدر
نكول حبيبيت ليث من الطفوله
جانو يلعبون سوة ويحبون بعض
الدرجه جان ليث يتقاسم وياهه
الاكل و المصروف وكبروو وكبر
حبهم وياهم تقدملهه ليث 3 مرات
ورفضو بس مفقد الأمل دائما يكول
الإبوي نخطبهه بس ابوي يرد عليه ويكله
جعفر :: اني ماروح ولا عمامك بويه
رحنالهم3 مرات ماكدر بعد اروح
ماسولنه من البدايه قيمه ومقدرة
وطونه من البدايه !!!
…….
تعالو خل اعرفكم علينه
احنه 3 عمام
عمو غازي الكبير
بابا جعفر
عمو الصغير هاشم
عمو غازي الكبير عنده ثنين بنات متزوجات و حاتم الي عمره 28 سنه
وبابا عنده اني رحيق عمري 23 سنه و قتام الي عمره 31وقسور 30 سنه وليث اخوي عمره 29
وعندي اخوي الكبير
كامل عمره 35 متزوج وعنده ثنين ولد كرار وسيف
وعمو الصغير عنده 3 بنات
اروى وشاهندا و شهد
وبيبي هاشميه
وعمات ماعندي
احنه عايشين بل انبار بيت الجد كلنه
مجموعين بي لان هاي وصيه جدي محمد العلي
وزوجات عمامي ويه امي متفاهمات كلش
طبعاً خلوني اعرفكم عليهم
شكريه امي
نبراس ام حاتم مرت عمي غازي
و سماح مرت عمي الصغير
~~~~~~~~~~~~~~~
بيوم وليله قررت بيبي تروح تشوف
شريجتهه ” نوريه ”
وكالت محمد العلي خلاللي ورث
يمهه
عمامي رفضو هل شي واخواني
هم بس هيه حكمت رئيه وكالت
اروح يعني اروح
راحو وياهه عمامي وشيوخ وشباب
من كرايبنه
والمفاجاه بس رجعت كالت راح
ازوج احفادي البنات عمهم بل بدايه
بنات عمي هاشم فرحن وكامن يلبسن
ويرتبن بروحن بس من بيبي جمعتنه
بليل وكالت راح اخذ حفيدات نوريه
كلشي تغير ونكلب البيت رأسا على عقب….
هاشميه :: أناا اليوم من رحت
طالبت بحقي بس نوريه صارفتهم
عل مرحوم وقررت أخذ حفيداتهه
الاحفادي نور عيني
صدمه كلههه صفنت ماعدا عمامي
كله صفنت شي بوجهه شي بنات عمي
هاشم كام وجههن ينطي الوان صفنن بوجه امهن …
سماح :: عمه صدك چذب لعد احنه
لمن موكفين بناتنا بععدين احنه
المعروف بسلفنه البنيه لابن عمهه
هاشميه : اي واني مازوجتهم الغربه
هذن هم بنات عمهم خلص أناا قررت
وانتهى النقاش حضروا نفسكم بعد فتره العقد وانتم يمه قسور وقتام وحاتم وليث تعالو وياي….
خذتهم وراحو الغرفتهه
سماح ضلت تخازر بينه محد حجه
لان احنه عدنه الي تقررة بيبي هوة اليمشي…..
//////////////////////////////////
بغداد
“”” هاله””””
كاعدين كلنه بصاله وبيبي تخابر
بهاشميه وتفقو عله يوم العقد
طبعاً هوة عقد هوة عرس والان
احنه بغداد وهمه بل انبار قرروو
نروح يمهم ويصير العقد اهناك
نوريه::تحضروو باجر نروح الانبار
كلنه
ردت عمه زهره
زهره : عمه صدك تحجين لبنات
مامشتريلهم لا فساتين ولا نيشان
شخليتو للفصليه بعد ماغصبتوهن
عل زواج هم حته لا عرس
لا حنه مثل البنات
نوريه :: ولج زهرة لسانج
طولان وحگ سبع الكنطره اذا
ماتسكتين اخلي وسام ييحگ راسج….
سكتت عمتي مابيدهه شي وراحت
عمتي دموع وامي يجيبون غراض
من السوك شيره وشفرات وماسكات
وهل سوالف
ليل كله احنه كاعدين يسون ويبجن
واحنه وياهن نبجي صعبه والله صعبه
……. محد نام من عدنه دموعنه عل
خدنه هاي اخير ليله الانه أهنأ …
كعدنه سبحنه ولبسنه فساتين
مال محجبات ومكياج خفيف
وطلعنه متوجهين الانبارر……
///////////////////////////////////
الأنبار
“””” رحيق””””
رحيق : يمااااا يمته يوصلون
متحمسه اشوف زوجات اخواني ياايييي
شكريه : شويه ثگلي انت مو صغيره
وبعدين خابرهم ابوج وصلو مابقه
شي نص ساعه تقريبا
سماح : طبعاً سوو طريق الانبار
سهل وين يلگون هيج
تحجي وتعوج بحلگهه طبعا
هيه مو هيج بس من درت
بيبي زوجت اخواني من حفيدات
نوريه كلشي تغير بيهه كامت حته
متشتغل ولا تخلي بناتهه يساعدنه تغيرت 180درجه …..
طب عمي هاشم وكال وصلوو
يمااا وصلووو
طلعنه نستقبلهم اول شي نزلت
من السياره بيبي نوريه بغض النظر
عن عمرهاا بس تجنن وكفتهااا
شامخه عكازتهاا بيدهه
وبعدهاا نزلن اربع نسوان شويه
ضخام شي سمر شي حنطاويات ب
س حلوات ملامحهن كلش حلوة
وبعدهااا نزلن اربع بنات بدون مبالغه
حرفياا يخبلون بغض النضر عن وجوهن
التعبانه بس حلوات
تقربن سلمن علينه تقدمت اول
وحده كالت اني نور جانت طويله حنطاويه عيونه صفر بس وجه تعبان حيل سلمت عليها وباوستهه وبعدها تقدمت وحده كالت اني ساره متوسطه الطول بيضه عيون كبار صاحبه خدود تشبهه بيبيته نوريه سلمت عليها سلام حار بس هيه سلمت عليها برود واضح عليهه وبعدها تقدمن ثنين بنات وحده كالت اني هاله وحده ايلين مبتسمات مجامله واضح باوستهم وجانن هم كلش
حلوه بس انتبهت انو حيل يشبهن بيبتهن نوريه …..
طبعا احنا وصلو يمنه بس سيارات
النسوان أما سيارات إلزلم طلعو المضيفنه
كعدو كلهم بصاله داحضر بل عصير
اجت شاهندا وكالت
شاهندا:: عليج الله رحيق اني مو احلا
من عدهن اخبل مو
رحيق : انت حلوة وهنا حلوات كافي
شاهندا اخواني راح يتزوجون
لا تضلين انت وامج تنبشون بل موضوع
شاهندا :: ها هيج صارت بعدهم
هستوهم وصلو وبعتيني علمودهم.
وواحنه جاي نحجي طبن ثنين بنات
ساره ونور كالت نور
نور ::: حبيبتي اساعدج
رحيق : لا عمري مايحتاج شكرا
ساره : اكلج اني مختنكه اريد اشم هوة
عادي اطلع اكعد بل حديقه
رحيق :: اي عادي البيت بيتج يحلوة
بتسمت مجامله وراحت…..
////////////////////////////////////////////
“”” ساره””””
بعد ماطلعنه من بغداد ونور الطريق
كله نايمه عل جتفي مانسيت المن
ضربتني راجدي بس اعتذرت نور
بنسبه الي مو بس بنت عم لا اخت
احبهه اموت عليهه حنيته علينه
كلنه لا توصف دائماً تفكر بينه
عمرهاا مافكرت بنفسه طول
عمرها احنه الأولوية ونفسهه
اخر همه احنه وصلنه ثالث
متوسط وبطلنه ماقبلو نكمل كلنه
من وصلنه الثالث بطلونه بس
نور دائما تقنع بيهم نرجع نكمل لاكن
لا حياه لمن تنادي دائما يجاوبونه بان
البنيه مصيرهاا الزواج وبس لاكن
احناا نرفض ليش هيج مستزغرين المرأة
ليش احنه مو نصف المجتمع الرسول
مو وصه بينه رب العالمين مو وصه
بينه ليش هيج يعاملونه …..
طلعت من تفكيري عله صوت
شخص خشن يمي
قسور :: منو انت شسوين أهنأ …………
يتبععععع……..
//////////////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.