رواية بريئه بين قيود مجرم – الفصل التاسع والثلاثون
بريئه بين قيود مجرم
براء… التفت وشفته انصدمت وكلت
براء.. انت؟؟!
عبدلله… ماتوقعت نفس الجامعه
براء… انت شلون عرفت اسمي؟؟
عبدلله… حاولت اتعرف عليج بس ماانطيتيني مجال وسالت عنج
براء… تمام
وردت اروح ولزم ايدي ودفعته
عبدلله… اعتذر بس ردت..
براء… عوووفنييييي بحااالي
ورحت ركض بعد مااجى كرم وصعدت وياه وكال
كرم… شبيج؟؟
براء… ماااابيييه شيييي
كرم… تمام ليش تصيحين
وصلني للبيت ورحت دخلت الغرفتي سبحت ولبست ملابسي وطلعت كتبي ادرس وسمعت صوت كرم يحجي ورحت طلعت خارج الغرفه وصوته وضح اكثر
كرم… شوكت نطلع؟ تمام
وسد الخط وشال اغراضه واجى ورحت للغرفه ومن راح نزلت جوه كعدت بالصاله انتضره ينزل ومر وقت ونزل مبدل كامل وكلت
براء… وين رايح؟؟
كرم… شوفي تضلين بلبيت عندي مهمه اخلصها وارجعلج
براء… كرررم وين رايح
كرم… كلتلج مهمه عندي مستعجل
وراح طلع لحكته وهوه طلع وسد الباب وراه ورحت للغرفه كعدت افكر وين رايح وشنو هاي المهمه ضليت انتضره ومرت ساعات وصار الفجر وهوه مارجع تعبت وغفيت كعدت باوعت عالساعه جانت بل 8 ورحت نزلت جوه وانفتح الباب ودخلوا كرم وياه فرات انصدمت فرات جانت ملابسه كلهن دم ورحت ركض عليهم
براء… فررااات شكوو كرم احجيي شبيكم
كرم… براء بسرعه جيبي ماي
براء… بس..
كرم… برااء بسرعه كلتلج
ورحت ركض للمطبخ جبتله ماي ورجعت انطيته بيد كرم وشربه وضليت كاعده يمهم متوتره وكرم كال
كرم… اروح اجيبلك علاج مايصير تضل هيج
فرات… لا عووف مايحتاج
كرم.. هوه شنو مايحتاج اني رايح براء ضلي يمه
هزيت راسي وهوه راح طلع وكعدت عالقنفه مقابيله وهوه جان يلهث متوجع وكلت
براء… شنو سويتوا؟
فرات… موشي
براء… شنو؟ موشي وانت متصاوب؟
فرات… اخخخخخخ
ورحت اله ركض لزمت ايده وكلت
براء…. شبيك هاا شنو يوجعك؟؟
فرات… لازم ابدل
براء.. اروح اجيبلك من قمصان كرم
ورحت ركض فوك جبتله قميص ونزلت جوه انطيته وهوه كال
فرات…. شلون ابدل واني هيج وضعي؟؟
براء… مم ماادري دبر روحك
فرات… تعالي
براء…. شنو؟؟
فرات… تعالي انتي لبسيني
براء… شنووو لا لا انت اني اروح
فرات… اخخخخخ
ورحت اله ركض وكلت
براء… متوجع
فرات… ضلي يمي من تروحين اتوجع انتي علاجي
براء… ءءء اروح اسويلك اكل
فرات… ماريد ابقي يمي اريدج يمي
براء… لا خاف محتاج شي
فرات… اي
براء.. شنو
فرات… محتاجج انتي اريدج يمي ذايب بيج انا
براء… هييي لاتستغل مرضك شوو وخر
ورحت كعدت عالقنفه مقابيله وهوه صافن عليه يباوعلي
انتضرت كرم يجي تاخر ورحت حتى اتصل عليه وكال
فرات… وين لاتروحين
براء.. اتصل على كرم
فرات… عوووفيي ابقي يمي
فرات… تعالي
براء… وين؟؟
فرات… بحضني
براء… شنو انت ماتستحيي
فرات… لا
براء.. واضح
وانفتح الباب ودخل كرم جايبله علاج واكل وعافهم عالميز واجى على فرات ينزعله قميصه واستحيت وردت اروح وكال
فرات… وين ولج تستحين؟
ماجاوبته ورحت ركض وهوه جان يضحك ويكول
فرات…. ههههههه تستحييي
وكرم يفشر عليه ورحت الغرفتي مزعوجه منه…
…………………………………..
نور…. كاعده بالغرفه وانفتح الباب ودخل ورحت اريد اطلع بره ولزم ايدي وكال
علي الاكبر… وين؟؟
نور… انزل جوه
علي الاكبر… ابقي يمي تعبان
نور… هوه لان تعبان اخليك وانزل جوه
علي الاكبر… ابقي وياي ارتاح يمج انتي راحتي
نور…علي الاكبر
علي الاكبر… ياروحه
نور… وين جنت؟؟
علي الاكبر… اخذتها
نور… شنو هيه
علي الاكبر… اخذت الفلاشه الي راح تطلع حگي وحگ اهلي
نور… مافهمت يافلاشه ومن منو اخذتها؟؟
علي الاكبر… بس اعرف كلشي واخذ حگي راح احجيلج تعالي هسه
وجرني من ايدي وخرت عنه وكلت
نور… احجيلي شنو هاي الفلاشه هاا من منو اخذتها واخواني وينهم
علي الاكبر… كلتلج بعدين تعرفين كلشي واخوانج ببيتهم
نور… بيتهم؟؟
علي الاكبر… اشتروا بيت
نور… اوفف ياربي..
علي الاكبر…. صدكيني كلشي راح اوضحلج بالاخير مااخليج هيج حايره كلشي راح احجيلج وراح تعرفين ليش اخذتج تعالي وياي..
………………………………………….
نسرين…. عرفت مكانهم وكلشي يخصهم وشغلهم كلوا بدهوك بس مااعرف شيسوون هنا
ريام… اعتقد السبب نور وهاله واخوانهن
نسرين… ماكوا غير سبب هسه اني راح ارجع للبيت وباجر اعرف كلشي تمام
ريام.. تمام حبيبتي
وبوستني ورحت طلعت خارج المكتب وصلت سيارتي صعدتها وسقت وصلت البيت نزلت دخلت للبيت
نسرين… بابا حبيبي اني اجييت
ورحت للصاله وشفت منضر خوفني ابويه مربط جان وبحضنه سجينه بيها دم
نسرين… بااابااااا
ورحت ركض اله فكيته وذبيت السجينه وسالته
نسرين… شصار ها احجيلي
ادريس… مااعرف منو سوه هيج فجاه كعدت ولكيت روحي هيج
ضليت ادور بالمكان بس لكيت السجينه ورحت للمطبخ جبت جيس وشلت بي السجينه وضميتها وكلت
نسرين… اكوا احد جاي يراقبني اني متاكده
ادريس… منو هوه؟؟
نسرين… هين المشكله مااعرفه راح احاول عن طريق البصمات اوووف ياربي
وكعدت عالقنفه ابجي واجى ابويه حضني وكال
ادريس… لاتبجين بنيتي كلشي راح يتوضح بالنهايه ماطول ربنا ويانه وهسه كومي غسلي وجهج
هزيت راسي ورحت للحمام غسلت وجهي وباوعت على روحي بالمرايه وافكر ليش كل هذا جاي يصير وياي ودك موبايلي جان رقم غريب جاوبت
نسرين… تفضل
.. عجبتج المفاجاه
نسرين… منووو انتتتت
.. اهدي ياحلوه ليش انتي خايفه بعدنا بالبدايه
نسرين… شتريد
.. الفلاشه
نسرين… يااافلااااشه
.. لعبوا لعبتهم ونسوا الاشياء التخصهم بس مو مشكله اني اذكرهم بيها
نسرين… شنو؟؟
.. تعالي الهذا المكان**** اذا تريدين تعرفين منو فجر المبنى الي جان بي ابوج
وسد الخط ضليت افكر اذا اروح او لا اخذت قراري ورحت للصاله وكلت
نسرين… ءءء بابا اني لازم ارجع للمكتب نسيت ملفات مهمه
ادريس… خوش بنيتي بس لاتتاخرين
نسرين… تمام بابا
ورحت شلت اغراضي وضميت السلاح ورحت طلعت صعدت سيارتي وصلت للمكان جان مهجور ودخلت وشفت..
………………………………………
.. هاله ونور وبراء ونسرين اريدهم يمي خلال الساعات الجايه فهمت
.. فهمت
يتبع….
……………………….
انتضروني…… 🩷✨
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.