رواية وسط الزحمة حكايات الفصل السابع 7 – بقلم Memo
البارت السابع 🦋✨
رواية وســـــــط الزحمــــــــة………حكايـــــــات ✨
بقلم ✨🦋𝓜𝓮𝓶𝓸 🦋✨
_________________________
بتضرب فيروز ايدها في ايد نور ولا اللي عملوو انجاز كبير جدا وهياخدو عليه جايزة
اسر بجدية: فيرووز ورايا علي المكتب
فيروز بتوتر: ح حاضر جاية وراك اهو
ادم: وانتي يا انسه نور حصليني علي مكتبي
نور: ح حاضر تمام
بتوشوش فيروز نور: يا نهار ابيض اي اللي حصل
نور بتوشوشها: انا اعرف اي اللي حصل دلوقتي انا اللي فاكراه عن نفسي اني جيت احوش بينكو وبعدها محستش بنفسي
فيروز: يا نهار دا النهاردة اول يوم هو اي الحظ النحس دا
نور: بت يا روز احنا هنتطرد صح
فيروز: اكيد يا قلبي دا احنا هنتطرد طرد
نور: لا لا انا مش عايزة اطرد البرستيح بتاعي هيقع في الارض
فيروز: هيقع في الارض اي بس دا هيتمسح بيه بلاط الشركه
نور: بت يا روز انا عندي فكره بما ان احنا كدا كدا معدناش شغالين في الشركه دي
فيروز: اي
نور: مش احنا كدا كدا خلاص
فيروز: اه
نور: ليه ما منقدمش احنا استقالتنا بدل ما البرستيج بتاعنا يتمرمط في الارض
فيروز: اوك ماشي اهو بدل ما نتطرد نخرج بالذوق احسن
نور: طيب يلا كل واحدة تكتب استقالتها وتقدمها بسرعه قبل ما يسبقونا ويطردونا.
فيروز: تمام
دا كلو وهما واقفين يتوشوشوا سوا
كتبت كل واحدة استقالتها ودخلت مكتب المدير
خبطت فيروز ع المكتب
اسر: ادخل
دخلت فيروز وقعدت علي الكرسي
اسر: ممكن افهم اي اللي حصل دلوقتي
مردتش عليه بس عطيتله الورقه اللي كانت في ايديها
اسر: اي دي
قرأ اسر الورقه وبعدها ضحك
فيروز باستغراب: اي بتضحك علي اي هي فيها حاجه تضحك
اسر : لا ولا حاجه مبضحكش علي حاجه بس اي دا
فيروز: مش بتعرف تقرأ ولا اي
اسر بضيق: اي دا
فيروز: دي ورقة استقاله
اسر: وليه
فيروز: اا لا ولا حاجه عايزة استقيل
قطع اسر الورقة
اسر: يلا اتفضلي
فيروز: اي اللي حصل دا بتقطعها لي بقولك عايزة استقيل
اسر: بصي يا انسه فيروز دا اول يوم ليكي في الشغل وحضرتك موقعة علي عقد والعقد دا كان فيه شرط انك لازم علي الاقل تشتغلي 3 شهور وبعديها ينفع تبقي تستقيلي ولو استقلتي قبل 3 شهور فلازم تدفعي غرامة
فيروز: غرامة غرامة اي بس احنا متفقناش علي حاجه زي كدا
اسر : انتي اللي مقرأتيش الشروط اعملك اي يعني
فيروز: يعني اي
اسر: يعني اتفضلي علي مكتبك
فيروز لسه راحه تقوم
اسر: استني
قعدت فيروز تاني
فيروز بتوتر: نعم
اسر : ممكن افهم بقي اي اللي حصل بره ده
فيروز (بتوتر): م. مفيش هي اللي استفزتني وشتمتني اعملها اي يعني اسكتلها
اسر: لا لا ازاي
فيروز: شفت بقا
اسر: طب وينفع اللي حصل دا مش واخدة بالك ان دي شركه مش في الشارع
فيروز: ما هي اللي ضربتني الاول اسيبها تضربني يعني ولا اسيبها تضربني
آسر: تمام اتفضلي انتي دلوقتي علي مكتبك وياريت اللي حصل دا ميتكررش تاني
خرجت فيروز من المكتب ومن جواها فرحانه انها منطردتشي ولا الاستقاله اتقبلت
_________________________
لا إله إلا الله، والله أكبر، وسبحان الله، والحمد لله، ولا حول ولا قوة إلا بالله.
…………………….
نروح بقا عند نور ربنا سترها مع فيروز اما نشوف نور 🤭🤭🫣
خبطت نور المكتب
ادم: ادخل
دخلت نور المكتب وقعدت علي الكرسي
ادم: بقا انا اقولك يا بنتي روحي هدي تروحي متخانقه انتي كمان وشداها من شعرها وكمان تضربيها
نور: ما هي اللي ضربتني بالقلم الاول اسكتلها يعني ولا اي
ادم: لا لا مينفعش ازاي
نور: شفت
ادم: بس اي كنتي جامدة
نور وشها قلب فراوله واتحرجت جدا
ادم: اي دا شجرة الفراولة طلعت تاني
اتحرجت نور اكتر: ع علي فك فكرة اان ت
ادم: خلاص خلاص انا اي خلاص اقولك علي حاجه
نور: ا اي
ادم: قومي قومي علي مكتبك يلا وانتي شبه الفرولايه كدا قومي بدل ما اتهور
قامت نور بسرعه وخرجت من المكتب علي طول
نور: انسان قليل الادب وسافل اي دا…….. ثواني الاستقاله انا نسيتها خالص يلا احسن اهو مترفدتش الحمد لله.
واخيرا خلص اليوم واتقابلت كل واحدة وكانو في طريقهم عشان يروحوا وحكت كل واحدة للتانية اي اللي حصل معاها
فيروز بضحك: هههههههههه يالهوي يا بت يا نور دا كله حصل في اول يوم اومال كمان يومين هيحصل اي
نور بضحك: ههه مش عارفه اقول اي والله بس معجزة اننا منطردناش بعد اللي حصل
فيروز بتنهد: ايوه الحمد لله الحمد لله بس بقولك يا بت يا نور
نور: نعم قولي
فيروز: من امتا بتحبي الخناقات والضرب اصل يعني جيتي علي طول تضربي معايا وتتخانقي ولا همك حد
نور: ومين قالك اني كنت جايه اتخانق ولا اضرب اصلا
فيروز: اومال اي
نور: انا كنت جايه اهدي اصلا يا عمري وافك بينكم معرفش لقيتني مره واحدة جوا العركه وبضرب وبتضرب محسيتش بنفسي اصلا
فيروز: اصلا
نور بضحك: اصلا
ضحكت فيروز بصوت عالي
نور: خلاص يا ماما خلاص هتفضحينا احنا في الشارع
فيروز بتكتم ضحكتها: خلاص خلاص سكت اهو
نور: طب يلا سلاموز بقا انا همشي اشوفك بكره
فيروز: تمام يا قلبي سلام
بتروح كل واحدة علي بيتها
اول ما فيروز بتدخل
فيروز: ماماااااا يا مامااا هاااتيلي آككلل انا جوعااانه جوعانة جوعانه يا حاجه انا جعانه هاتيلي اكل
صفاء: يلا يا بنت المفجوعه في حاجه اسمها سلام عليكم مش هاتيلي اكل
فيروز: ماشي يا حاجه سلام عليكم كدا حلو هاتيلي اكل بقا
صفاء: ماشي ياختي هدخل اجهز العشا اهو
اتعشوا وقعدو واتسلو والمهم كل واحدة راحت تنام
فيروز فضلت تلعب في موبايلها شويه وبعدها نامت
__________________________________
سبحان الله وبحمده، سبحان الله العظيم..
………………
تاني يوم كان اجازة لانه يوم جمعه
بتصحي فيروز علي الشبشب بتاع أمها 🙂
فيروز: ااااااااااااااه اي يا حاجه حد يصحي حد كدا
رهف: ما انتي اللي نومك تقيل نعملك ايه يعني
فيروز: بس يا بت غوري من وشي
صفاء؛ وانتي ياختي قومي معدش حاجه علي صلاة الجمعه
فيروز: حاضر قايمة
بتقوم فيروز من النوم واخيرا
علي الغداء
صفاء: اخبار الشغل اي يا روز
فيروز: تمام يا ماما كله ماشي زي الفل
صفاء: طيب كويس
فيروز في نفسها: زي الفل زي الفل يعني ههه يلا ربنا يستر ف الايام الجايه 🤭
________________________________
نروح بقا عند اسر ف الڤيلا
كانوا قاعدين كلهم علي الغدا
اروي: يوسف هيوصل امتي
اسر: يعني نص ساعه كدا
اروي: تمام يوصل بالسلامة
ندي: ابيه اسر ممكن انا والبنات نروح نعمل شوبينج ونيجي
اسر: لأ
ندي: بالله عليك يا أبيه
حياة: ايوا يا ابيه سيبنا نروح
اروي: خلاص يا اسر سيب البنات يروحو
اسر: خلاص حد يروح معاهم
ادم: شوف حد غيري لأن انا بصراحه مش فاضي ورايا شغل كتير
بص اسر علي لؤي
لؤي: بقولك اي هما بيدخلوا هناك يقعدوا بالساعات معرفش بيعملوا اي انا مش فاضيلهم
اسر: لؤي انت اللي هتروح معاهم
لؤي: بس….
اسر(بمقاطعه لكلامه): يا إما تروح معاهم او تروح الشركه تشوف الشغل اللي باقي
لؤي: خلاص يا عم هروح معاهم
ندي: طيب احنا هنروح نلبس
لؤي: متتأخروش عشان انا مش فاضيلكم
…………. …… ……….
( ندي تبقي اخت اسر وادم بنت جميلة عينيها بنيه
اروي مرات معتز عم اسر وادم وندي
حياة تبقي اخت يوسف بنت اروي و معتز
يوسف ابن عم اسر
لؤي ابن ياسر عم اسر وادم وليه اخت اسمها حور)
…………………….
اللهم صلِّ وسلم على سيدنا محمد.
……………..
نكمل
البنات بتخلص لبس واخيرا بعد مرور ييجي ساعه
لؤي: اي ساعه علي ما تخلصوا
حور: اي يا ابيه كنا بنلبس
لؤي: طب يلا يا لمضه
بتركب البنات في عربية لؤي
بيوصلو وبتنزل البنات
لؤي: نص ساعه وتكونوا هنا
حياة: نص ساعه مين يا عم انت
ندي: دا احنا نكون لسه مجبناش حاجه اصلا
لؤي: هي كلمة واحدة نص ساعه
حور: بنقولك مش هنكون لسه جبنا حاجه
لؤي: هقوم ماشي وسايبكم.
ندي: يوووه بقا
حياة: دا انت رخم اوي علي فكرة
دخلو عشان يعملوا شوبينج
__________________
عند فيروز
فيروز: ماما انا ورهف هنروح نتسوق شويه ونيجي مش هنتأخر
صفاء: تمام ماشي
فيروز: يلا يا رهف
رهف: تمام انا جيت
نزلو وراحو يعملو شوبينج هما كمان
فيروز: الو اي يا نوري بقولك اي ما تيجي تعملي شوبينج معانا
فيروز وهي بتكلم نور خبطت في بنت
_ اه انتي غبيه يا بت انتي
فيروز: معلش اسفه مخدتش بال… اي دا أنثي البطريق عامله اي؟.
________________________________
استوب كفاية لحد هنا 🌹🌹
نكمل أحداثنا البارت اللي جاي
يلا سلاووو نبدأ بقي البارت الجاي بأنثي البطريق 🤭
يلا سلامووووووووووووووووووووز 😘🌹❤❤
كانت معاكو ๓є๓๏ 🦋😘
• تابع الفصل التالى ” رواية وسط الزحمة حكايات ” اضغط على اسم الرواية