رواية بريئه بين قيود مجرم – الفصل الأربعون
بريئه بين قيود مجرم
هاله…. كعدت الصبح رحت سبحت ولبست ملابسي طلعت انشف شعري وشفت علبه عالميز استغربت ورحت اريد افتحه وانفتح الباب ودخل عمر واجى سريع سحبها من ايدي وكال
عمر… شجااي تسوين
هاله… شنو هاي؟؟
عمر… مالج دخل بيها
واخذها وراح للكنتور فتحه وحطها بالمجر وقفله واخذ المفتاح والتفتلي
هاله… هسه تحجيلي شنو هااي بسرعه
عمر… تخص شغلي ماعليج بيها
هاله… تخص شغلك لو تخصها؟!
عمر… منو؟؟!
هاله… ناارين اكوا غيرها؟؟
عمر… هسه هاي شعليها هيه جم يوم وتروح
هاله.. عمررر!
عمر… صدكيني مو شي
هاله.. اصلا مو مهم
ورحت اريد اطلع ولزمني من خصري وقربني اله وكال
عمر… اني مو مهم؟؟
هاله… اي انت مو مهم وماتهمني فهمت
عمر… ليش؟؟
هاله… هههههههه فوكاهه يسال ليش وخر عني
ودفعته بس ماتحرك وكال
عمر… ماراح تساليني وين جنت البارحه؟؟
هاله… لا مااسال لان ماتهمني
عمر… بس انتي تهميني انتي شي مهم بحياتي احبج انا هايم بيج تعرفين؟
هاله.. لا مااعرف
عمر… احبج
هاله.. ماحبك
عمر… ميت بيج
هاله… ماريدك
عمر.. چا اروحلها ماضل هنا
هاله… رووحلهاااا عسى ماناركم تاكل حطبكم فهمت ماتهمني
عمر… خوش
وراح طلع فتح الباب ورحت ركض لزمته من ايده وكلت
هاله… لاتروح ابقى هنا
عمر… مو مااهمج؟؟
هاله… لا تهمني
فجاه كلتها بدون مااحس وهوه صار يضحك وسحبني من خصري وقربني اله اكثر وباسني من رگبتي دفعته وكلت
هاله… ياا وخررر اريد اروح
عمر.. وين خلي نضل
هاله… وين نضل؟؟
عمر… خلي نبقى هنا
هاله… لا ماريد اصلا البنات ينتضروني
عمر… خليهن ابقي هنا
هاله… ءء عندي شغل
عمر… اريدج
هاله… شنوو لا اريد اروح ودفعته ورحت نزلت وهوه صار يضحك نزلت جوه اضحك وطلعت بوجهي البومه
نارين… خيير شكو؟؟
هاله… عفوا
نارين.. شعندج الضحكه تارسه وجهج؟
هاله… وانتي شعليج
ودفعته ردت اروح ولزمتني من ايدي وكالت
نارين… انصحج تعوفينه لان مو الج
هاله… هههههههههههه عفوووا ليش وانتي منووو حتى اعوفه
نارين… بصفتي اقرب شخص اله
ليام… نارين بطلي سوالفج
هاله… لا لا خليها تكمل اي
نارين… اي مثل ماسمعتي عوفي عمر
هاله… روحي بابا مالي خلگج يلا
ودفعته ورحت وهيه ضلت ادردم عليه ورحت كعدت بالمطبخ متنرفزه واجت ليام كعدت بسدي وكالت
ليام… عوفيها يمعوده هيه جم يوم وتولي
هاله… شكد اكرهاا جاي تستفزني الحقيره
ليام… اكلج
هاله… كولي
ليام… اليوم نروح اني وماما وحمزه للسوك تجين؟
هاله… مااايقبل اني راح اموت بهذا البيت اوووففف
ليام… اقنعي حااولي
هاله… تمام رايحه
ورحت سريع صعدت فوك وفتحت الباب وهوه جان جاي يشتغل عاللابتوت وكلت
هاله… عوووممررر
عمر… شعندج؟
هاله… يااا قابل شعندي مايصير ادلعك؟
عمر… يصير بس هاي اول مره ادكوليها
هاله… اممم لعد تعود عليها
عمر… من عيوني
ورحت كعدت عالجربايه وكلت
هاله… شنو تسوي؟؟
عمر… اشتغل
هاله… هممم اوووفففف
باوعلي وكال
عمر… شبيها بنياتي
هاله… ضااايجههه اكلك
عمر… اسمع
هاله… ليام وخاله وحمزه راح يطلعون خل..
عمر… لا
هاله… هسه خلي اكمل اريد اروح وياهم
عمر… لا ماكو روحه
هاله… الله يخليك بس خلي ارووح
عمر.. كلت لا سدي الموضوع
هاله… عوومررر
عمر… لا
هاله.. عوووممررررررررررررر
عمر… لاا
وبسته بخده وهوه انصدم وكلت
هاله… حبيبي خلي اروووح
عمر… حلو هسه صرت حبيبج بوكت المصلحه
هاله… الله يخليك بس هالمره حبيبيييي عووومررررر
عمر… خوش روحي
صفكت بيدي وكمزت فرحانه وكال
عمر… بسس لبس مستوور وتبقين وياااهن خوووش
هاله… تمام
ورحت طلعت ملابسي ودخلت للحمام بدلت ولبست عبايتي وشالي وحطيت شويه تنت وطلعت وكال
عمر… تعالي
ورحت اله ركض وهوه وكف وحط اصبعه على شفتي يمسح التنت وكال
عمر.. ماتحتاجينه
هزيت راسي ماريد احجي خاف يبطل ورحت نزلت جوه جانوا ينتضروني ورحنا مر وقت واشتريت كلشي يعجبني وخلصنا ورحنا كعدنا بمطعم حتى ناكل طلبنا اكل واكلنا وخلصنا ورحت للحمامات غسلت وعدلت شالي وردت اطلع وحسيت ايد انحطت على حلكي وانقطع نفسي قاومت ماكدرت واغمى عليه…
……………………………………………….
براء…. دخلت للجامعه وبديت بمحاضرتي وخلصتها طلعت للكافتريا احجي ويا ريم وكالت
ريم… ليش ماجيتي البارحه
براء… كعدت متاخره وماكدرت اجي
وفجاه دخل فرات انصدمت شجابه هوه مو مريض وجانت ويا بنيه تحجي وماخذها الواهس تحجي وتضحك وتلعب بشعرها انزعجت منها وكلت
براء… منو هاي؟؟
ريم.. هممم منو؟
واشرتلها على فرات وكالت
ريم… اها هاي طالبه جديده ويانه بس يمكن من اقاربه
لان ماموكفه حجي
والتفت الها وكلت بانفعاليه
براء… بس هوه اقاربه بغير محافضه
ريم.. تعرفينه؟؟
انتبهت على جفصتي وكلت
براء… لا وين اعرفه مايقربلي شي بس سمعت اووف لاتهتمين
وهمه راحوا خارج الكافتريا وكلت
براء… ليش طلعوا ها؟
ريم… ماعرف
براء… امشي
وجريتها من ايدها وطلعنا سريع خارج الكافتريا
ريم… هههه ودكول مااغار عليه
جانوا كاعدين بالحديقه وهيه مستمره تحجي وتضحك وتلعب بشعرها
براء… شوووفي هااي الحيه الحمره شون ماخذها الحجييي
ريم… ماتسكت ولله هههههههه
براء… ولا وهوه شلون صااافنلهااا حفظ ملامحهااا
ريم… اي ولج..
براء… شنووو جاي تحجيله وهالكد منتبه الهااا
ريم… نروحلهم
براء… اذا رحت عباله احبه واغار عليه
ريم… يعني انتي ماتحبينه وماتغارين صح؟
براء… ريم بطلي امشي خلي نرجع
ريم…. يا يا يا شووووفييي
رحت ركض اشوف وجانت جاي تاخذ وياه صور وهوه مبتسم
براء… الحيه الحمرره اروووح املخهااا اهلس شعراتها الحمر
ريم… بس لاانعجب بشعراتها
براء… شنوو الحيه الحمرره ولجج جاااي يباااوعلنه
وجريتها ورحنا دخلنا جوه ضلينه واكفين ودخلت البنت
ريم… هلاوو
.. هاي
ريم… احمم عادي اسالج سوال
.. اي حبيبتي عادي
ريم… شتقربين من الدكتور فرات؟؟
.. مااقربله بشي بس..
براء… بسس شنووو
وريم كرصتني
.. بس هوه يعجبني ذوقي
متت واني اسمع كلماتها وهمست
براء… الحيه الحمره اروح انتفها
.. كلتي شي
براء… اي يلا ريم خلي نروح
وجريتها ورحنا طلعنا دخلنا قسمنا وضليت احجي عليها مر وقت وخلصنا كامل ورحت طلعت انتضر كرم حسيت اكوا سياره تراقبني ماارتاحيت وضليت امشي وهيه ورايه بعدت عن الجامعه كلش ووكفت اريد اتصل على كرم ضليت اتصل مايجاوب صاروا عشر مكالمات ومارد ورحت اريد اخذ تكسي واجت السياره سريع خفت ردت اهرب ونزل منها رجال لزمني من ايدي دفعته اريد اصيح وحط ايده على حلكى وقطع نفسي واغمى عليه…
………………………………………..
نور….. كاعده بالغرفه مشغله التلفزيون اباوعله وانفتح الباب ودخل هوه باوعلي وكال
علي الاكبر…. منو مزعلوا عليه
نور.. عوفني بحالي
وتقرب عليه وكمت وكفت فوك الجربايه وهددته باصبعي وكلت
نور… بس تتقرب مني اندمك
علي الاكبر… جعل محد غيرج يندمني تعال عليه
نور… مااجي شوكت ترجعني
علي الاكبر… وين يولي
نور… وين يعني الاخواني وين
علي الاكبر… بس عوفني قنادرج على صفحه
نور… لاتغلط عليهم وردت انزل وجرني من ايدي عليه ووكعت عالجربايه ووكع فوكايه وكال
علي الاكبر… لزمتج
وضليت ادفعه واضربه على ضهره وهوه مايوخر اقوى مني ولزم اديني الاثنين بيد وحده والايد الثانيه ثبتها على خصري وباسني برگبتي وبخدي وراد يبوسني وخرت راسي وضل يضحك وتقرب حتى يبوسني واندك الباب دفعته تخبلت وكام وكال
علي الاكبر… منهوووووو
وجاوبت ميار من ورى الباب وراح فتحه وكال
علي الاكبر…. خيييييرررررر
ميار… يممه ماكوا شي
علي الاكبر… خووش
وراد يسد الباب ورحت ركض وجريتها دخلتها الغرفه وكلت
نور… خليهاا هنااا
علي الاكبر… عرمه مو بيدج
وهزلي راسه يتوعدلي وراح طلع ملابسه ودخل الحمام وهيه كالت
ميار… هااا اجيت بوقت غلط
نور… لا ليش وقت غلط
ميار… نووور
نور… الله جابج انقذتيني
ميار… هههه ليش
نور… راد يكتلني
ميار… حرامات جان ماجيت
ضربتها على ايدها وكلت
نور… ليش ولج
ميار..ههههههه
ضلت تضحك وتغمزلي دك موبايله ماهتميت وضل يدك ورحت حتى اشوف منو وجان مكتوب جاسم والتفت على ميار وكلتلها
نور… جاسم يتصل
ميار… جاوبي
واخذته وجاوبت وجان جاسم فعلا وكلت
نور… جاسمم
جاسم… ها حبيبتي شلونج
نور… الحمدلله وانت وينكم ها ضل بالي يمكم
جاسم… موجود حبيبتي شوفي اني بالحديقه الخلفيه تعالي وحدج لاتجيبين احد وياج خوش
نور… تمام جايه
وذبيت الموبايل وكلت
نور… ميار غطي عليه جاسم ينتضرني بالحديقه اروح اشوفه وارجعلج
ميار… تمام بس بسرعه
هزيت راسي ولبست عبايتي وشالي ورحت نزلت وصلت للحديقه مالكيت احد
نور… جاسم وينك؟؟
ضليت التفت وادورله سمعت صوت ورايه التفت وشفته رجال غريب خفت ورحت ركض حتى ارجع بس جان اسرع مني ولزمني وحط وصله على انفي ضليت ادفعه ماكدرت واغمى عليه وماحسيت بشي…..
يتبع…..
……….
انتضروني.. 🔥❤
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.