رواية وسط الزحمة حكايات الفصل الرابع 4 – بقلم Memo
بسم الله الرحمن الرحيم
رواية وســـــــط الزحمــــــــة………حكايـــــــات ✨
البارت الرابع ✨
بقلمي 🦋 𝕄𝕖𝕞𝕠
______________________________________
بتحط فيروز ايديها علي عينيها
والحمد لله بتقف العربية علي اخر لحظة
و بينزل بعصبية
_ مش تخلي بالك و انتي معدية يا بت انتي كنت هعمل حادثه بسبب واحدة مستهترة زيك.
فيروز: انت عبيط يا عم انت انت مش واخد بال…….
مكملتش فيروز كلامها من الصدمة
_ هو انتي تاني هو انا موعود بيكي ولا اي .
فيروز : م مستر آسر.
آسر: بعد كدا ابقي خدي بالك يا آنسه فيروز لأن بجد المرة الجايه لو لقيتك قدامي هدوسك بجد
فيروز بصدمه وانفعال : تدوس مين يا روح امك 😡
بتحط فيروز ايديها علي بقها بسرعه.
آسر: بت انتي انتي عارفه لولا انك بنت كان زماني عرفتك ازاي تتكلمي مع اسر الجارحي بالطريقه دي وعرفتك مقامك.
فيروز: عارفه اني مقامي عالي.
اسر: انتي جايبه طولة اللسان دي منين.
فيروز : جايباها من عند عمو بتاع السوبر ماركت تحب اوريلك مكانو عشان تروح تجيبلك شوية.
اسر: بقولك اي انا مش فاضي لشغل العيال دا.
فيروز: عيال انا عيله يا ابو طويله ان…..
لسه مكملتش فيروز كلامها كان اسر سابها ومشي.
فيروز بتضرب رجليها في الارض بغيظ زي الاطفال: ااه مستفز اوووييي واحد غبي.
شكلي كدا هروح ادورلي علي شغل في شركة تانيه لان بعد اللي حصل دا اظن مش هينفع اروح الشركة دي تاني.
روحت فيروز لبيتها.
فيروز: السلام عليكم.
صفاء: وعليكم السلام يا حبيبتي اي اللي اخرك كدا.
فيروز: مفيش يا ماما عادي كنت ف السوبر ماركت.
صفاء: ماشي يا حبيبتي.
رهف: اي يا روز اللي اخرك كدا الفيلم هيبدأ دلوقتي.
فيروز: اديني جيت اهو امسكي الحاجه دي.
رهف: هاتي.
الفيلم اشتغل والجو كان مليئ بالسعادة والفرح والضحك وجو اسري جميل.
بعد ما خلص الفيلم وراحت كل واحدة اوضتها عشان تنام.
رنت فيروز علي نور وحكتلها اللي حصل وقالتلها ان هي معدتش رايحه الشركه لان اكيد بعد اللي حصل دا المدير هيطردها فالاحسن انها متروحش وتدور علي شغل تاني.
_________________________________
الله أكبر كبيرا، والحمد لله كثيرا، وسبحان الله بكرةً وأصيلًا.
……………………
في بداية يوم جديد.
صفاء : روز روز انتي يا بت يلا قومي.
فيروز بنعاس: نعم يا ماما عايزه اي.
صفاء: هو ايه اللي عايزه اي متقومي يا بت عشان تروحي الشغل.
فيروز: مفيش شغل يا ماما النهاردة انا واخدة اجازه
صفاء: اجازة اي يا بت انتي اللي انتي واخداها هو انتي لسه اشتغلتي عشان تاخدي اجازة
فيروز بنعاس: ايوه يا ماما سيبيني بقا
صفاء : شكلك مش هتقومي بالذوق هاتيلي يا رهف إزازة الماية اللي هناك دهي
قامت فيروز بسرعه
فيروز : اهو قمت اهو
رهف(بضحك): ايوه كدا قومي بالذوق احسن
فيروز: بس يا بت.
صفاء : قوليلي بقا يا فيروز مش عايزة تروحي الشغل ليه دا المفروض يعني تكوني متحمسه ونشيطه عشان دا اول يوم
فيروز: بصي يا حاجه صفاء انا هحكيلك
صفاء: ايوه ياختي قولي عملتي مصيبة اي
فيروز: بصي يا ستي انا هحكيلك من الاول خالص
حكت فيروز لمامتها من اول ما اتقابلت باسر لحد ما رجعت اتقابلت فيه تاني بالليل وهي راجعه من السوبر ماركت
صفاء: امتي بقا يا فيروز يا بنتي تكبري شويه و تبطلي طولة لسانك دي وتاخدي بالك من نفسك انتي معدتيش صغيرة يعني افرض يعني يا بنتي كان خبطك كنا هنعمل اي ساعتها ها كنا هنعمل اي؟
فيروز: علي فكرة بقا يا ماما انا مغلطش في حاجه هو اللي بيسوق زي الجموسه.
صفاء: اما اقوم لحسن انتي هتجلطيني.
فيروز: بعيد الشر عنك يا حاجه.
وكل دا ورهف عماله تضحك وخلاص
فيروز: انتي بتضحكي علي اي يا ماما
رهف: بضحك عليكي
مسكت فيروز المخدة اللي جنبها وحدفتها علي رهف
رهف(وهي بتغيظ فيها): مجتش فيا مجتش فيا
فيروز بضيق منها : غوري يا بت عن شكلك
وحدفت فيها المخدة التانية
رهف(بضحك): مجتش فيا برضو
راحت رهف علي اوضتها وفيروز راحت تكمل نومها
عدي شوية وقت
موبايل فيروز كان بيرن
فيروز: يوووه بقا هو انتو مش ناوين تسيبوني انام بسلام بقا
فيروز : الو
: …………………..
فيروز: وعليكم السلام مين حضرتك
: ……………………
فيروز: اي دا حضرتك بتتكلمي بجد
: …………………..
فيروز: طب انا جاية حالا مش هتاخر
: ………………
فيروز: اوك باي
_______________________________
استوووووب لحد هنا التكمله ف البارت اللي جاي 🤭
يا تري فيروز كانت بتكلم مين ورايحة فين هنعرف دا ان شاء الله في البارت اللي جاي 🙃🙃❤❤
يلا سلاموووووووز 👏🏻👏🏻😘💐🌺🌺🌺
كانت معاكم 🦋๓є๓๏
• تابع الفصل التالى ” رواية وسط الزحمة حكايات ” اضغط على اسم الرواية