رواية تراث النهروان – الفصل الواحد والعشرون
التفتت على بـــارون طب للبيت يركض فات من يمي وطب للغرفه
فتحت عيوني بخوف، شراح يصير!!!
طلع من الغرفه
شايل بأيدة شي ماركزت بي، وصل يمهم رفعه عليهم وصاح
بـــارون – غيد مرررتي قاانوناً والعقد مصدددق بالمحكمة محدد الة الحق يدخل بيهاا.
فتحوا عيونهم عمامي مصدومين والصدمه احتلت وجهم
كل عقلهم اليوم يعقد سيد واذا يغلوا راح يكدرون يسيطرون علينه
الضابط كام يصيح ويحجي ويسأل السيد والسيد يجاوبة
السيد – انتم عمامها بس كلامكم بهاي الطريقة وطريقتكم لـ رفض الزواج
غير منطقية ولهذا السبب انتم مالكم الحق عليها وخاصتا هي حاليا في ذمة رجال حتى لو كان مجرد حبر على الورق أمام الله هذا الشي مصدق.
الضابط – تفضل سيد اعقدلهم هسه بوجود عمامها حتى مايكولون ماكو شهود.
عمامي ساكتين ويجرون نفس بعصبية كوة لازمين روحهم كدام الضابط
صاحني السيد عدلت شالي وطلعت الهم
السيد – بوية راضية بالعقد؟ احد جابرج بي؟
هزيت راسي بـ لا
كالوا نطب جوة ونعيد العقد طبينه للحديقة وصار السيد يحجي
وبـــارون يعيد ورا لحد ما طلب موافقتي اني وافقت ورجع سأل بـــارون
وانطاه الموافقة وتم العقد تحت نظرات الرفض من عمامي
السيد – الف مبروك ان شاء الله.
سكتت وبـــارون رد عليهم وهم يباركون
بـــارون – سيدي اريد قدم شكوة بعدم التعرض مره ثانية
سواء الي او لمرتي.
هز راسة الضابط وصاح على عمامي واخذها كلهم للمركز
وهم يصيحون وسجاد وعمار يفشرون وتعاركوا ويا بـــارون
راح بـــارون وياهم والولد طبوا للبيت اعصاب وينافخون
سلموا علينه واخذوا البنات وطلعوا، كعدت على التخم
اجر حسرة وكلبي مشتعل نار نزعت الحجاب وشمرته
غيد – حظظظي انيي بكلشيي ماكاااعد ماا ارتااح اني.
كلتها بصوت مخنوك شهكت ابجي وحسيت احد حضني
فتحت عيوني شفته سيف وماما ومريم كاعدات كدامي
سيف – لا تبجين غيد.
حضنته ابجي وهو كام يبجي وياي ويكلي
– اشتاقيت لـ نهروان اني.
شهكت بصووت عبالك جنت اريد سبب قوي ابجي عليه
غطيت وجهي ابجي واشهك وهو وياي، فرفحت روحي
نسيت كلشي صار وهي ضلت بالي بس، وين انتِ هسه؟
شنو حالج؟ بشنو مريتي وراح تمرين؟
مسحت عيوني اشهك وجريت سيف حضنته امسح دموعه
غيد – كافي بجي حباب.
شهك بصوت وعيونه الزرگ صايرات حمر من البجي
غيد – مريم اخذي غسليلة.
هزت راسها وكامت اخذته وراحت للمطبخ مشيت للغرفه
طلعت دشداشة نص ردن طويلة اخذتها وطبيت للحمام
غسلت وجهي كله من المكياج وسبحت بمي بارد
حسيت
جسمي مشتعل نار، ابجي بخنك جوة المي واسبح
كملت شلون
ماجان وطلعت بدلت ولفيت شعري بالخاولي، رحت للهول
لكيت ماما ومريم معدلات البيت وكاعدات ومريم حاطه
كتبها لان ماضل كم يوم للامتحانات
مددت على القنفه واحس مالي خلك لـ شي ولا حتى احجي كلمة
مـريـم – شوكت تقرين غيد؟
– مالي خلك مريم عوفيني.
– امتحاناتج ماضللها شي.
– ميخالف.
كلتها وخليت راسي على التخم اندك باب الشارع كام سيف
– اني افتحه.
ضليت مدده على التخم سمعت صوت بـــارون بالحديقه
ردت اكوم البس شي وتذكرت بيناتنه عقد رجعت راسي
على التخم، طب هو للهول وكال
– السلام عليكم.
– وعليكم السلام.
باوع علينه كلنه وثبت نظراته عليّ باوعلي بنظرة مستغربة
ودار وجهه بسرعه كعد على التخم وباوع على ماما
بـــارون – حليتها المشكلة بأذن الله
خالة حموين مايرددون البنات يردون بس فلوس
كل عقلهم
يردون يزوجوهن لان مكملات دراسة يردوهن يتعينن ويصرفون بروسهن
من شافونه ما سكتنه وكله بالقانون خافوا وتراجعوا
وهسه كتبوا تعهد ما يتعرضون مره ثانية النه.
ماما – ان شاء الله، ماقصرت يحبيبي.
– لا ولو ام غيد تدللين.
يحجي ويا ماما ويباوعلي ويرجع يدير وجهه باوع على مريم وكال يغير الموضوع
– بدت امتحاناتكم؟
– اي والله والمواد صعبه ما ظابطتهم كلشي ما افتهمت منهن.
– ليش؟
– صعبات وحتى غيد ما قارية.
باوعلي ورجع باوع على مريم
– غيد ما تكومين تقرين؟
– مابية حيل والله باجر اني ابلش اقرة.
هز راسة وسكت كام وكف تحمحم وباوع على ماما
– خالة اني اليوم انام بغرفتي يعني..
– اي يمة نام بيها جا بعد وحده اخيتك وحده مريتك عليمن بعد.
ابتسم بهدوء وهز راسة طب لغرفته وسد الباب
مريم ضحكت وباوعتلي
تهز بحواجبها وتضحك خزرتها ودنكت ضميت راسي بالمخده
ضليت اباوع عليها وهي تقرة لحد ما غفيت بمكاني..
” بــــراء ”
فتحت عيوني مصدومة واني اشوف قوري الجاي كله
مكلوب واكع على عزيز!!
صرخت بعلوا صوتي وركضت عليه وهو واكع بالكاع ومفرفرح
بــراء – عزززيزززز يمةةة ابنيي.
تُــراث صار اسرع ني ركضله قبلي وشاله من الكاع
وملابسه
يطلع دخان منهن على كد ما حار وكعت بالكاع الطم واصرخ
وتُـــراث ركض بي للحمام
بــرهــوم ركض ورا للحمام واني كمت اريد اوكف من الخوف ماكدر اتحرك بعد
ركضت وراهم امشي واتعثر واني اسمع صرخاته بالحمام
وهم نزعوا ملابسة وتُـــراث يصيح
– لاااا تدير مييي عليهننن بــرهــوم!!!
وخر بــرهــوم وتُـــراث نزعه ملابسة وينفخ عليّ وعزيز روحه مفرفحه
يبجي ويصرخ بعلوا صوته طلعه تُــراث من الحمام
وخلاه كبال السبلت
تُــراث – اشششش خاالوا كافي حبيبي كافي.
يبوس براسة وعزيز يبجي ويشهك
كعدت بالكاع حيلي باد ماكدر اتحرك ولا احجي شي
بــرهــوم اخذه من تُــراث يبوس بي ويسكته لحد ما غفه
بحضن بــرهــوم وهو يناشغ، اخذته من بــرهــوم ابجي
بستها وحضنته حيل
تُــراث – مابي شي لا تخافين تعاي حطي هنا.
مشيت حطيته على التخم كبال السبلت
وغطيته بخطه خفيف حتى يبرد جسمة شوية
حضني تُــراث يهدي بية، راح بــرهــوم جاب مي واجه يشربني
بــرهــوم – اشربي شوية وجهج صار اصفر من الهبطة.
تُــراث – هبطة مال وجهه.
باوعتله بتعب وهو ضحك وبـرهـوم يضحك ويا ويكله
– تُــراث ترى والله تافه!
– ترى والله ادري!
يحجون ويضحكون دفعتهن وكعدت يم راس عزيز كلبي
يدك بسرعه وجسمي يرجف دنكت ابوس براسة وامسد
على شعره، ياروح امك بية ولا بيك، مسحت دموعه
الي ناشفة على وجهه وبسته بخدة
بــرهــوم – كومي مابي شي خلي هسه يبرد جسمه وهو نايم يرتاح شوية.
هزيت راسي وكمت للمطبخ غسلت وجهي ودنكت شلت القوري من الكاع
مسحت الجاي وغسلت مكانه ورحت كعدت يمهم
بــراء – بــرهــوم جيبلة عصارة شي فدوة.
– عدنه بالعلبة حبيبي.
– فوك؟
– اي.
كمت صعدن فوك طبيت للغرفه
فتحت الكنتور الجرارات ماهي العلبة هنا
طبيت للغرفة الثانيه دورت بيها مالكيت وكفت باب الدرج وصحت
– بــرهــوووووم وين حااطهاااا.
– يمج بالجرااارةة.
رجعت دورت بالجرارات مالكيت نزلت جوة كتله
– بــرهــوم وين حاطها مالكيت فوك؟
– اني كايم اشوفها.
صعد هو واني كعدت يم تُــراث وهو فتح تلفونه واتصل
باوعتله بتركيز وفضول اول مره اركز ويا هيج
تُــراث – هاا؟ متأكد؟؟
كالها وكام وكف حط ايدة على خصره والثانيه لازم بيها التلفون
– شوكت؟ بااجررر شنوووو!!!!
لا بيدك كلشي بيدك الف مره كلتها الي جنت اكلك ماجاهز
هسه جهزت كلشي أي عذرر مااريد، ترى روحي طالعه انييي لا تحجي برود، اي اي جهزهم مثل ما اني كملت كلشي جهزهم، مشكلتك حبيبي مشكلتك!!
بــرهــوم – تُــراث؟
باوعله تُــراث ورفع ايدة يأشرلة اصبر
تُــراث – اريد هسه، مالي شغل اني
الي عليّ اأمر وانتَ تنفد!
كلاااام زاايد ماا اريدد، باااجررر شنووو!
خررب.
كالها وسد التلفون راد يركعه بالكاع بس سد ايده حيل وشمره على التخم
بــراء – تُــراث.
باوعلي وباوع على بــرهــوم دنك راسة يفرك بي حيل وهمس
– ماكو شي.
هزيت راسي ساكته بــرهــوم باوعله ودنك راسه يستغفر بهمس
تُــراث – برائي بس حظريلي السجادة رايح اتوضة.
هزيت راسي بـ اي
راح بجهة المطبخ واني مشيت فتحت الجرارات الي بالصالة
طلعت السجاده والتربة حطيتهن بالكاع وفرشتها
طلع
من المطبخ متوضي، وكف يصلي وبـرهـوم اشرلي
– مديلي سجاده وياج.
راح يتوضة واني طلعتله وحده مديتها بصف سجادة تُــراث
اجه بــرهــوم وكف بصفه يصلي، ابتسمت واني اتأملهم
شكلهم حلو وهم يصلون بخشوع ويسجدون سوة ويكفون سوة
عفعتهم ورحت للمطبخ اسوي بالغده بس كملته اخذته بصينية
وديته يمهم بالهول، جانوا مخلصين صلاة وكاعدين واحد بصف الثاني
ويحجون بعصبية
بــراء – تعالوا تغدوا.
باوعوا عليّ اثنينهم سكتوا ونزلوا بالكاع يتغدون
كمت من يمهم
رحت لعزيز الي بعده نايم كعدت بي على كيفي حتى لا يفز
جسمه بارد ومو احمر الحمدلله
بــراء – عزيز ماما حبيبي يله كافي نوم وليدي.
بــرهــوم – خلي نايم ماطول جسمه مرتاح وبرد ومن يكعد وكلي.
– لا خطية يضل جوعان ويدوخ فوك الجوية.
كعدته كام يبجي
حطيته بحضني اسكت بي وهو بس يبجي
بـــراء – عزيز مااماا تريد عم؟ ها حبيبي جوعان؟
هز راسة بـ اي يبجي
ضحكت امسح بدموعه وابوسة
– يايمة تعال ناكل ويا بابا وبابا الثاني؟
هز راسة بـ اي
كعدت بالكاع يمهم وهو بحضني اخذه تُــراث كعده بحضنه
يبوس بي ويوكلة، ماعرف ليش من شفت تُــراث وعزيز
خطرت بالي قمر
بــراء – تُــراث.
– همم.
همهم وحط لكمة بحلك عزيز ويضحك بي
– تُــراث قمر شوكت تجيبها لهنا؟
رفع راسة باوعلي وباوع على بــرهــوم
– ماضل شي ان شاء الله.
هزيت راسي وهو رجع يوكل عزيز وبـرهـوم يباوعله
مارتاحيت لـ نظراتهم بس ماكدر احجي ولا اسأل شي
كملنه اكل كمت شلت الصينية وهم كاموا غسلوا ورجعوا
كعدوا بالهول وحطوا عزيز كدامهم وكاموا يحطولة عصار مال حروق
الحمدلله ما انفخن جوياته لان لحكنه عليّ صبيت جاي وديته الهم
كعدوا يشربون ويتعاركون، اخذت عزيز منهم البسه ملابس
وهم يتعاركون ويصيحون بس اعرف عركهم هذا مو صدك
بس يغلطون واحد على الثاني ومرادد
تُــراث – والله اني شكد شايف جلاب مثلك ماشفت.
بــرهــوم – لا يااجلب.
– اي والله فد جلب تعض وتزكط.
-لا الزكط هذا من صفاتك لانك مطي.
– انت المطي يا صخل.
بــراء – هسه انتم ماعدكم شغله وعمله واحد يغلط على الثاني؟
باوعولي وكالوا بنفس الوقت
– معليه هو يعيل.!
ضحكت وهم كلبوا وجهم عود زعلانين
بــراء – عيب انتم اخوة ميصير تتعاركون يله تصالحوا.
تُــراث – مااا هو يصالحني ويبوسني من ايدي ومن راسي ومن رجلي.
ضحكت عليهم وبـرهـوم باوعله ورفع تك حاجب
بــرهــوم – ماتريد ابوس طـ***، فد مرة؟
تُــراث – امممم افكر بالموضوع.
بــرهــوم – ديلة بالله؟ اذا تكولين اخوية صاحي اخنكج انتِ ويا.
تُــراث – تخنك منو ولك؟؟؟
كمز فوك بــرهــوم يخنك بي وهذا يضحك ويجرة من شعره
كمت اضحك عليهم وهم يتعاركون ويضحكون
تُــراث – ها ها تخنكني؟
– لك بكدد البعيررر شيخنكك.!
– اي عباالي.
وخر من فوك بــرهــوم يعدل ملابسة ويباوع لـ برهوم صفح
دك تلفون تُــراث جره بسرعه وباوع على الشاشه ابتسم وفتح خط
– هاا؟؟، عاشت ايدك شوكت؟ خووش خوش، انتم ما تشمون اله بالعين الحمرة اني شنو ذنبي؟
دروح صلي صلاة شكر اني عفتك، مو بعينك؟
ديله ديله مع السلامة.
سده وشمره على التخم يضحك ويهز بحواجبة لـ بــرهــوم
بس نظرات بــرهــوم جانت عكس نظرات تُــراث الي كلها أمل وفرح
تُـــراث – اني رايح هذاك الشخص تجي وياي لو اروح وحددي؟؟؟
يحجي ويباوع لـ بـرهـوم صفح ضحك برهوم وصاح
– هذاك الشخص روح وحدك
اني ماكدر اعوف ابني اله اتطمن عليّ.
التفتت تُـــراث غمة وصاح
– اتطمن عليك البين ياجلب.
صعد يركض وبـرهـوم يضحك ويهز بايدة، نزل مبدل وسلم علينه وطلع
” نـــهروان ”
نايمة بنفس الغرفه واتكلب وعاصرة بطني حيل واحس
ريكي ناشف من كد ما عطشانه كمت اتشاهد فقدت الأمل
أيست اكدر اطلع منا وارجع لـ بيتي واشوفهم وكلمره يجي بالي بـــارون وسيف اختنگ والنفس ينكطع عني
شهكت مختنكه وغمضت عيوني اتشاهد بصوت ناصي
انفتح الباب بس ماعندي طاقه افتح عيوني واشوف منو
حسيت باحد يرفع راسي من الكاع ويحطه على رجله
حسيت بشي صار على شفتي فتحت عيوني بسرعه
واشوف
العُثمان شايل بطل مي وحاطه يم حلكي، ردت اكوم
من حضنه ماكدرت لزمت بطل المي قربته الي وكمت اشرب
شربت البطل كله واحس بعدني اريد مي رجعت راسي لرجلة
مستسلمه وماكدر اتحرك وامنعه من شي
حط ايدة على راسي يمسد على شعري بدون لا يحجي كلمة
العُثمان – راح اجيبلج اكل.
نزل راسي من رجلة ودنك شالني حطني على الجرباية
واني جثه بيت ايده ماعندي طاقه احرك ايدي ولا ارفع راسي
يومين بدون لا اكل ولا مي وعلى الضرب الي اكلته
من عنده
خلاني اموت الف موته من الألم وماكدر اسوي شي
وقت قليل وانفتح الباب ودخل هو شايل بأيده علاكة
حطها على الجرباية وعدل كعدتي وكعد كدامي
– اوكلج اني؟
هزيت راسي بـ لا ومديت ايدي اله طلع لفة من العلاكه
وحطها بايدي باوعتله واخذتها من عنده كمت اكل بيها
وهو كاعد كدامي يباوعلي، كملتها ومديتله ايدي ابتسم تك خد
ومد ايده للعلاكة طلع بعد وحده وقوطية ببسي
العُثمان – ولو مو زين عليچ بس حتى تذكريني بعدين.
نـــهروان – مالي خلك احجي وياك افتحلياها.
– ههههههههههههههاي تأمرين أمر.
اخذ القوطية فتحها وانطانيها اخذتها من عنده كمت اشرب واكل
حسيت ردت روحي ردتلي هسه وكدرت اتحرك شوية
نــهروان – جا تعاركت وياك وعلمتك شلون تضربني هيج ضرب بس بعدني مابية حيل.
ضحك ضحكه عالية وكام يعدل بملابسة ماكدرت اسكت واني اباوعله
نــهروان – لابس قاط ويفتر اليكول عريس ولا عبالك رجال شكبرك ورجليك بالكبر.
كام يضحك بصوت لدرجه كام يكح وياشر بايدة بمعنى اصبري
اباوعله بقرف وهو يضحك، خلص ضحكته وباوعلي مبتسم
– ههههه تعجبيني، نــهروان صراحتج طريقة كلامج عفويتج
يسحبني الج.
– ينعلنك الي خااب ما تنجب.
رجع يضحك وفجأة كطع ضحكته وتقرب لزمني مني ايدي
دنك راسة يم راسي وهمس
– بس اكره اللسان الزفرر هذا ينكص ماينحب.
– هد ايدي مالي خلكك.
– كتلج استغليني بس مو هيج اذا اضوج منج
تموتين!
– الموووت اهون من وجهك ومن الضلة يمك.
– صدكيني من تصير صدك تضلين تتعاركين ويا عزرائيل على روحج.
سكتت اباوع بعيونه وخازرته بقوة واجر بايدي منه
– هدني!!
هد ايدي وضل يباوعلي، باوعتله وبالي سؤال بس متردده
اسأله وخايفه احجي والوصها على روحي
نــهروان – اكلك؟
ابتسم ورفع اديه لصدره وتجتف وهز راسة بـ شنو؟
– تتذكر هذا الولد الجان يمي بالغرفه؟
ابتسم تك خد وصار يقهقه بصوته وطلع جكارة ورثها
وهز راسة
– قصدج السبع؟؟
– اي هو هذا.
– شبي؟
– وين راح؟
رجع ضحك وكال
– نــهروان السبع مالتي عاجبج؟؟
بلعت ريكي من كلامه وهزيت راسي بـ لا
– لا لا شبيك بس اقصد هو جان يجي للغرفه هذيج وين راح؟
– نــهروان منو ساعدج تشردين؟؟؟
فتحت عيوني مصدومه من سؤاله وهو كالها وضل يباوعلي
ارتبكت من نظراته وتعلثمت حرت شنو احجي وشنو اجاوبة
– لا اني شردت هو هو جان مايقفل الباب يعوفها مفتوحه
واني شردت.
هز راسة راسكت وفتح الباب وطلع بره، كمت ادك على رجلي واصيح
– شسويتييي نــهروان شسويتييي شلون تجفصين كداامة!!!
كمت اكل باظافيري وافتر بالغرفه خاف يسوي شي لـ تُـــراث!!
ضليت كاعده بالغرفه وصافنه على الباب كمت وكفت
كمت
ادك على الباب على كيفي، لزمت القفل كمت ادفر يدة الباب برجلي
ضربتها اخر دفره انفتحت!! فتحتها بسرعه والضحكه شاكه حلكي
والله كفو كمتي تكسرين بوب باوعت على جهة القفل
واشوف الباب
مامقفول اصلا واني صارلي ساعه ادفر بي!!
طكيتها صفنه على الباب ومتفشله من غبائي، العُثمان عايف الباب مفتوح؟
فتحت الباب وطلعت امشي على كيفي جانت الغرفه
بممر طويل
وصايرة بالاخير بنص الممر وبنهاية درج واحد والي فهمته
هاي الغرفه صايرة جوة الكاع!!
كمت اركض بسرعه صعدت الدرج واتلفت ليورة كل عقلي
احد يركض وراي وراح يلزمني، صعدت الدرج صارت كدامي باب
فتحتها بسرعه انفتحت! ضحكت ودموعي كامت تنزل بسرعه
وكلبي يدك سريع، فتحت الباب وطلعت صارن كدامي ممرات
عرفتهن هذني الي يأدن لغرف وبين كل ممر درج يصعد لفوك ودرج لجوة
بس هذا اخر طابق لان ماكو درج بالممر ينزل لجوة
كمت اركض وافتر بالطابق الجوة واحس راح اكدر اشرد
راح اخلص منهم، وصلت لـ مكان بي بوابة جبيرة ومن البوابة
طالع ضوة مال شمس عرفت منا باب الخروج، اتلفتت ليورة
ماشفت احد وراي كمت اركض باتجاه الممر واركض
وكلبي يدك بسرعه
بعدني اركض واتلفت ليورة انلطمت بشخص صحت ورجعت ليورة
وكعت على ظهري اتلوه واصيح
– ااااخ يماامااا.
– يااابعدد الـ مااماا.
فتحت عيوني بسرعه واني بالكاع واشوف تُـــراث كدامي!!!!
شهكت بسرعه وهو ضحك ودنك جرني من ايدي كومني
ويباوع على وجهي ويضحك
– نــهروان!!
ضحكت بفرح من شفته حسيت هو الشخص الوحيد الي احس بالآمان ويا
اختنكت واني اباوعله كمت ابجي وهو يضحك ويباوعلي
– لكيتج شلالي!
بجيت بصوت وهو حضني حيل ويتلفت بالمكان
تُـــراث – اششش كافي كافي.
– طلعني مناا بسرعه طلعني.
هز راسة وجرني من ايدي ويمشي بممر ثاني صعد لطابق ثاني
جان كل طبق بي صوت زلم ونسوان وحتى اطفال
بلعت ريكي
بخوف وهو يمشي ويسحل بية عبالك بيت الخلفة
وكف كدام عرفه مد ايده بجيبة طلع مفتاح وفتح الباب
دخلني ودخل وراي وقفلها
باوع وراي ورجع باوعلي، التفتت اباوع وين ما هو باوع
واشوف بنية صغيره تطلع بكد سيف او اكبر منه
شهكت
وحطيت ايدي على حلكي، لزمني من ايدي واشر اش
تُـــراث – مامصدك لكيتج والله.
كالها وجر حسره مبتسم ورفع ايده يرتب بيها شعري
نــهروان – تُـــراث طلعني منا.
– لا تخافين كلها راح تطلع منا بس اصبريلي وسولفلي شصار؟ شلون لكوج وين جابوج كلشي كلشي احجيلي!
هزيت راسي وكمت اسولفله من اول ما صعدوني بالسيارة لحد ما طلعت من الغرفه
– يعني الباب من طلعتي اثنينهن مفتوحات؟
– اي مال الغرفه والي يم الدرج.
فتح عيونه وهمس
– والطابق الجوة اليوم فارغ غير عن كل يوم!
بلعت ريكي خايفه
وهمست
– شنو يعني!
– هذااا فخخ نــهروان!!
يتبع…
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.