رواية تراث النهروان – الفصل الثاني والعشرون
part-22
كعد كدامي وباوعلي، رفعت عيوني اباوعله وهو ميل راسة
– العُثمان يريد يأذني بيجن.
– منو؟
– انتِ وقَمـري.
– شراح تسوي؟
– اكمل الي بديت بي بس خايف عليكم.
هزيت راسي ساكته ومسحت وجهي ورجعت باوعتله
– كلشي ماريد غير ارجع لـ بـــارون وسيف بس هذا الاريدة
تُــراث اني خايفه خاف اموت بحسرتهم.
كلتها ودنكت راسي مختنكه ومستهضمه
جر حسرة ومد ايده لزم ايدي جرها يمسح عليها
– لا تخافين اطلعج وارجعج لـ اهلج وعد مني من تخافين وعيونج تدمع كدامي
احترك ما اتحمل اشوفج هيج والله الف الحمدلله من لكيتج ومحد مأذيج.
دنكت ساكته وهو رجع كال
– جوعانه؟ تردين اكل شي؟
– هو زربـ*ـان جابلي اكل جاب ببسي ولفات واكلتهن
بس بعدني جوعانه.
ضحك وهد ايدي وكام وكف
– يخسه الجوع هسه اجيبلج احسن من لفات زربـ*ـان على گولتج.
ابتسمت وهو كام طلع وقفل الباب ورا، رجعت راسي
على الحايط ورفعت اديه ادعي نطلع منا بأمان
شوية وانفتح قفل الباب ودخل شايل صينية، ضحكت وتربعت
– الله الشغله بيها صينية.
ضحك وحطها كدامي، جانت صينية وبيها ماعون جبير
بي تمن اصفر وفوكاه دجاجه وبصفه مواعين بيهن مقبلات وبطل مي
– منو احسن اكلي لو اكل عُثمان؟
– ياا يروحلك فدوة هذا المعفن لا تقارن روحك بي.
احجي
واجر الصينية عليّ، رفعت ردان التشيرت وتقربت على
الصينية
ضحك وكعد كدامي
تُــراث – الف عاافية شفتيي؟ جنتي تتبطرين على الايام العشتيهاا وياي ديلة اكليها بلا ملح هسه.
باوعتله بزعل
دفعت الصينية عليّ ورجعت ليورة
– تعيرني؟ ماريدد اخذها وروح.
– دخيل الله، بالعباس اسف اني اكلي يله اعتذر اتشاقه وياج.
باوعتله صفح ورجعت قربتها وكمت اكل
نـــهروان – اكلك هاي منين جبت هذا الاكل بسرعه؟
– هم غير يطبخون الهم هنا.
– ها لعد شنو هاي الميانه نزلت جبت صينية واجيت محد حجة.
ضحك ورفع ياخية قميصة
– افااا اني سبع العُثمان شحده اليحجي وياي.
– الله ينتقم منه بجاه الحسين.
باوعلي من حجياها بجدية وسكت
تُــراث – احد لمسج شلال؟
– لا شحده.
ابتسم متطمن ودنك راسة ينقر باصبعه على الصينية
– بــراء مشتاقتلج.
رفعت راسي باوعتله بسرعه واني اكل نزلت الخاشوكة
من ايدي وابتسمت بحزن
– اوي يماما اني هم متشاقتلها والله.
– تكول كلبي طاك عليها كون احضنها حضن ادخلها بضلوعي.
– ياحبيبتي سوده عليه.
هز راسة متأسف ورجع باوعلي
– كالت اذا شفتها بوسليها واحضنها كتلها لا ميصير شلون.
– ياخطية هسه تلكاها محملة نفسها الذنب بس والله هي ماعليها اني عنوديه طلعت.
– اي ادري بيج.
– اي.
– اي.
– اي؟؟؟
ضحك ومسح وجهه
– هسه لازم انفذ وصيتها.
– ياوصية؟
– مو هي كالت اذا شفتها بوسها الي واحضنها.
– ها، لا عوفها اني من نطلع منا احضنها.
– مو ميصير.
– لا يصير معليك.
سكت كالب وجهه واني اكل كملت شربت مي وباوعتله
– تُــراث.
– عيونه؟
– خااب شبيك بده استهتارك.
ضحك ودنك يفرك براسة ورجع باوعلي
– كولي شتردين؟
نـــهروان – الكامرات الي بالممرات يشتغلن؟ خاف يشوفنه من شسمة..
– شسمة؟
– من هاية شسمها.
– ايي؟؟
– من حضنتني وهاي يعني خايف يشوفهن.
ضحك بهدوء وعدل كعدته
– العمارة مابيها ولا كامرة وحده.
فتحت عيوني بسرعه
– شلون! وليش؟
– اولاً لان من بدل العماره ضلن الكامرات هناك وحتى من طلعنه
وهو مايحط كامرات لان حراسه بكل مكان ومحاوطين العمارة.
– يمااماا.
كلتها بخوف واضح عليّ
تنهد ورتاج على ايده
– ءءخخ مال اطلع ابوية من گبرة واركعه دفره ارجعه للگبر.
فتحت عيوني مصدومه وهو يحجي بجدية
– هاي ليش؟
– غير كلشي جاي يصير من وراه.
– شنو يعني؟
– اسكتي مو يمج السالفة.
سكتت اكمل اكل وهو صافن بالفراغ باوعلي وكام
– اني راح اطلع واقفل الباب من برة
لا اريد صوت ولا هوسه اكعدي هنا واسكتي خوش؟
هزيت راسي بـ خوش وهو طلع وقفل الباب من برة
كملت اكل
دنيت الصينية على جهه وكمت ادور ماكو حمام هنا
لا اكدر اغسل
ولا استخدم الحمام اصلا، هلوو عمي خل يرجعني بغرفة عُثمان اشرفلي
كمت جريت الغطه من الكاع مسحت بي اديه وحلكي
ورجعت كعدت
رجعت راسي على الحايط صفنه تجيبني وتصفنه تاخذني
– نــهروان شنو نهايتج؟ راح تموتين هنا؟
لو تطلعين وترجعين لـ بـــارون وسيف ونرجع مثل قبل
وتُــراث؟
غمضت عيوني وعصرتها بأيدي حيل
نــهروان – لا لا لا شيليهاا من راسج نــهروان!!
بلعت ريكي خايفه من تفكيري
نــهروان وين وصلتي نفسج!! كمت افتر بالغرفه وحاطه
ايدي على راسي، طيح الله حظج نــهروان ارتاحيتي؟
شسويتي بنفسج دمرتيهاا دمريتهااا
لج حبيتي مجرم؟
حبيتي قاتل!
حبيتي شخص يسلب ارواح بدم بارد وبدون خوف!
حبيتي شخص مجهول ماتعرفين بس اسمه!
لا لا شسالفة مو حب اكيد بس لان ساعدج تحسيت بالامان ويا
ومجرد تعلق لانقضيتوا وقت سوة، ماكو هيجي شي
كعدت
بالكاع اعصر براسي حيل واهمس
– لا لا نــهروان لا تفكرين غير تفكير نــهروان.
انفتح الباب ودخل العُثمان للغرفه، فتحت عيوني مصدومه
كمت وكفت بسرعه اباوعله وهو مبتسم سد الباب وتقرب
وكف كدامي يباوعلي بنظرات غريبة، نزل ايده لزم ايدي
بين ايده وعصرها حيل، شهكت موجوعه وهو ابتسم
العُثمان – البنيه الي تجيب خسراتي ميصير تضل عايشة.
فتحت عيوني بخوف من كلامه وهمست
– شـ شنو!!
– مثل ما سمعتي، يا نــهروان للأسف السبع واكع بحبج
وهذا الشي راح يضرني اني لان الحب يضعف الشخص
وماريد اخسر السبع ويضعف علمودج، لهل سبب لازم تموتين.
شهكت بخوف نترت ايدي منه بسرعه ورجعت ليورة
– لااا لااا.
– لازم تموتين نــهروان.
كالها وحط ايده بجيبة طلع جكارة ورثها وباوعلي من فوك لجوة
– بس ميصير تموتين بدون ما نستفاد منج بشي.
– لا لا عُثمان لاااا بس اسمعني والله مايحبني
منو منو كالك يحبني ميحبني والله.
– اشش اشش، اني اعرفه من عيونه السبع مالتي عاشك، راح يضعف واذا ضعف اخسر واني مستحيل اخسر.
كمل كلامه وشمر الجكارة بالكاع تقرب جرني من ايدي
سحلني سحل وطلعني من الغرفه كمت اصرخ واجر بروحي
منه اريده يهدني واشمر روحي بالكاع ويرجع يجرني حيل
ويكومني
نــهروان – لاااا لاااا عووفني بدااعت امك عووفنيييييي.
التفت عليّ بعصبية وصاح
– انعل ابووج لابو امي.
سحلني من شعري حيل وكومني يمشي بيه بالممر
تلكانه تُـــراث
فتح عيونه مصدوم من شافنه واجه بجهته بسرعه
تُـــراث – عُثمان!!!!
جرني منه حيل وخلاني بظهره، جلبت بتشيرته اشهك وابجي بصوت
العُثمان – المن ضميتها وراك؟
– وشعليك انتَ؟ وين ماخذها؟
– السبع سد حلك وهدهاا.
– خااب دروح.
جرني من ايدي مرجعني للغرفة وعاف العُثمان يصيح ورا
عباله مثل كل مره العُثمان راح يسمعله ويسكت
بس الي
ماحسبنه حساب اله هو انُ العُثمان وجنونه
بدون
أي تفاهم ولا خوف ولا تردد طلع سلاحه من خصره
ورمة
على تُـــراث، صرخت بعلوا صوتي وحطيت ايدي على اذاني
وگع تُـــراث بالگاع والدم ينزل من جسمه بالكاع!!!…
” مــريــم ”
نايمة بأمان الله وفزيت على صوت صياح ماما
– كووومي ولج باوعي بيش الساااعة.
فتحت تك عين اباوع الساعة بـ7، صحت بسرعه وطفرت
– مااماا امتحااانيييي مااامااا.
– طبج مررض من الـ6 لسه اكعد ومااكو.
كمت افتر بالغرفه بسرعه بسرعه اخذت ملابس وسبحت
بسرعه وبدلت بالحمام، لفيت شعري وهو مبلل ولبست الشال
حتى مـيكب ماحطيت اليوم، طلعت اركض والبس بحذائي
واشوف ” السچاچة ” غيد مبدله ومكمله واكفه تراجع بالحديقة
مــريــم – الله يخبصج مثل خبصتيي ان شاء الله.
ضحكت وباوعتلي، طلع بـــارون من البيت يعدل بملابسة
باوع علينه وابتسم
– صباح الخير.
– صباح النور.
بـــارون – مــريــم شو وجهج ما يبشر بخير؟
رفعت ايدي اطبطب على خدودي
– لا يبشر بس لان ماحاطة ميكب.
– هاي بدون ميكب وهيج جا بالميكب شلون؟
يحجي ومتبسم
ضحكت اغطي وجهي عود خجلانه وهو يضحك
التفت على غيد تحمحم وباوعلها
– شلونج الامتحانات؟
ابتسمت وهزت راسها بـ يعني
بـــارون – شدي حيلج واقري الفاتحة لـ أم البنين تسهيل أمر.
كالها وجر حسره بقهر وهمس
– جنت اكولها لـ نـــهروان بـ بداية كل امتحان.
دنكنه ضايجين وهو مشه للشارع العام وصاح
– بالتوفيق.
اشرناله بأدينه ومشينه سوة للكلية، باوعتلي غيد وهمست
– البارحه صار شي باليل.
فتحت عيوني بسرعه وصحت
– حصررج بـــارون؟؟؟
فتحت عيونها مصدومه وتتلفت بالشارع همزين فارغ
جان كتلتني هنا، صفكتني على ايدي وهمست
– طيح الله حظج شهل تفكير السزز هذاا.
– لعد شكو؟
” غــيـد ”
كعدت بنص اليل التفت اني وين؟
باوعت بعدني نايمة على الكرويته بالهول وهم نايمين
بالغرفه، تمغطت ورفعت ايدي اطك اصابيعي حسيت ريكي يابس
وخرت الغطه وكمت على كيفي للمطبخ طلعت بطل مي
وكفت اشرب واسلم على الأمام الحُسين
غـيـد – يمة عبالك جنت بحرب مو نايمه.
شربت بعد ورجعته للثلاجن
وكفت افتر بالمطبخ اكل كملت غسلت اديه ومشيت اريد اروح
للغرفه يم ماما ومريم استوقفني صوت ونين مكتوم!!
فتحت عيوني بسرعه وباوعت على غرفة بـــارون
مشيت
على كيفي بأتجاه الغرفه حطيت اذاني عليها واسمع صوت
بجي وشكات!
ماكدرت اضل واكفه بمكاني اتلفتت بالغرفه اريد شي
احطه على جتفي، مالكيت غلست مو وكت ادور
فتحت
الباب وطبيت جانت الغرفه ظلمه بس بيها ضوة خفيف، مديت ايدي اتلمس
الدكمه شغلت الضوة ودرت عيني بسرعه بالغرفه
شهكت
مصدومه واني اشوف حال بـــارون!!
جان فارش سجادة وراكع عليها ويشهك بعلوا صوته ويبجي
بـــارون – يااارب دخيلك رجعلي نـــهروان ماكدر اتحمل بعدها اكثر
ياربي بجاه العباس رجعليها ماكدر افركها اني
يابوية.
كالها وشهك يبجي بعلوا صوتها وهو على السجاده
وبين كل كلمة والثانيه يشهك اقوة، ضليت واكفه يم الباب
حاطه ايدي على حلكي ودموعي تنزل ويا كلامه ودعائه
رفع راسة من السجاده شافني كدامه فتح عيونه الحمر
والدموع متجمعه بيهن، رجع دنك راسة وكام وكف
وخرت
من كدامه لان جان يصلي، كعدت على الجرباية ورا
وهو كمل
صلاتة وضل كاعد على السجاده
بـــارون – لهل درجه صوتي جان عالي؟
رفعت راسي باوعتله مدنك ويحجي بصوت مبحوح من البجي
– خاف امج مريم هم كعدن على صوتي؟
مسحت عيوني وهمست
– لا بس اني مريت منا وسمعتك بالصدفه.
هز راسة ودنك يمسح عيونه
غـيـد – شنو صار؟ ماكو شي جديد على نـــهروان؟
لهل سبب تبجي؟
تحمحم وهز راسة بـ لا ودنك يسفك السجاده ويحجي بخنك
بـــارون – ماعرفنه شي عليها الضباط يكولون عدنه شغل
ومانكدر نخربة بسببها لان راح نتضرر كلنه.
– شـ شنو يعني!
– ماعرف غـيد ماعرف محد يكلي شي عليها اتوسل بيهم
والله دنكت وبست اديهم بس ينطوني لو معلومه صغيرة
على نـــهروان محد يكلي محد.
رجع يبجي ويغطي بوجهه مني مايريدني اشوفة بأضعف حالاته
شهكت ابجي ويا وماعرف شنو اسوي، كمت وكعدت كدامه
مديت ايدي مترددة اريد الزم ايده بس الشي الوحيد
الي ما يمنعني هو ماكوا حرام بيناتنه ولا ماكو سبب ثاني
يمنعني اواسي حبيب روحي بـــارون واصبرة على مصيبتة
نزلت ايده من وجهه اباوع على عيونه صايرات حمر
وجهه احمر
وشعره مبعثر ونازل على وجهه رفعته بأيدي وهو يباوعلي
والدموع تلالي بعيونه، رفعت ايدي لوجهه مسحت وجناته من الدموع وهمست
– نـــهروان راح ترجع بحيل الله واهل البيت ليش تسوي بنفسك هيج؟
بـــارون اذا تضعف كلنه نضعف وياك واذا توكع كلنه نوكع وياك
انتَ الشخص الساندنه هيجي تضعف؟
شهگ وكال بخنك
– اضعف يم نـــهروان غيد
روحي من الدنياا هااي روحي شلون شلون بس كليلي؟
اني هسه روحي تريد تطلع، غيد غيد
بس شوفي
اني جنت ما انام اذا ما اشوفها نامت
تروح للكلية كل ساعة ادك عليها وهسه صارلي كم شهر
ما ادري بيها وين؟ امدددة كلبي الضل يدك وهي مو يمه.
كالها وضرب على صدره
لزمت ايده حيل وهو انهاار انهاار يبجي لزمت اديه احاول اهدي وهو يشهك ويحجي بخنك
– والله العظيم مامر يوم اذا ما اجت بالي ضحكتها سوالفها بكل يوم اتذكرهم وروحي تطلع
اخخ ياابوية نـــهروان يابعد روحي
وين ماخذيج عني وين مودينج؟
شلون ارجعج لحضني بنيتي.!
شهكت ابجي على كلامة وهو يحجي بخنك وتعب
صار كوة يحجي
ردت بس طريقة اسيطر بيها عليّ حضنته حيل من ركبته
وهو مشمر اديه منا ومنا ويجر نفس بتعب ودموعه تنزل
غــيـد – اشش اششش كافي بـــارون الله يخليك كافي
وداعتك ترجع والله ترجع النه رب العالمين يرجعها النه سالمه لخاطرنه.
حط راسه على جتفي وساكت بس دموعه احس بيهن
بللن جتفي، وخرت من حضنه وكمت وكفت باوعلي وكام
جريته من ايدة للجرباية كعدت عليها، وهو يباوعلي بنظرات تعب
جريته من ايده خليته يكعد ونزلت راسة لـ رجلية
مدد على الجرباية
وخله راسة على رجلية، غمض عيونه وعصرهن بأيده حيل
مديت ايدي كمت اعصر براسة وافرك بي وهو مغمض عيونه
مسحت على شعره بهدوء اباوعله نام
جريت حسرة وكمت امشي ايدي بين خصلات شعره
شصاير بيك بـــارون هاي انتَ القوي هيج صاير بيك
لعد شحال كلوبنه!
كمت على كيفي رفعت راسة خليتله مخده جوة راسة
وكمت طفيت الضوة وسديت الباب وطلعت، مشيت للمطبخ
توضيت ولبست أزار الصلاة وكفت اصلي وادعي ربي
يرجع نـــهروان سالمه ويبرد كلب بـــارون عليها
كملت وكمت لميت السجادة باوعت الساعة بـ5 ونص
مو مال ارجع انام، طلعت الكتب وكعدت اقره بالهول
للـ6 ونص كمت ابدل واسوي ريوك، كعدت ماما وسيف
وبــارون حطيتلهم الريوك و بـــارون ساكت ماحجه شي
وماما تفتر يم راس مريم تكعد بيها وهذيج ميته مو نايمة
اسولف لـ مريم على الي صار وهي ساعه تبتسم ساعه تحصرها البجية
مــريــم – اوي والله خطية اني صح علاقتي بـ نـــهروان مو قوية مثلكم
بس هم احبها واتمنى تكون بخير وين ما جانت.
ابتسمت وهزيت راسي
– اللهم آمين.
وصلنه للكليه لكينه الولد واكفين على صفحه كلمن شايل كتاب ويقره
واحد يراجع للثاني وندى ونسرين واكفات على صفحه وياهن بناات من قسمهن يدرسن سوة
سلمنه عليهم
واخذنه زاوية كلمن تقره وحدها بجهه وقت الامتحانات
ابد ما التقينه ولا حجينه سوة على كد السلام كلمن متلهي
انريد بس نخلص من الدراسة ونكعد نرتاح ونفكر بغير شي نلتفت لمصايبنه
كمنه كلنه دخلنه كلمن لقاعته بدينه نمتحن وماشاء الله
الاجوبة فوول اذا جبت 50 اهلهل
طلعنه من القاعه وجوهنه ما تبشر بخير واحد يباوع على الثاني
هُمام – هاا بشرن؟
مــريــم – اني بالنسبة الي اجيب درجة نجاح.
عبد الرحمن – يعني شكد تتوقعين درجاتج؟
– والله اذا جبت 50 زين.
ضحكوا كلهم ونسرين تطكطك باصابعها متوتره
– اني ما اعتقد مجاوبة عبودي لان هواي اسألة مجاوبتهم.
مصطفى – والعباس فد جذااابة كل مره تحجي هيج يطلعن درجاتها بالتسعينات تضحكين علينه انتِ؟؟
نسرين – لا صوفي هل مرة ما اعتقد انجح اصلا.
هُمام – يعني بختصار فوك المية.
ضحكنه وهي كالبة وجهه تقلد علينه ماعاجبها
طلعنه من الكلية
ورجعنه للبيت وبس بدلنه فرشنه بالهول وكعدنه ندرس وهيج خلصنه أيام الاأمتحانات…
” بــــراء ”
كاعده بالهول وعزيز بحضني اوكل بي كوة ياكل جسمه كله يحركه
ساعه يبجي من عنده ساعه يبرد شوية وينام
بس
اكل كمت غسلت اله واخذه بــرهــوم يحطله عصارة
مال حروق وهو بحضنه
بــراء – بــرهــوم تُــراث شوكت يجي؟
– والله لحد هسه ما خابرني.
– دك عليّ انتَ؟
– دكيت مكالمتين وهو كال اذا دكيت وماجاوبت لا تدك بعد لان مشغول.
هزيت راسي بـ اي وسكتت
كمت للمطبخ اعزل وافتر بالبيت اعزل كوة اتحرك دايخه وراسي يوجعني وبـرهـوم كاعد بالهول
يلعب هو وعزيز، اندك باب الشارع التفتنه مستغربين واحد على الثاني
كام بــرهــوم انطاني عزيز ومشة باوع بالكامرات
بــرهــوم – هذا صديقي رايح افوته للصالة بس سوي جاي.
هزيت راسي بـ اي وهو مشة
سويت جاي وهو فتح الباب وطببه للصالة
عزيز يفتر يمي وشايل تشيرته بطنه تحركه مطلعها ويفتر
دنكت نزعته تشيرته وخليته بس بالبجامه
بــراء – توجعك يروحي؟
– ايي.
كالها مبرطم حضنته وبتسه بخده
– تروح يم بابا؟؟
– عيب!
كالها واشر على صدره عود لان مالابس تشيرت
ضحكت وبسته بخده
– لا وليدي عادي هو بس عمو وبابا ماكو احد.
هز راسة ومشه على كيف يدك باب الصالة
طلعله بــرهــوم ضحك من شالفه
لزمه من ايده وطببه للصالة يمهم وسد الباب
وكفت احظر الستكاين للجاي وحط الشكر كملتهن وصبيت الجاي
شلته ومشيت حطيتهن كبال الطلبة اليم الباب ودكيت باب الصالة عليهم
وخرت على صفحه انفتح الباب وطلع بــرهــوم اخذ الصينية
وطب بسرعه وسد الباب، لأول مره يصيبني فضول لهل درجه
منو هذا؟ وشعجب يجون اصدقاء بــرهــوم للبيت ولا مره اجوا؟
واحنه حسب شغل الولد كل فتره وفتره ننتقل لبيت لـ محافظة
ومحد يجي للبيت كلهم لو هو يروحلهم لو يدكون عليّ
ويطلعون بمكان يحجون ويا، وكفت قريب الباب حطيت
راسي عليها اسمع صوتهم ناصي بس لان هدوء كدرت اسمعه
بــرهــوم – يعني شافها؟
– اي شافها واخذها ويا بغرفة.
– طيح الله حظة.
– لك اي اجينه كل احنه على صوت صياحه يصيح
بعلوا صوته
عباله عُثمان غبي ويعبرها؟
صعد للبنيه لفوك راد يكتلها وهو شافهم وكام يتعارك ويا
عبالها يسكتله مثل كل مره ضربة طلقة برجله خلاه يتلوه واخذوا البنيه بمكان محد يدري بي.
فتحت عيوني مصدومة هذا عليمن يحجي؟؟؟
يابنيه!
ومنو التصاوب! وعُثمان منوو؟!!!
بلعت ريكي خايفه وكلبي يدك بسرعه وايدي ترجف
بــرهــوم – رمة عليّ؟؟؟؟
– اي رمة.
– اخخ وهسه شلونه؟
– زين اخذناه بغرفه عالجناه وحتى عُثمان خايف عليّ
يكلي اذا مات اكتلكم كلكم ورا محد يعوض مكان السبع مالتي.
– دخل مخلص من السالفة وعلي اذا ما شوفته السباعية على أصولها.
– لك هذاا نغل تعرف شنو تغل؟
يفرنه كلنه بأيد وحده ومحد يكدرلة.
بــرهــوم – ههههههههههه السبع مالته هو اليكدرلة هسه تشوف شراح يسوي بي علمودها.
– خاب شني هو صدك يحبها؟
– شمدريني بس الواضح هيج.
وخرت من الباب بسرعه من حجوا بغير موضوع
بس
حاولت اربط المواضيع بعضها ما افتهمت على شنو يحجون
السبع منو؟ ويا بنية والعُثمان منو هذا؟
وليش هلكد قلقانين من عنده!
ليش محد يكلي ولا
يخلوني اسأل امشي وياهم على عمه عيوني!
طلع صديق بــرهــوم من الصالة وصوت بــرهــوم يودع بي
طلع هو و بــرهــوم شال عزيز باسه وباوعلي بنظرة قلق
– شبيج؟ شو وجهج اصفر؟
هزيت راسي بـ اي احس نفسي صدك تعبانه ومالي خلك شي
– مادري بــرهــوم دايخة.
كعدني على التخم وجابلي مي شربني وخلة راسي على صدرة
– شبيج حبيبي؟ خاف ماماكلة؟ عندج هبوط؟
– ماعرف شي والله بس احس روحي تعبانه.
– اي حقج تعبين تفترين وتشتغلين وتركضين ورانه اني واخوج.
باوعتله يحجيها بقهر
– لا ابد والله اصلا راحتي من اشوفكم كدامي مرتاحين لو اضل طول العمر اركض وراكم واخدمكم شعندي غيركم اني؟
ابتسم وحضني حيل وباس راسي كام يبجي عزيز يغار على ابو مني
– بااباا.
بــرهــوم – يعيون بااباا، شنو بوية سالمين غير ماما هاي تغاار منها؟
هز راسة مبرطم ضحكت وهو شالة حطه بحضنه وحضني اني ويا
– تريد احضنك عادي بس ما اعوف امك لو تطك راسك بالحايط.
صرخ عزيز متخبل وهو يضحك وخرت من حضنه لان صدك احترك كلبه يصرخ ويبجي
بـــراء – لاا بــرهــوم لاتحرك كلبة خطية.
ضحك وخر عني حاضنه بس اله ويسكت بي ويباوعلي بقلق
– راح اخذ ملابس واسبح شوية اريح جسمي.
– اجي يمج؟
– لا حبيبي مابية شي والله.
– دشوفي كوة واكفه!
ردت ارد ماكدرت حسيت اختل توازني وماكدرت اوكف
جلبت بالحايط وهو نزل عزيز واجه ركض لزمني من ايدي
بــرهــوم – براااء براااء شبيج!!
لزمت ايده حيل احس الدنيا تفتر بية وعيوني غوشن
كعدني على التخم وركض جاب شال وعبا لبسهن الي بسرعه بسرعه
وسندني يكومني طلعني بره صعدني بالسيارة وراح جاب عزيز واجه بسرعه
بـــراء – برهوم مابية شي والله هسه شوية واصير زينه.
احجي وهو يسوق ولا مركز بكلامي اصلا ولا منتبه
– برهوم برهوم بس باوعلي مابية شي برهوم.
احجي واجر بايده اريده ينتبه عليّ باوعلي بسرعه وكال بخوف
– اشش اشش اسكتي بس خل نوصل اسكتي.
سكتت وهو مكعد عزيز بحضنه ويسوق
وصلنه للمستشفى
نزلني وخله عزيز بالسيارة انطاه تلفونه وقفل السيارة عليّ
سندني وطببني للمستشفى كص باص وانتظرنه شوية ودخلنه لدكتورة
سالتني شنو بية كتلها دايخه وهي طلبت نسوي تحاليل
سويناهن وكملنه ورجعني للسيارة ننتظر تطلع التحاليل
لكينه عزيز نايم بالكشن الورا وهو يباوع بالتلفون
نيمة عدل وصعدني
بـــراء – برهوم والله مابية شي مجرد تعب بسيط.
– ميخالف حتى اتطمن اكثر.
بعده يحجي ودك تلفونه باوعله ورجع باوعلي
– مو كلب زلمة عنده كلب ام.
باوعتله مستغربة وهو راواني الشاشة
” سبع البرمبه ”
– منو هذا؟
– اخوج.
ضحكت بتعب وهو فتح خط، اجه صوت تُــراث يصيح
– انعلل ابووك لااابو الجااابك لابو الانطاك تلفون ياااكلب يا اابن السطعش كلب.
– رحمالله والديك.
– دنجبببببب، موو ادك عليكم ليش مترد؟؟
بـــراء وينهااا؟؟ عزيز بي شي؟؟
– اني يمهم ويصير؟ وسفة.
– لاا تضلل تمضرط جااوب عدل.
غم التلفون وكاله
– وجعع مابيهم شي بس براء تخربطت شوية وجبتها المستشفى سويت تحاليل وبعدهن ماطلعن.
– شااايف اذاا طلع بيهاا شي شسوي بيك؟
– الله لا يكولها، ايي؟؟
– لا تضل بالبيت.
– تُــراث.
– انجب، بـــراء وين؟
– انتَ انجب، هاي يمي.
– اكل زگ، وانطيني اوخشتي.
– شنيييي؟؟؟؟؟؟؟
ضحك تُــراث وصاح
– انطينييي برااااء!!
– هاك هاي اوختشك.
ضحكت بتعب واخذت التلفون منه
– الوو؟
تُــراث – سلاامتج برائي.
– الله يسلمك حبيبي.
– بشنو تحسين رويحتي؟ اكوا شي يأذيج؟
– ماعرف تُــراث بس دايخه ومالي خلك وبطني توجعني.
– ياابووووية بـ بــرهــوم ولا بيج.
– لا اسم الله عليّ.
– لاا ليشش اسم الله بيي هووو.
بــرهــوم – عميي بية ولااا بيج بس عوفي.
ضحكت وهو اخذ التلفون ونزل من السيارة يحاجي بي
رجعت راسي على الجامه صافنه وهو اباوعله يحجي
والقلق والخوف محتله ملامحه خفت صاير شي ومايريد
يحجي كدامي!
لو شي يخصني ومايريد يكلي؟ ليش نزل من السيارة و يحاجي تُــراث؟!
خلص المكالمه واجه فتحلي الباب
– طلعن التحاليل.
هزيت راسي ونزلت قفل السيارة على عزيز وطبينه للمستشفى
رحنه للدكتورة كعدني هناك وهو راح جاب التحاليل وانطاهم للدكتورة
اخذتهم تكلب بيهم وتقرة، باوعت علينه وابتسمت
– الف مبروك حبيبتي انتِ حامل.
فتحت عيوني مصدومه وحطيت ايدي على حلكي، باوعت على بــرهــوم
فتح عيونه وباوعلي وضحك بفرح والتفت على الدكتورة
– حامل؟؟
– اي حامل.
التفت عليّ وضحك جرني باس راسي وباوع على الدكتورة
– يعني هسه هي حامل؟ بس ليش مالها خلك ودايخه؟
– طبيعي هذا الشي اي مرة بداية حملها تتعب ويصير عدها مضاعفات
راح اكتبلها فيتامينات وشغلات تاخذهم زينات الها والتزمي بيهم وبالاكل الصحي.
هزيت راسي وهو مبتسم ويباوعلي، بادلته الابتسامه بتعب
انطته الدكتورة الراچيتة، اخذها وطلعنه من المستشفى
وهو يضحك فرحان
– لج بـــراء رااح تجيبين اخ لـ عزيززخررب وعلي اريد اكتلج من الفرح.
يحجي مكزز على سنونه ويضحك، فرحت على فرحته
وهو صعدني بالسيارة وراح للصيدلية جاب العلاج
واجه
طلع تلفونه دك على تُــراث رد تُــراث بسرعه وصاح
– هاا بشرر؟؟؟
– اشششششش.
– هلوووو هذاا شبي؟
– اشش اشش لتحجي وياي.
– لك بررهووم مو احااجيك شبيهاا برااء؟؟
بــرهــوم يحجي ويا ويجر الكلمه جر وتُـراث يصيح محترك كلبة
بــرهــوم – اختك حامل مني بالطفلل الثاني كلبببب.
صاح تُــراث بصووت
– عليك العباااااس؟؟؟؟
– والعبااس.
– رااح يجي أووسسس؟
– أوس منو؟
– ابن براء الجديد.
– لا والله؟ بكيفك هي؟
– لعد بكيفك؟
– خوش خوش راح اخذك على كد عقلك واسكت.
انطاني التلفون ضحكت واخذته باركلي ويحجي فرحان حيل
فرحت من شفتهم شلون فرحانين بالخبر كلهم، سلم علينه
وكال هلفتره عنده شغل ميكدر يجي، سده وراح
رجعنه
للبيت وهو شال عزيز واني طبيت للبيت قبله
نزعت عباتي
والشال ومددت على التخم بالهول وهو يفتر يمي ساعه يسوي عصير
ساعه يجيب لفه وكلساع جايبلي شي واكل منه شوية علمود ما ارده
وهو يرجع يجيبلي غيره بيوم واحد نفخني نفخ..
” نـــهروان ”
شهكت اباوع على تُــراث الدم يسيل من رجله وهو لزمها
حيل وغمض عيونه بوجع، وكعت يم رجله اصرخ واباوعلها
– تُــراااااث تُــراااااث يماامااا!!
اباوعله يخزر بية ويأشر بس اني تخبلت كمت اصرخ واباوع على رجله
الدم يسيل منها، جرني العُثمان من ايدي كومني وباوع على تُــراث
– المرة الثانية من احاجيك اسمعني من اول كلمة
حتى لا اأذيك.
جرني حيل من ايدي وتُـراث يصيح ورا
– عُثماااااان!!!
باوع عُثمان على الزلم الواكفين يمه وصاح
– اخذوا عالجوا بسرررعة!!!
ركضوا كلهم لجهته وهو سحلني لغرفه شمرني بالكاع
وطلع من الغرفه وقفل الباب من برة، شهكت ابجي بعلوا صوتي واصرخ
– ماااات مااات كتلوا ماااات.
كمت اشهك واصرخ حيل بعلوا صوتي وكعت على ركبي اضرب على رجلية
وجهي وابجي
– راااد يطلعنييي منهمم كتلووا يمااامااا كتلووا.
شهكت ابجي
عصرت راسي حيل حسيته يريد ينفجر كمت افتر بالغرفه وعاضة ايدي حيل واشهك
كعدت بالكاع وعاصرة راسي وعيوني واشهك
تلفتت بالغرفه ورجعت دنكت
شهكت بصوت خايفة جسمي يرجف وعيوني غوشن من البجي
شهكت بصوت وصحت بيأس
– اريددد بـــاااارون وووينكك بـــاااارون وووينكك!!
كمت ابجي بصوت وصرخ وامرد بايدي حيل واشهك
رجعت راسي بتعب على الحايط حضنت رجلية لصدري
رفعت راسي وكمت اتشاهد على نفسي واني مغمضة
فتحت عيوني بتعب ورفعت اديه اقرة سورة الفاتحه
من كملت نزلت اديه وهديتها لروح ” تُــراث ”
نـــهروان – الله يرحمه جان يريد يطلعني ويساعدني
بس مات وماكدر يطلعني منا مات علمود يساعدني.
شهكت ابجي واترحمله مات من وراي
شنو منتظره نـــهروان؟
العُثمان السبع مالته وكتله تردين انتِ مايكلتلج؟
ضليت اشهك بمكاني واحس ماعندي حيل بعد حتى للبجي
نزلت راسي على الكاع وحضنت روحي بتعب ماكدر احجي بعد ولا ابجي
ضليت بس اتشاهد واصيح اسماء بـــارون وسيف
وغيد ومريم وابراهيم ومصطفى وعبود وندى
كلهم كلهم مشتاقتلهم راح اموت واني ماشايفتهم
توني غمضت عيوني وصار صوت فتحة الباب، فتحت عيوني بسرعه
واشوف بنات اثنين دخلن لابسات لبس خزي، شايلات جنط اثنين
شمرهن بالكاع، وباوعلي يضحكن
– منوو انتن!
كالت وحده منهن
– العُثمان كال جهزنها الي ميصير تموتين ما ملموسة.
فتحت عيوني وكمت بسرعه شهكت وكمت ازحف ليورة واحجي بصوت يرجف
– محد تتقربلي والله اكتل روحي ومحد يلمسني والله.
باوعن وحده على الثانيه وحده طلعت بطل مي بي شي ابيض
والثانيه طلعت كلنس من جيبها
– لااااا لااااا بدااعت امكم لاا عليكم الله لااا.
ماسمعوا مني ولا عبالك وحده جتفت اديه والثانيه لزمت وجهي
وحطن الكلنس على وجهي، بنية جسمهن اقوة مني
ماكدرت
اتحرك ولا اقاومهن، شهكت المخدر روحي رايحه ودموعي بعيوني
الذل الي وصلت اله والحاله الي اني بيها كلها بسبب عنادي
راح يغتصبوني ويكتلوني بسبب اني مامسويته!
غمضت عيوني تاركتهم يستفردن بجسمي وبوجهي
وما اعرف
شصار والي يصير بس الي اعرفه راح تكون نهايتي هنا
فتحت عيوني بعد فترة طويلة، شفت روحي بنفس الغرفه
الي جوة الكاع، الي حابسني بيها العُثمان، فتحت عيوني
بخوف وكمت اتلفت بالغرفه، ركضت للمراية الي بالغرفه
اباوع عليها وارجف هااي شصااير بية!!
اباوع
ملابسيني لبس يخزي، عباره عن شورت قصير وكيمونه لونهن احمر
ومشطات شعري ومسوياتلي جسمي كله بالشيرة
وحاطاتلي ميكب!
كمت ادك والطم بالغرفه واصرخ، كمت افرك بوجهي امسح المكياج عنه واصرخ
– لااااا لااا محدد يلمسنيي محددد.
ركضت افتر بالغرفه وادور على شي استر جسمي بي ركضت للكنتور الموجود
فتحته كله قوط وملابس رجالية بي، طلعت بطرون اسود
لبسته فوك ملابسي وثبته بالحزام واشهك جريت قميص
لبسته وياهن ودكمته وكمت افتر بالغرفه ادور شي اذا اجه العُثمان اركعه بي
جريت التيبلام من الميز ولزمت وكعدت ورا الباب
حضنته
لصدري لازمته حيل خاف يجي اركعه براسة واشرد
مرت
فترة مو طويلة وسمعت صوت حذاء على الدرج
بلعت ريكي
وكمت وكفت متحضرة للضربة، بس انفتحت الباب
صرخت
ورفعت ايدي اريد اضربة
حسيت احد لزم ايدي، فتحت بسرعه واشوفه يباوعلي
بنظرات تخوف ويخزر بية لزم ايدي اليبيها التيبلام
ولواها
صرخت موجوعه، وكع من ايدي وهو لواها ورا ظهري وهمس
– هاي شمسوية بروحج؟ مو كتلهن يحظرنج؟
– هددددني عليك الله هددددني.
– اششش.
شمرني على الجرباية وكف بعيد عندي ينزع السترة مالته
تخبلت كمت اصرخ وافتر بالغرفه وهو واكف ينزع السترة برود ويفتح الدكم
– لااااا لاااا انتحررر والله انتحرر هسه انتحرر.
وهو عبالك ما يسمعني
نزع ملابسة وضل بس بالشورت والفانيله، لعبت روحي
تقززت منه ومن جسمه وهو وراح للمراية جر عطر
رش على جسمه واجه ناحيتي
صرخت وكمت اكمزت بمكاني واصيح
– ياااارب اخذنننيييي ياااارب اخذنيييي ياارب اخذنيييي.
كمت اكولها واكمز بمكاني وهو تخصر يباوع عليّ
هز راسة
واجه عليّ حصرني بزاوية الغرفه واني ادفع بي واشهك
جرني من ايدي حيل وشمرني على الجرباية وشمر روحه فوكاي
صرخت بعلوا صوتي احس بلاعيمي كامت تحركني
وصوتي راح
ماكدرت اصرخ بعد كمت ادفر بي بكل قوتي
بس مالي قوة يمه
رفع اديه لفوك راسي بأيد وحده وايده الثانيه سد حلكي بيها
ودار وجهي للجهه الثانيه، حط راسة بركبتي وصار
يبوسني
بس مو بوسة عاديه احس ركبتي ملختني، كمت ارافس جواه بوجع
وهو ولا مهتم، فرفحت روحي وماكدر اقاوم بعد كمت اشهك
ودموعي تنزل على وجهي بقوة وعيوني احسهن انعمن من الدموع
من شافني تعبت ماكدر اقاومه بعد هد اديه ونزل ايده
يفتح بدكم القميص الابسته كمت ادفع بس كوة اسيطر
على رجفت ايدي، نزلت اديه بتعب وعيوني يغمضن وحدهن
حسيته فتح القميص وايده تمشي على جسمي
بطريقة تخليني اموت الف موته واني بين اديه
غمضت عيوني مستسلمه واتشاهد واني جواه وهو
حط راسة
بصدري، صار صوت ضربة قوية برة الغرفه فتحت عيوني بسرعه
وهو وخر من فوكاي بسرعه يتلفت مديت ايدي الم بالقميص على جسمي وهو صفن على الباب
وماكو كلها ثواني، واندفر الباب بقوة
دخلوا مجموعه من الضباط والقوات المُسلحه
للغرفه
وكلها شايلة أسلحه بأديهم ورافعته بوجهه العُثمان
يتبع..
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.