رواية أحفاد الشيخ علي – الفصل الثالث
________________§§§______________________________________________
نور:: عزااا حرامي الحگوني
كل الي بالبيت اجو يركضون على عياطي
تراث:: اني مو حرامي و هذا البيت بيتي انتي شنو جابچ هين
نور:: لچذب انت حرامي وجاي تريد تبوگنه
تراث:: وين اكو حرامي يفوت من الباب
سجاد:: شصاير هين و تراث انت شتسوي هين
تراث:: بربك هذا هم سؤال جيت بأول طيارة و رجعت
سجاد:: انت ما تعرفت عليها هذي بنت عمك تعرف عليها
تراث:: هذي بنت عمي هذي!!
نور:: يعني عفتو خلق الله كلها و جبتو هذا يصير ابن عمي
ايسر:: اذا ما عجبچ عادي نبدلة ما بيها شي
تراث:: لا ولله شو انت مستگوي
وليد:: ليش انت تعرفها
نور:: اي بابا هذا نفسة الولد الغثه الراد يدعمني الحچيتلك عنه
وليد:: وليدي شنو انت متعرف تسوق
تراث:: عمي شنو انت متعرف سياقتي و هذي الچذابة هسع نزلتني من عينك حيل
وليد:: لا وليدي لا يضل بالك ما حچت شي
نور:: لا تخاف اني مو مثلك احچي على الناس و ادعمهم و اسكتهم برشوات
تراث:: غير انتي فضحتيني و هم صلفة
عاطت نور
نور:: اني صلفة اني!!
عاط سجاد
سجاد:: شنو مگعدينه من صباحية الله على هذي السالفة
ايمن:: شنو انت ما عندك شغل؟
سجاد:: لا اليوم أخذت اجازة
ايمن:: سودة علية اجازة و مگعديك من الصبح شگد ما عدهم احساس
تراث:: يعني هم من صباحية الله و هم مگابل هيچ عطلات
نور:: شنو قصدك منو العطلات؟
تراث:: اصلاً السالفة مو يمچ و بحياتي مشايف بنيه ادور مشاكل مثلچ
نور:: باع لك ديربالك بعد تحچي وياي
تراث:: هذي عليمن لك؟
نور فرت راسها و راحت لغرفتها و كلهم راحو لغرفهم و بقو بس تراث و سجاد و عراق
تراث:: مو جاي احچي وياچ
سجاد:: ههههه لگيت وحدة ما تمشي كلامك عليها
عراق:: تراث ديربالك تضوج اختي
سجاد:: من ايمت صارت اختك؟
عراق:: من البارحه صارت اختي
سجاد:: اول مرة اشوف واحد يصير اخ بليلة و ضحاها
تراث:: اذا مشايف شوف هذي من اليوم راح تصير حياتنه فلم هندي
عراق:: فلم هندي و المخرج عراقي
كمل كلامه و ضرب على رجلة و ضحك
تراث:: دوخرو شگد تافهين ولا تصير الكم چارة خلي اروح ابدل وانام احسلي
سجاد:: اني هم اگوم انام
عراق:: مو صوچكم صوچ الي يلطف جو
………
في مكان اخر::
علي:: صاير البيت هدوء
عمر:: اي والله حيل
اردفت حور و الدموع بعيونها
حور:: اشتاقيت لنوغ حيل
عمر:: بوية شبيچ راح تبچين هيه وين راحت قابل ان شاء الله الاسبوع الجاي احنه بالعراق
حور:: صدگ والله؟
علي:: اي عمي وليد كمل كلشي و اشترالنه بيت هناك و ايمت ما يعجبچ نروح هناك نتونس
من الفرح گمت اگمز و رحت عليهم ثنينهم و بستهم
علي:: ههههه ولك كضها هاي راح اطير
عمر:: هههههه خليها
في مكان اخر الساعه 2:00 الضهر
سمرة:: ولچ نور گعدي الساعه 2 الضهر گعدي خلي احچي وياچ
نور:: اووف ولچ بس شوية عليچ الله بس شوية
سمرة:: هههه مبينه حيل منعسة ولچ كعدي
نور:: ولچ هاا هاا گعدت يمعودة
سمرة:: يلا گومي غسلي و سويتلچ الاكل حميته
نور:: ليش الساعة بيش؟
سمرة:: سالمين حبيبة ساعة 2 الضهر وين چنتي….نايمه
نور:: يااا عزاا ولا ادري بروحي كله من ورة هذا الغثه ولچ والله لحد هسه مصدومه شلون هو يگربلي
سمرة:: هههههه اي والله نصدمت حتى اني من عرفت تعرفون بعض
نور:: انوب يگلي الصلفة ولچ هذا ابو راس الطاوة يگلي الصلفة
سمرة:: ههههه ولچ زين ما لزمچ كتلچ اول مرة احد يحچي ويه تراث هيچ و تراث ما يسوي شي
نور:: هو منو حتى يكتلني هذا ابو راس الطاوة
سمرة:: ابو راس شنو؟؟ ههههه
نور:: طاوة خيه طاوة
سمرة:: ولچ يلا گومي تعبت وحدي اريد اخبز ساعديني
نور:: شلون بالله تخبزين ولچ ما يجيبون من المخبز
سمرة:: لا ولچ دائماً يجيبون من المخبز بس اشو اليوم اشتهيت اخبز تعالي اعلمچ اخليچ نادرة
نور:: لا خيه شكراً الچ اريد ابقى هيچ
سمرة:: ولچ گومي جيبي طحين من المخزن و لحگيني على المطبخ
نور:: حاضر حاضر
رحت اركض بسرعه مثل المخبلة على المخزن عثرت و وگعت على شخص و گمت بسرعه اسمعه يحچي
تراث:: من عمه اليعميچ شبيچ مثل الخبلة طايرة وين تريدين
نور:: استغفر الله متگلي انت شعليك وين ما اروح الگاك بوجهي
تراث:: اروح فدوة لهل وجه الحلو
بقيت ساكته و نزلت راسي من الفشلة
تراث:: ههههه طلعتي تستحين
نور:: دوخر يمعود
دفرته و طلعت على المخزن ادور على الطحين و ما لگيته
تراث:: على شنو جاي ادورين
نور:: على الطحين
تراث:: دحگي هين حاطين الطحين يحلوة
جيت امشي علية
نور:: وين حاطينه
تراث:: جايبه شي وياچ لو تشيلينو بأيدچ
نور:: ههههه مضحك ترى مو غبية
تراث:: من هذا تركضين مثل المخبلة و ما شايلة شي وياچ
نور:: ترى نسيت هسه اروح اجيب و اجي لا تتحرك
تراث:: بعد تردين ما اتنفس
نور:: تسوي فضل
رحت اركض على المطبخ
سمرة:: ها وين الطحين صارلچ ساعة ما دزيتچ تحررين القدس هو طحين و تجيبينو من المخزن
نور:: انطيني شي احط بي الطحين
سمرة:: هاچ هاذي الطاسة و هذا الكلاص شيلي بي الطحين
نور:: تمام
أخذته منها و رجعت اركض على المخزن
نور:: هاك
تراث:: گضيتيها كلها تركضين ما تعبتي
اخذ الطاسة مني و حطلي طحين
تراث:: هاچ
نور:: شكراً شكراً
تراث:: يلا امشي گدامي لچ
نور:: لا تگلي لچ افتهمت
طلعت من المخزن و رحت للمطبخ
نور:: سمرة سمرة جبتلچ طحين
سمرة:: مال هسع اطگج بهلهوله
نور:: يلا خيه علميني شلون اخبز
سمرة:: يلا تعالي
جابت التنور و شغلته و جابت مخدة دائريه و گعدت
نور:: شنو هاي شنو راح تسوين بيها
سمرة:: هذي مخدة تحطين عليها رغيف الخبز
نور:: هاا فهمت
سمرة:: تعالي گعدي هنا يمي
رحت گعدت يمها و هي بدت تگطع العجين
نور:: هاي منين العجين توي جبت الطحين
سمرة:: عجنت من زمان بس هذا الطحين للصينيه حتى ما يلزگ العجين عليها
نور:: هاا
سمرة:: اي خيه تعلمي من الخبرة يلفاهيه
نور:: اني فاهيه!!
سمرة:: اي فاهيه وين اكو افهه منچ يلا تعالي هذا الرغيف حطي بالتنور
اخذتها منها و حطيتها بالتنور و انچويت شويه
نور:: يااا اخخ يمههه
سمرة:: عزاا العزاچ يالثولة خما نحرگت ايدچ شو انطيني اشوفها
نور:: لا بس شويه تحرجني
سمرة:: گومي حطي عليها معجون أسنان
نور:: معجون اسنان؟؟
سمرة:: اي
رحت ادور معجون أسنان بس ما لگيت
تراث:: على شنو ادورين
نور:: شجابك ما عندك شغل انت تفتر بالبيت
تراث:: لا اليوم اجازتي
نور:: اريد معجون أسنان
تراث:: شسوين بي
رفعت ايدي اشوفه الحرگ
تراث:: شبيها ايدچ منو حارگچ هيچ
نور:: احترگت بالتنور
تراث:: شجابچ علية…انتظري هسع ارجعلچ
راح شويه و رجع يركض
تراث:: انطيني ايدچ
نور:: انطيني اني احط
عاط بعصبيه
تراث:: انطيني ايدچ
كض ايدي و صار يحط عليها معجون و يفركه شويه شويه
نور:: هاهيه كافي
رفع ايدي و باس اصابعي
تراث:: بعد لا تخبزين شوفي شصار بيچ
شغله متعرفيها لا تسوينه
نور:: چنت اريد اتعلم
تراث:: لا تتعلمين تردين گليلي اني اخبز بمكانچ
نور:: ههههه والله اضحك
تراث:: ما اشاقه اني!!
نور:: …….
________________§§§_________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.