رواية تراث النهروان – الفصل الثامن عشر
هُمام – طبن وصيحلي بــارون .
ردنه نطب طلع بــارون من شافنه باوع علينه وعلى الولد
سلموا عليّ
وهو يباوعلهم ويباوعلنه وعاقد حاجبة مستغرب
بـــارون – شكو ؟ شبيكم صاير شي ؟
غــيد – ندخل جوة؟
هز راسة بـ اي واشر على البيت
– اكيد تفضلوا ، هُمام مصطفى فوتوا.
دخلنه جوة جانت ماما كاعد على التخم وسيف كاعد بصفها يقره
سلمنه وكعدنه وهي باوعت علينه وعلى الولد مستغربة
ماما – شبيكم ماما اكو شي ؟؟
هُمام – خاله اجوا ولد عمهن للـ كلية .
باوعت ماما علينه بنظرات خوف وهمست
– صدك ؟ شصار !!
مصطفى – لا تخافين خالة ماصار شي بس كليلي اعتبرينه ولدج لا تستحين بس كليلي شيردون من البنات ؟
جرت حسرة ماما وباوعت عليهم
– يردون يتزوجون مريم وغيد ويردون البيت رفضت انطيهم البيت والبنات
اخذوا بالقوة بس البنات مايردون يتزوجونهم مستحيل اجبرهم !
باوع علينه بسرعة وبــــارون كالب وجهه ماراضي تحجي كدامهم
بـــارون – لا تدخلون شباب اني احلها لا تكبر .
مصطفى – خلل تكبررر وطززز شنو هذولة مالهم رداد اجوا للكلية نافخين روحهم .
بــــارون – تعاركتوا ؟؟
– اي كتلناهم لعد شنو يجرون البنات من اديهم كدامنه؟
باوعلي بــارون بسرعة ودنك نظرة على ايدي
– صدك تحجون!!
هُمام – لعد كتلناهم ليش؟؟
سد ايدة بـــارون بعصبية وطلع من البيت بسرعة ركضت ورا اصيح
– بـــارون بـــارون وين رااايح !!
– ارجعيييي غيدددد !
– مااا ارجع كلي وين رايح ؟
– اطيح حظهم شنوو يدوووسج شنووو؟؟؟ موو كااتبين تعهدد ما يتعرضولج لوو لاا؟؟
– ايي كاتبين تعااال بــارون .
احاجي وهو طلع برة ركضت ورا جريته من ايده
– بـــارون احاااجيك!
– وخررري غيددد روحيي اشتعلتتت والله اذاا ما بجيتهمم انيي معتب .
– عليك العبااس كافي على كيفك شجاك خل يولون مايكدرون يسوون شي!
– يكدررروون والهم الحق غيد ليش تحجينه كوة.
يحجي ويمسح بوجهه ويجر النفس كوة
– بس عليك كيفك فدوة هسه طبهم مرض شيسوون خل يسوون .
– ياااابة شبيج اكلهاا هيج تكلي هيج ومنو يخليهم يسوون؟؟؟ غيرر اخلي موتهم العراق يحجي بي.
– بـــارون !
باوعلي بسرعة وعيونه يلمعن مقهور وخايف علينه
– ها غيد ها .
– عليك الله كافي وتعال طب جوة بس يردون يخوفونه والله ماكو شي .
جر حسرة واشر على البيت
– فوتي هسه اجي اني .
– لااا امشي وياي !
– غيد اورث بس هاي الجكارة واجي فوتي .
– عليك العباس مو تروح ؟
– دخيل العباس ماروح ياابة فوتي .
هزيت راسي بـ اي وطبيت للبيت باوعولي كلهم وباوعوا وراي
هُمام – وينه ؟
– برة .
كاموا اثنيهم طلعوا برة كعدت بصف ماما صافنه باوعتلي ماما بنظره قهر وكالت
– خل نطلع منا راح يتورطون الولد بسببنه .
مريم – اي حتى بـــارون يطلع مصلخ .
بـــارون – ليش اطلع مصلخ ؟
التفتنه كلنه عليّ وهي فتحت عيونه وجها انكلب احمر ماتحملت طكيتها ضحكه
ومصطفى واكف ورا بـــارون وفاتح عيونه خازرها وهُمام حابس ضحكته
ماما ضربتها على اديها واني كتله
– ماما كالت خل نطلع منا وهي تكللها حتى بارون يطلع مصلخ .
بـــارون – خاله ترديني صدك اطلع مصلخ ؟
كالها وكلنه ضحكنه بس مصطفى كالب وجهه ويخزر
بـ مريم
وهاي خلت عيونها بكل مكان اله بعيون مصطفى وهذا كالب
وجهه
مريم – اتشاااقه والله العظيم .
ضحك بــارون ودنك راسة يمسح بجبينه
– اخيتي الصغيره يابة ماصار شي .
ابتسمت هي ودنكت
هُمام – لا تخافين خالة ان شاء الله ما يتقربون من البنات مره ثانية
والبيت بـــارون سبع ماطولة كال يرجعه يعني يرجعه ان شاء الله
واحنه كلنه عد عيناج انتِ او حتى البنات مثل اخواتنه الله شاهد
وابد لا تستحين من عدنه لو تترددين مايردج غير لسانج .
بس كمل كلامة صفكه مصطفى على ظهره وكال بضحكه
– صاير مُتحجي .
ضحكنه كلنه وهُمام فرك ظهره من اثر الضربة
– ولك اسمها مُتكلم .
ضحك وغمز
– هاي الـ مُتحجي خاصه بية خو ما اكو كلمة مستعمله .
ضحك هُمام وجره
– يله احنه رايحين خالة ومثل ماكتلج مايردج اله لسانج .
مـامـا – يابعد كلبي يمة الله يحفظكم لـ شبابكم ما تقصرون وليداتي .
راد يحجي جره بــارون ودفعه
– شلزكتوا ما يحتاجونكم اني هناا يله الله ومحمد وعلي وياكم .
مصطفى – لعد اني وين اصعد ؟
باوعنه كلنه عليّ وبــارون راد يكتله طلع يركض ويضحك
هُمام – كلب طيح الله حظك .
سد بـــارون الباب وراهم واجه سولفوا هو وماما شوية وكام يريد يطلع
ماما – وين رايح يمة ؟
– هنا لبيت كرايبي .
– دضل هنا ياعيني اخياتك هنه .
هي كالتها وهو باوعلي بسرعة واني باوعت على ماما ورفعت تك حاجب
دكولي يا الله ماما منين لزكتي سويتي اخوية تخليني هسه ادك والطم
بـــارون – كلشي يصير خالة ماريد يصير حجي عود ضلن بيت زلمه غريب وحدهن
خليجن وهذا سيف زلمه هنا يمكم .
– يمه خربنه راحتك .
– لاا ابد والله اصلا اني مرتاح هيجي من مأمن عليكم غير اهل روان الثانين انتوا .
ابتسمت ماما بحزن وهزت راسها
طلع وصاح سيف يقفل الباب ورا طلع سيف قفلها ورجع
طبينه مددنه
بفراشاتنه
نمت وبصفي مريم وماما نايمه على جرباية شمشون
ندستني مريم
التفتت عليها وهزيت راسي بـ شنو تقربت عليّ وهمست
مريم – شفتي بـــارون؟
– شبي؟
– شلون صار عصبي علمودج ؟ فدووة تخبلووون .
– مريم اسكتي عفية.
– ليش ما وافقتي ؟ ترا الفرصة اجتج لـ رجليج؟
– ماريد زواج على مصلحه ؟ يتزوجني حتى يحميني من بيت عمي ؟؟؟؟
مستحيل اريده من يكولها يكولها بحب ومشاعره واضحه مو حتى يساعدني مريم .
رفعت اديها وغمتني ودارت وجها جريت حسرة ودرت وجهي عنها
كعدنه ثاني يوم الصبح بدلنه كوه ورحنه للكلية حتى واهس ماكو
طبيت للكليه مريم راحت لـ قسمها بسرعه واني تلكوني الولد
رحت يمهم سلمت عليهم وبعدنه نحجي طب جواد يركض للكلية
باوعنه عليّ بخوف وهو يجر نفس
هُمام – شبيك ليشش تركض !
حط ادية على رجليه ومدنك يجر نفس رفع راسة جر نفس قوية وكال
جــواد – طلعت من البيت وعبرت الشارع العام جان يلتمن عليّ الجلاب
الله شاهد هيجي حاوطني شلون هسه انتوا محاوطيني,
صفكه عبد الرحمن على ظهره
– يعني احنه جلاب طايح الحظ .
هو كالها واحنه كلنه فتحنه عيونه من استوعبنه كلامة
ضحكنه وهو يضحك والولد يصفكون بي عفتهم وطبيت ويا نسرين وندى للقاعه
بدت المحاضرات وخلصت واني مكضيتها بس صفنات وبالي مشغول
طلعت من القاعه اريد اروح لـ للقسم مريم وشفت مصطفى يتعارك ويا واحد
ركضت بسرعة واجوا عبود وهُمام وجواد وزينب ونسرين يركضون وياي
وكفت بعد وحطيت ايدي على حلكي عززه هذاا شبي !
لازم واحد ضعيف حيللل
وطويل بس يم مصطفى هو لا شيء مصطفى طويل وجسمه رياضي
هو وهُمام بس هذا صح طويل بس جسمه ضعيف
عبد الرحمن – عوووفه مصطفى خضيته خض !!
الولد – هدنيي ولك هدني جلب هدني .
كتمت ضحكتي كوة مصطفى لازمه من تشيرته من ورا ويفر بي وهذا يروح هيجي ويجي هيج
هُمام – ههههههههههه عليك الحسين هده شبيك .
مصطفى – حيوان مطيي لطمنيي ويكلي انتبه مره ثانيه دنتبه انتَ يلأغم .
الولد – اهووو مشااكل ماريد اسوي هدني يله .
ضحكوا الولد كلهم ومصطفى شمره بعيد وهو وكف يعدل ملابسه وصاح
– ارجعلكك لا عباالك اعلمك اني منو .
مصطفى – اني لووو عندي جسمك اشيل بي كرامتي واطلع .
هو كالها وضج الضحك بالكلية متنه ضحك مبين هذا مرحلة اولا
لان بعده صغير اصلا ويريد ينفخ روحه كدام الطالبات
ضحكت واشرت لـ مريم يله
طلعنه نضحك والولد رادوا يوصلونه رفضنه وكملنه مشي
بنص الطريق ودك تلفوني
رفعته جان رقم غريب! استغربت منو هذا ؟ فتحت خط وحطيت
التلفون على اذاني، اجاني صوت بنية عالي تبجي وتصرخ !!
” نــــهـروان ”
فزينه كلنه ويا صوته وبــــراء لطمت على رجلها وصاحت
– شبييييي بـــرهـــوم!!!!
وخر التلفون من اذنه وحط ايده عليّ خازرها
– اشش صوتج !!
كام وكف بسرعه يفتر وصوت واحد يحجي بالتلفون بس ما افتهمنه شنو يحجي
نباوعله ونرجف من الخوف لا يكون صاير شي لـ برهوم
تُــــراث – افتهمتتتتت ؟ لاااا انيي اتصرررف انييييي ،
يااابة
اليدخلل بالحسين اجي ادفنه بمكانه لحد يتدخللل ,اييي.
سد التلفونه
وكف يفتر ويفرك براسة حيلل
بـــراء – شبي برهوم تُــــراث ؟ عفية شبي ؟
وكفت يمه وتجر بوجهه بجهتها
حضنها وباسها من راسها
– مابي شي والله شبيج ؟
– لعد شبي ؟ ليش صحت بــرهــوم ؟
– مابي شي مجرد شي بسيط تتوقعين بي شي واضل بارد هيجي؟؟؟
هو يحجيها بس عيونه حمر ومبين القهر بوجهه بس مايريد يخوفها
جرت نفس وهو عصرها بحضنه حيل وباس خدها
– روحي صلي وادعيلة بالحفظ .
– شبي؟؟؟
– مو كتلجج ماابي شي؟؟ غير تصليله شبيج روحيي .
هزت راسها بـ اي وصعدت فوك وعزيز ركض وراها فوك
باوعتله وهو حسيته يريد يحجيلي لان اني اعرف الخطورة الي عليهم
نــــهروان – شبي بـــرهـــوم ؟
بلع ريكه وطلع جكارة ورثها ورفع شعره
– العُثمان ذابةبغرفة التعذيب لان مالاكينج .
فتحت عيوني بصدمه وشهكت
– لاااا !
خزرني بسرعة وباوع على الدرج
– صوووتج شبيج!!
حطيت ايدي على وجهي وبجيت بهمس
– شتسوي هسه شتسوي !
– اروح اطلع بس لا تحجين شي كدام بـــراء شلال ؟
– اي اي روحححح بسرررعة روح .
هز راسة وتقرب عليّ حضن وجهي بأثنين ادية ودنك عليّ
باس راسي
بس مو بوسة عادية شمني حيل وايدة تتحرك على وجهي
وطلع
بسرعة من البيت
ضليت مغمضة عيوني من طلع يله فتحتهن رفعت اديه مسحت وجهي
بقوة ورفعت راسي اباوع على البيت ورجعت دنكت امسح بوجهي
– استغفر الله ياربي استغفر الله .
نزلت بـــراء من فوك شايلة عزيز وجها لونه مخطوف
نـــهروان – لا تخافين يكول تُــــراث مابي شي .
– ان شاء الله مابي خلي عزيز يمج علما اصلي .
– جيبي .
حطته بحضني وراحت للمطبخ وطلعت وجها مبلل واديها
وكفت تصلي
وجسمها كله يرجف والمي يقطر من وجها ،ماعرف هذا مي
لو دموع
لان انخلط كله ويا المي الوضوء
دنكت راسي مخنوكه عليها احس الي داتمر بي بسببي اني
عزيز
كاعد بحضني وخانس يباوع على امة وهي بس كملت مسحت
وجها وكامت ، نزعت ازار الصلاة وشالت التربة وحطتهن على
التخم البصفها وفتحت اديها لـ عزيز نزل من حضني يركض
حضنته حيل وشمته ابتسمت بهدوء وباوعتلي
– جان كاعد بحضنج على اعصابه مستغرب .
ابتسمت وكتلها
– اي خنس عرفته مستغرب مني .
كامت وجابت اكل بصينية وكعدت صاحتني حتى اكل بس جنت شبعانه
اكلت هي شوية وكلت عزيز وانتبهت اي هي ما تاكل هو يرفض ياكل
كامت تاكل لكمة الها ولكمه اله يله شبع واكل شوية وشالتها
لليل احنه كاعدين ننتظر اي خبر من تُــــراث وعلى ذكره سمعنه صوت هورن سيارته
ركضت بــــراء وطلعت وراها اركض بخوف طلعنه للحديقة
شهكت
وحطيت ايدي على حلكي من شفت بـــرهـــوم جان وجهه كله اثار ضرب
ومستند على تُــــراث ويجر نفس كوه شافته بـــــراء صرخت
وركضت شمرت روحها بحضنه هد تُــــراث وحضنها حيل وحط
راسة بركبتها ومغمض عيونه بوجع
ابتعد تُــــراث ودار وجهه عنهم ورجع باوعلهم وهم متحاضنين وهي تبجي
جرها من حضنه وحضنها هو
– لا تبجين مابي شي .
وهي تبجي وتباوعله كوه واكف ويباوعلها تريد تروح تحضنه
بس تُــــراث مجلب بيها
اشتعلت من القهر من يمي هسه وكت حنيتك رحت جريتها منه
ودفعته بجهة بــرهــوم بخفه لزمت تُـــراث من ايده اسحل بي للمطبخ واباوعلهم
نــــهروان – الحمدلله على سلامتك بـــرهــوم .
هز راسة مبتسم بخفه
سحلته من ايده وهو عاقد حاجبة ماراضي يعوفها يمه عبالك
صاحبها مو رجلها ، نتر ايده مني وطب للهول يفتر
– شكوو سحلتيني مطي اني ؟
– والله على تصررفك المطي ارحم .
فتح عيونه على وسعهم ، بلعت ريكي بخوف وهو لزمني من شعري
– لا بالحسين ماتوبين ولج اكص لسااانج ؟؟ اكصه ؟
– اووي اوووي مو عليك .
– منوو المطيي؟؟
– اووويي شعرر ولك مطيي مو عليك .
فتح عيونه خارزني ورجع صاح
– ولج لاا تغلطيننن حيوااانه.
– هدنييي وما اغلططط هدنييي.
عاف شعري كالب وجهه ومخنزر طبوا بــرهــوم وبــــراء
بــرهــوم كوة يمشي وبــراء وجها احمر
وسانده بــرهــوم راح تُـــراث سنده وكعده على التخم
وخرت بـــراء وكفت تباوعله ودموعها ينزلن بهدوء راحت صعدت فوك
باوعت على بــرهــوم وهمست
– الي صار بيك بسببي مو ؟
باوعولي اثنينهم وتُـــراث رفع تك جاجب ، هز راسة بـــرهــوم بـ لا
وابتسم ابتسامة صغيرة
– مو بسببج .
– بس ..
– مو بسببج والله لا تشيلين هم احنه من قبل متعودين هيجي يصير
مو جديده السالفة علينة .
سكتت اباوعلة واحس كلبي مشتعل نـار من القهر عليّ
نزلت
بـــراء شايلة صندوك بي اسعافات الأولية ، كعدت بصف
بـــرهــوم
تمسح بدموعها بهدوء ويرجعن ينزلن فتحت قميصة وباوعتله
جسمه كله اثار ضرب وحرك وجروح جسمي كزبر من المنظر
وهي ما سوي شي مجرد نزلن دموعها بهدوء وهي تمسح بيهن
كامت تعقم بجروحه وتسوين بالبلاستر وهو بس صافن عليها
حتى ما تحرك ولا بين الوجع على ملامحه من اثر المعقم
باوعلي تُــراث شافني صافنه عليهم جرني من ايدي للمطبخ
– وين شبيك .
باوع على بــرهــوم القميصه مفتوح وصدره كله مبين باوعلي بسرعة ورجع باوع على برهوم
تُــــراث – تعاي نسوي عشة اني وياج .
– بـ..
– امشيي شبيج امشيي .
سحلني للمطبخ وكعدني على الكرسي
– اكعدي هنا اني اسوي .
سكتت وضليت كاعده بمكاني وهو يفتر ومادري شيسوي اصلا
جاب بصل وطماطه ولحم وطلع شغلات ثانية حطهن كدامي على الميز
جاب سجاجين اثنين وجاب تختات
– خل نثرم اني وياج حتى نخلصهن .
هزيت راسي بـ اي واخذت سجينه منه وكعدت اثرهم بس البارد وهو يثرم البصل والثوم والفلفل
ندسني بطرف السجينه خزرته وصحت
– اوووي شبيك توجعع !
– ترا ما دجيتج ؟
– ااي هاي النبالة مالتها توجع جكيتني .
ابتسم وهمس
– والمكص؟ واثنين جانن ؟ وبنص بطني ؟
بلعت ريكي ودنكت راسي اثرم واحس اختنكت صدك جكه صغيرونه اوجعني
شلون هو المكص شسوة بي !
حسيت بي يندسني مره ثانيه باوعتله مربطه وشفايفي ترجف
ودموعي مجلبة كوة تريد تنزل، عقد حاجبه بأستغراب
نزل السجينه
لزم وجهي بأثنين اديه وعيونه بعيوني وعاقد حاجبة
– شبيج ؟
بلعت ريكي ابلع غصتي وهزيت راسي بـ مابية شي
تُــــراث – اتشاقه وياج شبيج ؟
غمضت عيوني ونزلت دمعه من عيني ، فتحت عيوني عيونه
جانن على الدمعة الي نزلت مسحها وهمس
– ليش ؟
– السجينه توجع واني .. اني دجيتك حيل بطنك طلعت توجع .
ابتسم بخفة ورجع عدل ملامح وجهه
– بس اني عاذرج !
– ليششش؟؟؟
– الي بمكانج تسوي الأكثر لهل سبب عاذرج مخطوفة وبين اشخاص ما تعرفينهم
وتردين بس تطلعين وما تعرفين الغلط من الصح الضدج والوياج
لهل سبب ما حجيت وياج .
باوعتله امسح بعيوني
– يعني ماضايج مني عليك الله ؟
– والله ماضايج .
– ابريني الذمه .
– باريج الذمه وماحلله وماوهوبة .
– عليك العباس ؟
– والعباس .
ابتسمت براحه امسح بدموعي وهو وخر ايده عن وجهي يباوعلي وومبتسم بهدوء
نـــهروان – يعني هاهي بعد ما يأنبني ضميري ؟
– وشمدريني بضمريج اني ؟
– وجعه غير دا اسألك .
– ها لا بعد ما يأنبج .
– اي خوش ، بعد لا تعيل بية حتى لا اتعارك وياك ويأنبني ضميري.
– اخ الله افدي لـ ضميرج اني .
خزرته ورفعت السجينه بوجهه
– سالمين ؟
– الله يسلمج .
رفع السجينه مالته حطها فوك سجينتي جريتها ورجعت اريد احطها فوك سجينته
وكمنه نتعارك بالسجاجين مخنزره وعاقده حواجبي واتعارك ويا
وهو يضحك ويحرك بسجينته عود شلون السيوف ونتعارك بيهن
تُـــــراث – حتى بفلم الرسالة محد مركز مثل تركيزج .
من كالها رفعت راسي اباوعله واحرك بسجينتي فجأه صاح بسرعة وهد السجينه
شهكت وباوعت على ايده انشكت من يم الجف والدم كام ينزل
شمرت السجينه حطيت ايدي على حلكي اباوعلة وهو عض شفته
بوجع ورفع عيونه يباوعلي حط ايده فوك الجرح وكام للمغسله يغسل بي
والدم ينزل ويا المي من ايده
اباوعله يغسل وعاض شفته بوجع غطيت وجهي ابجي بصوت
وهو باوعلي وصاح
– شبيجج شبيجج ليش تبجين ؟
اني ابجي بصوت واشهك وهو يغسل بيها ويصيح
طبت
بـــراء للمطبخ باوعت عليّ وعلى تُـــراث شهكت من شافت ايده
ركضت عليّ جرت ايده من جوة المي وتباوعلها
– تُـــراث شجااك !
شهكت ابجي وصحت
– هااي انييي عوررررته انييي .
باوعتلي وعقدت حاجبها وهو عض شفته
– روحي بـــراء جيبيلي أي شي اشدها بي .
راحت بــراء تركض واني اباوعله وابجي وهو صافن عليّ
تُـــراث – هاي شبيج ليش تبجين ؟
– والعباس ما اقصد اجرحك والله العظيم ما اقصد .
– يله ماصار شبيج على كيفج .
– مو توجع والله .
كلتها وبجيت اقوة ،جرحته بأيده والدم ينزل وهو ماحاجاني
نـــهروان – اسفه والله اسفه .
– شجاج يابة صغير الجرح والله .
– لااا جبيرر باااع الدم .
ابجي واحس عيوني يحركني من الدموع حسيت روحي ظالمه
شلون جرحته مرتين وهو ما يحجي وياي ولا يرد على اذيتي
اجت بــــراء شايلة الصندوك اخذته منها اني
– انيي اني اني اسوي اني .
باوعتلي مستغربة ومقهورة
– لا تبجين حبيبتي اكيد مو بقصد .
– ايييي والله اييي اييي والله مو بقصد والله .
احجي وافتح بالصندوك
كعد كدامي على الكرسي جريت ايده امسحه بالدم وابجي
عقمتها
ولفيتها اله وامسح بدموعي
– هاا ها توجع ؟ توجعك توجع ؟
رفع ايده المابيها شي مسح دموعي وهز راسة بـ لا
– ما توجعني بعد .
هديت ايده رفعت اديه امسح بوجهي
– ما ادري والله .
– ادررري كافي شجاج ياما وياما اكثر من هذا انجرحت .
– بس ..
– يابه كافي شبيج والله ما يوجع !
سكتت وهو أشر لـ بـــراء
– خليها تغسل .
هزت راسها وكومتني غسلت وجهي ورجعت كعدت يمهم
تُـــراث – روحي شوفي بـــرهــوم علما نسوي العشه .
هزت راسها وطلعت من المطبخ
وهو كمل ثرم بس احسه كوه يثرمه اخذته من عنده وثرمت اني
ماحجه شي كام اخذهن وكف يطبخ هو واني كاعده على الكرسي وصافنه عليه
التفت باوعلي وهز راسة
– بعدج تبجين ؟
هزيت راسي بـ لا ومسحت وجهي
دار وجهه يكمل طبخ وهمس
– ياريت تضلين هيج بعد ما تعرفين السويته بيج .
بلعت ريكي ووهمست
– شنو ؟
– مو وياج .
كمل طبخ وحط الأكل على الميز وعزل الباقي وعافهم بالمغسله
كمت اخذتهم اني غسلتهم لان هو ايده مايكدر راح سند بـــرهـــوم
وجابة كعدوا على الكراسي كلهم ياكلون واني اتصفن احس
هذا مو مكاني ماريد اضل يمهم اريد ارجع لـ بــــارون وسيف
تُــــراث – شلال اكلي!
رفعت راسي باوعتله هزيت راسي بـ اي اكلت شوية وكمت
– الحمدلله، دايمة ان شاء الله .
غسلت وطلعت من المطبخ بسرعة صعدت فوك وكعدت على
الجرباية ابجي ومن كد ما بجيت بطني اوجعتني وحسيت روحي
عطشت بشكل مو طبيعي، كمت ونزلت اركض دخلت لكيتهم
على كعدتهم بس يسولفون ما ياكلون، باوعولي كلهم واني همست
– بس اريد مي عطشانة .
فتح عيونه تُـــراث وبلع ريكة كام بسرعة وكف يمي طلع بطل مي من الثلاجه
– اشربي مي هوااي اشربي .
هزيت راسي وشربت نص البطل من كد ما عطشانه وهو ضل يلح اله اشرب بعد
نـــهروان – هاهي بعد ما اريد .
هز راسة واخذ الكلاص حطه على الميز وباوعلي
– هسه تمام؟
هزيت راسي بـ اي
– تعاي بالهول لا تصعدين وحدج فوك.
مشيت للهول وهو اجه وياي، كعدنه وهو كعد بصفي لطش
نــــهروان – تعال اكعد بحضني؟؟
باوعلي ورفع تك حاجب
– وشكو بيها اكعد ياما وياما شلتج.
– لا والله؟ ترا غصبًا غير انتَ كسرت رجلي.
– وانتِ؟ اذا على هذا حجيج المفروض تداريني هسه لان شكيتي ايدي.
باوعت على ايده وبرطمت
– شنو هاي شعليه اني.
– لاااا تبجين بطلتتت ماريددد.
سكتت وعدلت وجهي جر راسي حطه على رجله
دفعته وخرت
– ساالمين شكو؟
– اريد انيمج.
– منو عاتب عليك وخر.
– ناامي.
– ياااء ماريد.
– اهوووو.
– وجعووووا كوة هيي.
يضحك ويجر براسي اله ينيمني على رجله عضيته من ايده
هدني وصاح
– طاحظج جلبة.
– حيللل من اكلك يعني هدني لا تلح.
– اني الح؟
– اي لحووح.
– اويلي هاي اللوح ذكرتني بسالفة.
كلبت وجهي من تذكرت الغرفه الجنت محبوسة بيها ومكابلة وجهه
نــــهروان- اييييي اوووع شلون سالفة هي.
– شبيهاا؟
– تلعب النفس.
– مو اكوم اشوفج لعبان النفس على اصوله.
– اكلك ما تعوفني بحالي ؟ ترى والله ادوخ .
– اووي تدوخ سندوس.
– لعد بس سندوووس تدوخ ؟
– لا عمي كلجن تدوخن .
كالها وطلع جكارة ورثها وارتاج على التخم طلعوا بــرهــوم وبـــراء
من المطبخ كعدوا على التخم ، حط تُـــراث اديه على رجليه
ودنك مرتاج عليهم
تُــــراث – شلون صرت ؟
– احسن .
– متأكد ؟
– اي شبيك .
كالها بشك وتُــــراث ضحك ورجع روحه على التخم
– اضربك اضربك ماشترد منها .
بـــرهـــوم – دنجب والله ما اخليك تدوسني .
ضحك تُـــراث بعلوا صوته وهز راسة بـ اي ويضحك
– انشوف انشوف .
بـــرهــوم يخزر بي ماراضي وهو يضحك ويعضله شفه لو يحرك بحواجبه
وهذا متخبل
بـــرهــوم – بـــرااء أدبي اخوج لا اشكه شك .
ضحكت هي وباوعت على تُــــراث
– عوفه تُـــراث هو يروح للمضمد ويضربها .
فتح عيونه تُـــراث وصاح
– تحجين ويا اخوج الجبير هيج علموده ؟؟؟؟؟
كالها واشر على بـــرهــوم
بـــرهــوم – خرب غير ماكدر اكوم جا طيحة حظك سافل وشنو مو بعينك اني ؟
بـــراء – عفيه لا تسوون هيجي والله ماريد اتدخل بيناتكم .
كالها بضوجه واضحه لان لازم توكف ويا واحد منهم وهي تحبهم وماتريد تزعل واحد بيهم
تُـــراث – يله يله طبن جوه كومن .
بــرهــوم – تُـــراث شبيككك ماااريد ما اضربهاااا .
عض شفته تُــراث ويحرك براسة
– لك ليش هي ابرة بــرهـــومي .
– لكككك طااايح الحظ لا تسووووي هيج .
اريد اضحك بس خجلانه من عدهم مدنكه راسي وحابسه ضحكتي
دفعنه تُــــراث اني وبـــراء وعزيز بـ اتجاه المطبخ ويضحك بصوت
– رووحن هناك روحن .
بــــرهــوم – بــــراااااء تعااااي بــــرااااء .
بـــراء – عفيه بــرهــوم خل يضربك هو ايده خفيفه .
– مااااريدددد تعااااي .
هو خربان ضحك متونس وهذاك يشل روحه ويركعها وبـــراء ماتريد تروح علموده بس ما تكدر تحجي ويا تُــــراث
دفعنه وسد الباب وقفلها من يمه باوعتلي بـــراء وعاضه شفتها
– هسه خاف يتعاركون .
ضحكت ما تحملت وهي باوعتلي مبتسمه وضامه ضحكتها
– هذا اخوج مو صاحي والله ههههههههههههههههههههه .
ضحكت خفيف وسكتت حطت اذانها على الباب تسمع واني من الفضول مديت راسي وياها
بـــرهــوم – افتح الباااب خل تجيي.
تُـــراث – انززع .
– ولك تُـــــراث .
– ههههههههههههههههههههههههههه انزع بــرهــومي .
– رااح اكفررر بيكك ولييي من يمي .
– ههههههههههههههههههههههههههههههههههههههههه شبيك راح تموت انزع يله .
اسمعهم وفحطانه ضحك وبـــراء تضحك وترجع تحط اذانها على الباب
صار هدوء وصوت بــرهــوم صاح
– لكك تُــــــــراث سررررررسرررري ساااقط انعل الجااب مثلك كلب ابن كلب .
تُـــراث – ههههههههههههههههههههههااي .
رجعنه ليورة نضحك انفتح الباب صار كدامنه تُــــراث وجهه احمر من الضحك
وبـــرهــوم مغمض عيونه وعاصر مخده بحضنه
شكد ردت احبسها للضحكه
بس ماكدرت حطيت ايدي على حلكي وضحكت باوعلي بــرهــوم وغمني
وبـــراء راحت تركض وكفت يمة
– هاا شبيك ؟
– هذااا اخووج ينرداله ترربيه من جده وجديد طاايح الحظ سرسري .
ضحك تُــــراث بخنك وكعد يمه جره عليّ وبــرهــوم كالب وجه
– وخر فااسد سرسري .
تُــــراث – بــرهــومي شبيك هههههههههههههههه هي ابرة .
– وخرررر وخررر .
يدفع بي وتُــــراث يضحك ويجر بي يريد يبوسه ولزمه باسة من خده كلت هاهي انشلع خده
بـــرهــوم – وخررر لاا تبووس وخرر .
تُــــراث – احبك وعلي .
– فااسد .
– مو بيدي وراثه هاي .
– وليي .
– لك كـ**** ، لا تذلنيي هي ابرةة .
كالها ورجع بضحك بصوت
ضحك بــرهــوم على صوت ضحكته وبـــراء تباوعلهم وتهمس وهي مبتسمه
وكفت يمها وندستها بقت على ابتسامتها وباوعتلي
نــــهروان – شداتهمسين؟
– ادعيلهم ربي يحفظهم ويدم خوتهم لان هم مو بس اصدقاء .
ابتسمت وهمست
– امين يارب .
تُــــــراث – شلااال .
باوعتله بسرعة فازه من صوته اشر على كلاص المي
– اشربي مي .
– ما عطشانه.
– ميخالف المي زين اشربي .
هزيت راسي بدون ما ارد واخذت الكلاص شرب شوية ورجعته على الميز
كعدت يمهم كام تُــــراث طب لـ وحده من الغرف الجوة يخابر ويحجي أيراني
شوية وطلع كالب وجهه
تُـــــراث – باجر الصبح اروح .
بـــرهـــوم – خوش حتى اروح وياك .
– دنجب انجب يروح وياي هو انتَ بيك راجدي .
– جا اعوفك ؟
– وشبيه يمه ؟ ترضعني لو تلوليلي ؟ انجب وضل هنا اني اروح وارجع .
هز ايده بـــرهــوم ودار وجهه
– هاي شبيك ولا اكدر لهذا الـ لسان .
ضحك تُــــراث وعض شفته وصغر عيونه
– غير تموتون عليّ .
– دروح لا اجرك بزيج .
بــــراء – عزززززة بــــرهــــوم زيج شنووو ؟؟؟؟؟
ضحك تُـــــراث
– يعني عفطه باللغه العفطية .
– لاا بــرهــوم عفيه عود صدك تعفط ؟
– جااا اخوووج صااارله سااعة يفحط عليّ فشاار وسب على هاااي كلبتي عليّ!!
كالها وكلب وجهه ضحك تُــــراث وجرها يبوسها بخدها ويحجي
– مو اني من قبل اخلاقي هيج انتَ جنت مؤدب .
بــرهــوم – نتعلم منك استاذنه .
– اويلي الله ، لعد بس الفاينات تتعلمهن .
– هو انتَ عندك زينات حتى نتعلم منهن ؟
– انجب ترى اصلي واقره قران اسأل بــراء .
بـــــراء – اي صدك خاتمة مرتين .
ضحك تُـــراث يهز بحواجبه لـ بــرهـــوم وبـــراء تضحك
بـــرهــوم – يله ما تولي ؟
– مو هسه الصبح كاعد بيتك بس تطرد همزين بيت اختي .
– اخخخ يا لساني .
– اوووووف يالساانك .
ضحك بـــرهــوم وأشرله
– ولي طايح الحظ .
كعد على التخم وبـــراء راحت جابت عزيز جان بالمطبخ كاعد يباوع بالتلفون
كعدت وحطته بحضنها وهو يباوع بالتلفون ، اني نعست ترخصت منهم وصعدت فوك
فتحت الباب وطبيت ، افتريت بالغرفه اريد اسبح بس ماعندي ملابس
واستحي اطلب من بــــراء ومستحيل اخذ بدون ما اكللها
كعدت على الجرباية
ضليت حاضنه رجليه لـ صدري وصافنه على الباب ، انفتح الباب
دخل تُــــراث جريت نفس وهو ابتسم وميل راسة
– هاا شبيج ؟
– اكلك تعال .
اجه باوعلي مستغرب
– شبيج ؟ بطنج توجعج ؟
– هسه شجلبت بطني انتَ دعوفهاا مابية شي .
كعد على طرف الجرباية وهز راسة
– لعد شبيج ؟
– اريد اسبح اريد ملابس .
– مو هاي يمج بالكنتور ؟
– شلوون اخذ منهن شبيك انتَ استحي من ملابس بــراء .
– مو من بـــراء اني جبتهن الج هذني وحطيتهن بهذا الكنتور وكلت لـ بـــراء عليهن .
– شو اريد استحي منك واكلك شكرا بس ما تطلع مني .
قرب راسة مني رجعت ليورة فاتحه عيوني وهو حط وجه قريب وجهي وهمس
– اكوا شكر بس بغير طريقة مو اله كلمة .
عضيت شفتي وهو باوع عليها ورجع باوعلي، بسرعة رفعت ايدي وجبته براجدي ابو الطكه
فتح عيونه مصدوم وحط ايده على خده
– هاي شسويتي ؟
– هو راجدي شبيك انصدمت ؟
عبالك هو جان منتظرها جرني من اديه نزلني على الجرباية وكام يعصر بطني وبخاصرتي
كمت اصرخ وادفع بي واضحك واصرخ بوجع
– تُــــــرث لاااا هههههههههههههه عليك الله لاااا لاااا .
– ليشش تضررربين حيوواانة انتِ ؟
– ماا اضرررررررب عوووووفني ما اضرررررب .
– لاا اضرربي شوو اضرربي .
– ولجج يماااماااا عوفنيييي ولك عووفني .
وخر من عندي وكف على صفحه يعدل بشعره ويجر نفس
– اعلمج اذا تعيدينها .
– ماا اعيدهااا رووحح منيي روحح .
كمت ادفع بي بأتجاه الباب وهو يدفع بيه لـ جوة الغرفه
– ما ماا .
– تُـــراث شنو ما روح .
– ماا .
يحجيها ويمل يروحه عليه ما يرضى يطلع
وخرت منه ورجعت ليورة اضرب رجلية بالكاع
– هسه تطلع هسه تطلع هسه تطلع .
ارتاج على الباب وحضن ادية لـ صدرة ويحرك يجتفه
– ماا اطلع ما اطلع ما اطلع .
– هئ اطلع حبااب .
– هئ ما اطلع .
نــــهروان – تمام لا تطلع .
كلتها ورحت نمت على الجرباية وغطيت راسي صار هدوئ بالغرفه
عقدت حاجبي شنو هذا طلع ؟ نزلت شوية من الغطه وطلعت بس عين وحده
صرخت فازة من شفته حاط وجه قريب عليّ
تُـــــراث – هاا ؟
– شبيك فززتني !!
– هو هذا المطلوب.
– اكلك .
– كولي؟
– روح .
– متأكده؟
– اي لعد شلون طبعًا متأكده .
هز راسة وراد يطلع جرني من شعري خرمشت ايدة وهو طلع من الغرفه يضحك
نـــهروان – حقيرررررر والله .
ردت اسد الباب رجع طب
– بس لحظة .
– هاا خير ؟؟
راح جر علاكة على الميز فتحها طلع منها قمصان اثنين واحد اسود واحد نيلي
تُــــراث – ناخذ رأيج ، شلبس باجر الأسود لو النيلي؟
عوجت شفتي واشرت على النيلي
– هذا احلى .
هز راسة وشمر النيلي على الجرباية واخذ الأسود
– ذوق زربـ*ـه اكوا احلى من الأسود ؟
فتحت عيوني وركضت دفعته وهو يضحك
– درووح رووح مو صوجك .
قفلت الباب ورا ورحت فتحت الكنتور لكيت بي علاكه
جريتها حطيتها على الجرباية
فتحتها لكيت بيها ملابس جدد طلعتهن جانن تراكات شتوية
لان الجو بعده بارد اخذت واحد احمر ثخين بي صورة بزونه
وبالكبوس اذانات ، اخذت وطبيت سبحت لبسته وطلعت
وكفت امشط بشعري
مكيفه لان سبحت ومرتاحه مشطت وشمرت روحي على الجرباية
غطيت راسي وغفيت بسرعة من النعاس
فزيت الصبح شبعانه نوم كمت غسلت وجهي ونزلت جوه
باوعت
البيت فارغ وهدوئ محد موجود ، كعدت على التخم ماكو ثواني
وسمعت صوت رجلين، باوعت لكيتها بـــراء شايلة عزيز وتنزل
نـــهروان – صباح الخير .
– صباح النور .
نزلت عزيز وكعدت يمي
– كاعده من زمان اني بس ضليت بالغرفه وعزيز يباوع بالتلفون .
– ها لعد ليش نزلتي مو بــرهــوم يمه ماخليتي فوك .
دنكت ضايجة وتعدل بشعرها لان نازعه الشال
– راح ويا تُــــراث .
– صدك والله ؟
– ايي والله شكد كتله لا تروح وين بيك حيل انتَ ماقبل وتُـــراث يكله اي صرت زين من ضربتك اني الأبره .
ضحكت وهي ابتسمت وكملت
– طلعوا اثنينهم سوة وتُـــراث كال لا تخافين اني يمه .
– ان شاء الله ماعليهم شي .
هزت راسها بـ اي وكامت
– خل اشوف شسويلكم ريوك انتِ وعزيز .
كامت للمطبخ وعزيز كاعد بصفي ومدد على الكوشة مال التخم
كمت طبيت وراها للمطبخ تخصرت تباوع على الثلاجه ذكرتني بـ وكفت تُــــراث
– ها ماكو شي للريوك مو ؟
ضحكت وهزت راسها
– انطيني فلوس واني اروح اجيب.
– لاا يمه ادزج للمحل؟ هو اني وتُـــراث وبـــرهــوم يتخبلون ما يخلوني اطلع .
– لاا شبيج قريب رحنه اني وتُـــراث والله بسرعة شعليّ قابل .
– لاا عفيه ما يقبلون .
– شعليه بيهم ؟ اني حتى بيتنه اطلع ومسواك البيت والغراض كلهم عليّ .
– مو شوفي مايرضون .
– شمدريهم ؟ اروح بسرعة وارجع .
هزت راسها بقلة حيرة طلعت فلوس من الكاونتر وانطتني وكالت شنو اجيب
هزيت راسي وطلعت من البيت وحاطه الكبوس براسي
عبرت الركن مال بيتهم
وصلت للمحل طبيت اشتريت الي وصتني عليّ وكالت اجيب حلويات لـ عزيز
اخذت وطلعت من المحل شايلتهم وامشي واعدل بالكبوس
سمعت شخطه مال سيارة التفتت بسرعة واشوفها سيارة سودة عاليه مُضللة
بلعت ريكي بخوف وكملت مشي بس مالحكت شخطت السيارة بسرعة
وصارت بصفي فتحت عيوني اباوع عليها وكلبي يدك سريع كلشي ما اشوف
السيارة عبارة عن سواد، انفتحت وحده من البوب ونزل منها
رجال طويل صرخت وردت اشرد جرني من الكبوس حيل وضربني على راسي بوكس
صرخت وهديت العلاكة ، فجأة انحطت وصله على حلكي
شهكت وكمت ارافس بين اديه
واسمع اصوات زلم من السيارة تحاجي ماكدرت اقاوم بعد
غمضت عيوني وكعت مغمى عليّ بين اديهم ..
يتبع ..
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.