رواية بريئه بين قيود مجرم – الفصل التاسع والعشرون
بريئه بين قيود مجرم
التفت وشفت بنيه تصيح مااعرف شبيها رحت حتى اشوف شكو وجان اشوف ولد لازم ايدها ومايخليها تروح وهيه تريد تبعده وتصيح عوفني وعوفني بهاي اللحضه اجه كرم ونزل واجى عليه وكال
كرم… يلا خلي نروح
براء… هاي شكو هناك شوف
باوع كلش زين وانصدم وراح ركض ولحكته اركض ولزم هذا الولد وضربه بوكسيات على وجه ضل يضربه بشكل مستمر والولد راح يفقد
براء… عوووفه كررررم كررررم
وهوه مايسمعلي ومستمر يضربه وبهاي اللحضه طلع فرات
براء… فرررااات تعااال الحككك راح يموووته
واجى فرات ركض يوخر كرم وخره وكال
فرات… شبييييك تخبببلتتتتتت
كرم… ميار انتي زينه هااا
وتقدم يريد يلزمها وهيه رجعت ليوره وكالت
ميار… بس وخر عني
ورادت تروح وهوه يلحكها
كرم… ميار ميار بس اسمعيني
وهيه مستمره تمشي وهوه راح وراه ورحت لحكته وفرات ويايه
براء… كرررررممممم كرررررم
وفرات راح ركض ولزمه من ايده ووكفه وهيه راحت
فرات… لككككك كاااااافيييييي
كرم… بس هدني خلي احاجيه
فرات.. كرم من هسه اكلك طلعهاااا من راسك لان اذا علي الاكبر يعرف مااضمنلك تضل عايش
كرم… ليش وذا رايح من الباب هم يسوي شي يااخي احبها شسوي
ورحت الهم مستغربه منو هاي
براء…. منو هاي؟ شنو تحبها؟
كرم… هاي اخت علي الاكبر واني احبها ورايدها
براء… شنووووو كرم انت مو معقول ابددد
كرم… هسه شمسوييي
براء… جاي انصدم منك
فرات… لا لهنا وكافي عاد زودتها حتى بهاي ماتحجيلها
كرم… اي ولله حرام عليه
فرات… حكك
براء… هسه شنو جاي تضحكون عليه لو شنو؟
فرات… لا على شنو قابل نضحك
كرم… اي اي على شنو
براء… يااا شبيكم
فرات… لججج انتي ليش محسستني محققه ولازم نبررلج كلشي
براء… طبعا لان اخويه ولازم اعرف عليه كلشي
كرم… دمشي يلا
وجرني من ايدي وضلوا الطريق كلوا يضحكون عليه وعلى سوالفي…..
……………………………….
هاله… نزلت جوه بعد ماتجهزت وكاعدين جاي نتريك واندك الباب وراح عمر يفتحه وشفت الصدمه جاسم وانور وميرال وحور ام عمر شهكت ودكت على صدره وكالت
ام عمر… يمه عمر شيردووون هااااا
عمر ضل واكف على اعصابه خفت لايسوي شي ورحت ركض لزمت ايده وهمست اله
هاله… الله يخليك لاتسوي شي الله يخليك
وصاح حمزه واجى علينه ركض
حمزه…. انتووااا شلووون تدخلووون بيتناااااا كلااااب
وعمر وكفه وكال
عمر…. عوفهم
انور… خلي نرووح
جاسم… انت اسكت عمر نكدر نحجي وياك
عمر… ماعندي حجي وياكم يلا توكلوا
هاله… لااا عمر الله يخلييك
عمر…. انتي دخلي جوه وماعليييج
هزيت راسي لا وكلت
هاله… لاتطردهم عمر الخاطري الله يخليييك لاتسويلهم شيييي
عمر… لياااام
واجت عليه وسحبتني واني ادفعه واكول
هاله…. عمرررر عمرررر الله يخليك خليهم الخاطري عمرررر
وهيه جرتني ودخلتني الغرفتها واني ابجي
ليام… اهدي حبيبتي لاتبجين
هاله… هسه راح يسويلهم شي متاكده
ليام… لاتخافين مايسويلهم شي اذا مامتاكد منه اخويه واعرفه
هزيت راسي وكاعده الوب وانتضر وره شويه بعد ماتحملت وكلت
هاله… اني اروح اشوف شصااار
ليام.. اني هممم نفس الشي امشي خلي نشوف
ورحنا طلعنا وصلنا الباب وانفتح ودخلوا كلهم
عمر… راح يبقون هنا هاي الفتره
ام عمر… انتتتتت تخبلتتتت شبييييك
حمزه… عمررررررر
عمر… كلت راح يبقون هنا وانتهى الموضوع يمه تعالي احاجيج
واخذ امه وراحوا وحمزه ضل يدردم يحجي وراح وليام لحكته وضلينه بس احنا واخذتهم للصاله
هاله… انتوا شجابكم
انور… استلم بقت عليج اطردينا وفضيها
جاسم… ولكم ترى لعبت روحي من وراكم وانت المفروض ماتحجي
انور… واني شمدريني ذوله الكلاب راح يغدرون بيه
هاله… شردو وخلوك وحدك عليهم
انور… اي ولد الكلاب
هاله…. اوووف مايلامون بيك ولله
انور… هسه انتي وياي لو ضدي؟
هاله… ضدك اكيد
انور… انعل هيج خوه كون ديلا
هاله… ياخوه يمعود غير البارحه عرفت بيك اخويه
جاسم… هسه شلون بينا
انور… لازم نشتغل احسن شي لان اني مستحيل اتقبل ابقى هنا
جاسم… بوس ايدك وجه وكفه لان خلاك تبقى هنا
انور… غير الخاطرها اخخخخ بس لو الزمه هسه
جاسم… شتسوي؟؟
انور… اكطع النعال على راسه
هاله… كاااافييييي
انور… لجججج على منو تصيحين هااا
هاله… لاتغلط هاي فوك ماخلاك تبقى هنا
انور… لااا اني طالع شنو ماعندي كرامه دروحواا
وراد يوكوم ولزمه جاسم وكال
جاسم… استقر وامشي خلي نطلع نشوفلنها شغل يلااا
وجره من ايده وراحوا طلعوا واني ضليت وحدي وكمت طلعت دخلت المطبخ اشرب ماي وشفت موبايل عمر واخذته وقررت اسويها لان اجى الوقت….
……………………………………..
نور…. كاعده وخايفه بنفس الوقت لان راح اسوي مهمه كلش جبيره رحت للكنتور طلعت من ملابسي شريط مال حبوب ونزلت جوه رحت للمطبخ طلعت عصير من الثلاجه صبيت كلاصين اليه واله وطلعت حبايتين من الشريط وحطيتهم بكلاصه وشلتهن ورحت للصاله جان كاعد يدخن واستغرب ورحت كعدت بسده وكلت
نور… هاي الك
علي الاكبر… مصخنه انتي
وحط ايده على كصتي يفحص حرارتي
نور… لا مابيه شي بس حبيت اتشكرك لان انت ساعدتني وطلعتني من هذاك البيت
همهم واخذ العصير يشرب منه واني هم شربت لحد ماخلصه كامل وضل كاعد وماحجه شي الى ان كام يفرك بعيونه
نور… شبيك؟؟
علي الاكبر…. راسي يوجعني
نور… ليش؟؟
علي الاكبر… مااعرف
وكام ولحكته وكلت
نور… وين تروح
علي الاكبر.. اروح للحمام اريد اصحصح
وراح صعد فوك واني وراه.
واخيرا كدرت اخذ موبايله بعد مادخل للحمام واجاني اتصال بنفس الوقت جاوبت
نور…. هاله
هاله… جاهزه
نور… خايفه
هاله… لاتخافين هلمره متاكده راح ننجح صدكيني
نور… ان شاء الله وهسه شراح نسوي؟
هاله…. شوفي من انطيج الوقت المناسب تطلعين خوش
نور… تمام بس شلون راح اعرف
هاله… اسمعي….
يتبع…… 🩵✨
……………………
انتضروني👑✨
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.