رواية الموروث نصل حاد – الفصل الثامن والأربعون
♛ 48 ♛
ركض على بيت وصعد فوك وارث طلع قبله بالسيارة
يسوقها بكل سرعته متخبل من سمع بندر بالأراضي
نزل بيرغ يسحب بالسلاح ويركض سريع
ام وارث : دخيلك يمه ابوس راسك لا تتهور
يمه بيررغ لا تلوعون گلبي فدوة اروحلكم ولك يمههههه .
طلع بلا ما يسمع منها اي كلمة مستعجل
غضبان ثايره اعصابه الى درجة وعلى اثر
صرخة ام وارث والطبه درت وجهي واشوف
ميمونة واگعه بعتبة الباب على وجهه مغمى عليها .
وارث …
طول المسافة ، والطريق ، ودخلت الأراضي
وركضت المزرعة وجبر واگف يضرب بالباب
من شافني عاف مسافة وگفت بالباب وضربته
_ بندر اذا تتجرأ وتضرب اخوي هنا نكتلك اني
وبيرغ وندفنك ولا جنس مخلوق يعرف بعد مكانك
اخووواني خط احمرررر بندر افتح المهجوم لا اموتك .
همام : وارث روح هسة عوفني وياه .
دخل بيرغ على اراضي وگف السيارة بعشوائية
والمسدس بيده دفعني وضرب طلق على قفل الباب مرتين
ودفره برجله فتح الباب وفات عليهم ، صار مقابيلي
بندر واگف وبيده تجري دم ، التفتت على همام
وخايف لا صاير بي شي لگيت جهه من وجهه
منفوخه من الضرب ، هجم بيرغ على بندر
لف قميصه بين ايده ورجعه على مكتب
بيرغ : يول انتَ عرف ولف وتدخل بحياتنا
غلطنا بيوم ومثل الزمايل زوجناك اختنا
وهاي غلطة ما تترگع بعد وخلصنا منك
شعندك اليوم والثاني وهاجم علينا مثل الثور
منو انتِ ولك منوووو وخابصنا خبص .
قبض بندر على رگبت بيرغ قوي بيده
وگعده على كرسي وصاح بصوت غضبان عليه
_ روح اسأل امك انا منووو وشلون خربت حياتي
لازم نسيت امك شسووت وصرت اني الغلط هنا
والنكرة اللي سلمتوا اختكم وشوهته .
وارث : وانتَ شنو تريد تنتقم منهااا
مثل ما انتَ ما جنت بعقلك اختنا هم .
بندر : منو جاب طاري الأنتقام وشلون انتقم
من عرضي وبنية هممم لا حول ولا قوة وارث انتَ هم .
بيرغ : عجل شنو غايتك .
بندر : اريدهاا يا اغبياء يا ثولان يا طايحين الحظ .
همام : هاي ماتصير بأحلامك ألا اذا انا ميت
ومدفون جوا التراب ، وتضحك على عقل وارث
ويقبل ينطيها الك ويظلم اختي وياك يا مجرم
لك اخذتها منك جثة تعرف شنو جثة مكسرها
تكسير عقل ما باقي براسها مخبلهاا وتريد
اخاطر بيها واسلمك اختي لوو تمووت .
تقدم همام على جـبر وضرب على ظهره قوي
_ اختي انخطبت جـبر خطبها واني انطيت
غير هل كلام مايصير ولا راح يصير ابن عمها
رايدها جبر ناهي عليهاااا.
اباع على بندر برزت شرايين رگبته وعيونه
انصبغت احمر دم صارت ، يريد يروح عليهم
وگفت بطريقة لزمته وهوَ تخبل يدفع بيه
وبيرغ بوجهه وگف قريب من همام يتصايحون
بندر : جنيت على روحك وحگ ابو راس الحار
صار ساعة مخلوس خلس بيدي طگرتك صگر
من شفتهم صرت سبع وحچيتها عبالك هل
اثنين يوكفون بوجهي لا والعباس لا وعلي
لااا اخليك انتِ وياهم هسة يا كاتل يا مكتول .
جـبر : مكتول عزيزي ، هسة هنا نتگابل عليك
ونلعن خيرك ونردك البيت ابوك سابح بدمك .
نطت عيون بندر على جـبر وصاح بي
_ طلع السانك ابن خلف شفت روحك
رفعوا خشمك ولد ساجر وكبروا راسك
لأن لو بيهم خير يفكرون هوَ خلف بي
خير حتى خلفته السگط تطلع زينة .
جـبر من صوب يريد يضرب بندر همام يطلع
بجبر وبندر يدفع بيه حتى يوصل الهم
وبيرغ بدقيقة صار هو وبندر مضارب لزمت
بندر ودفعته على كرسي حيل راد يوگع وعطت
وايدي على رگبته وهوَ عيونه القهر ينشاف بيها
وارث : لا ترفع ايدك على اخووتي .
بندر : اخوتك يتجاوزون ويضربوووني وارث
تحاميلهم وانااا صاحبك ما توگف وياااايَّ .
همام : فد قندره ويوگف وياك .
جـبر : هي هـاي الناقصه يوگف ويه الغريب ضد اخوتو .
بيرغ : اطلع بندر اطلع بكرامتك احسن .
دفر بندر الكرسي برجله رگعه بالمكتب
ودفعني بقوته واخذ جـبر بين ايده
_ شوف لك زلمة براسي ما تصير كلك على بعضك
چلب خلف وخدام ولد ساجر ، زعطوط ما تنحسب
على زلم ، اياك تخلي ملك من املاكي براسك .
بيرغ ضربة من وره يدفع بي وهمام تخبل
همام : ملك من املاكك شنووو لك لا تحچي
بعرضي راح اموته والله .
حچاها وشال الكرسي يضرب بندر على ظهره
وبندر محتار بجبر يضرب بي بوكسات
وكل ما يحچي بيرغ وهمام يزيدون بضربهم
وأذيتهم على بندر ، وگفت بنصهم ادفع بأخواني
واسحب بندر من جـبر احمي منهم تخبلوا اخوتي
تخبلوا شلون يصيح بندر اريدها وملكي .
گدرت اطلع بندر برا المكتب راسه يجري دم
وظهره كلن تشخط يسيل الدم منه على قميص
وارث : لك بندر كااافي اصحى تصرفاتك غلط .
بندر : لك صايرين زلم براسي العارية يفضلون
ابن خلف عليَّ ، يريدون يزوجوها عبالهم سهلة.
_ چا بكيفك !
_ شوف ومچتف الأبو فاضل اذا سمعت لو حسيت
لو دريت مسويها اكتل ابن خلف واموتها واموت
روحي ، ميمونة ما تروح لغيري وارث يا آخذها بحلال
الله لو الله ياخذ روحها قبل ما اشوفهااا بيد غيري.
دفعته حتى ما يسمع كلام همام صعدته بالسيارة
بندر : وارث اذبحهم وعلي انا مخبل .
_ ظل تصرف مثل المخابيل عفية بندر .
_ شوف لك اني احبها وعلي ما تصير الغيري وعلي .
_ بندر احترم نفسك كافي ترا اكمل عليك .
_ وارث ميمونة اخر امل متمسك بي حتى
اظل عايش خسرت كلشي وبقت هيَّ .
لا يسمع ، لا يقتنع . لا يتفاهم متخبل رسمي
بندر : ضربها حيل موو مأذيهاااا ؟
_ معليك يا اخي لا تدخل .
_ انتَ مو سويت المستحيل حتى تحصل على حبك
ليش ما تحس بيه ليش ما تسندني حتى اخذها ؟
صفنت بوجهه وجريت نص الكلينكس اضغط براسه
حتى الدم شوية يوگف ، عيونه حمره دم تعبانات
وارث : نختلف .
بندر : انتَ ما حبيت بگدي .
وارث : ما بيناتنا مقارنا لا تقارن اگلك نختلف .
بندر : صح غلطت وضربتها بس خلي نفسك بمكاني
لو مشوهتك زوجتك تظل وياها تستمر تحبها وتريدها
وتحارب عليها جنت مقهوررر منهااا مقهوررر .
وارث : ما تريدك لك ما تريدك عقلك ليش ما يفتهم .
اخذ كلينكس هوَ يسد براسه ويريد يشغل السيارة
ويروح بهاي حالته منعته دفعني وطلع من الأراضي
فتت على اخواني لگيتهم يتفقون عليَّ صحت بيهم
وارث : اريد اذكركم بيوم ما صاروا زلم جماعة صلوات
وفاتوا على بيت ضربوكم بندر حار شلون ياخد حقكم
منهم شواربهم زينهاااا ، وبيوم ما اخوك شهاب
العار غدر بيك ليل مع نهار افتر وراه الحد ما حصله
واخذ ثارك منه وعاد تربيته من قهره عليكم
كلهن ما توگف بعينكم ما يغزرن ما ينذكرن الزينات .
ركضت ركبت السيارة ورحت وراه توجهه على خرابة
البيت القديم اللي ماتت بي امه ونزل منه فتحه
وفات بين ما قفلت السيارة نزلت وراه لگيته فاتح
علبة ويضمد بجرحه وحده ، جريتها منه وگعدت
اعقم براسه وافهمه ما يهون عليَّ يزعل
_ يا خوية انتَ وياها بعد غلط جمعتكم
هي تعذبت وانتَ تعذبت وشايل بگلبك عليها
ولا تگلي ما حاقد عليها بعد ما شوهتك حتى
لو مو بعقلها تظل بينكم فجوات وخوف ومشاكل .
بندر : انجب فجوات شنو حچي الدكاترة لا تحچي
لا تصير دكتور براسي لا احط المگص بنص گلبك .
وارث : اللهم طولچ يا روح ، لك البنية تخاف منك
ما تريدك واهلها كلهم ما يريدوك كلنا بندر ضد
رجعتكم واني اول الناس ، واهلك رافضيها
من البداية ما قبلوا على زواجكم ، يا اخي
روح تزوج بنت عمك وعيش حياتك .
بندر : شكد تاكل طين لك رايدها وما اريد غيرها
اتزوجها وغيرها ما تتسجل بأسمي ، حاقد ضايج
منها من نرجع انسى و.
وارث : بالسانك تگول حاقد وضايج ومخلي
احتمال اذا ترجعون تنسى واذا ما نسيت شلون
شامرين اختنا بالمجهول ليش شنو يجبرنا .
بندر : من الأخير لو كلها تصير ضدي اخذها .
عقمت راسه لفيته وطلعت من البيت قبل لا اكمل
عليَّ ، وگفت بعتبة الباب وصحت بي
_ اطلع من هل بيت قبل لا ترد النقطة الصفر وتكبسل .
_ لا تخاف عليه عود اختك تشافيني.
طبگت الباب واني اسب بي طلعت من البيت كله
واني بنص الطريق رن تلفوني بأسم الوالدة
_ الو ها يمه .
_ ولك يمه اركض هاي اختك موو زينة .
الطريق صار طريقين وصلت للبيت بعد ما أكلت روحي
من القلق لگيت ميمونة بحضن امها مغمي عليها
وأمي تغسل بوجهه مرجانة تلبسها عبايتها وملِكه
فتحتلي الباب ، أخذتها من بين إيدهن و ركضت
للسيارة البنية جسمها متخشب وترعش بوجع
بين إيدي وجهه أبيض شاحب وشفايفها زرگه
صايرة ، صعدت أمي وأمها وياي بالسيارة
وأنا بالطريق خابرت إخواني صحت بيهم
_ أنا بالمستشفى الـ****** تعالوا كلكم ورأيَّ
ميمونة حالتها مو زينة اركض أنت وأخوتك .
رجعت شلتها أول ما وصلنا ركضت بيها
على الطوارئ وقبل لا يشخص الدكتور
حالتها عرفت ميمونة تمر بحالة الشمره
بسبب الضغط النفسي والخوف والقلق
اللي عاشته الأيام الفاتت ، وسوء التغذية .
نومتها على السرير المستشفى والدكاترة
اثنين احونا ، عرفتهم على نفسي وبقيت
وياهم أهلي طلعوا بره بعد ما شخصوا
حالتها طلع نفس توقعي ، استعجال الدكتور
طلب تحاليل شاملة تخطيط الدماغ وتصوير
رنين مغناطيسي سويته الها بسرعة وبين
ما يطلع فاقت على علاج والدكتور من شاف الكدمات گال
_ هذا مو بس بسبب الضغط النفسي حتى
بسبب التعنيف البنية واضح عليها مضروبة .
دخلوا كل اخواني وياهم جـبر عرفوا حالتها
من الدكتور واني عفتهم ودخلت على ميمونة
لزمت ايدها وگعدت قريب منها على سرير
_ ميمونة خوية ليش تحرگين بروحچ
اذا تفكرين محد اخذ حقچ من همام
أنا مستعد هسه أرفع دعوة واشمره
بالسجن وانعل ألچ خيره .
ضغطت على إيدي وبچت مهضومة
_ أنا زعلانة منه بس ما يهون على گلبي
أخوي ينشمر سجن بسببي ، وداعته هوَ
لأن عرفت بندر وياه بالأراضي تخربطت من
خوفي عليه ترى أنتوا ويا روحي إذا تتأذون
أني اتعب ما يهون عليَّ اذيتكم والله .
مسحت دموعها من فاتوا وهمست بخوف
_ انتوا ظلمتوني مثل ما بندر ظلمني
وضربتوني على غلط مو ذنبي بي
وهوَ هم ضربني وعذبني على غلط
سويته وانا مو بعقلي ، عبالكم اني
مرتاحه بهل مصايب لا والله لا ، عندي اهم
شي انتوا وراحتكم اني مو مهم عندي روحي .
درت وجهي على إخواني بيرغ طلع من المكان وهمام
منزل رأسه متندم بس ما يقبل يعترف بغلطه
وسهم أجه لازم أيدها وگاعد بصفها تبچي
بحضنه مقهورة من عدنا طلعت
وگفت قريب من جبر وبنبرة ثابته بلغته
_ تعرف شگد احبك ومعزتك بمعزة سَــهم عندي
بس لا تفكر ولا بثانية وحدة تاخذ ميمونة
ولد خلف عندي بيهم اكسات ما تعد ولا تحصى
وهذا همام حچاها بساعة عصبية ما قاصدها .
همام : قاصدها لا عصبية ولا .
جـبر : انتظر همام دقيقة ، انتَ تعرف قبل لا
ياخذها بندر جنت رايدها وابوك من تعارك
هوَ وابوية شغل عناد زوجها بندر وهوَ
ابوك چان ما رايد بندر بس الخاطر الورث قبل
لأن بندر ضغط على امه تتنازل على ورثها
مهر لميمونة وابوك عيونه نعمت ووافق
بس انا جنت منتظر انا اكبر وهيَّ تكبر واخذها .
رفعت إصبعي على شفايفك احذره وعيوني فكيتها
_ هذا الموضوع ما ينفتح .
جـبر : ليش ما ينفتح رجع ورث
عمتك البندر وخليه يكف منه .
همام :وارث صاحبك العار ذابح روحه
على أختي مو على سواد عيونها ولا حباً بيها
بس هو دافع مهرها ورث أمو ، ورث امو اللي
ما يملك غيرو باقي متمسك بيها حتى يحصل
ورث أختي وهذا الشيء بعيد على شواربه .
جـبر : أنت بس ترجع لبندر وارث أمه وهو يعرفها
ويعوفنا بعد ما يگلبنا جرب وراح تشوف بعينك .
وارث : بندر أعرفه زين صاحبي من سنين، يحب ميمونة
رغم كلشي شاف منها وبعيونه غدرته كذا مرة وشوهته
وإحنا كلنا عذبنا وهو ظل متمسك بيها ، لا همه فلوس
ولا ورث، واملاك ابو كلها تحت امره وما يهمه
ويگدر ياخذ بنت عمه ويصير مالك زمانه
بس كل هذا مو بعينه بعمره ما حب الفخفخة
فلا تحكمون عليه ولا تشوفون العالم بعيونكم .
طلع جـبر من المستشفى شايل بخاطرة مني
وهمام گعد على كرسي ، رجعت على ميمونة
نايمة وامي گاعدة بصف ام ميمونة وتصيح
_ شني ولكم يمه مشاكلكم ما تخلص
مو ملينا وقلوبنا ورمت منكم وين نهج .
وارث : يمه ليش تحچون عبالك أني مشتري
المشكلة بفلوس حتى ادوخ بيها روحي ؟
_ لا عيوني يمه مو هذا قصدي .
سكتت منها انتظرت التحاليل تخلص طلعت جبتهن
رحت على الدكتور أنا وهمام وبيرغ ويانا وسهم
عفته گاعد عند ميمونة بعد ما شاف التحاليل گال :
_ تحتاج راحة مدة شهر متواصل بدون ضغط
بدون مشاكل واكل صحي بوجبات منتظمة مضبوطه .
همام : من يلفي هذا المريض المشوهه عليها البنية تنتكس
انطوني ورقة بيها نظام أكل لازم تمشي عليه والأدوية
منتظمة تاخذها على مدار شهر أخذتهن منه تشكرته
سلمنا وطلعنا اخذنا ميمونة ورجعنا على البيت
ولگيت جـبر بالباب منتظر رجعتنا .
ملِكه ..
فاتحة الشباك وگعدنا اني ومرجانة بغرفتي
اول ما سمعنا صوت السيارة نزلنا نركض
استقبلنا ميمونة من بين ايدهم اخذناها
فوتناها للغرفة مالتها دايخة نومتها
والولد بالأستقبال باقين وامهاتهم يمهم
فاتت مُـرجانـة علينا للغرفة وقفلت الباب
طلعت تلفونها من صدرها وعضت اصبعها
_ هذا المخبل موتني طير عقلي بالتهديدات
هاچ ولچ هاچ ساعة السودة من عرف بيها رقمي
وخابرته الدقيقة والثانية مهددني هسة بيها عليها .
بقيت صافنة عليها ما فهمت مقصد كلامها
بس ميمونة جرت التلفون من ايدها وخابرت
ورفعت اصبعها على شفتها گعدت يمها من گالت
_ كافي بندر بروح امك بس عوفني .
فتحت عيني وضربت خدي ولزمت مُـرجانـة وعضيت ايدها .
واسمع صوته يصيح من يحچي وياها
_ راضية على جـبر؟ مقتنعه بأبن خلف يتزوجچ ؟
قابلة تصيرين حرمة غيري ولچ بنت السحارين.
غطت نفسها عبالك يباع عليها وجاوبته وصوتها يرجف
_ تريدهم يموتوني انتَ والله اذا يعرفون
نتواصل وياك اني وهل مسكينة يذبحونه .
_ جاوبي لا تلفين ودورين .
_ ما اريدك كافي بندر ما اريدك تتأمل ابد بيه .
_ تريدين جـبر مو ؟
_ لا جـبر شنو جـبر كل عقلك .
_ چا ليش ما تريديني اذا ما تريدين هل چلب ؟
_ جـبر بمعزة سَــهم وبس ، اشوفه اخوية .
_ وهووو ما يشوفچ اخته لچ ما يشووووفچ
اخته يريدچ والعباس اجرم بحالة اذا يفكر
بيچ انتِ كلچ مالتي حتى لو ما نتزوج تبقين مالتي .
مردت اللحاف بين ايدها ونظراتها ضايعة
ميمونة: مو بكيفك .
_ يعني شنو مو بكيفي .
_ اني لا مالتك ولا مال احد عوفوني
عمي عوفوني بحالي مابيه بعد صحة تعبت .
ملِكه : كافي يا عيوني ميمونة لا تبچين
انتِ هسة راجعة من المستشفى وطلعتي من الموت .
بندر : يا موووت ! بس لا رجع ضرررربچ ولچ
ميمونة مو احچي وياچ حاچيني .
ملِكه : عمي استهدي بالرحمن وليتنا فرد وليه
اذكر الله البنية انشمرت من ضيمكم والضغط
النفسي عوفوها لا تموت بس من الخوف منكم .
تحمحم من سمع صوتي وصاح بميمونة
_ سدي الصوت لا تخلين احد يسمع .
ما قبلت تسد الخط بقيته ومرجانة نازلة بالگاع
تشوف من جوة الباب تخاف لا احد يجي وتصير
كتلتنا جماعية محترمة يعدلون اخلاقنا بيها .
ميمونة : اسمعك .
بندر : شبيچ احچي الصدك ضربوچ ليش المستشفى .
_ تخربطت فقدت الوعي من الخوف سمعت بيك
بالأراضي وخفت لا يصير شي چبير من ورايه .
_ وشگال الدكتور .
_ ضغط نفسي حالة نفسية صعبة وسوء تغذية .
_ تحتاجين زلمة مثلي يستر عليچ بعلي اطير المرض منچ .
هوَ حچاها وهي طبگت التلفون بوجهه
وشمرت التلفون غاد عنها ترجف من كلامة
واني اريد الزم ضحگتي ما اگدر ، مُـرجانـة
تخجل خدودها صارت حمره وتضحك اخذت
التلفون رجع خابر رفعت ايدها وصاحت بينا
_ والله فلا اجاوب ابد .
تحملت على روحها مُـرجانـة وجاوبته
_ بندر نامت نامت البنية تخربطت .
_ انطيني ميمونة لا اخابر وارث وعلي
اگله مرتك تخابر والدليل مدة المكالمات اخر مكالمة
هسة يشوف مكالمات دگ مني ومنچ ويسحلچ .
باوعت على حايط والتلفون بيدها وصاحت
وعبالك بندر گدامها مو بالتلفون وتأشر بيدها
وخديداتها مصبوغات من العصبية دم صايرات
وعيونها من تصير عصبية تلمع تظل
مُـرجانـة : شوف بعد اذا تخابر وداعت امي غـاليـة
اخذ التلفون على وارث واگول اله هاي اختك ميمونة
تخابر بصاحبها بندر من تلفوني سوت تلفون مرتك
حمامة رسايل ، وهم احچي لهمام وبيرغ وسهم
واخليهم يلتمون على ميمونتك ليمونك يعصروها
عصر ما تلحگ حتى على گشورهااا .
خلته يسكت يريد يستوعب وهيَّ كملت
_ بنت شيخة غـاليـة انا ما اتهدد تراااا
لا تخوفني بوارث لأن ما اخاف والله
احرگ الأخضر واليابس عليكم خليني
محترمة نفسي واكف خيري وشري
مصختهااا بس تهدد تهددد عود اني زينة وياك .
طبگت الخط وقبلها صاحت بي ” يلة باي ”
تخاف تطبگه بوجهه واني وميمونة بقينا فاتحات
حلگنا عليها وعلى عرامتها ، طبگت الخط وبقت صافنة
على شاشة اقل الدقيقة وخلت ايدها على صدرها وهمست
_ اوووف هسة ارتاحيت ماي بارد نزل على گلبي
بعد ما يخابر خلصت منه ومن تهديداته .
بعدها بعز فرحتها دز رسالة
” سهلة يا بنت ال ضـلـيل اذا ما طلع
سالفة ثاري القديمة والجديدة بيچ صبر ”
هزت ايدها ومبين عليها الخوف عكس كلامها
مُـرجانـة: عباله اخاف ، هوَ اني وارث ما اخاف منه .
ملِكه : صدگت بلا حلفان .
مُـرجانـة : هاي وانتِ شاهدة شلون بات برا البيت .
ملِكه : مكبر عقله وياچ ، لو يريد بعيطه منه
يمشيط على خط المستقيم بس ينقهر عليچ .
ميمونة : شفتيها شلون تهدد انتِ شفتيها .
مُـرجانـة: زعلت لأن هددت بندوره الأمورة .
فزينه اني وياهن على صوت وارث الخشن
_ مرررررررررجانة .
ضربت على خدها قوي قوي وهمست
_ عزززا عزززا خابره خابر على وارث
راح يذبحني راح يشمرني على بيت
اهلي واني ما اريد اعوف وارث احبه.
ميمومة : عززا والله يذبحونه .
وارث : مررررجانة لچ وينچ مُـرجانـة .
مُـرجانـة : عرف والله من صوته عرف شسوي بروحي
وين انطي وجهي اخابر عمي ضـلـيل يجي ياخذني.
اثنينهن رجلهن تگرمت بعد تعوقن من الخوف
عفتهن ومشيت طلعت لگيت وارث بالگراج
ملِكه : ها وارث تريد شي ؟
_ مُـرجانـة وينها ماكو فوك ؟
_ تبدل بملابس ميمونة .
_ صيحيها خوية بساع اريدها هي وتلفونها .
عضيت شفتي السفلية من الخوف وعطت
بمرجانة اجت والتلفون بيدها عاصرته عصر
مُـرجانـة : اني معليه .
درت عليها غمزت الها وعضيت شفتي حتى تسكت
وارث : وين تلفونچ مُـرجانـة ؟
رفعته بيدها وترجف
_ هذا شـ شبي .
_ اريده جيبي .
_ تفرمت ما يفيدك .
اكلت شفتي اكل وهيَّ ولا تفهم دموعها بطرف
عيونها وهوَ مستغرب من منظرها وجوابها
_ ليش تفرمت ، مو اخابر عليچ من الصبح
ليش ما تجاوبين ويرن وماكو رد .
ملِكه : مو اني هم تخربطت بس مو هواي
وحارت بيه خطية بقت يمي جوه ما تسمع .
وارث : والجني ينطي رفض ؟
مُـرجانـة : تلفوني يخربط .
لزمها من معصم ايدها وصعد بيها فوك
بعده بنص الدرب وصاح بي همام مدري
شنو صاير بالأراضي عافها وراح يركض
بقت تباع على باب ونزلت دموعها
مُـرجانـة : هذولي شبيهم حتى عركة ما يخلونا نكمل
والقران راح اروح البيت اهلي بعد ما ارجع مليت .
احتاريت بينها وبين ميمونة وام وارث صاحتني
رتبت الأستقبال وصعدت فوك نظفته كله توني
كملت المسح وسمعت صوت اذان المغرب فتت
سبحت وصليت وقريت قرأن الأبوية بعد من
اخذتها عهد على نفسي دائماً اختم قران
وأهديها الى روح والدي .
بس كملت عبرت الساعة تسعة اخذني الوقت
واني الم بالسجادة اريد اخليها على ميز وگع بطل
العصير ، لميت الگزاز ورحت جبت وصلة امسح بيها
وفات بيرغ بالحذاء مالته وگفت ولزمته من صدره
وعيوني على گاع اخاف لا صار بيها طين
_ يا يا يا لا توصخ الغرفة انزع الحذاء
توني نظفت شنو تفوت هيچ عندك خدامة .
ضحك وشالني من خصري والوصلة بيدي
شمرني على چرباية يعض بيه ويگرص
بيرغ : يولو وتالي وياچ انتِ وهذا اسلوب
الهمج ويايَّ شسوي وياچ اگص لسانچ .
رفعت الوصلة بيدي شمرها بالگاع ورجع رفعني
من الچرباية اخذني للحمام يغسل بيدي
ويعض بچتفي قوي من كل گلبه ، ورجع سحبني
رجعني للغرفة وقفل بابها علينا وينزع بالقميص
مالته بهتت وگعدت على چرباية خايفة والرهبة كتلتني
ملِكه : استر روحك عيب .
بيرغ : نريد حل ويه لسانچ الطويل .
_ بعد ما يحچي .
وجهه كله يضحك جر تشيرت خفيف من الكنتور
لبسه وغير كل ملابسة وتقدم عليَّ گعد مقابيلي
صعد رجلي وصعدني من الگاع صارت رجلي
على چرباية وهو قلدني وصارت رجل بالگاع
والثاني ثانيها على چرباية مخليها وايده
متمسكة بيدي ما عايفها ابد ، وبيده الثانية
مدها ينزل بشعري عبالك يمشط بي بكل هدوء
رجعه خلف اذني وقدم اصبعه على حاجبي
يعدل بي ونزله بخفوت وتأني على رموشي
غمضت قوي وانفاسه احسها صارت على خدي
وقليل نابت من لحيته تحسسته بخدي وكل
حيلي وضعي وحالي تخربط بس همس بأذني
_ ملِكه .
بلعت ريگي وحاولت افتح عيني ورجع همس
بأذني بأسمي بكل هدوء ونزل رجله بنفس
الثانية رفعني من السرير وگعدني على رجله
وطبع شفايفة على خدي ويجر النفس مني
خفت من وضعي بين ايده وهذا ضياعي
مستحيل معقولة بعد هل فترة الطويلة من
كرهي ونفوري اضعف بين ايده ليش ؟
ميصير احس كل ما اضعف بيده اكره روحي
اني براسي اعوفه ابتعد منه ما اريده ولا أريد اهله
ليش كلشي بيه رافض بعده مني ما اريد اضعف
اريد ابتعد بس عقلي وروحي ساكنات بأمان ودفو حضنه .
بوساته توزعت بين خدي ، عيني ، فكي ، رگبتي
وصعد على شفايفي محتوي جسمي بالكامل
جسمي ضاع ضياع لا يوصف وعقلي فصل
رفعني نزلني على سرير استسلمت اريد ارفضه
عقلي رافض قراري ، جر مخده خلاها جوه
راسي واني مغمضه عيني قوي بس حسيت بشفته
تبوس شفتي تلمست خده وبقيت جامدة بس
مطمئنه رافضه البعد بكل اشكاله ، بس عاف شفتي
انفاسه ابتعدت ثگل جسمه خف مني ، وحركة صارت
على سرير تعلن بعده عني ونفوره مني .
بعد ما تقبلته ما رادتي ، مو مرض منه تعالج تماماً
ورجع كامل ويگدر يكون اسره ، لالا مو هنا الخلل
الواضح هوَ نفر مني ما يريدني كارهني
لا مو كارهني بس ما يريدني نافر من قربي
هاي ثاني مرة يسويها بيه يضعفني بين ايده
ويعوفني بحالة ضعيفة بوضع مكسور موو حلوو
ليش ؟ وشنو غايته ليش دا يسوي بيه هيچ ليش .
فتحت عيوني لگيته گاعد على تخم بعيد مني
مشغل جگارة وصافن على مكاني والقهر بعيونه
ضاغط على اعصابة عاصر مسند التخم بيده
عدلت نفسي وملابسي ورفعت جسمي على تاج
الچرباية من الفشلة اريد ابچي ولازمة روحي
توبة اذا اضعف بيده بعد توبة اذا اسلم نفسي وافشلها .
رفع التلفون بين ايده اسمع رن المكالمة
وقدم ايده عليَّ بمعنى تعالي ، وفزيت
كلي بكل حيلي من سمعت صوت امي
وجسمي انتفض تعثرت وگعت من الچرباية
وگفت امشي الطريق صار شطوله جريت التلفون
من ايده وبقيت بالگاع رجلي انتهت بعد ما تعيني
ملِكة : يمهههه هاي انتِ يمه حبيبتي .
_ يا عيون امچ ونظرها ونور عينها يا ملِكه
يا يمه كسرتي گلبي بغيابچ يمه ، ادمرت دمار
من يتشمتون بمرضچ يگولون بنتچ تخبلت
وصابها المرض حوبة ابوها ، خفت يمه ملِكه
خفت بعد ما اگدر ادحگ وجهه بنيتي ملِكه
ولا احچي وياها ام عقل الچبير حبوبة ابوها .
دموعي هلت واخذت طريقها وكل جسمي
يهتز من البچي والنوح اشهگ بعلو حسي
وصوتي اختنگ الغصة صار ببلعومي عليها
ملِكه : سامحتيني يمه ؟ خربت حياتكم اني سامحتيني .
جاوبتني واسمع صوت جنى يمها
ام ملِكه : قدر وانكتب يمه لا بيدچ ولا بيدي
حبيتي ملِكه يمه اني راضية عليچ وابوچ
راضي عليچ وبيوم ما اجه عليچ گال بنيتي
اني ربيتها لو اشوف بعيني ما اصدگهم
اجه يخلصچ من ايدهم ويحافظ عليچ
ومات وهوَ راضي عليچ والله يا يمه راضي عليچ ويحبچ .
اختگت من البچي والدموع ما اگدر حتى احچي
وهي تسولف على صار بيها بغيابة
ملِكه : يمه اريدچ ، اريد خواتي تعبت .
ام ملِكه : خوالچ اجوني وشافوا حالي وحلفتهم
يبيعون بيتنا ويشترون النا بيت قريب منهم
وكلت خالچ والحمدلله اشتريت بيت يمه
ومنتظرة الدعوة اللي رفعتا وليدي بيرغ على عمامچ
تخلص اريد يتعهدون ما يتعرضون النا واحتاج
قرار قاضي حتى اطلع منهم غصب عنهم .
خليت ايدي على خدي ورفعت عيوني بعيون
بيرغ اللي نملت ملي شرايين صغار لون احمر
وجسمه تصلب خشب تخشيب وهوّ يناظرني
ملِكه : وتاخذيني يمه ؟
ام ملِكه : اي وروح ابوچ .
بلعت ريگي بخوف وهمست وعيني بعينه
_ وبيرغ ؟
_ اخذت منه كلمة بي يأمن علينا يرجعچ
يمي لأن گال لليوم ما صار بينكم تفاهم
والطلاگ بينكم احسن حل .
نزلت التلفون بحضني واقتربت واني على
گعدتي على بيرغ وبعدني بالگاع راكعة
_ صح كلامها .
طال النظر بعيوني وهز راسه ب” اي ” ودار
وجهه وعيونه مني بعيد مني ما يريد يشوفني .
رفعت التلفون على اذني وهوَ راح على چرباية تمدد
ملِكه : عليچ الله يمه لا تتأخرين عليَّ اشتاقيت
اشوفچ وانام بحضنچ اريد اخواتي حبابة يمه .
_ ان شاء الله يا يمه اقل من الشهر زمان واخذچ عندي .
ترخصت وراحت تخاف عمامي يشوفون التلفون يمها
سديت الخط وخليت التلفون بصفي ودموعي ما وگفت
فرحانة وخايفة ، مقهورة ومتحمسة ، اكو فرحة وخنگه
بنفس الوقت ، گعدت بمكانه على تخم وهنا عرفت
ليش بيرغ يضعف وبعيدين يرفضني .
نايم ويتگلب اكثر من ربع ساعة ونهض من مكانة
جر ملابسه من الكنتور وقبل لا يطلع صاح
_ راح ابات برا البيت اليوم .
ايليا …
بعد موجة العصبية اللي عشتها بيوم ما نطقت
ورفضت قربه وتقبله وتكملت حياتي وياه
شردت من الغرفة الفوك وبقيت ليل مع نهار
بغرفة فاطمة ما طلع منها غير من اروح للحمام
نفور مو طبيعي من البيت والغرفة مالتي ومن
كل الحياة احس الدنيا كلها طمعانه بيه وضعت
بمنو اصدك ومنو يريد اليه الخير بدون مقابل .
بعز نومتي فزيت وعدلت گعدتي استمع
الأصوات همَّ بالإستقبال أسمر صوته بكل
وضوح يبلغ عمي فؤاد
_ هذا الدكتور الحقير ماهر صار بيد
تراث من البارحة بالليل بوية فلشه تفليش .
ما أعرف شلون أعبّر عن فرحتي أحس بروحي
جنت بسجن واليوم صار الفرج گلبي يريد
يطلع من مكانه من الفرحة ويرجف من الصدمة
والفرحتراث عرف الحقيقة ياربي واخيراً عرف
كلشي من هذا الحيوان ماهر الله لا يوفقه .
اجت فاطمة حضنتي بكل قوتها تبچي وتبوسني
وتصيح ودموع الفرح تعبر على فرحتها
– ولچ يمه ايليا گومي طلع حقج حق اليتيمة
ما يضيع يمه بانت الحقيقة تراث لزم ماهر
خلصتي ولچ يمه خلصتي من كالوس ماهرر .
حضنتها ودموع وصياح وضحك اختلطت علينا
دخل عمي فؤاد على صوتنا حضني يبوس براسي
بداخلي عتاب ووجع منه لأن ابتعد مني ويمكن
صدگهم اني اغلط هيچ غلطات ، بس سؤال ياكل
بگلبي ومخرب فرحتي ليش الولد ما يباوعوني
بوجهي؟ ليش ابتعدوا؟ زعلانين عليّ؟لو من شافوا
الصور أخذوا عني فكرة مو حلوة؟معقولة بَطّلوا
يعتبروني اختهم الصغيرة؟
ظلّوا تراث وكريم للساعة عشرة بالليل ما رجعوا
اليوم فاطمة وام تراث من بعد ايام تعب گدروا
يطبخون للولد أكله تسند روحهم وطولهم بعد كل التعب
فرشوا السفرة بالاستقبال بيها من كل صنف اكله طيبة
بيبسي وعصاير بكل زاوية حتى تكفي عددهم وضحكتهم
رجعت تملي البيت بعد ما جانت طافية بسببي
ما گدرت أرفض كلمة عمي فؤاد، گعدنا كلنا
على سفوة وحدة بس أنا ما متقبلة أي شي
يدخل بطني زاد نفوري دخلول تراث عمي
مبتسم بس هو وجهه معبس واضح عليه
العصبية كاره كلشي ولا عبالك انتهت المشكلة .
راحوا غسلوا هو وكريم ورجع گعد كريم گعد
متحمس جوعان عكس تراث اعتزل وحده
عيونه على تلفزيون عيوني ثبتت عليه
أريد أعرف شبي شيفكر شنو يحس
وبنفس الوقت خايفة، خايفة ما أضمن ردة فعله
ما أعرف إذا فعلاً فهمني، لو بقى كارهني بعد الموقف
اللي صار، يمكن أخذ مني موقف اني رخيصة ما يتغير بنظره .
شالوا الولد السفرة صدت عيني على عينه
شفته يتابعني نزلت راسي بسرعة وشردت من
الاستقبال دخلت للحمام غسلت إيدي وروحت
على غرفة فاطمة، ما لحگت أرتاح ودخلت فاطمة
عصبية عليّ، عتتني من طرف دشداشتي وتصيح
_ شبيچ گاعدة وحدچ مسكونه .
ايليا : يمه عوفيهم يرتاحون من يشوفوني
والله احس بنظراتهم كسره تعبتهم اني هواي .
عضت اصبعها وضربتني على راسي خفيف
_ ولچ تخلين هاي تتشمت بيچ ام وارث
وتگول لأخواتها مكسورة عينها تعرف بروحها
غلطانه خاتله بغرفة فاطمة ، ولچ هذني من
يجن يظلن يزعلن بيچ بالحچي امشي اطلعي ويايَّ .
جرتني من ايدي تعدل بشالي
_ حتى هذا ابو راس تراث ما يگول شعرها طالع ويسممنا .
طلعت وياها اخذت صينية الچاي وايدي
ترجف بعدني بالباب وعمي فؤاد شفتي شگد
تعبانة صاح على تاج اجه اخذ الصينية من
ايدي بلا ما يرفع عيونه بعيوني ابد ، حزت
بخاطري رحت گعدت بصف فاطمة بالگاع
لازمه بدشداشتها وتراث نايم على مخدة
وايده على عيونه فز على صوت امه تصيح
_ يمه تراث ما تاكل .
جاوبها وصوته مبحوح بح من الصياح
وايده وحده منهن ملفوفه لف بشاش
توني انتبهه عليها مساع ما شفتها زين
_ شبعان يمه .
ضحك تاج وصاح
_ شبع بماهر هههههه .
شال ايده من عينه وخزره خزره من يمي
درت وجهي كله على تلفزيون لا من شاف ولا من سمع .
ام تراث : باجر امي واخواتي جايات علينا
واخوتي يريدون يشوفوك عيوني ابو تراث .
_ هلا بيهم .
تراث : راح تجي الشلة التعبانة .
اسمر : لازم تجهز هل جيه مو بس ردود
قوية تحتاج تناوير حتى تكف صواريخهم .
ام تراث : شحدكم ولكم تزعلون اهلي .
اسمر : فدوة لعلي شلون اهل مؤدبين مثقفين .
شلت هم شكبره من جيتهن هي بلا فضايح شاهراتني
مو النوب هل مرة جايات ومحملات فضايح وسوالف
انعكفت عكف والقلق بين على ملامحي ذبيت حسرة
ولميت رجلي على صدري من شفته عدل گعدته صار
مقابيلي وشغل جگارة وابو صاح بي
_ ولك ذبهاا ابوك ما يشرب بالبيت مو عيب عليك .
تراث : بوية ما تعوفني الدنيا دايسه عليَّ .
اسمر : لا يلتجئ لأمور اخرى اخطر من الجگاير .
تاج : غدي المتزوجين والله كأبه .
اسمر : ولك مو دائماً .
المسلسل بلشت الأصوات سكنت نمت على رجل
فاطمة من طفت الأنارة كلها ، غفيت بحضن فاطمة
بلا ما احس نمت بس عبرت الساعة 11ونص
عمي فؤاد راح على غرفته والولد كلهم تعبانين
واحد وره الثاني ، وحسيت على فاطمة ترفع
راسي وتراث قريب منها يساعدها يخلي المخدة
جوه راسي وهي تهمس اله
_ والله اذا تعاركها انعل والديك .
_ راح انام .
حچاها وراح بالجهه المقابيلي كور المخده
واني اخاف اگعد ويرزلني هو وفاطمة
لان مببن دا اشرد ، بس راحت فاطمة المكان
صار هدوء مو طبيعي والظلام طاغي على زاوية
سمعت صوت خطواته تقترب وحركة قريبة مني
وشعري ينسحب من الشال وينفتح من القراصة
صار وراه راسي وراسه قريب من راسي نزله
على مخده وخشمه يقربه على شعري جر نفس
طويل وگعد ما ظل نايم ، سمعت طگت الجداحة
وسحبة نفس الجگارة وحسراته اللي يذبهن وحده
وراه الثاني وبس حسيت نزل راسه مرة ثانيه
قشعريرة وسرت من اسفل ضهري ضربت راسي .
بعد دقيقتين وگف على طوله وطلع من الاستقبال
دخل للمطبخ اسمع صوت طگطگه وشوية
وسمعت صوت الباب الخارجي ينفتح رجلي
جامدة بمكانها خفت لا أوگف ويحس بيه ويعرف
آني عرفت اقترابه مني ويروح يتجرأ يسوي اللي
أكبر منها خليه يعرف أنه أنا ما ادري يقترب مني
ابد ، رجع بعد كم دقيقة ودخل المطبخ مرة ثانية ورجعت
أسمع بنفس صوت الطگطگه اقل 5 دقائق ودخل على
الاستقبال وحسيت بحركته قريبة مني إلى درجة
ما تنوصف فزيت من مكاني أول ما سمعت
كلماته وهو يتأمر
_ ايليا گعدي .
عزا العزاني عزا العزاني بس لا أعرف
أني گاعدة بقيت أمثل النوم ورجع كررها
أكثر من مرة إلى لزمني من إيدي وگعدني
عدل والماسك قريبة مني وضوه التلفون
مشتغل بريك و وهمس بخوت وخوف
وعيني على الكاسة مال أكل
_ هاي شنو ؟
_ اكلي .
_ لا لا ماريد .
_ ومنه أخذ رأيچ .
_ قابل أكل إجباري .
_ اي .
_ نعسانة .
_ حرارتچ عالية .
_ من انام وارتاح تروح .
_ لأن جوعانة جسمچ تعبان .
رفع الكاسة وقربها مني باوعت عليها
ورجعت رفعت راسي بعدم تصديق
تراث : صايرة ما تحبين موالح گلت أسوي
هاي الأكل أنتِ تحبها مال زعاطيط مثلچ
لأن أنت زعطوطة كل عقل ماكو براسچ .
خزرته ما تحملت ك لازم يقهرني بأسلوبه
استهميت اريد اطلع من المكان أريد اوگف
واطلع من المكان لرمني من إيدي ورجعني
مكاني غصب وإببده بث ضغطت على فكي
أنفاسه تلفح حتى بوجهي وبصوت التحذير ينبهني
_ من أني أگول تاكلين معناها تاكلين غصباً ما على رأسچ .
_ هوَ هذا هم اسلوب .
_ هذا الموجود .
_ ما اريد .
اخذ شوية من بالخشوگة
_ هذا بسكت مال ككو سادة وحليب
ككو بارد مثل ما تحبين تاكلين دوم بليل .
رفعت حاجبي مستغربة وما قدرت ما أسأله
_ يعني طلعت بهذا الوكت علمودي ؟
_ لا بس عوزت جگاير، وشفتهن گدامي
مشمورات وگلت خليني اشتري لهاي الزعطوطة .
رفعت اصبع بوجهي وصح
_ أنا مو زعطوطة وهذا الأكل مو مال
زعاطيط بالعكس ، بس هو شي خفيف
يعني أكل بالليل قابل شاربة حليب قواطي لو سليلاك .
_ هذا مو موضوعنا أكلي يله .
أخذتها منه اكلت أول خاشوگتين وبرطمت
بزعل الأكل وگف ببلعومي من تذكرت الموضوع
وما ترددت أشكي يمه مثل تعودت مرات
_ بأجر راح يجون خالاتك .
_ امممم .
_ شلون راح اخلص من لساناتهن ما ادري
هو جنت بلا مشاكل واذا اجونا اتسمم من كلامهن
هالمرة عدهن مواضيع دسمة يتونسن بيها .
ومثل كل مرة ما يجاوب يكتفي يستمع لو يهز
براسه ، وهالمره مكتفي بس يشرب جگاير
ومركز تركيز كامل كلمة انطق بيها .
رجعت آكل بلا نفس بس خلصت شال الكاسة
من ايدي خلاها على صفحة ورجع شال الشال على
راسي وبكل سيطرة لازم طرف إصبع وسحبني ردت
ارفض ردت اسحب إيدي خفت ، لأن مشيته واضح منها
عصبي ، تنفسي كله تخربط وأنا انطق
_ شسمه أريد انام بغرفة فاطمة .
_ ممنوع تنامين بغرفة غير غرفتچ .
اصعد وياه وألف الفكرة رسمتها براسي
معقولة راح يغتصبني لو يقترب مني
زين ليش يقترب مني هو أصلا يكرهني
وشمعنى بالذات بعد الفضيحة طلبني
أصير زوجته وقبل فضيحة هو أصلا ما چان
يشوفني زوجته شنو تغير شنو صار ياربي دخيلك
ياربي يكرهني ياربي يضوج مني ياربي خلصني
ادعي واصعد مثل المخبلة وزاد هذا الخوف
من قفل الباب علينا وبقينا وحدنا بس اني وياه .
وگفت بنص الغرفة ابچي واشهگ مثل المسودنه صرت
وما گدرت امداني ما تحكملت بالساني الفالت
وصحت بي اريد عود اصحي على زمانه
_ أنت ردتني وره هاي الفضيحة لأن
من شفت جسمي بالصور عبالك هذا
جسمي ترى هذا مو جسمي ، الجسم بالصورة
يختلف على جسمي الحقيقي والله لا عبالك أني
حلوة ، جسمي مو حلو يلعب النفس
وعندي تشوهات ومحروگة وصخه كلش وصخه .
نزع ملابسه وهو رافع حاجبة كلشي ما عاجبه
وتوجه على مكانه نفسه التخم رفع ايده على عيونه
واشر لي على الچرباية وهو يهددني
_ امشي نامي لا يصير عندي فضول
واكتشفها مكان التشوهات .
ركضت على السرير ونمت وغطيت راسي وجمدت
حتى النفس گوه اسحبه إلى نمت وما ادري بنفسي
الثانية يوم الصبح فزيت على صوت طلعته من الغرفة
وحس خالاته يدوي بكل مكان بالبيت يعلن وجودهن
وهنا خليت إيدي على گلبي لأن أعرف شنو منتظرني .
مُـرجانـة …
صوت دگ الباب مسموع وعيني على ساعة
ب1بليل وطل الأستاذ علينا بطوله اللي ما راح
اشوفه الأن الباب انقفل من الساعة ب11 ماعندي
هاي بـ 1والرجال برا البيت مدري وين ما وين .
دگ دگ تعب ودفره وهوَ يرسل رسالة
وصلني الشعار وتعمدت افتحها حتى
يعرفني گاعدة مو نايمة
” بسيطة اني اعلمچ يا مستهتره ”
طلعت من المحادثة ادور على لعباتي
ولا لعبة موجودة فرمتت جهازي من ورا
هذا الحقير بندر والمريضة ميمونة ام سحنه
نزلت العباد من جديد ماكو شي يونس
دخلت على تيك توك اتصفح وشفت فديو
على رواية دورت بالتعليقات عرفت اكو برنامج
اسمه واتباد رحت نزلته وبحثت على اسم الرواية
وگعدت اقرا بيها بارت وراه بارت وما حسيت غير
الشمس نورها انتشر بالغرفة وصوت العصافير
فوك راسي ، اريد اسد البرنامج انوب كملت بعين
صلفة وما نمت الا لمن ختمتها كلها الساعة ب7 الصبح .
ذبيت التلفون جوعانة واني اتخيل اول ابطال
قريت الهم روايتهم واحداثهم لزگت بعقلي
نزلت على درج واتخيلهم وابتسم على حبهم
فاز حبّهم بالأخير، وما اعرف ليش صاروا ميمونة
وبندر گدامي معقولة هم يجي يوم خطية ويفوز
حبهم رغم المشاكل اللي دا تصير وياهم والكل ضدهم
بس اووف الروايات تظل روايات ما اعتقد هذولي اللي
عدنا مخابيل مو بعقلهم مع الأسف .
مريت من الأستقبال بطريقي واشوف
لقطة خلتني اوگف ودموعي تنزل على خدي
شفت وارث نايم بالنص ، وبعد عنه بشوية
بيرغ على يساره ، وسهم على يمينى وهمام
نايم يم راسهم ، ركضت صعدت جبت تلفوني
وفتت گعدت ملِكه ونزلتها سحل وهيَّ خايفة
من شافت دموعي تجري لأن اعرف وارث
شگد يحبهم ويتمنى يحبونه اخوته .
صورتهم وملِكه مبتسمه تغم بيه وتهمس
_ ولچ اشش بس تسحبين اقسام لا يگعدون علينا .
طلعت ام وارث من الغرفة تضحك ضحكتها شگد
خلوة تجت وگفت يمي تباع عليهم
ام وارث : وارث من چان يشوف ولد خاله شلون
ينامون كلهم بمكان واحد دوم يجي يمي يگلي
يمه اني اخواني ليش يكرهوني ما يخلوني
ولا نلتم مثل ولد خالي ، صح هوَ هسة ما يعبر
بس اعرفه حتى مشاكلهم يحبها وخاف يعوفونه
هاي النومه عنده تساوي فلوس الدنيا كلها
روحه صايرة بهل اربعة اروحلهم فدوة .
درت التلفون وهمست
_ صورته حتى بعدين يشوفها وتظل ذكرى حلوة .
ام وارث : ان شاء الله هاي مو اخر مرة .
دخلت للمطبخ وملِكه ويايَّ هم يلة نجهز ريوگهم
وإني المسعد بعدني نوم لحد الآن ما نايمة
والله لو يدري بيه وارث اللي يعلگني بالبنكه
ويشغلها صدگ من گال مستهتره لأن لزمني
النعاس وأنا اطگ البيض .
گعدوا واحد ورا الثاني اولهم همام غسل
وطلع بالكراج وراح وراه سهم بس بيرغ
وتراث بقى گاعدين بالإستقبال منتظرين
الريوگ اقتربت من ملِكة وسألتها
_ بيرغ ليش نايم بالإستقبال ؟
_ أنت ليش وارث نايم بالإستقبال ؟
ام وارث : لأن نسوانهم مستهترات يمه .
شلت الصينية اني وملِه ودخلنا عليهم
اثنينهم مخنزرين علينا يريدون ياكلونه
اكل عبالك حاقدين ، شفت ملِكه خزرت
بيرغ اني هم صرت شاطرة وخزرته
عبالي مثل اخو يعديها ، بس هذا الشايب
راسه كله شيب من المشاكل ابو المشاكل
وين يعديها ، عاف الأكل بس طلعت من المكان
لزمني من طرف ثوبي وصعدني وهوَ يهمس
_ المستهتره تخوزرين فوكاها بعين صلفة ولچ
هم منومتني جوة وهم تخوزرين اليوم عيونچ افگسها .
انوب حتى ما اگدر البس شي مغري يخلي
ينسى الموضوع ، قابل هو عصبي واگله
اوكف عيني لحظة البس شي يغير اسلوبك
حتى يلزگني بالحايط ويصبغه بيه ، بس اني
صاحبة حق ما اخاف وگفت بنص الغرفة
وهوَ يطبگ بالباب تخوصرت وحچيت وياه بثقة
_ استعجل بالكلام لا يصيحوك .
التفتت بكل جسمه طگ رگبته وتقدم عليَّ
_ نزلي ايدچ ولچ لا تتخوصرين عليَّ .
_ حليت مشكلت بندر ، حليت مشكلة زهرة
خانم لو بعدك ترا البنية بعد بذمتك .
_ بذمة ضلولي كون .
_ عمي شيخ ضـلـيل ماكو منه طلگ نسوانه
الخاطر امي ، ولو صارت مشكلة يطرد البيت
كله حتى ترتاح امي ويشوفها ، ولو صارت عنده
مشكله يسويها بديوان البيت حتى ما يفارگها
ما شفت والله حب مثل حب عمي ضـلـيل .
قبض ايده على شكل بوكس ورفعها بعيد
شلت ايدي احتمي بيها مو بس مصدومة
عقلي صك ومن نزلها فتحت عيني على وسعها
وايدي نزلتها وكل دموعي تجمعت بعيني
_ تريد تضربني وارث ؟
_ تجبررريني مُـرجانـة لسانچ يجبرني .
نزلت دموعي واول ما تندم والندوم جبره
يقترب يريد يحضني دفعته من صدره وصحت
_ اطلع وارث اطلع انتَ ما طايق مني حرررف .
_ لأن تعبااااان مُـرجانـة .
ضحكت وبتعدت منه رحت على جهه
الثانية من السرير واصيح بصوت عالي
_ من شفتك وشفتني تعبااااان .
_ من شفتچ وشفتيني ما جذبت عليچ
ودائماً جنت اعيدها تعبان ، ومن اول
ما التقيت بيچ بلغتچ مُـرجانـة حياتي
كلها مشاكل ما خدعتچ ما رسمت الچ
حياة ورديه انتِ اختاريتي ما جبرتچ .
ضربت على صدري بكل قوتي وصرخت
_ بس اني مووو لعبة تتونس بيها عندك
النهار كله ما اشوفك وترجع ب1بليل وتطلع ب5
اني مرتك وارث مرتك من حقي اعيش طبيعي وياك
واشوووفك اريد اشوفك اسولف وياك ماكو انت ماكو .
فتح ايده ومثل حجه كل مرة يعيدها
_ مو بيدي المشاكل هي تجي عندي وتشغلني عنچ .
_ واني شنو ذنبي ؟
_ مُـرجانـة مل عقلچ انتِ مرتي هاي بدل
ما تسنديني وتوگفين ويايَّ وتحتويني من اجي عندچ .
ضربت مرايا الكنتور بقبضة ايدي بكل قوتي
ركض عليَّ يريد يشوفها حصرت نفسي
بالحايط اصرخ بي ما يقترب واصرخ بعتب
_ لا تگول لازم تسنديني لأن تعبت بگد ما اسندك
واعذرك واتحمل غطاتك يا تجي ساعتين وقت نومي
يا تخلصها مبيت بالأراضي واني اظل انتظر بيك
وارررث ، انتظر رجلي يرجع حتى اشوفه تعبت
مليت الى متى اتحمل الى متى لا تگول انتِ غلطانة
ماكووو غيرك غلطاااان هناااااا .
رفعت ايدي حتى يتأكد مابيها شي بيها جرح
صغير يجري دم بس ما يوجعني ابد قهري طاغي عليه
دفعته من صدره وصرخت بقهر لا يوصف
_ فوكاها تنتظرك مصيبة عظيمة راح يجبروك
على زهرة واني اظل صافنة اتأملكم شلون تسترها
لأن حضرتك يا استاذ غلطت وي .
قبل لا اكمل لزمني قوي من فكي وسعت عيني
رادت تنط من مكانها ولزمت ايده بسرعة نزلها
وبعز دموعي شهگت بالبچي وصحت بخوف
_ لا تمد ايدك وارث تخبلت .
_ باعي بعيني ولچ باعي بعيني .
_ لا تضرب وارث شبيك .
_ لچ ما اضرررب بس باعي بس لا مصدگه
كلام هل ***** مصيبة على راسي وراسچ
اذا صدگتيهممم والچ انا اسووويهاااا ؟
هزيت راسي ما ادري وهزيت راسي حيل
_ ما طايق حرف واحد مني وارث
انتِ حتى ما تريد تشوفني خلص مني
اشمرني على اهلي وخلصني وخلص مني .
گعدت اشهگ وهوَ جر القميص وراد يطلع صحت
_ قبل لا تاخذني دگيت صدرك وصحت گدام
الشيوخ ” اصغر عقلي واوصل لعقلها حتى افهمها ”
انتَ لا فاهمني ولا عاذرني ولا طايقني .
وثبت كلامي باحظة من طلع من الغرفة گعدت
بالگاع اشهگ شهگات تطلع من نص گلبي
واحس گلبي بعقلي يدگ من الفحطه النفس
ما اجره ، سحبت تلفوني اخابر على امي
ما تحاوبني ، اتصلت على عمي ضـلـيل
واني امسح بدموعي واخفي بشهگاتي
_ يا هلا بهل صباح الحلو ، هلا ببنيتي الحلوة
هلا بوية مُـرجانـة اليوم الشمس منين طلت علينا .
شهگت وهمست من بين شهگتي
_ عموووو اريد امي .
حسيته فز من مكانه وصاح
_ شبيچ بوية ياهو وياچ وارث ضاربچ
لو اهله ليش تشهگين بوية اسم الله عليچ .
_ تحلمت حلم مو حلو وردت امي عمو
وما تجاوبني بس صيحها حباب .
كملت وشهگت ودموعي ما توگف ابد
ضـلـيل : اجي اخذچ ؟
_ اي .
_ بس گولي منو ضربچ .
_ والله ما ضربوني والله بس اريد امي
اشتاقيت اشوفها والقران اريدها حباب .
_ اجيت انا عليچ ما راح ادز احد عليچ
انا بنفسي اجي اخذچ جهزي جنطتچ .
_ بس الله يخليك لا تسوي مشكلة
لا تتعارك وياهم والله همه خطية عدهم
مشاكل هواي وتعبانين منهن لا نزيدها .
سكت دقايق وجاوبني
_ لا تحي حسب الأصول اترخص من زلمتچ واخذچ بوية .
سديت الخط وگفت اريد اجر النفس ما اگدر
عيونه ونظراته شلون يباع عليَّ بكل عصبية
ولزمات ايده وضغطاته وطريقة كلامة كسر
خاطري والله ، اخذت جنطتي وخليتها على
چرباية فتحت الكنتور اخذ كم لبسه ويايَّ
وقريب ما اريد اخلص لم ملابسي دخل وارث
اندهش من منظر الجنطة يباع عليها ويرجع
ينظر بعيوني ويتقرب وبيده علاگة مرتبة
خلاها على جرباية من شمرها طلع منها عطر
عرفته اجه يراضيني ولأن احب العطور يقنعني بيهم
اول ما راد يلزمني صوت بيرغ صدح بالغرفة
_ وارث شيخ ضـلـيل بالباب تعال .
هو سمع وتسر من العصبية لزم الجنطة
هي وملابس ورگعها بالحايط وطشر الملابس
بكل مكان بالغرفة واحه تقدم باتجاهي خفت
لا يضربني حميت راسي بيدي وهوَ سحبها
_ ليش ولچ ؟ تريدين تموتيني انا عايززز ؟
_ اريد امي .
_ لچ وانااا يعني شلون ما تصير بيناتنا
مشكلة ليس تخابرررين ليشش تقهريني.
_ اليوم اني تعبانة مو بس انتَ .
سوالي طريق واشر على باب وصاح
_ امشي اطلعي خلصي مني .
عبرته والشهگه گطعت گلبي گطع
سبقني بخطواته وطلع قبلي واني
امشي وراه دخلنا على استقبال لگيت
عمي ضـلـيل متوسط المكان وبيرغ وهمام
گاعدين وياه وسهم يقدم الچاي أول ما شافني
وگف بعيون الغضب يخزر وارث ، بس جبر نفسه
مد ايده يتسالم وياه وبكل وديه واحترام ضحك من شاف
أم وارث دخلت بصف أزمة كتفي
ام وارث : وشلون أخوي أبو فارس اخباركم
أم فارس اشلونها وينها مختفية ؟
ضـلـيل : هلا بيچ خوية هلا ومرحبا
والله بخير دامكم بخير ، ام فارس ملتهيه
ويه فارس شالع گلبها والله وكح .
ام وترث : الله يحفظة ويحرسه الكم
تحمحم عمي وكمل كلامه وعيونه غضبانه على وارث
_ و الله اليوم أم فارس رايده بنيتها مُـرجانـة وحلفتني
من الصبح أروح أجيبها ، وگلت يمكن وارث مشغول
خليني أنا أروح أسترخص من زلمتها واخذها
وياي فد يوم يومين وإن شاء الله ارجعها بيدي .
وارث ظل ساكت مثل المعترض بس امه
سلكت الوضع وعمي ضـلـيل غلس وسألني
_ وين الجنطة مالتچ بوية مُـرجانـة .
شهگت غصب عني وجاوبته واني تكتم بصوتي
_ ما يحتاج ملابس .
هز راسه متحمل وراح يمشي للباب وارث وياه
تسالم هو وبيرغ وهمام وسهم وعاف وارث
بعد ما يتحمل يسلك الوضع ، فتح اليَّ الباب
مال السيارة صعدت وهوَ رفع راسه سلم وحرك .
طول الطريق أريد الزم واسيطر على دموعي
ما أگدرت خاصة بعد ما حرك السيارة ما أعرف
شنو صار بيه أريد انطق بكلمة ما أگدر بحيث
عمي ضـلـيل نزل مرتين من السيارة يغسل بوجهي
لحد ما وصلت للبيت أمي استقبلتني من الباب تمسح
بدموعي وتحضني تريدني أحچي ما گدرتوخفت
من ردت فعل عمي، امي عافت الكل وأخذتني
صعدتني فوك للغرفة وسدت الباب علينا گعدت
بس أنا وياها وحدنا
_ شنو بيچ يا بعد نظرات عين امچ منو وياچ .
حچيت الها گلشي ما تحملت وگفت ويايَّ
بس تبرر الوارث ما تنطي بي ودوم تكررها
_ المشاكل مو احنا نختارها هيَّ تجي
وهوَ ما يريدها مجبور عليها الله يساعده.
مسحت دموعي ونومتني على رجلها تمسح
على راسي وتحتويني بحنانها تسايرني
_ افتهم عليچ يمه تحبي وتريد دائماً يمچ
بس الدنيا تلهي والوگت يركض يا يمه
لازم احنا وياها وياها ماكو حياة كاملة
اني انفهر على وارث والله يا امي لأن اعرف
المشاكل شلون تاكل الحيل والله وتعب .
عدلت شعري وباستني من خدي
_ هسة اريدچ تنامين وترتاحين اكمل الغده
وارتاحي هل يومين بين ما اشوف حل عوفيها عليَّ .
هزيت راسي مستسلمه ونمت بحضنها بكل امان
شگد اشتاقيت الها والعطرها طگ گلبي عليها
حنيتها تمسح على گلبي وعلى احزانه ، عسى
ربي ما يحرمني منها ابدد روحي فداها .
نمت وبس عبرت الساعة 1الظهر گعدت وننوس
شفتها لازمه دشداشة ، ونقش تگعد بيه جرتني
من فراشي تبوس بيه وتحصني تصيح
_ عزا شگد مشتاقين نشوفچ والله البيت محلو بلاچ .
ننوس : انچبي خايسة بيت محلو بدوني اني .
نقش : انجبي انتِ وانطيني بالله هاي الدشداشة
وامشي اطلعي برا يلة ولي انتِ ولسانچ .
شمرر علينا الدشداشة وعصرت دموعها ونزلت تبچي
ضـلـيل : ها يول ياهو وياچ شببچن اليوم تتباچن .
غـاليـة : هههههه احنا نبچي سوية ونضحك سوية .
ضـلـيل : انعل ولدي اللي يبچي عيونچن .
ننوس : شيخهم تاج راسهم تقبل نقش
تضربني وتطردني من الغرفة تگول اني
مو حلو اسوي البيت .
ضـلـيل : بوية امچ تالت بعد من شيخهم
انوِ شبيچ لزكتي بيها ما تغيررريها
ضربت نقش على خدها وراحت للباب تصيح
_ بوية جذابة والقران .
ضـلـيل : هي مو گالت شيخهم ما ارتاحيت الها .
ننوس : تگول مُـرجانـة تسوي البيت حلو اني لا .
ضـلـيل : تعالي اشتري الچ وما اشتري لنقش .
نزلت على درج تلزم بالمحجر وتصيح
_ اي هبيبي لا تشتري هاي نقش الخايسة .
اخذها حتى يخلص البيت من السانها
واخذتني نقش اغسل واگفه يمي تسولف
نقش : وعزيزة اخذت امها وراحت على بيت
خالها لأن مريض وسافر وبقت مرته وحدها
وبيت مقتدر زوجته ما تجي بس هوَ يم عمي .
باوعت عليها اشوف رد فعلها من سؤالي
_ وشاهين ؟
_ احمم باقي كم شهر ويطلع .
حچتها وابتسمت خجلانة .
رجعت على غرفة بدلت ولميت شعري ونزلنا
أنا ونقش دخلنا على المطبخ لگيت أمي تسوي
سمچ ومسوية تمن احمر وريحة الأكل ترد الروح
مديت السفره وعمي ضـلـيل رجع هو يبتسم
بوجهي وأنا أخجل أضحك وأفلت منه .
گعدنا كلنا على سفرة واحدة والضحكة
واخيراً بهذا البيت شفتها واخيراً البيت مستقرة
بعد تعب وضغوطات، وان شاء الله يوم البيت ساجر
ونرتاح من مشاكلهم .
بعد ما كملنا الأكل وصبينا چاي جابت نقش الدونمة
وكلنا تربعنا بالگاع أني من فريق أمي ، وضليل ونقش
فريق واحد .
لعبنا وأول مرة افوز وأمي ضحكتها عالية تشمتت بعمي
ضليل ما تتشمت بنقش ، ثاني مرة گدر عمي ضـلـيل
يفوز ،والثالث مرة أمي فازت وعمي ضـلـيل يتوعد لها
وهي خربانة ضحكني صوت ضحكتها يحسسني
فراشات بگلبي ويزيد فرحتها من أشوف عمي
ضـلـيل شلون يباع على ضحكتها ويفرح بفرحتها .
العصر طلع وما رجع غير المغرب بقينا وحدنا
حتى ناخذ راحتنا وعلى العشه رجعنا اجتمعنا
ورغم هو ما يحب يشوف افلام بس گعد يباع ويانا
وأمي بصفه ما بطلوا اثنينهم ضحك وسوالف
أتأخر الوقت صعدت أنا ونقش فوك نسهر
والحلويات داير ما دايرنا، أقلل ساعة واجت أمي
نامت هالليلة ويانا وسهرنا للصبح ضحك وسوالف
أحلى أوقات خلصتها وياهن شگد جنت مفتقدة
هل لمة الحلوة والأجواء العائلية .
الثاني يوم من الصبح گعدتني امي
واخذتني للسوك كلشي احتاجه اشتريته
ورجعت قبل العشرة تريگت ورتبت اغراضي
وساعدتهم بالأكل والتنظيف ، وبس صارت ب9
اخذتني من ايدي صعدتني فوك وطلعت فستان
غـاليـة : يلة عيني امشي بدلي ولبسي هذا فستانچ .
_ ليش البس فستان وين اروح ؟
_ اسبحي وكملي وتعالي افهمچ .
سويت مثل ما گالت سبحت ورتبت نفسي ونزلت
وما اعرف شنو براس امي ابد .
اخذت تلفوني من ايدها وگعدت بصفها على كرسي
بالمطبخ هي تحچي واني استمع ومتردده
بس ما كسرت كلامها وافقت واتصلت على سَــهم
_ هلو سَــهم شلونك ؟
_ هلا بالنحلة الطنانة ولو زعلان منچ .
_ يا ليش .
_ رحتي اطنين طن بالشهگات وهذا صار يومين
متخبل علينا الله وكيلچ حتى كتل لزمني وكتلني .
_ يا .
_ والله .
تحمحمت وكملت وامي تأشر استعجل
_ سَــهم وارث وين ؟
_ بالأراضي .
_ يبات بيها لو يرجع للبيت ؟
_ يبات لأن اليوم چان تسليم وعنده جرد
لازم يخلصه حتى يبلش بالوجبة الجديدة.
_ يعني يبات بالشغل ؟
_ اي .
اشرت على تلفون ردت اسد الخط سويت كتم
_ ها سمعتي يمه سمعتي .
_ روحي على اراضي .
_ شنوو ؟
_ روحي على اراضي يا غبية .
فتحت الكتم قبل لا افكر وهوَ يصيح الو
_ سَــهم تگدر تجي تاخذني على اراضي
بس لا تگول الوارث لأن شسمه متزاعلين .
_ اخاف يصير عصبي وما يقبل وهوَ منا صاير نار .
_ اني اتحمل المسؤولية وصلني بس يم الباب وروح
حتى ما اگول سَــهم جابني الله يخليك
ان شاء الله تتزوج وحده حلوة .
ضحك وجاوبني من بين ضحكته
_ ب11يمچ من تفرغ الأراضي كلش .
سديت الخط وبين ما گعدت اعدل ملابسي
واغراضي وتمي راحت حچت هي وعمي
ضـلـيل وقنعته اروح اجه سَــهم سلمت عليهم
وگلبي يدگ سريع فد متردده بس امي ورطتني
بس لا يفشلني ويعيط بيه اطم روحي والله .
وصلنا على اراضي نزلني واشر على غرفة
اللي چان يحبسني بيها اول ما دخلت هل اراضي
وطلع من الأراضي بقت فارغة ركضت من الخوف
وصلت للغرفة فتحتها ومديت جسمي شفت
وارث گاعد على چرباية ومقابيله اوراق هواي
بس شافني نهض من مكانه ما مصدگ واجه
عليَّ لمني بين حضنه يبوس بيه بكل مكان بوجهي
وارث : نحلتي طماطيتي .
_ اسفة وارث .
_ وبدر الهواشم اني اسف واعتذر وغلطان .
سحبني دخلني للغرفة وقفل بابها رفعني بين حضنه
يمشي بيه بكل مكان فرحان بيه يبوس بفكي
_ ردت روحي والله مُـرجانـة برجعتچ
كل مشاكل الدنيا بكفه وانتِ بكفه .
گعد على چرباية وگعدني مقابيله ولمني
بحصنه على صدره نومني وهوَ مستند
على ظهر السرير ، يتلمس بملامحي
_ راحتي انتِ ، من اجي بوكت الليل اختار ارتاح
يمچ بس بغرفتچ افصل على مشاكل العالم واضحك
يمچ افرح يمچ اعيش خياتي بيّن ايدچ هذا مو معناها
معتبرچ لعبة لا ولچ لا انتِ راحتي كلها .
رفعت راسي بزعل ورجعت دموعي تنزل
يمسح بيهن ويفتح بشالي يبوس برگبتي
ورجع يركز بكل كلمة انطق بيها
مُـرجانـة : بس اني لأن احبك افتقدك .
_ جعل محد يحبني غيرچ مرجانتي
اعرف والله اعرف ، ولچ انا مو بس احبچ
واحس بيچ انتِ اجمل واحلى شي صار بحياتي
وعلي من رحتي تخبلت لا شغل اعرف اشتغل
ولا نوم اگدر انام سلت هم شلون اخذچ من ضـلـيل
شلون اردچ بحضني واعوضچ على كلشي صار والله .
اخذني بحضنه يحضني والأوراق كلها اطشرت
وارث : ما راح اسوي وياچ حلقات متزوجين
حتى ما تگولين لعبة وتسليه وكت فراغك
اني بس اريدچ يمي لا تعوفيني الخاطري .
بسر خده ونزلت بست شفته وهمست
_ اريدك تعوضني .
_ تم والله تم يجرالچ التعويض من باجر .
نمت بين ايده من بعد ايام فراگ والأبتسامة ما فارگتني .
الثاني يوم گعدت لگيته يبدل وصوت المصنع
والعمال عالي كلش تذكرت اول ايام اليه هنا
وارث : راح ارجع احبسچ هنا العمال كلهم وصلوا
زحمة تطلعين گدامهم يظنون بيه سوء هههههه .
غطيت وجهي وعطت بي
_ شگد سخيف عقلك .
_ ههههههه الظهر اشوفچ بعد ساعتين يعني
هسة اسمحيلي يا ست مُـرجانـة بس اكمل كم شغله .
_ مسموح الك استاذ وارث روح .
طلع واني بقيت افتر بالغرفة اتذكر الأيام هنا
وفتحت البردة شفته من بعيد يأسر للعمام
وهمَّ يطلعون بالگواني المليانه والكراتين
يرتبوهن بالسيارات الچبيرة ، لمحني من بعيد
ضحك واجه فات على مكتب مالته رفع گلاص
الچاي مثل ما چان يسوي ويقهرني ويختفي
اخذت ورقة من الگاع ومن دخل اخذت القلم
من القميص مالته وكتبت بالورقة
_ احبك يا منبوذ يا زير النساء .
طبگني على حايط يضحك ويبوس بخدي قوي
وظل گاعد يمي يشرف على عمال من الشباك
من فاتوا يتغدون اخذني من ايدي وطلعني برا
الأراضي كلها ، وبنص الطريق وگفني گدام محل
كامل بس عطور بكل الأنواع والأشكال والماركات
اول ما دخلت احتاريت شنو اختار
اختاريت اثنين وهوّ اقترب همس
_ اي عطر تريدي اخذي شگد ما تريدين .
هوِ حچاها وصار عندي واهس
اخذت اربعة والخامس بعد ما حاسبنا عجبني
ورجعنا للبيت اول ما وصلنا للباب خابر همام
_ اكلك وارث عطلت سيارتي بالطريق وميمونة
وامي ويايَّ تعال بسرعة ما اگدر اعوفهم يرجعن
بتكسي وحدهن بهل ظهريه .
وارث : ولكم عوفوني ولكم الحرمة راح اطلگني .
همام : هههههه اخر مرة بس تعال .
ضحكت ونزلت لگيت بس ام وارث بالبيت تصلي
بويتها وسألتها على ملِكه گالت
_ عدها مراجعة عند الدكتور اليوم اخذها بيرغ .
خليتها تكمل صلاتها وصعدت فوك ذبيت الفستان
ولبست شلاحه جديدة امي اشترتها وتعطرت
بعطوري الجديدة رتبت وجهي بالمكياج ونمت
على چرباية اتصفح بتلفوني وتحمست
اشوف رد فعل وارث بعد ما يشوفني
اشتاقيت اشوف نظراته وفرحته
بيه بكل مرة البس شي جديد .
ذبيت تلفوني وعضيت شفايفي بخجل والضحكة
من الأذن للأذن وصلت ، بس ما لحگت اتهنى وافرح
وغابت ضحكتي من انفتح البات وماتت فرحتي
وانتهيت حسيت بروحي تطلع مني اول ما شفت
شهاب دخل على غرفتي والمسدس بيده .
يتبع ..
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.