رواية الموروث نصل حاد – الفصل السادس والعشرون
♛ 26 ♛
وارث : خليتك تحچي صار دوري ، تراث اخذ
ابوي وروحوا ارتاحوا دقايق .
كف ايده مني وبصوت يدوي صاح
_ وحق الله انا زلمة ماعندي لحية مسرحه
هساع اوگف بنص هل زلام واشهرك شهيره .
وارث : اشهرنا بس خلي بنت اخوك بين عيونك
اذا على اخوي انا نهيته وسلمته للدولة
واذا بعده ما تاب انا وياك نستلمه
بس مُـرجانـة لا تسمعهم وتمسّ البنت كلمة مو خوش
وحگ علي ما اتحمل اموت اذا تتضرر سمعتها .
ضـلـيل : هي ****** مسوي روحك تخاف عليها
يول انتَ واحد ****** تريد تبيعهن بررراسي
دارس امثالك وحافظهم ودايس راسهم بالقندرة
وانتَ هم راسك بالقندرة أدوسه .
وارث : والحسين البنية بين عيوني مصبر روحي
بالواسطات ، احترم نفسك وعگالك واعرف شلون
تحجي ضب لسانك ترانا كلنا عدنا لسانات
ونعرف نعد ونصف مسبات .
قبض ايده يريد يضربني الزلم صاحت صوت واحد
ما قابلين على عصبيته راد يروح اعترضت طريقة
وجهه صار يبث غضب ويتوعد
وارث : بعيداً على مشاكلنا انتَ سامع عني وتعرفني ؟
ضـلـيل : واحد گ*** .
دست على روحي على ما ادوس بمصارين هل همجي
ضـلـيل : انطيها من الأخير ما اموسح على گلبك
انتَ مو گدها دخيلتك طلعت من بيتك مو سالمة
وهاي عيبه ترافگك طول عمرك .
وارث : چا انتَ لو سبع ما حميتهااااااا
لو تحبون تبيعون مثاليات براس العالم
وانتواااااا تاريخكم يتفل عليه الچلب .
ضـلـيل : لا يا چلب .
وارث : اسمع شيخ بعت مثاليات هواي
ولغيت زايد ، انا مو غشيم ولعباتك دارسهاااا
لا انتَ ولا عشرة مثلك يلعبون على واحد مثلي
عندي تقرير طبي كامل من دكاترة اثنين يثبت
مُـرجانـة تعرضت للضرب والذبح ، سالفة اغتصبها
مُـرجانـة بعدها بنت طاهرة ماكو غيري لمسها
وتگرب منهااا ، وهم ما تجرأت اتگرب منها
غير بعد ما سجلتها على اسمي حرمتي مرتي
وبشهادتك وانتَ سمعت العقد مو شرط تحضر
المهم تسمع وشاهد ويانا على خطططط .
تنفست بصعوبة وكملت والقهر اكل گلبي
وارث : مُـرجانـة غصب عنكم كلكم حرمتي
وانا اجيت حتى اردهااااا مو اخطبها
بس تقديراً لمرجانة ردت تطلع زفتها من بيتك
تبيع استشراف بررراسي وحگ ابو راس الحاااار
اخذها من نص بيوتكم لو تخليها بسرررداب
اطركم وارجعها عندي وبعد ما تنول
خيالهاااااا عمرك كله خيالهاااااا ما تلمحه .
ضـلـيل : وين التقارير ؟
وارث : عندي بالأراضي تريد انتَ تدخلها
تشوفهن ، لو أتعنى واجي وبيدي التقارير وانا الممنون .
ضـلـيل : ومنو يثبت هل تقارير مو مزوره ؟
بعد انتَ دكتور وكلها بالمستشفى ربعك منك وبيك .
وارث : مثل هيچ تقارير ما تتزور ، وانا طلبتهن
مو اثبات لااااا وراس امي طلبتهن حتى اتأكد
من سلامتها من خوفي عليها بنتك مُـرجانـة تعنيلي
گلش هواي تعنيلي روحي صارت بيها .
ضـلـيل : وسالفة الحمل ؟ منك لو من اخوك ؟
وارث : البنية بعدها طاهرة مثل ما دخلت
اراضينا طلعتهاااا مثل ما هي رجعتهاااا
بنية بنت بيووووت شريفة والله .
ضـلـيل : ناخذها فحص ونتأكد .
وارث : انا مااااا اقبل ابددددد .
_ مو بكيفك .
_ هيچ فحوصات راح تأثر على نفسيتهااااااا
كف الشرررررر عن البت وكاااافي شيخ ضـلـيل .
دفعني ورجع ترأس المجلس وصوته جلجل المكان
شيخ ضـلـيل : كل الأحترام والتقدير لكل شيوخنا
الحاظرين مجلسنا ، والرتب الموجودة على راسي
ونورتونا بوية جيتكم هاي عزيزة وعلى راس
بس بنت ماعندي ينساها هينووووب .
واحد من الشيوخ ما راضي اعترض كلامه
_ مع جل احترامي لحضرتك شيخ ضليل
اقاطع كلامك ، البت حرمتو شلون ما تنطيها
وبأي حق ابن عمها ينهي عليها وهي على
ذمة زلمة وزلمتها رايدها وجمع هل وجوه الطيبة
حتى يردها تحت سگف بيتووو ؟
مقتدر : العقد منتهي رحت وبطلتو
واذا بيها اشكال هذا شيخ كريم هو يفك
العقد هساع ، ابن عمها هاويها ويريدهااا .
الشيخ : شلون هاويهااا بوية هاي
عليها دم البت حرمة وارثنااااااااا .
لزمني ابوي اريد اذبحه وحق علي فرفح روحي
شيخ ضـلـيل : السالفة اختصارها عليكم يا خوية
بغلط من عدنا وانا وكل عشيرتي معترفين بي
وطلع هل موضوع وصار معروف بعد ، طلعت البنت
دخيلة ودخلت اراضي هل موروث ، وبعد مشاكل
عقد عليها المنبوذ ، بس هل عقد مو بوجودنا
عمامها ماكو والبت بعدها ما بالغت لازم بحضورنا .
مقتدر : العقد باطل دام مو بوجودنا
واذا مو باطل نبطلو ابن عمها يرررررريدهااااا .
وارث : هاي جدام كل الشيوخ يا ضـلـيل انتَ
واخوانك وهذا النافخ روحه بصفك ابو النهوه
وحق الله اذا تتلفظون بعد بيها واحد بيكم يگول
هاويها ادوس على ضيافتكم واگوم ما اخلي
واحد من ال ضـلـيل صاحي ويمشي على رجله .
شاهين : تمنيتك مو بضيافتنا بس وسفه
متعلم ما اضرب الضيف بحضور الشيوووخ .
تراث : جانك زلمة اطلع برا المضيف شوفنا رجولتك .
شاهين : يلة هلا بيهاااا اليوووووم الدنيا احرگها بيكم .
طلع الچلب كفيت ردن قميصي وانا امشي
يمنعوني من الضرب ، قفلت عليه اول ما وصلت عتبة
الشارع غدرني ضربني بوكس بنص وجهي
طفت عيوني ، لويت بدلته العسكرية بيدي
ورجعتله الضربة ، وهو يرجع يضرب
ما يستسلم ولا انا عفته لزمت راسه طگيته
بالسيارة وهوَ قبض ايده وضربني على گلبي بكل حيله .
رجعت عصرت ايدي واكثر من ضربة ضربتها
على گلبه ، بگد ما ضربته ايدي خدرت من الوجع
تدخلوا الشيوخ والمنطقة صارت هوسة
رفع السلاح بوجهي ترس وجهي وصاح
_ طلگهاااااااااا .
وارث : لو صدك زلمة سويها واضرب واهدر
دمي صير گدهااا يلة .
مقتدر : طلگهااا جدام الشووووخ .
وارث : مو ما معترفين بي ليش تريدون ارمي اليمين
تعرفون العقد مضبوط حسب الأصول وشيخكم شاهد
بعد لا تسرحون بأفكاركم دام سجلت بنت عابد
على اسمي للموت تظل على اسمي
للموووووووت على اسمي .
برز ضـلـيل من بين الشيوخ من بعد هل هجمات
والمسبات نزل السلاح من ايد شاهين وغمض عيونه
بمعنى ” خليها عليه ” و بصوت مسموع صاح بالكل
_ شيوخنا يابا ابوي علمنا اكرام وتقدير الضيف
حتى لو فايت مضيفنا وياه اعدائنا ما تطلعون
بلا ضيافة خدمتكم واجب وغداكم جاهز
تفضلوا على مضيف ال ضـلـيل .
قلب الطاولة وكسب الشيوخ بعد الأهانة الصارت
رحت عنده من ربعه صاروا معازيب يتوسلون
بالشوخ يفوتون على مضيف ناصبين صواني
وحدتها متر وعليها ذبيحة بكبرها مخليها
وشبابهم ينگلون بيهن ركض يرتبوهن بالمضيف
عبرتهم صرت قريب منه صار شاهين بيناتنا
وارث : محترمكم الخاطر حرمتي عدكم ومنكم وبيكم
بس دام رايدها حرب انا جاهز اشوفكم ابن ساجر
شنو يطلع بيده هو واخوته ، اخذها كلمة مني
يا شيخهم راح ارجع اخليك تتوسل بشكو واحد
طاوعك حتى بس تشوفني مو ابن ساجر ينهان وسفه
من هل ليلة اعتبر كل مصيبة تصير وياك ابن ساجر وراها .
طبطبت على اكتاف شاهين وبلغته
وارث : ودع ماما وبابا انتَ ايام معدودة ومودع الملاعب .
شاهين : ههههههه بعدك ما تعرفني انا تربية
شيخ ضـلـيل افرك بتك اصبع وحگ الله
كل فعل يبدر منك الك مني ومن كل نفر
من ال ضـلـيل رد فعل دبل فعلك ما نسكت
على عيله لو على گطع رگبنا .
وارث : والله لا اعدد بتاريخكم اكسرر خشومكم العالية .
ضـلـيل : امشي **** مو انعل **** وانعل ابو ابوك
لابو كل موروث بيكم خاب لا تحچي عار افعل لا افعل
بشيب الخلفوكم وادگ مصايبي بيكم مواويل
ارهبك وارهب عشيرتك كلها من چبيرها لصغيرة
بحرف مني يا ***** يا ابن الچلاب .
وارث : خلي كلامك هذا يفيدك هل كم يوم وتذكره
راح اتگلب عليكم ما تلحگ اخليك من يا صوب اطرك
مصيبة وهذا عهداً عليَّ شاربي ازينه اذا ما اخلسكم
وشاربي عزيز عليَّ مو مثلكم مخلي شواربي ديكوور .
يريد يهجم شاهين بس هذا الچلب ضـلـيل ما ادري
شلون يتحكم بأعصابه خاطر ما يتفشل جدام الشيوخ
وصار شيخ فؤاد امام امر الواقع ودخل وياهم للمضيف
ودفعني طلعني انا وتراث برا المضيف
شيخ فؤاد : انتظرنا هنا برا لو ترد للأراضي
انا بس يخلصون الشيوخ نستلمهم انا واسمر
حتى نخلص عيب منهم جايين ويانا
ضـلـيل عنده ملعوب هذا دام دخلهم
مضيفه وضيفهم معناها اكو لعبة
تنحاك وراح يلعبها صح ويلعب
بينا كلنا على مرامه هذا شيطان
اذا اغتاظ من شخص يكرهه بحياته .
هزيت راسي متوعد وطلعت من اراضي ال ضـلـيل كلها
وتراث ما عافني ، دخلت اراضينا وسديت البوابة
وبدون تردد خابرت على اخواني كلهم ساعة ودخلوا
الأراضي كلهم مستعجلين اولهم بيرغ دفع باب مكتبي
وفات يتفحصنا انا وتراث بنضراته
بيرغ : شصاير ؟ ياهو وياك ؟ ليش ترجف ؟
وارث : ال ضـلـيل ما يسلموني مُـرجانـة بعد .
همام : واذا ، اكيد ما ينطوها لشخص يكرهون طاري اسمه .
وارث : اسلمها الك من الأخير ؟
بيرغ : احچي وارررررث ؟؟
وارث : انا احب بنت عابد ورايدها
هي حرمتي تزوجتها بموافقة عمها
بس اليوم بالمضيف يگلي ما معترف
بالعقد وابن عمها ناهي عليها .
نظرات التعجب احتلت ملامحهم
ضرب بيرغ على مكتب وصاح
_ جنت بمضيف ال ضـلـيل ؟
_ اي انا وابوي و…
قاطع كلامي وضحك بقهر
بيرغ : انتَ وابوك فؤاد واخوووووووك تراث
اخوووتك اولاد فؤااااااد كلهم يعرفون رايحين
وياك وفازعين شيوخ ورتب ودنياااا مگلوبه وتهديدات
وضرب وجهك مزورگ ، واحنا اخوووتك اخر من يعلم ؟
تراث : اعصابك خوية بيرغ شسالفة ماكو فرق .
بيرغ : لا والله اكووو فرق والفرق اخووووي
ما معترررف بينااااااا ما يتشرف اخوتو
يعرفون ويحضرون ويسندون ظهرو
نافي اخوتووو نافيهمممممم .
سَــهم : حتى انا ما اعرف بيك ، هيچ احنا مو بعينك ؟
نزلت راسي من سمعتهم وحقهم
همام : وهسة من انسدت بوجهك والطيب
ما ينفع ردتنا نهجم بالصعب .
تراث : خوية شافكم مشغولين ما راد يدوخكم .
همام : وانتوا ما مشغولين فارغين لوارث ؟
واحنا مشغولين مووووو ؟ شعدنا نحرث ؟
گاعدين هو داير شغل ارضينا ويعرف لو يمر
بي التعب يمرنا كلنا حتى لو نتعارك مررررررات .
شغلت جگارة وگعدت على كرسي المكتب اتذكر
من اجت هنا جانت خايفة لان عفتها بغرفة وحدها
بعيد عن الأراضي شگد غبي اناااا خليتها وحدهاااااا .
ومن اجت هنا گعدت على هل كرسي صافنا بمشاكلنا
بيوم ما تعارك بيرغ وملِكه فتحت الحرار طلعت
ورقة بيها خطها من جانت تكتبلي قريت كلامها
ابتسمت دمي يغلي تعبت جريت التلفون
لا مكالمة منها ولا اتصال حتى ، وغيابها وخوفي
هي تنساني اصعب من الصار بمضيفهم .
همام : هاي جدامك تررراث دحچ شلون محروك
دمنا وهو بااااااارررررد يبتسم .
دفر بيرغ الباب وطلع من الأراضي كلها
وهمام ابتسم مقهور وطلع وراه مباشر
سَــهم : لو تعرف شگد نعزك ما تنبذنا .
تراث : سَــهم لا تزيدها على اخوك .
سهم : انتَ بهاي تصرفاتك راح تخسرنا
تنتقم من ابونا بينا مثل ما نبذك
انتَ اليوم بكل افعالك تبين انتَ نبذت وتخليت
على اخوتك من لحمك ودمك ما تريدنا وياك
يا حيف وحق الله بگد ما نعزك وانتَ هيبتنا
بس موقف بعد موقف تثبت النا كلام خلف صح
انتَ تكرهنا كلنا ، ومجبور بينا الخاطر تنفذ شروط
الوصية وتحصل ورثك الكامل وتشمرنا بالشارررررع .
طفيت الجگارة بنفس اللحظة اللي طلع بيها
وارث : جنت محسب حساب رد فعلهم
وادري ما بيدهم شي هل ليلة انا استلم ال ضـلـيل .
تراث : انتَ ماشي على غلط تراث صحصح
احنا اخوتك بس هذولي سَــهم وبيرغ وهمام
حزام ظهرك اذا تظل على هذا تعاملك وياهم
يفوز بيهم خلف وانتَ تخسرهم .
وارث : بيني وبينهم وصية يكملون شروطها
وملتزم بيها انا بعدها الله وياهم ومحمد وعلي
لا اريدهم ولا اريد خوتهم .
ما راضي تراث وبداخلي انا هم مو راضي
بيه غلط وهوَ ما اعترف ولا اعرف اعترف بغلطي
ولا اگدر اثق بأي بشر بسرعة وانا ثقتي بأخواني معدومه .
اربع ساعات مرت تراث دخل انذار شيخ فؤاد
مختفي وحتى تلفونه ما يرد عليه اول ما طلعنا
نشوف وين راح طبگت سيارته ما قبل ينزل
_ وارث بوية انا ما مرتاح لضليل ولا ربع ضـلـيل
اخذوا حذركم منه ، خلي تراث عندك هو واخوته
من الأراضي لا تطلع وأمن بيت العايلة .
تراث : لا يظل بالك بوية توكل رد للبصرة .
بقينا ليلنا كلنا نرسم على اراضي ال ضـلـيل
ندخلها نريد ، الثاني يوم خابرنا شيخ فؤاد يصيح
_ لك وارث هذا بيررررغ اخووووك شمسوووووي ؟
_ شمسوي ؟
_ مصيبة لك بوية مصيبا وطاحت على ال ضـلـيل .
مُـرجانـة ..
بأيد ترجف شربت من گلاص الماي وهمست
_ نقش ماسمعتي شي شصار وتفقوا لو رفضوا .
نقش : عفاف خابرت امي تگول راجع شاهين
للبيت مطاحن صاير هو وعمو ضـلـيل بالديوان
الخارجي وعمو ضـلـيل لازم شاهين ضاربه
وتمار متعارك وياه ما اعرف ليش ، وحتى ام
شاهين تگول داخله للديوان مال عمو ضـلـيل
وصايرين هوسة .
مُـرجانـة : ما يهموني لچ اقصد وارث .
نقش : طاردي طبعاً شبيچ كل عقلچ عمو
ضـلـيل راح يوافق عليه هسه لو مو يجيهم
برتل لو سبع الاف رتل ما ينطي غير يموت منه .
غـاليـة : وين هذني الأثنين ولچ نقششششش
مُـرجانـة وينكممممم مختفيااات اليووووم .
نزلنا نركض اشرت على مطبخ هوسة
رتبنا واني عقلي مشغول رحت على نقش وهمست
_ عادي اخابر وارث .
_ صايرين دم وين تخابري ويروح انوب
يگول للشيوخ تتواصل ويايه ويصير الكتل
والضرب عمل شعبي من كل صوب يملخونه تملخ .
گعدت على كرسي ودگيت رجلي بالگاع
مُـرجانـة : اووووف اووووف اريد اخابر وارث .
نقش : ما تسكتين وتبطلين سوالفچ .
مُـرجانـة : عادي اسأل سؤال ؟
خلت المواعين بمكانهم وجاوبت
_ اي اكيد عادي .
_ بس لا تصيرين عصبية حبابة .
شفت باب غرفة امي مسدود وسمعت جوابها
_ لا وعد احچي .
_ شلون اعرف نفسي احب شخص ؟
جرت كرسي واجت بصفي مبتسمة
نقش : السؤال الصح شلون تعرفين نفسچ
تحبين استاذ وارث الموروث چبير الموروثين .
ملت راسي واحس الدمعة مدري
شبيها صارت بطرف عيني
_ اي مو شوفي من اسمع اسمه گلبي يدگ قوي
واذا اشوفه احس طيور اجت شالوني الطيور وطيروني
وبطني تصير بيها برق وشايفة گلبي عبالك
يريد يطلع من مكانه ، وتطلعلي شخصية ثانية
انوب شوفي نقش اصير ما اعرف احچي ولساني
يصير ثگيل وجسمي يصير حار وخدودي احس
بيهم نار ، عليچ الله لا تصيرين عصبية عادي اكمل ؟
خلت ايدها على خدها واستندت على ميز
نقش : كملي عيني كملي .
_ واذا صرتي عصبية ازعل عليچ والله
وارجع اقفل باب غرفتي واعتزل واخوفكم .
_ دكملي لچ عود هم تعرف تهدد .
قربت الكرسي يمها وهمست بخجل
مُـرجانـة : نقش گلبي يدگ سررررريع سريع
من يحضني ويبوسني وبوسته دافية وريحته
طيبة وكلماته فد حلوة وعيونه تصير تلمع
عبالك هيچ ما ادري شنو .
هزت ايدها بس اني لساني بعد خرطهن
_ واحس باعي هو كلشي
يسوي حتى اظل قريبه وفد يصير يرجف وشفايفه
ترجف بس يباع على وجهي وتروح هل الرجفه
من شفته كل ما يبوسني واحب من يضعف يگول
اضعف بيدچ احب من يضعف والله ويصير
ما يتحكم بنفسه واني هم ما اتحكم بعد اتمنى
دائماً يظل يمي ويحسسني بالأمان احسه جنتل مان .
بقت على نفس ابتسامتها بس اقتربت اكثر مني
اخذت ايدي بين ايدها وفهمتني
نقش : اي بنية بمكانچ تشرد للمجهول وتصير بوسط
عالم چبير يخوف وكلها ضدها ودخلتي عليه
دخيلة وهو حاول يحافظ عليچ منهم وصار مصدر
امان وحسب ما عرفت هو حنين وياچ ويتعامل
بأحترام اكيد راح تحبه بس لا عبالچ حب هذا
الحب والعشق لاا لااا الحب شي مختلف .
برطمت شفايفي مستغربة واستمعت الها بكل اهتمام
نقش : ولو بمكانچ اني هم اتعلق
بس تدرين اذا تعوفي شهرين زمان تنسي
لأن رجعتي بنص اهلچ ، مُـرجانـة انتِ وارث
ابد مو راهمين اكبر منچ ب14 سنة افكارچ
تفكير مراهقة هو تفكيرة تفكير زلمة كبير
حتى اذا تحبي ويحبچ هل حب ما يدوم
ولا يستمر افكاركم تختلف اختلاف جذري .
عدلت شعري ببدها وگالت
_ ادري شفتي بي اهتمام واهتمام انتِ مفتقدته
من ابوية ، انطي لنفسچ فرصة لا تظلمين روحچ
ويه شخص اكبر منچ فدوة انسي حبابة انسي
وعيشي بين امچ واختچ ترا الحب مو كلشي
ولا الزواج كلشي بالحياة ، الزواج قسمة
خلي ربنا يرسم قدرچ بشي يناسبچ
واذا وارث قسمتچ بيوم راح تنجمعون .
مُـرجانـة: يعني بعد حتى ما أخابره ابد ؟
نقش : اي ابد لا تخونين ثقة امي بروح بابا
امي عدها ثقة بينا وتعبت علينا لا نصدمها
اذا بيوم طلع الموضوع وعرفوا عندچ تواصل وياه
راح تكون هي اول بشر ينلام وتتعاتب .
مُـرجانـة: انتِ هم تحبين نقش ؟
نقش : كلنا نحب بس الظروف والقسمة مرات اكبر منا
اختچ تحب شخص لو اموت امي ما تسلمني بيد عائلته
وهذا اكبر سبب يخليني احتفظ بحبه بگلبي سنين .
مُـرجانـة: وهوَ يحبچ ؟
نقش : اكثر من حب ابوية الماما بس يخاف يعترف .
_ يخاف من منو ؟
_ من رد فعلي وهيچ احسن اني بنيت
هل حواجز بيدي صار سنين حتى مايدخل
الحرام بيناتنا لأن انا وياه بالحلال من المستحيل ننجمع .
فزت من مكانها بس سألتها على اسمه
وراحت تغسل بالگراج ، مشيت على غرفة
امي شفتها گاعدة تعدل بملابس ننوس
غـاليـة : تعالي ولچ عيونچ تسولف قبل لسانچ .
حكيت راسي وگعدت بقابيلها على چرباية .
مُـرجانـة: تحبيني ؟
_ هههههههههه صدك تحجين ؟
_ اي والله تحبيني ؟
_ لو تطلبين روحي ما اعزها يمه .
مُـرجانـة : اريد اصير حلوة وشكلي چبير .
رفعت نظرات استغراب وحاولت تفهمني
_ ليش ؟
_ اني مو لوني ابيض اريد شعري اصفر
واشتريلي حمرة مثل نقش واريد عطور طيبة
مثل عطورچ هاي للشعر للجسم وللملابس
وسويلي وجهيّ مثلچ محفوف مابي شعر
واريد حاجبي يصعد هواي مثل السيف .
جرت القراصة من شعري انفتح على طولة
_ ليش تخربين جمالچ ماما شعرچ
لونه كستنائي فاتح بلون حاجبچ
اذا تصبغي بعد ما يرجع ويصير نشاز
هو والحاجب وعيونچ لونها مقارب هم ما ترهم .
رفعت خصلات نزلت على عيوني وهمست
_ والباقي ؟
_ اخذچ للسوك انتِ اختاري عطورچ
واشتري عناية بكيفچ بس حاجبچ ما تلعبين بي
هوَ خفيف ومرفوع تخربين البرائة اللي بوجهچ يمه .
هزيت راسي اخذت بكلامها واقتنعت
وهم يمكن وارث ما يقبل عود من احجي وياه اشوف
مُـرجانـة : شوكت نروح ؟
_ ههههههه والله يا يمه يا مُـرجانـة ياريت
برودچ عندي الزلم صايرة مذابح علمودچ
وانتِ تريدين تصبغين وتحفين وتشترين عطور .
مُـرجانـة: يا زلم ؟
_ عمامچ يمه تخيلي اخابر ضـلـيل ابلغه اريد
اروح وياج للسوك نفتر ونشتري هيچ شغلات
وهوَ صاير مطاحن هو والزلم .
دخلت نقش تضحك وترد بضحكة
نقش : يطر طريق الغربية البغداد يسويلنا
مكياج طبيعي ازرق اصفر بالوجهه والجسم
والعناية بدل المقشرات نستخدم معقمات
حتى نلفلف الجروح الناتجة عن غضب شيخهم .
غـاليـة : لا الضرب بالله شحده عوزها يضرب شيخهم
بس لسان البارود من يرن ويعزف على اوتار
المسبات يشعرر هذا ماعنده استوب ولا لحيه مسرحه .
تمددت على فراشها دافي اسولف وياها
واخذتني السوالف وبلا ما احس صرت
احچي عن وارث وشلون ينطيني حلويات
ويشغل التلفون وهو يشتغل واني انام
ومن ابچي ينقهر ويگول دخت عضت
شفتها واصبعها وعاطت
_ نقشششششش اخذي مُـرجانـة جهزوا اكل
بسااااع ولچ لا تهيج الشقيقة يبوووو يبوووو .
سويت المقبلات ونقش تفتر بين الطباخ
وبين ننوس ، رتبت ميز الطعام گعدنا
كلنا اول ما خلصنا فرشت ننوس وصلتها
وجابت السلة مليانة ملاعيب طشرتها بكل
الاستقبال خلت وصلتها بيني وبين نقش
مالت راسها وبدلع تحچي تتوسل
ننوس : لعبون ويايه ؟
نقش : توني اكلت وراسي مصدع امشي مني .
مُـرجانـة : اريد انام اني نعسانه .
وكفت رفعت ايدها وركضت للغرفة
ورجعت بيدها التلفون وفاتحة الصوت
يسوي طووووط طووووط يرن وجهي صار
قنفذ من رد وصوت ضـلـيل يدوي امي راسها
على مخده من سمعته گعدت على حيلها
ننوس : الو بابا .
سحلت امي نقش من ملابسها وعضت شفتها
غـاليـة : ولچ هاي هي خابرته ؟
نقش : اي الخايسة بنتچ الحقيرة .
هو اول ما سمع صوتها ذب نفس ومبين
من انفاسه وطريقة كلامه گاعد يرجف من العصبية .
ضـلـيل : بعددددددين اخااااابر بابا ننوووس .
ننوس : لا اسمع .
باوعت على تلفون مسدوده المكالمة شمرت روحها
بالگاع وبچت بصوت عالي وما خلتنا نلحگ
نركض عليها خابرت مرة ثانية اول ما جاوبها
بچت بصوت عالي وتصيح عليه
ننوس : بيك تلوح مني ما اسمعني هبيبي .
صوت كوثر وشاهين وتمار كل عمامي
واضح ومسموع يرن بالمكالمة واضح
العركة شكبرهاااا وهو گاعد بوسطهم يتعارك
لأن ومن صوته مبين مبحوح على كم العياط
ضـلـيل : شبلاچ بووووية ننوس وكتها هسااااااع .
ننوس : بابا اريد العب .
_ ما تلعبين بوية كضيت عليچ لعبة .
_ مو نقش ومرجانة الزمالات ما لعبون ويايه .
عضت امي اصبعها وتهز بيدها بمعنى ” بسيطة ”
ننوس : وماما تريد تضربني تگول بسيطة .
ضـلـيل : ما يلعبن شبلااااااااااهن .
ننوس : تعال انتَ العب ويايه بابا .
ضـلـيل : هساع من احرگ روحي احد يلومني ؟
جرت نقش كوب العابها وشمرت قوري ومشط
وگعدت على وصله تقنع بيها بلغت الأشارة
حتى تسكت وتعوف المكالمة احسه راح يطلع
من التلفون وقبل لا يجاوبها جمدنا كلنا من صوت
كوثر : اخووووك ينززززززف ولك ماكووو بگلبك
رحمه عليمن يول ذبحتهممممم على منوووووو
على وحده ****** بغ……
غلق المكالمة قبل لا نسمع وبقينا كلنا مذهولات .
عرفت امي بقت بقلق بس ترددت من رد فعلي
وبقت گاعدة بمكانها بس ولا گدرت تنام
تباع علينا وبالها عنده وهذا اكثر شي يقهرني
لعبنا الى ان تعبت ست ننوس اخذتها امي
وراحت هي وياها للغرفة ، صعدنا على غرفتنا
بعد ما خلصنا فلم اني ونقش رتبنا كلشي
وكل وحده نامت على چربايتها ساعتين
ونسمع صوت امي من جوا تصبح
_ عززززا يا يمههههه شلوووون ماتت شلووون .
كمزت نقش من فراشها ركضت وراها
نزلنا على امي نريد نعرف
نقش : شكوو يمه منوو ماتت .
غـاليـة : عفاف ماتت .
حجتها ونزلت دموعها على تلفون تخابر
_ شاهين انتوا وين ؟
_ بالمستشفى شيخة .
_ ضـلـيل وين .
_ منتهي عمي .
خلت ايدها على راسها تفتر بالبيت
_ عليك الله تعال اخذني حلفتك لا تردني .
_ ما اگدر اتصرف بكيفي والله
ولا اگدر اخذ منه كلمة لان فاقد ما يحچي
وصاير عصبي نار اذا احچي وياه يكفخني .
گعدت بالگاع من وجع راسها وصاحت
_ والله ما اخلي بحچي وياك خليني
اودعها تعال الله يخليك فدوة اروحلك تعال
احلفك بعزاز گلبك لا تخليها بنفسي وتعال .
_ تم شيخة مسافة الطريق ويمچ .
سدت الخط وانهارت بچت ولطمت
لزمت ايدها اني ونقش نحضن بيها
غـاليـة : جانت تحجي ويايه والله
من فتت خابرتها اريد اعرف شصاير گالت گلبي
يوجعني على ضـلـيل المشاكل كلها على راسه
گالت كون انطي من حيلي واسنده جانت تحبه
تحبه عبالك مو زوجها صديقهاااا وهوووو
معتبرها صديقته راح ينهدم بدونها
هو ما يعرف يفضفض بس عدها
من يتعب يروح يمها يشكي همومه
راحت اخخخ گلبي راحت
هووو ليش الزين يرررروح ليشششش .
دموعها تصب ونقش تبچي وياها
جنت ابچي على امي ما بچيت على
عفاف ولا انقهر على اي شخص من ال ضـلـيل
حس كلبي مورم منهم وكلهم حاقدة عليهم
وكفت تجر بروحها لمت ملابسها وصاحت
_ جهزوا ملابسكم تروحون ويايه .
بقيت بمكاني اباع على باب غرفتها
غـاليـة : مرررررررررجانة لا تصفنين امشي .
مُـرجانـة : خلينا هنا انا ونقش .
ردت نقش وهي تركض على درج
_ لاااا اريد اروح اشوف عمي ضـلـيل
اكيد هسة يحتاجنا عنده ميصير نعوفه وحده
هو مو يوگف ويانا من نوگع بمصيبة
صار لازم نردها ونوگف نسنده گلبي ممرود عليه .
هزيت راسي متعجبة على اختي وتعلقها بي
صعدت حتى اتوسل بيها فوك حتى امي
ما تسمعني ، توسلت الى ان تعبت وبعدها قفلت
مُـرجانـة: راح تاخذين تلفوني وياچ ؟
نقش : تريدين يذبحونا بالله شافوا عندي
والله يورطوني انا وياچ نروح بالرجلين .
مُـرجانـة: شگد أكرههم الحقران .
قبل لا يصير الفجر وصل شاهين
متحزم لابس دشداشة لون اسود ولاف غترة
على وجهه منگب تنگب وعيونه حمر تجدح
يخوف عبالك ابو الحيوان الچلب ميت .
استقبلته امي ماقبل يدخل
غـاليـة : البقية في حياتكم .
شاهين : الغالية حياتچ الباقية ، نتوكل ؟
غـاليـة : البنات يجون ويايه .
شاهين : عجل شلون ضروري وياچ يروحون
قابل يبقون وحدهم بالبيت بعد انا منا للسابع
ما افرغ ارجعكم لازم اعزب بالفاتحة هو من هسة
مناطقنا احترگت حرگ العالم صارت نمل .
رجعت امي تقفل البوب طلعتنا اني ونقش
اول ما شافنا عبالك الولد انتل دار وجهه
على شارع وطلع بسرعة من البيت والجگارة
بيده ينفخ بيها وصوت سحب النفس ومن يذبه
مسموع ، درت على نقش متعجبه عيونها فاتحتها حيل
نقش : هذا شبي صاير حتى ما يسلم ؟
مُـرجانـة : ولا يسلم فد نمونه الخايس .
هزت راسها مو راضية وطلعت للشارع
وكفت بالباب صاحت وضربت ظهره
نقش : شبيك صغير ماتعرف تسلم اعلمك ؟
التفت عليها اني من يمي خفت من گد ما
عيونه صايرة دم وشرايين طاگه براسه متشنج
ما رد ابد ولا نقش تنفست ، عبالك متعذب
حتى النفس ما يگدر يسحبه صفن بعيونها
صفنه طويلة عبالك واحد منتهي بعد وخسران .
من طلعت امي عافها وصعد بالسيارة ، صعدنا
انا وياها وامي وننوس بصف شاهين تلفونه
ما وگف على طول الطريق يحچي مكالمة
ولا هدأت مكالماته شي بعد شي ، اخر مكالمة
قبل لا نوصل عرف وينهم
شاهين : شيخة كلهم بالدفن راح اوصلچ
على بيت العايلة واروح عليهم .
غـاليـة : لا اخذنا عليهم والله فلا اروح على بيت .
شاهين : دخيل الله استري علينا .
غـاليـة : شاهين لا تتعب رجلي على رجلك اروح
وياك على دفن يعني اروح على دفن خلصنا .
وصلنا على مقبرة اول ما نزلنا من السيارة
سياراتهم شفناها سدت الشارع كله من الطول للطول
لمحتهم كلهم من بعيد احس گلبي صار بيدي
مُـرجانـة: هاي نفس مكان ابوية ؟
دار شاهين فاتح عيونه مصدوم
عبالك واحد هسة استوعب صار بمصيبة
شاهين : وحق الله يدفنه بصف عفاف اسكتي .
غـاليـة : اي هاي صدك نفس مكان عابد ؟
بلع شاهين ريگه وغلف وجهه كله بالغترة وصاح
_ طرگاعة على راسك يا شاهين شمرت روحك بتهلكة .
ركضت بكل سرعتي عبرت كل القبور
صار سنين ما زرت ابوية ولا شفته حرموني منه
وانا اركض صدت عيوني بعين عمي ضـلـيل
لابس دشداشة لون اسود وملفوف وجهه مثل شاهين
نزل الغترة من وجهه اول ما شافنا ، والعالم داير
ما دايره والتراب تارس ملابسه وايده من الدفن
دفنها بيده ، عطت بعلو صوتي ودموعي تسيل
مرجانة : يوووووووووووية هذاااااااا ابووووووية .
قبل لا اوصل ركضوا تمار وابنه علاء واولاد مقتدر
اثنين واحدهم شكبره حتى يوصلون
يمنعوني اوصل وابچي على گبر ابوية
لا يزعل اخوهممم ضليل ، وكفت وعيني على
قبر ابوية بعد خطوات قليلة واوصل عنده
وبيني وبين قبرة عمامي صاروا ، فزيت
ورجعت للخلف كم خطوة من تقدم ضليل
يمشي بحيل صدر خليت ايدي على راسي
من وصل عندي خايفة وهمست بخوف
_ اريد ابوية .
خذني بحضنه ، عمي حضني ، لفني بيده
ضمني على صدره ، ايده على ظهري تمسح
حسيت حايط عالي صار بيني وبين عمامي
وهل سور ضـلـيل ، بين ايده رجلي بعد ما تشيلني
وجسمي صك رفعت نظري اريد استوعب
كأني بحلم مو حقيقة مذهولة انصعقت والله .
خلاني تحت سور حمايته بظهره ولتفت عليهم
تمار : يا عيبة العيبه انشهرنا الشيوخ
العالم منااااا فاتت علينا هل دايحة العايبه
ام الشوارع ام الزلم بدال ما نهدر دمها
داخله رافعه الراس وصوتهاااا طالععع .
علاء : جيبها ادفنها هين بصف ابووووها .
لزمت بدشداشته حيل وختلت بظهره ايدي ترعش
ضـلـيل : راح اوگع حيل ماعندي بعد انتهيت
روح ولي هناك تمار اخذهم وروووح هناااااك
الوادم عيونها علينا لا تخلوني سالفة بالسانهم .
ضرب تمار على وجهه يلطم بكل حيله
تقربت ام ضـلـيل بكل شموخ وكفت بحيلها صاحت
_ شني براسها بنت ذياب واجت هي وبناتها
لازم حنت ولگتها فرصة تدخل لقبر وليدي
عابد اشتاقت للباع اهلو وحصلها .
الدفان يدفن وشاهين صار بوسطهم
شاهين : فضحتونا لا يطلع صوتكم العالم هنا
انتِ ما تخافين على ابنچ ما تحسين راح يوگععععع
هو بحال مشاكل عيب وحق الله عيب .
تمار : تمنيت عندي ايد لا اسحلك وادفنك هين والله
عار ركض عليهن جابهن مثل الخدام مسوياتو
جايب وحده عايبه شبعوا بيها الزلم وجايني .
ضـلـيل : تمنيت ماكو عالم والله لا اعت هل لسان
اخلي وجبة للچلاب يا چلب روح من وجهي
لا بارك الله بيك من عارررررر خلي تفض
واشوفك منوووو ياعب بمنووووو سگط .
شدني من ايدي اكثر وهو يمشي گال
ضـلـيل : روحي على قبر ابوچ اريد زلمة
ابن زلمة بيهم يثبت رجولتو ويتگرب
يطخ خصلة من شعر راسچ والله لا انعل خيرهم .
قبل لا امشي بدون ما يلتفت
وحتى امي ما تصير بين نارين صاح
_ بنت ذياب روحي عند بنتچ خليها تشبع من ابوها .
قبل لا توصل امي شمرت روحي بلا وعي
على القبر حضنته بكل حيلي وعاتبته
مُـرجانـة : يا حبيبي يا بوية يا گلبي
يا سندي يا بعد عيوني يا بوية حاچيني بوووية
تعذبت يابه مكسووور خاطري مهدود حيلي والله
سمعت اخوووووك يااااااااابه سمعته يطعن بشرفي
يگول اني عايبه ياااااابه گوم اگعد دافع على بنتك .
لمتني امي بحضنها وانفجرت تبچي اضعافي
صوتنا صار عاليّ ألتقينا بي واحنا محرومين
من ابوية صار سنين نقش نامت على قبر ابوي
تبچي بصوت مسموع ضـلـيل رد لمكانه بعيد
عيونه علينا تعبت گد ما بجيت تعبت گعدت
اريد أتنفس ما اگدر اخذتني امي بحضنها
لمتني تمسح بوجهي وبعدها تبچي همست
غـاليـة : شاف بناته تعبانات راح يعرف انا مو گد الأمانة
بس والله حاولت اني حاولت احمي بناتي منهم والله
بس همه كلهم اصعب هوَ ما گدر عليهم ومات
انا شلووون اگدر عليهممم شلوووون .
مُـرجانـة: يمه سمعتي كلام تمار يمه اريد اموووت .
غـاليـة : راح اخليچ بيدچ تاخذين حقچ منه
بس اصبريلي واسمعي كلامي اذا ما اندم
هل چلب انا مو بنت ذياب .
نقش : عمو ضـلـيل سمع كلشي وما راح يعديها
بس هوَ هسة مكسور ، يمه خلصوا الدفن يلة
نتحرك أجينا نوگف وياه لو نزيد ناره .
مُـرجانـة: روحوا انتوا انا اريد اگعد عند ابوي .
نفضت امي عبايتها ومشت ونقش وراها
وكفت ماعرفت شنو حجت وهي تباع على
قبر عفاف ، عمي ضـلـيل گاعد بالگاع لازم ترابها
نزلت راسي من شاهين تقدم وصار خلف ظهري
_ تصعدين بالسيارة احسن ؟
_ لا اريد ابوي .
خلصوا كل مراسيم الدفن العالم وياهم بلشوا يطلعون
وكوثر عيونها تبث الشر بكل معاني حاقدة حقد
ما بعده حقد ، اجت نقش سندتني وگفتني تعدل بيه
شاهين : يلة بساع تعالي انتِ واختچ .
مر تمار هو واولاد مقتدر لو بيدهم ما اطلع منا اندفن
ضـلـيل : عينككك لا افگسسسسسس عينك اطلعوا
لا بارك الله بيكم كون يا عاررررريه يا ****** .
شاهين : حتى بنص المقبرة يعد ويصف استغفر الله .
مر من عدنا يهفي بعصبيتها ورفع اصبعه صاح بشاهين
ضـلـيل : انتَ حسابك بعدين يا قندرة يا ابن القندرة .
اجت امي من طلعت كوثر وكفت ليغاد بصف ضـلـيل
مشينا اني ونقش قبل لا نطلع التفتنا من شفت
ضـلـيل مطت عيونه لگيت امي حاضنه قبر ابوي
وتبچي منهارة وما اسمع شنو تحچي بس كلامها
بحرگة تنطق بي ، مرينا من ضـلـيل صوت الضربة
اللي ضربها على راس شاهين رنت بكل مكان بالمقبرة .
اول ما صعدنا للسيارة راح ضـلـيل على سيارته
هم صعد من شاف امي طلعت وصعدت ويانا
طول الطريق شاهين لازم راسه ويسب طلع يسب
مثل عمه ضـلـيل ونقش من الخجل تغطي بوجهه
بالعباية ، وامي تسكت بي هو انفجر بكلّ طاقته
من وصلنا نزلنا قبل لا تصير هوسة دخلنا للبيت
الشياطين كلها ملمومه ما شاء الله .
غـاليـة …
شديت على اعصابي ورديت دخلت هل بيت
الوجوه ماتتكسر الحقد ترس ملامحهم
عبالك ملك موت فات عليهن مو زوجج اخوهن
وبنات اخوهن ، اول ما عبرت الباب دخلت مُـرجانـة
ورايه لازمه بعباتي ركضت عليها نبراس عمتها
سحبتها نقش وراها وانا صرت بوجه المدفع
غـاليـة : ايدچ اذا تنرفع على بنيتي اكسرها وروح ابوية .
نبراس : شلة گ*** دخلت علينا ردت
البغدادية وبناتها امهات الزلم .
غـاليـة : لچ صمي حلگچ هسة مووو وكتهااا
اخوچ مكسورررر ما تخافن يصير بي شي .
نبراس : شكو اجيتي امشي درب اللي اجيتي
بي خلي يردچ انتِ وبناتچ ما مرحب بيكم هين .
شاهين : بكيفچ اطردين شني البيت بيتچ
وانا مو سااااامعععع ، امشي كملوا شغلكم
نفس زايد منكم ابلغو وهو منا فاقد عقلو
يخش بينا كلنا يسطرنا بصف عفاف .
اخذت عراضنا متجاهلتها وصعدت فوك
فاتحات غرفة عفاف على حيلها مخربطة
وگاعدات بيها مسويات مضيف نميمة
ردت افتح باب غرفتنا مقفولة التفتت
على صوت شاهين وهو يعلي صوته يسمع الكل
_ مُـرجانـة تعالي .
وكفت بصف الدرج صعد قدم المفاتيح
_ هاي مال غرفتكم .
اخذته منها من نزل وراح فكيت الباب
ونقش عيونها بعدها على درج سرحانة
صحت بيها فاتت تنزع بالعباية من راسها
وعقلها مو وياها ، گعدت على سرير لزمت
راسي دخلت دلال عيونها مورمه من البچي
دلال : غـاليـة تجين تعاونيني هذني محتارات
بالقال والقيل انكسر ظهري وحدي .
غـاليـة : هسة نازلة انا والبنات .
راحت قبلنا لفيت شالي وهمست
_ معليكم بأحد لا تحچون ولا تردون عليهم
خليهم يولون احنه هنا الخاطر ضـلـيل
بس تكف الفاتحة نرجع على بيتنا زين ؟
اثنينهن ردن ب” زين ” اخذتهن ونزلت
نقش شايلة ننوس على گلبها ، دخلت
المطبخ طلعت القواري الكبار اربعة
غسلتهن وخدرت الچاي مهيل ، ودخلت
على بيت انا ولال ونقش نرتب ، ومرجانة
مثل الكتكوت تفتر وراي وين ما اروح
اهل عفاف كلها اجت آخذوا الأستقبال
والصالة خواته واهلهم ، فاتت خالتهم وبتها
وياها المكياج ترس وجهه عيالك عرس مو فاتحة
وكل هذا عود خفيف مو واضح .
مر المغرب والعالم كلها اكلت والشيوخ
قلت ودخلوا على مضيف مال بيت
بس صارت ب12 بليل كلها رجعت لبيوتها
ظلوا بيس العرف ومن الجاي ما سكتوا منه
وكوثر محتارة بالنسوان بس صارت بالوحدة
راحت على باب مال استقبال شافته گاعد
من طلعت وجعت مكانها رحت انا شفت
ضـلـيل گاعد منزل راسه وساند ايده على رجله
حاني ظهره وجهه صاير اسود من التعب .
لفيت شالي عدل واول ما طلعت للگراج
شافتني كوثر وبناتها ما اهتميت بس
وصيت نقش تاخذ خواتها وتصعد فوك
لمحني شاهين واكف برا المضيف شمر
جگارته وداسها برجله وتقدم
_ ها وين ؟
_ اريد اشوفه عفية انتبه مو يدخل علينا غريب .
_ بس لا طولين لان امو زلام جايين على طريق .
_ لعد عمك شنو ما يرتاح اليوم .
_ لا وين يگدر .
دخلت اخط بخطواتي خايفة گلبي يدگ قوي
اول ما دخلت ذب حسرة بقهر عبالك يعرف بيه دخلت
غـاليـة : البقية في حياتك الله يصبرك شيخهم .
ضغط اكثر على راسه وهزه ، ورجع ذب حسرة
شغل جگارة وبنبرة تعب رد
_ حياتچ الباقية ، رجعي للبيت .
غـاليـة : ماتحتاج شي اساعدك ؟
ضـلـيل : اي بس كفيني شرچ .
غـاليـة : انا ماعندي شر شيخهم .
ضـلـيل : كل دقيقة داگتني بشيخممممم
خاب فوووتي للبيت گلبي مورم لا تزيديهااا .
تقربت نزلت على رجلي واخذت ايده بين ايدي
رفع نظراته يركز بعيوني وحاجبه مخنزر
رفعت روحي شوية وبست راسه بكل احترام
ورجعت مقابيله ايدي تتلمس لحيته
غـاليـة : ادري بگلبك نار هسة وعفاف عزيزة
عليك بينك وبينها عشرة عمر سنين .
ضـلـيل : راح اروحلها هسة للمگبرة ما اعوفها
بس هي تفهمني وتحبني بيهم جانت احسن
من امي والله خسرتها ماتت بين ايدي غـاليـة .
مسحت على ايده ونزلت دموعي
مد ايدي ايده مسح عيوني وهز راسه بـ”لا”
ضـلـيل : لا تنزليهن غاليات على گلبي
حتى حيل ماعندي واتحمل دموعچ .
جر باكيت الجگاير ورجع ظهره مبتعد مني
ضـلـيل : ليش اجيتي ؟
_ من مات ابوية شگد صرخت حتى تعوفني
بس انتَ بقت يمي ماخليتني وحدي
وحتى مات بيدك يومين يعالج وانتَ ما عفتنا
شلون هسة اخليك وحدك صار دوري .
جر راسي يبوسه وهمس بصوت بصعوبة ينسمع
ضـلـيل : بنت اصول بنت ذياب البغدادية
بس اگعدي واسكتي لا تسوين مشاكل .
رفعت حاجبي وكفت على حيلي
غـاليـة : من تبطل تسوي مشاكل عود زوجتك
تبطل تعلمت منك الصوت العالي والعركات
اذا واحد يگول يمك اف ينصلخ بغلطه ما يتخطاها شهر .
اشر على باب ويشمر بيده حتى اطلع
فاتت خالته هي وامه وبنتها واثنين من عماته وياهن
ام سماهر : الله يصبرك ويعوضك شيخنا .
ضـلـيل : يعوضني سيارة هيَّ لو حرمة ؟
گعدت عمته قريب من عنده من امه اجت قريب منه
_ والله خوف حرمة جانت صاحبة واجب
وهي ام البيت خطية ماتت وبنفسها البزره .
كش وجه ضـلـيل مزعوج بس ساكت واني صفنت
ام سماهر : دلال خطية هم خوش بنية
والله يرزقك بنت حلال بعد تسر خاطرك وتعوضك .
فزيت على صوتها عافت كل الكلام واحت عليَّ
كوثر : شعندچ هنا ما تكملين شغلچ .
غـاليـة : كملت شغل ، تريدون جاي ؟
_ اي يلة خلصيني روحيّ وأكفه بوجهي مثل شمعة فگر .
بلعتها وسكتت مثل الشاطرة وصلن للباب من طفاها
للجگارة جهر بصوت مسموع
ضـلـيل : غالية .
_ ها .
_ يا شغل هذا بس لا جنتي تشتغلين ؟
_ ساعدت دلال .
_ بعد لا تعيديها واصعدي ارتاحي .
كوثر : عجل ياهو يساعد دلال ؟
ضـلـيل : البيت كلوووو حررررريم وگف عليهااااااا
غير حبله اول اشهررررررر لا يصيرررررر شي للطفل
كلهن هوووووووايششش جوه بالبيت مايعرفن
يساعدن دلال صغااااااار خطية تخافين يضعفن .
گمزت عمته وام سماهر هي وبنتها من صوته
لزگن بالحايط وشاهين فات يصيح
شاهين : انشهرناااااا يا اسلااااااام .
ام ضـلـيل : شمالك يمه ما تعون تصيح
هساع ما تعرف تحچي بصوت ناصي
عمي البغدادية ولي صعدي هي شعدها ردت
دهر كون لفاها وخلصني من شرها ام المصايب .
طفر من مكانه ولزمني مو ايدي وصاح
ضـلـيل : هساع مصخم وگاعد وحدي اريد
اريح عقلي تفصخ من الهوسة رحتي
كلفتي روحچ واجيتي دخلت عليَّ
ليششششش ؟ ياهوووو عتب عليچ
موووو تعرفين بيهن دود دام عرفوا
بنت ذياب دخلت لازم تتقلد وكلهااا تفوت
بوووووية نسوان ال ضـلـيل بوية ما تنحملن
ولا تنبلعن ولا تنجررررعن وغف على معده وغف .
ارل ما عافني وطلع هزيت ايدي
وانا هم طلعت صعدت فوك توها
ام شاهين تريد تفوت على غرفة البنات
هي ونبراس من صحت بيهن : سلامات وين ؟
جرت نبراس ايد ام شاهين ومرت من يمي
دفعتني ونزلت ، وغرفة عفاف صايرة
فندق لبناتهن كلهن گاعدات بيها
فتت على غرفة نقش نومت ننوس
ومرجانة حاضنة المخدة ونايمة
نقش : ها شفتي عمو ضـلـيل .
حجيت الصار بقت تسب بيهن ونزلت
دقايق ورجعت بيدها ماي ايدها ترعش
غـاليـة : شبيچ ؟ منو وياچ ؟
نقش : مابيه ما بيه اريد انااام .
رحت يمها من ذبت الماي على ميز ونامت بصف اختها
لزمت راسها وايدها متعجبة قبل دقايق مابيها شي
غـاليـة : قابل ما اعرفچ والله صاير شي وياچ .
نفقش : تعاركت وياهن يمه ماكو بعد شي عوفيني
بس عوفيني اريد انام تعبانة ما نايمة ابد ما نمت .
حسيتها جذابة وحركاتها مو نفس تصرفاتها
احس صاير لو سامعة شي اكبر بس تخاف تحچي
على اعصابي خليتها تنام گلت الصبح استفسر
بقيت لوقت متأخر گاعدة نمت ساعتين وگعدت صليت
الفجر ونزلت من سمعت صوتهم ساعدت دلال وسمعت
ام ضـلـيل : بس لا صدك ضليل رايح للمگبرة البارحة .
دخلت للمخزن من رد عليها تمار شگد مقرف صوته
_ اي ورد الفجر مصلي بالمضيف وهساع نايم .
اباع عليها من الجام مال شباك المطبخ
تصير صورتها واضحة هزت ايدها ما عاجبها
وصبت چاي حتى تمار يتسمم
كوثر : ومقتدر شلون صار الجرح مالته تخيط
همزين ما مات كم مرة انبه عليكم ضـلـيل
من يصير عصبي لا تترادد وياه ؟
تمار : زين واليوم گال يحضر الفاتحة .
كوثر : احمد الله الضربة صارت بي ضـلـيل
جان قاصدك بيها من شمر السچين شمرها عليك
يريد يذبحك ويخلص من لسانك .
تمار : هو اخوي مو بوعيه هاي البغدادية
ام الزلم هي وبناتها مدري شمسويه دماغو مغسول .
ام سماهر : الله يساعدكم عليها .
تمار : وروح ابوي محضر مصيبة للبغدادية
وبناتها لا اخلي ضـلـيل بيدو يلزمهن ويدفنهن
ونخلص منهن ومن شرهن ، ملينا نريد نخلص
مـن الكابوس دخلهن عابد هي وبناتها حياتنا .
لزمتني دلال من ايدي من طلعت اريد اروحله
_ لا تروحين ضـلـيل بغرفتو مو بالديوان
سمعهم هساع اكيد ، لا تخربيها وتخلين روحچ غلطانه .
دمي يفور عضيت اصبعي وضربت الكاونتر بكل
حيلي شنوووو من حقد لك ليش اريد اسأل ليشش
بنات اخووووك وبنات ابنهاااا هل حقد ليش
محور حياتهم دمار بناتي شمسوووويات .
گعدت ايدي على راسي انود وتحملت
من طلع من غرفته بعد نص ساعة من كلامهم
بعد ما طلع صوت كوثر وتمار طفر طلع
نزلت مُـرجانـة تركض دخلت على مطبخ
_ ماما بطني توجعني .
فزت من صوته وهو يصيح
ضـلـيل : مُـرجانـة .
لزمت بدشداشتي ودفعتني من ظهري
مُـرجانـة : دخيلك ربي روحي انتِ يمه ما اروح فدوة .
رجع صار بأسمها مسحت على ظهرها وهمست
_ روحي انا هنا قابل ياكل بشر .
مشت عظامها اطگطگ وكفت بالباب
صوتها ما يطلع فر سبحته بدون ما يباع عليها
ضـلـيل : شبيها بطنچ ؟
_ ها .
_ بطنچ شبيها اخذچ للمستشفى ؟
اشرت على نفسها وصوتها بصعوبة ينسمع
_ تاخذني .
_ اي .
_ تاخذني اني ؟
_ اي يول انتِ اخذچ للمستشفى شبيها بطنچ ؟
_ جوعانة .
_ بطنچ جوعانة ؟
_ اي تاكل تجوع .
ما جاوبها بعد بقت بمكانها شوية وهمست بخوف
_ عادي اروح .
ضـلـيل : لا .
دارت وجهه تباع عليَّ وعيونها لمعت بدموعها
عدل العگال ونزع البشت وبصوت مهيب طلب
ضـلـيل : تعالي هين جدامي .
بقت عينها عليه وهزت واسها لا
ردت ادخل بس اعرفه راح يلعب لعب
ضـلـيل : دلال .
دلال : عينها أمرني .
ضـلـيل : بلا امر عليچ بوية جهزي اكل
اريد اكل واطلع للعالم منتظريني بالديوان .
بقت مُـرجانـة بمكانها وهو بعد ما طلب منها
يدري بيها تخاف تروح خلاها بمكانها
الى ان كملت دلال كل الصينية وشالتها اخذتها صاح
ضـلـيل : تعالي هين مُـرجانـة لا تخليني اعيد كلامي .
خطت خطوات متباطئة وجهه صار اصفررررر
اشر الها تگد بصفة نزلت دموعها وهو شافها
مُـرجانـة : اروح انام مو جوعانة .
مد روحه اخذ ايدها وسحبها گعدت بسرعة
وايدها تهتز وشفايفها وخدودها مصبوغات وردي
من البچي عدلت شالها وهو اخذ استكان الجاي
يخوط بي وعيونه عليها وبثگل گال
ضـلـيل : يلة اكلي واذا ما تحبين هذا
الأكل گولي اخلي اي وحده تروح تجهز شنو بنفسچ .
كوثر وبناتها گاعدات وجوههن مشدودة
عيونهن بين ضـلـيل ومرجانة نظراتهن
مليانة غل وكره ، وحدة تعض شفايفها
والثانية تخمش بدشداشة امها بگد القهر
وام سماهر تنفخ اختگت تريد تبث سمها
نظراتهن كأنها سهام على البنية
اللي صارت محط اهتمام ضليل بهل دقايق .
وهنَّ عاجزات ، الغيرة فضحتهن
أم ضـلـيل صوت تنفسها العالي
وانكماش حواجبها فضح غاضبها
يمكن عبالهن يضربهاا ؟ بس خاب تفكيرهن
مد ايده اخذ خبز وبيض من الماعون سواها
لفه صغيرة ومدها لمرجانة ونظر بعيونها
الدمعة تعلگت برموشها تمد ايدها وترجع
تسحبها ماتريد بس انجبرت تاخذها
من دخل تمار وياه مقتدر من شافوها
وشلون اخذتها رفر تمار الباب وطلع يصيح
تمار : ردت حبله بأبن الحرررام گاعد يوكلهاا.
ركض مقتدر يسد بحلگه وطلعوا اولاده وياه
يسكتون بي وشاهين فات من برا البيت مقوس حاجبة
تمار : اخاف يرررريد ياخذ الطفل يرررربي عبن الله
حارمه من البزره يعرفو ما يعرف يربي .
لطمني لطم على وجهي كفخني دخلت
على صالة عيوني بعيون ضـلـيل
غـاليـة : هذا شنووو يگول ؟ شنوو قصده ؟
قلص عيونه رفع حاجبة كف البشت ورفعه
على اكتافه واشر على صينية
ضـلـيل : اكلي زين .
عبرني وطلع على گراج بدون ما ياكل
لطمت نبراس على خدها من عبرهم
سحل تمار من دشداشته ودخله للممر
مال بيت عته عت ماعرفت شنو الصار
ولا اگدر اطلع وماكو حتى أصوآت
دخلت كوثر ادگ بالگاع بمشيتها
حرت عبايتها وصاحت
_ نبراس اخذي مكاني يمه .
_ وين تروحين .
كوثر : ضـلـيل ضرب تمار على عملية ايده
وينزف رايحين للمستشفى، ولو رديت
ما اريد غـاليـة ولا بناتهاااااا هين لا احرگ روحي .
غـاليـة : حرگيهاااا حرگتهممممممم عود تخوفيني ؟
هزت راسها تتوعد وطلعت من البيت وضليل
على مغاسل يغسل بيده عدل العگال
وعبر اولاد تمار وفات هو وياهم للمضيف
ربع ساعة وطلع هو والزلم للفاتحة بالمضيف
الرئيسي مالتهم ، تحزمت نبراس وخالاتها
والعالم هوسة نسوان مليان البيت ملي
جريت مُـرجانـة من ايدها وصعدتها
خليتها بالغرفة وبكل جدية سألته
_ تعرفين شنو قصده تمار ؟
خلت عيونها بعيوني وترجف
مُـرجانـة : شهاب .
_ شبي ؟
_ گال راح تصيرين حامل .
لطمت على وجهي ملخت وجهي تملخ
لا يااااااا ربي لاااااااا كلشي ولا هل مصيبة
لزمت ايدي ونقش فزت هي وننوس
لزمت ايدها ودموعي ودموعها تجري
_ هو ضربچ بالسجين لوووو شنووو ولچ فهميني ؟
مُـرجانـة : يمه هو ما فات بالبداية بس اثنين
ضربوني بالسجين وحتى من الوجع ما اسمع
كلامهم بعدين بديت افقد وهو هذا شهاب فات
رفع راسي وما اتذكر شنو صار بعدين اني فقدت الوعي .
رجعتني نقش على حايط احس بعد الهوا
مايدخل ولا اگدر اجر انفاسي وراسي
يريد ينفجررررر ملخت شعري وصرخت
_ الله لا يوفقني كله مني دمرررت بنتي
بيدي الله لااااااااا ينطيني الله ياخذني
ربي انااااا شسوووويت وتعاقبني رررربي
شلوو بيه يااا يمه يا مصيبتي اذا صدك .
صربت روحي بكل حيلي وجهي شوهته
بگد ما ملخته بأظافري كووون اذبح روووحي
وانزل اذبحهمممممم ضاعت بنتي راحت ضاعت
اباع عليهااا والله بعدها صغيرة والله
من الصياح حصرت روحها بالزاوية
ترجف وتبچي ايدها على اذنها وتهمس
مُـرجانـة : لا تصيحين يمه لا تضربين روحچ
لا تمووتين فدوة لا تموتين ، موتيني انا موتيني
خلصيني خلصي مني وخلصيني تعبت .
نقش گاعدة تشهگ بكل حيلها
حسيت عدها حچي وتعرف شي انا ما اعرفه
ركضت طلعت من شافتني عيوني عليها
فاتت على حمام البرا ، مديت ايدي وهمست
_ تعالي يمه مُـرجانـة تعالي بحضني .
زحفت واجتني ترجف بخبال تبوس بيدي
مُـرجانـة : راح يذبحوني يمه اذا صدك
كلام تمار يذبحوني والله عبالهم قابلة مو ؟
بستها من راسها واخذت ايدها ابوسها
غـاليـة : يذبحوني وراها خليهم يأذون
خصلة من خصلات شعرچ وشعر خواتچ
هل مرة لو انا لو هذولي الحيوووانات
الله لا يووووفقهممممم دمروا بناتي .
خليت رأسها على صدري ونامت وهي
تشهگ دخلت نقش تسكت بننوس
واخذتها غسلت الها وكلتها ولأن
ننوس وياها ما يحچون ادري بيهم
صعدت عازلة روحها لليل كلها
ردت لبيوتها وباقين بس العرف منهم
وكوثر فاتت من شافت البيت بس عرف
اخذتها فرصة تبرز بطولاتها بالفضايح
كسرت المطبخ تكسر وكفت على درج
اسمعها تصرخ بعالي صوتهاا
كوثر : مصيبة وطاحت على راسنا
ول يبووووو علينا وعلى خلفووووناااااا
فوتوا الموروثين يهجمووووون بيوتناااااا
اخذوووووا ولدي راحوا احفادي .
نبراس : يمهههه امي تخربطت يولوووو
اني وينكمممممم تعالووووووا .
ولا واحد من الزلم فات وعبالك كلهم ماكو
تعجبت ركضت برا تصيح وهم ماكو احد
غسلن وجهه بالماي فزت وتسوي حركات
عود تريد تموت الحقيرة : يمه شكو فدوة
وينهم زلامنا ولا واحد برررا يفزع .
كوثر : طلعوا مهددين اخوچ ضـلـيل
هذولي ربع اولاد ساجر من البارحة
بالدفن وساكت اخووچ الشيخ ساكت .
شربت ماي حلگها يبس وكملت وتصيح
كوثر : عود يريد يلملمهاااا
هذا اخوهم المقدم مدري شني
اسموو مستلمهم بملف چبير ، يگول على
اولاد اخوتچ كلهم يتاجرون بالسلاح
ودخلوا سلاح على مخازن الحصاد بوقت انشغالهم
وبالمداهمة مال مكافحة شايفين السلاح موجود
خلاهممم كلهم صافنين راحوا بالرجلين
اولاد اخوتچ راحووووت يمههههه نبرررراس
راحوا دووووس بالرجلين .
زوجة مقتدر هي سمعت بأولادها
وهي تخبلت تريد تطلع وفات مقتدر حضنها
_ وين ولدي وينهمممم ؟
_ اخذوهم .
_ يااا يمههههه يا مصيبتي ولدي راحووووا .
نبراس : ولك خوية ليش شنو يريدون هذول ويعوفونه .
مقتدر : نخابر على هذا الچبير مالهم وارث الساقط
ما يجاوب مايرد وغلق تلفونه .
كوثر : وشلووون نحلهااا هاي ول يمه مقتدر .
مقتدر : هذا يضغط علينه يريدها .
كوثر : يريد منووو ؟
_ يريد مُـرجانـة .
_ شعرفك ؟
_ ضـلـيل خابر على فؤاد من البارحة
وبلغه وارث ما يعوفنا بحالنا اذا ما نرجع مُـرجانـة .
ضربت عكازتها وصرخت
_ خلوني اصعد اذبحهاااا هي وامهااااااا .
دخل اخوها سمعها صاح بيها
_ لا تكبريهااا وتخسرين ابنچ هو عقل
ما ظل براسه لا ماكل ضـلـيل ولا شارب
هاي اليوم الثالث شنوووو كفاااار انتوا
عمي رحموا الزلمة شني حديد جدامكم
لا يمووووت خلي الله بين عيونچ شني من ام انتِ .
كوثر : خوية هجمن بيوووتنا هجمممم .
جاوبها من فاتوا الباقي من الزلم
واولهم ضـلـيل وشاهين وتمار
_ راح تخلص دام عمامها ما راضين
على زواجها من چبير ال ساجر وشاهين
ناخي على مُـرجانـة بوسط ديوان ايام
وتمر اربعين عفاف ويسجلوها على اسم شاهين
ذاك من يسمع ويعرف يبطل منكم .
درت وجهي على بنات ما مستوعبة كلامهم
نقش دموعها تصب على وجهه عرفتها
والله عرفتهااا تعرف بس ما گدرت تنطقها
حتى ما اسوي مشكلة وضليل يروح بيها
نزلت بلا عقل صرخت : منووووو منووووو ناهي
على منووو ما سمعت شنوووووو ؟
نزل شاهين راسه فشلان ونقش تجر بيدي
نقش : يمه اسكتي يمه فدوة.
غـاليـة : ضـلـيل شنووووو هل قنابل
كل شوووية واحد بيكم يكفخني على وجهي حاجيني .
كوثر : ماكو غيرچ يكفخ بينااااااااا هجمتينا .
عيون ضـلـيل صارت على وجهي اللي شوهته
بيدي صرت عبارة عن زراگ وخراميش
خزرني وسحب ايدي وصعدني اول بايات الدرج
_ ردي على غررررفتچ .
غـاليـة : شاهين كلامهممم صح
عود صدك تكسرررر بمرررررجانة .
شاهين : انا المكسور هين شيخة كسروا
گلبي وموتوني للمرة الثانية اهلي يحطموني .
ام شاهين : فوكاها هي ام الراهي ما راضية
راح يستر على بتها العايبه .
غـاليـة : تاج راسچ وراس زلمنچ وابنچ بنتي
لچ اذا انكسرررت بسببكمممم انتووووا
مجرمين حوووبتهااا هاي حوبتهاااااا
طشرت ولدكم ويوم الزلمتچ ولو هو ربنا
ما مقصرررر بي ايده انتهت ومعيووووبه
لان هووو من داخله معيووووووب ساعة السووودة عليكم .
اريد اكمل بعد ما اشوف اول ما شمر
البشت من اكتافه هجم شنو يشوف
مقابيله يفلشه حتى لو زلمة يلزمه
يضربه التكسير وصوته مخيف
النسوان صارن كُلهن بالأستقبال
بقيت بمكاني ما تحركت وهو يفلش
وهاله يسكت بي من عرفه فقد بعد
لازم يطلع كل طاقته اعتزل على صفحة
يخاف يوگع وشاهين ما گدر يصبر
دخل على ضـلـيل خايف يصير بي شي
لزم ايده وصرخ بعلو صوته
شاهين : كافي ررررراح تموووووت بوية
ابوووووس ايدك كافي ليش تعذب روحك .
ضـلـيل : عووووف ايدي .
شاهين : اضربني لا تأذي روحك
خلي قهرررك بيه ايدك ملختها فدوة اروحلك كافي .
سنده بصعوبة گعده بمكانه يغسل بوجهه
صار دم احمر وعيونه بنفس الدقيقة
ورمت وبگد ما ضغط عليه حتى خشمه
طگ دم صار يوگع على دشداشته
بعيوني دموعي تجري عبرتني نقش
تشهگ ركضت على مطبخ ورجعت بيدها
كلينكس راحت على ضـلـيل تمسح بخشمه
من الدم وسحبت ايده تبوس بيها
نقش : بداعت نورا تهدي اعصابك بوية
خليهم يولون يروحون فدوة لتراب رجلك
راح تخسر حياتك وتندفن حالك حال ابوووي
والله بدونك نضيع والله ابوي ايدك كافي .
رفع ايده بصعوبة مسح على راسها
وشاهين يمسح بيده ويحاول
يخلي يشرب ماي هو ما يحچي بس
عيونه نطت عبالك تريد تطلع روحه .
مسحت نقش الدم كله من وجهه
بقيت بمكاني دقايق بين ما گدر يرجع
تنفسه طبيعي عافهم وفات على غرفته
گعدت ما اگدر حتى اصعد ، طلعت
كوثر وشاهين هددها
_ نفس واحد منكم هل مرة ما اخلي
روحي بالنص ولا اسكته اخلي يمووووتكم
ورانا مصيبة ايام سوده جهزززي نفسچ كوثر .
طلعت امه صار مقابيله وصاح
_ انتِ من اليوووم لا امي ولا اعرفچ ولا تعرررفيني
صرتي نسخة من تماااااااااار خسرتيني والله .
ام شاهين : اذا ناري تاخذ بنت غـاليـة
يا شاهين يا ابن بطني كون الله ياخذك
قبل لاااااا تاخذهاااا الله يااااخذك .
لثواني هو بهت مصدوم ونظرات الصدمة
ما فارقت ملامحه ، عافها وطلع من البيت
وكوثر دارت وجهه وصفگتها براشدي فرت وجهه .
صعدت نقش لزمتني من ايدي وهمست
_ خلي نصعد ونعوفهم يمه وباجر نرجع على بيتنا .
هزيت راسي ومشيت وياها غسلت وجهي
شفته تشوه ، خليت راسي على مخده
وقبل لا تنام عيوني دخلت دلال
_ غـاليـة ضـلـيل يريدچ .
راحت ونقش قبل لا اطلع حلفتني
_ بروح ابوچ يمه تفاهموا ترا المشاكل
وراها عناد وخرب لا تخلينا نروح
بالرجلين ابوووس راسج اكسبي عموو ضـلـيل
خلي يصير بصفنه موو ضدنا .
مشيت منها الدنيا تفتر بيه ، نزلت كوثر
وبناتها ملمومات مسويات اجتماع حقراء
دگيت الباب ودخلت صار شگد ما داخله
هل غرفة انمرد گلبي من شفته سابح وگاعد
منزل راسه ويشرب بالجگارة
ضـلـيل : فوتي وسدي الباب .
نفذت ودخلت دمي يفور اتقدم واحجي
غـاليـة : هم راح ترجع تكسر بناتي مووو ؟
هم تزوجهن بكيفكم وعلى مرامكم وتقهروني
وعبالك هل مره اعديهااا لا وروح ذياب
اگلب الدنيا لا تحاول تقنعني اهجم بيوتكم عليكم .
رفع راسه طگ رگبته والتفت بنظراته
عليَّ خزرني وضحك بس ضحكته تبين عصبيته
ضـلـيل : بعد هددي بنت ذياب كملي وشنووو تسوين ؟
رفعت اصبعي وكملت بگلب محروك
غـاليـة : وين كلمتك هااا وينهاااا
مو گلت اريد منچ اطفال وانا احميچ انتِ وبناتچ
لك صير گدهااااااا هذني بنات اخوووك مو بس
بناتي تقبلهااا على ننوسس انتَ تقبلها على بنتك ؟
ضـلـيل : بنت الـ*** شسوووويت اناااا زوجتهااا
زفيتهااااااا بكيفچ تحجين ، تريدين بكيفچ
نمشي تررربية ما عندچ ذياب مايعرف يربي
اكلتيني حاصل فاصل بنت الـ****** .
ردت اطلع هذا مو مال تفاهم صاح
ضـلـيل : اذا تطلعين يا غـاليـة والله
وعزة جلالته اطلگچ والله وبناتنا
اخذهن وبس بالحلم تلمحين خيالهن .
حسيت الدنيآ بكبرها تفتر بيه گلبي عند البنات
دموعي شگد كرهتهن بعد ما جنت لو امووت
ما تنزل مقابيله هسة ماكو ارخص منهن
وبسرعة ينزلن گعدت بعيد عنه شهگت ونشغت
بكل حيلي ارجف وكلامهم يتكرر براسي
تقرب مني رفع راسي بطرف اصبعه همست ضايعة
غـاليـة : انتَ ليش تاخذ بكلامهم
ليش تغدرني ضـلـيل ليش ادمرني وتنتقم مني ببناتي .
سحب نفس طويل وجر ايدي وكفت گعد
بمكاني وگعدني على رجله
ضـلـيل : وانا ليش انتقم منچ .
_ ادري بيك محمل بگلبك لان قبلت ابعد
عن هل بيت وعنك ، ورجعت مثل قبل وياك ما اخليك
تتقرب مني ومن تجي على بيت ما اهتم ولا ابادر .
رفع حاجبة وجر كلينكس يمسح بدموعي
ضـلـيل : انتقم منچ ببناتي اخوي ؟
غـاليـة : مو اول مرة مسويها قبل ودمرتني بيهن .
ضـلـيل : تهورچ دمرنا مو انا دمرتكم
هذا كلامچ والنتر مالتچ والعناد والتجاوز
والمشاكل والصوت العالي دمرنا مو بس دمر بناتچ .
جرت دموعي بدون ما توگع ولا ثانية
ومن بين شهگاتي تلفظت بكلامي بصعوبة
غـاليـة : ضـلـيل بناتي لا تكسرني بيهن .
غمض عيونه وحضني بكل حيله
حسيت يريد يدخلني بين ضلوعة
وبكلمات دافية جاوبني يطمني
ضـلـيل : بناتچ بناتي غـاليـة لا تخافين عليهن
لو تكلفني حمايتهن روحي ترخص الچ وللبنات
اخاف عبالچ ما احبهن وروح عالد روحي بيهن
بس انا مشكلتي ما اعرف اعبر ولا ابين
هساع روحي بيچ بس ما اگدر اعبررر والله .
غـاليـة : مخليني هناك وبالجذب ما تحجي الصاير .
ضـلـيل : ما ردت توصلين لهل مرحلة وتنهارين
ولا البنات يخافن من المشاكل ، گلت انا احلها
وحدي وانتِ وياهن تبقن مرتاحات كافي
الصار بيكم قبل صار وكت ترتاحين انتِ وياهن
ما ردت ادخل مصايبهم وخوف على حياتكم الجديدة .
زدت بدموعي، وسألت بخوف ارجف من الجواب
غـاليـة : وشاهين؟ وهاي ناهي عليها مدري شنو؟
ضـلـيل : تريدين تزوجين بناتچ اجباري ؟
هزّيت راسي بسرعة ومن أعماق گلبي جاوبته
_ لا
_ عجل اسمعيني أنا جبرت شاهين كسرته بيدي
خليته ينهي على مُـرجانـة بوسط المضيف
حتى لا يجبرونها تتزوج اجباري .
بثگل وبكل قهر كمل يحاول يفهمني
_ تمار يريد علاء ينهي عليها وياخذها
عناد يريدون يذبحوها ، وأني خليت شاهين
بنص النار حتى أحميها حتى أبقيها
يمچ وما تنذبح بين ايديهم .
غـاليـة : هو وارث مو عاقد عليها .
_ اي .
_ شلون لعد ينهي ؟
_ هذولي ما معترفين بي لان انا
ما مبلغهم ولا اگدر ابلغهم انا طلبت
من وارث يعقد عليها راح تتهزهز مكانتي
بين الشيوخ وين اكو شيخ عشيرة
يطلب من واحد يعقد على بنته
بيا عين اخلي بعد عيني بعين الزلم غـاليـة
دست على نفسي وساكت الخاطرچ والله
والخاطر البنات لليوم بالعها ، وهذولي
ولد ساجر يعيرون بينا بهل زواج دخيل
الله حتى قدر واحترام ما يظل للبت لازم
يطلگهاااا خليهم يولوووون غـاليـة .
غـاليـة : دخت والله دخت .
ضـلـيل : لا تدوخين روحچ انا احلها
بس خليها براسچ بنتي مُـرجانـة
ما تصير حرمة لأبن ساجر لو على موتي .
غـاليـة : والحمل ؟ وكلام تمار ضـلـيل ؟
ضـلـيل : شهاب بالتعذيب اعترف گال
اغتصبتها بس الجلب وارث يگول
عندي تقارير ما معتدي ، خليني اتأكد
لو انتِ تتأكدين لان انا ما اثق بي .
غـاليـة : هذا الموضوع خلي عليَّ
حباب لا تدخل هي مُـرجانـة بلا شي
ما متقبلة كلشي انا اخذها وعد واتأكد
من ارجع على بغداد بس امانة الله
حافظ على سمعتها لا تخلي احد
يشوه سمعة بناتي والله ماكو اطهر منهن .
ضـلـيل : لا تعلميني بشرفهن دام
البنات تربية غـاليـة يعني تاج على راس .
حضن خصري گعدني بمكانه ونهض
شغل جگارته وبكل هدوء گال
ضـلـيل : لا تخلين براسچ اي تفكير
اهتمي بالبنات وبنفسچ والباقي علي َّ .
غـاليـة : بس راح تتعب هوواي وحدك .
ضـلـيل : التعب لأجل عيونچ وعيونهن هلا بي
دام انتِ وياهن بخير هاي عندي بالدنيا كلها
من باجر تاخذيهن وتردين على بغداد .
غـاليـة : واخليك وحدك منا وفاة عفاف
ومنا اولاد اخوانك ومنا اولاد ساجر
ومشاكل البيت و .
ضـلـيل : لا تكملين هذني عندي كلهن سهلات
والله انا ارتاح ونفسيتي ترتاح من اجي
على ذاك البيت واشوفچ انتِ وياهن مرتاحه
وهنا صايرة كوارث ما يهمم اررتاح ضحكتكم
تهدي كلبي وارد هين اسوي كلشي
حتى ما اخسر هل ضحكات الحلوة .
ما گدرت ما اروح عنده اول ما گعد بست راسه
غـاليـة : ما راح اعوفك اريد اظل هنا .
ضـلـيل : لا ابد ما تبقين تردين لبغداد
لا يروحون يفجعون گلبي بيكم خليني
انت وياهم اعرف احلهااا والله .
لزم ايدي وغمض عيونه تذكر شي مزعج
ضـلـيل : بعد لا تفكرين انتقم منچ والله
شنو ما تخليني اگرب منچ عهداً عليَّ
ما اگرب منچ دام تكرهين هل قرب
ما اتگرب لو على موووتي ، يهمني بعد انتِ زينة .
عجزت عن الرد بس عيوني ما وكفت
ابتسم ابتسامة تعب وبصوت خافت طلب
ضـلـيل : بلا امر عليچ روحي نامي بلا
مشاكل لو شنوو يحجون وياچ لا ترديهن
ظلي وراي ترتاحين والله انا اشيل التعب
عنچ انتِ بحمايتي وبناتچ بگلبي
وكلهم يعرفون ومغثوثين لهل سبب .
غـاليـة : انام عنـ…
ضـلـيل : لالا روحي نامي ابني تعب
وبناتچ وحدهن ، انا هلكان اريد انام ساعة واطلع
باجر من الصبح شيوخ يجوني من غير محافظة .
غـاليـة : ما انحرم منك لا انا ولا البنات
شيخهم تاج راسهم .
ضـلـيل : تاج راسچ بعد بنت ذياب العرمة .
وبدون سابق انذار صياح شاهين
وبناتي صار يدوي بكل البيت
شمر كلشي ضـلـيل وركض اول
مرة اشوفه يركض بهل سرعة
بعد ما سمع صوت تمـار يصرخ
احس رجلي ماتت مرعوبة اكمل
بعد ما سمعت صوت طلاق نار
رجلي بعد ما شالتني
جريت روحي جرور وطلعت شفت
الهوسة كلها فوك بناتي كلهن فوك دخيلك ربي .
نقش : يممممههههههه مرررررجاااااانة
يتبع …
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.